Innehållsförteckning för October 2015 från Weg! Ry & Sleep

Of jy nou met C. Louis Leipoldt saamstem oor die mooiste, mooiste maand of nie, een feit staan soos ’n paal bo water: Die jaar is behoorlik op sy rug. Kyk maar mooi, jou plaaslike supermark het waarskynlik al die gangetjies met blinkers en ander Kersversierings getooi. Dis ook tyd om jou wa en jou kamptoerusting te begin afstof en seker te maak alles is reg vir die groot vakansie. Daar is darem nog genoeg tyd as jou wa gediens moet word of as jy ’n paar stewige kampstoele moet aanskaf voor jy in die pad val Scottburgh of Hartenbos of Kruger toe. Dit alles beteken egter nog lank nie óns is klaar met hierdie jaar nie. Inteendeel, Oktober is om twee redes ’n belangrike maand vir WegSleep…

Dankie aan die boswavervaardiger Conqueror en WegSleep vir die Conqueror Courage wat ek in julle intekenkompetisie gewen het. ’n Verdere dankie aan die eienaar van die Conqueror-tak op Wellington, André Rudolph, vir raad en bystand met die wa. Ons het die nuwe wa by die ATKV-oord Goudini ingewy. Ek knyp myself nog steeds, want nie in my wildste drome kan ek glo ek het die wa gewen nie. En ek het nogal met elke uitgawe van WegSleep gevolg hoe die wa aanmekaar gesit word. Kamp sal ons kamp met ons nuwe wa, ongeag wat die weer doen. Die Courage-wa heet Spyker en die naam is ter nagedagtenis aan ons dogtertjie wat ons elf jaar gelede verloor het – in gees sal sy by elke kamp met ons wees.…

Ons bly op Hectorspruit, so te sê op die voorstoep van die Krugerwildtuin. Ons het besluit om oor die langnaweek in Augustus vir ’n tydjie hier rus te gaan vind. Krokodilbrug , die onderste kamp digby Komatipoort, is ons keuse en ons kies een van die staanplekke teenaan die draad. Ons het lekker gerus en ontspan... tot die Saterdagnag om eenuur. Roy, my man, hoor takke breek en loer by die venster van die woonwa uit. Hy roep my dadelik om te kom kyk: ’n Meneer van ’n olifantbul staan meters van ons af en druk teen die heining om die boom by die wa by te kom. Ons het ons wit geskrik, en besluit om die res van die dag eerder net rustig te wees. Die spyskaart vir middagete…

Enigiemand wat my goed ken, sal vir jou sê ek weet presies waar elke liewe oudhede- en pandjieswinkel in Pretoria is. Om in só winkel ’n stuk houtwerk te bekyk en te bevoel is kos vir my siel; des te meer as dit getuig van eeue oue vakmanskap. Ek raak skoon aan’t bewe van opwinding as ’n houtkassie of nutskissie ’n eiesoortige ontwerp het of, nóg beter, ’n geheime laatjie of kassie. Of as ’n vakman se identifikasiemerk daarop pryk of ’n stokou datum iewers in ’n hoekie wegkruip. Maar ’n mens kan nie net in die verlede leef nie. Jy moet op die hoogte bly van nuwe tegnologie. Ek moet bybly om bo te bly, juis omdat ek my brood as ’n opvoedkundige verdien. Ek moet studente se aandag…

Daar is twee redes waarom Robertson so ’n gewilde naweekbestemming is vir Kapenaars. Die eerste – en ooglopendste – is die feit dat hier so baie te doen en sien is. Die tweede – en belangrikste – is dat dit minder as twee uur se ry uit die stad uit is. Die dorp lê in die skadu van die Lange-berg, met die Breërivier wat neffens hom verbyvloei. En natuurlik is dit een van die Wes-Kaap se bekendste wynstreke. Feeste soos die jaarlikse Wacky Wine Weekend in Junie lok duisende mense hierheen, maar wynproe hoef nie die enigste rede te wees om jou Penta te haak en jou motor se neus in dié rigting te druk nie. Op Robertson kan jy kom stap, fietsry, perdry, motorfietsry, kunsgalerye besoek, gholfspeel, aan plaaslike…

