Innehållsförteckning för April 2018 från Weg! Ry & Sleep

Die Qashqai is beslis een van die pioniers onder kompakte sportnutsvoertuie, wat ongekende gewildheid in Suid-Afrika én elders geniet. By die plaaslike bekendstelling van die opgegradeerde Qashqai was Nissan trots om rapporteer dat hy meer as 30 000 eenhede verkoop het sedert hy 10 jaar gelede in Suid-Afrika bekend gestel is. En tot op hede is 3,3 miljoen van hulle reg oor die wêreld verkoop. Dit is ook interessant om op te let dat die Qashqai beter verkoop as sy ouboet, die X-Trail. In Europa, byvoorbeeld, word daar vir elke X-Trail wat verkoop word, drie Qashqais van die hand gesit. Omdat die motorbedryf vereis dat produkte relevant en nuut bly, is dit ’n fyn balans om ’n motor te vernuwe sonder om ’n wenresep te befomfaai. Buitelangs Gelukkig is die…

Jy is nie die enigste een wat onwillekeurig aan muskadel dink as jy die naam Montagu hoor nie – daarvoor het David Kramer gesorg. Of dalk duik die woorde “Sunshine in a packet” by jou op – die slagspreuk van die Montagu-droëvrugtemaatskappy. Die Langebergstreek bied egter veel meer as net soetwyn en verrimpelde perskes. Ons het drie gasteplase besoek, elk met sy eie 4x4-roetes wat unieke uitdagings bied. Ons roete begin op Montagu en loop antikloksgewys óm die Waboomsberg. Koop heel eerste ’n bottel rooi muskadel by die Montagu-wynkelder op die hoek van Cinsaut- en Hoofstraat (S33.77678 E20.13281) en bêre hom vir later. Ry suid tot waar Hoofstraat in Langstraat eindig en volg die R62 (die onderpunt van Langstraat) vir 1 km, uit die dorp, tot by die Talana-padteken. Draai…

Die Chinese motorvervaardiger JMC is betreklik nuut in Suid-Afrika. Laasjaar het ons hulle splinternuwe Landwind-nutsvoertuig onder hande gehad, en dié turboaangejaagde enjin met sy handratkas het behoorlik gespring. Intussen het JMC ’n outomatiese model bekend gestel met dieselfde enjin. Die topmodel heet die Flagship – en hy is onder meer toegerus met luukses soos elektriesverstelbare sitplekke en spoedbeheer. Al weet ’n mens nie veel van die Landwind nie, is die enjin ’n ou bekende: Dis die Mitsubishienjin wat dié Chinese vervaardiger by die Japannese gaan leen het. “Vir die prys is die Landwind uitstekende waarde vir geld. Vir dieselfde luukses gaan jy by ’n ander vervaardiger waarskynlik dubbel soveel betaal.” Syfers en hake JMC gebruik ’n Rhino-stang op die Landwind, en vir dié grootte nutsvoertuig kan dit beswaarlik sterker. ’n…

J y’s slaggereed om op jou vakansie te vertrek, maar die kleinspan sukkel steeds om te kies watter speelgoed móét saam en wat kan agterbly. Of dalk het jy pas besef daar’s nog heelparty herwinningstoerusting wat moet in voor jy op jou veldrynaweek kan gaan. Pleks daarvan dat alles lukraak in jou motor se kattebak rondlê, hou dit eerder netjies bymekaar. Behalwe dat dit jou huis, kampplek en woonwa se binneruim ordelik hou, laat dit jou ook lyk na ’n ou hand as dit by kamp kom. Booxe Bootbox NINJA-KRAT Dié krat is ’n innoverende liggewighouer wat in die holte agter die tweede ry sitplekke van ’n Toyota Fortuner pas. Die deksel is gelyk met die vloer, en as die matjie daaroor gerol is, gaan niemand eens weet dis daar…

Wanneer jy in die mark is vir ’n stel tweerigtingradio’s, is die groot vraag natuurlik watter soort radio die beste werk in veldrytoestande. ’n Mens wonder ook of peperduur radio’s werklik soveel beter is as hulle goedkoper eweknieë. Ons het gaan kers opsteek by Haroon Isaacs, verkoopsbestuurder by Lazer Communications in Kaapstad. Draagbaar vs. gemonteer ’n Mens sou dink draagbare tweerigtingradio’s, die sogenaamde walkie-talkies, is duurder as die gemonteerde weergawes, maar die teendeel is waar, ondanks die feit dat draagbare radio’s batterye en mikro-elektronika gebruik. Volgens Haroon het draagbare radio’s se batterye dikwels ’n betreklike lae lading van 0,4W of 0,5W, en dis te min om ’n kragtige sendontvanger aan te dryf. Daarom is hulle uitsaai- en ontvangsgebied relatief swak – gewoonlik nie meer as ’n paar honderd meter nie,…

