Innehållsförteckning för Winter 2019 från Weg! Platteland

Ons is mos geneig om vir onsself ’n groef in die lewe uit te grawe namate ons dag ná dag dieselfde ding doen. Die groef word later ’n sloot, dan ’n loopgraaf… en as jy weer rondom jou kyk, is jy in ’n stikdonker canyon. Jy kan vorentoe kyk – dalk agtertoe – maar van die driedimensionele wêreld buite ervaar jy nie veel nie. Dis hoekom reis goed is vir jou. Jy skep asem. Jy kry perspektief. Soos toe ek onlangs twee salige dae in die Krokodilpoort-natuurreservaat naby Mbombela gekamp het. ’n Mens vlieg van die Kruger-Mpumalangainternasionale lughawe (KMIL) af terug na Kaapstad. Ek het opnuut besef KMIL is my gunsteling-lughawe in die wêreld. Hy spog met die grootste rietdak van enige lughawe in die wêreld (7 350 m2), maar…

HASIESVLEI, KAROO ‘n Dekade gelede het Jette Vye aandete in haar huis in Kaapstad berei. Terwyl sy die aartappels skil, sien sy ’n advertensie in die koerant waarop sy werk. Dit het gelei tot haar en haar man, Geoff (80), se trek na Vleiland, ’n gehuggie in die Karoo tussen Laingsburg en Seweweekspoort. Die afgelope drie jaar besit Jette en ’n jong familielid, Cindy, wat voorheen bekend was as die Vleiland Kontantwinkel; dis net oorkant hulle huis. Moenie ’n ghrênd padstal verwag nie. Hasiesvlei dien die boeregemeenskap. Op die lang, netjiese rakke is van meel, suiker, kerse en waspoeier tot roomys, koeldrank en boontjies. Natuurlik is hier ingelegde lekkernye en konfyte uit die kontrei, en van Hasiesvlei se eie pekkanneute, amandels en olyfolie. Die Vyes het by die 1 100…

Nils Holgersson se wonderbaarlike reis deur Selma Lagerlöf H.A.U.M.-J.H. de Bussy 1950 Heruitgegee deur Protea (2010), R239 by takealot.com Daar was eendag ’n seun van omtrent veertien jaar oud. Sy naam was Nils en hy was lank en maer met blonde hare. Nils was eintlik ’n deugniet wat die meeste van slaap en eet gehou het en dit geniet het om kattekwaad aan te vang. Dit was ’n Sondagmôre en Nils se ouers was aan die klaarmaak om kerk toe te gaan. Hy het sonder ’n baadjie aan op die rand van die tafel gesit en dink hoe lekker dit is dat sy pa en sy ma albei weggaan en dat hy vir ’n paar uur lank sy eie baas kan wees. “Nou kan ek Pa se geweer neem en…

LESER VERTEL PIET EN KAREN BOSHOFF Tuisdorp Porterville Beroep Afgetredenes Hoeveel mense ken jy wat al in die Soedan was, en dit op vakansie? Ná 88 dae op die pad verlaat die Boshoffs Ethiopië. Ons sluit by hulle aan op die grens van dié ongewone bestemming. DAG 89 Op 19 September 2017 ry ons die Soedan van Ethiopië af binne. Die plante raak ál minder, en kort voor lank lyk dit soos die Kalahari rondom ons, kompleet met doringbome. Maar die hitte is iets vreesliks. Temperature bo 50 °C is nie ongewoon nie. Water smaak soos moedersmelk. Die Soedan is ’n ander wêreld in vergelyking met Ethiopië. Die paaie is netjies. Jy sien gereeld luukse busse, en daar is geen diere op die pad nie. Ons bly in die Imperial…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za. Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif,…

Knoffelmossels met spek Vir 4 (as voorgereg) Voorbereiding 10 minute Gaarmaaktyd 10 minute Dié geurige gereg bly ’n wenner as voor-of hoofgereg. Jy benodig • ’n groot klont botter• 250 g spek, gesnipper• 1 ui, fyngekap• 2 knoffelhuisies, fyngekap• 2 stingels seldery, fyngekap• 350 ml bier (lager)• 1,5 kg bevrore halfskulpmossels, ontdooi• 125 ml room (opsioneel)• sowat 30 ml elk grasuie en pietersielie, gekap• lemmetjie- of suurlemoensap na smaak• varsgemaalde swartpeper• vars brood of geelrys Só maak jy 1 Smelt die botter in ’n groot kastrol (of oor die kole in ’n swartpot) en braai die spek tot bros. Skep dit uit, maar behou die vet in die kastrol en braai die ui, knoffel en seldery stadig vir sowat 5 minute. Gooi die lager by en verhit dit tot kookpunt.…