Jy dink nie noodwendig baie oor jou flits nie. Hy is maar altyd byderhand – of altans so hoop jy. Tog is daar ’n paar dinge wat jy in gedagte moet hou as jy in die mark is vir ’n nuwe een. Jou begroting is natuurlik ’n deurslaggewende faktor, maar jy moet ook mooi dink waarvoor jy die flits nodig het. Is dit net iets wat jy gaan gebruik as jy braai of ablusieblok toe stap, of gebruik jy ’n flits op ’n middernagtelike wildsrit? Besluit ook hoe groot die flits moet wees. Groter is nie noodwendig beter nie, en as jou jong kinders hom ook gaan gebruik, gaan ’n swaar ding dalk meer op die grond val as wat hy in hulle hande lê. Hier is 17 opsies waarna…

Onthou jy die dae toe jy met jou ou padkaart die langpad na die kampplek gevat het, ’n paar keer langs die pad die rigting moes vra én met jou vrou gestry het oor waar julle nou eintlik moet afdraai? Wel daardie dae is genadiglik verby. Dis nou mits jy weet hoe om jou GPS behoorlik te gebruik. Twee dekades gelede was dit hoofsaaklik weermagte, vlieëniers en seevaarders wat die Global Positioning System – of dan satellietnavigasie – gebruik het om hulle weg te vind. Met die koms van GPS vir algemene gebruik, internetgereedskap soos Google Maps, en slimfone het dié prentjie verander en navigasie verspotmaklik geword. As jy ’n paar basiese dinge reg doen, hoef jy nooit weer die pad byster te raak en in die donker tent op…

Gee hom ’n bietjie meer skop 2011 TOYOTA FORTUNER 3.0 D-4D 4x4 As jy met ’n Toyota Fortuner sleep, swaai die stert beslis nie die hond nie, sê Nico Swarts van Leeupoort. Wat haak jy aan die Fortuner? ’n Jurgens Penta, die 2013-model. Voor dit het ek ’n 2005-model Sprite Splash gesleep. Hoe lank sleep jy al met dié kombinasie? Twee jaar met die Penta en twee jaar met die Splash. Hoeveel het jy vir die Fortuner gehoes? Ek het hom nuut gekoop vir R375 000. Waarna soek jy in ’n sleepvoertuig? My voertuig moet swaar wees om stabiliteit te verseker as ek sleep, maar steeds genoeg krag hê dat ek nie sukkel nie. Daarom het ek vir my Fortuner ’n verrigtingskyfie ( performance chip ) laat insit.…

Hengelgerei ’n Hengelgids vir jou gereikas Die nuwe WegSleep Hengelgids , wat nou te koop is, is ’n visvangboek wat jy saam met jou gereikas kan inlaai as jy viswaters toe mik. Dié gids, in tydskrifformaat, is nie net ’n boek propvol hengelwenke en inligting oor visspesies nie; dis ’n alles-ineen-gids wat vir jou vertel waar ’n hengelaar aan die kus of in die binneland kan gaan kamp opslaan. En dan hoe jy daardie grote kan uittrek, watse vis dit is, én hoe jy hom soos ’n wafferse sjef kan gaarmaak. Die WegSleep-redaksie het 50 kampeeroorde langs die vis-waters gaan uitsoek. Elke oord beslaan ’n volle bladsy, met enigiets van algemene inligting oor die oord tot gedetailleerde inligting oor watse vis jy daar kan vang, hoe jy…

