Innehållsförteckning för November 2017 från Weg! Ry & Sleep

“Terwyl jy die papierwerk afhandel, kan die kinders hulle by die varkhok langsaan gaan vermaak. Met ons besoek het ’n werpsel kleintjies rustig onder ’n infrarooi lamp geslaap. Daar is één stukkie kommentaar wat ons altyd kry wanneer ons in die kampplek of 4x4-roete nader staan om ons aan mense voor te stel. “Jislaaik, maar jý het ’n lekker job !” ’n Mens kan nie hiermee stry nie; daar is sekerlik mense wat baie ongelukkiger is in hulle werksituasie as ons. Ons kry die geleentheid om nuwe plekke te verken, agter die stuur van die nuutste rygoed in te klim, en woonwaens basies van die fabrieksvloer te gaan haal en daarmee te kamp (soos vandeesmaand met die nuwe Jurgens Penta – gaan kyk op bl. 86…

“Daar is ongelukkig ’n deel van die 4x4-gemeenskap wat hulle sleg gedra en die hele gemeenskap in ’n slegte lig plaas. Ek was nog altyd gaande oor Namibië. Die laaste 25 jaar het ek dié land verskeie kere vir sakedoeleindes besoek, en dis ’n plek wat altyd daarin slaag om my gemoed te lig. Dis eintlik jammer ek het onlangs eers die land vir my eie ontspanning begin besoek. Nou die dag nooi ’n vriend my om die Faces of Namibia-woestyntoer saam met ’n klomp grootkoppe van Toyota Suid-Afrika te gaan doen. Ek was baie opgewonde daaroor, maar dié toer was ook vir my eintlik bittersoet: Dit sou my laaste reis met my FJ Cruiser wees, want hy moet binnekort vervang word. Dit was ’n gepaste swanesang vir dié ryding,…

Ford het ’n moeilike jaar agter die rug met heel-party kopers wat vertroue in die maatskappy verloor het nadat amper 50 Kugas op eie bodem uit die bloute aan die brand geslaan het. Nou, nege maande en drie herroepings later, lyk dit of die ergste vure doodgeslaan is. Buitelangs As jy ’n aanhanger van die vorige model se voorkoms was, hoef jy nie bekommerd te wees nie, want die ontrimpeling is darem nie té dramaties nie. Die seskantige sierrooster wat ’n Ford-kenmerk geword het, word meestal behou met slegs geringe veranderinge aan die basiese vorm. Die hoofligte is effens breër gemaak terwyl die agterligte heeltemal herontwerp is. Die grootste verandering is dat jy nou ’n groter keuse van wiele het. Die wielgroottes wissel van 17” tot 19”, onderhewig aan ’n…

Tijmen van der Steenhoven 1997 4.2 DIESEL ST Tijmen is ’n 19-jarige Pretorianer en ’n kranige 4x4-entoesias. Sy eerste motor was ’n Chev Cruze, maar hy het dit sommer gou verruil vir ’n tweedehandse Nissan Patrol wat hy “Trekkertjie” gedoop het. Zander en Fanus Coetzee 2000 4.5 PETROL GRX Fanus en Zander is ’n pa-en-seun-span van Sabie en hulle het vir Ma en Sus dié vyf dae by die huis gelos. Dit is hulle derde “Rivier Trip”, maar hulle het ook al saam met die Patrol-forum by Mogatle en Rust de Winter gaan speel. Hanelie en Jean-Jacques Jaume 1998 4.5 PETROL GL Die Jaumes het hulle Patrol, Jollie-Patrollie, uit ’n boedel gekoop. Die vorige eienaar, ’n vriend van die Jaumes, het in ’n ligtevliegtuigongeluk gesterf. Die Patrol se sleutel het…

“Ek is ’n ongeduldige mens as dit kom by kamp opslaan. Dis gewoonlik ’n tydsame storie en neem gans te lank na my sin. Ek verkies eerder ’n kitsaffêre... iets wat vinnig, maklik en pynloos opslaan. Ek het vroeër met my Oztent RV3-tent gekamp en baie komplimente vir hom gekry, maar hy het nie sonder moeite gekom nie. Hy het wel binne 30 sekondes gestaan, maar dan moes jy nog die afdakkie met sy pale span en die tentpenne moes vasgekap word – en die beddegoed en matras moes ook nog in. My een vriend het ’n hardekapdaktent, en ek was beïndruk met dié plan. Maar om R30000 te hoes vir iets wat uiteindelik nie regtig vir my gaan werk nie, was vir my net te veel. Ons was op…