Die Skedelkus is ’n unieke deel van Namibië. Op die oog af lyk dit verlate en onherbergsaam, maar hier is heelwat verrassings: Die gebied het ’n ryk geskiedenis en daarby is die landskap en wildlewe ongeëwenaar. Die toer word aangebied op ’n veilige en eko-sensitiewe manier, en sluit in ’n magiese draai deur die Kaokoveld met sy grootse uitsigte, indrukwekkende berge en eindelose grasvlaktes. Jy gaan ’n 4x4 met goeie grondvryhoogte nodig hê, laestrek en veldbande, maar geen ry-ervaring in soortgelyke toestande nie. Ons kundiges is altyd naby om raad te gee. Daarby bring hulle die nodige herwinningstoerusting saam. Bhejane sal alle kamptoerusting verskaf en kamp opslaan. Gaste is net verantwoordelik vir water en brandstof. Bhejane sal in alle gevalle die hoeveelhede aandui. ’n Hoogtepunt op enige Bhejane-reis is die…

SWIERIGE BLOMMEKYK-ERVARING Kom kyk blomme in die Namaqua- nasionale park saam met ’n kundige veldgids. Bly saans oor by Skildpadkamp en die Groenriviermond. WANNEER? Van Dinsdag 20 Augustus tot Vrydag 23 Augustus 2019 (4 dae, 3 nagte); of van Dinsdag 27 Augustus tot Vrydag 30 Augustus (4 dae, 3 nagte). WAT SLUIT DIT IN? Alle verblyf (in luukse tente) Twee etes per dag Koffie en beskuit soggens Daaglikse veldgids (een by die Skildpadkamp; een by die strandkamp Kontantkroeg UITGESLUIT • Hekgeld en bewaringstariewe PRYSE R21 800 per tent, per pakket (vir twee mense) R15 500 per tent (vir ’n enkelreisiger). Ons het maksimum plek vir 15 tente en 30 gaste. Ingesluit by jou bespreking is luukse tente, toegerus met weelderige beddegoed en ’n en suite-badkamer met warm water. BLY SOOS…

HIER’S ONS WEER MET ’N STOFSTREEP VOOR JOU DEUR! BESTEL NOU! Die Namibië-gids is tans op die rakke, maar as jy bang is jy loop hom mis, kan jy jou eksemplaar aanlyn bestel – gaan na weg.co.za. EFO- én kredietkaartbetalingsopsies is beskikbaar. Vir navrae, stuur ’n e-pos na verkope@media24.com of bel 021 406 2387. Digitaal beskikbaar by zinio.com of magzter.com…

KVV’S VIR ALTYD! Die vervlakste LBJ’s! Ek is seker jy het al dié term raakgelees, en ek is doodseker jy het al ’n paar van hulle in die bos gewaar. Laat ek verduidelik: LBJ’s (Little Brown Jobs) – is die term wat voëlkykers gebruik vir ’n klein, vaal voëltjie wat hulle moeilik kan uitken. In Afrikaans staan hulle as KVV’s (Klein Vaal Voëltjies) bekend. Suider-Afrika het meer as 200 van dié geveerdes wat ’n mens nie sommer kan eien nie. Daar is geen amptelike definisie vir hulle nie. Wat jy as ’n LBJ sien, hang af van jou voëlkykervaring. Maar die meeste voëlkykers stem saam dat hierdie voëls in vier kategorieë verdeel kan word: lewerike, koesters, tinktinkies en sangers. Dan is daar die grensgevalle: heuningwysers, vlieëvangers, spekvreters, kapokvoëls, langstertjies, streepkoppies…

