Innehållsförteckning för March 2018 från Weg! Ry & Sleep

“Die kans dat ’n mens gaan misluk, is goed, veral as die weer sleg is.” Hierdie jaar het omtrent met ’n vaart weggespring, en daardie luilekker Desembervakansie is niks minder nie as ’n vae herinnering. Hier by Weg Ry & Sleep het ons omtrent ons bene stompies gedraf die laaste klompie weke. Kyle se familie sukkel seker teen dié tyd om te onthou hoe hy lyk. Die man het in Porterville gaan kamp vir vandeesmaand se Jan Tuisbly, wyd en syd gesoek vir gasbraaiers om op die Toerustingblaaie te toets, etlike ure op die foon deurgebring om vir Kampboffin wenke vir die berging van water te kry, én dan moes hy nog die artikel oor die Bobbejaanspas in Lesotho skryf. Cyril moes sy vakansie met sy…

“Dinge kan soms skeef loop, en ’n mens kan nie anders nie as om te dink aan die vrou wat onlangs ’n lelike ondervinding gehad het met ’n luiperd in die Kgalagadi.” Ek het pas teruggekeer van ’n langnaweek by ’n private lodge in die Madikwe-wildreservaat. Hoewel dit nie ’n veldrynaweek was nie, was dit nietemin vir my ’n goeie blaaskans. Ons was op wildritte in die oggend én namiddag, en ons wildbewaarder was deurgaans op sy radio met die bestuurders van ander voertuie in die reservaat. Dit het gehelp dat ons nie te lank moes soek om wild te sien nie en dit was lekker om vir ’n slag bederf te word. Ek is nie regtig een vir stap nie. Ek het my kans gehad in die weer-mag. Ek…

DIS WAT JY KAN VERWAG DAG 1 Ons ontmoet mekaar vroegmiddag aan die buitewyke van Lusikisiki (’n uur se ry van Port St Johns of Kokstad af) en kies van daar af koers na ons lodge op die Mbotyirivier. Ons gaan twee nagte hier deurbring. Die Mbotyi River Lodge is ’n droombestemming vir enige natuurliefhebber. Hier is ’n swembad en geriewe vir bergfietsryers en kano’s, en lekker dekke waar jy in sonstoele kan sit en ontspan. DAG 2 Ná ons koffie douvoordag het jy tyd om op die strand te gaan loop of op die Mbotyiriviermond te roei. Ons daguitstappie (met ’n piekniekmiddagete langs die pad) neem ons na ’n kolonie van meer as 170 aasvoëls in ’n pragtige kloof. Aasvoëls is die seldsaamste roofvoëls in Afrika. Van daar af…

Die Krugerwildtuin pryk heel boaan baie kampeerders se bestemminglys – en dis nie net onder Suid-Afrikaners gewild nie. Internasionale toeriste stroom ook in hulle duisende hierheen op soek na die Groot Vyf. Hier is nie minder nie as 13 kampplekke om van te kies, en dit is ordentlike bestemmings om jou wa af te haak, selfs al was dit nie in een van die bekendste wildtuine ter wêreld nie. Die kampplekke verskil heelwat van mekaar, maar jy weet wat jy by elkeen van hulle gaan kry. Jy kan almal van hulle met jou gewone padwoonwa bereik en jou ekstra-toegeruste 4x4 met twee daktente bo-op sal ewe tuis wees hier. Buiten die kleiner kampe soos Balule en Tsendze kan jy by al die groter kampplekke brandstof kry. Selfs 50 ppm-diesel, wat…

Vleesbaai is ’n piepklein vakansiedorp sowat 35 km van Mosselbaai af. Hier is een winkeltjie en ’n pragtige ongerepte strand. Oor Kersfees en Paasfees bars die plekkie uit sy nate met besoekers, maar dis naby genoeg vir ’n daguitstappie van Danabaai, Mosselbaai of Hartenbos af. Die Vleesbaai-4x4-duineroete is op die plaas Misgunst net buite die dorp. Dit lê in die Fransmanshoek-bewarea, en die 16 km-sirkelroete vat jou deur ’n duinestrook bo die weggesteekte strand tussen die Fransmanshoek-skiereiland in die noorde, en Kanon-natuurreservaat in die suide. Die roete is regdeur die jaar oop en jy word begelei. Die plaasmense sal jou deurvat en touwys maak oor die truuks van duinery (of met ’n tou uitsleep!). Hier word volstoom op die plaas geboer, en daarom is besprekings noodsaaklik, veral in Desember. Dan…

