Innehållsförteckning för Somer 2021-22 från Weg! Platteland

WES-KAAP Gansbaaise Kersmark 6-22 DESEMBER Hier is nie minder nie as 140 stalletjies, wat beteken jy kan seker wees jy gaan vir elkeen op jou Kerslysie iets besonders en spesiaals uitsnuffel. Waar? Pretoriussaal, Hoofweg, Gansbaai. Kontak gansbaai.kersmark@telkomsa.net 083 793 0972 Stellenboschstraatsoirees 2021 8 DESEMBER Klink ’n glasie wyn saam met die inwoners van die Eikestad wanneer die immergewilde straatsoirees terugkeer. Geniet lewendige vermaak, wynproeë en heerlike kos. Kaartjies R150 p.p. by plankton.mobi Waar? Drostdystraat, Stellenbosch. Kontak visitstellenbosch.org Meesterklas in medisinale kruie GREYTON 18 DESEMBER Geniet ’n opvoedkundige staptog saam met Trish Taylor, ’n geregistreerde kruiedokter. Ingesluit is ’n heerlike piekniekmiddagete in die natuurreservaat… mét ’n glas wyn daarby. Kaartjies R350 p.p. by quiket.co.za Waar? Greyton-natuurreservaat. Kontak studio@liferetreat.co.za OOS-KAAP It’s Gin o’clock-jenewerproe MIDDELBURG 10 DESEMBER Dié geleentheid hoort in enige jenewer-liefhebber…

TEKEN IN TEEN SLEGS R247 PER JAAR* • Dit is R61,75 per uitgawe – jy spaar R133 • Gratis aflewering ingesluit GEDRUKTE UITGAWE VIR NUWE INTEKENARE 087 353 1300 (WhatsApp 087 353 1333) subs@media24.com SMS “plattelandint” na 32361 en ons kontak jou (Alle SMS’e kos R1,50) VIR HERNUWINGS Bel 087 353 1300 (+27 21 065 0033 vir internasionale tariewe) subs@media24.com MAAK DIE LEWE MAKLIKER MET ’N DIGITALE INTEKENING zinio.com of magzter.com JY SPAAR 35% * Teken in op 4 uitgawes per jaar. Die aanbod is geldig tot 28 Feburarie 2022. Bepalings en voorwaardes Dié aanbod geld slegs vir intekenare in Suid-Afrika. Jou intekening word verskaf op ’n vooruitbetaalde basis. Die tariewe kan van tyd tot tyd aangepas word om voorsiening te maak vir verhogings in die omslagprys. Ons kan ook die…

A River Runs Through It. Wanneer die vlieghengelkenner Alan Hobson op Somerset-Oos vertel watter groot invloed riviere en die skilderagtige Boschberg op hom gehad het, is dit asof dié klassieke fliek se fokus op vlieghengel, binnelandse water, godsdiens en die verhouding tussen broers hier in die Oos-Kaap gestalte kry. Hengel en jag en buitelug is immers wat Alan en sy broers saam met moedersmelk ingekry het op hulle plaas buite Pearston. ALAN SE VERHAAL begin by die twee Hobson-broers wat in 1820 as Britse Setlaars in Delagoabaai aangeland het. “Sedert ons kinderjare hoor ons die een broer het met die Bybel onder die arm aan wal gestap en die ander met ’n bottel whisky. Die een met die whisky was ’n entrepreneur en het spanne osse gehuur sodat hy bestaansmiddele…

Grant Link Botha hanteer die Facebookgroep Container and Tiny Homes South Africa. Hy is gaande oor die konsep van ’n klein huis, maar beklemtoon tog dit is nié sinoniem met maak net wat jy wil nie. Eerstens noem hy ’n boukode, bekend as die Suid-Afrikaanse Nasionale Standaarde, waaraan alle permanente wonings in Suid-Afrika moet voldoen. Dié effens intimiderende verhandeling is 23 hoofstukke lank en kyk na alle aspekte – van goedgekeurde boumateriale tot dreineringsvereistes vir loodgieterswerk plus ander nietighede wat bou-inspekteurs oral laat frons. En dis maar net deel daarvan. Enige nuwe huis se plan moet goedgekeur word voordat met die bouwerk begin word, en die wet vereis dat die plan deur ’n geregistreerde professionele persoon geteken moet word. “Vergeet daarvan om ’n potlood en linaal te gryp en gou…

