Innehållsförteckning för May 2017 från Weg! Ry & Sleep

Is hier groot dinge aan die kom in die Suid-Afrikaanse woonwabedryf en -mark? As jy na die planne luister van ’n Amerikaanse wabouer in Swaziland, lyk dit gewis so. En as Charles Hoefer en Andrea Kine van die Hoefer-woonwagroep hulle planne uitvoer vir superligte, luukse woonwaens vir die Suid-Afrikaanse mark, kom hier nie net ’n ding nie, maar ’n hele omwenteling. Leon het met Charles gesels oor sy planne vir onder meer luukse waens vir die Suid-Afrikaanse mark wat só lig is dat jy hulle met ’n klein motor én sonder ’n sleeprybewys sal kan sleep. Charles sê hulle open binne die volgende drie maande hulle eerste twee takke in Gauteng en Mpumalanga, en wil teen die einde van die jaar hulle hele wa-reeks op die vertoonvloer hê. Hy vertel…

Ammo-oondjie Ek het hierdie broodoondjies wat soos varkies lyk, gestaan en kyk en gedink ek kan mos my eie oondjie prakseer. Ek het dadelik gedink aan my ou ammokis uit my weermagdae. Ek was bekommerd oor die verflaag oor die ammokis en het eers daarin vuurgemaak om hom behoorlik skoon te brand. Daarna het ek hom mooi skoon uitgevee en toe was my oondjie reg vir my eerste probeerslag. Ek het hom oor die kole gesit met my klein broodpannetjies vol deeg binne-in en ’n paar kole op die deksel. En al moet ek nou self so sê, was my eerste probeerslag nie te sleg nie. Die verfreuk en -geur waaroor ek so bekommerd was, was nie ’n probleem nie en die broodjies het heel gaaf uitgekom. Hulle was ongeveer…

Dag ná dag wil mense op kuberforums by ander mense weet waar is “lekker kampplekke”. Gawie van Springs, Gertie van Koekenaap en Spekkies van Bloemfontein het almal min of meer dieselfde vraag: “Hallo, mense! Help asseblief. Watter lekker kampplekke is daar naby Ermelo?” Of Griekwastad, Putsonderwater, waar ook al. Sarie van Sinoville wil weer weet wie het onlangs by Skilpadtepel gekamp “... en wat dink julle van die plek? Ek wil ook graag gaan as dit lekker is.” Gawie, Gertie en Kie. weet blykbaar nog nie dat omtrent al die munisipale kampplekke op die platteland al dekades tot niet is nie. Nou wonder ek... Is sulke vrae nie aanduidend van ’n onontginde kampmark nie, en is dit nie haas tyd dat kleiner dorpe se kerk- en skoolterreine en plase in…

Mense noem dikwels sommer enige plek met ’n klomp doringbome en kniehoogte gras die Bosveld, maar die régte Bosveld lê in ’n spesifieke streek noord van Pretoria. Vir kampeerders het die ware Bosveld ’n spesiale bekoring en hier kan jy kies waar jy wil kamp – van leeuwêreld tot bedrywige warmwaterbron-oorde. In die Bosveld is geen tekort aan gewilde kampplekke nie. Ons het weer Bosveld toe gemik, en dié slag het ons by die Abba-wildslodge net buite Modimolle en die Tibani-lodge buite Mokopane afgehaak. ABBA-WILDSLODGE Vat die goeie sandpad In Modimolle se geweste is ’n klomp kampplekke om van te kies, en om by die meeste van hulle uit te kom moet jy maar weet jy gaan ’n ent grondpad sleep. Dit geld ook vir die Abba-wildslodge, maar jy gaan…

Die Pretoriase boswavervaardiger Summit Trailers bou twee boswoonwaens en het pas sy topmodel, die Kilimanjaro, omtrent heeltemal vernuwe. Summit Trailers bou al amper ’n dekade waens en as jy na hulle ontwerp en boumateriaal kyk, is dit duidelik dat hulle slepers se behoeftes verstaan. Jy gaan nie ’n bloutjie loop met houtvrot of roes nie, want die romp is merendeels van aluminium. Dis ook nie nodig om vir jou Kilimanjaro ’n spesiale afdak of garage by die huis te bou nie, want hy pas in ’n standaard-motorhuis. Dak en voete Die Kilimanjaro het ’n hoekstut agter onder elkeen van die hoeke. Dis ’n afswaaistut wat met een swaai afslaan sodra jy die handvatsel trek. Die stutte sit ongewoon ver van die kant van die bakwerk af (50cm), maar met die…

