Innehållsförteckning för July 2017 från Weg! Ry & Sleep

Ons besluit op ’n aftredetoer met ons woonwa en ons eerste oorstaanplek is Mosselbaai. Van hier af is dit Kaapstad toe en dan wil ons later in Botswana en Namibië draai. Ons is opgewonde, maar ongelukkig begin die toer op ’n lae noot toe ons voor Kaapstad probleme kry met die wa: Naby Worcester word een van ons Sprite Swing se vellings só warm dat ons bang is om verder te sleep. Ons het hulp nodig, maar dié geweste is vir ons vreemd en ons ken niemand wat kan help nie. Google is toe die uitweg en ons kry die kontakbesonderhede van Boland Caravans. Dié woonwamense is gaaf en sê hulle wag vir ons. By ons aankoms by Boland Caravans word ons hartlik ontvang deur Johan Zeelie, die eienaar, en…

Ware kampeerders laat hulle nie deur die seisoene voorskryf wanneer om te kamp nie. Ja, die dae is korter en kouer en die nagte langer, maar daar is raad om warm te kamp in die winter. Soos dié Facebook-vriende vertel... Patrys van Droogenbroek In die winter slaap ons óp ’n pluisstofkombers en onder ’n regte, egte veredons. Ons het ’n gasverwarmer wat ons 5 of 10 minute voor ons gaan slaap, in die tent aanskakel. Ons skakel hom af en dra hom uit voor ons in die bed klim. Marina Nieuwoudt Grobler Ons hang lekker groot handdoeke voor die vensters om die koue buite te hou, en hou ons warm met ’n waaierverwarmer, winteronderklere, lekker baie pluisstofkomberse en natuurlik ’n dik baadjie. Hannelie Clasen Al wat jy nodig het as…

Die Pretoriase boswavervaardiger Summit Trailers is bekend daarvoor dat hy sy kampwaens die name van bekende bergspitse gee. Sy boswamodelle heet die Everest, K2 en Andes, en sy boswoonwa, die Kilimanjaro, is immergewild. Nou het die mede-eienaar Franscois Mulock Hower en sy span ’n kleiner boswoonwa bekend gestel wat nommerpas is vir twee mense – die Karenga. En met dié wa voel dit amper of daar geen bestemming is wat jy nie kan bereik nie. Die Karenga is genoem na ’n berg in Tanzanië en vir wat jy alles kry, herinner hy nogal baie aan die Kilimanjaro. Sy romp is egter kleiner én hy is ligter – ’n plesier om te sleep. 1 Van voor (en agter) af Soos ’n mens van ’n ordentlike boswa verwag, is hier ’n Brad…

Stadiggekookte lamsbredie Winterwenner Niks klop ’n warm bredie as die winterweer die land in sy kloue beet het nie. Veral as daar nog reën ook is... Jy benodig (genoeg vir 6-8) • 2 eetlepels olyfolie • 1,5 kg lamstowevleis (soos lamsnek) • sout en swartpeper • 2 uie, gekap • 2 wortels, gekap • 2 selderystokkies, gekap • 4 knoffelhuisies, fyngekap • ’n toontjie gemmer van 5 cm, fyngekap • 1 rooi brandrissie, fyngekap • 2 teelepels koljander, fyngemaal • 2 teelepels fyn komyn • 2 teelepels paprika • 2 blikke (400 g elk) heel geskilde tamaties • 500 g botterskorsie, geskil en in blokkies gesny Só maak jy 1 Verhit die olyfolie in ’n groot kastrol oor matige kole. Geur die lam met sout en swartpeper en braai dit vir 8-10 minute tot die vleis mooi goudbruin is. Skep die vleis uit die…

Vir haar 40ste verjaardag wou sy nie ’n partytjie in ’n deftige restaurant óf by die huis hê nie. Nee, Sulita de Kock van Middelburg, Mpumalanga, wou vir dié geleentheid gaan hengel by die gewilde visvangplek van die legendariese Hentiesbaaise hengelaar wyle Sarah de Jager. Dít was Sulita se droom. Haar ander wens was om op die diererehabilitasie-en-bewaringsplaas N/a’an ku sê duskant Windhoek met die omgewingsbewaarder Marlice van Vuuren kennis te maak en ’n dag saam met N/a’an ku sê se bobbejane deur te bring. Marlice het onder meer die TV-reeks Groen: Namibië aangebied en het die Amerikaanse aktrise Angelina Jolie as ’n vriend en ondersteuner. Verlede jaar, drie dae voor haar verjaardag, het Sulita en haar man, Joop, en twee goeie vriende, Lynette en Johan…

Het jy geweet? Uit ’n ander hoek Ja, kommersiële vissers maak dinge maklik deur vir ons vis te vang en enigiets van visfilette tot visvingers in boksies te verpak. Suid-Afrikaners eet gemiddeld ’n stewige 6 kg vis per jaar as jy kyk na die syfers van Sassi, die Suid-Afrikaanse Inisiatief vir Volhoubare Seekos. Volgens hulle verorber ons hier aan die suidpunt van Afrika elke jaar altesame 312 000 t seekos – die helfte daarvan word plaaslik gevang en die grootste deel daarvan (70%) is sardyn en stokvis. Hierdie kommersiële hengelaars gebruik nette, en die vishoek is selde in die prentjie. Dit beteken egter nie die vishoek het onbelangrik geraak nie. Trouens, die eenvoudige vishoek bly volgens die Amerikaanse saketydskrif Forbes in hierdie moderne era steeds een…

