Innehållsförteckning för Herfs 2021 från Weg! Platteland

Pangolins: Scales of Injustice deur Richard Peirce Ietermagogs is die soogdiere waarmee wêreldwyd die meeste gesmokkel word, en al agt ietermagogspesies op aarde word deur uitwissing bedreig. ’n Bewaringskundige vertel die gruwelverhaal. R200 Struik Nature penguinrandomhouse.co.za 011 327 3550 WEN 1: Pangolins The West Coast: From Melkbos to the Orange River deur Leon Nell Dié eklektiese boek verdeel die stuk kus tussen Melkbosstrand en die monding van die Oranjerivier in vier streke, wat dit besonder maklik maak om te verken. Jy kry ’n oorsig oor die Weskus se belangrikste besienswaardighede, die geskiedenis, plaaslike kultuur en tradisies, die natuur-en dierelewe, en hoe die kus-en binnelandse dorpe in die streek deesdae daar uitsien. R300 Struik Nature penguinrandomhouse.co.za 011 327 3550 WEN 1: West Low-Carb Express deur Vickie de Beer Dit is snert…

Die vrou van vroeg in die dertig murmureer steen en been op Facebook: Sy’s nou waarlik keelvol – nee, skoon náár – vir en van die lockdown, maar nóg meer vir die alewige ge-ouma-Soufse-wonderwildspastei, tant Alie-se-roly-poly-met-die-twist-wat-my-herinneraan-die-dag-toe-Snuifie-die-hanslammy-omgestamp-het of oom Jaap-sesuurvoete-soetsuurdeegbrood waaroor die res van Planeet Facebook dag in en dag uit halleluja om van die bose inperking te ontsnap. Moet elke verdomde troos-of koesterkosresep aljimmers deurweek wees van die bittersoet nostalgie, brul die vrou (en kry 3 likes). Kan ’n mens regtig nie meer ’n enkele ding oor jou lippe sit sonder om met klam ogies te beginne verlang na ’n tyd toe alles soveel rooskleuriger gelyk het nie? (2 likes) Hierdie nostalgie skep net onrealistiese verwagtinge, kerm sy verder, en, erger nog, dit skilder ’n onjuiste prentjie van die verlede.…

• Babelas mure is daardie mure wat lyk of dit op ’n Maandagoggend gebou is: ongelyk en bonkig na onder.• Plafonhout in die kerk se “dakribbes” is met ’n inkpen gedateer: 1894. Vir die bouspan was dit ’n openbaring en inspirasie.• Daar was meningsverskille en besprekings oor die kleur van gerestoureerde deure en vensterrame: doodskisbruin of koekblikgroen?• Wupperthal se trouklok skuins voor die kerktrappies laat talle jongmeisieoë blink. Ongelukkig wil geen inwoner die klokke sommer net vir besoekers se plesier lui nie, want dieselfde klokke kondig ook die doodstyding aan.• Toe die projekleiers en konstruksiespan bewus raak van ’n hardwerkende jong man wat daagliks 15 km heen en weer stap vir sy nuwe werk op die Wupperthal-terrein, het hulle hom uit hulle eie beursie bemagtig – eers het hulle hom…

Veeartse en mense wat diere red, waarsku daar’s ’n groot verskil tussen huisdiere wat jy as troeteldiere mag aanhou, en wilde diere, wat dalk liefdevol lyk, maar meestal wild sal bly. Soos die Trust vir Bedreigde Natuurlewe (EWT) tereg uitwys: “Om ’n dier mak te maak is ’n proses wat binne ’n spesie duisende jare neem. Jy kan nie net die wildheid laat wyk met liefde nie.” Nie dat dít mense van stryk bring nie; hulle probeer steeds. ’n Mens hoor so baie stories van mense wat goed bedoel en ’n beseerde of verdwaalde bokkie, klein apie of een of ander likkewaan aanneem, en dan soek hulle in ’n paniek hulp wanneer daardie dier die ondenkbare doen: om groot te word en soos ’n wilde dier op te tree. Gelukkig…

