Innehållsförteckning för June 2017 från Weg! Ry & Sleep

Hier is hy: Die 100ste uitgawe van WegSleep sedert die heel eerste uitgawe aan die begin van 2007 verskyn het. Links is net ’n paar syfers en statistieke van die duisende woorde wat die afgelope 10 jaar geskryf is, al die kampplekke wat ons besoek het, die voertuie wat ons getoets het en die derduisende kilometers wat ons net vir dié sleeptoetse gery het. Tel jy die kilometers na al die kampplekke toe by, is dit nog derduisende kilometers. Oor die petrol- en dieselrekening praat ons liewer nie. Ook nie oor die boetekaartjies nie... En op hierdie bladsy is heeltemal te min plek vir al die syfers oor die pakkies Blitz, sakke hardekool en swarthaak, skaaptjops en wors en Tabard wat in die 10 jaar deel…

’n ‘Groter’ kombuis... Hier is twee kampwenke wat ons bedink het wat hopelik nuttig sal wees vir ons medekampeerders. Ons kamp met ’n Sprite Swing, en in die kombuis is die gasstofie en wasbak langs mekaar. Ons het die wasbak in ’n werkblad omskep deur bloot ’n stuk plank te sny wat presies bo-oor die wasbak pas. Dit het natuurlik die oppervlak langs die stoof aansienlik vergroot én die wasbak is nog bruikbaar indien ons hom nodig kry. ’n Mens kan dit seker ’n wen-wen-situasie noem. ... en ’n onthoumuur Ons hou daarvan om plakkers te versamel van al die plekke waar ons al met die wa gekamp het. Ons het ’n stuk Perspex gekoop en dié aan die binnekant van die wa vasgeheg. Ons het dit op só ’n…

Net soos die see, ’n woud of ’n duinewoestyn het die Karoo ook ’n bekoring van sy eie. Dis ’n dorre en uitgestrekte stuk aarde wat jou stoksielalleen, maar gelukkig en tevrede laat voel. En al voel dit of jy alleen is en lyk dit of hier nie veel aangaan nie, is dit tog ’n bedrywige wêreld hierdie. Kyk maar net hoe besig raak Beaufort-Wes en Graaff-Reinet oor langnaweke en vakansies. Beaufort-Wes is een van die grootste Karoodorpe wat volgende jaar twee eeue oud is. Graaff-Reinet is 30 jaar ouer en een van die oudste dorpe in die land. Én die twee dorpe – 200km van mekaar af – het elkeen ’n gewilde Sanparke-kampplek. Die Kamdeboo- nasionale park sit soos ’n halssnoer om Graaff-Reinet, en jy kan maar sê die…

Skaars ’n uur van Pretoria af, net noord van Bronkhorstspruit, lê die Wilgeriviervallei weggesteek in die Hoëveldse landskap. In dié vallei lê die Berg en Rivier-kampplek waar jy langs die rivier of hoër op teen ’n koppie kan kamp. By Bronkhorstspruit vat jy die R25 na Groblersdal, en ná sowat 24 km draai jy regs af op die Zusterstroompad. Van hier af sak jy af in die vallei af en dan is dit nog sowat 18 km tot by Berg en Rivier. Met die afdraaislag is jy sowat 1 500 m bo seespieël, maar dan is jy skielik 300 m laer en die Wilgeriviervallei maak voor jou oop. Die kranse om jou word ál hoër en die rivier kronkel al die pad deur die vallei tot waar dit later by…

Hier kom die pynpolisie! Jy kry altyd daardie ou wat dieselfde afgesaagde grappie maak as die noodhulpmanne ’n beseerde speler op die sportveld te hulp snel. Wanneer jy kamp, moet jy egter ’n bietjie van die pynpolisie in jou hê. Ons kamp om die buitelewe te beleef en in die natuur te wees. Maar dit is in kamp se aard dat jy jou kan seermaak as jy nie versigtig is nie. Of dit nou die hitte van die braaivuur of skottelskaar of die skerp angel van ’n heuningby is, ’n mens moet te alle tye op jou hoede wees. Hier is raad vir van die algemeenste beserings wat oor jou pad kan kom wanneer jy kamp. Pasop, dis sjoe-sjoe! Kom ons praat eers gou oor ’n baie belangrike ding: Wie…

