Innehållsförteckning för October 2018 från Weg! Ry & Sleep

Die maatskappy Pro Auto Rubber bied nou ’n rubberseëlstel vir jou Ford Ranger T6-reeks se laaibak. Die seël is deel van ’n selfdoenstel wat uit die volgende items bestaan: ’n Rubberseël, skroewe, kleefband en 3Malkohollappies. Saam met ’n laaibakdeksel of -seiltjie kan jy die laaibak ordentlik seël sodat jou kamptoerusting stofvry bly. Pro Auto Rubber verkoop ook laaibakmatte en vloermatjies vir jou Ranger se binneruim. ’n Rubberseëlstel kos R1 150 en is verkrygbaar by jou naaste Pro Auto Rubber-tak in Boksburg, Kaapstad, Durban, George en Pinetown. Kontak 011 823 5541 stephan@proautorubber.co.za  (sê vir hulle Weg Ry & Sleep het jou gestuur). >…

Caravan Fitment Centre se werkswinkel in Mayville, Pretoria, het van adres verander. Hulle deel voortaan ’n perseel met die woonwahandelaar Pretoria Caravans & Campworld in Gezina. Caravan Fitment Centre het ’n ooreenkoms met dié wahandelaar gesluit om onder meer herstelwerk en woonwadienste oor te neem. Pretoria Caravans & Campworld behou sy eie werkswinkel waar hulle voorafleweringsdienste doen. Caravan Fitment Centre doen al 20 jaar sake, en buiten die spesialisherstelwerk aan woonwaens en sleepwaens voer hulle ook Enduro-woonwaskuiwers in. Kontak 082 575 1924 of 087 160 0374 info@caravanfitmentcentre.co.za caravanfitmentcentre.co.za…

As jy een van daardie veldryers is wat kniediep deur die water ry eerder as oor die brug, is dit wys om ’n asemerstel (breather kit) te oorweeg. Ironman se dubbelgefiltreerde asemerstel hou die water uit die ewenaar terwyl jy houtgerus jou kar te water kan lei. Die stel kom met ’n olieweerstandige pyp (10 m) met ’n spruitstuk vir twee koppelings. By die spruitstuk het elkeen van die twee pype ’n eie filter om stof uit die stelsel te hou. Buiten ’n ewenaar pas die stel ook op ratkaste (wat ’n oordraratkas insluit) en wenaste. Prys R995. Kontak 011 634 7770 sales@ironman4x4.co.za ironman4x4.co.za…

Die Sondela-reservaat digby Bela-Bela het onlangs gewemel van Land Cruisers. Net soos laasjaar het Marius Opperman van Trio Events Toyota Land Cruiser-eienaars genooi om te kyk of hulle 2017 se konvooirekord van 415 kon klop. Marius-hulle het ongelukkig die rekord met twee voertuie gemis, maar het die Afrikarekord vir die meeste statiese Land Cruisers op een perseel verbeter. Vanjaar se 491 is 57 voertuie meer as laasjaar. Van al die modelle het die FJ die meeste aandag getrek. Die eienaars van N1 4x4 Pretoria het met die oudste model, ’n FJ 25 uit 1959, opgedaag. Filly Prinsloo van Agulhas het met sy FJ die verste afstand na die saamtrek afgelê en 1 801 km gery. Niemand kon Pieter Banninga se kilometers agter die rug in sy FJ45 troef nie. Teen…

“Die Panda is klein en rats genoeg dat jy óm die meeste hindernisse eerder as óór hulle hoef te ry.” Dit is lekker as ’n piepklein sportnuts jou diep beïndruk deur amper so goed as ’n hardebaard veldryvoertuig te presteer. Dis immers waarom ons vir die buiteperd skree in ’n toernooi. Nes met die Suzuki Jimny het Fiat Panda-eienaars ook staaltjies te vertel oor hoe dié outjie ’n Jeep op sy neus laat kyk het, maar is sulke Dawidteen-Goliat-stories geloofwaardig of bloot spog- en veral bogpraatjies? Ons het die Fiat Panda Cross na die Honingklip-4x4-roete (’n graad 3 tot 5-meneer) buite Hermanus in die Kaap geneem om te sien wat hy in die berge kan vermag. Binne en buite Soos sommige steekhaarbrakkies is die Panda buitelangs skoon mooi van lelikgeit,…