7 mm VAN KLEIN NA GROOT PAEDOPHRYNE AMAUENSIS Die kleinste padda ter wêreld is in 2012 ontdek in Papoea- Nieu-Guinee – dis net 7 mm lank; kleiner as ’n by! KRITIEK BEDREIG 14 mm 150 mm NOORDELIKE MOSPADDA Dié padda is eers in 2004 ontdek – dié kalant kom slegs voor in ’n klein fynbosgebied in die Groot-Winterhoekberg naby Porterville. Hy’s omtrent so lank soos jou duimnael. MALUTI-RIVIERPADDA Dis die naasgrootste padda in Suider-Afrika – dis amper so lank soos jou voorarm. Hierdie padda het tande en vreet krappe, vis en ander paddas. Hulle kan onder die ys swem. 245 mm GROOTBRULPADDA Dis die grootste padda in Suider-Afrika en die naasgrootste ter wêreld – hulle kan tot 1,4 kg weeg! Dié vleisvreters vreet enigiets wat in hulle bek pas: van…

In die Weg-geledere wil ons altyd weet: Hoe hou jy die lekkerste vakansie? Ek is lief vir die natuur en kamp en stap graag. Met ’n baba in die huis het dié liefdes die laaste paar jaar agterweë gebly, maar noudat my spruit, Zac, twee geword het, wil ek hom graag ook aan dié lekkertes bekend stel. Tuis is ek ’n boekwurm wat hou van tuinmaak, selfdoentakies, naaldwerk en fliek. En ek sal my lewe gee vir lekker pasta. Waarna kan Weg se smulpape uitsien? Ek hou van kos wat indrukwekkend lyk, lekker smaak, maar eintlik min moeite is om te berei. Ek wil vir Weg resepte skryf wat mense, ongeag waar hulle vakansie hou, aanspoor om te kook – of dit nou in ’n beperkte selfsorgkombuis of oor ’n…

’N DRIEKAMP IN DIE CAPRIVI Die Wetlands-driekampbyeenkoms in Namibië, in die oostelike uithoekie van die Caprivi, gaan jou nie noodwendig laat bloedsweet soos ’n Ysterman nie, maar dit gaan een van die mees besonderse wedlope wees waaraan jy nog ooit deelgeneem het. Anders as in ’n tradisionele driekamp word die swemskof vervang met ’n 2 km lange kano-resies op die Nabizwemeer (die kano’s word verskaf). Daarna trap jy 15 km fiets van die Caprivi Mutoya Lodge na die Zambezi Mubala Camp en terug (bring jou eie fiets), en dan hardloop jy 3 km op die grondpaadjies rondom Mutoya (onthou jou tekkies). Wanneer? Meld Saterdag 8 Junie aan tussen 10 vm en 1 nm. Die wedloop begin om 2 nm. Jy moet teen 31 Mei inskryf. Koste R300 p.p. plus ten…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Spieëllose kameras is soortgelyk aan ’n D-SLR omdat jy sy lense kan ruil soos jy wil. Binnelangs werk die tegnologie egter aansienlik anders – dit het nie die spieël waarmee ’n D-SLR die beeld van die lens na die oogstuk kaats nie. Dit maak ’n spieëllose kamera ligter en dikwels ook kleiner. Die aanbod van spieëllose kameras groei tans byna by die dag – nuwe modelle kom gedurig op die mark. Anders as in die D-SLRmark waar Nikon en Canon reeds lank die septer swaai, is spieëlloos die speelveld van Sony, Olympus en Fujifilm. Elke vervaardiger het sy sterk punte. Sony se video is puik en sy sensortegnologie maak almal jaloers. Olympus was die pionier in hierdie segment, en het altyd die grootste verskeidenheid lense beskikbaar gehad – maar die…

Vier Vadersdag met dié drie rooiwyne. Elkeen komplementeer vandeesmaand se geregte, én Pa sal lekker bederf voel. Cinsault maak deesdae weer almal opgewonde met sy heerlike varsheid en aptytlike geure. Dié druifsoort is aanvanklik geplant omdat dit die versengende Suid-Afrikaanse somer kon deurstaan, en het oor die jare heen lyf aan verskeie rooiwyne gegee. Die False Bay Vineyards Revenant Red 2017 (R100) word gemaak van 80% cabernet sauvignon en 20% cinsault. Revenant verwys na iemand wat terugkom, en dis gepas vir dié druifsoort wat weer sy terugkeer maak. Verwelkom die sappigheid! Overhex Wyne buite Robertson is bekend vir goeie wyn wat waarde vir geld is. Deesdae spog hy met die nuwe Survivorreeks wat in klein hoeveelhede gemaak word. Die Survivor Wild Yeast Syrah 2017 (R185) is gemaak van heel trosse…

