Innehållsförteckning för August 2015 från Weg! Ry & Sleep

Mense vra dikwels hoe ons besluit oor watter oorde ons skryf en hoe ons dit regkry om elke maand die tydskrif vol nuus en inligting oor die Suid-Afrikaanse sleep- en kampleefstyl te maak. Dan sluit hulle gewoonlik af met: “Julle was seker al by al die kampplekke gewees.” Dis eintlik drie vrae in een: 1 Ons oorweeg ’n paar dinge wanneer ons oor kampplekke besluit. Eerstens kies ons oorde wat ons lesers reg oor die land sal interesseer. Ons beplan dus om die oorde waaroor ons in ’n betrokke uitgawe skryf, sover as moontlik geografies te versprei. In hierdie uitgawe is daar byvoorbeeld Dirk Kok se artikel op bl. 16 oor oorde rondom Phalaborwa in Limpopo. Schalk Jonker het drie oorde naby Hankey in die Oos-Kaap aangedoen (bl. 26) en…

Ons was op ’n heerlike vakansie van Pretoria na Kaapstad. Die reis was 5 500 km en 64 dae, en dit het plekke soos die Weskus, Sederberg, Hartenbos, Jeffreysbaai en die Addo nasionale olifantpark ingesluit. Nader aan die einde is dit weer tyd om in Pretoria se rig-ting te ry, maar 30 km voor Bloemfontein flits ’n aankomende voertuig sy ligte vir ons. Tom kyk na die wa en sien die opwipdak het opgelig. Selfs die skroewe wat die dak aan die romp vashou, het begin loskom. Ons trek die dak van binne vas met toue, maar net ’n entjie verder sien ons dis nie die beste plan nie. Dis toe dat ons ’n ander plan maak: Ons kan die stormbande soos kruisbande oor die dak van die woonwa trek.…

Lesers op ons Facebook-blad is effens verdeeld oor woonwaens en ryhuise. Anita Kleynhans Woonwa vir ons. Ek sal graag die ryhuis wil hê, maar hoe gemaak as ek wil ry en die omgewing verken? Nola Carolissen Beslis ’n woonwa. ’n Ryhuis is meer vir die ouer garde. Die op- en afslaan van die tent is deel van die vakansie en die kinders geniet dit ook om hand by te sit. John Henry Cooper Ek en my vrou, Antoinette, sleep al jare met ons woonwa, maar ons loer nou grootoog na ’n ryhuis vir ons aftrede oor tien jaar. Janette Barkhuizen Ek verkies maar ons Jurgens Penta. Dit is kampgenot uit die boonste rak. Leon Visagie Ons het ’n groot woonwa en is gewoond aan die ruimte. Ek is nou 66…

Die dorpie Hankey in die Gamtoosvallei is ’n puik bestemming as jy die suidwestelike deel van die Oos-Kaap wil verken. Jy is 40 km van die Baviaanskloof af, Jeffreysbaai lê net 38 km verder, Port Elizabeth is ’n uur se ry weg, en jy kan ’n daguitstappie Addo toe doen. Jy kan dus almal in jou gesin – van die branderplankryer tot die aspirant-natuurbewaarder tot die voëlkyker – gelukkig hou as jy jou tentpenne hier kom inslaan. David Livingstone was ook in die vroeë 1840’s hier en was baie in sy skik. Volgens hom het alles wat hy gesien het, sy stoutste verwagtinge oortref. Hy het natuurlik meer verwys na die impak wat die werk van Britse sendelinge destyds in die gebied gehad het, maar hy kon net sowel oor…

Die X-Trail, Nissan se millenniumbaba wat as kleuter geen fotokompetisie sou wen nie, het ná ’n dekade en ’n half ontluik in ’n aantreklike tiener. Trouens, die derde geslag X-Trail se voorkoms verskil soveel van sy voorgangers dat dit eintlik net die naam is wat gebly het. Tog, as ’n mens kyk na die X-Trail en sy kleinboet, die Qashqai, is die familietrekke onmiskenbaar. Om die waarheid te sê as jy die ouens reg van voor af kyk, lyk hulle feitlik identies. Dis nie net buitelangs wat die twee dieselfde lyk nie. Daar is vyf X-Trail modelle om van te kies, en drie van hulle het dieselfde haastige 1,6 l-dieselenjin as die nuwe Qashqai – een wat ’n volle 320 Nm wringrag gee. Die ander twee is petrolenjins, die 2.0…