Die eerste ding wat jy moet doen, is om op jou bestaande rybewys te kyk of jou kode jou toelaat om ’n woonwa te sleep. Dit word reg in die middel van jou rybewyskaart aangedui, langs die woord “Code”. As jy jonger as 40 is, is die kans goed dat jy ’n kode B-rybewys het – mits jy met jou bestuurstoets ’n wa op die haak gehad het. Met ’n kode B mag jy ’n ligte voertuig bestuur en ’n waentjie met ’n brutovoertuigmassa (BVM) van 750 kg of minder sleep. Dit is goed en wel vir jou Ventertjie, maar die BVM van die meeste waens op ons paaie is hoër as dit, en vir hulle het jy ’n kode EB-rybewys nodig. Met dié meneer mag jy ’n gelede voertuig…

Hoewel die meeste joernaliste in die motorbedryf graag wil glo dat hulle iewers op ’n glyskaal tussen Jan Alleman en Jody Scheckter lê as dit kom by bestuursvernuf, moet ek ’n moersleutel in die speke gooi deur te bieg dat die oorgrote meerderheid van ons nie ryklik geseën is met bestuurstalent nie – veral as dit kom by onvoorspelbare oppervlakke soos grondpad. Ja, heelparty motorskrywers probeer die voorbeeld van hulle helde navolg, groot name soos Michael Schumacher of Sarel van der Merwe, maar die waan bring jou net só ver, want die meeste motorskrywers het eintlik ook ’n beperkte talent op die renbaan. Tien jaar gelede het ek niksvermoedend geglo motorjoernalistiek is ’n droomberoep. Watter tiener met 98-oktaan in sy are sou nié daarvan hou om esse te kap met…

Wat aanvanklik net ’n besoek aan Namibië sou wees in 2016, het vir Chris Erasmus van Kempton Park gelei tot ’n onderneming wat teardrop-waentjies vervaardig. Chris het drie waentjies vir hulle klein toergroep gebou om die suide van Namibië te besoek. Ná vier weke en 7 000 km het Chris, ’n lugvaartontwerper van beroep, besluit om sy hand aan ’n nuwe uitdaging te slaan. Road-Tripper Adventure Trailers het die lig gesien, en vandag bou dié vervaardiger vier verskillende weergawes van die immergewilde teardrop-ontwerp. Die vier modelle wissel van ’n tipiese teardrop-waentjie tot ’n wa wat jy agter jou veldryer kan haak om die boendoes in te vaar. Die reeks se pryse wissel tussen R57 000 tot R75 000, en buiten die grootste model, die XL Limited Edition wat 60 cm…

Sherpa Leisure het ’n bagasiewaentjie by sy reeks gevoeg. Een van die groot kenmerke van Sherpa is die volle veselglasromp, iets waarmee die nuwe FibreTrail-waentjie ook toegerus is. Die waentjie het ’n laaigedeelte met ’n deksel wat tipies is aan bagasiewaentjies, én ’n afsonderlike neuskas. Die noodwiel pas in sy eie luik onder die vloer van die laairuim. Hierdie luik het ’n prop ingeval daar water in die waentjie is waarvan jy ontslae wil raak – soos wanneer jy die binnekant uitwas. Die eienaar van Sherpa, Neville de Meillon, sê hy het die FibreTrail se ontwerp by die grootte van ’n Hyundai i20 aangepas. “Daar is ’n groot aanvraag na dié soort waentjie, veral omdat dit van veselglas gebou is. Dit pas veral kopers wat naby die kus bly waar…

Conqueror, een van die grootste boswa- en woonwavervaardigers in die land, het ná ’n jaar se onderhandelings sy eerste UEV-490-woonwa na Kanada uitgevoer. Die wavervaardiger voer al ’n geruime tyd hulle waens uit na lande soos Amerika en Australië (Conqueror se grootste uitvoermarkte), Saoedi-Arabië en dele van Europa. Omdat elke land sy eie sleepregulasies het, kan waens nie bloot van hier af uitgevoer word sonder dat dit aangepas word nie. Amerika en Kanada vereis byvoorbeeld spesifieke elektriese remme. Hierdie remme word ingevoer, by die fabriek in Heidelberg op die Conqueror-waens gemonteer, en dán word die wa uitgevoer. Die UEV-490 staan plaaslik as die Commander bekend en is die grootste produksieboswoonwa wat Conqueror bou. As sake volgens plan verloop, gaan die res van Conqueror se reeks ook later na Kanada uitgevoer…

“Die dinamieser ontwerp, hipermoderne ligte en groter wiele span wel almal saam om van die Touareg ’n aantreklike motor te maak.” Daar was ’n tyd toe die Volkswagen Touareg hom geroem het op sy veldryvermoë, en ’n opgewarmde weergawe het tussen 2009 en 2011 drie agtereenvolgende Dakar-titels verower. Maar in die parkeergarage by die voorstedelike winkelsentrum, tussen al die blink BMW X5’s, Audi Q7’s en Mercedes-Benz GLE’s, was die goedkoper en valer Touareg die lelike eendjie tussen al die duur sportnutsvoertuie. Dinge het vanjaar dramaties verander. Die derde geslag Touareg het van sy veldryvermoëns prysgegee om te fokus op dinge soos ritgehalte, gemak en luukse toerusting. Nie net is dit nou die mees gevorderde (en duurste!) Volkswagen nóg nie, maar hy hoef nie meer een duim terug te staan vir…