Die ERA 110TR-2A: in ’n neutedop SKRYF SÓ IN Beantwoord net dié twee vrae om in aanmerking te kom vir die prys: • Watter F1-span het die Casio ERA 110TR-2A geïnspireer? • Tot op hoeveel meter is die Edifice ERA-110TR waterbestand? SMS die sleutelwoord CASIO, saam met jou antwoorde, volle naam, adres en epos-adres na 35981. SMS’e kos R1,50. Gratis SMS’e geld nie. Sluitingsdatum 30 Junie 2019 VOORWAARDES EN BEPALINGS 1. Enige Suid-Afrikaner ouer as 18 mag deelneem. 2. Die beoordelaars se besluit is finaal. 3. Pryse is nie oordraagbaar nie en kan nie vir kontant geruil word nie. 4. Verskaf asseblief jou woonadres indien moontlik. 5. Werknemers van Media24, die borge en hulle naaste familie mag nie deelneem nie. 6. Die…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die Pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

Weg se fotoslypskole is steeds die beste én lekkerste manier om jou kamera te leer gebruik. In Juliemaand bied ons twéé slypskole aan – een op Montagu in die Klein-Karoo en die ander op Rosendal in die Oos-Vrystaat. Hier’s alles wat jy moet weet. Het jy onlangs ’n nuwe kamera gekoop, maar is steeds skrikkerig vir sy verstellings? Kom woon ’n fotoslypskool by – ons kan help. Of dalk is jy reeds behendig met jou toerusting, maar verveeld met die manier waarop jy al jare lank foto’s neem. Dan sal ons jou nuwe truuks wys. Dit maak nie saak of jy jou kleinkinders se manewales met ’n mik-en-druk afneem, of ’n SLR-kamera met ’n tros los lense besit nie – Weg se fotografieslypskool is vir almal. Die aanbieders van dié…

ZILONDE-STAPROETE, KOSIBAAI Dis Desember in Kosibaai. Die son skyn en ’n ligte bries waai deur die gras buite ons hut. Die tieners lê en snork nog saggies onder muskietnette en die waaiers loop sterk. Hulle is traag om op te staan toe ons die lakens van hulle af pluk… hulle weet ’n 12 km lange staproete wag op hulle. Ons bly by die Utshwayelo-lodge wat deur die gemeenskap besit word, en ’n plaaslike gids, Jeffery Mgomezulu, stap saam. Ná ontbyt stap ons oor die grondpad na die vleiland-hek van die Kosibaai-deel van die iSimangaliso-vleilandpark. Die Zilonde-roete loop eers noordwaarts na Mosambiek, in die rigting van die Zilonde-varswatermeer, en draai dan terug strandlangs tot by die Makhawulani-meer, die eerste van Kosibaai se vier mere wat met mekaar verbind is. Ons stap…

SCOTTBURGH-WOONWAPARK Bekroonde oord Kom ervaar 'n rustige vakansie in ons bekroonde woonwapark in Scottburgh, wat onlangs benoem is tot Trappers en Caravan & Outdoor Ufe-tydskrif se Lesersoord van die Jaar 2018 in KwaZulu -Natal. Hier is rotspoele, haainette, snorkel-, duik- en hengelplekke, waterglybane en 'n minigholtbaan. AI26S ons staanplekke is met gras en gruis bedek. Ons het 'n swembad, speelpark en -saal vir die kinders. Ons ablusiegeriewe is silwerskoon en rolstoelvriendelik. Hier is twee wasserye. www.scottburghcaravanpark.co.za ZARTEK 1 Herlaaibare LED-kollig ZA-4 79 Die kollig is toegerus met 'n helder LED CREE XHPSO-gloeilamp van 1800 lumens, wat dit ideaal maak vir sekuriteit en buitegebruik. Daar is vier ligstellings en het 'n maksimum straalafstand van 700 m. Die rubberhulsel is duursaam en het 'n opvoustaander. Laaiers is ingesluit vir die kragnetwerk en…

Anderdag sit ek ietwat verveeld by die huis en besluit dis weer tyd om iets vreemds aan te pak. Nie wildvreemd nie, maar iets wat ek nie elke dag doen nie. Maar wát? Ek begin toe ’n legkaart met 5 000 stukke bou, een wat ek nog uit die Kaap uit saamgebring het toe ek byna ses jaar gelede daarvandaan getrek het. Maar ai… Eerstens val ’n legkaartstuk elke 20 sekondes op die vloer en terwyl ek buk om dit op te tel, haak my hamburgerpens aan die tafeldoek vas en dan tuimel die halwe seetoneel saam met die tafeldoek grond toe. Dit het ’n paar dae so aangehou, toe gooi ek die handdoek in. Wat van ’n dieet? Ek gee die 28-dagdieet ’n go, maar uiteraard het dit nie…

