Innehållsförteckning för September 2016 från Weg! Ry & Sleep

Ons woonwa se regterwiel het op ’n onlangse toer afgekom – dít nadat ons reeds 3 000 km afgelê het. Die ramp het ons tussen Wepener en Zastron in die Vrystaat getref. Ná hulp van verskeie verbygangers is die wa op die rug van ’n platbaklorrie gelaai terug na Bloemfontein. Al het ons op ’n Sondag met ons hande in die hare gesit, het die mense van Caravanatix ons oproep beantwoord en was hulle bereid om die wa te ontvang en herstel. Dit was ná sewe en reeds donker toe ons by Caravanatix aankom, maar hulle het ons ingewag en was gereed vir ons. Oom Hennie Greyling het toegesien dat die wa nie verder beskadig word terwyl dit van die vragmotor afgelaai word nie. Teen Maandag is ’n nuwe as…

’n Stewige gasstoof Ek het dié slim plan gesien toe ek onlangs saam met my Namakwalandse swaer, Gideon Adriaanse, gaan kamp het. Dis ’n windskerm vir my gasstoof, en eintlik bedoel vir daardie gietystermodelle met die vier pote – ek het hom effens aangepas en nou werk hy soos ’n bom. Ek het ’n metaalammunisiekis gevat en ’n gat in die voorkant gesny wat groot genoeg is sodat die gasstoof se pyp en beheerklep daardeur kan pas. Om die stoof te laat pas het ek net die agterste twee pote binnetoe gedraai. Nou kan ek onverstoord op hom kook, sonder om my te bekommer oor die wind wat die hitte wegwaai. Die kans dat hy per ongeluk omgestamp kan word, is ook aansienlik skraler. Wanneer ek klaar is, lig ek…

“Sy wil met haar boek ook ander swart gesinne inspireer om in hulle besige lewe tyd te maak om die terapie van kamp te ervaar en die natuur te ontdek.” Jy het ’n gesin en genoeg geld, maar fisiek en emosioneel is jy leeggetap. Jy het bittermin lewensvreugde. Jou huisdokter sê jy ly aan algehele uitbranding en, ja, jy het depressie. Sy beveel aan jy roep halt en pas jou lewenstyl aan ter wille van oorlewing en ter wille van jou man en kinders en julle gesinslewe. Dan besluit julle op ’n maande lange kampeerreis... uiteindelik ry julle 25 000 km en slaan by 60 kampplekke tentpenne in. Dít is die verhaal van Fikile Hlatshwayo wat in haar reisboek, Blacks Do Caravan (Jacana Media), vertel hoe…

D it maak nie saak of jy al ’n gesoute kampeerder of ’n nuweling is nie, Camp Master het ’n groot reeks noodsaaklike kampeertoerusting waar jy alles kan kry wat jy ooit in die bos of woonwapark nodig sal hê. Of jy nou op soek is na iets om orde te skep in jou kombuistent, ’n koelhouer vir jou versnaperinge by die strand of hengelplek, of net ’n gemaklike stoel wat nie gaan knak as jy om die kampvuur sit nie, Camp Master het iets vir jou. Al die produkte wat ons hier vertoon het ’n eenjaarwaarborg wat jou gemoedsrus sal gee: Jy koop nie vir een keer se kuier nie, dié toerusting gaan jare hou. AIR TECH SAFARI-TENT BESKIKBAAR BY Camp Master het onlangs die room van sy tente…

Met bykans 40 modelle waaruit jy kan kies, staan Ford se nuwe Ranger-reeks behoorlik ’n vertoonlokaal vol. Daar’s van enkelkajuite regdeur tot by 4x4-dubbel-kajuite, en uit al dié modelle het slegs een (’n enkelkajuit) ’n petrolenjin. Die res het almal dieselenjins – óf die 2,2 l- óf die 3,2 l-enjin. Die duurste 2,2 l-dubbelkajuit kos teen R517 900 ’n raps meer as die goedkoopste 3,2 l -dubbelkajuit (R498 900). Die kleiner enjin beteken allermins jy moet met die tweede beste tevrede wees. Trouens, die 2,2 l steek nie lyf weg wanneer jy ’n woonwa haak nie. Gebou vir sleep Op die meeste nuwe voertuie is ’n sleephaak deesdae nie standaardtoerusting nie en moet jy ekstra begroot vir die stang. Met die Ranger 2.2 is dit egter nie die geval nie.…