Viskoekies Proe die see Jy kan dié viskoekies by die huis klaar braai en inpak, óf die beslag saamvat en vinnig by die kampterrein braai. Jy benodig (genoeg vir 4) • 250 g patat, geskil en in blokkies gesny • 1 blikkie (400 g) sardientjies, gedreineer en ontbeen • 1 blikkie (410 g) heel mieliepitte, gedreineer • 100 g groenertjies, ontdooi • ’n hand vol sprietuie, fyngekap • ’n handvol pietersielie, fyngekap • sout en swartpeper • 2 eetlepels olyfolie Só maak jy 1 Kook die patat vir 20-25 minute in ’n kastrol met soutwater tot dit gaar is. Dreineer en druk dit fyn. 2 Meng die patat, sardientjies, mieliepitte, ertjies, sprietuie en pietersielie saam en geur dit met sout en swartpeper. 3 Verhit die olyfolie oor matige hitte in ’n braaipan en braai die viskoekies vir 5…

Arthur Basson is al ’n klomp keer bekroon vir die cabernet sauvignon- en ander wyne wat hy op die Bushmanspad-wynlandgoed buite Bonnievale maak. Vir die kampwa wat hy gebou het, kan hy wraggies ook ’n prys kry. Arthur was glad nie ’n kampeerder nie. Die gogga het gebyt toe BA en Jhana Frank, vriende van hom en sy vrou, Cisca, hulle genooi het om saam te kamp. “Ek het in die Weskus grootgeword en ons het altyd in ons vakansiehuis op Langebaan gaan uitspan. Ek het glad nie kamp geken nie. Om die waarheid te sê was BA en Jhana se wa die eerste kampwa wat ek van nader gesien het. Hulle het met hulle wa gekamp en ons met ’n tent. Toe dink ek: Nee wat, hoe moeilik kan…

Hengelgerei ’n Blitsige antwoord Kampeerders en hengelaars wat lang tye in die oopte langs die water deurbring, sal vir jou vertel jy soek nie skoor met weerlig nie. In hengelkompetisies is daar selfs reëls om mense teen weerlig te beskerm. In die Suid-Afrikaanse Varswateroewerhengelfederasie (Savof) se reëlboek word dit uitgestippel dat ’n kompetisie gestaak moet word as ’n donderstorm op die horison dreig. Die hoofbeampte van die kompetisie dra ’n weerligmeter saam met hom en sodra dié meter wys die weerlig kruip nader en is 19,12km weg, word die kompetisie eers gestop en die hengelaars moet ’n veilige skuilplek kry. Die kompetisie mag eers hervat word wanneer die weerlig nie meer ’n bedreiging is nie en die beampte die groen lig gee dat dit veilig is. Jy kan ook ’n…

Flikkers Ferreira wen ‘n WegSleep Escape Gearsak ter waarde van R950. Elke mens het ’n behoorlike toksak nodig, al speel jy lankal nie meer vir Bapsfontein se tweedes in die streekliga nie. Hierdie 65 ℓ-sak het genoeg pakplek vir twee weke se jeans, PT-broeke, T-hemde en ’n warm trui of twee. Die boonste flap rits groot oop sodat jy maklik kan pak en nie hoef te grawe vir sokkies nie. Die sak is van sterk seil gemaak met duursame YKKritssluiters. Jy kan die sak in ’n sandkleur of donkergrys bestel. Loer gerus op ons webwerf winkel.weg.co.za…

Ek het Karel Swanepoel se “ ’n Reis vir Corné” in die Maart-uitgawe gelees en my oë uitgehuil. Ek ken Karel-hulle van geen kant af nie, maar die Krugerwildtuin is ook my en my man, Danny, se gunstelingplek om te besoek. Ek kan my nie so ’n reis sonder Danny voorstel nie. Om alleen roomys te eet, altyd die “Wild Looking King” te wees en te kyk waar jy wil omdat dit nou net jy is... O, nee, my hart wil breek! Die trane loop as ek net na Corné se boom op bl. 74 kyk. Met ons volgende besoek gaan ek Corné se boom soek en ’n glasie op haar klink. Karel Swanepoel, wat ’n wonderlike manier om jou Corné te eer!…

Ons kamp gereeld saam met vriende en deel dan gewoonlik ’n private badkamer met ’n ander gesin. Met agt mense wat drie weke lank die ablusiegeriewe deel, kan dit nogal ’n deurmekaarspul raak met wie se goed wie s’n is. Ons gebruik ’n goedkoop skoenesak vir elke gesin om hulle seep, deodorant en ander badkamergoed in te bêre. Sodoende bly alles netjies en niks raak deurmekaar nie. ’n Mens kan selfs die kleintjies se name op die afskortinkies skryf om te keer dat hulle deurmekaar raak.…