PATATS MET JOGURTKAAS Patatplesier Jogurtkaas kan jy enige plek maak. Jy dreineer bloot dik ongegeurde jogurt oornag buite ’n yskas in ’n vadoek. Die volgende dag eet jy die kaas met gebakte patats uit die vuur. Jy benodig (genoeg vir 6) 1 kg Griekse jogurt ¼ koppie olyfolie 1 teelepel brandrissievlokkies 1 teelepel vars tiemieblaartjies 2 eetlepels gekapte pietersielie 6 patats sout en swartpeper na smaak Só maak jy 1 Gooi die jogurt in ’n skoon vadoek, bring die punte van die doek bymekaar en hang die vadoek iewers buite die yskas op met ’n bak onder dit. Laat dit oornag dreineer. Krap die jogurt die volgende oggend uit en sit dit in die yskas. 2 Verhit die olyfolie, rissievlokkies, tiemie en pietersielie saam tot lou – dit moenie kook…

Die meeste van ons ervaar iets soortgelyk aan Dag Zero (waarmee die Kaap gedreig word) wanneer ons gaan kamp of die teerpad vir grondpad verruil, veral wanneer ons plekke sonder water besoek of waar dit vir lang tye geberg moet word. Ongeag die redes hoekom jy veral drink-water moet berg, is dit absoluut noodsaaklik dat jy leer hoe om dit ordentlik te doen. Of jy nou vir die dreigende Wes-Kaapse waterkrisis voorberei of seker maak jy het genoeg vir jou lang reis deur Botswana, daar is ’n klompie basiese dinge wat jy moet verstaan. Hoeveel het ons nodig? Die meeste van ons het al die uitdrukking gehoor ’n mens kan van brood alleen nie leef nie. Wel, dit is net deels waar, want die gemiddelde mens kan teoreties ’n goeie…

Stilte ná die storm? Sy kamerasak is áltyd by hom, sê Petri Steyn van Krugersdorp. “Ek was op pad van Pretoria na Krugersdorp toe ’n klein donderstorm voor my verbytrek. Die son het deur die wolke gebreek en op die nat pad geskyn. Daar was padwerk in die linkerbaan waar ek afgetrek het om die mooi toneel af te neem. Ek het by die agterwiel gehurk en vier raampies geneem. Party was met en ander sonder ’n kar in die regterbaan. Ek het uiteindelik besluit die een met die kar is die beste. Ek verkies die lae hoek, want dis ongewoon. Ek speel ook graag met die derdes-lyne om die komposisie te laat werk.” Petri se foto is ’n sprekende voorbeeld van ’n mooi foto waaroor ’n mens eers moet…

Ons hoor graag wat jy op die hart het! Skryf vir ons by rysleep@weg.co.za  of Weg Ry & Sleep, Posbus 740, Kaapstad 8000. Onthou asseblief om jou volledige adres en kontakbesonderhede te gee. Weg Ry & Sleep behou hom die reg voor om briewe te redigeer en verkort – en na goeddunke in die tydskrif, op die webwerf en elders te gebruik. ONTSNAP NÁ ’N MOEILIKE JAAR Laasjaar het meer as genoeg uitdagings vir ons gehad, en daarom het ons besluit om vir ’n langnaweek uit Port Elizabeth te ontsnap en te gaan kamp. Dit sou ons eerste kamp in twee jaar wees, en ons was effens onseker oor hoe sake sou verloop met ons eenjarige dogter, Immeke. Ons het álles ingepak en omtrent…

“’n Tegniese span van die vervaardiger moes al die pad Rustenburg toe ry om al die foute reg te maak.” Die plaatjie in my 1992-model Jurgens Wimpi vertel trots dié spesifieke woonwa – wat in daardie jare net meer as R20 000 gekos het – is onder die persoonlike toesig van Frank Seekoei vervaardig. Die afgelope Desembervakansie loop ek een van my kampkennisse raak in die KwaZulu-Natalse Suidkus. Hy het sy geliefde 2003-model Exclusive oor baie jare soos goud opgepas, maar in Oktober verlede jaar kry hy ’n gier en ruil hom in op ’n luukse nuwerwetse wa wat hom meer as R400 000 uit die sak jaag. Ons het skaars gegroet toe stop hy my ’n bier in die hand en vertel my van die nuwe woonwa. Iemand het…