Ja, die Jeep kán 2001 JEEP GRAND CHEROKEE V6 4x4 ’n Sleepvoertuig se krag is belangrik, maar sonder betroubaarheid kan jy hom maar los, sê Michael Horn van Krugersdorp. “Ek het omtrent ’n jaar terug vir ons ’n 2007-model Sprite Swing gekoop en ek sleep hom met my Jeep Grand Cherokee V6 4x4 , die 2001-model. Vóór die Swing het ons met ’n 2001-model Gypsey Rapier gekamp en ek het dié wa ook met my Jeep gesleep. Ek kan eerlikwaar sê ek het in sewe jaar se sleep met hom nog nooit probleme met my Jeep gehad nie. Dit help natuurlik dat ek nie meer geld op hom skuld nie. Ek wens ek kon dieselfde van die woonwa sê. Die Rapier was ’n lekker wa, maar hy was effens swaar…

“Ná my laaste ouma se afsterwe in die vroeë jare vyftig was daar nie meer ’n plek vir die familie om saam te trek vir ’n kuier nie. Só is my ouers omgepraat om voortaan oor die Kerstyd te gaan kamp. In daardie jare was ’n tent amper die hoofkompoment van jou kamptoerusting. Nodeloos om te sê was kampterreine destyds so skaars soos hoendertande, en dié wat wel bestaan het, het maar skrapse geriewe gehad. Gelukkig was dinge in daardie jare meer vreedsaam as nou en ’n mens kon jou tentpenne amper enige plek inslaan. Wel, ons eerste kamp met net ’n tent en baie primitiewe geriewe was nie baie suksesvol nie en terug by die huis is die vakansie in oënskou geneem en daar is besluit om ons kamptoerusting…

Danie en Charmaine de Lange wen ’n Weg-Sleep Escape Gear-sak ter waarde van R950. Elke mens het ’n behoorlike toksak nodig, al speel jy lankal nie meer vir Bapsfontein se tweedes in die streekliga nie. Hierdie 65 ℓ-sak het genoeg pakplek vir twee weke se jeans, PT-broeke, T-hemde en ’n warm trui of twee. Die boonste flap rits groot oop sodat jy maklik kan pak en nie hoef te grawe vir sokkies nie. Die sak is van sterk seil gemaak met duursame YKKritssluiters. Jy kan die sak in ’n sandkleur of donkergrys bestel. Gaan loer gerus by winkel.weg.co.za.…

Ek lees in die April-uitgawe Neels (van Heerden) se ope brief aan Paul Kyriacou, die nuwe eienaar van Jurgens Ci, asook die nuus op bl. 66 oor die twee kleiner modelle in die nuwe Jurgens-reeks. Die nuwe Jurgens was vir my eers redelik vreemd, maar dis asof ek nou gewoond raak aan hom. Met die baie mense wat waens koop en die binnekant verander of heeltemal oordoen, het ek egter ’n innovasie-voorstel: Ci moet ’n geverfde leë woonwadop bou vir ’n middelslag-wa, sê maar so Fleetline-grootte. Trek dié leë wa op die vertoonvloer en gee klante die geleentheid om ’n plan te teken van hoe hulle dit binne wil hê. En bou dan vir die klant sy droomwa. Ek glo dit kan werk. Dink maar net terug aan…

Wagter, Flaffie en Pote wat saam kamp, bly ’n netelige kwessie. Watter verantwoordelikhede het troeteldiereienaars om seker te maak hulle diere is nie ’n oorlas vir medekampeerders nie? En hoe verdraagsaam moet die mense sonder troeteldiere wees? Hannalize Engelbrecht Ons honde bly by die huis. Ons het onlangs op Langebaan gekamp en was ’n hele dag lank Kaapstad toe om die Waterfront te besoek en by Tafelberg op te gaan. Wat sou ons met die honde gedoen het as hulle saam was? Stephanie Rowe Ons kamp graag met ons hondjies. Ons span ’n kamp om ons woonwa en dan pla hulle niemand nie. Ons het nog altyd goeie bure gehad wat kom groet, en dan is hulle verstom oor hoe soet ons hondjies is. Benjamin Swanepoel As jy nie van…

