Innehållsförteckning för June 2018 från Weg! Ry & Sleep

Volvo laat nie met hom speel nie: Dié maatskappy het reeds talle motortoekennings in verskeie markte ontvang, én sy stigma van vervelige dog veilige motors afgeskud. Deesdae is Volvo sensasioneel sonder om die veiligheidsbal te laat val. So is dit ook met die nuwe XC40. Nadat hy as Europese Motor van die Jaar aangewys is, het hy in Suid-Afrika aangeland. Ons het die XC40 rondom Midrand in Gauteng bestuur, en hoewel ons nie genoeg tyd gegun is om ’n deeglike toets te doen nie, kon ons nietemin ’n redelike indruk vorm. Hoe lyk hy? Buitelangs herinner die XC40 se stomp lyfie aan ’n bulhond, maar anders as met daardie ras, het hy die bene van ’n terriër. Die bakwerk staan hoog van die grond af en daar is plastiekpanele op…

“Die Swaeltjies het in 1998 by die ATKV-Eiland-spa ontstaan toe ’n klomp kampeerders besluit het dit sal lekker wees om kontak te behou. Ons het besef almal van ons, van wie die meeste pensioentrekkers was, is nét soos swaeltjies wat vlug van die koue,” vertel die voorsitter, Paul Jansen. Hy beklemtoon hulle is nié ’n geregistreerde klub nie, maar eerder ’n vriendekring. Hulle het wel ’n amptelike embleem, en wanneer jy aansluit, kry jy só ’n embleem plus ’n nommer. Jou naam, foonnommer, adres en verjaardagdatum word ook op hulle lys gesit wat dan onder lede versprei word saam met hulle nuusbrief, wat ook inligting bevat oor aktiwiteite wat beoog word. Dié aktiwiteite word saam met die oordbestuur beplan en sluit gesellighede soos bring-en-braai-, sop- en kerrie-en-rysaande in. Hulle speel…

HOENDER-EN-GROENTESOP Kiepie met skop Omskep ’n blikkie sop met hoenderborsies in ’n heerlike, stewige maaltyd. Jy benodig (genoeg vir 4) 1-2 koppies hoenderaftreksel 2-3 hoenderborsfilette, ontbeen en ontvel 1 blik (400 g) sampioenroomsop 1 pak groentenoedels (soos murgpampoentjie) sout en swartpeper na smaak vars pietersielie (opsioneel) Só maak jy 1 Verhit die hoenderaftreksel in ’n pot tot kookpunt en prut die hoenderborsies vir sowat 15 minute daarin. Skep die hoender uit, trek dit met twee vurke in repe en gooi dit terug in die pot. 2 Roer die sampioensop by en verhit tot kookpunt. Roer dan die groentenoedels by en verhit alles saam tot deurwarm. Proe en geur dit na smaak met sout en peper. Sit dit voor met fyngekapte pietersielie, indien verkies. Weg Ry & Sleep sê…

“Ek en my beste pêl, Leon Vermeulen, is kranige kampeerders en ons bespreek al geruime tyd die moontlikheid om met Agarob en Engeltjie te gaan kamp. Agarob is my 1968 Land Rover Series 2A en Engeltjie is Leon se 1969 Sprite Musketeer-woonwa. Ons hou van ’n uitdaging en wou sien of dit prakties moontlik is sonder enige teëspoed. Onthou, manne wat nog met dié reeks Land Rovers ry, waai nie om te groet nie, maar eerder om te wys hulle hande is sover nog skoon vir die dag. Ons het onlangs uit Durbanville vertrek en op die Weskuspad na Yzerfontein gery. Ons het selfs ons kleredrag uitgekies om by die geleentheid te pas – Leon het sterk herinner aan ’n slinkse Engelse bankier uit die jare sestig. Dit was nogal…

Vyftien jaar gelede het Porsche die luuksevoertuigmark lelik deurmekaar gekrap met sy Cayenne. Britse en Italiaanse sportmotorvervaardigers het eers teen die sportnutsgier vasgeskop, maar die skrif was aan die muur en elke motorvervaardiger het mettertyd aanvaar jy móét ’n sport-nuts in jou arsenaal hê as jy suksesvol wil wees. Deesdae het Jaguar ’n F-Pace, Alfa ’n Stelvio, eersdaags is daar ’n Lamborghini Urus op ons paaie, en Ferrari én Rolls-Royce werk onverpoos om ook húlle sportnuts oor ’n jaar of twee gereed te hê. Veldryvermoë is nie meer so belangrik as wat dit voorheen was nie. Solank ’n weelderige ryding allewielaangedrewe is en jy op die ou in die kar langs jou kan neerkyk, is die saak reg. Ons toets Maserati se Levante S op bergpasse en sandduine om te…

