Innehållsförteckning för March 2015 från Weg! Ry & Sleep

Dís ’n frase wat ek verpes. Die winkelassistent by my plaaslike ysterwarewinkel verduidelik nou die dag die skaaflemme is almal uitverkoop, want “ ’n oom in die Karoo het die hele voorraad opgekoop om biltongkerwers te maak”. Dis toevallig presies wat ek daarmee wou doen, en ek het sommer onderlangs gewens die oom kry ’n ingroeitoonnael of ’n erge sinustoeval of iets, want hoe durf hy al die lemme koop en nie vir my eens een los nie? Ek weet dis onredelik, maar ek raak sommer omgekrap as ’n winkel nie voorraad het van wat ek nodig het nie. Ek verpes dit om van een winkel na ’n ander te loop en soek. Ek hét toe maar by ander winkels gaan vra, maar die een het ook nie gehad nie…

SÓ KAN JY OOK GESKIEDENIS MAAK BAK MET LIEFDE Bak ’n melktert (of drie!) en deel dit met jou dorp se ouetehuis, kinderhuis, karwagte, straatslapers... en stuur vir ons ’n foto van hoe julle saam eet na melktert@weg.co.za EET MET OORGAWE Wat is die malste plek om ’n melktert te eet? Neem en stuur vir ons ’n foto, selfs ’n video, van hoe jy met ’n melktertjie in die mond reksprong, abseil, diepseeduik of botterboom ry – en benoem dan ’n vriend om ook op ’n ekstreme manier ’n sny melktert te geniet! PROBEER ONS RESEPTE Loer aanlyn by weg.co.za  hoe om ’n melktert-jaffel te maak. Daar is ook ’n resep vir melktertroomys én melktert-shooters. VERKEER SOSIAAL Sluit aan by Nasionale Melktertdag op Twitter en Facebook…

Hoe groot is die mark vir boswaentjies in Suid-Afrika werklik? Hoeveel van ons kampeer met ’n ryhuis? Op die oog af is dit eenvoudige vrae, en ’n mens sou verwag iemand iewers in ’n staatsdepartement kan gou ’n paar toetse op sy rekenaar druk om die inligting op die skerm te kry. Helaas is dit nie so eenvoudig om antwoorde op hierdie vrae te kry nie. Volgens wet moet alle voertuie op die Nasionale Verkeersinligtingstelsel – oftewel eNaTIS – geregsistreer word, maar om in ’n ry by die lisensie-owerheid te gaan staan om die papierwerk afgehandel te kry, is byna net so ’n pynlike proses as om sonder verdowing aan ’n tand se wortelkanaal te laat torring. Dís hoekom baie voertuigeienaars eerder jaarliks duisende rand aan handelaars, kleinsakeondernemings of “agente”…

In die Bosveld rondom Brits lê oorde, natuurreservate en wildplase met boskampe in elke rigting van die kompas ingeryg soos dorings op ’n doringboom. In hierdie hoek van Noordwes is oorde met waterwurms en mini-gholfbane en ander dinge wat jou en die kroos van sonsopkoms tot sononder kan besig hou, en dan is daar weer boskampe waar net jy en die natuurstilte kuier. Die Manzi Maningi- private reservaat lê iewers in die middel. Dis die soort plek waar jy die hele naweek net onder jou stoeptent kan sit en boeklees, maar ook kan gaan stap, fietsry, swem en wild kyk. Kies jou kolletjie Manzi Maningi beteken in Zoeloe “plek van baie water” – die oord kry sy naam van die ondergrondse waterstelsel wat daar deurvloei. Volgens die reservaatbestuurder, Brian Williams,…

Padkos-calzones Mama mia! ’n Calzone is eintlik maar ’n toegevoude pizza wat jy by ’n Italiaanse restaurant bestel, maar dis ook heerlik as padkos. Jy benodig (maak 5 pizzas) • 500g brooddeeg (koop dit sommer by ’n supermark)• ¼ koppie meel• 2 koppies gerasperde mozzarellakaas• ½ koppie fyngekapte salami• 20 olywe, ontpit en grofgekap (opsioneel)• ’n hand vol sampioene, fyngekap• 5 eetlepels sondroogtamatiepesto (opsioneel)• 2 eetlepels olyfolie• 1 teelepel droë origanum• 1 bakkie (230g) roomkaas• sout en peper na smaak Só maak jy 1 Verhit die oond tot 220°C en smeer ’n groot bakplaat met olie of botter. 2 Verdeel die deeg in vyf eweredige dele en rol dit in bolletjies. Rol elke bolletjie plat uit op ’n meelbestrooide oppervlak tot dit ½ cm dik is of ’n sirkel met ’n deursnee van 20 cm vorm. 3 Meng die res van…