Dit sal ook sý eerste keer oor die Bobbejaanspas wees, erken Riaan Kotzee agter die stuur van sy Toyota Hilux 2.4-dubbelkajuit-dieselbakkie terwyl ons op pad is na die bergkoninkryk vir ’n paar dae se grondpadplesier. Riaan is ’n verkoopsman by Halfway Toyota se Fourways-tak en deel van dié handelaarsnetwerk se veldryspan. Ons ry in ’n konvooi met twee ander bakkies. Ons be-stemming is die Bobbejaanspas, en die doel is om te kyk of dit ’n geskikte uitdaging sal wees vir klante wat pas ’n Toyota-bakkie of -sportnutsvoertuig gekoop het. Die proses by die Pekabrug-grenspos verloop vlot en ons vat die pad suidwaarts deur die dorp Roma. Ons kies koers na die Ramabanta-handelspos, ’n lodge wat ’n uitstekende wegspringpunt is vir diegene wat die uitdagende bergpas wil aandurf of net die…

“My suster, Mariska, woon in Johannesburg en het onlangs in die Kaap kom kuier. Ons wou saam by Jamaka gaan kamp, en omdat dit net-net minder as drie uur uit die Kaap is, het ons besluit om dit in ietwat van ’n avontuur te omskep deur die lang pad soontoe te ry. Vertel ons meer van Jamaka. Dis hemels! Dit is regtig ’n versteekte juweel in die middel van die Sederberg. Hier is lowergroen grasperke en bome wat die wêreld vol staan. Die atmosfeer en natuurskoon slaan gewoon jou asem weg, en die oomblik wat jy hier aankom, daal ’n kalmte en innerlike vrede oor jou neer. Beskryf die kampterrein... Die staanplekke is regtig groot as ek dit vergelyk met ander plekke waar ons al gekamp het. Elke staanplek het…

Bladvere bestaan sedert die tyd van die antieke Egiptenare toe ’n getroue ingenieur ’n strydwa met vering aan die bekende farao Toetankamen gegee het. Om die een of ander rede het die tegnologie verlore geraak – tot die Grieke dit twee en ’n half duisend jaar gelede herontdek het. Die Griekse tiran Dionusos van Sirakuse het die bladveer in beleëringswapens gebruik om ander Grieke met enorme spiese te skiet eerder as om sy strydwaens se ritgehalte te verbeter. Die Romeine het die bladveer by die Grieke geërf, maar vreemd genoeg het hulle ook nooit daaraan gedink om die harde rit van hulle waens daarmee te versag nie. Twee duisend jaar later, in 1804, patenteer die Engelsman Obadiah Elliot dit uiteindelik vir gebruik in perdekarre. Met die koms van die motor…

“Daardie pot was nie naastenby groot genoeg om te sorg dat almal van ons iets van alles kry nie, en ek het een van my broers aangesê om by die pot wag te hou.” Suid-Afrikaners is nou maar eenmaal lief vir hulle potjiekos. Dis deel van ons tradisie, sal hulle jou vertel, en dié manier om gaste om die vuur te onthaal. “Gesellig” en “heerlik” blyk die gonswoorde te wees om potjiekos te beskryf. Anton Goosen het ’n liedjie daaroor geskryf en beweer selfs koningin Victoria het gesê die lekkerste van alles in Suid-Afrika is die potjiekos. Wyle ds. Matie Brink, ons eie potjiekoskoning, het verskeie boeke oor die onderwerp geskryf, talle plaaslike TV-reekse met potjiekos as hooftema is al vervaardig, en as jy jou tot Google wend, kry jy…

