Innehållsförteckning för Spring 2023 från Weg! Platteland

Ek het van julle tydskrifte by Annalise en Arnold Hoon van die Ah!-gastehuis hier op Paternoster gekry, en my tone het omtrent omgekrul so lekker het ek daaraan gelees. Dit sit my toe aan die dink. Ek was onlangs op ’n 4x4-toer in die berge rondom Lady Grey, Elliott en Rhodes. Wat ’n weggesteekte en vergete juweel is Rhodes nie… Chris en Annemarie Oosthuysen, boorlinge van dié wêreld, het saamgery, en dit was werklik soos ’n ontdekkingsreis. Daar is nog Skotse families met die allermooiste tuine, ’n gerehabiliteerde dwelmverslaafde wat baie in sport bereik het en slypskole aanbied. Verblyf in dié skilderagtige omgewing wissel van verblyf op plase tot die Rhodes-hotel waar smaaklike kos voorgesit word. Maar met die Tiffendell-skioord wat gesluit het, gaan dit swaar. Ek hoop dit inspireer…

Julle tydskrif is eerlikwaar die enigste een wat ek koop. Waarom? Omdat julle skryf oor“regte”mense wat in die platteland woon, en oor outentieke landelike agritoerisme-ervarings. Die Winter 2023-uitgawe met stories oor boere het my weer moed gegee vir die werk wat ek doen, naamlik om aan boere die geleentheid te gee om nie net hulle produkte te verkoop nie, maar ook trots te wees om ’n boer genoem te word. Dankie. Julle tydskrif is so verfrissend, so betekenisvol. Ek noem dit my“motiveringsleesstof”! Jacqui Taylor  KAAPSTAD…

Suid-Afrikaners het weer uitgeblink by vanjaar se Intercontinental Spirits Challenge – ’n toonvenster vir die beste gedistilleerde drankies in Europa en Afrika – waaraan produsente uit 13 lande deelgeneem het. By die Afrikainskrywings wat einde Mei in Stellenbosch beoordeel is, is Oude Molen se XO Cape Brandy as een van vier trofeewenners aangewys. Die XO (“extra old”) is ’n verfynde, elegante toonbeeld van Kaapse brandewyn. Die geurprofiel is grootliks die resultaat van eenvoud – daar’s geen byvoegings of tierlantyntjies nie, sê Danie Pretorius, kommersiële bestuurder by die distelleerdery.” Kenners meen brandewyn is die eerste keer in 1672 uit Kaapse wyn gestook aan boord van ’n Nederlandse skip. Maar dit was die Belg René Santhagens wat in die twintigste eeu begin het om in die Kaap brandewyn volgens die ou Franse…

Blomsaad R65 per pakkie Adene’s Farm Flowers adeneflowers.co.za Azizi-vrouetoerygskoene van sagte leer vir breë voete R1 750 Bummel bummel.co.za Vase van herwonne eikehout (van links): Teardrop, Arch en Ellie R190-R260 elk Oh Nice ohnice.co.za Sense of the Karoo-granaatstroop R95 en -lemoenstroop R89 De Oude Fabreeck deoudefabreeck 046 685 0994 Keramiekkleinbordjies met plantpersmotief (165mm deursnee) R90 elk Veld_Pottery veld_pottery Cheddarkaas met rissie, swartpeper, koljander en naeltjies R162/kg Kingwill-kaas kingwillcheese iankingwill@twk.co.za Kerse in die kleur A Song of Africa (10-22cm hoog) R60-R123 elk Kers & Co kers.candle.sa orders.kers@gmail.com Ongefiltreerde rou enkelbron fynbosheuning (1 kg) R195 Scrub Hare scrubhare.co.za Tuisgemaakte natuurlike hondesnoepgoed (van links): Sondrooglewerbiltong (200 g) R90 Omega- en beesbeskuitjies (200 g) R40 elk Jayne’s Dog Treats jaynesdogtreats.co.za Wing-kershouers van herwonne eikehout R220 elk Oh Nice ohnice.co.za Vye-en-gemmerkonfyt met granaatsap R52 Granaatasyn (550 ml) R75 Pomaré madebypomare pomare@tehillahfarm.co.za…

