Innehållsförteckning för October 2017 från Weg! Ry & Sleep

Ons almal ken daardie een ou wat so lief is om te spog. Dis dalk jou buurman, jou kollega of jou swaer, maar alles wat hy besit, beleef en bereik het, is nou maar eenmaal net beter as joune. As jy oor jou ryding se brandstofverbruik gesels, maak hy jou vinnig wys sýne is ligter op diesel as joune. As jy noem hoeveel perde jou bakkie nou het nadat jy hom ge-chip het, praat hy jou stil omdat jy die verkeerde chip by die verkeerde ou laat insit het. As jy ’n bietjie wil spog met jou kleinkind se mooi rapport, onderbreek hy jou met ’n storie oor sý kleinkind wat nou vir dokter swot. Hy gedra hom natuurlik dieselfde as julle…

My pa, Ken, het sy kinderjare in Pretoria deurgebring, waarna hy in 1953 na Virginia in die Vrystaat verhuis het. Hier het hy hom as boukontrakteur gevestig, en later jare het hy onder meer die museum van die Voortrekkermonument op Winburg gebou. Ek sit vandag en kyk na Pa se ou foto’s. Hy moes seker dan en wan weer ’n draai in Pretoria gemaak het. Die Hartbeespoortdam is op een van die swart-en-wit foto’s; dit is in 1957 geneem en die dam se omgewing lyk nog ongerep teenoor vandag. Net soos met die bouery het Pa se hande vir niks verkeerd gestaan nie. Op nog ’n foto staan ou seil-en-hout-kampstoele agter ’n bakkie, maar nog meer opvallend is die bakkie self. Agter op die bak is ’n houthuisie geïnstalleer waarvan…

’n Gradering behoort eerder ’n aanduiding te wees van oorde wat aan sekere minimumstandaarde voldoen. In die Bosveld is ’n kampplek wat spog met sy vyfsterablusiegeriewe. Dit word selfs in ’n radioadvertensie verkondig wat gereeld op Bosveld Stereo uitgesaai word. Maar nêrens op die Toerismegraderingsraad (TGCSA) se webwerf kan ’n mens hierdie kampplek se stergradering opspoor nie. Dit laat my wonder: Is dit ’n oormatige gespog, ’n doelbewuste wanvoorstelling; of onkunde oor hoe die stergraderingstelsel werk? Dis waarskynlik ’n bietjie van eers- én laasgenoemde. Ek dink ook die TGCSA het nie noodwendig genoeg byt om ’n kampplek soos dié voor die hof te daag nie. Maar indien iemand by die TGCSA kla oor die vermeende wanvoorstelling, kan ’n mens seker verwag dat die oord ’n beleefde oproep gaan kry. Die…

Is die Hilux Black Edition ’n reaksie op Ford se pikswart Ranger Fx4? Toyota ontken dit ten sterkste en sê hy het al aan die begin van 2017 beplan om dié spesiale weergawe bekend te stel. Suid-Afrika se gunstelingbakkie is geensins ’n nuweling as dit by spesiale weergawes kom nie. Daar was die Dakar-, die Legend 35-, 40- en 45-sowel as die Heritage-weergawe. Pessimiste sal volhou dis bloot ’n bemarkingsfoefie deur Toyota om meer bakkies te verkoop – en dit is uiteraard Toyota se beweegrede – maar hierdie spesiale weergawes bied unieke aanbiedinge wat jy nie in standaardweergawes kry nie. Kom ons kyk. Op die oog af Die Black Edition is gegrond op die 2.8 GD-6-dubbelkajuitbakkie, die vlagskipmodel, en jy kan kies tussen tweewielaandrywing óf viertrek. Dit word onderskei van…