Henbase Eco Escape is geleë tussen Morgenzon en Amersfoort in Mpumalanga en is ’n filiaal van Henbase 3565 (Edms.) Bpk., ’n werkende plaas wat graag sy rustige omgewing en natuurskoon met besoekers deel. Henbase-lodge bestaan uit 5 chalets/kothuise wat altesame 33 mense kan huisves. Daar is ook 9 geplaveide en 3 grasstaanplekke beskikbaar wat elkeen 4 mense kan huisves. (Kinders ouer as 7 tel as 1 persoon; kinders onder 7 bly gratis en kan as ekstras tel.) Elke staanplek het sy eie braaiplek, kraan en 20A-kragpunt. Die nuwe ablusiegeriewe het ’n wasgoedmasjien en ’n dienspunt vir jou Porta Potti. Onder die geriewe en aktiwiteite by Henbase tel: • ’n swembad; • visvang (11km van die Vaalrivier is tot jou beskikking); • wildritte teen sonsondergang; • besoek die museum vir klassieke…

JC Kruger wen ’n Weg-Sleep-Escape Gear-sak ter waarde van R950. Elke mens het ’n behoorlike toksak nodig, al speel jy lankal nie meer vir Bapsfontein se tweedes in die streekliga nie. Hierdie 65 ℓ-sak het genoeg pakplek vir twee weke se jeans, PT-broeke, T-hemde en ’n warm trui of twee. Die boonste flap rits groot oop sodat jy maklik kan pak en nie hoef te grawe vir sokkies nie. Die sak is van sterk seil gemaak met duursame YKKritssluiters. Jy kan die sak in ’n sandkleur of donkergrys bestel. Gaan loer gerus by winkel.weg.co.za.…

“... die tyd is juis nou ryp om te konsolideer.” Die toekoms is nie wat dit gister was nie. Daarom moet enige maatskappy sy vinger op die pols hou van veranderende verbruikersgedrag en toekomstige sakesukses. Media24 het ’n goeie besluit geneem om twee van sy markleiers in die reistydskrifbedryf, WegSleep en WegRy/ Drive Out, te laat saamsmelt tot ’n nuwe tydskrif vir avontuurreisigers, kampeerders, en woonwa- en 4x4-entoesiaste. As ek die uitgewer van ’n tanende marknavolger is óf van ’n tydskrif wat nou nog wonder hoekom hulle 100000 woonwaentoesiaste verloor het, sal ek diep besorg wees... Media24 het reeds jare gelede slimmer gedink as sy vernaamste mededingers deur die viertrek-entoesias met WegRy en die woonwaentoesias met…

National Luna is’n 30 jaar oue Suid-Afrikaanse maatskappy wat die wêreld se grootste verskeidenheid van kommersiële 12V-yskaste en -vrieskaste bied. Hy is die voorkeurverskaffer van die meeste bos- en woonwavervaardigers en versprei meer as 200 buiteleweprodukte en bykomstighede. D it het uit ’n onlangse opname geblyk dat die meeste mense met ’n dubbelbatterystelsel in hulle voertuig glo om vir ’n paar uur rond te ry, sal die krag van hulle hulpbattery herstel. Dit lyk asof baie mense dink die lang rit huis toe sal meer as genoeg wees om die krag aan te vul. Onwaar! Hierdie is ’n algemene wanopvatting en dit lei tot verskeie ander vrae oor dubbelbatterystelsels... HIER’S DIE FEITE Alle batterye het tyd nodig om te herlaai. • Daar’s nie kortpaaie of spesiale stelsels wat die herlaaiproses vinniger…

Sedert Foton sy Tunland in 2012 bekend gestel het, het dié bakkie sy staal behoorlik gewys, maar vyf jaar lank min of meer dieselfde gebly. Dinge het egter nou verander. Die nuwe Tunland Granite kom met ’n klomp ekstras, en met sy oorwegend swart afwerking lyk die bakkie heel anders. Wat is anders? Die Granite staan met al sy bykomstighede kop en skouers uit bo die standaard-Tunland. Hy is goed afgerond met onder meer 16”-Cooper AT-bande, swart Hazzard-wielvellings, ’n dubbele rolstaaf, ’n Tonneau-bakseil en ’n bufferstaaf. Hy het selfs trusensors in die agterbuffer. Op die kopstukke van die leersitplekke is sy Granite-naam ingestik. Die groot blink sierrooster het plek gemaak vir ’n swart rooster. Na dese lyk die Granite soos ’n nuwe model. So amper in die haak Die haak…