Net meer as 150 km van Kaapstad af – en skaars 10 km voor jy die drielingdorpe Velddrif, Port Owen en Laaiplek binnery – lê die Kliphoekrivieroord op die oewer van die Bergrivier. Hier, op Jurgen en Mariëtte Kotzé se plaas, kan jy vir die naweek wegkom van die stadsgedruis af. Kliphoek is een van die oudste plase in die Weskus en al geslagte lank in die Kotzé-familie se besit. Aan die een kant word hier met dorpers en bees geboer en langs die rivier lê die oord met sy selfsorgrivierhuise en kampplek. Dié oord is in ’n voëlreservaat in die enorme mondingsgebied van die Bergrivier, en is ewe gewild onder voëlkykers van reg oor die wêreld, natuurliefhebbers, watersportentoesiaste en hengelaars. Naweke en vakansiedae word hier voëls gekyk, geroei, bootgery,…

Nét die een vir my 2016 TOYOTA FORTUNER 2.8 OUTO  Sy vorige sleepvoertuig was ’n Fortuner, sy huidige sleepvoertuig is ’n Fortuner en sy volgende sleepvoertuig gaan beslis óók ’n Fortuner wees. Só vertel Gert Herbst van Elsburg. “As daar een voertuig is wat nie skrik vir sleep nie, is dit my For-tuner 2.8 outomaties. Ons gaan kamp met ons 2011-model Jurgens Expo en ek het hom voorheen met die Fortuner D-4D 3.0 gesleep. Ek het dié met die 2016-model – die een met die 2,8l-enjin – vervang. Dit is die sesde Fortuner-model sedert die reeks in 2007 bekend gestel is, en hy is ’n sleepvoertuig soos min. Ek het hom nuut gekoop en R550 000 vir hom betaal en hy was nog net vir my ’n plesier. Hy het…

“Ons is veteraankampeerders en probeer om elke jaar ’n nuwe deel van ons pragtige land deeglik te verken. Ons probeer veral om onbekende woonwaparke te besoek. Soms loop ons een raak wat ons verwagtinge oortref. Die Vluytjeskraal-rivierpark by Orania is ongetwyfeld só ’n oord. Hoekom is julle so beïndruk? Vluytjeskraal se woonwapark is nommerpas vir die kampeerder wat rus en vrede soek teen ’n billike prys. Veral die voëllewe is besonders, met verskeie spesies – waaronder die visarend – wat al in dié geweste opgemerk is. Die opsigter, Pieter Kriel, bestuur die park met ’n ysterhand en laat elke besoeker by hulle aankoms tuis voel. Hoe lyk die kampterrein? Reg langs die Oranjerivier is ongeveer 20 ongemerkte staanplekke onder groot doringbome op lowergroen gras uitgelê. Die kragpunte (blou sok) en…

Dit wil voorkom of Wegsleep se Facebook-vriende verkies om hulle kamp so vinnig as moontlik opgeslaan te kry wanneer hulle by die kampplek aankom. En dit lyk ook nie of hulle van die oordpersoneel se hulp gebruik maak nie. Stef du Raan Ons slaan ons kamp self en sonder hulp op, maar ons is nie gejaag nie en vat dinge rustig en op ons tyd. Dis mos hoekom ons kamp. Bertus van Niekerk Ek slaan my kamp tjop-tjop op en sit dan agteroor met ’n tjop en ’n dop. Johan Greeff Ons slaan self alles op, kry dit agter die rug en begin dan om heerlik te kamp en kuier. Willem Brits Ons doen self die meeste van die werk wanneer ons kamp opslaan. Johann Kotzé Ons gebruik nie die…

Isuzu KB300 D-TEQ LX 4x4 Prys: R549 800 Enjin en ratkas: 3 ℓ-dieselenjin met ’n vyf spoed-handratkas. Maksimum-kraglewering: 130 kW @ 3 600 r.p.m. Maksimum-wringkrag: 380 Nm @ 1 800-2 800 r.p.m. Brandstoftenk: 80 ℓ Tarragewig: 1 998 kg BVM: 3 100 kg Brandstofverbruik: 8 ℓ/100 km Met sy leersitplekke, kragstuur, elektriese vensters, lurgreëling en ingeboude navigasiestelsel voldoen die bakkie aan al jou vereistes vir weelde. Sy brandstofverbruik is verbasend goed. Jy ry nou wel met ’n bakkie, maar dit voel of jy agter die stuur van ’n sportnutsvoertuig sit. Net met aansienlik meer pakplek. * WegSleep het die voertuig by Isuzu Suid-Afrika geleen.…