Ter wille van oorlewing Nadat Pat Pick se voete op ’n dag in sy nuutgekoopte abbawa natgereën het, het dié Wit-banker besluit dis tyd om sy eie patent in die mark te stoot. Sy Survivor is ’n veselglaskajuit wat op enige enkel- of dubbelkajuitbakkie sowel as die tusseninmodelle (soos Mitsubishi se Clubcab) pas. Die dak van die Survivor lig danksy lugstutte en ’n 6 bar-lugdrukpomp met die druk van ’n knoppie op. Die afdak reg rondom moet jy self opslaan. Wat is standaard? ’n 5,5 l-gasgeiser, 90 l-ysvrieskas, gasstoof, 130 l-watertenk, hoëdrukwaterpomp, 255W-sonpaneel, verlengde dubbelbed (2 m) en kassettoilet. Gewig: 230 kg. Prys: R200 000 (volledig toegerus). Kontak: 082 893 3683; pat@mokse.co.za Kry jou ry in Dinokeng Dinokeng is Gauteng se enigste Groot Vyf-park en boonop minder as ’n uur…

Ek stel al van kleins af belang in voertuie en hoe goeters werk. Eers het ek trapfietse reggemaak en verkoop, en later ook aan motorfietse getimmer vir ekstra sakgeld. Toe word ek ’n vakleerling by die destydse Suid-Afrikaanse Spoorweë en Hawens (vandag Spoornet en Transnet) in Windhoek. Hier het ek Volkswagen Kewers in “Baja Bugs” omskep: Ek het ’n Volksie se neus, stert en modderskerms afgesny en dit met glasvesel in ’n “beach buggie” verander. Veel later het ek as ’n gekwalifiseerde ambagsman Land Rover Series 1-voertuie begin koop en in 4x4-voertuie omskep wat die ouens in die Vasbyt-4x4-kompetisies in Namibië gebruik het. Die eerste een het ek in 1984 by my buurman, Jaap van der Post, gekry in ruil vir ’n motorfiets vir sy seun, Kosie. In dié tyd…

Daar was ’n tyd toe kombi’s en ryhuise baie gewilder was as vandag – onder almal. In ’n lowergroen oord buite Potchefstroom sou ’n pa vir sy gesin vleis braai buite sy Volksie terwyl die Everly Brothers rustig in die agtergrond oor die radio sing. Aan die ander kant van die spektrum het Kaapse blommekinders met ’n Kombi strand toe gemik om op die ritme van die Byrds en die Beatles in ’n effense beswyming te gaan dans. Dit was die jare sestig, maar in die laat jare sewentig sou ’n gier uit Amerika na die Witwatersrand oorwaai wat die gedagte agter kampeerwaens op sy kop sou draai. Die gewone paneelwa het ’n nuwe doel gekry, en paneelwaens soos die Ford Transit en Bedford CF1 was gewilde teikens. Hulle het…

Dirk Kok het al voorheen vir WegSleep vryskutartikels geskryf, maar kort voor ons hierdie uitgawe drukkers toe gestuur het, het hy ’n permanente lid van die redaksie geword. Hy’s ’n gebore Pretorianer, maar het op Barberton grootgeword. Hy het voorheen by die Graaff-Reinet Advertister in die Karoo gewerk en was daarna 16 jaar by Volksblad in die Vrystaat. Voor hy sy sit hier in ons kantoor gekry het, was hy landbouredakteur van die streekradiostasie OFM in Bloemfontein. Meiringskloof in die Oos-Vrystaat is een van sy gunstelingkampplekke, maar hy kamp ook graag by enige lekker kampplek langs die see. Lees sy storie oor kampplekke in die Oos-Vrystaat op bl. 26.…

Na aanleiding van die redakteursbrief in die Oktober 2014-uitgawe van WegSleep het ek ook iets te sê oor die lae tariewe wat ’n mens gedurende die toerismeseisoen in Namakwaland kry. Vroeër jare het ek een keer per maand gekamp, maar die tariewe is nou heelwat stywer en ’n mens moet boonop rekening hou met die brandstofprys en tolgeld. Daarom kies ek nou maar mooi waar en wanneer ek kamp. Ek dink kampeerders word as ’t ware beroof, as ’n mens na sommige oorde se tariewe kyk. ’n Mens verstaan dit kos geld om ’n woonwapark op die been te bring en in stand te hou. Dis ook te verstane dat oorde hulle tariewe jaarliks moet aanpas. Maar redelikheid is belangrik. Is dit regtig nodig om die dam onder die eend…