Wat maak ’n kamp so lekker? Heelwat meer as net die koffie, pap en wors. Jy sien byvoorbeeld gereeld ’n ander toneel deur jou venster, selfs al trek jy elke keer dieselfde gordyne oop. Hoewel ons gaan kamp om van die werklikhede van ons alledaagse bestaan te ontsnap, beteken dit geensins ons bevind ons afgesonder en alleen nie. In die meeste gevalle kamp ons saam met ander mense. Mense wat ons nie ken nie. En dan bly ons nogal óp mekaar, ons gebruik dieselfde storte, staan langs mekaar en tande borsel en swem in dieselfde swembad. Dit is juis oor dinge soos dié dat bedagsaamheid én verdraagsaamheid so belangrik is in die kampterrein. Net so min soos jy jou buurman se televisie wil hoor, net so min wil hy hê…

Ons eerste kleinkind, Christiaan Snyman, is in November verlede jaar gebore. Uiteraard was die afwagting én die opwinding om hom te ontmoet groot. Oupa Pieter deel sommer van kort ná die geboorte af sy gunstelingtydskrif, WegSleep, met klein Christiaan. Wanneer ons die voorreg het om tyd saam met Christiaan deur te bring, sorg Oupa dat die tydskrif byderhand is vir lees, of sommer net foto’s kyk. Dié groot oomblik is gewoonlik Saterdagoggend vroeg en dan ontspan en lees dié twee “kampeerders” in die bed. Christiaan raak glad opgewonde wanneer ons die Weg­Sleep uithaal, asof hy nie kan wag om die volgende bestemming te sien nie. Die tyd stap aan en met Christiaan wat nou al agt maande oud is, kan ons nie wag dat hy saam met ons gaan kamp…

Daar is heelwat trekstangslotte in die winkels beskikbaar, maar ek doen dit op my manier – sedert my heel eerste sleepwa en tot vandag toe. Ek sit basies net ’n klein slot knus agter die trekstang se veiligheidsknip en tref sommer drie vlieë met een klap: Eerstens gee dit my bykomende veiligheid wanneer ek sleep – omdat die knip nie kan beweeg as die slot gesluit is nie, kan die wa se haak nie van die bol loskom nie. Tweedens beskerm dit jou wa teen diefstal omdat niemand jou wa kan loshaak nie. En as die wa in die kampplek afgehaak en die slot ingehaak en gesluit is, kan niemand jou wa haak en daarmee verkas nie. Daar is natuurlik duurder en deftiger produkte op die mark, maar op dié…

Met die eerste oogopslag lyk Keimoes – met sy groot waterwiel en kanaal en wingerde al langs die hoofstraat – soos net nog ’n dorp op een van die hoofroetes. Vir baie reisigers op die N14 is die hoofstraat slegs ’n stilhouplek om gou die tenk vol te maak, ’n Coke te koop en ’n kiekie te neem voordat hulle weer die langpad noord- of suidwaarts vat. Eers as jy langer vertoef en ’n bietjie wyer as die hoofstraat ry, sien jy in watse mooi wêreld dié dorp regtig lê. Met die Oranjerivier wat hier verby vloei en die een eiland op die ander vorm, is dit ’n skilderagtige laslappielandskap met wingerde, groen landerye en waterkanale wat vir kilometers uitgestrek lê in ’n halfwoestyn vol aalwynbegroeide klipkoppe. Hier word geboer…

Wil jy ’n slag vir die naweek wegkom van Gauteng se stadsgedruis af? Of vat jy die langpad noord? Boma in the Bush buite Polokwane is 277 km van Pretoria af en nie te ver vir ’n wegbreeknaweek nie. Dis ook ’n goeie halfwegstop as jy suid van die Vaalrivier bly en 500 km of meer moet ry na die Pontdrift-grenspos by Botswana, Beitbrug by Zimbabwe of die Krugerwildtuin se Pafurihek in die noorde. Die netjiese Boma in the Bush is 8 km buite Polokwane, reg langs die N1. Binne ’n minuut of twee nadat jy van die snelweg afgedraai het, is jy in die kampplek en kan jy die braaivleisvuur aan die gang kry terwyl die kinders die pad vat swembad toe. Draai af, ry in As jy die…

