Innehållsförteckning för August 2016 från Weg! Ry & Sleep

In hierdie uitgawe sleep ons nie net noord en suid nie, maar vér noord en vér suid – tot by die land se heel boonste punt én heel onder in die Kaap. Leon Botha het 2 000 km van die Kaap af kamp opgeslaan by die Punda Mariaruskamp in die Krugerwildtuin en in Mazhou in die Mapungubwe- nasionale park. Dis net so ver soos Marioneiland van die Kaap af! Maar Leon het nie gebibber soos die navorsers op die eiland of die res van ons elders in die land nie, want dié twee Sanparke-kampplekke is mos van daardie plekke waar die winter nooit regtig sy tande ingeslaan kry nie. En dan het ons, al is dit winter, lekker in die suide gekamp by drie kampplekke naby Kaappunt. Dié drie Skiereilandse…

“Ek sleep ’n Jurgens Exclusive en het ’n woonwaskuiwer gesoek om my te help om die wa op sy plek te kry wanneer ek hom by die huis op sy bêreplek staanmaak. Ek het na verskeie woonwaskuiwers op die mark gekyk en gesien hulle het een ding in gemeen: Die meeste van hulle gebruik dieselfde ratstelsel, een wat met die sogenaamde wurmaandrywing werk. Ek het ’n ou Gemini-hekmotor gehad en besef ek kan my eie waskuiwer daarmee bou. Eers het ek vir my twee ou wiele van ’n grassnyertrekker gekoop en toe die raamwerk vir my skuiwer gebou met oorskietyster wat in my motorhuis was. Ek het die hekmotor se plastiekrat vervang met een van staal wat ek gekoop het, en toe die besigheid aanmekaargesit. Ek het ook die skuiwer…

Hier teen Augustus, wanneer die koue die laaste bietjie warmte uit ’n mens getap het, is dit nog ’n maand se vasbyt voor die lente aanbreek. Op plekke in die binneland vries die waterpype dag ná dag, en in Kaapstad is die gieters vol reën wat die kouefronte kom uitgooi, glad nie meer snaaks nie. Die KwaZulu-Natalse kus is leefbaar, maar jy wil ook nie jaar ná jaar op dieselfde plek teen die koue gaan skuil nie. Die plek om te wees is die Verre-Noorde van die land. Tussen Polokwane en Louis Trichardt loop die Steenbokskeerkring, en van hier af is dit net sowat 150 km tot teen die Limpoporivier en die Zimbabwe-grens. Augustus is die droogste maand vir dié wêreld, maar terwyl die res van die land bibber, baai…

Die Bolandse natuurskoon en die feit dat Robertson so naby die Kaap is, is oorgenoeg genoeg rede om jou wa te pak en vir ’n naweek hier te kom kamp. En dan praat ons nie eens van die wynkelders nie. As jy jou in hierdie geweste tuismaak, kan jy in een dag by minstens tien wynkelders gaan inloer en proe. Maar dis seker nie die slim ding om te doen nie – dis beter om jou wynproeëry oor ’n naweek te versprei en dan op jou tyd by plekke soos Arabella, die Ashton-wynkelder, Cloverfield, De Wetshof, Graham Beck en selfs die Klipdrift-distilleerdery te gaan inloer. Vir ’n Bolandse wegbreeknaweek kan jy by ’n splinternuwe kampterrein op die pad tussen Robertson en Bonnievale gaan uitspan. Maak jou tuis Koos en Cindy…

Dit maak nie saak of jy met ’n tent, boswa of woonwa kamp nie: Jy wens dikwels vir meer pakplek – veral vir kombuisgoed. Met die pakslag wéét jy jy gaan ’n sekere ding by die see nodig hê, maar hy is so lomp en moeilik om te pak dat jy begin wonder of jy hom regtig so erg gaan mis as jy eers daar is. Jy hoef egter nie meer twee keer te dink nie, want deesdae kry jy baie slim ontwerpte opvoukombuisgoed van silikoon. LEISURE QUIP-OPVOUKETEL Dis mos nou kookwater, man! Jou ketel is een van daardie goed wat moeilik is om te pak. Hy vat baie plek in die kas op en jy kan nie eintlik iets in hom pak nie. Met dié outjie het jy minder…