Veronica Strydom en Jed Laubscher het mekaar nog nooit ontmoet nie, maar hulle het een gemeenskaplike liefde wat die meeste mense se hare sal laat regop staan. Ons praat natuurlik van daardie ouens met die agt oë en agt pote wat “net nou en dan stout is”: tarantulas. Veronica en Jed is lede van die Facebook-groep Tarantula Keepers South Africa. Hier ruil die byna 2 000 ywerige lede inligting uit en geniet dit eintlik maar net gate uit met hulle ongewone vriende. Anders as die meeste mense, wat sal gril vir die video’s van tarantulas wat vervel of lewende krieke verorber, beskou hulle dit as deel van die natuur. Veronica woon in KwaZulu-Natal, waar sy ’n klein besigheid met die naam Nala and Me bedryf. Sy spesialiseer in koringvrye dierehappies…

“Daar was die mooiste groen grasperk om die huis van my ma, Marianne Eloff, in Leeupoort, Limpopo. Maar die sebras, vlakvarke en bokke het álles opgevreet,” vertel Werna. “Sy het vetplantsteggies by vriende begin kry en stadig maar seker het haar grasperk begin plek maak vir die vetties. Uiteindelik was dié fees van plante, met paadjies waarop die diere kan loop, die mooiste tuin wat ek nóg gesien het.” Wat Werna die meeste beïndruk het, was hoe verskillende vetplante op verskillende tye van die jaar blom, wat beteken jy het regdeur die jaar kleur in die tuin. Boonop verg die plante min onderhoud. “Elke keer as ons by my ma gaan kuier het, het ons deur die tuin gestap en dan vir my ’n paar steggies afgeknip,” sê Werna. “En…

Papierklei of papiersement – in Engels praat hulle van “Papercrete” – is basies industriëlesterkte papier mâché wat jy kan vorm of saag, óf gate daarin boor of spykers inkap. Dit is boonop ’n uitstekende isoleermateriaal wat sorg dat dié potte aansienlik koeler is as plastiek- of kleipotte. Papercrete is in die jare twintig ontwikkel en gepatenteer deur Eric Patterson, ’n skilder van Nieu-Mexiko wat iets wou doen met die stukke afvalpapier in sy ateljee, en Mike McCain. Hulle het onafhanklik van mekaar papierpulp met sement gemeng en vorendag gekom met ’n liggewig dog duursame materiaal wat ongelukkig nooit as boumateriaal aanklank gevind het nie, maar wel mettertyd gewild geword het vir die maak van potte en tuinornamente. PAPIERSEMENT: DIE FORMULE • 3 dele papierpulp• 2 dele sement• 1 deel perliet…

Papajasaad het ’n peperagtige, effens bitter smaak wat ’n heerlike geur aan dié slaaisous verleen. Die droë sade kan ook gebruik word as plaasvervanger vir swartpeper. Genoeg vir 6-8 Bereidingstyd 5 minute Y BENODIG • ½ koppie (125 ml) vars papaja, in klein blokkies gesny,• 3 eetlepels (45 ml) papajasaad en -pulp• ¼ koppie (60 ml) wit balsemiekasyn• 1 eetlepel (15 ml) agavestroop (of vervang dit met suiker na smaak)• 1 teelepel (5 ml) dijonmosterd• ½ teelepel (2,5 ml) fyngerasperde gemmer• ¼ teelepel (1,25 ml) sout• ⅓ koppie (80 ml) olyfolie SÓ MAAK JY Plaas die papaja en papajasaad en -pulp in ’n versapper en pols dit tot ’n gladde mengsel. Voeg die asyn, agavestroop of suiker, dijonmosterd, gemmer en sout by asook varsgemaalde swartpeper na smaak, en meng dit…

