Innehållsförteckning för October 2016 från Weg! Ry & Sleep

Wat gee ek om die winter? Wat praat jy nou van Mei? Wat skeel dit as ons later weer donker dae kry? Ek is nou in Oktober, die mooiste, mooiste maand Ons kan weer soos Leipoldt sê ons is in die mooiste maand. Maar ek wil my verstout deur te sê ons is nie net in die mooiste maand nie, maar die mooiste maande . Ek praat natuurlik van die sonnige kampmaande wat voorlê. Ja, die winter het sy skoonheid en sy kampbekoring, maar die somer bly nou maar die heel lekkerste vir ’n kampnaweek en -vakansie. As jy nog nie jou wa en kampgoed afgestof en reggekry het en vir die eerste keer in die nuwe seisoen gaan kamp het nie, is dit nou die tyd…

Ons almal dink mos ons sleepvoertuig is die beste. Of ons weet presies watter een ons sal koop as ons skip inkom. Wie kraai dus koning: die bakkie of die sportnutsvoertuig? Johan Gobregts Ek verkies om met ’n bakkie te sleep. Daar is genoeg pakplek, ruimte, krag en stabiliteit. En as dit ’n nuwe bakkie is, is hy boonop luuks ook. Anne Saunders Oosthuizen Dit hang seker maar af van jou woonwa. Ons sleep ’n Fleetline met ons Nissan Navara en ons het geen probleme nie. Eddie Fisher Elke ou het maar sy eie persoonlike voorkeure. Jy kry goeie sleepbakkies én sportnutsvoertuie. Frida van der Spuy Ons sleep met ’n bakkie, en om die waarheid te sê voel ons nie eens die woonwa agter ons Isuzu-dubbelkajuit nie. Hans Wessels Ek…

Amerika het sy Grand Canyon, Namibië sy Visriviercanyon... en ons in Suid-Afrika die Blyderiviercanyon. Om eerlik te wees hoef dié meneer in die noordooste van die land g’n aks terug te staan vir die Yanks of Suidwesters nie. En boonop is die Blyde met sy subtropiese plantegroei die enigste groen canyon ter wêreld, wat dubbel en dwars daarvoor vergoed dat hy nie so groot is soos die ander twee nie. Hier naby Hoedspruit kom asem jy die natuur in en herlaai jou batterye. Hier kom sien jy hoe die wêreld prentjiemooi geskilder is en verwonder jou oor hoe groot en allesomvattend iets kan wees. Jy kom vaar op die Blydepoortdam op soek na krokodille en seekoeie, en neem foto’s van die waterval wat soos ’n skedel lyk en van die…

Mitsubishi se Pajero het al ’n huishoudelike naam geword wanneer jy van luukse 4x4-voertuie praat. As ’n mens kyk na hulle sukses in die uitmergelende Dakartydren, het hulle behoorlik ’n blou bloedlyn. En al is ’n haak nie standaard nie, kán die Pajero sleep. Mitsubishi sê 95% van die mense wat ’n 4x4 van hulle aanskaf, rus dit verder toe met bykomstighede – van rotsglystawe en skermplate aan die onderstel tot ’n GPSstelsel en ’n ordentlike sleepstang. Met die topmodel-Pajero doen Mitsubishi vir jou die aantrekwerk en jy spaar ’n hele paar duisend rand. Met al die bykomstighede kos die 3.2 DI-DC GLS Exceed R30 000 meer, waar jy stuksgewys R50 000 sou opdok. As jy na die tarragewig van 2 245 kg kyk, klim die Pajero saam met die…

Steakbroodjies Smulburger Maak heerlike middagetebroodjies – al wat jy nodig het, is gisteraand se oorskietsteak en kraakvars koolslaai. Jy benodig (genoeg vir 4) • 1 klein rooikool, fyngesny• 1 klein groenkool, fyngesny• ½ rooiui, in dun skywe gesny•  1 wortel, in dun repies gesny• 1 knoffelhuisie, fyngekap• 1 toontjie gemmer van 2 cm, fyngerasper• 1 eetlepel suiker• 2 eetlepels witwynasyn• sout en swartpeper• 4 hamburgerrolletjies• 300 g gaar steak, in dun repe gesny Só maak jy 1 Meng die twee koolsoorte, ui, wortel, knoffel, gemmer, suiker en witwynasyn saam in ’n mengbak, geur dit met sout en swartpeper en laat dit vir 30 minute marineer. 2 Sny die rolletjies middeldeur en rooster hulle vir ’n minuut of twee in ’n pan of oor jou kampvuurkole tot hulle mooi goudbruin is. 3 Bou vir julle hamburgers met ’n paar skywe steak…

