Innehållsförteckning för January - February 2018 från Weg! Ry & Sleep

“Van die ruskans waarna ons so lank uitgesien het, is daar nog geen sprake nie. Maar huis toe gaan? Nee!” My een broer het altyd dieselfde sinnetjie wat hy by sy verjaardagwens inglip wanneer hy bel. Êrens tussen die “Hallo, Boeta!” en “Nou maar toe, groete vir almal daar” raak sy stem effens dieper en statiger... en dan sê hy: “Mag die beste dag van laasjaar die slegste dag van die komende jaar wees.” Ja, dit is dalk ’n effens geykte sêding en ek glimlag elke keer wanneer hy dit kwytraak, maar ’n mens kan nie regtig met dié gedagte stry nie. Is dit nie maar waarvoor ons almal wens nie? Dat dit môre beter met ons sal gaan as vandag? Is dit nie wat voorspoed in wese is nie?…

“Mense koop om verskeie redes ’n spesifieke handelsnaam en vorige eienaarskap en lojaliteit speel ’n groot rol.” Ná maande se kopkrap is ek uiteindelik die eienaar van ’n nuwe bakkie. My nuwe maatskappymotor is 4x4-dubbel-kajuitbakkie met ’n dieselenjin en ’n outomatiese ratkas. Die mense wat my ken, weet ek is ’n groot Toyota-aanhanger, en daarom was hulle uit die veld geslaan om te hoor my keuse was nié ’n Hilux nie. Die laaste klompie maande het ek baie geskyf oor dubbelkajuitbakkies en bakkie-eienaarskap. Ek het probeer om onpartydig te bly en nie ’n voorkeur vir enige spesifieke vervaardiger of model te laat deurskemer nie. Die rede hiervoor is heel eenvoudig: Na my mening is die bakkies van die sewe groot vervaardigers in Suid-Afrika – Toyota Hilux, Ford Ranger, Nissan Navara,…

D it gebeur nie dikwels dat die gasvrou jou by jou kampbestemming inwag met ’n bottel olyfolie in die hand nie. Op die plaas Fraaigelegen net buite Tulbagh word daar egter met olywe geboer, en daarom is so iets hier glad nie vreemd nie. Op een deel van die plaas is ’n kampplek ingerig waar ’n mens kan kom ontspan terwyl die boerdery sy gang gaan. Die Duitse egpaar Venishree en Juergen Mayer het die plaas ’n jaar gelede gekoop, en ’n mens sien sommer al as jy bespreek sake hier loop vlot. Nog voor jy kan sê mes, stuur Venishree ’n paar dokumente per e-pos en ’n mens weet wat die moets en moenies op die plaas is. Ingesluit is ’n omvattende kaart van die Tulbaghvallei – maak sommer…

VISVANGOORD Gooi in op die ‘grens’ Aan-die-Oewer-woonwapark Dié woonwapark is in Orania en, soos die naam te kenne gee, langs die oewer van die Oranjerivier. Die oord is aan die Noord-Kaapse kant, en as jy jou aas verder as 150 m kan gooi, land dit op Vrystaatse turf. Wanneer jy die kampplek binnery, is die staanplekke links, maar jy moet eers aanmeld by die kantoor reg voor jou. Hier is agt van die staanplekke vier-vier aan weerskante van ’n sirkelpad gerangskik. Op die kant die naaste aan die hek staan ’n paar groot peperbome vir skaduwee. Die oorkantse staanplekke het nie veel gras nie en is onder ’n groot ou eikeboom uitgelê. Op ’n terras laer af, nader aan die rivier, is nog twee staanplekke, elk met koelte. Die badkamers…

KOSTELOOS Ons het onlangs deur die Richtersveld getoer, ’n uitmergelende reis waarop ons nét met ’n stukkende skokbreker gesukkel het. Op pad huis toe slaap ons op ’n koue en winderige Springbok oor. Ons skakel die kar se verwarmer aan terwyl ons verder ry in die rigting van die Sederberg, maar dis nie lank nie of ek ruik diesel. Ek skakel die verwarmer af, want dalk is dit van die walms rondom die enjin wat deurkom. Naderhand sê my vrou, Celia, sy ruik dit ook. Ek trek af en sien een van die dieselinspuiters se pypie het ’n fyn krakie. As ons nou tuis was (op ons plaas in KwaZulu-Natal) kon ek dit maklik regmaak, maar hier langs die pad kom daardie hulpelose gevoel oor my. Ons druk deur tot…