WENBRIEF Met ’n poegie oor die Swartberg Ek en my man het met ons klassieke Vespas, ’n Primavera 125 en ’n 200 PX, van Mosselbaai na Oudtshoorn gery oor die Swartbergpas en oorgeslaap op Prins Albert. Die volgende dag het ons deur Meiringspoort, Dysselsdorp, Herold en oor die Montagupas teruggery Mosselbaai toe. Die poegies het hulle uitstekend gedra op die grondpaaie en passe. Ons het die omgewing ingedrink en oral stilgehou om foto’s te neem. Dié Kaapse kliplyster (inlas) het op die Vespa kom sit terwyl ons koffie gedrink het in Meiringspoort. Wat ’n onvergeetlike vakansie! HELEN BRINK, Mosselbaai SKRYF AAN ONS EN WEN! Helen wen ’n stel ZA-730-tweerigtingradio’s ter waarde van R1 900. Dié nuutste radio van Zartek se klank is klokhelder. Altesame 199 kanale is reeds geprogrammeer. Die…

Apiepret in KZN Net ’n halfuur se ry buite Ballito weerklink die heuwels van die geskrou en skater van ape. MonkeylandKZN het pas hier oopgemaak. Op ’n safari deur inheemse woude kan jy nou van nader kennis maak met verskillende primate van hier en oorsee – die inkommers is van onder meer Suid-Amerika, Madagaskar en Suidoos-Asië. “Die meeste van hierdie diere was eens troeteldiere of deel van ’n sirkus,” vertel die gids en kurator Dominik Winkel. Maar moet geensins ’n dieretuin verwag nie. Die diere hier is wíld. Hulle is heel duidelik goed gerehabiliteer. Besoekers mag geen kontak met die ape hê nie. ’n Selfie met ’n lemur op jou kop is uit, maar jy gaan ’n mantel-of langarmaap in so na aan sy natuurlike habitat as moontlik sien. Dominik…

ONTMOET DIE SKRYWER Die meeste van ons, of ons nou self in die koshuis was of nie, ken ’n lekker koshuisstorie of twee. Erns Grundling het ’n lekkerleesboek, Koshuis, saamgestel met stories deur 40 bydraers, wat Weg-joernaliste en -medewerkers insluit. Van poetse bak, ’n spookstorie of twee, kattekwaad en huis toe verlang tot staaltjies oor koshuiskos bied hierdie boek lagplesier en stof tot nadenke. Erns vertel ons meer. Jy was self nooit in ’n koshuis nie. Hoe het jy op die bydraers besluit? Ek het nog altyd baie van ’n koshuisstorie gehou, dalk juis omdat dit my ’n kykie gegee het in ’n wêreld wat ek nooit eerstehands ervaar het nie. J.P. du Toit, ’n vriend van Grahamstad, en later Bun Booyens, my oudredakteur by Weg, se koshuisstories het aanvanklik…

Bosman’s Johannesburg: Onder redaksie van Stephen Gray, Herman Charles Bosman Dié bundel bevat ’n keur van die skrywer Herman Charles Bosman se kortverhale en essays wat deur Johannesburg geïnspireer is. ’n Duisend Stories oor Johannesburg, ’n Stadsroman, Harry Kalmer In dié roman bring Kalmer hulde aan al die kunstenaars en groot geeste wat Johannesburg hulle tuiste genoem het Secret Johannesburg, C.L. Bell & Lisa Johnston Bell en Johnston soek al Johannesburg se geheime, van waar Herman Charles Bosman sy swaer per ongeluk met ’n jaggeweer doodgeskiet het tot versteekte Pierneef-dakskilderye. The 2 Summers #Gauteng52 Challenge, Heather Mason In 2017 het dié Amerikaanse joernalis ’n uitdaging aan haarself gestel: Om ’n jaar lank elke week oor ’n noemenswaardige plek in Gauteng te blog. Die projek was só gewild dat sy ’n…