Ysblokke! Hier is ons oplossing vir ys wat hopeloos te vinnig in jou koelboks smelt. Koop vlak plastiekhouertjies – die soort waarin jy sous of smere bêre – by ’n verpakkingsmaatskappy en maak elkeen vol water. Vries die bakkies die aand voor jou vertrek en druk die ys uit. Dompel dit saam met die sakkies ys (wat gewoonlik baie vinniger in jou koelboks smelt). Teen die tyd dat jy by jou kampplek aankom, is die ys in die sakkies al amper gesmelt, maar die groter blokkies bly bevrore. Die blokkies hou jou koelboks koud én pas ook knus in die meeste glase. CHARMAINE EN DANIE DE LANGE Brits Seilsakkiesakkie Woonwavervaardigers gee gewoonlik ’n groot sak saam met die wa waarin al die sykante en die stoeptent pas. Die spulletjie weeg…

Die oumense was nie aldag vreeslik oorspronklik as dit tyd geword het om ’n plek of ding naam te gee nie. Daarom sit ons vandag byvoorbeeld met twee dorpe met die naam “Middelburg”. Hulle is glo so genoem omdat hulle albei min of meer in die middel van twee plekke is – een tussen Pretoria en Lydenburg en die ander halfpad tussen Colesberg en Graaff-Reinet. Net so is daar ook meer as een Krokodilrivier. Die een ontspring rondom Johannesburg en maak pad tot by die Hartbeespoortdam – dié vloei meer binneland toe totdat hy saamvloei met die Limpoporivier op pad na die Atlantiese Oseaan. Daar was dalk eens op ’n tyd krokodille in dié rivier, maar vandag sien jy hulle nie meer nie. Dis die ander Krokodilrivier, die een wat…

Dikwels hoor ’n mens van iemand wat ’n nuwe patent of uitvindsel het wat die Suid-Afrikaanse woonwabedryf op sy kop gaan keer, maar min van hulle voldoen aan die verwagtinge wat geskep word. Dís wat die Mobi Lodge van Marius Ras anders maak. Hy voldoen nie net aan ’n mens se verwagtinge nie, maar oortref hulle selfs. Padwaens en die dubbeldoelwaens wat ook op grondpaaie tuis is, word merendeels eenders gebou, al is dit deur verskillende vervaardigers, maar Marius het van die bestaande bloudruk afgewyk en ’n wa gebou wat ’n mens eenvoudig van nader móét bekyk. Wat is so wonderlik? Kom ons ruim sommer dadelik een ding uit die weg: Die Mobi Lodge neig na die duur kant van die woonwamark. Hy kos kort duskant R300000, maar daarvoor kry…

Niemand gaan span uit langs die oord se swembad of langs die viswaters sonder om behoorlik voor te berei vir daai groot dors wat jou enige tyd kan oorval nie. Net vir die wis en die onwis vat jy dan sommer van gisteraand se oorskietbraaivleis ook saam. Daarvoor het jy ’n koelboks nodig – ’n ordentlike een, want anders is sakke en sakke vol ys jou voorland. Nou praat ons nie van daai koelbokse met die ingeboude waaiertjie en goeters wat jou kos koud hou nie; hierdie is gewone niksnonsies-koelbokse wat oor die jare aansienklik verbeter het en jou eet- en drinkgoed heelwat langer kan koel hou as voorheen. COLEMAN PARTY STACKER Dis partytjietyd! Jy kan amper ’n kis vol blikkies in die Party Stacker bêre. Die koelboks is reghoekig…

WegSleep WegSleep-voorskoot WegSleep-flits WegSleep-tentpensak Weg! ‘Droomkantoor’-T-hemp Weg-ketelbraai-en-sak Weg-fles WEGRY WegRy-Leatherman WegRy-toksak Leatherman Crater C33LX Al dié produkte is beskikbaar by winkel.weg.co.za Die pryse hierbo is onderhewig aan verandering, maar die aanlynwinkelpryse is te alle tye korrek. Pryse sluit posgeld en verpakking uit. Aflewerings word slegs in Suid-Afrika gedoen. Laat asseblief minstens 12 werkdae toe vir aflewering vandat jy jou bestelling geplaas het. Stuur navrae per e-pos na verkope@media24.com winkel.weg.co.za…