Die boswamark loop behoorlik oor, en enige vervaardiger wat ’n nuwe boswa wil bou, moet sy huiswerk ordentlik doen. Die waens kan net op soveel maniere uitgelê en ontwerp word; die kans dat jy ’n nuwe of beter manier van doen gaan kry, is skraal. Jan Venter het met sy Lion’s Denwa met ’n hele klompie nuwighede en goeie planne vorendag gekom. Jan is eintlik in die bakkiekappiebedryf en het nou sy eerste boswoonwa gebou. Die Lion’s Den is vir paartjies en in baie opsigte uniek. Al is die wa betreklik klein, is die kombuis heel luuks. Jy het ’n ordentlike bedkassie, ’n oorspronklike wasgoedlyn en selfs ’n stort in die wa. En jy gaan ver soek om die prys te klop. Kry jou staan Die Lion’s Den is ’n…

Kyk ’n bietjie hoe gevorderd is die kampys-vrieskaste wat deesdae op die mark is: ’n Mens staan soms verstom oor hoe vinnig die tegnologie ontwikkel. Jy moet mooi rondkyk as jy in die mark is vir een, en ’n klomp faktore in ag neem vóór jy afstand doen van jou swaarverdiende geld. Jy moet dinge oorweeg soos die grootte – binne- én buite – hoe goed hy in uiterste weersomstandighede werk, die soort isolasie, hoeveel krag hy gebruik en watter soort verkoelingstelsel ingespan word. Isolasie van ’n hoë gehalte kan sorg vir ’n kleiner buitekant of ’n groter pakruimte. Dit help ook wanneer jy in hoë temperature gaan kamp. Die deurslaggewende faktor is egter die verkoelingstelsel en hoe doeltreffend dit die hitte uit die kas verwyder. Die kragverbruik hang van…

ISIMANGALISO KRY NOG ’N ROETE Die padnetwerk van die iSimangaliso-vleilandpark in KwaZulu-Natal is met ’n nuwe natuurroete uitgebrei. Die nuwe Forest Loop, 18 km noord van St. Lucia se Bhangazi-hek, is by die bestaande padnetwerk gevoeg sodat besoekers nog ’n groter deel van die park in hulle eie voertuig kan ry en verken. Die Forest Loop draai links af binneland se kant toe. Dis 2 km lank en die bewaringsowerheid sê hulle het moeite gedoen om die roete met die natuur te laat saamsmelt. Dis met bruin betonblokke gebou, met baksteenblokke langsaan waartussen die gras kan groei. Kaap Vidal is een van die gunstelingkampplekke in dié vleilandpark, wat 280 km kuslangs tot teenaan Mosambiek strek. Die nuwe pad is deel van ’n padnetwerk van 66 km wat jy met jou…

Hengelgerei Waar’s hulle? Daar’s hulle! Toestelle om visse onder die water op te spoor is nie meer ’n nuutjie nie, en gewild onder boothengelaars. ’n Visopspoorder ( fishfinder ) vertel onder meer vir jou hoe diep die hengelwater onder die boot is, wat die watertemperatuur is, hoe die hengelbodem lyk én waar die vis is. Die visopspoorder is egter nie meer slegs vir boothengelaars nie. Die vervaardiger Deeper bou ’n draagbare klein visopspoorder wat nuttig is vir oewerhengelaars. Die Deeper Smart Sonar Pro is ’n vuisgrootte bal wat jy aan die punt van jou lyn vasmaak en ingooi. Die Deeper dobber op die water en stuur vir jou hengelinligting na jou slimfoon. Dié inligting is net so volledig soos die duurder en groter boothengelmodelle s’n. Dit is met…