As ’n mens kyk hoe die nuwe Land Rover Discovery vir slepers toegerus is, wil jy amper sê hy ken sy gelyke in dié marksegment nie. Kyk maar na al die nuwighede: Die agtervering se hoogte kan onder meer hoër of laer stel, wat beteken die bolhoogte sak of lig saam met die vering. Dit maak dit maklik om waens van verskillende hoogtes sonder ’n sakplaat te haak. Die stang het ook ’n ingeboude elektroniese skaal sodat jy weet wat die koppelstuk van die wa op die bol weeg. Verder gaan die Discovery self die ligte van die woonwa na om te sien of al die gloeilampies werk soos dit moet. En asof dít nie genoeg is nie, help die Discovery jou ook om met die wa om ’n draai…

Wanneer dit tyd is om ’n nuwe ryding aan te skaf en jy wil jou ou een van die hand sit, gaan die meeste mense heel eerste kyk na die toestand van jou sitplekke om vas te stel hoe goed jy jou voertuig opgepas het. Dit is dus ’n goeie plan om ’n oortreksel vir jou sitplekke te kry, want dit is amper ’n soort versekering wat jy vir jou motor se binneruim uitneem. Jy kan onooglike vlekke, reuke en onnodige slytasie op jou sitplekke voorkom met een van dié oortreksels. Mellvill and Moon Traditional vir Toyota Hilux Tradisioneel en taai Net soos die ander oortreksel van dié handelsnaam het hierdie driestukstel flappe wat meegee indien ’n lugsak ontplooi word. Die seil is van suiwer katoen vervaardig en die materiaal…

Alles loop (meestal) reg 2016 TOYOTA HILUX 2.8 GD6 4x4 Afgesien van ’n paar klein dingetjies wat pla, het hy nog net pret gehad met sy Toyota Hilux, sê Lourens Greyling van Louis Trichardt. “Ek het voorheen met ’n Fortuner gery en toe vir omtrent ’n jaar ’n Hilux Legend 45 gehad. Die Legend het klein probleempies gehad en ek het twee jaar terug begin jeuk om vir my die splinternuwe Hilux vir R570 000 te koop. Hy is gemaklik, betroubaar, veilig en het hope krag. As geld nie ’n probleem was nie, sou jy my nou agter die stuur van ’n Land Cruiser 200 VX gesien het, maar ek is doodtevrede met my Hilux, wat ek op ’n daaglikse grondslag bestuur. Met my 2014-model Wildebeest Exclusive op die standaardhaak…

“Trek aan julle stewels, want as ons moet hardloop, wil jy dit nie kaalvoet doen nie.” Ek het met kamp grootgeword – elke jaar het ons gesin van Sasolburg af die pad Sodwana toe aangepak. Die laaste 100km of wat was grondpad, en male sonder tal het Pa met die Opel Rekord en die opslaanwoonwa vasgeval, want die laaste stuk was die ene los sand oor lae duine. Soos ek dit onthou, het ons gesin nooit regtig alleen gekamp nie. As dit nie Pa se (toe) ongetroude broer, oom Peet, was nie, dan was dit oom Evan Corbett-hulle – ’n werksvriend van my pa, wat saamgekom het. Selfs Ma se swaer, ’n lang maer Hongaarse sakeman wat ek altyd net in ’n swart pak en ’n dun das gesien het,…

Okto Caravans, ’n nuwe plaaslike wavervaardiger, het pas aangekondig dat hy die Suid-Afrikaanse woonwamark betree. Okto se aanleg is in Pretoria-Noord, met Loftus Caravans in Randburg die Gautengse tak. Twee bestaande woonwahandelaars in Kaapstad en Durban is aangewys as Okto-handelaars en sal eersdaags bekend gemaak word. Die eienaars en aandeelhouers van Okto spog tussen hulle met dekades se kennis en ervaring. Keith Laing, voormalige besturende direkteur van Jurgens Ci, en Tinus van Wyk, wat by dié maatskappy as produksiedirekteur diens gedoen het, staan aan die stuur van Okto. Woody, Joël en Neil Loftus van Loftus Caravans, die grootste padwoonwahandelaar in die land, behartig Okto se bemarking. Met 30 jaar in woonwaverkope op hulle kerfstok ken hulle die mark en weet presies wat kopers se behoeftes is. Aan die ontwerpkant word…