Brioche Brioche is veelsydig en kan in enige vorm, grootte en geur gemaak word – van knoop- en hamburgerrolletjies tot brode – net so óf met ’n soet of sout vulsel (soos die pain perdu hiernaas). Genoeg vir 6 Bereidingstyd 5½ uur plus yskastyd oornag Baktyd 40-45 minute (lees ook die wenk) JY BENODIG • 3 eetlepels (45 ml) warm melk• 1 pakkie (10 g) droë kitsgis• 250 g koekmeel• 25 g strooisuiker• ½ teelepel (2,5 ml) sout• 3 eiers• 1 teelepel (5 ml) vanieljegeursel• 150 g ongesoute botter, in blokkies gesny en saggemaak• 1 eier, geklits (vir die eierwas)• suikerkristalle om oor te sprinkel SÓ MAAK JY Meng die melk en kitsgis in ’n bakkie en laat dit eenkant staan. Gooi nou die meel, strooisuiker en sout in die…

TEKEN IN TEEN SLEGS R247 PER JAAR* • Dit is R61,75 per uitgawe – jy spaar R133 • Gratis aflewering ingesluit GEDRUKTE UITGAWE VIR NUWE INTEKENARE 087 353 1300 (WhatsApp 087 353 1333) subs@media24.com SMS “plattelandint” na 32361 en ons kontak jou (SMS’e kos R1,50; gratis SMS’e kan nie gebruik word nie) VIR HERNUWINGS Bel 087 353 1300 (+27 21 065 0033 vir internasionale tariewe) subs@media24.com MAAK DIE LEWE MAKLIKER MET ’N DIGITALE INTEKENING zinio.com of magzter.com * Teken in op 4 uitgawes per jaar. Die aanbod is geldig tot 28 Mei 2021. JY SPAAR 35% Bepalings en voorwaardes Dié aanbod geld slegs vir intekenare in Suid-Afrika. Jou intekening word verskaf op ’n vooruitbetaalde basis. Die tariewe kan van tyd tot tyd aangepas word om voorsiening te maak vir verhogings…

As jy omtrent 16 km van Mbombela (Nelspruit) af die plaashuis op Alkmaar nader, staan ’n komitee van vyf honde, vier katte en verskeie hoenders en eende gereed om jou te verwelkom. Wendy Sippel draf hek toe in aardse skakerings. Onder haar blad is ’n houtmandjie vol eiers wat sy pas vir ontbyt bymekaar gemaak het. Toe ons op die stoep gaan sit, kom ’n geurpluim wierook deur die kombuisvenster aangesweef. Wendy woon al 35 jaar in die Laeveld en haar man, Arthur, nóg langer. Hulle het destyds deur die Universiteit van Pretoria se stapklub ontmoet toe Wendy ’n Engels-en hy ’n tuinboukundestudent was. Ná haar studie en twee jaar as dosent het sy Mbombela toe getrek en twee dekades by die Lowveld High School en Penryn College skoolgehou. Daarna…

Hier by Platteland was ons nog altyd onder die indruk die korrekte spelling van Wupperthal is mét ’n H – ook die mense van die dorpie spel dit so. Tog sien ’n mens dit deesdae al hoe meer – ook in die nuwe Pleknaamwoordeboek van Suider-Afrika – daarsonder. Platteland het aangeklop by prof. Matilda Burden, kultuurhistorikus by die museum van die Universiteit van Stellenbosch en navorsingsgenoot aan die Potchefstroomse kampus van die Noordwes-Universiteit, en sy is baie duidelik oor die saak. “Daar is by my geen twyfel nie: Die korrekte spelling is Wupperthal. Dis eenvoudig – die dorp is genoem na die Wuppervallei in Duitsland, en die ou Duitse woord vir dal of vallei is ‘thal’. Diegene wat die ‘h’ uithaal omdat hulle dit wil verafrikaans, maak ’n groot fout,…