Die Noordkus-streek van die Karavaanklub van Suider-Afrika het onlangs by die Tugelamond-oord saamgetrek vir ’n heerlike kuiernaweek. Die klubsekretaresse, Thea Kruger, sê hulle streek bestaan uit 39 lede, van wie die meeste in Richardsbaai woon. Hulle gaan kamp minstens een keer per maand, en nooit verder as 200 km van die huis af nie. Sy sê die Tugelamond-oord is langs die see en ’n gewilde oord onder hengelaars. Die staanplekke is groot en gelyk en onder groot bome. Daar is geen klagtes oor die ablusiegeriewe nie – hier is selfs ’n blok met gesinsbadkamers. Hier is twee swembaddens, plus ’n lapa en boma waar tot láát gekuier is. Thea sê dit was ’n heerlike kuiernaweek vol pret, en Sondag se huistoegaantyd het heeltemal te vinnig gekom.…

Net soos ons ouers en hulle ouers is ons ook sleep- en kampmense. Dieselfde geld vir ons kinders. Ons geniet kamp en lewe vir die natuur. Jy kan nie nader aan die natuur nie. Dis al dekades en geslagte deel van ons lewe. Ons drie De Lange-broers en ons families is almal kampmense. Dit sorg vir goeie tye. ’n Sondag of wat gelede blaai ek deur Die Huisgenoot van Maart 1969 en sien ’n woonwa-advertensie wat my aandag trek. Die opskrif is: “Die GT is hier!”. Volgens die advertensie is die nuwe GT – van veselglas – die ligste wa wat jy kry en juis bedoel vir eienaars met klein motors. Op die hooffoto is die GT aan ’n Volkswagen Kewer gehaak en langs dit nog foto’s van dié wa…

Met verwysing na die April-uitgawe se redakteursbrief “Dis Puik(er)!”: Ek is dronkgeslaan deur die groter bywoningsyfers op die twee groot Februarie-buiteleweskoue en die vermelde besteding op dié skoue. Toe ons jare gelede begin kamp het, was daar nie veel oorde om van te kies nie en die meeste oorde het nie veel aandag gegee aan ablusiegeriewe, wat hulle bied of die gehalte van hulle diens nie. Ek glo kampering het toe ’n bietjie van ’n slegte naam gekry en die hotelbedryf en plekke soos Sun City was gewild. In die laaste dekade of wat het plekke soos Mbizi, Bosparadys, Bosveld Oase en ’n klomp ander as gevolg van die behoefte in die mark gegroei en ontwikkel tot goeie en goedbestuurde oorde. Hier’s die kwessie: Die luukse oorde het al hoe…

“Die eienaar van Slegteplek moet dalk die daad by die woord voeg en die rumoeriges en afbrekers op ’n swartlys plaas...” Hulle bestaan regtig, maar kom ek noem hulle liewer maar hier net die Lekkerplek-en Slegteplek-woonwapark. Die eerste sooi vir Lekkerplek is so twee jaar gelede gespit, en dit het vinnig ’n reputasie gekry as een van die beste kampplekke in Noord-Gauteng. Oor ’n langnaweek betaal jy R450 p.n. vir vier mense. Jy kry een van 24 grasgroen staanplekke tussen die doringbome (hulle bou nog 16 plekke). Die staanplek – ’n massiewe 25 x 25m – het soos al die ander ’n uitsig op die bos. Jy kan jou wa só trek dat die bure redelik buite sig en hoorafstand is. Dis nie al nie: Jy het ook jou eie…

Noord van Kaapstad loop die N7 Namibië toe, maar dis ook die pad wat jy vat om by die Swart-land en Sandveld uit te kom. By die dorpie Koringberg kan jy jou tentpenne by die plaaskampplek Die Ark inslaan om die Swartland te verken, en verderaan met die hoofpad draai jy anderkant Piketberg af in die rigting van die dorpie Redelinghuys om by Goudkop uit te kom. Dis op ’n wildplaas in die berg, en van hier af kan jy die Sandveld beter leer ken. Die Swartland en Sand-veld is twee mooi streke. Dis ’n landskap met vlaktes en landerye, berge en boorde – en rondom die Bergrivier sien jy selfs wingerd. Op en om albei plase is ’n klomp goed om te doen en plekke om te sien. En…

