Innehållsförteckning för August 2017 från Weg! Ry & Sleep

Die woorde “body kit” laat by ’n mens beelde oproep van ou BMW’s en Subaru’s met Tupperware vir drukvlerke en plastiekbuffers wat soos ploegskare lyk. Maar as ’n vervaardiger self ’n sportpakket vir een van sy modelle bekend stel, kan dit ’n stylvolle affêre wees. En dít is inderdaad die geval met die nuwe Hyundai Tucson Sport. Buitelangs Die Tucson Sport is ’n gedeelde projek tussen Hyundai Suid-Afrika en Suid-Korea. Die buffers word uit Asië ingevoer, terwyl die nuwe wiele in samewerking met Tiger Wheel & Tyre ontwerp is. Met sy laer buffers, pikswart 19 duim-sierwiele en vier uitlaatpype lyk die Sport heelwat aggressiewer as die stylvolle standaardmodel. Die buffers is oorwegend dieselfde kleur as die res van die voertuig, met chroom en swart insetsels voor, agter en onder die…

Voordat jy ’n lang toer met jou eie voertuig na een van ons buurlande aanpak, berei jy waarskynlik jou ryding deeglik voor vir enige moontlike voertuigprobleme op die pad en in die veld. Jy diens hom en pak ’n stel herwinningstoerusting, ’n gereedskapkis en ekstra onderdele in. Maar sê nou maar ’n toerlid kry ’n skeet of ’n kwaal? Het jy die regte voorbereiding dáárvoor getref en die regte goed ingepak? En wat gaan jou siekefonds sê as ’n ambulanshelikopter of -vliegtuig jou moet kom haal? Die kanse dat dinge só ver gaan uitrafel, is dalk nie baie groot nie, maar voorsorg is beter as hoësorg! Kry jou papiere agtermekaar Maak eerstens seker hoe staan sake met jou siekefonds, want daar is heelwat voorwaardes en beperkinge rondom die dekking wat…

HET JY GEWEET? Jou ‘food’ in ’n visblik! Vars vis smaak vorentoe, maar vis is ook wat gelei het tot geblikte kos. Twee eeue gelede het die Fransman Nicolas Appert met maniere geëksperimenteer om vis in flesse te preserveer. (Dit was die tyd toe die Franse regering die moontlikheid van klaarbereide rantsoene vir hulle soldate ondersoek het.) Nicolas se plan het gewerk, maar die volgende uitdaging was om die houers heel tot by die soldate te kry. ’n Engels-man, Peter Durand, het die probleem met blikkies opgelos. Blikkieskos is vandag nog met ons en het ’n tipiese rakleeftyd van een tot soveel as vyf jaar. Maar daar is ook uitsonderings. Die blikkieskos aan boord van die stoomskip die Bertrand, wat in 1865 op die Missouririvier gesink het, was glo steeds…

“Ons vra of hy ’n invoerpermit vir die geweer gekry het, veral aangesien hy deur Botswana en nogal oor Savuti wil terugry huis toe.” Dis nawinter 1993 en ons bevind ons op die oewer van die Zambesirivier. Dis ’n rustige Saterdagmiddag en ons sit en ontspan in die kampterrein van die Hippo-lodge. Daar is geen bosoorlogkleure meer nie; net die vaalbruin kleur van die water wat verby vloei. Ons is ’n geselskap van vier manne met ’n Land Cruiser-plaasbakkie wat Willie de Graaff van Maun goedgunstiglik aan ons verskaf het. Ons het gisteraand in die donker hier aangekom nadat ’n doeanebeampte (nogal aan die Namibiese kant) besluit het ons is te laat. Hy het net geen saak gehad met die Afrikaskedule van die pont nie. Ná ’n goeie nagrus en…

As die modder jou insluk Ek en my vrou, Drienie, het in April saam met my swaer-hulle, Daan en Linda Botha, ’n vakansie na die noorde aangedurf in ons 4x4’s. Die Kgalagadi-oorgrenspark is ons eerste bestemming en die eerste drie nagte in die Nossob-kamp vlieg verby. Van hier af ry ons die Nossob-4x4-ekoroete en slaap die eerste nag in die Swartbas-kamp. Die aand ontaard in ’n lang nag van vrees, want ’n trop leeus keer ons 12 uur lank in ons daktente vas. Daarna kamp ons in Twee Rivieren en toe is ons na Botswana oor Matopi en die Bosobogolopan tot in die Moremi-reservaat. Ons besoek onder meer die Khwairivier asook die Savutistreek en Linyanti. Die reis staan einde se kant toe en ons wil ons voorlaaste nag op Kubu-eiland…