Skurweberg is ’n werkende skaapplaas in die Roggeveld, sowat 45km buite Sutherland. Die plaas lê in ’n vallei weerskante van die Visrivier, skaars ’n hanetree van die Oubergpas wat teen die platorand af tot in die Tankwa-Karoo kronkel. Jy kan in ’n selfsorghuis kom oorslaap óf kamp langs die rivier. Doendinge is hier oorgenoeg: stap, bergfietsry, in die rivier swem, sterrekyk of bloot die plaaslewe saam met Witjan en Elsa van der Merwe ervaar. Maar Skurweberg is eintlik meer bekend vir sy 4x4-roe-te al langs die platorand, met uitdagende kliphindernisse en besonderse uitsigte oor die Tankwa. Hoe lyk dit, sien jy kans vir Granny’s Bum, Broekskeur en Banggat? Só ry jy Die roete begin en eindig by die plaashuis. Die pad begin dadelik teen Kameelkop uitklim en jy ry effens…

D it kan ’n mens se planne lelik deurmekaar krap as jy jou reis haarfyn beplan het, maar dan uitvind jy het iets kleins misgekyk – iets wat die potensiaal het om die hele ervaring in die wiele te ry. In Fred se geval het hy besef hy het die verkeerde datum verskaf toe hy sy ryhuis vir verlede jaar se AfrikaBurnfees bespreek het. Gelukkig het hy vier maande voor die tyd besef hy’t ’n fout gemaak. Hy het nog tyd gehad om ’n ander voertuig te kry vir einde April. Hy kon egter nie ’n gepaste een op-spoor vir daardie tyd nie – en uiteindelik het hy besluit om een te koop en só seker te maak hy loop nie die fees in die Tankwa-Karoo mis nie. Presies wat…

K om ons val met die deur in die huis: Die Maxmo Campy is nié die eerste prentjie wat by jou opkom as jy aan ’n ryhuis dink nie. Dit is nie die soort huis-op-wiele waarmee ’n afgetrede paartjie vir maande aaneen in die winter in die KwaZulu-Natalse Suidkus gaan uitspan nie. Wat dit wel is, is ’n raakvat-oplossing vir aktiewe avontuursoekers wat ’n voertuig nodig het om die buite- en kamplewe te geniet terwyl hulle dieselfde ryding in die week gebruik om die kinders in die stad rond te karwei. Die Engelse noem dié soort ontspanningsvoertuig ’n hybrid. Leon Ras, eienaar van Maxmo, sê hy is baie opgewonde oor die Campy, die kleinste van die reeks ryhuise wat hy vervaardig. “Ons skep hier iets nuuts vir die plaaslike mark,”…

Jy is in die middel van nêrens met jou boswa om ’n bietjie nader aan die natuur te kom en jou ys-vrieskas is van hoek tot kant gepak met alles van tjops en wors tot die vars tamaties en kaas vir die allerbelangrike braaibroodjies. Maar die papaja tref die spreekwoordelike waaier en die ys-vrieskas gee die gees – en nou voel dit vir jou jy is ’n leeftyd weg van die beskawing af sonder enige vars proviand. In situasies soos dié waarin jou daaglikse voeding bedreig word, help dit om ’n plan B te hê. Gelukkig hoef jou oorlewing nie af te hang van daardie droë en onsmaaklike beskuitjies nie. Ons het gaan soek na kos wat byna onbederfbaar is – en op ’n klompie gawe verrassings afgekom waarin geen…

As Dooievlei léwe kry Hulle is Namibië toe om haar man, Glen, se 50ste verjaardag te vier, en sy het met dié natuurtoneel teruggekeer huis toe, vertel Sally Mackay van Durban. “Ek het dié foto in die ikoniese Dooievlei in Namibië geneem. Tussen die dooie bome deur kon ’n mens ’n paartjie sien wat aan die ander kant van die vlei staan. Van my kant af is hulle netjies omring deur die bome en dit vorm ’n toevallige raam om hulle. Die mense gee skaal én konteks aan die foto met sy dorre omgewing as agtergrond. Ek het ook op swart-en-wit besluit om die tekstuur van die dooie bome uit te lig.” Dooievlei is op elke ernstige natuurfotograaf se emmerskoplys, en wanneer jy daar is, móét jy die meeste maak…