MARK DUMBLETON Mark is ’n bekroonde landskap- en natuurfotograaf van Gauteng. Hierdie is sy vierde portefeulje in Weg. Gaan na markdumbleton.com om nog van sy werk te sien. Mark Dumbleton is mal daaroor om olifante af te neem. “Hulle het hope karakter,” vertel hy. “En daar is eindelose moontlikhede met komposisie, veral as jy meer as die voor die hand liggende wil afneem.” Mark is reg. Olifante is groot en nie juis bang vir motors nie; dus kan ’n mens baie na aan hulle kom. Die meeste mense gebruik ’n wyehoeklens, maar die pret begin wanneer jy nabyfoto’s neem van byvoorbeeld hulle vel wat soveel tekstuur het; of wanneer jy ’n selfs wyer hoek gebruik om hulle af te neem by ’n iets soos ’n boom. Neem jou tyd by…

1 Opinel No.12 Stainless Explore Dié mes het dalk nie die houthandvatsel van ’n klassieke Opinel nie, maar die ontwerp en lemsluitmeganisme is dieselfde. Die rubberhandvatsel gee beslis ’n beter greep, dis waterdig en kan uiterste temperature van -40 °C tot 80 °C trotseer. Die 10 cm lange Sandvik 12C27-lem van vlekvrye staal is net so taai: Dit sal nie roes nie, verg geen spesiale onderhoud nie en is vlymskerp. Bonusse is die ingeboude fluitjie in die handvatsel vir noodgevalle en ’n verwyderbare stafie om ’n vuur aan te steek. Dit het ook ’n snyhaak in die handvatsel wat deur koorde en kabelstroppe kan sny, maar dis nogal moeilik om daarby uit te kom. Hierdie is ’n groot, praktiese voumes wat nuttig is vir kamptakies, en sal gewis ’n lang…

Oons het verlede jaar die bekendstelling van die toe nuwe Isuzu MU-X bygewoon, maar eers die afgelope klompie maande ordentlik leer ken. Toast Coetzer en Sophia van Taak het die Vrystaat platter gery in een met die verfilming van Weg se TV-reeks Weg Agterpaaie Vrystaat, en meer onlangs het ek die noorde van KwaZulu-Natal en die suide van Mosambiek deurkruis in ’n MU-X. Saam het die Weg-span meer as 4 500 km geklok en ons het in die proses ’n paar dinge geleer. Dis weer bevestig dat as jy hom kan bekostig, ’n bakkiegebaseerde sportnutsvoertuig bes moontlik die ideale voertuig vir ’n Suid- Afrikaanse gesin is. Dit geld motors soos die MU-X, die Toyota Fortuner, Ford Everest en die Mitsubishi Pajero Sport. Hulle is gemaklik genoeg in stadsverkeer waar jy…

Ons klouter die laaste steil kliptrappe teen die rotshang uit. Bo staan ons en hyg om ons asem terug te kry. Meer as 100 stappers staan reeds op die heuwel. Party eet energiestafies, ander neem selfies. Ons sit op die berg reg bo die antieke Inka-terrein Machu Picchu, maar dié lê nog onder ’n digte wolkkombers toegewikkel. Ek verkwalik haar nie. Ons is reeds 3.45 vm. uit ons donsslaapsakke geboender om die laaste 6 km na die Sonpoort te stap. En hier’s ’n byt in die lug. “Julle kan julle rugsakke afhaal,” sê ons stapgids, Lenin. “Ons gaan ’n halfuur wag om te sien of die mis wegtrek.” David, een van die ander stapleiers, sien my teleurstelling. “Don’t worry, Gertrudes, you will see it …” Dis dag 4 van die…

VLAKHASE OP PATROLLIE, DINOKENG Ons was op pad terug na ons tuisdorp, Pietermaritzburg, ná ’n epiese vakansie in die Limpopoprovinsie waar ons onder meer die Wag-’nbietjie- staproete naby Bela-Bela gaan stap, en die Marakele- nasionale park besoek het. Op ons laaste dag in die streek het ons by die Koedoesrus-boskamp in die Dinokeng-wildreservaat oornag. Ons het teen skemer aangekom en ons Cruiser Camper naby die kampheining geparkeer. ’n Vlakhaas het daar rondbeweeg en ons het besluit om ons strikkameras op te stel in die hoop om dié haas of dalk iets anders af te neem. Gewoonlik sou ons die kameras ook in hulle hiënabestande hulse toegemaak het, maar dit was nie nodig nie. Ons ketting dit soms vas aan bome, maar het hulle hier sommer net in die paadjie staangemaak.…