Innehållsförteckning för Summer 2025/2026 från Weg! Platteland

DIT IS 40% AFSLAG* TEKEN SÓ IN OP DIE GEDRUKTE TYDSKRIF VIR NUWE INTEKENARE • 087 353 1300 (vir plaaslike oproepe) of +27 21 065 0000 (vir buitelandse oproepe) • subs@media24.com • WhatsApp 087 353 1287 • SMS “diens” na 31069 en ons kontak jou (SMS’e kos R1,50; gratis minute geld nie) VIR HERNUWINGS • 087 353 1300 (plaaslik) of +27 21 065 0000 (buiteland)) • subs@media24.com ÓF LEES DIGITAAL TEKEN IN ENIGE PLEK TER WÊRELD EN KRY MAKLIKE TOEGANG! G’n posgeld, g’n gesukkel Gaan na  zinio.com of  magzter.com R336 VIR 4 UITGAWES * Teken in op 4 uitgawes per jaar. Die aanbod is geldig tot 19 Februarie 2026. Bepalings en voorwaardes Dié aanbod geld slegs vir intekenare in Suid-Afrika. Jou intekening word verskaf op ’n vooruitbetaalde basis. Die tariewe kan…

Macadamias, wat eens op ’n tyd as ’n eksotiese luukse beskou is, het een van Suid-Afrika se winsgewendste landbou-uitvoerprodukte geword. Dié botterige, voedingsryke neut floreer in ’n subtropiese klimaat, en vandag is ons die wêreld se grootste produsent wat in byna ’n derde van die wêreldwye aanvraag voorsien. Maar macadamias is meer as ’n hoëwaarde-kommoditeit. Vir visionêre boere is dié bome ’n simbool van iets permanents, van belofte. Anders as jaargewasse kan ’n macadamiaboord vir vele geslagte dra. En dié langtermynvoordeel maak hulle uiters geskik vir gemeenskapsgrond, waar private titelaktes dikwels nie bestaan nie, maar die begeerte om iets blywends vir families en bure te skep wel. Reg oor KwaZulu-Natal, Limpopo en Mpumalanga is ’n groep entrepreneurs besig om boorde aan te plant – nie net om ’n rykdom op…

Was jy nog nooit regtig ’n “feesmens” nie? Dan sal die Vetplantfees by die ou treinstasie op Calitzdorp jou straks ’n ander deuntjie laat sing. Dié saamtrek van die Calitzdorpse Vetplantvereniging groei elke jaar, vertel Buck Hemenway, die hupse 83-jarige voorsitter, en tog voel dit steeds klein en kompak en hanteerbaar met oorgenoeg veilige parkeerplek. Al word geen toegangsgeld gevra nie, is daar nêrens lang rye of ’n vertrapping van mense nie. Geen van die items op die program bots nie – Platteland kon letterlik al die praktiese werksessies en praatjies deur vetplantkenners soos Steven Molteno, dr. Ernst van Jaarsveld en Sue Milton-Dean bywoon; die plantveiling waar gesogte skaars plante te koop was; die botaniesekuns-en wenplante-uitstalling (vanjaar was die fokus op Gasterias); die plantmark waar meer as ’n dosyn spesialiskwekers…

SPYSKAART VOORGEREG Tamatie-gazpacho Romerige ansjovis-enknoffeldoopsous met brood HOOFGEREG Geroosterde hoender met suurlemoen en truffel Geroosterde pampoen met suurlemoen-crème fraîche Parmesaan-aartappels NAGEREG Vyeblaarroomys Tamatie-gazpacho As dit tamatieseisoen is, verdien hulle ’n ereplek op die tafel. Sit dié sop voor saam met goeie olyfolie en baie vars brood waarmee gaste hulle sopbakkies silwerskoon kan vee. Genoeg vir 4 Bereidingstyd 30 minute Gaarmaaktyd 30 minute JY BENODIG • 6 heel ryp tamaties (of gebruik 1 kg ryp kersietamaties)• 1 heel rooi soetrissie• 4 knoffelhuisies, geskil en fyngedruk• ¼ groot ui, grofgekap• 3 eetlepels (45 ml) ekstrasuiwer olyfolie plus ekstra om voor te sit• 100 g dag oue brood, in blokkies gesny• ¼ koppie (60 ml) water• 2 teelepels (10 ml) balsemiekasyn• 1 middelslag-komkommer, geskil en fyngekap VIR GARNERING • wingerdtamaties, in olyfolie gerooster•…