Die 80-reeks Land Cruiser van ons toerleier, J.I. de Wet, het ’n nuwe bynaam gekry. Dis nou nadat een van sy kolligte die vorige dag met ’n diep waterkruising die gees gegee het: “Kamp, kamp...” roep hy oor die tweerigtingradio. “Kom in vir die drieoogmonster. J.I. sit saam met ons by die Matswerepan waar ons ’n groep honger pelikane dophou. Soos die kraai vlieg, is dit omtrent 5 km tussen ons en die Khwai-konsessie van die Magotho- openbare kampterrein in Botswana. “Staan by”, antwoord sy ma, Almarie, wat onder ’n kolossale kameeldoringboom sit. Dié knewel by staanplek nr. 7 het genoeg skaduwee vir vier boswaens. “Hier het pas ágt wildehonde deur die kampterrein gehol!” roep sy. “Hulle het een vir een verby gedraf, asof ons nie hier is nie.” In…

Die meeste van ons verkies die rus en vrede van ’n knetterende kampvuur wanneer ons met vakansie is, maar omtrent almal van ons pak ook ons gasbottels wanneer ons die wa haak. Gas is nou maar eenmaal deel van kamp. Ons gebruik dit onder meer om ons warm te hou in die winter en ons spek en eiers op die skottelbraai gaar te kry. Maar soos met die meeste dinge kan dit baie gevaarlik wees as ’n mens nie versigtig en verantwoordelik is nie. Twee hoërskoolvriende van Krugersdorp is in Julie dood toe hulle met ’n brandende gasverwarmer in hulle koepeltent aan die slaap geraak het. Dit is voorvalle soos dié wat ’n mens opnuut laat besef hoe gevaarlik gas kan wees. Ons het besluit om ’n slag weer met…

CYRIL KLOPPER was voorheen betrokke by ons sustertydskrif Weg, waar hy die toerusting- en motorblaaie behartig het. Die Klopper-gesin hou van reis en het al ál Suid-Afrika se buurlande besoek. Een van sy gunstelingherinneringe was toe ’n trop wildehonde ’n koedoe dwarsdeur sy kampplek op die Makgadikgadipan gejaag het. Hy sê ook nooit nee vir die kans om Namibië te besoek nie. KYLE KOCK is ’n petrolkop in die ware sin van die woord en het agt jaar sy tande geslyp by een van die grootste motortydskrifte in die land. Hy is ook ’n man met ‘n gesonde belangstelling in die tegnologie. Nadat hy ’n jaar gaan asem skep het, is hy ywerig om hier op ons blaaie te ry, kamp en die nuutste toerusting en motors op die mark…

Wie ry ’n volledige gereedskapstel saam en wie pak net ’n tang en ’n stuk bloudraad? Ons het ons Facebook-vriende gevra. Johan Hattingh My wa het sy eie klein gereedskapskis wat altyd saamry. Daarin is net die belangrikste goed soos ’n tang, klein hamer, isoleerband en kabelstroppe. Ek ry nie ’n groot vrag gereedskap saam nie. Jacques Albertyn Ek vat my knipmes, ’n platpunt- en sterskroewedraaier en kabelstroppe. Dis al. Chris en Alida Laing Ek vat net die goed saam wat ek dink ek gaan nodig kry. Tussen my en my swaer se gereedskapkissies kon ons in die verlede heel goed oor die weg kom met probleme soos ’n band wat lek. Ons vat selfs ’n snoeiskêr en ’n klein saag saam. Enige gereedskap wat nié gebruik word terwyl ons…

Ons splinternuwe Mazda BT-50 3.2 4x4 SLE-bakkie (dubbelkajuit, outomaties) raak danksy ons Bakkieprojek by die maand meer gereed vir ordentlike veldryavonture. Ons het dié langtermyntoetsvoertuig reeds met ’n stel taai BF Goodrich T/A-bande, ’n staalagterbuffer, bosbreker en wenas toegerus, en nou is dit tyd om die onderkant te beskerm teen die stampe en stote van die ongebaande weë. Vandeesmaand doen ons ’n vierde veldrymodifikasie aan die Mazda en verduidelik, soos voorheen, die belangrikheid van die spesifieke modifikasie. Ons gesels ook oor hoekom en hoe dit gedoen word, én hoeveel dit jou uit die sak gaan jaag. Koeëlvaste baadjie Jou 4x4 het ’n klomp goed aan sy onderkant wat jy liefs nie wil hê moet seerkry nie – laat staan nog as jy ver van die huis af is. Jou verkoeler,…