Die sleepstangvervaardiger Brink Towing Systems, met sy aanleg in Pietermaritzburg, het sy vervaardigingsvermoë ’n hupstoot gegee met die opgradering van R3,5 miljoen – nou is daar onder meer twee nuwe outomatiese sweisstasies. Hulle is egter nie net gerat vir beter produksie nie, maar het in April ook ’n rekordgetal stange gelewer. In dié maand het hulle meer as 6 000 stange vir Ford se Ranger vervaardig asook 1 500 vir die Toyota Fortuner. Hulle sê hulle is goed op dreef om hulle teiken van 100 000 stange vir die jaar te bereik. Brink Towing Systems verskaf sleepstange vir nie minder nie as 24 plaaslike voertuighandelsname, van BMW en Volvo tot Jaguar en Jeep, en hulle stange word ook onder meer na lande soos Amerika en Australië uitgevoer. Die internasionale Brinkgroep…

Langmou-boshemp Die Skandinawiërs het ’n uitdrukking wat min of meer so lui: “Daar bestaan nie iets soos slegte weer nie, net die verkeerde klere.” Goed, hulle praat seker van ysige wintersdae en dik baadjies, maar jy kan dit beslis van WegSleep se winter- en somerboshemde ook sê. Jy kan nie op ’n ekspedisie gaan sonder ’n paar van dié hemde in jou toksak nie. Die hemde word deur Jonsson Workwear vervaardig, ’n maatskappy welbekend vir taai klere wat landwyd op kommersiëleen wildsplase asook in die boubedryf gebruik word. Die hemde word drie keer gestik op die nate wat die hardste werk – om hulle ekstra taai te maak – en het ’n dubbellaag materiaal oor die skof, waar die son jou mos altyd die hardste looi as jy langs die…

Ek bly jare al in die mooie Jakarandastad en ons sleep en kamp ook al lank. Ek en my pa, Blackie, is sedert 1967 doenig met woonwaens. Sy eerste woonwa was ’n tuisgeboude een wat hy by iemand gekoop het. My pa het hom met ’n ou Datsun Bluebirdstasiewa gesleep, maar so met die tyd het hy opgegradeer tot groter voertuie en beter woonwaens. Dit het woonwaens soos ’n Camp Pride en later ’n Sprite Musketeer ingesluit. Ek is 32 jaar gelede getroud en het steeds nie belangstelling verloor nie. Ek het die skaars Sprite Alpine B-woonwa besit, en dan as ’n sleepvoertuig die Datsun Stanza 1800 SSS. Soos die jare aangestap en die finansies dit toegelaat het, het ons groter en beter gesoek. In 1993 koop ek my derde…

WegSleep het in laasjaar se Meiuitgawe ’n artikel gepubliseer oor die verbeteringe wat ons aan my Sprite Swing gemaak het. Saam met die artikel was ’n portretfoto van my en my vrou, Denése. Denése se seun, Louwrens Eloff, en ’n vriendin wat ’n grafiese kunstenaar is, Lizelle Fourie, het ter viering van my verjaardag dié foto gebruik om vir my my eie spesiale Weg-Sleep-voorblad te maak. Hulle het dié selfgemaakte voorblad op ’n eksemplaar van die Mei 2015-uitgawe geplak en ek hou dié “spesiale uitgawe” nou deurentyd in my motor om dit vir vriende te wys.…

Van ons Facebook-vriende sê dié tyd van die jaar is dit hopeloos te koud om te kamp, maar baie ander laat hulle nie afskrik nie... Willie Brand Nee wat, die koue skrik my nie af nie. Ons gaan vir die langnaweek by Woelwaters staan. Dis ons eerste keer daar en ons hoop dis lekker. Jeanine Henning Ons kamp op die oomblik in die Karoo- nasionale park. Die winter skrik ons nie af nie. Carolina Horn Nee dankie, dis heeltemal te koud. Ek bly liewer by die huis waar dit warmer is. Ek wag maar vir die somer voor ek weer gaan kamp. Anthony Verwey Die winter weerhou my glad nie daarvan om te kamp nie. Daar is mos raad vir die koue – soos warm klere, warm vure en warm…