Brul saam by die Bull Run Weg Ry & Sleep se gewilde Bull Run word van 5-8 Oktober op ’n pan net buite die dorp gehou. Hier neem spanne in voertuie wat voor 31 Desember 1985 geregistreer is, deel aan allerhande uitdagings. Honderde mense kom kamp in en om Vanwyksvlei uit. Kaartjies is te koop by Quicket, maar verkoop gewoonlik vroeg uit. Weg Ry & Sleep Bull Run Bly oor op die dorp Bel Trudie Oberholzer van die Inni Vleigastehuis as jy op die dorp wil oorbly. 072 229 8025 Raak betrokke Gaan na Beginet NPC om ds. Deon van der Berg se gemeenskapwerk te volg of indien jy graag die Vanwyksvlei United-rugbyspan wil ondersteun.…

Die skrywer Anna Kemp, voorheen van Durban, het in 2016 haar eerste huis op die dorp gekoop en dit in Mei 2017 verruil vir ’n groter huis waar sy, haar dogter, Alida, en hulle uitgebreide dieregesin woon (en waar dié voorbladfoto geneem is). Alan Dove is ’n oudinwoner van Koringberg, terwyl die kunstenaar Pippa Lea Pennington in 2016 van Durban af hierheen getrek het en sedertdien hier woon en werk. (Iro nies genoeg poseer Pippa met ’n brood wat sy weens glutenintoleransie nie kan eet nie! – Reds.) Rodney van Breda is ’n oudinwoner wat tussen 1997 en 2021 op Koringberg gewoon het. Alida Kemp woon sedert 2018 op Koringberg saam met haar ma, Anna, vyf perde, vier honde en drie katte. Barbara Malaisé, Platteland se Engelse proefleser, en haar…

Sien jy elke dag dieselfde tuinvoëls in jou agterplaas, maar ken net vir mossie, vink en swaeltjie? Die illustreerder Jeanne Hugo van der Merwe, eienaar van Smartypants Posters, het met ’n praktiese (en mooi!) plan vorendag gekom wat jou sommer vinnig soos ’n voëlkenner sal laat voel. “Met die Covid-19-inperking in 2020 het ons gesin die meeste van ons tyd buite in die tuin deurgebring,” vertel Jeanne. “Ons het op die naat van ons rug gelê en na die uitgestrekte boomtakke en hemelruim bo ons gestaar. Tot my verbasing het ek nie naastenby genoeg van die voëls wat ons gesien het, se name geken nie. Ek het begin wonder hoe ek my seuns van ons geveerde vriende sal kan leer as ek self nie eens weet wat die name is…

Mary-Anne Mngomezulu (gebore Cunningham) straal die vriendelikheid en deernis uit wat ’n mens van ’n engel sou verwag. Saam met die hawelose mense by die dwelm-en-alkoholvrye skuiling op die hoek van Marineweg en Sea Witchlaan in Plettenbergbaai het sy ’n manjifieke permakultuurtuin begin wat vir kos en medisinale doeleindes gebruik word en waarin geen onkruid-of plaagdoders gebruik word nie. Die hele tuin getuig van wat die hawelose gemeenskap kan vermag, en loop altyd oor van groente en verskeie soorte kruie. Daar’s vrugtebome, verskillende graansoorte en blomme. Hier werk mense vrolik saam met Mary-Anne – trek onkruid uit, bou Hügelkultur-komposhope, maak nuwe beddings, saai, plant en maak kos met die oes uit die tuin. Die skuiling ontvang min geldelike bydraes. In die plek daarvan het Mary-Anne ’n energie-uitruiling geskep tot…

• 23-25 September op Montagu Yvette praat oor medisinale kruie by die derde Kruiefees wat by die Montagu-museum aangebied word. montagumuseum.co.za/herb-festival-2023 Montagu Herb Festival 084 451 2942 • 6-8 Oktober op Barrydale Yvette is een van die sprekers by die Barrydale in Bloom-tuinfees waar sy gaan vertel hoe sy inheemse medisinale plante in verskeie projekte gebruik het om die grond – en mense – in harmonie met die natuur gesond te maak. Sy bied ook ’n begeleide toer van die Yamù-medisinale tuin by die Karoolkie-landgoed aan wat ’n demonstrasie van die distilleerproses van vlugtige olies insluit. barrydaleinbloom.com…