Ons twee kleindogters woon op ’n plaas by Howick in KwaZulu-Natal en het die afgelope vakansie by Ouma en Oupa kom kuier. Om die woelwaters in die stad besig te hou is sekerlik ’n ander storie, want ons woon in ’n aftreeoord. Daarom het ons besluit om die kroos in die natuur te trakteer en bespreek toe by Dube anderkant Brits, na aanleiding van ’n onlangse artikel in WegSleep. Ons 1973 Jurgens 580B het al 150 000 km agter die blad en ons span hom agter die Nissan Hardbody in vir die uitstappie. (Terloops, ek het die wa amper ’n halwe eeu gelede nuut gekoop – destyds het ek R2 640 daarvoor betaal.) Ons trek die Saterdagoggend by Dube in en die bestuurspan, Elsette en Fanie Jacobs, wag ons vriendelik…

Een aand in die omgewing van Nelspruit kan ons by twee kampplekke naby die dorp nie geholpe raak nie. Maar die gesukkel lewer ’n verrassing op: Reg langs die N4 buite die dorp “ontdek” ons die Hippo Waterfront-lodge. Ons het die plek se bord langs die pad gesien. Anton Crous, die bestuurder, het uit sy pad gegaan om die aand te help, en die volgende oggend was die eienaar, Johan Nel, daar. Ons het ook ’n heerlike ontbyt geniet. Hippo Waterfront het ses staanplekke, elk met ’n eie badkamer. Die tydjie hier was só aangenaam en sal ons eerste keuse wees as ons weer in die omgewing draai. Dis ’n plek wat ons vir enigiemand sal aanbeveel.…

Nou stort ons lekker Ek moes ’n plan maak met my Conqueror Commander se stort omdat die wêreld altyd papnat en modderig geraak het wanneer ons dit gebruik. Ons het vir ons ’n kinderswembad gekoop en staan nou binne-in hom en stort. Die lekker ding van die swembad is die feit dat hy ’n uitlaat in die bodem het waarin ’n deurskynende waterpypie lekker styf pas. Jy kan dus die water na buite laat vloei om te keer dat jou badkamergedeelte in ’n nat gemors ontaard. Ek het ook ’n arm vir die stortkop gemaak – dus sit hy nou bo ’n mens se kop as jy stort, en die water spuit nie meer in ’n horisontale stroom nie én die wêreld word minder nat. Ek het ’n stukkie staalpyp…

Of jy nou nog praat van Potgietersrus of al oorgeslaan het Mokopane toe, albei dié name verwys na ’n sleutelfiguur wat twee verskillende kante van dieselfde verhaal verteenwoordig: die Voortrekkerleier Piet Potgieter en die Ndebele-hoofman Mokopane, ook bekend as Makapan. Maar by die Makapangrotte buite die dorp kruip ’n minder bekende stukkie geskiedenis oor Mokopane en Potgieter weg. Dis ’n verhaal met moordenaars, slagoffers en helde waaruit silwerdoekskrywers groot inspirasie kan put – selfs Paul Kruger maak ’n verskyning. Om die storie te laat herleef het jy ’n paar stapskoene en ’n paar uur nodig. Gelukkig is daar drie gawe oorde in die omgewing waar jy jou woonwa of boswa kan staanmaak terwyl jy die gebied se stories gaan opsoek. Groet die grotman Net meer as 10 km noord van…

Tot aan die begin van die jaar het die wavervaardiger Summit Trailers hom toegespits op die bou van boswaens. Die maatskappy gebruik die name van bergreekse vir hulle waens – soos die Everest, K2 en Andes. Nie net het hulle nou oorbeweeg na die Afrika-vasteland nie, maar met die bou van die nuwe Kilimanjaro ook verder hand opgesteek in die mark vir boswoonwaens. Boswoonwaens is geruime tyd al deel van die speelveld vir die groter vervaardigers, maar die laaste jaar of twee het die kleiner wabouers ook begin nader staan. Die Kilimanjaro is nie net ’n nuwe boswoonwa nie; hy is ook toegerus met ’n vernuftige nuwe patent of twee. 1 Elektriese spiere Summit is voor in die koor met die opwipdak van die Kilimanjaro wat elektries oplig. Van die…