Mexikaanse tamatiesop met fetakluitjies Lekker, amigos As ’n Mexikaan lekker eet, sê hy die kos is “deliciosa”. Dis waar vir dié sop! Jy benodig (genoeg vir 4) VIR DIE SOP • 1 eetlepel olie• 1 ui, fyngekap• 1 knoffelhuisie, fyngekap• 1 eetlepel droë origanum• 1 teelepel fyn komyn• 2 blikke (410g elk) All GoldMexikaanse tamaties• 1 blikkie (410g) ingedampte melk VIR DIE KLUITJIES • 1 koppie meel• ½ teelepel sout• 1½ teelepels bakpoeier• 2 eetlepels botter• 1 eier• ¼ koppie gekrummelde fetakaas• ¼ koppie water• sout en gemaalde peper Só maak jy 1 Verhit die olie in ’n pot en braai die ui tot dit sag en goudbruin is. Voeg die knoffel, origanum en komyn by en braai dit vir ’n halwe minuut voor jy die geblikte tamatie bygooi. Kook alles vir ongeveer 15 minute. 2 Skink die ingedampte melk by, geur die sop met…

’n Japannees uit Swaziland 2002 NISSAN ELGRAND VQ35DE  Chris Oosthuizen van Rustenburg sê hy moes buite ons landsgrense gaan soek na sy volmaakte sleepvoertuig. Wat sleep jy? ’n Sprite Super Sport, die 1996-model. Waarmee sleep jy hom? Met ’n 2002-model Nissan Elgrand wat ek in 2012 in Swaziland gekoop het vir R77 000. Dit is al my tweede Elgrand. Vóór dit het ek ’n 1998-model VQ3.3 gery wat ek vyf jaar gelede in Botswana gekoop het vir R55 000. Hoe het dit gekom dat jy in die buiteland gaan koop het? Ek doen baie werk in ons buurlande en ek het die bussies altyd daar op die pad gesien. Ek het baie daarvan gehou en besluit om een te kry en as sleepvoertuig te probeer. Dit was een van die…

Hengelgerei Pienk is nie net vir meisies nie Hy’s so pienk soos Barbie se rok, maar in die diepsee staan die kunsaasvervaardiger Rapala se X-Rap Magnum 30 (XRMAG30) behoorlik sy man: Deesdae is dit een van dié gewildste stukke gerei onder hardebaard hengelaars wat met diepseebote agter geelstert en tuna aan is. Toe Rapala in 2013 dié kunsaas op die rak sit, het gesoute hengelaars gesê hulle wag al lank vir so ’n pienk Rapala in die gereisak. Dit blyk hulle was reg. Die pienk lokvissie met sy swart 3D-kraalogies en groot duiklip werk. Die geelstert en tuna val vir hom. Matthew Bosch van Suburban Tackle in Ottery in die Kaap sê hulle kan nie voorbly met die verkope van die pienk X-Rap’s nie. “Ons wag nou weer vir voorraad.…

Heléne Booyens studeer joernalistiek op Maties en het vandeesmaand ’n internskap by WegSleep gedoen. Sy reis graag saam met haar vriende na enige bestemming wat haar studentekar, die Bosluis (’n grys Renault Clio met ’n onpeilbare geskiedenis), kan haal. Onlangse kampeerplekke sluit in Sanddrif in die Sederberg en die Strandloper-staproete in die Wildekus. Die keuse van padmusiek in die Bosluis word beperk deur ’n kassetspeler waarin dieselfde U2-kasset sedert 2012 vashaak by “With or Without You”.…

Toe my oorlede pa, Kiewiet, ’n wewenaar word, het sy woonwa, kinders en kleinkinders sy belangrikste tydverdryf geword. Op 78-jarige ouderdom het hy sy woonwa na klubsaamtrekke gesleep. Hier moes ons bontstaan om sy sytent, stoeptent, en menigte tafeltjies, stoele en toerusting uit te pak. As wewenaar het hy vyf keer van woonwa verander. Hy het selfs ’n bostentsleepwa probeer, maar dit was nie geskik vir iemand wie se lyf tot in die veertig in Transvaal se rugbyklubligas getimmer is nie. NET NÁ SY 75ste VERJAARDAG BEL HY  my een Vrydag. “Cornelius, ek het groot moeilikheid!” sê hy benoud. “Ek word gedagvaar om volgende maand in die hof in Pretoria te verskyn!” “Nou wat het Pa gedoen?” “Op die dagvaarding staan ek het teen 160 km/h gejaag tussen die Zambesi-…