Vat vyf! 2011 BMW X5 ’n Mens voel nie die wa agter jou as jy met ’n BMW X5 sleep nie, sê Dana Hefer van Modimolle. Wat sleep julle? Ons kamp met ’n Jurgens Penta, die 2005-model. Ons haak partymaal ook sommer die sleepwa agter die woonwa. Hoe lank sleep julle al met die X5? Vanjaar is dit al die sesde jaar. Hoeveel het jy vir jou sleepvoertuig betaal? Ek het hom uit die boks gekoop vir R630000. Wat is die belangrikste eienskappe van ’n goeie sleepvoertuig? Hy moet eerstens genoeg krag hê. ’n Mens wil nie sukkel wanneer jy sleep nie. En dan verkies ek onafhanklike vering op die agterwiele. En die X5 vat raak in albei dié afdelings. Nog ’n pluspunt is sy dubbelturbo-enjin wat die toere laag…

Hengelgerei Dra jou viskas op jou rug In Port Elizabeth het Morné Harris ’n bedrywig lewe: Aan die een kant bestuur hy die werkswinkel van die sportmotorvervaardiger Hi Tech Automotive, en aan die ander kant is hy die eienaar van die hengelgerei-en-toebehorevervaardiger Fishing Buddy. En tussendeur hengel hy ook nog. Morné het die fabriek vir hengelgoed ’n dekade gelede begin en afgeskop met die vervaardiging van ’n H-raam en gereikas wat strand- en rotshengelaars op die rug kan dra. Deesdae verskaf Morné se fabriek ’n klomp verskillende produkte aan hengelwinkels reg oor die land. En ná tien jaar bly sy Fishing Buddy H-frame steeds gewild onder strand-en rotshengelaars. Hengelaars wat dit aangeskaf het, sê met dié raam en kas dra hulle gewis gemakliker en makliker as hulle lang ente strandlangs…

Ons het vroeg vanjaar saam met ons vriende Charles en Gladys du Plessis deur ’n gedeelte van Namibië getoer, en die pad terug huis toe was deur Botswana. Ons het in ons ryhuis gekamp en Charles­hulle het ’n woonwa gesleep. Vir die rit terug wou ons by die Ekorilodge oornag, maar die mense was besig met bouwerk en ons het nog 100 km aangery tot by die dorpie Tsootsha. Hier is ’n kampplek, die Jungle Lightruskamp, waar die eienaar, Riana Jonker, ons met ope arms ontvang het. Dis ’n rusplek wat Riana vroualleen bedryf, en dis as ’t ware ’n oase in die woestyn. Hier is onder meer geriewe vir woonwaens en ’n restaurant. Ons daag in die middel van die dag op en die termometernaald staan op 42 °C.…

Ons het op 18 Julie vir ons ’n Gypsey Romany by Loftus Caravan City gekoop. Bryan Lawrence, een van die verkoopsmense, het gesorg dat al die papierwerk heeltemal seepglad verloop. Voor ons die wa gehaak het, het Bryan-hulle dit gediens en die tent opgeslaan sodat ons kon sien alles is waar dit hoort. Bryan was uiters behulpsaam, selfs toe ons met die registrasieproses vashaak met die papierwerk. Ons woon in Noordwes en Loftus is in Gauteng, en die afstand tussen ons het sake verder bemoeilik. Bryan het egter uit sy pad gegaan om vir ons al die nodige dokumente agtermekaar te kry. Hierdie was ons derde transaksie by Loftus, en weer eens het ons tevrede weggestap. Ons beveel Loftus ten sterkste aan, en dankie, Bryan Lawrence, vir jou puik diens!…