Boeliebief-hasjee Oom-blik-lik Met net ’n paar bestanddele kan jy ’n bobaas kampete aanmekaarslaan. In Engels noem hulle dit “hash”. Jy benodig (genoeg vir 4-6) • 2 eetlepels olie• 4 groot aartappels, geskil en in klein blokkies gesny• 2 uie, fyngekap• 2 blikkies (300g elk) boeliebief, in klein blokkies gesny• ¼ koppie beesvleisaftreksel Só maak jy 1 Verhit die olie in ’n pan oor matige hitte en braai die aartappelblokkies vir vyf minute. Voeg die ui by en braai dit vir nog vyf minute. 2 Voeg die boeliebief en aftreksel by en laat dit vir 10-15 minute prut tot die aartappel gaar is. 3 Eet dit net so, op ’n sny vars brood of in ’n broodrolletjie. WegSleep sê: Dis maklike kampkos; selfs oom Faan wat nie kan kosmaak nie, sal hierdie een kan…

Dis weer tyd vir WegSleep se Sleepakademie waar ons voornemende slepers touwys maak in die dinge wat hulle moet weet om ’n EB-lisensie te bekom. Ervare slepers kan ook ’n paar lesse kom leer oor die fyner kunsies van haak en sleep. Vanjaar span ons kragte saam met Campworld om twee van hierdie slypskole aan te bied by ATKV se oorde by Goudini en Buffelspoort. Die akademie sluit twee aande se kampverblyf by dié oorde in. Op die Saterdag sal Fanie Marx van SAWA, wat ook die tweejaarlikse sleepkompetisie van die Federasie van Woonwa- en-kampeerklubs organiseer, deelnemers teoretiese en praktiese opleiding gee en na afloop van die kursus steek ons die vure aan vir ’n lekker braai. BESPREEK SOMMER NOU, WANT PLEK IS BEPERK! Waar en wanneer? ATKV Buffelspoort: 23…

Op die plaas Platsak by Witrivier het Daan en Salomé van Staden langer as drie dekades met tabak, macadamias en koejawels geboer. Deesdae bedryf hulle seuns, Christo en Kallie, die boerdery en winkelkompleks op die plaas. Daan en Salomé, albei vroeg in die sestig, is nou afgetree en die kans is goed dat jy hulle iewers met hulle ryhuis in ’n kampplek sal raakloop. Daan was ’n kranige diepseehengelaar en vroeër jare het hulle baie langs die see gekamp. Sewe jaar gelede het hulle weer ernstig begin kamp – eers met ’n Jurgens Safari Xcell en nou met ’n WJ Avalon-ryhuis. Hulle kampvriende Gerrie en Engela du Plessis van Boksburg het die ryhuisgogga laat byt. Gerrie en Engela is óók afgetree en kamp al jare met ’n ryhuis. Die Du…

Lesers op die WegSleep-forum en ons Facebookblad sê wat dit is wat jy moet onthou om van jou ’n goeie kampbuurman te maak. Carina Laing ’n Goeie buurman deel sy kole met jou as jy laataand nog besig is om kamp op te slaan. Annemarie Geldenhuys Ek dink goeie kampbure is vriendelik, maar doen hulle eie ding. Hulle raak stiller in die aand en baie stil hier teen elfuur saans. En as daar apies in die kampterrein is, help hulle om die kalante te verjaag as ’n mens nie daar is nie. Lynette van der Merwe As hy by my kom inloer vir ’n geselsie, bring ’n goeie kampbuurman sy eie stoel saam sodat ek nie op my koelboks hoef te sit nie. Karen Odendaal Ek dink goeie bure red…

By Tietiesbaai en in Dwarskersbos sien jy Desember ná Desember dieselfde mense op dieselfde staanplekke. As jy eers hier gekamp het, sal jy heel moontlik óók weer wil gaan. Maar, jy hoef nie net langs die see te kamp as jy die pad vat Weskus toe nie... TIETIESBAAI Wild en gewild ’n Staanplek nader aan die see kry jy nie maklik nie. Én jy gaan hard soek om ’n meer ongerepte seekampplek te kry as by Tietiesbaai in die Kaap Columbinenatuurreservaat – die Wes-Kaap se mees westelike punt. As jy een van die staanplekke reg langs die see kies, voel jy elke dan en wan die sproei van die branders wat teen die enorme rotse vasslaan. Jy kamp met die gedreun en geklots van die see en die gekrys van…

