Innehållsförteckning för June 2016 från Weg! Ry & Sleep

Wanneer een van die jongspan 10 word, is dit vir hom of haar ’n groot mylpaal. Hulle het selfs ’n spesiale naam daarvoor: double figures. Daarmee onderskei hulle hulle van die “kleintjies” wat nog nie twee syfers voor hulle ouderdom kan skryf nie. Hier by WegSleep is ons net so opgewonde én trots soos ’n 10-jarige wat by sy of haar verjaardagkoek met die 10 kersies staan. WegSleep is vanjaar 10 jaar oud. Die tydskrif is aan die begin van 2006 gebore as ’n kwartaallike bylae van Weg . Sommer aan die einde van daardie jaar al het dit Suid-Afrika se eerste onafhanklike Afrikaanse sleep- en kampeertydskrif geword. Dit het eers kwartaalliks en toe tweemaandeliks…

Laat waai met dié laai Ons het in Oktober verlede jaar ons eerste woonwa, ’n 2000-model Sprite Surfer, gekoop nadat ons voorheen jare lank ons mooi land met ons boswa deurkruis het. Een van ons groot uitdagings was om die woonwa geriefliker te maak, veral noudat die jare ons begin inhaal. Die een ding wat ek die meeste van ons ou boswa gemis het, was ’n groot laai. Dit is vir my net soveel beter as ’n kas met rakke. Die alewige gehurk om te soek vir iets wat doer agter gepak is, maak ’n mens gedaan. My man, Ron, het toe met die briljante plan vorendag gekom om ’n skuiflaai onder die enkelsitplek die naaste aan die deur te bou. Dis net die regte plek vir die laai, want…

Buite Bloemfontein is drie kampplekke waar jy weg van die stadsgedruis af kan kamp, maar steeds naby genoeg aan die Rosestad is vir uitstappies na plekke soos Naval Hill, die Vrouemonument, die Vrystaatse nasionale botaniese tuin, die Nasionale Museum en Tempe se Pantsermuseum. By twee van dié kampplekke hoor jy saans in jou kampbed die gebrul van leeus. By die Tri-Hunt-wildslodge, tussen die stad en Brandfort, kan jy in ’n klein woonwapark of boskamp afhaak; die Zanchieta Wild Cat Farm buite die stad is ’n rehabilitasiesentrum vir leeus en ander groot en kleiner wilde katte – hier kamp jy in ’n netjiese klein woonwapark naby groot leeukampe; en waar die N1 buite die stad Noorde toe loop, kan jy by die Riviera-gasteplaas jou tentpenne reg langs die Modderrivier inslaan. >…

Hyundai het die 2013 Santa Fe-reeks van drie modelle tot twee afgeskaal – voorheen kon jy kies tussen twee met heeltydse vierwielaandrywing ( all wheel drive ) en een met tweewielaandrywing, maar vandag is jou keuse tussen ’n vyfsitplekvoorwielaangedrewe of sewesitplek vierwielaangedrewe model. Albei het ’n outomatiese ratkas en dieselfde enjins, en hulle het ’n hele paar nuutjies soos ’n blindekolsensor en spoedbeheerstelsel. Die Santa Fe druk arm onder die groter nutsvoertuie op die mark, ook as dit by sleep kom. Haaksake Die Santa Fe is g’n liggewig nie – hy’s swaar genoeg om van die grootste waens op die mark te sleep. Hyundai gee die groen lig tot en met ’n sleepgewig van 2 ton. Selfs die stang, soos die een op die toetsmotor, is vir dié…

Skaap-en-tamatiepot Geurig gestowe Tamatiekos is ’n ou gunsteling – en dis een wat jy ook op jou kampvuur kan maak. Jy benodig (genoeg vir 4-6) • 1 teelepel kardemomsaad• 1 teelepel koljandersaad• 1 teelepel vinkelsaad• 1 teelepel peperkorrels• 1 teelepel droë tiemie• 2 teelepels paprika• 2 eetlepels kookolie• 1 kg skaapstowevleis (soos nek, skenkels of stowetjops)• 2 gekapte uie• 3 knoffelhuisies, fyngekap• 2 teelepels gerasperde vars gemmer• 5 lourierblare• 1 kaneelstokkie• 1-2 teelepels growwesout• 4-6 groot aartappels, geskil en in kwarte gesny• 1 kg vars tamaties, in kwarte gesny• 2 blikke (400 g elk) heel geskilde tamaties• 2 koppies beesaftreksel Só maak jy 1 Stamp die sade en peperkorrels saam fyn en meng die droë tiemie en paprika by. As jy nie ’n stamper en vysel tussen jou kampgoed het nie, kan jy jou tentpenhamer en snyplank gebruik – was net die hamer deeglik en draai dit met…