Die heel belangrikste onderdeel aan jou voertuig wanneer jy ’n woonwa sleep, is sekerlik die sleepstang. Dit lyk dalk na ’n eenvoudige storie – dis mos die bolgedeelte waaraan ’n mens die wa haak – maar daar is heelwat meer as wat die oog kan sien. Die grootste deel van die stang sit weggesteek agter die buffer. Motorvervaardigers bestee groot geld aan die ontwikkeling van hulle produkte se padhouvermoë, betroubaarheid en dinge soos brandstofverbruik en beter kraglewering. Maar sodra jy ’n haak aan ’n voertuig vasbout en iets sleep, beïnvloed dit al dié belangrike eienskappe regstreeks. Daarom word stange in samewerking met motorvervaardigers ontwerp sodat dit nié jou ryding se vermoë beïnvloed nie. Brink Towing Systems is ’n internasionale maatskappy – die moedermaatskappy is in Nederland en daar’s ook ’n…

Vyf jaar gelede, in my eerste “Fotomechanic”-rubriek wat in die destydse WegRy gepubliseer is, het ons na ’n uitstekende sonsakfoto van Chris van der Merwe gekyk. Dit was ’n toneel wat Chris by die Choberivier vasgevang het waar ’n trop olifante en buffels een laatmiddag kom suip het. Dié soort foto’s bly nou maar eenmaal mooi, maar om ’n ordentlike foto van ’n sonsondergang te neem is nie altyd so maklik nie. Hier is drie nuttige wenke. 1 Maak die swart nóg donkerder ’n Sonondergang se lig wissel van helder tot donker, wat beteken daar’s ’n sterk kontras. Gewoonlik sien jy die donker voorwerp of twee in die voorgrond en die son as helder kol agter. In die verstellings waar die kamera die beligting vir jou kies – soos die…

NUUT OP DIE RAK South African Fishing Flies Deur Peter Brigg en Ed Herbst Hengel is so oud soos die mensdom self, en maniere om visse te vang is legio. ’n Mieliepit aan ’n hoek kan ’n karp op die rivier- of damwal beteken, terwyl gekleurde kunsaas ’n lokval kan wees vir die mees uitgeslape swartbaars. Maar visse soos forel en geelvis verg ’n fyner kuns: kunsvlieghengel. Kunsvlieghengel in Suid-Afrika het ’n kleurryke geskiedenis, en in South African Fishing Flies , wat pas op die rak verskyn het, word die leser teruggeneem na waar dit begin het. Dis ’n hengelmetode wat al meer as ’n eeu met ons is, en tans is daar ’n geskatte 100 000 kunsvlieghengelaars in die land wat ’n groot verskeidenheid aas gebruik.…

30 jaar oud, maar altyd nuut Tien uit tien vir die brief van Johan Hattingh in die Junieuitgawe van WegSleep waar hy vra waar al die ou woonwaens is. Ons kamp met ’n 1987 Wilk Topaz wat ons met ons 1999-model Mercedes-Benz sleep. Albei het reeds heelwat myle op, maar ons het geen klagtes nie. Ons het wel die wa meer modern ingerig. Die twee enkelbeddens en hangbeddens het plek gemaak vir ’n eilandbed. Die sitkamer was voldoende, maar ons het al die gas in die kombuis weggedoen. Ons het ook plek gemaak vir ’n groter yskas, ’n mikrogolfoond én die elektriese stoof. Ons het die badkamer gegroet en in sy plek het ons nou ’n klerekas met hope pak- en hangplek. Aan die buitekant het ek die agtervenster met…

“As ons oor Onder-Sabie gesels, kan ek nie anders nie as om die uitleg van die kampplek as ’n fiasko te beskryf. Iemand vra ’n ruk gelede op die radio wat die beste Afrikaans vir ’n “bucket list” is. Veral een voorstel het by my aanklank gevind: “kluitklaplys”. Dit is natuurlik die versamelnaam vir al daardie dinge wat mense wil doen vóór hulle die tydelike met die ewige verwissel – of, soos C.J. Langenhoven sê, “... by die kluitklap op die kis”. Ek het self ’n ellelange kampeerkluitklaplys. Saam met my geliefde wil ek in ’n ryhuis al langs die kus van Suid-Afrika reis van vuurtoring tot vuurtoring, met St. Lucia as die begin- en Port Nolloth die eindpunt. Nog ’n wens is om Namibië te verken van die Oranje-…

Met eisj, ja! Niks het die lewe in die buitelug soveel verander soos die 12V-kampyskas nie. Weg is die dae van gesmelte ys en drywende lamstjoppies – nou kan jy ’n kragtige yskas vir meer as 24 uur laat loop teen ’n temperatuur wat roomys kan vries, op ’n enkele batterylading. Maar doeltreffendheid is nie al wat saak maak nie. Rugsteundiens en betroubaarheid is ook sleutelfaktore om te oorweeg wanneer jy ’n ys-/vrieskas koop, saam met die yskas se werkverrigting in uiterste hitte en wanneer dit blootgestel word aan ’n voertuig wat erg vibreer. National Luna se yskaste kry regmerkies ins al dié afdelings. Dit word in Afrika en vir Afrika ontwerp en vervaardig. ’n Slim boks National Luna is ’n paar jaar herhaaldelik gevra om ’n boks sonder fieterjasies…