Kom drink koffie Kom drink vroegoggend saam met ons koffie by ons stalletjie op die hoek van Baron van Rheedestraat en Voortrekkerweg, langs die C.P. Nel Museum en eet ’n stuk beskuit voor jy die res van die fees plat loop. Al is jy te laat vir die gratis koffie en beskuit (tussen 09:00 en 10:00 soggens), kom gesels met die redakteurs, Zigi (WegSleep), Jaco (WegRy) en Pierre (Weg). Hulle sal oor Paasnaweek daar wees. Teken in Terwyl jy by die stalletjie is, kan jy inteken op enige van die reistitels of jou bestaande intekening hernu. Daar is weer spesiale feespakette met afslag en ’n gratis geskenk vir elke intekenaar. As jy eerder in ’n digitale intekening belang stel, kan jy jou tablet saam bring en ons laai sommer daar…

Hengelgerei Vlieg is nie onmoontlik nie Vlieghengel lyk vir die oningewydes soos ’n uiters tegniese en ingewikkelde affêre, en dis deels waarom mense lugtig is om dié sport te probeer. Dit is weliswaar nie net ’n kwessie van ver mik en gooi om jou aas op of in die water te kry nie. Trouens, van die kant af lyk dit eerder asof vlieghengelaars ’n paar sweepslae met die stok uitvoer terwyl ’n mens verwag die lyn gaan enige oomblik in die lug koek. Dan is daar nog die spesiale stokke en aas waarmee ’n mens moet rekening hou. As jy egter net eers die kat uit die boom wil kyk, is dit nie nodig om al die gerei ten duurste aan te skaf nie. Stealth, ’n vervaardiger van hengelgerei, het…

“Die eienaars, Kobus en Suzette Theart, is van Kuilsrivier in die Kaap, en Kobus is ’n kranige hotrod- entoesias – soveel so dat hy lid is van die Cape Town Street Rod-klub. Hierdie is ’n 1934 Chev met ’n Jaguar-onderstel, en onder die enjinkap skuil ’n V8. Kobus het tien jaar lank gesweet om die kar op te knap, en vandag spog hy met kragstuur, lugreëling en ’n elektriese sentrale sluitstelsel vir die deure. Die woonwa is ’n 1954 Maxi Mobile Trailer en is van glasvesel gebou. Die woonwa kom glo van die destydse Rhodesië en Kobus het R1 000 daarvoor betaal. Hy het ses maande aan die wa getimmer en dit selfs toegerus met elektriese hoekstutte en ’n vlekvryestaalbraai wat langs die noodwiel inpas. Die…

Ek wil graag my agtjarige seun, Edu, se Land Cruiser-droom deel. Hy het ’n draadkar wat sy Cruiser is, en hy praat elke dag hieroor. Smiddae ná skool kry hy sy huiswerk vinnig agter die rug en dan is dit tyd om “rowwe paaie” hier op ons plot buite die dorp te bou. Een van Edu se gunstelingplekke waardeur sy Cruiser moet ry, is ’n moddergat van Berta, die vark. Hy het selfs ’n eie soort abbawa wat hy elke dag op ’n ander plek opslaan, met grondseile en al. Wanneer dit die aand reën, maak Edu seker dinge bly droog in sy wa. Ons speel en droom saam. Ek het nou die ligte op sy Cruiser gekoppel, voor en agter – selfs die flikkerligte moet werk soos dit in…

Arctic Wolfe: Ek wil graag hoor hoe ander mense se woonwaens by die huis staan. Parkeer jy die wa op ’n spesifieke manier? Ek slaan die hoekstutte uit en sit ’n domkrag onder die as vir ekstra ondersteuning. Dan gooi ek ook ’n woonwaseil oor, maar ek wil hoor of dit ’n verskil maak as die opwipdak oop of toe is. En as die hoekstutte uit is, het dit ’n uitwerking op die woonwa se as? Moet ’n mens die lugreëling nou en dan laat loop? Hennievr: My wa staan op sy wiele omdat ons hom gereeld gebruik. Ons maak die yskas skoon wanneer ons die wa vir ’n tydjie laat staan en los dan die yskasdeur oop. As die wa vir lank staan, sal ek die battery nou en…

Een van die eerste dinge wat ’n mens van die Clarensvallei moet weet, is dat dit feitlik net so ver van Johannesburg af is as van Bloemfontein. Dis skaars drie uur se ry (ongeveer 300 km) en ’n gawe naweek- en vakansiebestemming vir Gautengers en Vrystaters. Hierdie geweste is regdeur die jaar ook vir buitelandse besoekers ’n speelen uitspanplek. Winter of somer kom die besoekers, want in die warm maande is hierdie geweste ’n lowergroen bergparadys en party winters is dit ’n sneeubedekte sprokieswêreld. As jy eers in een van die bergkampplekke hier gekamp het, verstaan jy hoekom Heidi so verlang het na die berge toe sy in die stad moes gaan woon. LESOBA Kampplek in ’n plaastuin Die R711 neem ’n mens met ’n suidelike boog van Fouriesburg se…