In die laat jare negentig was Jeannie Venter van Kakamas in die Noord-Kaap en Christa Hill van Wolseley in die Wes-Kaapse Breëriviervallei kamermaats in die koshuis op Elsenburg. Onlangs het hulle besluit om ná al die jare weer ’n slag goed en lank saam te kuier. Toe durf hulle ’n toer van meer as 3 500 km na Namibië aan… “Nadat ek en Christa besluit het ons gaan saam op ’n groot toer deur Namibië, bespreek ek al ons verblyf deur The Cardboard Box Travel Shop in Namibië. Dis baie maklik en hulle is uiters hulpvaardig. Ek stuur vir hulle bloot al die plekke waar ons wil kamp en hulle stuur vir my ’n kwotasie. Hulle vra geen kommissie of adminfooi nie, wat beteken dit kos jou presies dieselfde as…

Die afgelope Paasnaweek het ’n eienaardige ding hom by Suid-Afrikaanse weegbrûe afgespeel. Woonwaslepers is deur verkeersbeamptes voorgekeer, hulle waens is geweeg, en in ’n klompie gevalle is hulle beboet omdat hulle oorlaai was. Hulle moes ook hulle waens uitpak tot die gewig binne die wetsvoorskrifte geval het. Om te sê dit het groot drama veroorsaak, is om dit baie ligtelik te stel. Verwarde slepers,wat sê hulle is vir die eerste keer in jare voorgekeer, het die inligtingsplaatjies op hulle waens weer van nader bekyk en met die hande in die hare gesit op soek na antwoorde. Op kampforums het dit gegons oor die algehele verwarring, en woorde soos tarra en BVM is vurig bespreek met vingers wat veral na die vervaardigers gewys is. Een leser het selfs opgemerk die inligting…

'n Werkswinkel spesiaal vir jou jeep, Chrysler of Dodge American SUV, wat eers as The Service Centre Centurion sake gedoen het, is in 2001 gestig. In 2004 het die eienaar, Carel Hoffman, die behoefte raakgesien vir 'n private werkswinkel wat slegs na Jeep-, Chrysler en Dodge-voertuie omsien, en ons het in die voertuie begin spesialiseer. Ons diens en herstel Jeeps, Chryslers en Dodges en voer ook onderdele in vir die voertuie. American SUV is 'n lid van die bedryfs organisasie vir motorkleinhandelaars (RMI) en die beheerliggaam vir motorwerkswinkels in Suid-Afrika (MIWA). By ons goed toegeruste, werkswinkel gee ons spesialistegnici en klantedienspersoneel jou uitsonderlike en tydige diens teen die regte prys. Ons gebruik moderne gereedskap en diagnostiese sag- teware om jou voertuig to diens, herstel en onderhou. Ons herstel elektriese foute,…

Ons het onlangs in die Drakensberg en Suidkus gekamp en ons reisplanne aangepas toe ons die Koffiebaai-artikel in die November 2015-uitgawe van WegSleep lees. Nadat ons by Drakensville en TO Strand gekamp het, besluit ons om verder suid te ry om die Koffiebaai-omgewing te verken. Ons vra ook raad by vriende en besluit op drie nagte in Koffiebaai se woonwapark. Volgens die padkaart is ons 5 uur en 27 minute (370 km) se ry van Koffiebaai af. Die eerste 125 km neem ons 2 uur en 30 minute, en ná nog 4 uur is ons op Koffiebaai. Op die pad was daar heelwat verleggings en spoedwalle, maar die natuurskoon vergoed vir die slakkepas. By Koffiebaai kan ons kies en keur tussen die staanplekke en ons besluit…