1 Tau Roara-lodge, Noordwes Tau Roara beteken “plek waar die leeu brul” – ja, selfs hier op die oop vlaktes. Trouens, as jy op Google Earth mooi kyk na dié geweste, sal jy selfs die dowwe buitelyn van ’n ou gholfbaan sien wat soos ’n leeu gevorm is – gaan kyk by http://bit.ly/wQBUMi . Langs die “grasleeu” staan ’n hele paar hokke vol van die ware Jakob. Die houplekke is in ’n groot L-vorm uitgelê, so te sê reg om die een hoek van die kampplek. Jy kamp op die voorstoep van ou vuilbaard en Kie. Vir beter “waghonde” kan ’n mens nie eintlik vra nie... Onder toesig kan jy die ongeveer 150 m tussen die hokke afstap. Teen die een kamp waarsku ’n kennisgewingsbord jy moet…

As ’n mens eers jou tone in die sand van die spierwit strande gewikkel, in die warm waters van die Indiese Oseaan gaan swem, aan vars vis en kreef weggelê en ’n yskoue Laurentina Preta afgesluk het, kan jy nie vinnig genoeg terugkom Mosambiek toe nie. Ek, my vrou, Mardene, en ons kinders, Lané (15), Du Toit (9) en Nuelle (5) was al een keer vantevore hier, maar met ons laaste besoek, in Julie vanjaar, het ons vir die eerste keer gekamp in ons Jurgens Xplorer. Dit was ’n ongelooflike ervaring. Waar het julle gekamp? “Ons het 15 nagte by die gewilde Morrungulo-strandoord, 150 km noord van Inhambane, gaan uitspan. Dit is sowat 650 km van die Giriyondo-grenspos af. Hier kamp jy in die skadu van welige koeltebome langs die…

SONDAGHOENDER Vir die pot Hierdie sappige hoender maak jy in ’n platboompot met ’n klompie kole op die deksel. Jy benodig (genoeg vir 6) 1 groot ui 4 wortels 3 selderystele 5 vet knoffelhuisies 1 heel hoender van 2,5 kg 1 eetlepel dijonmosterd 1 eetlepel droë origanum sout en gemaalde swartpeper na smaak 2 eetlepels botter 2 clementines of nartjies (deesdae “soft citrus”) Só maak jy 1 Sny die ui, wortels, seldery en knoffel in groot stukke en stop die hoender met soveel as moontlik daarvan. Vryf nou die hoender in met die mosterd, origanum, sout en peper, en botter. 2 Gooi die groente wat oorgebly het, onderin ’n platboompot en sit die hoender bo-op. Sit die pot oor matige kole – dit moet effens koeler wees as wanneer jy…

Die meeste motors word deur net twee wiele aangedryf. Soms is dit die agterste twee, maar dikwels is dit die voorste paar. Viertrekvoertuie word egter deur al vier die wiele aangedryf. Hoekom? Om dieselfde rede dat jy ’n rots met jou hande én voete uitklouter eerder as net met jou voete: Dit maak dinge makliker. Die eerste meganiese viertrekstelsel is in 1902 deur Hendrik-Jan en Jacobus Spyker, twee Hollandse broers, ontwikkel. Destyds moes renmotors met dunnerige bande op grondpaaie jaag, en die Spyker-broers het ’n manier gesoek om hulle renmotor se padhouvermoë te verbeter. Uiteindelik was hulle viertrekstelsel eenvoudig, maar hulle suksesse op die renbaan het die wenkbroue laat lig – en vervaardigers soos Mercedes­Benz het die tegnologie dadelik aangegryp. Deesdae kry jy drie soorte viertrekstelsels: permanente, deeltydse en allewielaandrywing.…

