Innehållsförteckning för July 2016 från Weg! Ry & Sleep

Ek en my kêrel, André Botha, kom onderskeidelik van Rustenburg en Steynsburg af en woon in Australië. Ironies genoeg het ons hier in Australië ontmoet. André werk en woon drie uur se ry van Perth af en ons sien mekaar net naweke. Ons het laasjaar ’n kampwaentjie gekoop en Paasnaweek by Bremer Bay in die weste van Australië gekamp. Ons probeer om soveel as moontlik te kamp, om meer van Australië te sien en om ’n bietjie rus te kry. Australië is groot en van die kampplekke is nie maklik bereikbaar nie, maar met André se bakkie en die boswa is ons geholpe. My dierbare ma, Marinda Boshoff, maak altyd seker ons kry ’n paar Suid-Afrikaanse tydskrifte – WegSleep inkluis. Op die foto langsaan sit André die tydskrif in sy…

Ons het ’n “nuwe” kampplek naby St. Lucia ontdek. Bundu Basher Inn lê links van die pad, ’n raps meer as 2 km voor St. Lucia. Hulle doen reeds die laaste twee jaar sake en hier is plek vir 30 woonwaens op lieflike grasstaanplekke. Elke staanplek het ook ’n eie kragpunt (gewone huissok). Die badkamers het ’n stort, bad en een toilet vir almal. Die geriewe is puik, maar dit gaan ’n bietjie knor as die plek besig raak. Daar is ook stortgeriewe by die ontvangskantoor. Hier is genoeg water, want die oord het ook ’n eie boorgat. Ek moet bysê die pad langsaan pla ’n bietjie. Buiten die kampstaanplekke is hier ook twee chalets. En vir ontspanning kan jy in die groot swembad dobber of in die kroeg rustig…

Laat die dikwiel rol! Ek het vir ons ’n Jurgens Oryx gekoop, maar was van die begin af nie regtig beïndruk met die enkelneuswiel wat ’n mens standaard op hom kry nie – veral op gras en sand is dit moeilik om jou wa met só ’n smal wiel rond te beweeg. Ek is terug na Jurgens toe en het vir die verkoopsman gesê die enkelwiel gaan nie vir my werk nie. Hulle het hom teruggevat en vir my ’n dubbelwiel gegee, waarmee ek aanvanklik meer tevrede was. Ek is egter sterk op pad pensioen toe en het onlangs ’n rugoperasie gehad – en het sommer gou besef die dubbelwiel is nie die antwoord nie, al was dit strate beter as die enkelwiel waarmee ek aanvanklik gesukkel het. Toe besluit…

‘Om gras te plant op ’n plat stukkie grond by Brits of Bela-Bela en ’n paar ablusiegeriewe te bou waarborg nie sukses as ’n kampplek-eienaar nie.’ Hoe nader ’n huis aan skole is, hoe beter die prys wat jy daarvoor kan kry. En hoe beter die ligging van ’n woonwapark of vakansieoord, hoe groter jou kans om goeie wins uit kampeerders en vakansiegangers te maak. Ligging is egter nie al wat die sukses van ’n kampplek bepaal nie. Met die bykans 50 000 woonwaens wat in Gauteng geregistreer is, sal ’n mens dink die goedgeleë kampplekke noord van Pretoria staan ’n groter kans om wins te maak as baie ander. Tog is ’n klomp van dié noordelike kampplekke in die mark. Selfs op die aanlynveilingswebwerf Bid or Buy is ’n…

Kennis kring verder uit Kennis Caravans & Motorhomes in Roodepoort is een van die oudste woonwahandelaars in die land wat al 50 jaar sake doen. Die maatskappy het ook ’n aandeel in die Campworld-franchise met sy 41 Campworld-handelaars landwyd (wat onder meer Jurgens Ci se Jurgensen Sprite-handelsmerke onderskryf). Nou vat Kennis Caravans ook hande met die Kaapse ryhuisvervaardiger Motorhome-World om sy produkreeks verder uit te brei. Motorhome-World se hoofkantoor is net noord van Kaapstad en hulle is bekend vir hulle Discoverer-ryhuise wat modelle soos die Discoverer 4 en 6, asook die Discoverer Deluxe en Xtreme insluit. Kontak: 011 664 7000; info@kennis. co.za ; kennis.co.za Stutte met spiere Michael Barwise, eienaar van Caravan Fitment Centre in Pretoria, is ’n ou hand in woonwaherstelkringe. So…