Tiaan Langenegger het grootgeword in ’n familie wat almal lief is vir lekker kos en droom al van sy eie kookboek sedert hy op 13 met Jamie Oliver se eerste kookboek, The Naked Chef, kennis gemaak het. Tiaan het al by van die voorste restaurante in die land gewerk, waaronder Le Quartier Français op Franschhoek en Bertus Basson se Overture op Stellenbosch. Sy loopbaan het behoorlik vlamgevat nadat hy in 2013 saam met Mynhardt Joubert die eerste seisoen van die werklikheidskookkompetisie Kokkedoor op kykNET gewen het. Sedertdien het verskeie TV-programme gevolg. Tiaan, sy vrou, Nadia, en hulle dogter, Klara, woon op Somerset-Wes waar hy as hoofsjef by Generation Schools daagliks vir sowat 400 kinders kosmaak.…

Somer – Januarie 2016 ’n Mens voel dikwels dinge raak net al hoe slegter, maar soms is dit nié so nie – soos toe my ma van Durban af verhuis het na Koringberg, ’n dorpie in die Swartland sowat 120km van Kaapstad af. Die dorp het haar as kunstenaar wat onlangs geskei is, baie goed gepas. Hier het jy nie veel nodig nie, want daar ís niks nie, wat beteken die lewenskoste is laag. En dit is oop, met lekker baie vars lug. ’n Verbyganger mag dalk nie veel dink van haar lappie grond nie. Daar is ’n klein huisie in ’n nare skakering van maroen en ’n erg verwaarloosde tuin. Maar my ma is ’n kunstenaar. “Kyk!” sê sy en wys vir my die foto’s. “Die garage is perfék…

Ek weet nie eintlik wie die persoon in die redaksie is tot wie ek hierdie navraag moet rig nie, maar soos die aanhef van ’n getuigskrif altyd lui, sal ek maar sê: Wie dit mag aangaan. In Januarie vanjaar was ek in die hospitaal, en ’n vriendin het vir my die Platteland van daardie tyd gebring. Dit was die heel eerste keer dat ek van dié tydskrif bewus geword het en ek was dadelik smoorverlief en“omgekoop”! Een van die ander pasiënte het geen leesstof gehad nie en sy het die tydskrif by my geleen. Die volgende dag is sy huis toe met my tydskrif en al, hoewel ek nie dink sy het dit opsetlik gedoen nie. (Mmm… daarvan weet ons nie so mooi nie. – Reds.) Ek was skoon hartseer,…

Die immer woekerende Ina Paarman en haar span het goed vuurgemaak onder hulle reeks kerriekooksouse: Twee splinternuwe geure – ’n warm, volronde Durbankerrie en ’n matiger, soeter Kaaps-Maleise kerrie – is bekend gestel, terwyl die bestaande romerige Botterkerriehoender nóg geuriger gemaak is en die Tikkakerrie met ’n nuwe verpakking spog. Op haar webwerf is gawe resepvoorstelle waarmee jy die grootste kerrieconnoisseur kan beïndruk. Die reeks behoort van September af op winkelrakke te verskyn, maar is reeds te koop op haar webwerf teen R48 per 250ml-pakkie. Kontak paarman.co.za…

WES-KAAP Swartlandskou MOORREESBURG 6-9 September Die grootste landbouskou in die Wes-en Suid-Kaap word vanjaar die 89ste keer gehou en spog ouder gewoonte met die mooiste perde, beeste, skape, pluimvee en masjinerie wat besigtig kan word, plus ’n landbouseminaar, damesdag, skoudans en skoukoningin, stalletjies, vermaak, ’n wyntuin, restaurante en ’n bergfietsresies oor 10 km, 40 km of 60 km. ’n Groot deel van die arena word omskep in ’n speelplek en troetelplaas vir kinders. Kaartjies Pryse wissel na gelang van die dag en/of spesifieke geleentheid by ticketpros.co.za. Kontak swartlandskou.co.za SwartlandSkou-Moorreesburg info@swartlandskou.co.za 022 433 1607 Riebeekvallei-motorskou RIEBEEK-KASTEEL 9 September Verwonder jou aan klassieke, vintage, veteraan-en antieke motors, motorfietse en trekkers, maar ook die nuutste tegnologie van name soos Ford, Porsche en Bentley by die Riebeekvallei-Rotariër-klub se motorskou wat op die uitgestrekte terrein van…