Volgens die erfeniskenner Graham Jacobs kon die 190 jaar oue boumateriaal die brand beter trotseer as enige moderner bouprodukte. “Kleistene wat destyds in die son drooggebak is, het weens die vlamme en hitte nóg harder gebak. Kort ná die ramp het ons twaalf Wupperthallers aangestel om deur die puin te sif vir herbruikbare items soos songebakte bakstene, deurhandvatsels, vensterknippe en skarniere. Alles moes afsonderlik geberg word sodat ons kon weet watter historiese oorblyfsels by watter gebou pas. “Volksboukundig gesproke is hierdie items nou veel belangriker as voor die brand, want dit is die enigste oorspronklike materiaal wat die 1830-verhaal vertel.” Hoewel alle herboude strukture beveilig moes word teen toekomstige brande, was dit belangrik dat geen verbetering só gedoen word dat geboue se historiese karakter aangetas word of dalk oorblywende historiese…

Die komediant Nik Rabinowitz het nou maar eenmaal ’n voorliefde vir bokke – nee, nie op ’n lelike manier nie, keer hy vinnig. Hy hou net van hulle en skrik nie vir daardie duiwelsogies óf hulle gewoonte om mense te stamp nie. In baie van Nik se vertonings maak bokke hulle verskyning. Een wat uitstaan, is One Man, One Goat by die Grahamstadse nasionale kunstefees van 2007. Nadat hy vir die duur van die fees ’n bok met die naam Stoffel geleen het, was hy verpletter toe sy ondersteunende akteur soos ’n befoeterde rockster begin aangaan: Hy het die bure snags wakker gehou, vir Nik al hoe meer begin stamp én sy huurplek as ’n toilet gebruik. Maar dit was nie die einde van Nik se bokfase nie. Toe hy…

As jy in die warm maande op die R45 Franschhoek toe ry, kan jy jou by die La Mottewynlandgoed maklik verbeel jy ry deur die Franse platteland, want daar, onder ’n groot ou akkerboom, staan ’n pragtige Kaaps-Hollandse kothuis wat omring word deur byna 4 ha dieppers laventel. Die huis is glo vroeg in die 18de eeu deur een van La Motte se eerste eienaars, Pierre Joubert, gebou vir een van sy drie seuns. Dit is later as veepos gebruik, wat verklaar waarom die huis steeds as Veepos bekend staan. Die Franse laventelkultivar Lavandula x intermedia ‘Abrialii’ is in 2005 hier aangeplant omdat dit floreer in die Franschhoekvallei se goedgedreineerde grond met ’n pH van 7. Dié variëteit se blomkop is die langste van al die laventel-kultivars en is ’n…

Tien jaar al deel die 5 000 lede van Fynbos People hulle liefde vir die natuur, stap en veral fynbos. Maja Palm gesels met Tessa Oliver*, een van die administrateurs. Sewejaartjies, swawelbos, die pragtige pers rooiwortel en geel blombiesie… Nog voordat jy jou eerste koppie koffie van die dag klaar gedrink het, het jy jou verlustig aan al dié inheemse blomme. Jy het ook sommer ’n draai gestap deur die Fernkloof-natuurreservaat, die Elgin-vallei, Boggomsbaai, die Bontebokpark en Kaappunt-natuurreservaat. Wat maak die groep so suksesvol? Al die plasings op die groep móét fynbosverwant wees. Dus weet ons lede hulle gaan op dié blad slegs mooi foto’s, interessante vrae, plantidentifikasies en besprekings van die fynbosbioom geniet. Dit is ’n uiteenlopende groep – stappers, tuiniers, ekoloë, botaniste, mense wat hou van mooi natuurfoto’s.…

Papajabome (Carica papaya) groei soos blits en vrek nie sommer nie… tot die kwik oornag ’n paar uur onder zero gaan draai. Dié “Achilleshiel” maak wel sin – die bome kom immers uit die suide van Mexiko en Sentraal-Amerika en floreer in tropiese en subtropiese gebiede waar hulle tot in hulle sesde jaar kan vrugte dra. Tot ons verbasing het ons papajabome ook al in snikhete, droë, uiters óntropiese streke raakgeloop waar hulle duidelik goed vaar as hulle genoeg water kry en versorg word. Dit is redelik maklik om dié veelsydige, voedsame tropiese vrugte in ’n huistuin te kweek – en vir wat sal ’n mens nie probeer nie? Al eet die meeste mense papaja vir ontbyt of nagereg, of in slaaie en smoothies, wys ons op bl. 110 vir…