Lanklaas was daar só ’n komplekse onderwerp in die sleepwêreld soos die een rakende sleepgewigte en rybewyse. Nadat ons in WegSleep #89 uiteengesit het waarvoor jy jou kan staal by die weegbrug en wat jou te doen staan as jy oorlaai is, is ons oorval met navrae. Om die waarheid te sê, ons e-posstelsel is steeds nie heeltemal homself nie. Dit blyk ’n geval te wees van nóg ’n vraag wat kop uitsteek sodra ’n ander een beantwoord is. Mense is verward, deurmekaar en sommer ook kwaad oor die toedrag van sake én die gevoel van magteloosheid oor hulle. Die goeie nuus is jy kan self iets aan die saak doen. Bêre daai vinger Die inligting op jou wa se plaatjie verskil van wat jou wa…

Ek en my groot vriend Donald Kröhn toer gereeld deur die land. Dit kan enigiets van ’n week tot twee neem, en ons reis in Donald se Nissan 1400-bakkie wat hy die “Navara Lite” gedoop het. Ons val bloot in die pad en beplan niks nie – nie waar ons gaan oornag óf watse pad ons gaan ry nie. As ’n plek gaaf lyk, trek ons af en slaan tent op. Die manne in hulle lugverkoelde 4x4’s lag vir ons in die klein bakkie, maar hulle kan nie die aarde se reuk soos ons ervaar nie. Drie jaar gelede was ons op ’n toer deur die Richtersveld en Namibië, en het sowaar by presies dieselfde staanplek by Klein-Aus Vista afgesaal as die een op die voorblad van Maart 2016 se…

Ons kamp graag en was op soek na ’n wasgoedlyn. Ons het in al die vernaamste kampwinkels rondgekyk vir ’n nuwe een, maar selfs die goedkoopstes was in die omgewing van R700 elk. Die blad van my ou strykplank by die huis was al gaar en ek was op die punt om hom weg te gooi. My man, Andrew, het met daardie strykplank in sy motorhuis verdwyn en ’n rukkie later met dié wasgoedlyn onder die arm uitgestap. Hy het basies twee plaatjies aan die onderskeie bopunte van die pote vasgebout, gaatjies in hulle geboor en tou deurgeryg. Siedaar! Dit lyk netjies en vou lekker plat op, wat beteken hy is nommerpas vir die pakslag wanneer ons gaan kamp.…

Kom ons wees nou maar eerlik: Hierdie diepwinter is vir baie min mense lekker. ’n Mens se dag begin sommer op die verkeerde noot wanneer jou wekker begin skree terwyl dit nog stikdonkernag is. Sekondes later begin jou eerste onderonsie van die dag wanneer jy en jou bedmaat in ’n elmbooggeveg betrokke raak oor wie eerste moet opstaan. Jy verloor die stryd, maar lê nog ’n bietjie. Dis mos hoekom daar ’n snooze-funksie op daardie wekker met sy wrede rooi syfers is. As jy jou uiteindelik uit die bed geskeur en met moeite klaargemaak het (frokkie, long johns , langmouhemp, trui, baadjie, ’n ekstra paar sokkies, winterstewels en daardie serp-en-wolmuskombinasie wat jou skoonma vir jou gebrei het), begin die stryd om die kinders uit die vere te…