Hoekom het jy ’n persoonlike beskermingshond gekry en nie ’n gewone waghond nie? Ons woon teen die Magaliesberg met ’n heining wat aan die berg front. Iemand het uit daardie koers gekom en ingebreek by my dogter se kothuis agter in ons erf – terwyl sy daar was. Gelukkig was haar kamerdeur gesluit en haar sagmoedige labrador, Lucy, het bo-op haar gaan staan en geweldig geknor en geblaf en haar beskerm. Dit het my oortuig ’n beskermingshond het ’n bietjie meer slaankrag as Lucy. Daarom het Rufus in Februarie 2012 by ons aangekom, op 11 maande ’n rekruut vol entoesiasme! Vir my is ’n goedopgeleide hond ’n baie beter oplossing buite die huis as ’n alarmstelsel, omdat die hond self besluite kan neem. Hulle sintuie is só fyn dat hulle…

Wyle Jaap Oosthuizen van die bekende Brabeesmond-kwekery naby Augrabies in die Noord-Kaap sou vandag breed glimlag as hy kon sien hoe sy kleinkinders sy herinnering eer en die vetplante steeds floreer. Op ’n warm Saterdagoggend, ná ’n staptog van 5 km deur pekanneutboorde, langs ’n besproeiingskanaal en om wingerdblokke, lag en gesels dit by Jaap se Kwekery in die soel skaduwee van die groot ou natalvy. Oupa Jaap het dié Ficus natalensis ongeveer vyftig jaar gelede hier geplant. Agt jaar nadat oupa Jaap die kwekery verkoop het, het sy kleinkinders Jaco Esterhuysen en Sonette Oosthuizen dit teruggekoop en herdoop tot Jaap se Tuin. Dié jong en energieke nig-en-neefspan fokus op vetplante uit die Noord-Kaap, soos kokerbome, kraalaalwyne en Lithops. “Vetplante is so kenmerkend van ons omgewing,”sê Sonette. “Dit het nie…

Sappige, ryprooi aarbeie is mos sinoniem met die lekkerte van somer. En net soos tamaties smaak aarbeie uit jou eie tuin soveel lekkerder. Die goeie nuus is dat Suid-Afrikaners nou vir die eerste keer aarbeie van saad kan kweek. Mayford se ’Florian’-aarbeisaad is ’n wêreldklas aarbeivariëteit wat bekend is vir sy besonderse smaak en die groot hoeveelheid wat hy dra. Die plantjie maak helderpienk blommetjies wat uiteindelik geurige, bloedrooi vrugte word. Die plante raak omtrent so breed soos ’n liniaal en die kompakte groeistyl, tesame met die pragtige blomme en vrugte, maak dit geskik vir ’n tuinbedding, maar dit werk ook as ’n stoep-of hangplant in ’n sonnige plekkie. Planttyd Saai dié aarbeisaad in die lente en oes die sappige vrugte van vroegsomer tot lente. Waar koop ek die saad?…

Huisplante is weer ongekend gewild omdat soveel mense deesdae meer tyd binnenshuis deurbring weens die Covid-pandemie. Ouma se stoepplante van die jare sestig maak selfs Instagrammers en TikTokkers opgewonde! Binne skaars drie jaar het julle blad 7 000 volgelinge gekry. Waarom dink jy is dit so gewild? Ek het die blad begin omdat ek nêrens op Facebook ’n groep kon opspoor nét vir huisplant-entoesiaste nie. Daar is heelwat internasionale plantgroepe waarby ek aangesluit het, maar ek kon dikwels nie die produkte in die hande kry wat voorgestel is óf antwoorde op my spesifieke plantprobleme nie. Daarom besluit ek toe om die blad vir Suid-Afrikaanse huisplantouers te maak, sodat dit relevant en uniek kan wees. ’n Plek waar mense met dieselfde liefde hulle kennis en mooi foto’s kan deel. Waarom dink…