Wen-brief Ek is die ‘Zibi-tannie’… Ek was deel van die groep wat in die vroeë jare tagtig die organisasie Hou Suid-Afrika Skoon begin het. Aan die begin het dit moeilik gegaan, want net soos vandag het ons geen geldelike bystand van die staat gekry nie. Ons moes self sien en kom klaar. Ons wou veral skole en kinders se aandag vestig op rommelstrooiery en daarvoor moes ons ’n gelukbringer hê. Ons het op ’n volstruis besluit omdat hulle enigiets vreet, en omdat Zibi in Zoeloe “rommel” beteken, het ons ons volstruis só gedoop. Om geld te kry vir die projek het ons maatskappye wie se produkte rommel veroorsaak, om borgskappe genader. Uiteindelik het ons ruim ondersteuning gekry van onder andere Coca-Cola, Consol en Nampak. Zibi was gereeld ’n gas op…

Handgeweefde katoenhanddoek R520 Scatterlings from Africa scatterlingsfromafrica Ruah SBF 38-sonroom (75 ml) R210 Ruah ruah.co.za Alcare Aloe SBF 50+-sonsproei koel ook die vel af (50 ml) R106 Aloe Care aloe.co.za Greenhouse-hande-en-lyfwasmiddel R260 Kitchen Corner-huisgeur R220 Kitchen Corner-kers R420 Badkamersproei R140 Amanda-Jayne amandajaynecandles.com Geurmiddels (kloksgewys van bo) Farm Dust met knoffel en speserye; knoffel-en-kruiesout; knoffel-en-uiesout R140 elk Nuts About Garlic nutsaboutgarlic.co.za Pink is for Buoys-plakkies – die opbrengs van elke 10 paar betaal vir ’n NSRI-reddingsboei R295 Veldskoen veldskoen.com Plantpot met sardyne (205 x 205mm) R525 Prêt-à-Pot pret-a-pot.com Handgemaakte shwe-shwe-olifant (380 x 220 mm) R280 Amashweswe amashweswe Sout Afrika-geskenkpak met Chipotle Salt, Frying Seasoning, Braai & BBQ Salt en Popcorn Sprinkle R345 Funky Ouma funky-ouma.co.za Wagyu-seep van etiese beesvet bevog jou vel met omega-vetsure en bevat geen geur-of kleurmiddels, antibiotika, groeistimulante en…

In die lente kan die Wes-Vrystaat baie na ’n woestyn lyk. Landerye lê rooi en kaal na elke horison toe. Die winter kruip nog in die skemers en die vleie weg. Rukkerige winde probeer die somer se donderwolke naderpluk, maar maak die wye, blou lug grou en vol stof. Teen sononder brand die dag eindelik in ’n salige stilte uit, en dan hoop alles en almal die nuwe seisoen se reëns is naby. Hierdie is saaiwêreld. Sonder mielies en sonneblomme is hier amper niks nie. Daarom klink ’n plaas met tonnels vol groente en damme vol forel basies soos die Bybelse Kanaän. En wraggies, tussen Hoopstad en Bultfontein kry jy presies dít, by Lagai-Roï-fontein. Reguit uit die Ou Testament. ’n Klein oase wat ook in Genesis 16:14 bestaan het. “Die…

Harry Lewis Eienaar van Living Desert Plants Vir Harry, wat in die Karoo en Overberg in die natuurbewaringsveld gewerk het, was die koeël deur die kerk die dag toe ’n vriend vir hom ’n pot met sy eerste vetplant – perdetande (Haworthia) – present gegee het. Vandag nog is dit Harry se gunstelingplante. Nadat hy ontdek het hoe maklik dit is om vetplante en kaktusse van saad te kweek, het die stokperdjie in so ’n mate handuit geruk dat hy in 2018 sy eie vetplant-en-kaktuskwekery, Living Desert Plants, in Onder-Papegaaiberg, Stellenbosch, begin het. Vandag is hy ’n bekende gesig by markte soos die Vetplantfees, die Tokara-skaarsplantfees wat vroeg in November gehou is, en die Tuinroeteskaarsplantfees wat vanjaar op 13 en 14 Desember by die botaniese tuin op George plaasvind.…