Baie dankie aan Johan Smit van Suptropico International op Klapmuts wat die papajas verskaf het. Kraakslaai Onlangs het ek by twee verskillende geleenthede in dieselfde week ’n slaai soos dié geëet. Dit is ’n lekker ligte maaltyd, hoewel dit ewe goed werk as bykos by ’n braai – gebruik dit dan as ’n “uitpakslaai” sodat jy enige geroosterde noedels, bros uiestukkies en croutons wat oorbly, in lugdigte houers kan bêre vir ’n volgende keer. Genoeg vir 4 Bereidingstyd 15 minute Gaarmaaktyd 5 minute JY BENODIG • 1 pakkie (73 g) tweeminuutnoedels, in stukkies gebreek• 1 ferm ryp papaja (omtrent 300 g), geskil, middeldeur gesny, pitte uitgeskraap en in skywe gesny• 1 groot rooi appel, geskil, klokhuis verwyder en in kwarte gesny• 2 teelepels (10 ml) suurlemoensap• 1 rooiui, fyngekap• 1…

Deep South Cape Dry-boetiekjenewer in ’n klassieke droë styl met aromas van jenewerbessies, koljander, engelkruid, heuningbos, kardemom, suurlemoenskil en Kaapse fynbos (750 ml) R365 Deep South Distillery deepsouthdistillery.co.za Randtertbakkies (110 mm) in verskeie kleure R159 elk, Mini-bakkies uit die Calm-reeks (stel van 4) R719 Individuele pasteibak in die kleur Soleil (110 mm) R169 Le Creuset lecreuset.co.za Frenchie-keramiekpotplanthouer met plek vir ’n plantpot met ’n deursnee van 200 mm (die pot is ook 200 mm diep) R1 999 Rialheim rialheim.co.za Makhoti-kussings met inheemse blommotiewe in ekovriendelike ink en ’n eenddons-en-verevulsel (450 x 450 mm) R450 elk Muddy Jane muddyjane.com @muddy.jane wendy@muddyjane.com Skouersak van linne wat herwin is met ’n los ritssakkie binne vir sleutels of kleingeld R450 Walk The Talk walkthetalkafrica.com walkthetalkafrica info@walkthetalkafrica.com Pawise-omkeerbare katkrapstasie van nie-giftige herwonne karton met kattekruid…

Friedhild Meyer Lüneburg Cash Store Die Lüneburg Cash Store is langs die slaghuis. Buite die winkel staan ’n trekker geparkeer en aangedraf kom Storm, ’n jong duitse herdershond. “Dit is my broer Lotter se winkel, én sy hond – hulle het vyf German shepherds,” vertel Friedhild terwyl sy kliënte help. “My een ouma se naam was Frieda en die ander een s’n Hilda. Saam maak dit Friedhild, maar die kinders noem my Fiki. “Ek het hier grootgeword,” sê Friedhild, “en woon 16 km van hier af. Lotter het die besigheid by ons ma geërf en nou help ek hom. Die winkel is al 57 jaar in ons familie.” Lotter se huis is agter die winkel, saam hulle ander besigheid: Hy en sy vrou boer met miniatuurdonkies, voëls en boerbokke. Op…