Eeue al laat sekere tuiniers hulle deur die maan lei wanneer dit kom by saai, oes, steggies maak – selfs branderplankry of hare sny! (En vir die sinici sê ons jy kan eintlik niks verloor deur dit minstens te probeer nie.) Na vele versoeke van lesers oor die afgelope drie jaar het Gaye Boshoff (oor wie ons in die vorige uitgawe van Platteland geskryf het) ingestem om vir minstens die volgende jaar inligting uit haar Moonbloom-kalender met lesers te deel. Sy gaan fokus op alles wat oor die volgende drie maande reg oor Suid-Afrika geplant kan word. Probeer dit en laat ons weet!…

Soos ons in die Lente 2021-uitgawe van Platteland genoem het, het ons iedereen van Jane Griffiths se boeke op die rak, maar ons is veral gaande oor haar nuwe omvattende gids oor meer as 150 superkosse. Leer waarom superkosse goed is vir jou, hoe om die voordele daarvan te geniet en hoe om dit deel te maak van jou maaltye. Die boek bevat ook interessante inligting oor die geskiedenis en oorsprong van die kossoorte wat ons eet; sensitiwiteite vir kos; en praktiese wenke oor hoe om smoothies en vars sappe en spruite te maak; en hoe hom bestanddele te fermenteer of droog. En, soos wat ’n mens van Jane kan verwag, is sy vrygewig met haar raad oor die kweek daarvan. Jane’s Delicious Superfoods for Super Health word deur Jonathan…

wen-brief 78 en ons woel in die tuin! Ek en my vrou is albei 78 jaar oud. Twee jaar gelede het ons van Pretoria af Kaapstad toe verhuis en ’n nuutgeboude huis met ’n “rou” erf betrek. Die foto’s wys hoe dit nou lyk – al die werk is deur onsself gedoen, sonder enige gehuurde arbeid. Ons oes reeds koejawels, druiwe, aarbeie, uie, wortels, beet, grenadellas, blaarslaai en spinasie, ertjies, boontjies, tamaties en suurlemoene. Die papajas en swartbessies is in aantog. Saam met die huis was daar ’n gryswaterstelsel – ek het pype na die bome en struike aangelê. Ek het ook onlangs twee 1000 l-water watertenks geïnstalleer wat nou al altesame meer as 1 100 l reënwater bevat. Ons stuur ’n paar foto’s om te wys enigiemand kan tuinmaak…

Maak jou eie Kerskrans FRANSCHHOEK 8-9 DESEMBER Loop saam met Babylonstoren se blommekunstenaar Constance Stuurman deur die “tuin van Eden” en vul jou mandjie met saadkoppe, blomme en blare. Daarna leer sy jou in ’n handwerksessie om jou eie krans te maak. Slegs 15 plekke per klas is beskikbaar – spring dus gou! Kaartjies R500 p.p. Waar? Babylonstoren, Franschhoek (op die Klapmuts-Simondiumpad). Kontak babylonstoren.com Teen die stroom op MIDDELBURG, OOS-KAAP 10-11 DESEMBER Hoewel die meeste gewone sterflinge ’n tradisionele seeof woonwavakansie geniet, verkies sommige om eerder téén die stroom te beweeg. Wat is nou beter vir ’n avontuurlustige gesin of groep avonturiers as ’n blaaskans in die Karoo, met die witwaters van die Groot-Brakrivier reg by jou. Waar? By die Karoo River Rafting & Cabins-oord op die plaas Riverview, Middelburg.…