Vleisbraai is ’n integrale deel van kamp. Die belofte van die vuur wat hoog brand terwyl jy met ’n koue ietsie in die hand sit, is die eerste ding waarna jy uitsien wanneer jy Vrydagmiddag ’n uur of wat vroeër by die werk wegglip, jou wa haak en uiteindelik in die pad val. Daar is min dinge wat jou so ontspanne laat voel as om met ’n braaitang in die hand te staan terwyl jy waghou oor die tjops. ’n Mens kan amper sê dit is die kampeerder se weergawe van daardie stresballe wat gespanne mense so lief is om te druk. Nadat jy vir ’n rukkie ’n braaitang vasgehou het, vind jy gou-gou jy bekommer jou nie meer so erg oor daardie knaende werkdinge en die stukkende grassnyer nie.…

Infanta se boswoonwa is hier Sedert Infanta 12 jaar gelede begin boswaens bou het, was dié waens dadelik gewild onder kampeerders. En nou het hulle ná verskeie versoeke ook ’n boswoonwa gebou. “Soos kampeerders ouer word, kan die opslaan van ’n wa te veel raak – ’n mens verkies later ’n woonwa waar jy net kan klim en ry, iets met minder moeite,” sê J.W. Swart, eienaar van die maatskappy. Die Infanta-boswa het hom behoorlik bewys en daarom het J.W. besluit om die boswoonwa op die boswa te baseer. Die planne daarvoor het hy verlede jaar gefinaliseer, en teen die einde van die jaar was die eerste boswoonwa klaar. “Beknopte ruimte is een van die groot kopsere vir boswoonwavervaardigers. Dis een van die redes hoekom ek op ’n uitglybed besluit…

Ons het in Junie ’n seëlring by die Tsendzekamp in die Krugerwildtuin opgetel en wil dit graag aan die eienaar terugbesorg. Die ring was in die vroue se buitelugstort en ek het dit op Maandag 27 Junie aan een van die handdoekhake sien hang. Die ring was etlike dae lank in die stort en ons vermoed die eienaar was al vort teen die tyd dat ons dit gekry het. Die ring is taamlik afgeslyt en moet iemand se kosbare besitting wees. ’n Naam is daarop gegraveer en ek sal met graagte help om die ring weer vir die eienaar terug te gee. Stuur asseblief vir my e-pos na avkruger@me.com  as dit jou ring is óf as jy dit dalk herken.…

Hout, houtskool, brikette of gas? Ons Facebook-vriende vertel wat vir hulle die beste werk om die vleis gaar te kry wanneer hulle gaan kamp. Louie Janse van Rensburg Ek kuier graag by ’n houtvuur, maar braai eerder met brikette. Met houtskool of hout weet jy nie altyd wat jy kry nie. Die kole is óf te warm óf te koud óf dit brand te gou uit. Piet Engelbrecht Is houtskool ’n plek waar ’n mens leer hoe om vuur te maak? Jacques Albertyn As dit nie ’n houtvuur is nie, is dit nie kamp nie. Houtskool is vir daardie vinnige braai op ’n Woensdagaand by die huis. Arries Viljoen Ek braai altyd met hout. As ek see toe gaan, koop ek my sakkies hout hier in die Bosveld en vat…

Daar is ’n handjie vol bestemmings in Suid-Afrika waar jy niks meer as een of twee woorde nodig het om te verduidelik waarheen jy gaan nie. Plekke soos Skukuza, Paternoster en Pelgrimsrus is al so deel van Suid-Afrika se toerismebedryf dat die blote noem van die naam ’n gevoel by mense laat ontwaak. Mense wat al daar was, kan nie wag om weer daarheen te gaan nie, terwyl dit op die emmerskoplys is van dié wat nog nie daar was nie. Dieselfde geld vir plekke soos die Blyderiviercanyon, Kaappunt en die Tuinroete – om nie eens te praat van die Wildekus en die KwaZulu-Natalse Middelland nie. Elkeen van dié plekke is uniek en bied aan die besoeker ’n uitsonderlike ervaring. In die ooste van Mpumalanga is Badplaas en Dullstroom twee…