Stop & koop Lüneburg Cash Store Hier kan jy alles van klere tot kos koop. ’n Netjiese reeks houtkaasborde, van verskeie vorms en groottes, word verkoop onder die naam Holzfleck. Die winkel is oop Maandae tot Vrydae van 08:00-17:00 (Saterdae tot 12:00). 083 225 7705 Lüneburg Country Butchery Probeer die bierwurst (wat met hop gemaak word) en die mettwurst by die slaghuis. Mettwurst is ’n soort gerookte patee met bees-en varkvleis. Die slaghuis is in die week oop van 08:00-15:00, en op Saterdae van 07:00-11:00. 072 509 9666 Gawe doendinge River Hunter Kontak Horst Filter vir ’n riviersafari of hengeltoer. Rondom November lei hy ook orgideëtoere. Gaste oornag gewoonlik by Wandersheim. 082 628 7702 Blyplek Wandersheim Die twee dubbelverdieping-selfsorgchalets het ’n verruklike uitsig oor die Ntomberiviervallei. In die voorgrond laat…

Wupperthal is in 1830 gestig nadat twee Rynse sendelinge, Theobald von Wurmb en Johann Gottlieb Leipoldt (’n voorsaat van die digter en koskenner dr. C. Louis Leipoldt) twee Sederbergse plase gekoop het. Hierdie manne was afkomstig uit ’n streek waar die Wupperrivier in Duitsland gevloei het 100 jaar voordat die stad Wupperthal in hulle tuisland ontstaan het. Volgens alle aanduidings het Johann Leipoldt, ’n ervare skoenmaker, die plaashuis op Rietmond betrek – dit is die oudste huis op Wupperthal (circa 1800) en deesdae bekend as Leipoldthuis. Die Smidshuisie was in 1830 moontlik al op die plaas óf is kort daarna langs die destydse dorsvloer gebou. Ná Leipoldthuis is die Smidshuisie en dorsvloer Wupperthal se oudste bousels. Die sendelinge en Wupperthallers het gewoel, en in 1834 is hulle eie kerk voltooi.…

• Trust vir Bedreigde Natuurlewe ewt.org.za • Eksotiese diere en die reg tinyurl.com/yyr2fynj • Bird and Exotic Animal Hospital birdandexotic.co.za • Centre for Rehabilitation of Wildlife crowkzn.co.za • Friends of Free Wildlife friendsoffreewildlife.co.za • Johannesburg Wildlife Veterinary Hospital johannesburgwildlifevet.com • South African Wildlife Rehabilitation Centre sawrc.org.za • Wild Rescue wildrescue.co.za Hierdie is nie ’n omvattende lys nie. Ons stel voor jy raadpleeg Google vir wildrehabilitasiesentrums in jou gebied – dit is ook die die regte plek om meer inligting te kry.…

Die Kaapse rolprentmaker en “toevallige” plantfotograaf Filipa Domingues is besig om die wêreld te verower met haar nuwe foto’s. Sy vertel vir Maja Palm meer. Sedert Platteland byna twee jaar gelede met Filipa gesels het (Platteland #23, Winter 2019) het sy van krag tot krag gegaan. Nie net is sy genader om haar kennis en passie op CNN Africa en in ’n TEDx-praatjie te deel nie, maar sy is ook aangewys as een van Business Insider se Top 10-iPhone-fotograwe én van haar foto’s het al op Smeg-yskaste gepronk. Boonop het sy ook haar vlerke gesprei van tuinvetplante tot kokerbome en bedreigde plante in die natuur… In jou TEDx-praatjie, “A photographer’s crazy, beautiful love affair with succulent plants”, klink dit of jy gegroei het van iemand wat vetplante waardeer tot iemand…

Oral waar sy nog moes wortel skiet, was ’n groente-en-kruietuin ’n prioriteit, sê Kari. “Soms was dit net kruie in potte, maar toe ons op ’n plaas tussen Theunissen en Brandfort in die Vrystaat gaan bly waar jy net basiese vars bestanddele in die winkel kry, het die gogga behoorlik gebyt.” Die afgelope twee jaar bly Kari en haar man, Vos, in Port Elizabeth. “Hier is die klimaat heeljaar gematig genoeg om te kan plant. Wat ’n plesier!” Hulle hou daarvan om ’n verskeidenheid groente en vrugte te plant, maar daar is altyd basilie, murgpampoentjies, tamaties en eiervrug. ’n Plasie se spasie Op hulle dorpserf is die spasie beperk, maar ’n muur is ook mos groeiplek. “Ons het besluit om een muur in ’n vertikale aarbeituin te omskep. Ons het…