Hoe ver van die grootstad af? Swellendam lê halfpad tussen Kaapstad en George (albei rofweg 220 km). Geriewe Hier is byna al die geriewe wat ’n mens van ’n vooruitstrewende dorp van hierdie grootte verwag – van ’n Spar en Checkers tot ’n Clicks – plus ’n magdom gastehuise en restaurante. Naaste hospitale, aftreeoorde en skole Die dorp het ’n paar aftree- en versorgingsoorde. Verreweg die meeste inwoners is vol lof vir die diens én die personeel by die provinsiale hospitaal op die dorp – die naaste private hospitale is op Worcester, Hermanus en Mosselbaai. Naaste Woolies In die Mountain Mill-mall op Worcester (113 km), die Whale Coastmall in Sandbaai, Hermanus (143 km), of die Mosselbaai-mall (170 km). Munisipaliteit Die Swellendammunisipaliteit sluit die dorpe Barrydale, Buffeljagsrivier, Infanta, Malgas, Suurbraak en…

Ons leef in ’n wêreld waar oornagplekke eerder te koop loop met hulle wifi as die mooi blinkgepoetste koperkatel in die slaapkamer of die outydse Formica-tafeltjie in die kombuis. En dís waarskynlik waarom ’n mens jou so verkneukel in die tromp-op boodskap wat jou op Willemsrivier se tuisblad begroet: “Willemsrivier is ’n werkende skaapplaas met rustieke, basiese, ongesofistikeerde, primitiewe, geskiedkundige, nostalgiese plaasstylakkommodasie vir natuurliefhebbers (geen skoonmaakdienste, lugverkoeling, TV of wifi nie).” In die lugtige leefkamer van hulle plaashuis waar daar wél wifi is – dis immers hulle woon- én werkplek – gaan die eienaars, Arend en Erika Kotzé, ook aan ’t lag. “Jong, ek het die bewoording anderdag eers só verander om alles kristalhelder uit te spel,” sê Erika. “Ek móés… jy sal nie gló hoeveel mense – veral mense…

Wyle prof. Walter Battiss, een van Suid-Afrika se grootste waterverfskilders en skrywer van nege boeke, is op 6 Januarie 1906 in Somerset-Oos gebore. Hier word die Walter Battiss-museum in die geskiedkundige 1818-gebou gehuisves waar sy voorsate ’n hotel bedryf het. Alan is voorsitter van die museum. “Geen fotograaf kon nog Boschberg se wisselende kleure vasvang soos Battiss in sy skilderye nie,” sê hy. Battiss het self ’n diepe verbintenis met Boschberg en die waterval gehad. Kort voor sy dood in 1982 het een van sy vriende, Neil Turner, met groot moeite en sorg vir Battiss na die waterval geabba omdat die laaste deel van die roete slegs te voet bereik kan word. Battiss was toe reeds siek met kanker.…

’n Klein huisie is nie vir almal nie, ongeag hoé groot jou smagting is om af te skaal en ’n eenvoudiger, meer bekostigbare leefstyl aan te gryp. Eerstens verg dit ’n ander ingesteldheid om oor te skakel na ’n erg beknopte ruimte in die geselskap van andere, al is hulle ook hoe maklik om mee saam te leef. Onthou die volgende: • Probeer bly die beste geweer Voordat jy jou stadshuis verkoop, van al jou besittings ontslae raak en by ’n hut iewers in die bos intrek, gaan woon eers vir minstens ’n week in ’n klein plekkie saam met jou huis-of lewensmaat (en kinders, as jy het). Dit sal enige moontlike probleme na die oppervlak laat kom. Persoonlike gewoontetjies wat in ’n groter plek nie saak maak nie en…