Baie vervaardigers spits hulle deesdae toe op die bou van boswaens, maar min vervaardigers bou boswoonwaens. Hoewel die boswoonwapoel waaruit ’n mens kan kies klein is, kan jy nie kla oor die gehalte van die waens wat gebou word nie. Jurgens Ci bou ook twee boswoonwaens – die Xplorer is gemik op gesinne en die Xcape op paartjies. Vir die Xplorer met sy BVM van 1 800 kg het jy ’n behoorlike sleepvoertuig nodig, maar die kleinboet se BVM is 400 kg minder en is ook meer van ’n sakpaswa. 1 Voorlangs Jurgens gebruik die tradisionele gietysterkoppelstuk op die Xcape. Agter die koppelstuk, tussen die A-raam se twee arms, is ’n aluminiumplaat waar plek is vir onder meer die los hoekstutte en gasbottels. Saam met die ligteprop het die Xcape…

Varkribbetjies met pynappelsalsa Braaivriende Varkvleis en pynappel is altyd goeie pasmaats. Jy benodig (genoeg vir 4) • ½ koppie sojasous• ½ koppie pynappelsap• 2 eetlepels heuning• 2 knoffelhuisies, fyngedruk• 1 toontjie gemmer van 5cm, fyngekap •  twee hande vol koljanderblare, fyngekap• 1 kg varkrib• 1 blik (400 g) pynappelstukke, gedreineer en in klein stukkies gesny• ½ rooiui, fyngekap Só maak jy 1 Meng die sojasous, pynappelsap, heuning, knoffel, gemmer en een hand vol koljander saam in ’n vlak bak. Sit die rib in die bak, vryf die marinade oraloor in die vleis en laat dit vir 1 uur staan om te marineer. 2 Draai die rib toe in ’n dubbellaag foelie en hou die marinade eenkant. Braai die toegedraaide rib vir 1 uur oor matige kole. Haal dan die rib uit die foeliepakkie en braai dit vir 10-12…

Waar jy gaan, sal ek gaan... 2010 TOYOTA LAND CRUISER VX 4.2 D Met die Land Cruiser voor hulle Jurgens Xcape is daar nêrens waar hulle nié kan gaan kamp nie, sê Hans von Gordon van Port Elizabeth. Wat haak julle? Ons sleep ’n 2009-model Jurgens Safari Xcape. Hoe lank sleep julle al met die Land Cruiser? Sedert 2009. Voor dit het ons ’n Jurgens Oryx met ’n Mitsubishi Colt 2.8 TDI gesleep. Ons het egter na die Land Cruiser en die Xcape opgegradeer omdat ons meer spasie wou hê. Hoeveel het jy vir die Land Cruiser betaal? Ek het hom vir R399 000 gekoop. Dit was ’n demonstrasiemodel met 2 500 km op die klok. En jy is tevrede met hom? Hoewel hy nogal swaar is op diesel en…

Hengelgerei Laat bou vir jou ’n stok Jou hengelsukses op die strand of rotste hang baie af van die regte stok. Jy moet gemaklik wees daarmee én hy moet geskik wees vir die spesies wat jy in die visier het. Daarom kry ernstige hengelaars vir hulle pasgemaakte stokke. Vir ’n stok wat spesiaal vir jou gemaak word, kan jy by Frederick Hefer (foto onder) van Höfer Fishing op Sasolburg aanklop: Seehengel en die bou van visstokke is sy groot liefde, en as jy hier kom aanklop vir ’n stok, vis Frederick deeglik uit wat jou behoeftes is. Hy skribbel jou gewig en lengte neer, asook hoe jy gebou is en so min of meer hoe dik (of dun) jou arms is. Jy gee vir hom ook jou katrol – koffiemeul…