WegSleep het die afgelope jare al verskeie innovasies in die woonwa­ en kampeerwêreld bekend gestel, en nou het ons nog ’n produk wat vir ons lesers waardevol kan wees: sleepversekering! Met die versekeringsproduk WegSleep Sleepseker het ons ’n spesiale tarief vir lesers beding. Die versekering dek woonwaens, boswaens en ryhuise. Daar is twee pakkette: SleepSeker Prestige • SleepSeker­dekking • SleepSeker­inhoud (van R30 000) • SleepWeg­padhulp SleepSeker Ekono • SleepSeker­dekking • SleepWeg­padhulp Die voordele behels • Sleepdekking: Die rytuig het omvattende versekering, wat ongelukke, kwaadwillige skade, stormskade, diefstal, kaping én brand dek. • SleepSeker-inhoud: Dekking vir besittings ter waarde van R30 000 in totaal word by die Prestige­pakket ingesluit. Jy het die opsie om teen ’n ekstra premie jou inhoud tot R45 000 en R60 000 te verseker. Dit sluit in:…

Elkeen van ons weet hoekom ons daarvan hou om te kamp. Nie almal se redes is presies dieselfde nie, maar daar is tog ’n klompie wat ooreenstem. Een van hulle klink min of meer so: “Ek kan elke keer iewers anders heen gaan met my eie goed en naby aan die natuur my eie ding gaan doen.” Maar om te kamp is nie nét rosegeur en maneskyn nie. Ja, jy kan beswaarlik nader aan die see wees of reg langs ’n watergat in die wildtuin wakker word en van die beskawing ontsnap as jy wil, maar daar is tog dinge waarop nie-kampeerders ons so graag wys. Jy het nie kamerdiens as jy kamp nie… wel, nie voor jou kinders groot genoeg is om vir jou koffie in die bed te…

Oupa sleep met sy ou Ford 1998 FORD COURIER 2.5 TD 4x4 (DUBBELKAJUIT) Sy Ford raak nou al lank in die tand, maar hy sleep nog volstoom voort, sê Chris Schutte van Krugersdorp. Wat haak julle aan die Ford? Ons sleep ’n Sprite Super Sport, die 1996-model. Hoe lank sleep jy al met hom? Al 17 jaar. Ek het hom destyds as ’n demonstrasiemodel gekoop vir R150 000. Wat is jou vereistes vir ’n sleepvoertuig? Hy moet betroubaar wees, voldoende krag hê en genoeg laaiplek sodat jy nie los goed soos stoele, tafels, vuurmaakhout en jou vrieskas in die woonwa hoef te laai nie. Dit is soms ook noodsaaklik dat hy 4x4-ver-moë en ’n laestrekratkas het, veral op grasperke ná ’n reënbui of teen skuinstes met los gruis. Dan soek…

Hengelgerei Goedkoop maar góéd As dit by seekatrolle kom, is goedkoop nie noodwendig duur koop nie – deesdae kán jy ’n goeie draaispoelkatrol (of dan multiplier ) koop teen ’n fraksie van die prys wat jy betaal vir die grootmenere met die bekende handelsname. Dit is ook nie net vakansieof geleentheidshengelaars wat die goedkoper katrolle gebruik nie; die WP-hengelaar Marco da Silva hengel met die Xmaster-katrolreeks van die Kaapse gerei-invoerder en groothandelaar Adrenalin. Volgens Marco is die kleinboet in die reeks – die smalspoel-Xmaster 20 – ’n puik katrol vir hengelaars wat nie ’n fortuin wil uitgee nie, maar steeds ’n betroubare katrol soek. Dis ook ’n goeie katrol vir beginners, omdat hy maklik gooi. Jy hoef nie met die ingooislag wye duimbewegings oor die spoel te…

Ons het ons Facebook-vriende gevra wie van hulle al hulle wa by ’n weegbrug gehad het. JJ van Rooyen Ek is te bang. Ek het ’n klompie veranderinge aan my wa aangebring. Ek het lugreëling, ’n groter yskas en ’n woonwaskuiwer aangebring en is nou bang dit gaan die gewig oorskry. Thea Bester-Swanepoel Ons beplan om ons wa so gou as moontlik te laat weeg. Ons is baie bekommerd aangesien daar baie verwarring blyk te wees oor wat die vervaardigers insluit wanneer hulle die wa se gewig bepaal. Hoe gemaak as my wa te swaar is selfs voordat ek enige toe-rusting, klere of kos gepak het? Ons sleep met ’n nutsvoertuig en kan nie al ons goed in die kar pak nie. Andre Halliday My wa se tarra is 990kg…