Hoe het julle mark oor die afgelope 10 jaar verander? Eksotiese sampioene was nie iets waarmee baie mense gekook het nie, maar danksy kosprogramme op TV is tuiskokke nou ingelig en waaghalsiger. Terselfdetyd het ons ’n revolusie gesien in die manier hoe mense oor kos dink. Hulle wil weet waar dit vandaan kom en verkieslik self kweek. Waarom doen julle slegs oestersampioene? Ons het begin met die wit oestersampioene, omdat hulle die maklikste is om te kweek. Daarna het ons portobello-, sjiïtake- en knopiesampioene probeer, maar hulle is veel moeiliker om te kweek omdat hulle spesifieke temperatuuren humiditeitsbehoeftes het. Waarom is die pienk en blou oestersampioene slegs in die somer en winter te koop? Net soos gewone blomme het verskillende oestersampioene verskillende temperature nodig om te ”blom”. Pienk groei in…

Maanfases Net soos die swaartekrag van die maan seevlakke laat styg en daal, het dit ook ’n invloed op die vog in die grond. Saad absorbeer meer water met volmaan en nuwemaan omdat meer vog na die grondoppervlak getrek word. Dit laat saad uitswel en lei tot beter ontkieming en sterker plante. Die maan beïnvloed plantgroei ook deur middel van geotropie (die manier waarop plante in ooreenstemming met die rigting van die aarde se swaartekrag groei). Die wortels groei ondertoe, in die rigting van die swaartekrag, en die stele in die teenoorgestelde rigting. • Nuwemaan tot Eerste kwartier (groeiende maan) – halfvrugbaar Dit is ’n goeie tyd om gewasse te plant wat hulle saad buite die vrug produseer. Dit is veral geskik vir eenjarige blaargroente waarvan ons die blare (en…

Pioeniers van die Karoo Pioenrose word in enige tuin beskou as die ster: koninklik en gewoon asemrowend. Maar dié statige dame is ook vol nukke en weet presies waarvan sy hou: goeie son met ’n bietjie koelte – nie te veel nie – en ook nie té diep geplant nie. Hulle het menige gesoute tuinier al laat wonder oor hulle eie groen vingers… Vir twee OosKaapse sakevroue was hierdie ’n uitdaging wat hulle met doelgerigtheid, geduld en deursettingsvermoë aangepak het – en vanjaar is dit sulke tyd: hulle heel eerste blomseisoen! Ansuné Asher en René Harris het hulle blommereis in 2018 op die plaas Tafelberg Hall buite Middelburg begin. “Ons het besluit om iets te begin waarin ons albei belang stel – en wat is dan nou beter as blomme!”…

Huiskos deur Herman Lensing Herman Lensing is een van bittermin kosskrywers ter wêreld, indien nie die enigste nie, wat op 34 sy sesde kookboek bekend stel. Die titel en subtitel – “Nostalgie is die beste geurmiddel” – sê presies hoe pretensieloos die meer as 80 resepte is wat hy hier deel. Vleisgeregte, koeke, ontbyt, bykosse, koekies, beskuit en nageregte soos trifle en basaarpoeding pryk onder meer op die spyskaart, en alles word gemaak van bestanddele wat jy volgens die uitgewer “van Pofadder tot in Pretoria kan kry”. Dit word afgewissel met kostelike persoonlike staaltjies oor homself en die vriende en ander mense wat hy op sy vele reise deur Suid-Afrika leer ken het. R390 Struik Lifestyle penguinrandomhouse.co.za WEN 1: Herman-A Skryf só in Skryf “Somer”, gevolg deur die sleutelwoord by…

Die beste tyd Daar kom heeljaar mense op Willemsrivier uitspan, maar van Desember tot Februarie kan dit baie warm wees. Volgens Erika slaap hier in Maart en April baie besoekers oor op pad na die Kgalagadi of Botswana. Bespreek lank voor die tyd as jy in die blommeseisoen – Augustus en September – hier wil oorbly. Willemsrivier het twee blomroetes: die Trekpadroete oor 3 km en die Geelkatstertroete oor 1 km. Nieuwoudtville se beroemde bolplante sit in Oktober hulle beste voetjie voor, terwyl die kandelaarblomme (Brunsvigia) in April en die kokerbome in Mei blom. Museum en trekkerversameling ’n Sjarmante klein versameling ou kultuurgoed word ten toon gestel in die eenvertrekmuseumpie wat in die ou tronk ingerig is. Net ’n hanetree verder is al wyle oom Tienkie se versameling trekkers te…