“ Op my foon is ’n klomp apps wat baie handig te pas kom in die natuur... ” Gebruik jy jou slimfoon wanneer jy gaan kamp of bly hy afgeskakel? Hieroor is daar nie eenstemmigheid onder kampeerders nie. Die tradisionaliste meen jou foon en tablet bly afgeskakel, want jy kamp juis om weg te kom van alles en almal. Die moderniste meen weer ’n kampplek moet Wi-Fi hê. En die tusseninners wil ’n selfoonfoto of drie neem van die blomme en goggas en die tafel wat kreun onder die kampkos – en dit op Facebook plaas vir die familie en vriende wat nie kan saam kamp nie. Ek moet bieg: Ek kan nie sonder my slimfoon klaarkom nie. Saans in die kampplek – of as die weer guur is –…

Sowat twee uur se ry van Kaapstad af kan jy jou tentpenne vir die naweek by die Montagu Guano Cave-oord inslaan. Dis ’n oord waar jy kan rus, swem en braai én die natuur op sy beste kan beleef. Die kinders kan die plaasdiere voer en jy kan hulle enigiets van ’n Vlaamse konyn tot ’n verskeidenheid slange gaan wys. ( Die slange is gelukkig agter glas. – Red. ) ’n Besoek aan die oord se bekende Guanogrot met sy honderde vlermuise is ’n hoogtepunt. Jy kan op ’n begeleide toer gaan kyk hoe lyk ’n Natalse langvingervlermuis, Kaapse langhaarvlermuis, Geoffry se hoefystervlermuis en ’n Egiptiese losstertvlermuis. Anderkant die Kaap Die Montagu Guano Cave-oord is net minder as 200 km van Kaapstad se noordelike voorstede af – 6…

Kampeerders val klaarblyklik in twee kategorieë wanneer daar oor stabiliseerders gesels word: Die mense wat daarin glo en diegene wat nié daarin glo nie. Slepers wat verkies om daarmee te sleep sê hulle doen dit merendeels vir gemoedsrus. Dit laat jou net veiliger voel om te weet daar is bykomende beskerming as ’n skielike rukwind jou tref terwyl daar meer as ’n ton aan jou kar gehaak is. Die mense wat nie aan stabiliseerders glo nie, sê jy moet gaan soek hoekom jou wa swaai. Daar is gewoonlik ’n rede en dis iets wat jy kan regstel. Hier praat ons van waens wat verkeerd gelaai is, bande wat nie reg gepomp is nie en remme wat nie behoorlik werk nie. Dan is daar ook diegene wat meen stabiliseerders is onnodig…

Ons het onlangs ’n brief ontvang van ’n leser wat hoogs ontstoke was oor hoe min sy medekampeerders ag geslaan het op die gryswater wat hulle elke dag op die kampterrein gemors het. Hy skryf dat hy gedurende ’n onlangse kampvakansie van drie weke opgemerk het hoeveel kampeerders hulle gryswater van die stort en wasbak uit die woonwa bloot onder hulle wa laat uitloop. Die leser meen ’n mens sou verwag dat hulle minstens die water met ’n emmer of bak sou opvang. Hy sê van die ouens grawe selfs ’n gat in die grond waarin hulle die water laat afloop. Dit het hom dwars in die krop gesteek en hy sê hy moes eers noodgedwonge na ’n graaf gryp om die gat toe te gooi. ’n Mens kan sy…

“ Het julle regtig heel eerste van die kampplek gehoor? Ons is vriende met ’n bekende woonwahandelaar hier op Potchefstroom, en ons het by klante van hulle van die nuwe Honey Nest-kampplek gehoor. Ons het besluit om as ’n groep vriende soontoe te gaan en het vir Johan en Leonie Tiedt, Ben en Ingrid Jooste en Johnnie en Pat van der Berg saamgenooi. Honey Nest is naby Derby en behoort aan Fanie en Anene Viljoen. Die naam kom van die plaas se naam, Honingnestkrans, waar dit gebou is. Dis ’n lappie grond van 13,5 ha wat weg van die beskawing af is. Hoe lyk die kampplek? Jy kamp diep in die bos, en as ek sê hier is nie eens krag nie, sal jy verstaan hoe na ’n mens aan…