“Toe ons ‘Skilpad’ aanvanklik gekoop het, het hy nog sy wit afwerking buite gehad. Dit het effens moeg gelyk en ons het Marthie se broer, Johan ‘Johnny’ Nortje, gevra om vir ons iets spesiaals op hom te verf. Ons geniet dit om weg te breek en besoek graag die kus en ander plekke waar ons nader aan wilde diere kan wees. Ons glo daar word oor ons wag gehou en dat ons veilig sal wees waar ons ook al reis – en het vir Johnny gevra om daardie geloof oor te dra in die tekeninge op Skilpad se buitepanele. Ons reis nou al vier jaar met Skilpad en het meer as 48 000 km met hom afgelê. En ons het nog nie enige grootskaalse probleme gehad nie. Dis nogal indrukwekkend…

Ons hoor graag wat jy op die hart het! Skryf vir ons by rysleep@weg.co.za  – onthou asseblief om jou volledige adres en kontakbesonderhede te gee. Weg Ry & Sleep behou hom die reg voor om briewe te redigeer en verkort – en na goeddunke in die tydskrif, op die webwerf en elders te gebruik. TOE GAAN DIE WOONWA OP IN VLAMME... Ons Jurgens-woonwa het ’n klompie jare gelede aan die brand geslaan en ek het ’n goeie paar lesse uit die voorval geleer. In 1983 durf ons ’n toer saam met twee van ons vriendepare – elk ook met ’n woonwa – deur Namibië aan. Boonop het ons dieselfde soort sleepvoertuig: ’n Toyota Landcruiser 4.1. Ons gemiddelde brandstofverbruik is ’n “goeie” 4,1 km/l! By die Hardapdam is die…

“Gelukkig het die lugvering vir goeie grondvryhoogte gesorg, want ons sou elke millimeter nodig hê.” Met die bekendstelling van die Velar het Land Rover se bemarkingsmense aangevoer dié nuweling is nét so bekwaam as enige ander Range Rover. Die motorskrywers wat daardie dag teenwoordig was, het beleef die kop geknik, maar onderlangs skepties vir mekaar gegrinnik. Ons het drie 4x4-roetes in die Montagu-omgewing getrotseer (lees die storie op bl. 44) om te sien of dié stelling enige meriete het. Ons toetsmotor het met rooi metaalvlokbakverf gepronk en was geskoei in 20”-Pirelli Scorpion Verdealleseisoenbande – nie juis ingerig vir veldry nie... Gelukkig het die lugvering vir goeie grondvryhoogte gesorg, want op ons roete sou ons elke millimeter nodig hê. Voorkoms Is die Range Rover Velar vir jou ’n mooi kar? Wel,…

Die afgelope jare het die boswaen woonwamark met rasse skrede gegroei, en dit kan nogal heelwat van jou tyd in beslag neem as jy begin navors watter model by jou en jou gesin se behoeftes pas. As jy modelle met mekaar begin vergelyk, is dit gou duidelik hulle is oorwegend soortgelyk. In die geval van boswaens het almal van hulle ’n groot, toe romp met af- of oopswaaideure; iewers op die wa is ’n kombuis; en bo-op die romp lê die daktent. Eintlik lyk die meeste van hulle maar dieselfde én hulle dien dieselfde doel: Jy gaan kamp daarmee, en wanneer jy weer by die huis is, wag die wa geduldig onder die afdak tot die volgende kampnaweek. Tog is daar is min, indien enige, waens op die mark waarmee…

DIS WAT JY KAN VERWAG DAG 1 Ons kom by die Alte Brucke-kampterrein op Swakopmund bymekaar en kuier die aand om die vuur terwyl jou gids jou vertel oor die 12 dae wat voorlê. DAG 2 Ons verken Swakopmund met sy eiesoortige Duitse argitektuur en probeer ’n groot verskeidenheid avontuuraktiwiteite – van vryval, sandbord- en quadfietsry tot dolfyne en walvisse kyk. (Dié aktiwiteite is nie by die toerprys ingesluit nie.) DAG 3 Ná ontbyt vertrek ons oor Seal Point na Brandberg. In die Dorob-reservaat ry ons op paaie wat van gips en soutwater gebou is, voor ons by ons oornagplek aankom waar die span al die kamp opgeslaan het en die kospotte reeds prut. DAG 4 Ons doen ’n begeleide staptoer na die Brandberg en sy bekende Wit Vrou. Ons…

Ranger bult sy spiere FORD RANGER 3.2 XLS 4x4 Hy het sy Ranger se sagteware effens opgegradeer en nou spog sy bakkie met 165 kW krag en ’n massiewe 581 Nm wringkrag, sê Andre van Heerden van Kaapstad. “Ek het twee jaar met ’n 2012- model Mazda BT-50 met dieselfde 3,2 ℓ-enjin as my Ranger s’n gery, maar ek was nie mal oor die handratkas nie. Ek het begin rondkyk vir ’n gepaste bakkie met ’n outomatiese ratkas. Ek het iets gesoek wat maklik kan sleep en steeds vir ’n gemaklike rit sorg. Ek het die Toyota Hilux en Mitsubishi Triton oorweeg, maar het uiteindelik op die Ranger besluit. Dit was in 2015 en ek het hom splinternuut gekoop. Ek kan eenvoudig nie fout vind met die bakkie nie. Ek…