Min dinge op hierdie aarde is so beeldskoon en gewoon betowerend as die sysagte blomknop wat deur ’n hand van tulpblare omhoog gelig word. Dalk is dit die eenvoud daarvan: Min lyne, sag, vloeiend. Bedeesde pastelkleure. ’n Skugter, stigtelike skoonheid vol belofte en sonder tierlantyntjies of airs. G’n soet parfuum nie. G’n groot en uitlokkende gebare of ’n geskreeu nie. Net ’n suiwer visuele fees. In 2003 swig ons voor hierdie einste betowering toe ons in Amsterdam die beroemde blommemark binnestap. Daar’s blomme vir Afrika, maar ook blombolle te kus en keur – spesifiek tulpbolle wat die mond omtrent laat water. Sewentien soorte wit, voel dit voel dit vir jou. Wie weet hoéveel rooi en geel en pers skakerings… en dan, natuurlik, die donkerder skoonhede: potblou, persblou, swart. Verruklik. Ons…

4½ miljoen Soveel tulpblomme verkoop Bloomia Suid-Afrika jaarliks. 16 miljoen Die aantal blomstele wat in 2022 in Amerika verkoop is in die twee weke voor Moedersdag. 20 miljoen Soveel blomme word daagliks by die Aalsmeer-blommemark in Noord-Holland verhandel 4-7 weke Die tyd wat verloop vandat die bol uit sy winterslaap gehaal word totdat sy blom in die winkel beland. Die Chileense bolle, wat kleiner is, neem 7 weke, maar die ouer Hollandse bolle is binne ’n maand gereed. 1 Soveel blomme ontwikkel uit ’n enkele bol. 90% Soveel van Bloomia se blomme gaan na Woolworths toe. Die res word gelewer aan ’n paar bloemiste en geleentheidsbeplanners (vir troues).…

Kontak Stephanie White van EXP South Africa Realty oor dié trio eiendomme. expsouthafrica.co.za (tik“Koringberg” in die soekbalkie) stephanie.white@expsouthafrica.co.za 084 758 9467 R950 000 ’n Hoekerf van 1661m2 in Kareestraat aan die rand van die dorp met goeie uitsigte en ’n halfvoltooide huis. R980 000 Dié onbeboude hoekerf van 3320m2 in die bodorp het reeds ’n munisipale waterverbinding, enkele bome en ’n lieflike uitsig. R2,2 miljoen Platteland se gunstelinggebou op die dorp is die lieflike dog verwaarloosde Ou Meulhuis, ’n erfenisgebou (waarvan ’n deel tans die Posagentskap huisves). Dit staan op ’n erf van 2242m2 met sakeregte. Kontak Riaan Viljoen van Home & Hectare Real Estate oor die volgende drie eiendomme. homeandhectare.com (tik “Koringberg” in die soekbalkie) riaan.viljoen@homeandhectare.com 0828222798 R300 000 ’n Onbeboude erf van 1382m2 aan die onderrand van die…

Die dag in 2021 toe Yvette Anderson en haar lewensmaat, die metaversespesialis Dale Imerman, op hulle eerste besoek aan Barrydale oor die Karoolkie-strooisteenhuislandgoed uitkyk, het albei onmiddellik ’n sterk konneksie met Gerald en Carol Phillips se 6ha-plasie in die middel van die dorp gevoel. “Dit was soos ’n prentjie van Toskane… die wingerd het gelukkig gelyk, maar ek kon sien die bome in die verwaarloosde olyfboord is diep ongelukkig,” vertel Yvette. “En wat bo die grond gebeur, is gewoonlik ’n goeie weerspieëling van wat ondergronds aan die gang is.” Yvette, ’n landskapargitek en ekologiese boer wat medisinale plante kweek vir haar Yamù Botanicals-produkreeks wat tans uit teemengsels, droë kruie, tinkture en wierookbondels bestaan, het in die voorafgaande vyf jaar ’n vernielde ou gholfbaan buite Citrusdal met inheemse medisinale plante in…