’n Meneer van ’n kampkas Wanneer ons met ons tent en gazebo langs die viswaters gaan kamp het, was daar altyd ’n probleem met die potte, panne, ketel en ander kombuisgoed wat los of in kratte gepak moet word. Ek het besluit dit kan nie so aangaan nie en op die internet gaan soek vir oplossings. Dis waar ek op die “Chuck box” afgekom het wat die ouens in Amerika gebruik. Ek het die voorbeeld gebruik en een vir myself aanmekaargeslaan. Dit was nie moeilik om hom te bou nie en ek het hom al ’n klompie kere gebruik – en in die proses hier en daar ’n paar dingetjies verander. Nou het ek ’n kas wat min plek opneem, maar ook genoeg plek het vir al die potte en…

Die KwaZulu-Natalse kus wemel van vakansie- en kampeeroorde, maar die meeste van hulle lê suid van Durban. By Ballito, 50km noord van dié hawestad, is egter twee besonderse kampplekke net enkele kilometers van mekaar af waar jy in ’n prima gebied langs die kus kan kom kamp en ontspan. Die Dolphin-vakansieoord en Salt Rockwoonwapark lê in ’n gebied waar die gemiddelde huisprys rondom R5 miljoen is. Vir ’n fraksie van die geld wat jy vir ander vakansieverblyf betaal, kan jy hier kom afsaal en behoorlik vakansie hou. En rus. DOLPHIN-VAKANSIEOORD Inboek en uitspan By die Dolphin-oord voel jy sommer met die aankomslag tuis, amper asof jy by vriende kom kuier. Jy vleg deur ’n buurt om hier te kom, en oorkant die pad is ’n klein inkopiesentrum. Links van die…

Omdat net enkele wavervaardigers boswoonwaens bou, is kampeerders se keuse taamlik beperk – met Infanta se eerste boswoonwa het jy nou nóg een om van te kies. Infanta bou al langer as ’n dekade boswaens en jy kan aan hulle nuwe boswoonwa sien hulle het hulle skoolgeld al dubbel en dwars betaal. Die Infanta se romp bestaan merendeels uit aluminium, en die bed – wat jy ’n slaapkapsule of -kompartement kan noem – gly uit die regterpaneel uit die wa. Én dan het hy wasbakke en gasstowe binne en buite. En as jy die slag sommer ’n paar stompe hout wil saamry en nie net ’n sakkie of twee nie, het dié wa genoeg plek. Agter, skuins onder, slaan ’n vragrak plat. Die trap is ook nie net vir in-…

Ons is op soek na wildlewe, landskappe, insekte, voëls, portrette... Absoluut enigiets wat jy afneem terwyl julle op vakansie is by die see, in die bos of in die berg. Foto’s van jou budgie of boetie wat die kat se stert trek, is egter nie interessant genoeg nie. Ons kies elke dag die beste foto en plaas dit op ons webwerf. Aan die einde van die kompetisie kies ons ’n algehele wenner, ’n naaswenner en ons lesers stem ook vir hulle gunsteling-foto. Die heel beste foto’s word natuurlik op Facebook en Twitter gedeel. Dié kompetisie vir deelnemers jonger as 18 het op 20 Julie 2016 begin en duur drie maande. Die algehele wenner wen ’n gesinsvakansie vir vier aan die KwaZulu-Natalse Suidkus ( www.tourism southcoast.co.za) ter waarde van R30 000…

Die Infinity staan gebou Wakopers is bederf met die verskeidenheid woonwaens – en veral boswaens – waaruit hulle kan kies. Die nuwe vervaardiger Quantum Leisure in Boksburg het met sy reeks woonwaens die balans nou weer effens laat terugkantel padwaens se kant toe. Die eienaars van Quantum, Jurie en Louie-Mari Pienaar, het 20 jaar se ervaring in die vervaardigingsbedryf, en vol-gens Louie-Mari is kamp hulle passie – hulle geniet veral die kuier- en gesinstyd in die kampplek. Hulle was dus reg om self ’n luukse padwa te ontwerp en bou. Hulle gebruik in hulle fabriek onder meer gesofistikeerde rekenaarnumeriese masjinerie (CNC). Hulle verkies ’n buitekombuis en meen ook ’n sithoekie in die wa is onnodig “want as jy kamp, geniet jy die buitelewe”. Met hulle ontwerp is daar meer ruimte…