Mazda bou een nutsvoertuig in ’n mark-segment wat wemel van mededingers. Mazda se mense laat hulle egter nie deur strawwe mededinging intimideer nie, want aan die einde van April vanjaar het hulle die miljoenste CX-5 die wêreld ingestuur. Naas die Mazda3 is dit die Mazda-model wat die vinnigste hierdie mylpaal bereik het. Die CX-5 het drie jaar gelede sy buiging in Suid-Afrika gemaak met ’n 2 l-petrolenjin. Vandag het jy ’n keuse tussen twee petrolenjins, 2 l en 2,5 l, asook twee dieselenjins, albei 2,2 ›, waarvan die een ’n aks meer oemf het as die ander. Die twee petrolenjins lewer onderskeidelik ’n gawe 210 Nm en 256 Nm. Dit is duidelik Mazda wou nie met hulle petrolmodelle in sleepkringe meeding nie, want volgens hulle spesifikasies mag jy nie meer…

By Pedders is ons ervaring dat ligte kommersiële voertuie en sportnutsvoertuie wat gereeld die maksimum hoeveelheid gewig dra, hulle skokbrekers en veringstelsels mettertyd moet laat vervang ter wille van veilige en gerieflike vlakke van veringbeheer en ondersteuning. Op dieselfde manier sal passasiersvoertuie wat gereeld die maksimum gewig vervoer en ekstra toerusting soos sleepwaens sleep, nie volgens hulle potensiaal presteer in terme van rygerief en hantering as hul veringstelsel nie opgeknap is nie. Pedders het ’n omvattende reeks produkte vir voertuie wat vrag dra of sleep, en hul kundige “No Bull”-raad sal jou help om jou behoeftes te identifiseer, hetsy vir privaat of kommersiële voertuie. Wanneer ’n voertuig ’n swaar vrag moet sleep of dra, is daar minder speling op die vering, wat die rygerief, vastrapvermoë, hantering, stuur en remdoeltreffendheid beïnvloed.…

Vars in die Bokkeveld As jy ’n wegkomplek sowat twee uur se ry van Kaapstad af soek, kan jy nou by die Schoongezicht-kampplek gaan afsaal. Dit is ’n nuwe kampplek tussen Ceres en Citrusdal, aan die voet van die Skurweberg in die Koue-Bokkeveld. Anso en Nico van der Merwe is die eienaars van die plaas Schoongezicht, en Anso sê hulle het laasjaar die plek as kampplek begin gereed kry. Jy kan uit ses staanplekke kies, en hier is ook vier permanente woonwaens as jy eerder tot hier wil ry sonder om te sleep. Hier is ’n klein ablusieblok met twee badkamers wat elk onder meer ’n stort, toilet en wasbak in het – albei vir gebruik deur mans én vroue. Die warm water kom van die gasgeiser en by die…

“ My man, Nols, het my in Augustus lekker bederf deur my na Forever Swadini te neem. Dit was ter viering van Vrouemaand, én sommer sy verjaardag. Ons het vir ’n hele maand lank by my gunsteling-kampeeroord gestaan – en dit was ongetwyfeld die hoogtepunt van my jaar tot dusver. Hoekom hou jy so baie van Swadini? Ek noem dit die juweel van die Bosveld, en ná ons onlangse besoek sommer ook die juweel van die liefde. Hier is ’n mens nie vir een sekonde verveeld nie. Ons is geharde kampeerders en natuurentoesiaste, en kry by Swadini alles wat ons wil hê. Dit is een van daardie plekke wat jy weer en weer besoek omdat jy elke keer verbaas is oor hoe pragtig dit hier is. Jy word omring deur…