Met die grootste reeks 12V-ys-vrieskaste ter wêreld is National Luna die voorkeurverskaffer van die grootste veldry- en woonwa-handelsmerke in Suid-Afrika. Dit het alles in 1990 begin toe ’n Suid-Afrikaanse ingenieursfirma ’n tender ingedien het vir ’n projek van die Wêreldgesondheidsorganisasie (WGO). Die WGO was op soek na sonkragyskaste wat vir ’n inentingsveldtog in Afrika gebruik kon word, en National Luna het hand opgesteek. Destyds het National Luna nog net boorgatpompe en 12V-buisligte vervaardig, maar die maatskappy het nietemin die kans aangegryp. National Luna se prototipe vir ’n 12 V-yskas was die enigste een wat aan die WGO se streng vereistes voldoen het. Die inentingsveldtog is egter om politieke redes laat vaar, en National Luna het gesit met ’n projek vir ’n draagbare yskas ter waarde van R3 miljoen. (Dis hoeveel…

Buite Rawsonville eindig die Stettynskloof teen ’n berg wat dwars voor jou in die pad staan, en aan die voet van dié berg lê die Dwarsberg Trout Hideaway langs die Holslootrivier. Dié enorme kampplek is net 90 minute se ry van die Kaap af en dis ’n mooi pad soontoe. Jy vat die N1, ry met die Du Toitskloofpas en die 4 km lange Hugenotetonnel langs en draai dan van die hoof-pad af na Rawsonville. Ná die afdraai kronkel die pad tussen plase, wingerde en boomlanings deur tot op die dorp. Rawsonville is op die Kaap se Roete 62 wat deur van die land se vrugbaarste wynvalleie kronkel – van hier af is dit nog sowat ’n halfuur se ry tot by die kampplek. Op pad kan jy by landgoedere…

Die dubbelkajuitbakkiemark is hoogs mededingend en vervaardigers druk meedoënloos arm. As ’n mens na die verkoopsyfers kyk, is Toyota se Hilux een van die voorperde. Die eerste Hilux is in 1968 verkoop en tot laasjaar het altesame 16 miljoen nuwe Hilux-bakkies in 180 lande baas gekry. Maar hoe verbeter jy ’n bakkie wat al klaar gewild is? Die agtste geslag Hilux troef in meer as een opsig sy voorganger. Hy het heelwat meer wringkrag, die kajuit is ruimer en sy sleepvermoë is drama-ties beter. Wat is anders? Enjin Toyota sê die nuwe Hilux is van binne na buite herontwerp. Dis beslis die geval as jy na die binnekant kyk, maar aan die buitekant is dit nie so opmerklik nie en jy moet twee keer kyk om te sien hoe hy…

Biltong-en-bloukaasaartappels Anderster aartappelslaai Almal van ons ken aartappelslaai met mayonnaise – kikker dit ’n slag op met bloukaas en biltong. Heerlik! Jy benodig (genoeg vir 4-6) •  1 kg baba-aartappels• 3 hardgekookte eiers• 1 wiggie (100 g) bloukaas, gekrummel•  1 ui, fyngekap• ½ koppie (125 ml) mayonnaise• 1/3 koppie (80 ml) gewone jogurt• sout en grofgemaalde swartpeper• 300 g beesbiltong, gekerf Só maak jy 1 Kook die aartappeltjies in soutwater tot hulle lekker sag is. Trek die skilletjies af terwyl hulle nog warm is en laat die aartappels afkoel. 2 Rasper die eiers of druk hulle fyn en meng dit met die bloukaas en gekapte ui. Sprinkel dit dan oor die aartappels. 3 Meng die mayonnaise en jogurt, geur dit met sout en peper, en gooi dit oor die res van die slaai. Meng alles versigtig…