“Ek onthou ook kampvriende, wat onlangs Kanada toe geëmigreer het, wat altyd so met hulle pinkies in die lug aan vreeslike deftige koffie geteug het.” Ek sien dit gons en woel die laaste ruk op sosiale media oor ’n woonwa wat kwansuis deesdae ’n statussimbool is. Dit herinner my aan ’n staaltjie oor ’n pikswart 1967-model Volkswagen Kewer genaamd Nap. Dié ryding het aan ’n voormalige Tukkies-rektor, prof. C.H. Rautenbach, behoort. Prof. Rautenbach was alombekend as prof. Nap – ’n afkorting vir Napoleon. Hy was klein van postuur, maar groot in persoonlikheid. ’n Student vra hom eendag of hy dit sou oorweeg om ná sy aftrede ’n motor aan te skaf wat meer by sy status sal pas. “Nee,” antwoord prof. Nap vriendelik. “My motor verleen nie aan my status…

Zambië het ’n besonderse natuurskoon, en met sy 20 uiteenlopende nasionale parke is dit glad nie vreemd dat dié land ’n gewilde bestemming is nie. Daar is onder meer twee parke op die oewer van die Zambesirivier, in November krioel die Luiwavlakte met migrerende wildebeeste, en tussen Oktober en Desember sak miljoene vlermuise toe op Kasanka in die noorde. Dis dalk te veel plekke om in ’n enkele besoek te beleef, maar sodra jy by een of twee parke was, sal jy kort voor lank terugkeer om by die ander ’n draai te maak. ’n Goeie manier om jou verkenningstog in dié deel van die wêreld te begin is om by twee van Zambië se bekendste parke, Suid-Luangwa en Kafue, te begin. En omdat Malawi net om die draai is,…

Die Taits is deel van ’n groep vriende wat gereeld saam kamp. Hulle het in 2016 met die idee begin speel om hulle boswaens te haak en Angola toe te sleep. In Februarie vanjaar het hulle die praatjies laat staan en ernstig begin beplan aan logistieke dinge, soos die roete, kosbeurte, die beskikbaarheid van brandstof, besienswaardighede waar hulle moet aandoen, kampplekke waar hulle sou bly en plekke waar hulle voorraad sou koop. Die Taits sou die reis noord saam met Nic en Dorothy Theron; Leon en Vasti Jordaan en hulle kinders, Mareli en Gerard; en George Basson en Nici Maree – almal van Pretoria – aandurf. Hulle paspoorte is nagegaan, visumaansoeke ingedien en die voertuie gediens. Hulle het ook teen die idee van ’n gids besluit en John het vir…

PIESANGLAGIESPOEDING Verruklike vrugte Hierdie yskaspoeding slaan jy maklik in die kampterrein aanmekaar. Maak een groot koekstruif óf pak die lae in koppies. Jy benodig (genoeg vir 6) 1 blikkie (360 g) koue kondensmelk 1½ koppie (375 ml) koue water 1 boks (90 g) Moirs-piesanggeurkitspoeding 3 koppies room wafelbeskuitjies 4 piesangs, in skryfies gesny 4 eetlepels karamelroomysstroop Só maak jy 1 Klits die kondensmelk en water deeglik saam en klits dan die kitspoeding daarby in. Sit die bak in die yskas sodat die poeding kan stol. 2 Klits die room styf en vou ’n derde op ’n slag liggies by die gestolde piesangpoeding in. 3 Pak die wafelbeskuitjies, piesangs en poeding in lae in ’n groot bak, of kleiner bakkies of flessies. Eindig met ’n paar eetlepels karamelsous. Eet dit dadelik.…

Kan die pompjoggie vol tap tot net onder die prop, of sê jy hy moet ophou gooi wanneer die outomatiese stopfunksie inskop? Chris van der Merwe Met die Cruiser gooi ons hom vol tot net onder die prop. Dan krap ek rond vir nog houers of bottels... tot die leë blatjangbottel wat by die kinders se voete lê. Ons het dit ook nodig as ons die volgende vulstasie wil haal. Adrian Trevor Smuts Dit hang af hoe ver ek moet ry tot ek weer kan ingooi én wat op my bankkaart beskikbaar is. Daardie ekstra klompie liters kos ’n paar rand. Geert de Jong Ek gooi hom maar vol. My kar is buitendien só swaar op brandstof, as ek wegry, is hy klaar op die vlak waar die outomatiese stopfunksie…