In die Kaap is daar hope dinge om te doen, maar goedkoop is dit nie: Vir ’n gesin van twee grootmense en twee kinders gaan dit R1 300 uit die sak jaag om met die kabelkarretjie teen Tafelberg op en af te ry en daarna die Twee Oseane­akwarium en die Kasteel in Kaapstad te besoek. As jy dan die pikkewynkolonie by Bouldersstrand in Simonstad wil gaan kyk en vir die kinders Kaappunt wil gaan wys, moet jy jou regmaak om nog amper R600 te hoes – en dis net aan toegangsgeld. Hoe meer uitstappies, hoe dieper moet jy in jou beursie delf. En dan praat ons nog nie eens van petrol­ en kosgeld, die koeldrank­ en roomysgeld en die rekening vir die visen­tjips by Houtbaai nie. Met jou wa en…

Woonwaens is nie altyd gebou om jou soos ’n handskoen te pas nie – iewers sal iets altyd pla. Jy het dalk al ’n keer of wat gewonder waarom jou wa nie ’n tweepuntprop by die bedkassie het sodat jy snags jou selfoon kan laai nie. Of, nog beter, ’n USB-sok. Of wat van ’n klein bababedjie by die koppenent? Dinge kan selfs krap waar die oog nie kan sien nie... daardie houtvrot is mos ’n lelike storie. Hierdie is alles dinge wat Pierre de Jager in ag geneem het toe hy die CampEasy beplan het. Dié waentjie word hoofsaaklik van aluminium gebou en spog met ’n klomp oorspronklike konsepte. Pierre sê hy het die Camp-Easy ontwerp met die idee van ’n teardrop-wa in sy agterkop.…

Blikkieslaai In ’n japtrap Jy kan die slaaisous maak voor julle vertrek en by die kampplek net by die res van die bestanddele gooi. Jy benodig (genoeg vir 4-6) •  1 blikkie (400 g) soetmielies, gedreineer• 1 blikkie (400 g) niertjiebone, gedreineer•  1 blikkie (400 g) cannellinibone, gedreineer• 1 blikkie (400 g) borlottibone, gedreineer• 125 g kersietamaties, afgespoel onder lopende water en middeldeur gesny• 1 komkommer, in repies gesny• ’n hand vol pietersielie, fyngekap VIR DIE SLAAISOUS •  1 eetlepel heelkorrelmosterd• 1 eetlepel witwynasyn• 1 teelepel heuning• ½ koppie olyfolie• sout en swartpeper Só maak jy 1 Maak die slaaisous deur die heelkorrelmosterd, witwynasyn en heuning in ’n bakkie saam te klits. Gooi die olyfolie by terwyl jy die heeltyd klits. Geur dit met sout en peper. 2 Meng die soetmielies, al die bone, kersietamaties, komkommer en pietersielie saam.…

Kyk net so ’n Sorento! 2009 KIA SORENTO 2.5D Hy het verskeie opsies oorweeg, maar was uiteindelik in die kol met sy Kia Sorento, sê Hans Stekelenburg van Sasolburg. Wat sleep julle met die Kia? Ons het ’n Sprite Supersport, die 1995-model. Hoe lank gebruik julle al dié sleepkombinasie? Die laaste jaar. Wat het jy vir die Sorento betaal? Ek het hom tweedehands gekoop vir R140 000. Waarna soek jy in ’n sleepvoertuig? Ek soek ’n sterk enjin, wat beteken dit móét ’n dieselmodel wees. Ek verkies ook ’n handratkas en ’n goeie hoogte op die kar. Verder moet hy 4x4-aangedrewe wees of minstens ’n ewenaarslot hê. Ek is ’n groot ou en verkies ’n nutsvoertuig, want ek soek gerief wanneer ek sleep. Maar uiteindelik kom dit neer op iets…