Doen, drentel en koop Wag ’n bietjie-padstal-en-koffiewinkel Op pad Hoedspruit toe, 6 km buite Kampersrus, lê Wag ’n Bietjie regs van die pad. Die eienaar, Megan van der Merwe, bak self al die lekkernye, en sy verkoop items soos Sapmok-vellies, dekor, velrome en potplante. As jy een van die haar grasmandjies koop, maak net seker daar is nie ’n koekoekhen wat daarin sit en broei nie… Wag ’n Bietjie Padstal 072 422 8849 Eetplekke Ambri Africa Lienkie Perucatti het dié eetplek op 1 Oktober geopen nadat sy voorheen by die restaurant Upperdeck was. Mense kom sit graag hier aan vir eisbein en pizza. 082 456 6228 Francine’s Venue & Farmhouse Die wildfotograaf Emma Gatland en haar verloofde, Luan Oosthuizen, ’n veldgids, het Francine’s op 1 September oorgeneem. Dit is geleë…

Geen mens kan ooit daarop voorbereid wees nie: Wanneer jy in die stikdonkernag wakker word en besef daar is mense in jou huis. Óngewenste siele. Op daardie oomblik, selfs deur die newels van ’n diep, diep slaap, wéét jy die fluisterstemme en swaaiende flitslig in die vertrek langs jou slaapkamer is nie goeie nuus nie. Jy vlieg op, eerstens dankbaar dat jy klere aan jou lyf het, en dan som jy die situasie blitsvinnig op, neem binne ’n splitsekonde tientalle besluite: Is dit ’n droom? Waarmee kan ek my verdedig? Jy kyk rond in die duisternis, dink op daardie oomblik verby die handgekerfde knopkierie wat ’n vriend persent gegee het, verby die loodsware Moeder Maria-beeld wat al die pad uit Kroasië saamgekom het. Jy sien drie figure… sê nou hulle…

Dit is mooiweer in die Boesmanland. ’n Front diep uit die Atlantiese Oseaan stoot donker wolke oor dié stuk aarde se kliprante, kokerbome en kaal ooptes. Rondom Pofadder is die veld só rooi dat dit lyk of die onderkant van die wolke vlamvat. Ongeveer 30 km suid van die dorpie skuur die wolke hulle teen die Namiesberg stukkend. Strepies reën lek uit, en die grond slurp die water vinnig op, ook op die plaas Onder-Namies, waar die 28-jarige Marli Visser en haar man, Theunis, bly. “Dit het gisteraand 9mm gereën en nou weer 2mm,” sê Marli opgewonde. Al bewys hiervan is ’n splintertjie reënboog wat tussen die lemoenbome hang. “Dit is sommer ’n klomp water,” sê haar pa, Andre Nel. “By ons het seker 3,8mm geval. Ek draai maar die…

Anneke bied elke nou en dan ’n kursus aan oor hoe om takbokvarings op ’n houtbord vas te sit. Sy bied die kursus aan by haar spesialiteitsdeli, 42 on Sonneblom, en neem mense graag deur haar tuin by die deli. Hier kan jy jou verkyk aan haar versameling takbokvarings. Geniet ook ’n lekker koppie koffie in die deli en laai jou mandjie vol met tuisgemaakte pasteie of ’n groot verskeidenheid ingevoerde Italiaanse en Nederlandse produkte. Kontak 083 294 2015 42onsonneblom.co.za…