Tuinsukses begin onder jou voete in die ingewikkelde heelal van jou tuingrond. Een van die sleutelrolspelers hier is ’n unieke groep mikroörganismes bekend as anaërobiese effektiewe mikroörganismes (EM) wat nuwe lewe in jou grond blaas en tot gesonder, sterker plante lei. Anaërobiese effektiewe mikroorganismes is mikrobes wat natuurlik voorkom in omgewings sonder suurstof. Dit bestaan tipies uit verskillende melksuurbakterieë, gisselle, fotosintetiese bakterieë en ander voordelige mikroörganismes, wat elkeen ’n unieke rol speel om ’n gebalanseerde, gesonde grondekostelsel te skep. Die hoogs voordelige organismes werk saam om organiese materiaal in die grond af te breek tot voedingsryke humus wat plante laat gedy. Die fassinerende ding van EM is dat dit self voortplant. Die mikrobes begin dadelik vermeerder wanneer jy dit op die grond spuit en vorm ’n digte bevolking wat gou…

Die idee vir Tiaan Langenegger se eerste eie kookboek, Onthoukos – Ouma se treffers vir vandag se kombuis, het onstaan uit die vlaag van resepnavrae wat hy van kykers gekry het ná die kookprogramme waaraan hy op kykNET en Showmax deelgeneem het. Die meeste resepte is geïnspireer deur sy ma en ouma se kos, plus hy deel ’n klompie treffers wat hy oor die jare in restaurantkombuise leer maak het. Daar is hoofstukke vir ontbyt, ligte etes en voorgeregte, gebak en bykosse, hoofgeregte, nageregte en soetgoed, en souse. Die boek word uitgegee deur Lapa en kos R360 by boekwinkels landwyd. lapa.co.za 011 327 3550 Wen Ons gee twee eksemplare weg van Onthoukos. Gaan na platteland.net, klik op“Wen”en vul jou besonderhede in met die sleutelwoorde “Lente Tiaan”. Die sluitingsdatum is 23…

Daar is ’n bekoring aan die woord piekniek. Die woord kom van die Franse“pique-nique”, wat beteken om aan jou kos te pik. Piekniek gaan dus nie soseer oor die eet nie, maar eerder oor die atmosfeer en gevoelsbelewenis. Die kans om vir ’n wyle oorvloed en vrede te smaak. Jare gelede in die Karoo is ek na ’n lenteverjaardagpiekniek genooi by die imposante plaashuis van Rusoord. Rye piekniekmandjies het ons ingewag wat met die grootste sorg vir ons berei is. Van daar af is ons na die gronddam tussen die populierbome. Ons het elkeen ’n kombers gekry en ’n plek tussen die bome gesoek om dit oop te gooi. Daar langs die water met die son wat plek-plek deur die bome loer, het ons die mandjies uitgepak. Ons het gelag,…

Platteland is meer as net ’n tydskrif. Dis amper soos ’n brief van ’n vriend. Veral die Winter 2023-uitgawe was ’n wenner wat my hart vuurwarm laat klop het. Ek het hom oor en oor flenters gelees! Julle het my beslis geleer om stadiger en lekkerder en voluit te leef. • Maria van Zyl se storie (“Ballade van die botterboer”) is fantasties. Wat ’n passievolle en dinamiese vrou – in haar kameelkleur dungaree en rubberstewels lyk sy volkome melkboer.• Ons was Groot-Marico toe. Wat ’n vriendelike, ongetemde gebied! Die mense ontvang jou met ’n gees van dankbaarheid en hartlikheid.• Graaff-Reinet is ’n pragtige dorp en het sekerlik die mooiste NG kerk in die land. Ek lief hierdie skoon en netjiese dorp met sy werklik sonderlinge natuurskoon.• Winterkos… sjoe, die smaaklikste…

Nostalgie deur Herman Lensing Herman Lensing se sewende kookboek land eers in Oktober in die winkels, maar ons lek al klaar ons lippe af vir die beloofde “kos wat vra vir ’n tweede skep en sê: ‘Onthou jy nog?’” Hierin deel Herman nie net 80+ resepte vir bykosse, hoofgeregte, brood, vleisgeregte, vakansiekoekies en nageregte nie, maar hy vertel ook – in sy eie woorde – die storie van sy lewe tot op 36 jaar. R360 Penguin Random House penguinrandomhouse.co.za WEN 1: Nostalgie Easy Al Fresco deur Ilse van der Merwe Ilse se derde boek is propvol maklike, smaaklike geregte waarvoor jy nie elektrisiteit nodig het nie; slegs basiese kombuisgereedskap en ’n vuur of ketelbraai. Moenie die Someruitgawe van Platteland misloop nie – ons plaas ’n liplekker uittreksel. R430 Penguin Random…