Kamp-fundi Op jou staanplek is jy die kampkenner en -koning. Kry vir jou dié Kamp-fundi-hemp. Dit is beskikbaar in groottes vir van ouers kinders tot kampfundi’s wat ’n XXXL dra. Atmosvuur Wat is lekkerder as die atmosfeer van ’n kampvuur? In kort noem ’n mens dit mos “Atmosvuur”. Houtskool In die kampplek maak jy net vuur met goeie, droë hout... Wat is houtskool? O ja, dis ’n plek waar ander mense leer vuurmaak. Kinderhempies Kamptyd is speeltyd en kinders hóú van kamp. Koop vir die kinders – en sommer die nefies en niggies ook – ’n Kampertjie- of Slepertjie-T-hemp. Dié hemde is beskikbaar vir kinders van 2-10. Al dié produkte is beskikbaar by winkel.weg.co.za Die pryse hierbo is onderhewig aan verandering, maar die aanlynwinkelpryse is te alle tye…

Wanneer jy deur die wildtuin ry, is ’n verkyker ononderhandelbaar. Maar ’n mens kom ook mettertyd agter jy gebruik hom vir meer as net vir wildkyk. Sonder dat jy dit besef, is jy skielik erg besorg daaroor of dit nou ’n janfiskaal of ’n fiskaalvlieëvanger is wat in die takke raas. Of jy wil sommer van onder jou stoeptent af kyk of die kinders hulle gedra langs die swembad. ’n Mens kamp sommer net lekkerder as jy ’n ordentlike verkyker het. Verkykers is egter nie goedkoop nie en ’n mens moet seker maak jy kry iets ordentliks wat by jou behoeftes én jou beursie pas. Dit voel dalk of daar honderde faktore is wat jy moet oorweeg, maar ons vat hulle vir jou saam in dié 8 nuttige wenke. 1…

“Hy het ’n geleentheid in die Suid-Afrikaanse woonwamark gesien en het antwoorde vir twee van die groot kwessies: woonwagewig en die EB-rybewyskwessie.” Hoefer-waens in SA! Ingevoerde woonwaens wou tot dusver nie vlam vat in die land nie, maar dié prentjie verander met die Hoefer-groep wat nou in Swaziland waens vir die Suid-Afrikaanse mark begin bou. Die ander goeie nuus is dié waens is só lig jy kan hulle met omtrent enige voertuig sleep – vir die twee ligste modelle hoef jy nie eens ’n sleeprybewys te hê nie, sê die uitvoerende hoof van dié woonwagroep, Charles Hoefer. In Amerika is die Hoefergesin sinoniem met woonwaens- en ryhuisbou. Charles en sy vrou, Andrea Kine, woon nou in Swaziland, waar sy gebore is, en het hulle eerste aanleg vir waens vir die…

JAN SE WENBROODJIE Jy benodig (genoeg vir 6 braaibroodjies) 12 snytjies witbrood 250 g spek, fyngekap 1 middelslag-ui, fyngekap 1 klein rooi soetrissie, fyngekap 2 rooi rissies, ontpit en fyngekap 1 eetlepel heuning 125 g sampioene, gekap 4 agurkies, in skywe gesny 2 eetlepels worcestersous suurlemoenpeper na smaak olyflolie 2 eetlepels sampioensous 1 eetlepel uiemarmelade 1-2 fetakaaswiele, gekrummel 6 olywe, in skyfies gesny Só maak jy 1 Braai die ui en sampioen, voeg dan die spekstukkies by en braai alles saam tot die spek gaar is. 2 Voeg die rissies, worcestersous, suurlemoenpeper, heuning en uiemarmelade by en braai alles goed saam. 3 Smeer die brood met die sampioensous en maak toebroodjies met die spekmengsel, agurkies, fetakaas en olywe. 4 Braai die broodjies stadig oor matige kole en draai hulle gereeld…

Lede van die Suid-Afrikaanse Woonwa-assosiasie (Sawa) se Roodekruin-streek het onlangs by Aasvoëlkrans naby die Olifantsnekdam saam met drie ander streke in die Goue Weste-gebied saamgetrek. Die drie ander streke wat saam gekamp het, was Goudrif, Goudstad en Kosmos. Roodekruin se ondervoorsitter, Francois Cronjé, vertel hulle is ’n aktiewe klomp kampeerders wat minstens een keer per maand saam gaan kamp. Hy sê hulle kuier só lekker, elke naweek word so lank as moontlik uitgerek. Die Goue Weste-gebied kamp elke drie maande saam. Francois sê die Aasvoëlkrans-saamtrek was beslis een om te onthou. Dit was ’n “kuier en kosmaak-naweek” met elke streek wat ’n beurt gekry het om een van die etes voor te berei. So met die kosmaak saam het die kampeerders lekker gekuier, stories om die kampvuur vertel en kamp-idees…