Kom ons wees nou maar eerlik: Min mense weet regtig wat in Swede aangaan, wat nog te praat van saam gesels oor dié land se ekonomie of belangrikste uitvoere. Maar dis alles oraait, solank jy darem ABBA (of Roxette, as jy jonger is), Absolutvodka en volwasse “oefenvideo’s” kan opnoem. Voor 2015 het die meeste Volvo’s jou ’n dop laat skink om van hulle te probeer vergeet, maar sedert die bekendstelling van die sewesitplek-XC90 is Volvo skielik ’n vervaardiger om dop te hou. Die XC90 is verlede jaar (met reg) aangewys as Suid-Afrika se Motor van die Jaar, en nou is sy nuwe kleinboet, die tweedegeslag-vyfsitplek-XC60, ook propvol van dié kampioentegnologie. Op die oog af Die eerste ding wat jy moet weet, is dat hy heelwat van die XC90 se DNS…

Die eerste Amarokdubbelkajuitbakkies met hulle 2 ℓ-dieselenjins is destyds met heelwat twyfel begroet. Dit was een van die kleinste dieselenjins in die bakkiemark en baie mense het gedink hy gaan nie die mas opkom nie, veral nie met ’n vrag of swaar sleepding nie. Maar hier is ons jare later en dié tweeliters draf steeds breëbors voor talle woonwaens en boswaens. Vanjaar het die Duitse motorvervaardiger weer opslae gemaak met die Amarok. Dié slag is dit egter oor die enigste sessilinder-turbodieselenjin, nou amptelik die kragtigste masjien, in ’n Suid-Afrikaanse bakkie. Die V6-turbodiesel in die nuwe Amarok is ’n beproefde enjin wat al lank diens doen in die Volkswagen Touareg, Audi Q7 én die Porsche Cayenne en Macan. Nie een ander bakkie op die plaaslike mark kan kers vashou vir sy…

“Die vulliskampwa is die begin van my boswa die Tora, maar dis nog lank nie ’n boswa nie.” In die vier dekades wat hy as ingenieursopmeter gewerk het, was ’n enorme vierwielwoonwa en die veld jare lank Nick Smith en sy gesin se huis. En al het hulle voltyds in ’n woonwa gebly, het die gesin jaarliks vir vakansie gaan kamp. Deesdae is Nick afgetree, maar kamp is steeds deel van sy lewe. Hy en sy vrou, Nerina, woon op Potchefstroom en gaan kamp met hulle Tora II-boswa wat hy self gebou het. Tora II en sy voorganger, Tora I, het ontstaan uit Nick en van sy vriende se destydse kampeerdery in Namibië en met sy selfgeboude vulliswa. Sy boswa Tora II vergelyk goed met een van die beste…

Min dinge klop die skaduwee van ’n ordentlike boom, maar wanneer jy op ’n plek kamp waar daar nie bome is nie, is ’n goeie gazebo broodnodig. Dit is een van daardie dinge waaroor jy altyd bly is as jy een het (en jy het onthou om hom in te pak) en effens jaloers is op jou kampbuurman as jy nié een het nie. Vandag se gazebo’s het aansienlik verander van die keuses wat jy ‘n klompie jare terug gehad het, en as jy in die mark is vir een, is daar meer as genoeg opsies vir jou. Soos dié sewe modelle... COLEMAN EVENT SHELTER PRO Maak jou tuis Of jy nou vir die son of die reën wil skuil, onder die dak van dié koepelgazebo sal jy geholpe wees.…

Agterstevoor, onderstebo 2006 MOTORHOME-WORLD DISCOVERER 4 Soms kom jy mense teë wat hulle ryding agter hulle huis-op-wiele haak. Mense soos Linda du Plessis van Bultfontein in die Vrystaat. “Ons is seker anders as die meeste slepers omdat ons ryding aan ons kamphuis gehaak word en nie anders-om nie. Ons sleep ons Suzuki Jimny aan ons 2006 Motorhome-World Discoverer 4-ryhuis. Ons het die Discoverer in 2012 nuut gekoop vir R250 000, en in die vyf jaar wat ons al só kamp, was dit nog net ’n plesier. Ons hou veral van sy krag teen opdraandes én die feit dat ons lekker hoog sit wanneer ons ry. Sy werkverrigting is uitstekend, ons ry in gerief en hy sleep die Jimny sonder enige probleme. Ons kan lag-lag teen 120 km/h ry, selfs met…

“Ons groen Autovilla het nou wel in die vroeë jare sewentig al die lig gesien, maar hy gedra hom nog soos ’n jong man as ons met hom koers kies. Ek het die Autovilla hier by die 20 jaar, maar het eers omtrent agt jaar gelede begin om ’n bietjie aandag aan hom te gee. Ons het al genoeg nagmerriestories oor dié voertuie se oorspronklike enjins gehoor en daarom besluit om vir ons s’n ’n Volkswagen Jetta-1,8l-enjin in te bou. Sedertdien het ons nog nie een meganiese probleem gehad nie. Daar was nog nie eens sprake van die enjin wat kook nie. Aan die binnekant het ek hom aangepas vir ons behoeftes, netjies gemaak en die slaaphoekie heeltemal oorgedoen. Ek het ook die leefruimte groter gemaak deur ’n kappie bo-oor…