Ons rus elke maand op dié blad ons langtermyntoetsmotor, ’n splinternuwe Mazda BT-50 3.2 4x4 SLE-bakkie (dubbelkajuit, outomaties), met ’n nuwe veldrymodifikasie toe. Ons het nou al vir hom ’n stel BF Goodrich T/A-bande, ’n staalagterbuffer, bosbreker, wenas én ’n pensplaat opgesit – en vandeesmaand kry hy ’n stel treeplanke. Hoekom treeplanke? Ons het verlede maand die pensplaat aangebring om die belangrike dele van jou 4x4 – dinge soos die verkoeler, ewenaar, oliepan en oordraratkas – te beskerm. Jou bakwerk bly egter kwesbaar vir klippe wat opskiet, en om hierteen beskerming te bied het jy ’n stewige stel treeplanke nodig. Die BT-50 kom wel met ’n stel treeplanke uit, maar dis van sagte aluminium gemaak en bout aan die motor se bakwerk vas. Dis die geval met die meeste bakkies…

Niemand het veel oortuiging nodig om Suidkus toe te sleep nie. Die heerlike klimaat, die warm Mosambiekse seestroom wat hier verbyloop, en die magdom doendinge in die gebied maak daarvan ’n puik vakansiebestemming – vir enigiemand van gesinne wat op soek is na pret en plesier tot pensioentrekkers wat rus en vrede verkies. Die omgewing by Winklespruit is uitstekend geleë. Jy is nie net heerlik sentraal nie – Durban is skaars 40 km weg – maar die Suidkus is ook nie te ver om te ry vir mense uit die binneland wat wil vakansie hou nie. En dan kry jy hier ook ’n paar ordentlike woonwaparke wat aan alle voorkeure voldoen. As jy vroeg uit Gauteng uit wegtrek, kan jou kamp voor sononder al staan en jy kan vanaand rustig…

Ek het by vriende gehoor van Klein-Paradys in Modimolle, en hulle toe op Facebook gaan opsoek. ’n Klompie jaar terug het ek besluit om my gesin hierheen te bring. Ek, my vrou, Hester, en ons 14-jarige drielingseuns, Deon jr., Ruben en J.D., kom kuier sedertdien gereeld hier. Vertel ons meer van Klein-Paradys. Dis ’n heerlike kampterrein met grasperke wat goed onderhou word, en daar is meer as genoeg koeltebome. Die ablusiegeriewe is skoon en netjies en hier is ’n kroeg. Waarmee hou ’n mens jou besig? Hier is heelwat doendinge om elke lid van die gesin besig te hou. Hier is twee swembaddens om van te kies – ’n verhitte onderdakswembad en ’n groot buiteswembad met koue water naby die woonwastaanplekke. Hier is ook ’n speelparkie, pool-…

AARTAPPEL-EN-AVOKADOSLAAI Waar’s die mayonnaise? ’n Aartappelslaai sonder mayonnaise? Ja! Jy kan die sous in die kampterrein maak en met ’n vurk fyndruk en meng, maar dis tog romeriger as jy dit in ’n versapper glad pols – maak die sous dus die aand voor jy ry en gooi dit by die kamp oor die slaai. Jy benodig (genoeg vir 6) 4 mielies 2 rooi soetrissies 1 kg aartappels 1 avokado ½ koppie Bulgaarse jogurt (of gebruik karringmelk) 1 koppie fyngekapte koljanderblare 1 knoffelhuisie, gerasper 1 rooi brandrissie, fyngekap (of gebruik 1 teelepel rissiesous) sap van ½ suurlemoen of lemmetjie sout en swartpeper na smaak Só maak jy 1 Braai die mielies en soetrissies oor die kole tot dit geskroei en plek-plek swart is. Sit die soetrissies in ’n plastiekbakkie of…

Ons kla almal oor wetteloosheid in Afrika, maar die voordeel van beperkte inmenging van regeringskant is dat ons baie vryheid geniet. In Europa is dit deesdae haas onmoontlik om sonder ’n permit met jou trokkie in die duine te speel of selfs ’n verlate grondpad te vind waar jy na hartelus deur moddergate kan plons. Selfs in Nieu-Seeland en Australië druk gesondheidsen veiligheidsinspekteurs hulle neuse in 4x4-entoesiaste se sake... kwansuis omdat hulle besorg is oor hulle burgers se welstand. Ga! Maar hoewel ons ’n groot mate van vryheid geniet, beteken dit nie ons mag roekeloos wees nie. Ons het koppe bymekaar gesit met Arrive Alive ( arrivealive.co.za ) en die Masterdrive- gevorderde bestuurskool. Masterdrive bied 4x4- en verdedigende bestuurkursusse aan en die Arrive Alive-projek is welbekend vir…