Op die plaas Oudekraal buite Bonnievale boer Jurie en Gesina de Wet met druiwe, appelkose en perskes. In Februarie en November is vrugte egter nie die rede hoekom ’n goeie vyftig stuks mense na dié plaas toe opruk nie. Oudekraal is een van die donkerste plekke in die Wes-Kaap (Selfs donkerder as plekke wat van Eskom afhanklik is. – Red.) en twee keer per jaar is Jurie-hulle die gasheer en -vrou vir die Southern Star Party vir amateur-sterrekundiges. Len Foster is die organiseerder van dié byeenkoms en sê Night-Sky, die De Wets se kampterrein, is een van die beste plekke om die nagruim te aanskou en te bestudeer. “Ons verkies Night-Sky omdat dit so naby aan Kaapstad is. Vir dieselfde vlak van donkerheid moet ’n mens…

E en van die groot vrae onder nuwe en selfs ou slepers is hoe jy nou eintlik jou wa bêre wanneer die vakansie verby is. Om die kampvuur en op internetforums het slepers verskillende menings oor hoe jy dit doen. Sommige woonwa-eienaars sê die enigste goeie plek om ’n wa te bêre is onderdak, tussen vier mure en agter toe deure. Party ouens bou ’n geteëlde woonwa-garage by hulle huis. Ander sê ’n skadunet-afdak is voldoende. Party sê die woonwa se opwipdak móét oop staan terwyl die woonwa nie gebruik word nie. Ander meen dit moet beslis toe wees. Nog ’n vraag is of die wa maar op sy wiele kan staan en of jy die wiele moet afhaal of lig. Op WegSleep se Facebook-blad wil…

Hierdie avontuurlustige egpaar is albei 68, amper ’n halwe eeu getroud, en al die afgelope 12 jaar op die langpad. Jy kan maar sê hulle adres is: “Flip en Tilla, Iewers in ’n woonpark, Suid-Afrika.” Van hulle kampvriende sê jy stap nie by Flip en Tilla se staanplek verby sonder om koffie te kry en te kuier nie. En die-gene wat hulle nog nie in ’n kampplek ontmoet het nie, kuier by hulle kuberadres, flipentilla.com . Hier vertel hulle met woorde en beelde van hulle reise en van die kampplekke waar hulle bly. Mense volg hulle reise en vra hulle kampraad. Die De Wets se reis het in 2003 begin, pas nadat Flip as bankbestuurder afgetree het. Dit het begin met ’n laaste wens van ’n siek…

“Ons het in Mei vanjaar ons vriende Harold en Annetjie Diedericks van Mosselbaai saamgenooi Krugerwildtuin toe en die geleentheid om ’n bietjie toerleier te speel baie geniet. Dit was hulle eerste besoek aan daardie deel van die wêreld, maar ons ken die Wildtuin goed en was baie opgewonde om al sy wondere – vernaam Shingwedzi – met hulle te deel. Hoekom gaan julle elke jaar terug? Ons is mal oor die Kruger en het altyd by Satara of Skukuza gaan staan, maar daardie twee kampe het mettertyd te besig geraak vir ons. Dinge is rustiger in Shingwedzi, en as ’n mens ’n staanplek teen die heining aan die westekant van die kampeerterrein kry, kan jy net daar sit en wildkyk. Ons kon ongelukkig vanjaar nie plek kry langs die heining…

“Ek en my vrou, Marietjie, het groot planne oor waar ons oral wil gaan kamp. En vir al dié reise, na plekke soos die suide van Namibië en die Kaokoveld, het ons besef ons gaan ’n veldwoonwa nodig hê. Ons wil basies net ’n bed en kombuis hê en was nie bereid om ’n plaas se prys te betaal vir een nie. Daarom het ek toe maar besluit om self een te bou. Ek het die asse, die wiele en die haak gaan koop en die res self gebou. Ek het die onderstel met 50 x 75 mm-reghoekpyp gebou en vir die raam van die woonwa 19 x 19 mm vierkantpyp gebruik. Ek het die mure en deure met aluminiumplate gemaak, en die vensters is Perspex wat ek in staalrame…