Kom ons kry eers die deel oor die enjin agter die rug: Die Amarok se V6-enjin is dieselfde een wat jy in ’n Touareg, Audi Q7 en Porsche Cayenne vind, en hy’s gekoppel aan VW se uitstekende 8 spoed- outomatiese ratkas. In Augustus 2017 het ons ’n boswa aan die V6 Amarok gehaak, en hy het ons beïndruk, maar vandeesmaand toets ons die meneer se veldryvermoë. Veldrypuriste verkies ’n kortkierie langs die rathefboom, en sommige bittereinders hou selfs daarvan om uit te klim en wielnaafslotte met die hand te sluit – g’n elektroniese katoeters vir hulle nie, dankie. Die Amarok V6 4Motion wat ons onlangs getoets het, behoort hierdie puriste die josie in te maak, want hy het ’n knoppie wat al die bestuurder se veldrybesluite oorneem. ’n Knoppie waarop…

Daar is iets spesiaals omtrent berge. As jou tuisdorp aan die voet van ’n berg lê, is jy outomaties patrioties oor jou heimat. Hoe dan anders wanneer die trotse stadsvaders van ouds besluit het om jou dorp se naam in wit klippe teen ’n hang uit te pak? Ook wanneer ons met vakansie gaan, gaan ons nie bloot kamp nie. Ons gaan “berge toe”. Nie die Waterberg óf Pilanesberg is sommer ’n hierjy bergie nie. Albei is magies en elkeen het sy eie legendes, sy eie klimaat én sy eie karaktertrekke, selfs al is hulle skaars ’n uur per motor uitmekaar. As jy moeg word vir die lewe in die stad, pak ’n tas, haak ’n boswa en kies koers na die berge. BONTLE-BOSKAMP, MARAKELE- NASIONALE PARK Stil, broer .…

“Ons het ons eerste woonwa in 1990 gekoop, en ná baie jare wat ons oor langnaweke saam met die kinders by plekke soos Brits en Bela-Bela gaan kamp het, is ons nou afgetree. Ons is sedert Mei 2016 voltyds op die pad en ons het onlangs ons hoekstutte by die Stormsriviermondkampterrein uitgedraai. Was dit julle eerste keer hier? Dié plek is ’n nasionale skat wat ook baie gewild is onder internasionale toeriste. Ons het al só baie hieroor gelees en was nog altyd van voorneme om weer die omgewing te kom besoek nadat ons ’n ruk gelede by die nabygeleë Otter-staproete was. Ons beurt om die Stormsriviermond te besoek het uiteindelik ná 18 maande op die pad aangebreek. Waarmee kamp julle? Ons sleep ’n Sensation Anee met ons Chevrolet Trailblazer…

DIS WAT JY KAN VERWAG DAG 1 Ons ontmoet mekaar by Kamp Nkwazi, net buite Livingstone. Teen die tyd dat jy aankom, sal die tente reeds staan en die bossjef se maaltyd op die kole wees. Vanaand leer ken ons mekaar om die kampvuur. DAG 2 Vergeet van laat slaap. Ons is vroeg uit die vere en val in die pad ná ’n stewige ontbyt. Bhejane sal jou toerus met ’n tweerigtingradio voordat ons na Lusaka vertrek. Ons slaap in Lusaka onderweg na die Suid-Luangwanasionale park. DAG 3 Ons ry verder noord en slaap oor by ’n kamp net buite Chipata. DAG 4,5 & 6 Dit is een van die topreservate ter wêreld. Die kamp is langs die oewer van die Luangwarivier. Van hier af sal ons die park teen…

Met eisj, ja! Niks het die lewe in die buitelug soveel verander soos die 12V-kampyskas nie. Weg is die dae van gesmelte ys en drywende lamstjoppies – nou kan jy ’n kragtige yskas vir meer as 24 uur laat loop teen ’n temperatuur wat roomys kan vries, op ’n enkele batterylading. Maar doeltreffendheid is nie al wat saak maak nie. Rugsteundiens en betroubaarheid is ook sleutelfaktore om te oorweeg wanneer jy ’n ys-/vrieskas koop, saam met die yskas se werkverrigting in uiterste hitte en wanneer dit blootgestel word aan ’n voertuig wat erg vibreer. National Luna se yskaste kry regmerkies ins al dié afdelings. Dit word in Afrika en vir Afrika ontwerp en vervaardig. ’n Slim boks National Luna is ’n paar jaar herhaaldelik gevra om ’n boks sonder fieterjasies…