Die nuwe opgeknapte Isuzu KB300 LX is ’n bakkie wat die koppe behoorlik laat draai. “Jissie, dis ’n mooi bakkie,” is iets wat ’n mens ’n hele paar keer hoor wanneer jy agter die stuur van dié staatmaker inskuif – by almal van boere en eienaars van 4x4-hindernisbane tot petroljoggies en spiertiere by die gimnasium. Die 2017-model is nie dramaties anders as laasjaar s’n nie, maar met enkele verbeterings lyk dit asof Isuzu sy betroubare ryding ook vir ’n moderne mark aantreklik gemaak het. Op die oog af Al is dit ’n bakkie dié, lyk die KB mooi vaartbelyn met sy nuwe prominenter sierrooster. Die blink chroom word boonop opgekikker met LED-dagryligte wat netjies in die neus geïntegreer is en glad nie die gevoel skep dat dit as ’n nagedagte…

’n Nuwe boswoonwa op die mark is altyd goeie nuus, want dit gee kopers ’n groter keuse. Én in ’n nuwe wa kan jy ook die meeste van die tyd ’n paar slim planne en nuwighede verwag. ’n Boswoonwa kan net op soveel maniere gebou word, en die geheim vir ’n gerieflike en praktiese wa lê in die uitleg en hoe alles inmekaar pas. Eko Veld Gear se Armadillo is goed uitgelê en het ’n hele paar ingeboude slimmighede. Die pa-en-seun-vennote Fanie en Riaan Botha van Kaapstad het tot ’n jaar of wat gelede nog in die bou van bakkiekappies gespesialiseer, maar toe besluit hulle wil ook woonwaens bou. Hulle Armadillo met sy gegalvaniseerde onderstel en romp wat grotendeels uit aluminium bestaan, het ’n hele paar nuutjies. Ons het die…

1 Maloutswa, Mapungubwenasionale park, Limpopo Die dierelewe by die Maloutswa-watergat is byna te goed om waar te wees. Dit is asof Mapungubwe se eie werklikheids-TV-reeks voor jou afspeel wanneer jy jou sit in die skuiling gekry en die verkyker se lensdoppies afgehaal het. Die olifante is die sterre in dié geweste, met hordes van hulle wat kom drink. By tye is hulle só naby aan die skuiling dat dit amper voel jy kan aan hulle vat. Die byspelers is verskeie spesies soos rooibokke, vlakvarke, sebras, blouwildebeeste, blouapies, kolganse, bruinslangarende... noem maar op. ’n Mens kan ure lank hier sit en foto’s neem, of sommer net kýk. Die diere kom en gaan en daar is gewoonlik aksie. Veral die olifante wat kom afkoel, is ’n gesig – die blink modder op…

“Ons is lede van die Bloemfonteinse 4x4-ekoklub. Ons is ’n ekovriendelike 4x4-klub wat dit geniet om plekke te besoek wat jy nie met ’n gewone voertuig kan bereik nie. Ons is meer as 50 lede, gesinsmense wat gereeld saam die pad vat. Dit het, sonder dat ons dit beplan het, so gebeur dat die meeste van ons ook deesdae met ’n bos- of woonwa kamp. Ons het onlangs by Die Sandgat-kampterrein by die Vanderkloofdam saamgetrek en ordentlik saam gekuier. Ons kom beslis terug hierheen. Vertel ons meer van Die Sandgat... Die kampterrein is sowat 7km van die Vanderkloofdam af en op die oewer van die Oranjerivier. Jy kamp onder die damwal – in die laatmiddag wanneer hulle die turbines by die damwal oopmaak, síén jy hoe die rivier se watervlak…

WAAR? DWARSBERG TROUT HIDEAWAY, RAWSONVILLE, WES-KAAP 8-10 SEPTEMBER 2017 KOSTE Basiese koste R950 p.p. vir die hele naweek. Bespreek jou plek en bring jou eie woonwa of tent teen geen bykomende verblyfkoste nie. OF KIES EEN VAN DIÉ VERBLYFOPSIES:  *Kothuis +R1 300 p.p. vir die hele naweek (verskeie kothuisopsies is beskikbaar – vra wanneer jy bespreek) *Basiese tent +R1 350 per tent (2 mense) vir die hele naweek (sluit 2 matrasse in) *Middelslag-tent +R2 250 per tent (2 mense) vir die hele naweek (sluit in: 2 beddens met beddegoed, ’n bedkassie en 2 kampstoele) *Luukse tent +R4 950 per tent (2 mense) vir die hele naweek (sluit in: 2 beddens met beddegoed, ’n bedkassie, 2 kampstoele en ’n storthokkie) WAT IS NOG INGESLUIT? • Versnaperinge en wyn (Vrydagaand) • Ontbyt albei oggende…