Danie Joubert Ek geniet die wringkrag van ’n dieselenjin, maar dit voel of sommige eers die asmapompie moet nader trek voor hulle wakker word. Die geheim is om jou dieselenjin gereeld te diens en rond te soek vir die beste prys vóór jy hom volmaak. Ry ook altyd ’n ekstra dieselfilter saam, veral as jy afgeleë plekke besoek. Piet Botha Ek het eers ’n Renault Scenic 1.9 dCi gehad, en toe oorgeslaan na ’n petrolenjin toe ek die Renault Koleos 2.5 koop. Dié het ek gou weer verruil vir ’n Renault Scenic III 1.6-dieselmodel. Petrolenjins is “swakker” en die brandstofverbruik hoër. Gert Venter Al klink my Isuzu soos ’n trekker, sal ek nie weer met ’n petrolenjin sleep nie. Ons sleep met ’n Isuzu KB250 en VW Caddy 2.0 TDI.…

“Sand, rots, grond – niks hiervan kon die Kuga AWD stuit nie (binne perke natuurlik).” Elke veldryer het ’n nis waarin hy sy stempel afdruk. Die Jeep Wrangler is koning van die klippe, die Nissan Patrol is baas in die Sahara, en die Toyota Fortuner kry iets van alles reg. Die Ford Kuga se baard is nie so hard soos die Fortuner s’n nie – daardie werk is vir sy ouboet die Everest gegee. Maar vir ’n slegte grondpad en ’n matige hindernis skrik die Kuga 2.0 AWD gewis nie. Buitelangs Die tweede geslag Kuga is in 2013 in Suid-Afrika bekend gestel – ’n jaar ná die Europese bekendstelling – en hierdie opgekikkerde model het die halfpadmerk van sy verwagte lewensduur bereik. Van voor en die kant af is die…

Die vooruitsig van ’n kampnaweek by nie een nie, nie twee nie, maar tweeen-twintig watervalle is uiters aanloklik wanneer jy van die verlammende Kaapstadse waterkrisis wil ontsnap. “Ja, Meneer... hier by ons loop die water 13 maande van die jaar,” spot Joey Schoonraad in die ontvangskantoor met ’n kampeerder wat inboek. Al is Joey ’n joviale vrou, is die besprekingstelsel ’n effense kopseer. Jy kan byvoorbeeld nie op die webwerf bespreek nie; jy moet eers bel om te hoor of hier plek is. Sodra jy al die nodige inligting aan die oordbestuur verskaf het, moet jy die volle bedrag van jou kampgeld elektronies oorbetaal. Óf jy kan die helfte as ’n deposito betaal, maar dan moet die balans met jou aankoms betaal word. Boonop is die staanplek wat ons bespreek…

VISVANGOORD SWARTRUGGENSDAM ’n Buffet van vis As Jan die Bosveldbul iewers sou bly, sou dit op Swartruggens wees. En as hy ’n visstok gehad het, sou die bielie van die Bosveld sy tent teenaan die water van die Swartruggensdam opslaan. Dié dorpie lê tussen Rustenburg en die Botswana-grens, en die kampplek laat ’n mens dink aan die munisipale oorde van ouds. Maar dis gewis nie munisipaal nie en Dawie Vorster bestuur die plek al die afgelope 18 jaar. Só agtermekaar hou hy dinge dat ’n mens nie net een keer hier kom kamp nie. Te oordeel na hoe besig dit raak oor langnaweke, moet jy spring om ’n staanplek teen die water te kry. Hierdie staanplekke is op ’n lieflike groen grasmat waar wilgerbome jare terug al wortel geskiet het.…

Tawwe Toyota 2015 TOYOTA FORTUNER 3.0 D-4D  Hy gaan nog ’n paar jaar moet wag voor hy ’n Prado in die motorhuis kan trek, maar vir nou is Johann van der Merwe van Schweizer-Reneke doodtevrede met sy foutlose Fortuner. “ ’n Goeie sleepvoertuig moet sterk genoeg wees om nie met die woonwa te sukkel nie. Nadat ek die Ford Ranger oorweeg het, het ek besluit op dié tweedehandse Fortuner wat ek vir R320 000 gekoop het. Ek sleep my 1986-model Jurgens Fleetline XL met Toyota se standaardsleepstang en het nog nie enige probleme ervaar nie. Al wat effens pla, is die feit dat hy nie spoedbeheer het nie en my regtervoet moet deurgaans werk wanneer ek sleep. Die Jurgens is nou wel ’n ouer model, maar wat betref gemak en…