DÍS WAT JY KAN VERWAG Het jy al gewonder hoe dit moet voel om diep in die bos se geilgroen ondeurdringbaarheid te wees? Die wêreld van Dalene Matthee se stories, reuse-geelhoutbome en geil mosse, varings en houtkappers... Wel, jy kan. Sanparke het Bhejane 4x4 Adventures die eksklusiewe reg gegee om begeleide dagtoere deur Knysna se besonderse boswêreld aan te bied. Op dié daguitstappie kan jy enorme geelhout- en stinkhoutbome, varings, ligene, mosse, blouduikers, bosbokke en loeries met jou eie oë sien. En wie weet, miskien selfs ’n Knysna-olifant... Maar dis nie net ’n ry-en-kyktoer dié nie. Jy sal ook leer van die bos se eiesoortige fauna en flora, die ontberinge van Italiaanse nedersetters en houtkappers, en ook van verlore reisigers. Ons kry mekaar by die Sasolvulstasie in Harkerville, langs die…

Ons hoor by ons Facebook-vriende wie gesukkel het om hulle kinders se volledige geboortesertifikaat – ja, daai “unabridged” een – te kry en vir wie dit ’n maklike proses was. Linda Jager Ons het in Sasolburg aansoek gedoen om die sertifikate en het albei binne twee weke ontvang. Vinning en pynloos. Dit was dieselfde toe ons om ons paspoorte aansoek gedoen het. Ek het gevind die kleiner kantore werk vinniger as die grotes. Dis seker omdat hulle ’n kleiner volume inligting het om te verwerk. Marius Kritzinger My vrou het dit binne vyf minute gekry, terwyl my skoonsus agt maande moes wag. Johan du Toit Ons het omtrent ’n jaar gewag vir ons kind se volledige geboortesertifikaat. Rina Bothma Pieters Die proses vir my jongste se sertifikaat was baie vinnig…

Daar was groot verwarring toe die sanger Prince destyds sy naam met ’n simbool vervang het. Hoe moes ons hom aanspreek – “Mnr. Simbool” of “Die sanger voorheen bekend as Prince”? Die nuwe Land Rover Discovery is in sy vyfde geslag, maar behoede jou as jy na hom verwys as ’n Disco 5. Land Rover verkies dat jy hom bloot die Discovery noem, of “nuwe” Discovery, as dit dan moet. Hy lyk ook heeltemal anders as die Disco 4, met sterker trekke na die Evoque en eenderse stilering as die Discovery Sport wat die Freelander in 2016 vervang het. Op die oog af Die hoekige voorkoms van vorige Land Rovers is heeltemal weggedoen. Die nuwe Discovery het sagte kurwes en ’n vloeiende profiel. Smaak verskil, maar een ding is seker:…

In ’n droë rivierloop in die Mopanidistrik, diep in die noorde van Limpopo, staan14 Nissan Patrols en luier. Die manne skud gretig mekaar se hand terwyl die vroue drukkies uitdeel. “Jis, ou maat, lanklaas gesien! Hoe gaan dit met jou?” weerklink die gemoedelikheid teen die rivierbedding se hoë walle. Terwyl die grootmense groet en gesels, kom ’n paar seuns uit verskillende voertuie te voorskyn met grafies en begin ywerig sandkastele en paaie in die riviersand bou. Klink 14 voertuie vir jou na baie? Dis skaars die helfte van die groep avonturiers wat vanjaar bymekaargekom het vir die Nissan Patrol-forum se “River Trip”. Die res is al besig om iewers in die rivierloop te speel. Dis ’n jaarlikse gebeurtenis, en op dié kletsforum is daar weke voor die tyd groot opgewondenheid.…

Musiek vorm ’n groot deel van ons lewe – g’n wonder ’n mens sien so baie mense met oorfone op die trein, bus en selfs by die werk nie. Elkeen van ons het spesiale liedjies vir spesifieke tye: wanneer die klubspan met rustyd agter is, wanneer jy en jou geliefde vir ’n kersligete aansit, of wanneer dit tyd is om te skoffel by die jaarlikse familiesaamtrek. Daarom kyk ’n mens twee keer na die streng “Geen musiek”-beleid terwyl jy die bevestigingsbrief lees wat die Rivierplaas-kampterrein vir jou stuur. Rivierplaas is die Hugo-familie se intieme kampterrein sowat 20 km suidoos van Worcester. Dis ’n werkende plaas, maar die Hugo’s het ongeveer vier dekades gelede besluit die natuurlike bos langs die rivier is ’n uitstekende plek om ’n tent staan te maak.…