Die gesegde sê twee dinge is onvermydelik: die dood en jou pond vleis vir Jan Taks. Tog is daar nog ’n paar dinge wat in dié kategorie val. Dis onvermydelik dat jy een of ander tyd saam met jou suinige swaer met die duur smaak gaan uiteet en dan stel hy aan die einde van die aand voor julle moet die rekening 50-50 deel – selfs al het jy vis-en-tjips geëet terwyl hy weggelê het aan eksotiese ingevoerde sampioene wat in die Pous se trane gemarineer is. Dis ook onvermydelik dat ’n borgvormpie van die skool by jou huis gaan opdaag wat vra dat jy R1 per woord borg vir een of ander lees-olimpiade waaraan jou kind moet deelneem. Dit is nét so onvermydelik dat jy een of ander tyd…

“Ons wou vir verlede jaar se Desembervakansie in die Wes-Kaap gaan kamp en het uiteindelik op die munisipale oord by Witsand besluit. My vrou, Erika, se neef Jannie Langenhoven bly reg langs die oord en met dorpe soos Swellendam, Heidelberg en Montagu om die draai was dit die perfekte bestemming. Jy sê ’n mens moet wakker slaap as jy by Witsand wil kamp? Ja, ons het voor einde Maart al bespreek en moes toe tot Junie wag om te hoor of ons bespreking goedgekeur is. Die oordbestuur vergader eers en oorweeg al die aansoeke voor hulle jou bespreking toestaan. Ons is baie bly dat ons wel die kans gekry het om daar te kamp. Dit was vir ons ’n spesiale vakansie omdat dit die eerste keer sou wees dat Noleen,…

“Ons het voorheen met ’n Jurgens Penta gekamp, maar ek het vir my vrou gesê ek is lus om ’n ouer en goedkoper wa te koop en hom oor te doen en te maak soos ek hom wil hê. In Februarie koop ek toe ’n 1985 Sprite Major en besluit om hom in die tema van ’n vegvliegtuig uit die Tweede Wêreldoorlog oor te doen. Ek het gesien baie mense doen dit met hulle karre en motorfietse, maar niemand met woonwaens nie. Ek het die wa se nuwe hoëgehaltevinielbaadjie ( vehicle wrapping ) by Stefan en Linda Pieterse se SignSeeker in Parys laat ontwerp en aanbring – ek het my idee verduidelik en foto’s op die internet gesoek wat ek vir hulle gestuur het. Dit was nogal lekker…

Ons skop ’n maand lange vakansie vroeg in April af in die Kgalagadi-oorgrenspark. Terug huis toe ry ons oor Douglas tot by die Karoonasionale park en daarna na Oudtshoorn, en kamp by die Oppi Dam-oord. Dis ons eerste keer hier en ons ontmoet een baie spesiale mens: die bestuurder, Madeleine Booysen. Ons was nog op pad toe Madeleine bel om te hoor hoe laat sy ons kan verwag. Sy ontvang ons hartlik en vriendelik, en ek verstout my om te sê in al ons kampjare is ons nog nooit só verwelkom nie. Dit beïndruk ’n mens. Madeleine het met ’n breë glimlag al die reëls verduidelik, meer oor hulle dienste vertel en ons tot by ons staanplek begelei. Elkeen van die staanplekke het sy eie badkamer en kombuis. Dis skitterskoon…

'Vir die sleepvermoë van ’n voertuig kan jy maar altyd die 80%-reël gebruik.' Wat jy mag sleep of nie, hang af van veel meer as net jou EB-rybewys. As ’n sleper of voornemende sleper is dit jou verantwoordelikheid om ’n geskikte sleepvoertuig te kies waarmee jy jou spesifieke wa mag en kan sleep, maar vervaardigers moet ook heeltemal eerlik wees oor die sleepvermoë van hulle voertuie. Aan die meeste kleiner sedans mag jy nie ’n sleepstang aanbring nie, want hulle het nie die struktuur of werkverrigting daarvoor nie. Daarom moet jy vooraf jou huiswerk deeglik doen wanneer jy ’n voertuig – en veral ’n tweedehandse voertuig – aanskaf om jou sleep- of woonwa te haak. ’n Selfgemaakte of swak sleepstang wat sommer in die agterplaas vasgesweis of aangebout is, kan…