Kyk hoe goedkoop is dit oorsee Vroeëre jare het ek reg oor die land gereis en ook van ons buurlande besoek. Ek was dus heel in voeling met verblyfkostes, ook kamptariewe. Vandag is ek afgetree en ’n mens kyk met ander oë na kostes. ’n Maand of drie gelede koop ek en my vrou, Tina, ’n reispakket Thailand toe. Die verblyf is in ’n deftige hotel vir ’n week, en saam met die vlugte kos dit R8 200 p.p. Ons besluit om ’n bietjie langer te bly en kry plek in ’n netjiese klein hotel teen net R165 p.d. Ons verken die plek verder op ’n bromponie wat net R80 p.d. kos. Selfs uiteet was nie te duur nie. Ons het al oral gekamp, van Jeffreysbaai regdeur tot by Saldanhabaai.…

Sluitweerremme, stabiliteitsen vastrapbeheer en lugsakke behoort boaan die lys van standaardtoerusting te wees. Dubbelkajuitbakkies is gewilder as ooit, en dis omtrent ’n moeilike besluit as jy een moet kies waarop jy jou swaarverdiende geld gaan uitgee. Ek het dié saak al met ’n klomp vriende bespreek, en dit lyk my die meeste mense voel soos ek. Bakkie-eienaars is gewoonlik baie lojaal teenoor die handelsnaam wat hulle gekies het. ’n Mens kan dit duidelik sien as jy in ag neem hoe hierdie voertuie met elke nuwe geslag verbeter. Daar is egter ’n groot groep voornemende kopers wat die dubbelkajuitbakkiemark betree en nie noodwendig enige lojaliteit teenoor ’n handelsnaam het nie. Dit vorm dus nie deel van die besluit wat hulle uiteindelik neem nie. Tans sluit die voorste dubbelkajuitbakkies modelle van Toyota,…

Om ’n oord te besit met ’n minerale warmbron is soos om met die spreekwoordelike goue lepel in die mond gebore te word. Met die luukse van ’n onuitputbare bron van warm water is die stryd vir oordeienaars al halfpad gewonne. Dit is allermins te sê warmbronoorde is almal dieselfde; die drie Wes-Kaapse kampplekke waar ons gaan draai het, het elkeen sy eie karakter en hier is iets vir elke soort kampeerder. By The Baths naby Citrusdal kamp ’n mens onder groot koeltebome waar jy deel van die natuur voel, en al is die kampplek stampvol, het ’n mens steeds genoeg privaatheid. Die ATKV se Goudini-spa is die teenoorgestelde en gerat vir groot getalle besoekers. Dis skaars 5 km van Rawson-ville af, en nét die kampplek as ’n ellelange waterwurm…

Sommige mense neem dit verskriklik ernstig op; ander doen dit vir ontspanning; en party probeer om daai winterspekkies af te skud voor hulle in Desember die pad vat Amanzimtoti toe. Ons praat natuurlik van fietsry. Ja, dit wil lyk of almal dit deesdae doen. Oral sien jy fietsrakke agterop voertuie, wat beteken al hoe meer mense ry die fietse saam wanneer hulle op ’n naweekwegbreek of vakansie gaan. Nie alle kampplekke is egter gerat vir fietsry nie, veral nie as jy ’n paar kilometer vir oefening wil gaan trap nie. Jou kinders kan wel in die kamp rondry, maar as jy en jou geliefde ’n paar kilojoules wil verbrand, moet julle gewoonlik koers kies grootpad toe. Mankele Mountain Biking is in fietsrykringe bekend vir sy puik bergfietsroetes – dis dus…