My een ouma het nooit deur ’n tuin gestap sonder ’n groot handsak nie… sy was nét te bang sy loop dalk ’n plant raak waarvan sy ’n stukkie wil huis toe neem. Toevallig het sy ook geglo slegs gegapste steggies sal groei, iets waarmee ek nie heeltemal saamstem nie. Van my vroegste kindertyd se onthou is hoe ek saam met my ouma deur haar tuin stap, en blykbaar kon ek “Bellis perennis” uitspreek nog voor ek my tong om ’n stokkielekker kon kry. Ek kan steeds nie verby ’n Bellis perennis stap sonder om aan my ouma te dink nie. By elke plant in haar tuin sou sy eers stilstaan en vertel by wie sy dit gekry het, en soms sommer ook die familie uitlê én die plek beskryf…

Onthou dié Ina Paarmanprodukte vir jou inkopielys Kry gratis resepte by paarman.co.za Pavlova met papino Die vrugte vir ’n pavlova-bolaag kan volgens die seisoen afgewissel word – kiwi en lemoen werk goed in die winter, en bessies weer in die somer. Genoeg vir 6 Bereidingstyd 20 minute Gaarmaaktyd 1½-2uur JY BENODIG • 3 ekstragroot of jumbo-eiers• 1 pak (125 g) Ina Paarman se Meringue-mengsel VIR DIE VULSEL EN BOLAAG • 1 koppie (250 ml) vars room• 2 eetlepels (30 ml) Ina Paarman se Suurlemoengeur Kaaskoek-bakmengsel (seël die foeliepak en bêre dit in die yskas)• 1 papino, geskil, pitjies uitgeskraap en in skywe gesny• die pulp van 3-4 grenadellas SÓ MAAK JY Verhit die oond tot 140 ºC met die rak in die middel. Voer ’n bakplaat uit met bakpapier en…

Die 83 volksresensente op Booking.com en Lekkeslaap.co.za gee die fraai tweeslaapkamerhuis ’n algehele punt van 9,2 (uit 10) en ken in verskeie subkategorieë ’n eweneens uitmuntende 8 tot volpunte toe. In die meeste opinies wat vóór die virus op hierdie besprekingsplatforms gelaai is, word die huis se ligging en uitsig aan die rand van ’n mooi dorp as “asemrowend” beskryf – ’n beskrywing wat in die Covidera ’n onheilspellende klankie kry. Verder word die woning bewierookenmirre as ruim, privaat, veilig, netjies, skoon, goed toegerus, stylvol gemeubileer en, die knoopdeurhakker, slegs R740 per nag. “Die personeel is engele uit die hemel!!!!!” jubeleer ’n vrou uit Gars fontein wat ook met chroniese uitroepdiarree sukkel. Die wifi en braaihout en die sterrehemel is gratis, profeteer Fanie S. uit Bloem. “Uitstekende waarde vir geld,”…

– Swartland, Wes-Kaap – Jy sou maklik kon dink géén visuele fees kan kers vashou by ’n see van vars koring nie – lieflike swaar golwe wat silwergroen glinster en in die koel bries wieg en buig. Maar kyk ’n slag na wat volg op die groen skouspel: koring se nalatenskap, as jy dit so wil stel. Die uitgestrekte, oënskynlik eindelose skilderdoek vanrollende goud. Geen fondament kan die lug blouer of wolke witter of die einders skerper laat uitstaan nie. En geen kunstenaar kan jou méér leer oor perspektief en kleur as dié uitgestrekte, hipnotiserende uitspansels nie. Ook van dimensie, vorm, tekstuur, skadu-wees en ritme kan niks of niemand jou soveel leer as die esteties manjifieke – byna surrealistiese – strooibale wat ál dansend mik na die einde van die…