WegSleep het die afgelope jare al verskeie innovasies in die woonwa­ en kampeerwêreld bekend gestel, en nou het ons nog ’n produk wat vir ons lesers waardevol kan wees: sleepversekering! Met die versekeringsproduk WegSleep Sleepseker het ons ’n spesiale tarief vir lesers beding. Die versekering dek woonwaens, boswaens en ryhuise. Daar is twee pakkette: SleepSeker Prestige SleepSeker­dekking SleepSeker­inhoud (van R30000) SleepWeg­padhulp SleepSeker Ekono SleepSeker­dekking SleepWeg­padhulp Die voordele behels Sleepdekking: Die rytuig het omvattende versekering, wat ongelukke, kwaadwillige skade, stormskade, diefstal, kaping én brand dek. SleepSeker-inhoud: Dekking vir besittings ter waarde van R30 000 in totaal word by die Prestige­pakket ingesluit. Jy het die opsie om teen ’n ekstra premie jou inhoud tot R45 000 en R60 000 te verseker. Dit sluit in: beddegoed, kombuisware, klere, elektriese toestelle, woonwa­ en tentbykomstighede…

Die Kadjar met sy ietwat ongewone naam is ’n nuweling uit die Renault­stal. As jy sy sjiek vorm so kyk, is sy plek as sleepvoertuig voor ’n woonwa die laaste ding waaraan jy dink. Maar dink weer: Die “kad” in sy naam verwys na “quad” en sinspeel daarop dat hy meer as net die teerpad kan baasraak, terwyl “jar” verwys na sy ratsheid. As ’n sleepvoertuig is dié monsieur meer as gemaklik met ’n sleepding. Die kar se lyne spel die ene renmotor, en binnelangs laat die digitale skerms ’n mens dink die 22ste eeu is op ons. Hy het modieuse rondings en slim tegnologie, maar is geensins neus in die lug as dit by woonwasleep kom nie. Die ouens by Renault sê die Kadjar se…

Kyk Piet se Piet-my-vrou! Hier is net die oplossing vir tentkampeerders wat sukkel met ’n ordentlike plek vir kosmaak: Die Piet-my-vrou, gebou deur Piet van Heerden van Magaliesburg. Dis ’n sleepwa met ’n opslaandeksel vir al jou kampgoed – en in die agterste deel is ’n netjiese kombuis. Die hele agterkant is ’n deur wat 90° na regs oopswaai. Uit die deur slaan die werkblad plat met genoeg plek vir die tweeplaatgasstoof én dinge soos ’n kerfbord en ’n bord of twee terwyl jy opskep. Agter die tafel, in die deur, is rakke vir onder meer koppies en borde, en heel regs twee 220V-proppe as jy ’n ketel of broodrooster wil gebruik. In die sleepwa se stert is ’n rak waarop ’n yskas kan staan plus die gasbottel vir die…

As seuntjie en tiener het Corn Booyens elke jaar saam met sy bouer-pa, Hannes, en ma, Susan, gaan vakansie hou – in twee selfgeboude waens. Corn het sy pa destyds gehelp om hulle tweede wa te bou, en ’n jaar nadat hy en Rina in 1967 getroud is, het hy vir hulle hulle eerste wa, die Corina 1, gebou. Deur die jare het hy nog vier Corina-waens gebou waarmee hy en Rina – en later ook die kinders – elke jaar die pad gevat het. Corina 2 is in 1992 by die Hoërskool Nelspruit, waar Corn jare lank die hoof was, verwoes deur ’n bom wat deur regse ekstremiste geplant is. Corina 3 het langs die pad saam met die sleepvoertuig uitgebrand weens ’n fout met die voertuig se remstelsel.…

Hengelgerei Kry ’n byt-kristalbol Jy ken die waters en toestande by Gordonsbaai en die Koppiesdam en weet so min of meer wanneer die vis behoort te byt, maar jy kom net nou en dan by die Breëriviermonding by Witsand of Loskopdam anderkant Middelburg – hier is jy nie seker wat die beste tyd is om lyn in te gooi nie. ’n Mens wil darem nie jou tyd mors langs die viswaters nie. Sommige ernstige hengelaars hou ’n barometer in die hengelkas, want lugdruk is mos een van die dinge wat bepaal wanneer ’n vis op sy beste vreet. Maar jy kan ook die tegnologie gebruik: ’n elektroniese handtoestel wat ’n klompie ander faktore saam met die lugdruk in ag neem om vir jou te vertel hoe aktief die vis behoort…