SPYSKAART VOORGEREG Suurlemoen-vinkelen-burrataslaai HOOFGEREG Hoendervetrys Geroosterde kruisstuk met ’n tamil-kors Geskroeidebroccoli-suurlemoen-en-dadelslaai met ’n tamil-broslaag OF Blomkool-caesarslaai met pangrattato NAGEREG Warmmelk-sponskoek met ’n nougatvulsel Suurlemoen-vinkel-en-burrataslaai Burrata is ’n vars Italiaanse kaas met ’n soliede mozzarellaskil buiteom en ’n sagte, romerige mengsel van mozzarellaflenters en room binne-in. Dit word slegs verkoop by Woolworths, Checkers (in hulle Forage & Feast-reeks) en uitgesoekte deli’s, maar jy kan dit ook vervang met vars mozzarella of stracciatella. Die taai glaseersel is ’n soet, deurskynende suurlemoenwonder waarvan jy jou die ganse somer nie sal kan losskeur nie! Genoeg vir 2 Bereidingstyd 20 minute Gaarmaaktyd 25 minute JY BENODIG • ½ koppie (125 ml) strooisuiker• ½ koppie (125 ml) goeie witwynasyn• ’n klein vinkelbol (met ’n stukkie steel aan), baie dun gesny• 2 klein suurlemoene, in baie dun…

’n Delftblou Kersfees Dit maak nie saak hoeveel keer ’n mens al op die beeldskone Bolandse plaas Babylonstoren by Simondium – daar in die driehoek tussen die Paarl, Stellenbosch en Franschhoek – gaan draai het nie, met elke besoek is daar nóg iets nuuts te sien, doen of begeer. Die luukse 2025-feesaanbod van eetgoed, versierings en elegante huisen tafelware is geïnspireer deur die historiese Delft-skerwe wat oor jare in die tuin opgegrawe is. Daar is regtig iets vir elke sak en smaak, maar wat die fleurige bende influencers (en hulle selfone) by die bekendstelling die hardste laat oeloeleer het, is die luukse Adventkalender, geïnspireer deur die plaas se herehuis, met 25 laaitjies vol miniatuurgeskenke uit Babylonstoren se bad-, lyf-, geur-, kos-, drank-en huiswarereeks. Dit kos wel ’n stewige R4 500,…

As Amanda Louw op die stoep van haar plaashuis staan en oor die Vrystaatse grasveld uitkyk terwyl donker wolke uit die noordweste aankom, kry sy die gesigsuitdrukking van ’n boer in murg en been: Die oë veraf en wasig, effens na bowe, met ’n ligte waterigheid te bespeur… en ’n glimlag wat getuig van verligting en vreugde in gelyke mate. Maar sy help jou vinnig van daardie dwaalspoor af: “Die grootste deel van wat ons doen, was nog altyd maar die gaste. My man, Andries, het wel op klein skaal geboer – ’n paar beeste, ’n klompie skape, en hy’t aan die begin so ’n bietjie geplant ook – maar ons grond is net 198ha, wat klein is vir dié omgewing om ’n volhoubare boerdery te bedryf, veral in vandag…

GEUR-ENTREPRENEUR Gebottelde landskappe Met die Karoo-landskap van hulle Montagu-plaas as inspirasie het Liana Jansen die afgelope paar jaar die botaniese velsorgreeks Fijn Botanicals geskep en al vele pryse daarmee losgeslaan. Dit is ’n gunsteling in menige huis reg oor die wêreld én word in luukse spa’s gebruik. Nou is Liana besig om ’n natuurlike parfuumreeks te ontwikkel. Sy gesels met ons oor hierdie nuutste passie van haar. Hoe het jou liefde vir lyfprodukte gegroei tot die ontwikkeling van die parfuum? My liefde vir parfuum en geure was eintlik nog altyd daar, lank voor ek lyfprodukte begin maak het – as kinders het ek en my sussie altyd brousels gemaak van blomme en blare in die tuin. My sterkste sintuig is reuk; ek verstaan die wêreld om my eerstens daardeur, dán…

As jy grootword in ’n dorre streek soos die Karoo of Namakwaland, is vetplante nie “dekor” nie, maar ’n onlosmaaklike deel van die landskap, so eerlik en doodgewoon soos die klippe waartussen hulle dikwels groei. Hulle floreer op verwaarlosing, oorleef in die natuur op oggenddou en ’n paar druppels reën, en vra min of niks terug nie. Lank voor stadsjapies hulle in ontwerperspotte begin plant het om op Instagram of Pinterest mee te spog, het hulle al woestynkinders geïnspireer om aan te hou blom, al druk die lewe ook hóé. Ek het al dikwels gewonder waarom party mense – my ma ingesluit! – nie eintlik van vetplante hou nie. Blykbaar omdat hulle so blymoedig voortbeur op droë plekke, herinner dié soort plante my ma aan droogte en stof en swaarkry.…