Ons moet erken ons was nogal verbaas oor hoe baie ons Facebook-vriende oor die braai van malvalekkers verskil. Braai jy hulle vóór ete of daarna? Karen Odendaal Ons braai hulle ná die tyd. Malvalekkers is vir die tweede vuurtjie. En met die winter wat nader kruip, is daar niks lekkerder as ’n warmsjokolade in die een hand en so drie malvalekkers op ’n stokkie in die ander nie. Hermanus Hack Ons braai hulle enige tyd: voorgereg, nagereg of hoofgereg. Ons kamp mos en dan maak ons ons eie reëls. Moryn Hanzen Wanneer ’n mens met vakansie is, kan jy dit vir ontbyt ook braai. Vakansie beteken jy geniet dinge en vergeet van die gewone reëls – soos dat jy malvalekkers ná ete moet braai. Carina Krüger Dit hang af hoe…

Ons buurland Namibië is ’n droombestemming. Dis ’n land met ’n keurspel van kleure, geure en teksture, en ’n plek waar jy om elke draai iets anders as by jou vorige oornagplek kan beleef – van die woestynland in die suide, die amper spookagtige Skedelkus, die bergryke Kaokoland tot by die waarlik betowerende Caprivistrook. Een enkele reis hier gee jou ’n leeftyd se herinneringe. Die Etosha- nasionale park in die noordweste tel ongetwyfeld as een van daardie bestemmings wat ’n mens móét sien voor jy lepel in die dak steek. Dié wildtuin strek oor ’n gebied groter as 22 000 km 2  en is genoem na die Etoshapan wat bykans in sy geheel binne die park se grense val. Dié pan – die naam beteken “groot wit gebied” of…

Minder as ’n uur se ry van Pretoria af, ooste se kant toe, lê die dorpie Cullinan. Dit is hier waar Fred Wells in 1905 ’n diamant van 3 106 kar. uitgegrawe het. Dié knewel het nie lank in Fred se tuisdorp gebly nie voordat die ou Transvaalse regering dit vir Eduard VII present gegee het. Vandag nog is dit deel van die Britse kroonjuwele. Cullinan was nou wel sy diamant vinnig kwyt, maar dié myn-en-toeristedorp het ’n klompie ander juwele. Die Somabulanatuurreservaat is een van hulle. Somabula het nie glybane, swembaddens en trampoliens nie. Jy het soms ’n effense selfoonsein en soms niks nie – en hier is nie ’n grootskerm-TV waar jy sepies of Superrugby kan kyk nie. Jy het ook nie krag in die kampplek nie; pak…

Wat sê die boekie? Brandstof: 50 ppm-diesel Enjin: 2,199 l Silinders: 4 Krag: 145 kW teen 3 800 r.p.m. Wringkrag: 436 Nm teen 1 800-2 500 r.p.m. Ratkas: 6-spoed-outomaties met tikfunksie Aandrywing: Vierwiel met ewenaarslot Tarra: 1 822 kg BVM: 2 600 kg BKM: 4 600 kg Dravermoë: 778 kg Waaddiepte: Nie beskikbaar Sleepvermoë vir geremde sleepding: Die Hyundai is gebou om ’n vrag van tot 2 000 kg te sleep, maar ons wetgewing laat jou net tot die tarragewig van die Santa Fe toe (1 822 kg); dis vir ’n woonwa met inloopremme. Afmetings: 4 690 mm (l); 1 880 mm (b); 1 680 mm (h) Wielbasis: 2 700 mm Spoorwydte: 1 628 mm (voor); 1 639 mm (agter) Grondvryhoogte: 185 mm Brandstoftenk: 64 l Prys (nuut): R739 900…

In ’n neutedop As jy ’n teardrop-woonwa wil aanskaf, het jy nou nóg ’n model om van te kies. Die XCamper is die handewerk van Radu Marinescu en Dave Mortimer. Radu sê hy is ’n 4x4-en-toesias, en ná ’n jaar se kopkrap en plannetjies het die XCamper gestalte gekry. Radu noem die XCamper sy avontuurwa, en die gedagte was ’n doodeenvoudige dog gerieflike tweeslaperwa. Hy word met die hand gebou en die hele romp en vloer bestaan uit veselglas. Die romp is dus ’n eenheid wat op ’n gegalvaniseerde onderstel pas. Die deur sit agter en die vloeroppervlak is omtrent die grootte van ’n dubbelbed. Jy kan ook twee enkelbedmatrasse insit – dan kan jy die matrasse wegslaan wanneer jy nie in die wa slaap nie. Weerskante van die bed…