• Kontantvloei is koning.“Hoe sê hulle… Turnover is vanity (it is about your ego), profit is sanity (it is about the reason you’re most likely in business), and cash is reality. Kontant is koning – ons het self deur moeilike tye gegaan, en as dit nie vir Bloomia was nie, was ons nou nie meer hier nie.” • Moenie kompromieë aangaan as dit by gehalte kom nie.“Ek gooi eerder ’n beskadigde blom hier in die kweekhuis weg as wat ek dit aan ’n klant probeer afsmeer.” • Die klant is altyd reg…“Maar ook net as dit oor smaak gaan!” lag Adriaan. • ’n Mens moet eerder wat jy doen, goed doen eerder as om links en regs die jongste foefie na te jaag. • Wees te alle tye eerlik met…

’n Voorman van die plaas Brakwater het in die jare dertig van die vorige eeu ’n silwermuntstuk met die datum 29 Oktober 1591 daarop in die modder van die standhoudende fontein aan die rand van die dorp opgetel. Dit is met die hand gegraveer en die inskripsie was ter herdenking van die sestigste huweliksjaar van Francois van Heelen met Magrietha van der Meer in Haarlem, Holland. In die Kaapse Argief het aan die lig gekom dr. Pieter van Meerhof, skeepsdokter van Jan van Riebeeck, het getrou met Eva Krotoa, Hottentotbediende van die volksplanter. Dit was ook die eerste wettige burgerlike huwelik wat aan die Kaap voltrek is. Autshumao, die Khoi-leier wat ons op skool as Herrie die strandloper leer ken het, en wat die eerste anti-koloniale politieke gevangene op Robbeneiland…

Cokes Geldenhuys Tuinier en afgetrede bibliotekaris In Oktober woon Cokes nog net 9 jaar op Koringberg, maar vandag weet hy veel beter as die meeste mense hoe om in hierdie ongenaakbare klimaat die mooiste tuin te maak. “Vergeet van waterwys – ek het geleer dit beteken eintlik maar net jy móét vir hom die eerste twee jaar water wys,” grap hy. “Hier spaar jy jouself baie trane en plant wat in die renosterveld groei, en jy kyk mooier na die sagte plante.” Hy het altyd gesê hy gaan nooit soos ander mense maak en agter sy twee seuns aantrek Kaap toe nie, maar op sy besoeke aan hulle het hulle baie rondgery en toevallig in 2012 ook op Koringberg ’n draai gemaak. “Ek was doodgelukkig in Parys, eintlik half onvergenoegd…

JY BENODIG • Pinterest-app • karton (A4) • ’n gaatjiesdrukker • lint SÓ MAAK JY Gaan op Pinterest en tik “Free spring botanical printables” in die soekbalkie. Jy sal ’n paar mooi opsies sien waaruit jy kan kies. Ons het besluit om Karen Burnett se “Vintage Spring Botanicals” af te laai. Druk dit uit op die karton wat jy gekies het. Knip die boekmerke uit, pons ’n gaatjie in elke kaartjie en knoop ’n lint deur.…

VOORAF Ciabatta met olywe Bruschetta met tamatie, mozzarella en basilie HOOFGEREG Kerriesosaties (lam of vark) Roosmarynaartappels Ina se papinolemmetjie-enrissiesambal (resep op bl. 127) NAGEREG Roomysparfait met kersies en koekies SAAM MET KOFFIE Brosbroodkoekies met drie bestanddele Ciabatta met olywe Ek het leer ciabatta maak toe ek in 2011-2012 by Bertus Basson se restaurant Overture op Stellenbosch gewerk het. Dit is iets wat ek vir mense wil maklik maak om te bak. Jy behoort 4 lekker brode uit hierdie resep te kry, maar dit hang af wat jy wil hê. ’n Mens kan ook rolletjies of broodstokkies maak. Wees kreatief. Maak 4 brode Bereidingstyd 15 minute Baktyd 15-20 minute JY BENODIG • 800 ml (800 g) louwarm water• 1 pakkie (10 g) kitsgis• 1 teelepel (5 ml) suiker (opsioneel, maar dit…