Om jou eie sampioene te kweek laat jou nie net soos ’n superheld voel nie; dit is ook ’n interessante proses én jy kan met jou indrukwekkende eksperiment spog wanneer jy vriende oornooi vir ete. Neem die volgende in ag… 1 LIG Dit is nie nodig om sampioene op ’n donker plek te kweek nie. Kies ’n ligging wat genoeg lig kry, maar geen direkte sonlig nie. 2 LUG Lugbeweging is baie belangrik vir die kweek van gesonde sampioene. Gebruik sommer ’n papierbord om die lug in die humiditeitstent rond te waai elke keer as jy die sampioene natmaak. As die sampioene lang, tingerige steeltjies vorm, is die lug nie genoeg nie. 3 WATER Spuit 2-3 keer per dag met ’n spuitkannetjie water op die groeiboks. As dit warm is,…

My reis op pad na gesonder eetgewoontes het 25 jaar gelede begin toe ek my eie kruie, groente en vrugte begin kweek het deur van natuurlike en volhoubare metodes gebruik te maak. Die lesse wat ek geleer het, het ook te doen gehad met my gesondheid en welstand. Namate ek meer bewus geraak het van hoe belangrik voordelige mikro-organismes in die tuin is – en hoe verwoestend pesdoders en chemiese stowwe – het ek ook begin wonder oor die byvoegings en preserveermiddels in kos en wat ek in my liggaam sit. Ek het begin bevraagteken waar kos vandaan kom en hoe dit gemaak is. Ek het begin verstaan hoe gesondheid onmiskenbaar verband hou met wat ons eet. Net soos gesonde, vrugbare grond sterk en voedsame plante voortbring, is ’n gebalanseerde…

Seisoenale bestanddele kry sterstatus in Ilse van der Merwe se nuwe kookboek, Simply Seasonal. Hierin verskyn meer as 80 resepte – van voorgeregte en bykosse tot hoofgeregte en poedings. By elke resep is boonop ’n lieflike volkleurfoto. Langer as ’n dekade al is seisoenale kos die groot gonswoord in die moderne koswêreld, met die klem op bestanddele wat natuurlik in seisoen is daar waar jy woon. Tog is dit ’n oeroue manier van bestaan: om uit die aarde te leef, so vars as moontlik te eet en die meeste moontlike voedingstowwe in te kry. Boonop ondersteun jy plaaslike produsente én spaar selfs geld. Deur te kies om seisoenaal te eet val die kollig opnuut op wat in ons onmiddellike omgewing geproduseer word. Dit moedig ons aan om plaaslik te koop…

– Augrabies-waterval, Noord-Kaap – In die somer van 2020-’21 het dit noord van die Oranjerivier gereën en gereën en gereën. Riviere het hulle walle oorstroom, damme het oorgeloop, watervalle het gebulder – en ek en my goeie vriend Michael Collett het die roete van die magtige Oranje gevolg. Op Bethulie het ons op die Hennie Steyn-brug gestaan en kyk hoe ’n polisiehelikopter ’n groep gestrande beeste deur die vloedwaters aanjaag tot waar dit droog en veilig is. Ons het ’n draai gemaak by die Gariep- en Vanderkloofdam toe hulle meer as 100% vol was en miljoene liter water oor hulle wal gestort het. Ons het Douglas toe gereis om na die massas water te kyk by die samevloeiing van die Oranje- en Vaalrivier. En ons het ons reis afgesluit by…

Ons nooi lesers graag om hulle 180º-uitsig met ons te deel – ’n plek ver van die stadsgeraas. Stuur jou hoëresolusiefoto’s (300 dpi, minimum 1 MB) per e-pos vir ons, met daarby ’n beskrywing van 200 woorde oor dié spesiale plek. Skryf asseblief “180 grade” in die onderwerpreël. helloplatteland@gmail.com Die leser wie se foto en storie geplaas word, wen ’n intekening op ons sustertydskrif Weg se aanlynfotokursus, “Neem beter foto’s”, ter waarde van R950. Dankie aan Sue Hewitt van Bethulie in die Vrystaat – en veels geluk!…