“Ek en my vrou, Laurika, is voorverlede jaar getroud, en sy is die een wat my aan die woonwalewe bekend gestel het, want sy het daarmee grootgeword. Sy het gesê as ek dit eers beleef het, sal ek op geen ander manier wil vakansie hou nie. Sy was reg. Kort ná ons troue het ons vir ons ’n Jurgens Penta aangeskaf waarmee ons nou die pad vat as ons die kans kry. Ons het vanjaar al vyf keer gaan kamp en Mbizi was die hoogtepunt tot dusver. Wat van Mbizi het julle so beïndruk? Dis ’n oord wat alles het waarvoor jy kan vra, en dan is dit boonop luuks, skoon en netjies. Vir ons is dit fantasties, want dit is lekker naby aan die huis en ons ry binne…

Hengelgerei Steek kers op by die meesters As daar ’n boek is wat jy saam met WegSleep se 2015 Hengelgids in jou gereisak kan hou, is dit Viswaters toe – Suid-Afrika, Mosambiek en Namibië . Dié boek met sy 224 bladsye oor die beste kus- en binnelandse hengelplekke is saamgestel deur Paul Cowley, een van die hoofnavorsers van die Suider-Afrikaanse Instituut vir Akwatiese Biodiversiteit (SAIAB); Justin Lindsay, ’n spiesvisser van formaat; en Georgina Jones, skrywer en ’n bekende in skubakringe. Hulle medewerkers sluit hengelkampioene, -spesialiste en -gidse in. Al skryf Cowley die titel professor voor sy naam en al is die bydraers almal spesialiste, is hierdie nie ’n akademiese boek of gids nie. Die samestellers en skrywers gee met…

Ons het onlangs in die Kruger se Berg-en-Dal-kamp gestaan en weer eens besef daar is nie ’n lekkerder manier om rustig saam met jou familie en vriende te kuier nie. In 2013 was ons die gelukkige wenners van ’n Echoboswa in die TV-program Kwêla se “Feite en Geite”-kompetisie, en sedertdien kamp ons met styl. Die gesin het groter geword, en met al die kanttente vir ekstra slaapplek en mense lyk ons staanplek na dese soos ’n klein tentedorp. Hier in Nelspruit woon ons op die Krugerwildtuin se voorstoep, en ná al die jare is daar vir ons steeds nie ’n beter kampplek om weg te breek as die wildtuin met sy bos en diere nie.…

‘Dit is tyd vir die owerheid, vervaardigers, die media en buitelewe-versekeraars om om die tafel te gaan sit om hierdie tameletjie op te los.’ Jy kan maar sê woonwagebruikers sit sedert die Paasnaweek se weegbrugsage in ’n driehoek vasgevang. Op die hoeke van dié driehoek is ’n stompsinnige owerheid, onnadenkende vervaardigers en bedenklike inligtingsbronne, en in die middel sit die verwarde verbruiker vasgevang wat sukkel om kop of stert uit te maak van wat hy of sy mag sleep en hoeveel in die woonwa gelaai mag word. As die mense in die woonwabedryf nie dringend hiervan werk maak nie, gaan dit ’n negatiewe uitwerking op die verkope van woonwaens hê. Die lont van die kruitvat is die Donderdag voor Paasnaweek aan die brand gesteek toe boetes by die weegbrug op…

Echo 4x4 bou al meer as twee dekades lank kampwaens. As ’n mens na hulle modelreeks kyk, het hulle regtig iets vir almal wat graag die Afrikabos wil invaar. In hulle boswareeks kan jy een van ses modelle kies, afhangend van hoe lank, ver en hard jy in die boendoes wil ry. Dié reeks begin by die kleinboet, die Echo 1, en eindig met hulle grootmeneer, die Echo 6. Dis egter nie al keuses wat hulle jou gee nie. As jy ’n boswoonwa bo ’n boswa verkies, kan jy kies tussen die Namib en die Kavango. Echo verstaan nie net hoe om bossleepgoed te bou nie, maar is ook bekend vir hulle tente en spesifiek hulle daktente. As jy een van hulle sleepgoed aanskaf, kan jy sê jy het ’n…