Die Chinese vervaardiger JMC, wie se Vigus-bakkie ons vroeër in die jaar getoets het, het nou ook sy eerste nutsvoertuig, die Landwind, in die land bekend gestel. Ons het ’n boswoonwa agter hom gehaak en kan eerlikwaar sê die Landwind is ’n indrukwekkende, bekostigbare én mooi kar. Vir wat jy kry, is die R250 000 wat jy betaal, goeie waarde vir jou geld. Jy mag dalk met die eerste inklimslag skepties wees oor dié voertuig, maar as jy eers met hom gery en gesleep het, dink jy anders oor hom. Hy is nie bloot ’n goedkoop Oosterse kar nie, maar ’n kar met ’n bielie van ’n enjin. Hy het die Japannese se 2ℓ-turboaangejaagde Mitsubishi-enjin tussen die voorwiele. En met dié meneer sleep die Landwind dat dit klap. Wat kan…

Gerookte lemoenhoender Hier kiep-kiep Met dié maklike rookresep gaan jy jou gou-gou in ietwat van ’n braailegende omskep. Jy benodig (genoeg vir 4) • 2 liter water• ½ koppie lemoensap• 2 eetlepels bruinsuiker• 4 teelepels seesout• 8 hoenderstukke• 2 eetlepels olyfolie• 1 eetlepel gerasperde lemoenskil• 1 eetlepel gerasperde suurlemoenskil• ’n groot hand vol pietersielie, fyngekap• ’n groot hand vol origanum, fyngekap• 1 eetlepel knoffel, fyngekap• 1 rooi jalapeñorissie, fyngekap• 1½ teelepel komynsaad• ¼ koppie gesmelte botter Só maak jy 1 Verhit 1 liter water in ’n kastrol saam met die helfte van die lemoensap, die bruinsuiker en seesout. Laat die mengsel kook en hou aan roer totdat al die suiker opgelos is. Haal die kastrol van die plaat af en voeg die res van die water by. Dit is jou pekel. 2 Sit die pekel in ’n vlak bak en pak die hoenderstukke daarin.…

As neuroterapeut help Helena Bester van Brackenfell in die Kaap onder meer kinders met aandagafleibaarheid-hiperaktiwiteitsindroom (ADHD), outisme en leerprobleme asook mense met van slaap- en angsversteurings, dwelmverslawing en depressie tot breinbeserings. Sy word as een van die voorste kundiges oor ADHD beskou en het al verskeie boeke daaroor en oor leerprobleme die lig laat sien. Tussendeur ry en sleep sy ver paaie met haar Fortuner en Bush Lapa Kewer, wat sy Kewertjie gedoop het. In 2014 het sy in die noordweste van Namibië die Kaapse paartjie Herman Louw en Naomi Meister in die eetsaal van die Khowarib-lodge ontmoet. Van daar af het hulle saam verder gery en boesemvriende en reisgenote geword. Een van hulle eerste groot reise saam was noordwaarts na die Chobe- nasionale park en die oewer van die…

“Die grootste voordeel van kampplekke suid van Port Shepstone is die feit dat daar nie ’n spoorlyn tussen jou en die strand is nie. En boonop swaai die N2 ook by Port Shepstone binneland toe; dus is die kuspad ná Port Edward heelwat stiller as die nasionale pad verder noord. Hoekom hou julle so baie van Port O’ Call? ’n Mens kamp hier tussen lowerryke plantegroei in ’n pragtige tuin wat goed onderhou word. Twee paadjies loop deur die plantegroei direk na die strand, albei met hekke. Dit bied toegang tot 5 km van ononderbroke strand met Marina Beach en San Lameer na die noorde, en die Mpenjati-natuurreservaat en Palm Beach na die suide. Hoewel die strand deel vorm van die Trafalgar- mariene reservaat, word nor-male ontspanningsaktiwiteite toegelaat. Jy mag…