Onthou jy nog daai advertensie vir Black Cat-grondboontjiebotter in die jare tagtig waar die maer outjie ’n toebroodjie hap en dan ’n boelie op die strand, wat sand in sy oë geskop het, met ’n judogooi oor sy skouer tiep? Wel, die nuwe Nissan Qashqai het heel duidelik ’n paar dikgesmeerde grondboontjiebotterbroodjies agter die blad. Wanneer ’n mens vir die eerste keer langs die Qashqai staan, is dit moeilik om hom as sleepvoertuig ernstig op te neem. Met sy papierdun laeprofielbande (225/45 R19 – daar is skaars 5,5cm rubber tussen die velling en die pad), sy 1,6 l-enjin en sy elektroniese fieterjasies lyk hy eerder soos ’n kar vir ’n windmaker knaap wat meisies op ’n Saterdagaand buite Presley’s of Eastwoods wil beïndruk. Maar, die dae van die 3 l-…

Ons Conqueror-boswaentjie het nou al ’n tent, jerrykanhouers en ’n glyraam vir ’n ys-vrieskas (in WegSleep #73 en #74 wys ons hoe om dit self te doen). Nou kom die watertenk met al sy “loodgieterswerk” aan die beurt. Die manne by die Conqueror-fabriek verduidelik die proses stap vir stap. Jy het nie ’n wavrag vreemde gereedskap nodig om die watertenk in te sit nie. ’n Paar moersleutels – 13 mm en 17 mm – en ’n sterskroewedraaier sal vir die meeste van die werk deug. Kry wel jou boormasjien uit die kas en leen jou buurman se warmlugblaser en die saak is so te sê gewonne. Die watertenk is plat aan die bokant waar dit teen die romp van die wa pas, en aan die onderkant…

Die nasionale riglyne vir standaarde in kampeerplekke, SANS 10092:2004, is iets wat groot debat ontlok. Kampplekke gaan harde bene kou om te voldoen aan party van die regulasies wat daarin uitgestippel word, maar die een aspek waaroor die meeste mense saamstem, is die kwessie van kragpunte. Dis nie om dowe neute nie Melanie van der Westhuizen, ’n leser van Kempton Park, vertel van ’n kragpunt by ’n bekende oord in die noorde van die land waar die Volt-lesing by hulle staanplek 420V (pleks van 220V) was. Dít nadat hulle die kragpunt gebruik het en hulle woonwa se drade gesmelt het. Melanie-hulle kon wel tot ’n vergelyk kom met die oordeienaars oor die skade, maar ’n kragpunt soos dié kan baie erger gevolge hê as ’n paar gebrande drade. Reg of…

Daai Volksiebus... altyd ’n staatmaker 2003 VOLKSWAGEN T4 CARAVELLE 2.5 TDI Jaco Greeff van George sleep net op een manier: Rustig. Watse Sprite sleep jy? Die 1986 Super Sport wat ek nou al agt maande in hierdie kombinasie gebruik. Wat was die prys van die Caravelle? R120 000 (tweedehands). Wat soek jy in ’n sleepvoertuig? Die kar moet jou, die gesin, die woonwa en ook van jou kampgoed gemaklik tot by die bestemming kan uitbring. Hy hoef nie die vinnigste te wees nie, en ook nie die sterkste nie. Hy moet eerder lekker ry. Jy sleep nie die heeltyd nie en wil soms die kar ook vir ander take gebruik. Verder is brandstofverbruik belangrik, hoewel daar darem verligting is met die brandstofprys. Ek glo die gemiddelde sleper kan nie ’n…

Die groot vyf van die woonwabedryf As jy lief is vir kamp en om met jou woonwa vakansie to gaan hou, is daar net vyf plekke waar jy moet stilhou voor jy jou sleepding haak of 'n nuwe een koop. Campworld het vyf handelaars reg oor die land wat amptelike Campworldverteenwoordigers is. Die sogenaamde Groot 5-handelaars is:1}'gerberg-woonwaens in Kaapstad, Kempton-woonwaens in Kempton Park, Kenniswoonwaens in Krugersdorp, CC-woonwaens in Witbank en Natal-woonwaens in Pinetown. Die eienaars het gesamentlik meer as 200 j aar se ervaring wanneer dit kom by die woonwa- en kampbedryt. Of bring jou wa hierheen om dit to laat diens of herstel. Boonop is die manne self ywerige kampeerders en haak graag'n wooonwa en kies koers Namibie, Botswana of Suidkus toe. As jy van plan is om 'n…