Skottelgoedwas is ’n plesier, man! Ek en my swaer Ben Lindeque (links op die foto) het een aand om die braaivleisvuur met dié blink plan vorendag gekom. Ons kamp elk met ’n 6 voet-Challenger 650-bagasiewaentjie en wou skottegoedwastyd ’n plesier te maak. Ons hoef mos nie gerief in te boet net omdat ons nie boswaens het nie, en het ’n opwasrak ontwerp wat langs elkeen se waentjie pas. Vir die blad het ons 16 mm-melamienbord van 350 x 1 800 mm gebruik – dit is dieselfde as wat vir kombuiskasrakke gebruik word. Die wasbakke is daardie standaard- grys plastiekbakke wat jy by enige buitelewewinkel kan koop. Ons het gate in die blad gesny waarin die bakke nou lekker styf pas. Om dit reg te kry het ons eers die boonste…

S mouse het reeds in die 8ste eeu koper in die Phalaborwa-gebied versamel en oor lang afstande vervoer en verruil, en sedert die 1950’s werskaf mynmaatskappye op groot skaal om kopererts, fosfaatrots en vermikuliet te ontgin. Phalaborwa is egter nié net ’n myndorp nie: Dis ’n wildtuindorp, toeristedorp én ’n gewilde kampbestemming. Om die dorp lê die mopanieveld uitgestrek en klipstapelkoppies troon bo die mopaniebome uit. Pierneef het destyds die pad hierheen gevat om van dié koppe en massiewe kremetarte te kom skilder. Langs die R71, van Tzaneen en Gravelotte af tot by die dorp, ry jy verby wildsplase, reservate en gastehuise, en wanneer jy die dorp inry, word die R71 se naam Hendrik van Ecklaan. Dié hoofstraat loop reguit tot by die dorp se groot attraksie: die Krugerwildtuin se…

Brutus, die boerboel, gaan ’n boef twee keer laat dink voor hy by jou huis inbreek, maar dit beteken beslis nie ’n klein hondjie kan nie ’n goeie waghond wees nie. ’n Kleine Skotse terriër gaan ’n lekker keel opsit as daai inbreker probeer inloer. Net so hoef ’n woonwa ook nie ’n herehuis-op-wiele te wees nie. Gaan vra maar vir Brett Coulthard wat een van die kleinste woonwaens op die pad maak. Brett noem hom die Scotty. Hoekom Scotty? Brett se voorsate was Skotte, en die mense wat die eerste woonwa by Brett gekoop het se van is Scott, én, sê Brett, die woonwa is só klein hy laat hom aan ’n Skotse terriër dink. Maar... ek ken mos vir jou? Lyk die Scotty dalk vir jou bekend? Brett…

Jou staanplek is betaal, die woonwa en padkos gepak, die motor skoon en vol brandstof, en die kinders het elkeen ’n draai geloop. Jy laat jouself toe om vir ’n oomblik opgewonde te raak oor die twee weke wat jy nie met die nukke en grille van Watsenaam by die werk opgeskeep hoef te wees nie. Van hier af is dit afdraande, al die pad see toe. Dan begin die ritueel van aanhaak en jy roep vir Mamma of een van die kleingoed nader. Terwyl jy die een funksie ná die ander voor in die motor aanskakel, luister jy vir die bevestiging van agter... “Briekligte, Pa... park lights , Pa... linkerflikker, Pa...” en dan wag jy. Want terwyl die motor se regterflikkerlig kliek-klak-kliek-klak hier voor by jou,…

Vista nou ook 4x4 Drie jaar sedert die maatskappy se ontstaan is Vista reeds goed gevestig as ryhuisvervaardiger, en jy kan uit vier modelle kies. Die reeks bestaan uit die Vista 2, 3, 4 en 6 – die syfer staan vir die getal mense wat gehuisves kan word. Jy kan ook kies op watter onderstel jy jou ryhuis gebou wil hê: ’n Fiat Ducato of Mercedes-Benz Sprinter. Ronel Schietekat, ’n medeeienaar van Vista, sê sowat ’n jaar gelede het hulle ’n spesiale versoek van ’n kliënt gekry om ’n ryhuis op ’n Toyota Hilux 4x4-bakkie – die enkelkajuitmodel – te bou. Die ombouing was só suksesvol dat dit die voorloper geword het vir ’n nuwe model. Die Vista-4x4 is ’n aluminium-en-veselglasromp wat gebou is op ’n enkelkajuitbakkie-onderstel. Die binnekant is…