Heelwat vernuwing by Jurgens Ci Jurgens Ci, die grootste wavervaardiger in die land, het behoorlik onder sy reeks waens ingeklim en spog met heelparty nuwe modelle. Gypsey Lite kry ’n opwipdak Die Gypsey Lite is Jurgens Ci se ligste woonwa en is gemik op slepers met ’n gewone rybewys (kode B). Sy brutovoertuigmassa (BVM) is 750kg en hy kan in jou gewone motorhuis pas. Die Lite Impi het ’n opwipdak teenoor die vaste dak van die standaardmodel. Die opwipdak het ’n skarnier bo die A-raam en lig net aan die agterkant, waar die deur is. Die seil tussen die dak en romp het ekstragroot gaasvensters en ’n rek span in die middel rondom die gaas wat keer dat dit tussen die dak en romp vasknyp wanneer jy hom weer laat…

Die afgelope jaar of wat het ons ons langtermyntoetsmotor, ’n splinternuwe Mazda BT-50 3.2 4x4 SLE-bakkie (dubbelkajuit, outomaties), elke maand met iets anders toegerus om hom uiteindelik te omskep in ’n hardebaard veldryvoertuig. Ons het begin met ’n stel BF Goodrich T/A-bande en daarna ook ’n staalagterbuffer, bosbreker, wenas, pensplaat, treeplanke, aluminiumkappie en ’n stel kolligte toegerus. Die tyd het egter aangebreek om die bakkie vir die vervaardiger terug te gee, en as ’n broodnodige swanesang skenk ons nou aandag aan die vering. Lig hom op Die BT-50 se oorspronklike veerstelsel, hoe goed hy ook al deur Mazda se witjasse ontwerp is, was uiteindelik te lig in die broek vir al die veldrymodifikasies wat ons gedoen het. Dinge soos die kappie en veral die staalbuffers voor en agter het die…

D it is 27 September en die herdenking van die Van Stadens se troudag. Ná 42 jaar en ’n hele hoop sakke sout dink hulle teen dié tyd heel eenders oor die meeste dinge. Daarom vergeet hulle van uiteet en besluit om eerder hulle huweliksherdenking in die kajuit van hulle 4x4 te vier. Gewapen met die ou WegRy #59 uit hulle versameling druk hulle die Isuzu se neus in die pad. Saadjie van twyfel geplant “Ons het in die ou WegRy oor die Ou Posroete gelees en besluit dit is iets wat ons ook wil beleef. Ter viering van ons spesiale dag beplan ons om by die Enjo-gasteplaas in die Biedouwvallei te kamp en dan die Ou Posroete na die Tankwa-Karoo te…

Daar is mense wat nogal soos die Grensvegter lyk wanneer hulle gaan kamp. Nee, dis nie omdat hulle met ammunisiegordels, magasyne en granate toegerus is nie, maar eerder voorbereid is vir die oorlog teen goggas. Ons praat hier van elke denkbare insekweerder waaraan jy kan dink: Spuitblikkies, smeerroom, kerse, olie en ’n buisserp – enige moontlike maatreël om muskiet se kind van jou lyf af te hou, veral terwyl jy slaap. Min dinge maak ’n mens so vies soos die kenmerkende gezoem van ’n muskiet in die middernagtelike ure. Enigiemand wat sê dit pla hulle nie, is óf ’n leuenaar óf ’n snorker óf iemand wat die bottel leeggemaak het voor hulle ingekruip het. Dis erg genoeg om tuis met steurende muskiete opgeskeep te wees, maar wanneer ons wegbreek om…

Ek glo nie aan zombies, weerwolwe en spoke nie. Vir my is daai goed gelykstaande aan Marsmannetjies wat in vlieënde pierings rondrits. En tog was daar ’n paar angswekkende voorvalle in my lewe wat ek nou nog sukkel om te verduidelik. Die eerste een was toe ek my fortuin in Londen, Engeland, gaan soek het toe ek in die twintig was. Ek het ’n klompie weke lank as ’n rondreisende sekerheidswag gewerk tot ek ’n meer lonende beroep kon vind. Een van my skofte was in ’n kinderhospitaal uit die Victoriaanse era. Die hospitaal is ’n paar jaar tevore gesluit en ek was basies net daar om te keer dat vandale dié staatsgebou snags verniel. Ek het die pikdonker sale laatnag gepatrolleer. My flouerige flitslig het ou kindersketse – vetkryt…