Wanneer die dae korter word en die koue toeslaan, mik ons gewoonlik noord of gaan slaan kamp op langs die kus van KwaZulu-Natal. Dis op sulke plekke waar ’n mens dit darem in die daglig kan waag sonder ’n serp, mus en jou dikste windbreker. Maar nie almal is altyd in staat om na dié winterbestemmings te sleep nie, wat beteken sommige van ons bevind ons in die middel van Junie op plekke soos Golden Gate, waar die kwik laag gaan draai. Dit beteken nie noodwendig dis sleg nie. Trouens, daar is mense vir wie ’n winterkamp ’n spesiale bekoring inhou. En in sulke koue is min dinge lekkerder as ’n beker warmsjokolade om ’n groot vuur om die ergste koue af te weer. Hier is sewe dinge wat jy…

My ou veteraan kén van 1999 NISSAN TERRANO II  Hy sleep nou al amper 10 jaar met sy Nissan Terrano en kan nie méér tevrede wees nie, sê Hein Henning van Brackenfell. Wat sleep julle? ’n 1989-model Sprite Swift. Hoe lank sleep jy al met die Nissan? Sedert 2007, toe ek kom tweedehands vir R134 000 gekoop het. Was die Terrano jou eerste keuse? Ek het die Nissan Hardbody oorweeg, én ’n Toyota. Die Hardbody-dubbelkajuit het nie genoeg ruimte by die agterste sitplekke vir my seun met sy nommer 14-skoene gehad nie, en ek het my eintlik vervies vir die arrogante verkoopsman by die Toyotahandelaar wat ek besoek het. Daarom het ek uiteindelik op die Terrano besluit. Waarna soek jy in ’n sleepvoertuig? Hy moet betroubaar wees en genoeg krag…

Escape Gear-reissak Elke mens het ’n behoorlike toksak nodig, al speel jy lankal nie meer vir Bapsfontein se tweedes in die streekliga nie. Jy weet nooit wanneer jy ’n stewige sak gaan nodig kry vir een van die kinders se skoolkampe of ekstra pakplek vir jou Desembervakansie nie. Hierdie 65 l­sak van Escape Gear het genoeg pakplek vir twee weke se jeans, PT­broeke, T­hemde en ’n warm trui of twee. Die boonste flap rits groot oop sodat jy maklik kan pak en nie hoef te grawe vir sokkies nie. Jy kan jou beursie, selfoon en karsleutels in een van die twee sysakkies bêre en jou sagteband Deon Meyerboek in die ander. Die voorste sak is groot genoeg vir ’n paar nr. 12­Crocs, óf jy kan jou handdoek hier indruk as…

Lede van die Gauteng-tak van die Suid-Afrikaanse Kampeerklub het onlangs saam gekamp by Koppisol buite Vereeniging. Altesame nege gesinne het vir die naweek laer getrek. Die voorsitter, Andries Bester, sê dit was ’n baie lekker kuiernaweek propvol sports. Een van die hoogtepunte was ’n paddaresies die Saterdag. Dié klomp gaan kamp elke maand en plekke soos Dube, Hartbeeshoek, Drie Berge en Arendsnes is vir die volgende klompie maande op hulle program.…

“Ons gesin kamp al sedert 1973, en ek het onlangs besluit om my twee seuns ’n bietjie te bederf deur vir hulle elkeen ’n ouer model Jurgens Fleetlinewoonwa te koop. My een seun het nog syne en kamp gereeld met hom, maar die ander een het vir hom ’n boswa gekoop. Ons het toe die Fleetline II teruggevat en gebruik hom nou as ons alternatiewe wa vir kort naweke weg. Ons het ook ’n Gypsey Romany wat ons gebruik as ons langer weggaan. Daar was nie veel fout met die Fleetline nie, maar ek het besluit om hom binne en buite so ’n bietjie op te dollie. Ek het hom buite laat spuitverf – aan die onderkant het ons ’n donkerder grys gebruik soos op die moderner Fleetline-modelle te sien…