Reservate en bewaringsgebiede is gewilde bestemmings onder kampeerders, maar op ’n manier betaal ’n mens ook dubbel by hierdie plekke. Buiten die kampgelde per nag moet jy ook toegang by die hek betaal om by jou staanplek te kom. Sanparke het 11 jaar gelede op ’n lidmaatskapstelsel besluit wat jou teen ’n eenmalige bedrag ’n jaar lank toegang gee tot al hulle parke sonder dat jy by die hek hoef op te dok. Intussen het Sanparke met ander reservate en bewaringsgebiede hande gevat en die lidmaatskap is uitgebrei. Nou kan jy jou toegangskaart nie net by die 19 parke van Sanparke gebruik nie, maar by meer as 80 bestemmings landwyd. WAAR KAN JY DIE KAART GEBRUIK? Jy kan jou Wild Card by elke wildtuin en bewaringsgebied van Sanparke gebruik, van…

DISCO LAAT DIE SLEEPPOPPE DANS 2015 LAND ROVER DISCOVERY 3.0 V6 Hulle gaan kamp nou al twee jaar met hulle Land Rover Discovery en is heel in hulle skik, sê Sunette Venter van Middelburg in Mpumalanga. “Ons sleep ons Jurgens Exclusive, die 2015-model, en ons het na ’n veilige sleepvoertuig met ’n outomatiese ratkas gesoek wat stabiel is op die pad met genoeg krag om ’n bergpas uit te klim. “Ons het ’n demonstrasiemodel vir R890 000 gekoop en ons is nog nie een oomblik spyt nie. Voor die Land Rover het ons vier jaar met ’n BMW X5 3.0D gesleep en as ek eerlik moet wees, sal ek sê hy was ’n beter sleepvoertuig. Al wat gepla het, was sy sleepstang. Dit was een wat outomaties uitswaai en ons…

“ Ons haak graag ons Jurgens Xcape aan ons Volkswagen Amarok en gaan verken ons land. Ons was onlangs by die 22 Watervalle-kampterrein by Porterville en dit was omtrent ’n aangename verrassing. Dis veilig om te sê dié plek sien ons beslis weer. Was dit julle eerste keer by 22 Watervalle? Ja, en ons was omtrent beïndruk. Die kampterrein voldoen aan al ons vereistes en die staproetes van waterval tot waterval is iets om te beleef. Dan is daar goed soos die klank van die vloeiende rivier naby jou staanplek en die oggendgeselsies van die plaaswerkers wat koejawels pluk wat jou herinner jy is op die natuur se drumpel. Die oranje sonsondergange wat ons van die hoër dele van die staproete beleef het, was asemrowend, om die minste te sê.…

En ek kamp en slaap lekker. Daar’s nie fout met die die wêreld nie. Dis ook maa- gold lk vl-gllt mlttl-tyd dil goo- gold wat dil llwl na my kant tol gooi én dil goo-gold wat lk langs dil pad oo- mysllf b-ing. Jy kan maa- sê dil golil gold k-y uitlindllik dil oo-hand oo- dil goo- gold ln dan bly min of mll- nlt dil golil hl-innl-ingl staan. So hlt dil dltail van daa-dil ampl-sl vl-kluimnag ’n jaa- gllldl in dil boskamp by Kakamas in my kop vl-dwyn. Én dil mislikl langnawllk van dondl-­ sto-ms ln sto-t-lën by Kaap Vidal ook. Ja, lk wllt dit hlt glblu-, maa- dil dltail oo- dil koul ln dil -lën is vl-gltl. En lk onthou nlt dil llkkl- van dil -lis, dil mooi…

“ Ek het in Oktober verlede jaar vir ons ’n ou Gypsey Caravette 4 gekoop. Ek is nie doodseker nie, maar ek dink dit is ’n 1988-model. Die wa het my maar R7 000 uit die sak gejaag, maar ek stel dit sagkens as ek sê hy was vrot. Aanvanklik wou ek hom net weer netjies maak, maar ek het gou agtergekom dit gaan my ’n klomp geld kos. Net  ’n nuwe voorste venster sou my R4 000 kos. Ek besluit toe basta en prakseer ’n plan om die uitslaanbed aan die voorkant van die wa te sit. Ek het by die Jurgens Xplorer afgekyk en die wa aan die voorkant solied gemaak met ’n plaat wat platslaan vir die uitslaanbed met ’n seil. Omdat die…

Naby Loskopdam in die mooi Loskopvallei is ’n klomp kampplekke waar jy kan afhaak. De Voetpadkloof en die Seekoeigat-kampterrein is albei plekke waar jy kan kies tussen ’n gewone woonwapark of ’n boskamp. By die Ruby-rivieroord is jou keuse tussen die groot kampplek in die oord of ’n klein kampplek op die plaas langsaan. By De Voetpadkloof kamp jy op die plato bo die Loskopdam en by Seekoeigat en Ruby slaan jy jou tentpenne langs die Olifantsrivier in. DE VOETPADKLOOF-OORD Nóg lekkerder Sedert ons agt jaar gelede by De Voetpadkloof gekamp het, het dié oord ’n klomp nuwe dinge bygekry. Destyds al was dit ’n gawe oord, maar vandag is dit selfs nóg gawer. Die vakansieblyplek, wat buiten 46 kampstaanplekke ook chalets en gemeubileerde safari- en bergtente insluit, het in…