Toe die Van Rensburgs as deel van ’n konvooi van drie karre by die voet van die beroemde Van Zylspas in Namibië aantree, was die spannings- en opgewondenheidsvlakke hemelhoog. Hulle het dié deel van ons buurland in “Little Suzie”, hulle 15-jarige Isuzu KB280 met ’n abbawa, aangedurf. Saam met hulle was hulle vriende Hennie en Brenda Beukes van Vaaloewer in ’n Toyota Hilux 3.0 (dubbelkajuit) en Johan en Janet Borman van Rustenburg in hulle Fortuner 3.0 D-4D. Min het dié toergroepie geweet van die drama wat vir hulle sou voorlê. Gallie vertel… Van Zyl se baas “Ons is uiteindelik by die begin van die Van Zylspas en Hennie en Brenda bied aan om die voortou te neem. Ek en Johan stap vooruit om die veiligste lyn tussen die klippe en…

“’n Mens sou dink die 3,6 lenjin het ’n groot keelgat, maar oor sy 16,7 l/100 km – dit is 6 km/l – terwyl hy ’n wa van ’n ton op die haak sleep, kan ’n mens nie kla nie.” Wat sê die boekie? Brandstof 95 oktaan-petrol Enjin 3,63 l Silinders 6 (bokserenjin) Krag 191 kW @ 6 000 r.p.m. Wringkrag 350 Nm @ 4 400 r.p.m. Ratkas 6 spoed-outomaties (CVT) Aandrywing Allewiel Tarra 1 698 kg BVM 2 130 kg BKM 3 930 kg Waaddiepte Nie beskikbaar nie. Sleepvermoë vir geremde sleepding Tot 1 800 kg Afmetings 4 815 mm (l); 1 840 mm (b); 1 675 mm (h) Asafstand 2 745 mm Spoorwydte 1 570 mm (voor); 1 580 mm (agter) Grondvryhoogte 213 mm Brandstoftenk 60 l Prys…

Dit help om gereed te wees en ’n flits aan jou sy te hê die dag wanneer jy sonder krag sit. Dalk slaan Eskom toe met beurtkrag by die huis en jy sit sonder vuurhoutjies en kerse, of dalk het jou motorsleutels soek geraak in ’n tienmantent, óf dalk wil jy ondersoek instel buite die woonwa as jy iets gehoor het. ’n Goeie flits kan die oomblik red. ZARTEK- HERLAAIBARE LED-KOLLIG In die kol Die Zartek is meer ’n kollig as ’n flits en spog met ’n pistoolgreep om dit maklik te hanteer en in die rigting te skyn waarheen jy wil kyk. Hy het ook ’n los rooi lens (as jy byvoorbeeld op diere wil skyn), twee helderheidsverstellings asook ’n strobiese funksie. Dit kan met twee soorte elektrisiteitsbronne herlaai:…

Jy kan net sowel jou kop in ’n byenes druk as jy beweer een vervaardiger se bande is die beste. Daar is selfs argumente oor watter sóórt band die beste is. Kom ons vermy dié netelige sakie en fokus eerder op ’n paar interessante feite: Van watter soort bande op jou voertuig aard tot wat die 10-jarige Johnny Dunlop vir Kersfees gekry het... Watter wiele? Padbande kan in vier subkategorieë ingedeel word: Somerbande (1 hieronder) is wat jy tipies in Suid-Afrika kry as gevolg van ons matige klimaat. Winterbande (2) is gewild in plekke soos Noord-Europa en Kanada in die Noordelike Halfrond waar dit selfs in laagliggende streke sneeu. Vierseisoenebande (3) lyk baie soos winterbande, maar hulle raas minder op teerpaaie en het dikwels ’n langer lewensduur. Hoëverrigtingbande (4) sal…

“Ek ry al langer as drie dekades met motorfietse, en 25 van daardie jare kon jy my op Honda se luukse Gold Wing-modelle vind. Ek ontwerp en bou ook driewielmotorfietse wat die Gold Wing as basis gebruik. My kreatiewe kant het egter begin jeuk en ek moes iets baie uitdagends aandurf om daardie jeukplek te krap. Ek het op die internet ’n foto gesien van ’n pasgemaakte driewiel wat in Australië gebou is, en besluit ek gaan hom sover moontlik probeer naboots. Ek het in Januarie verlede jaar met die projek begin en die hulpbronne van my onderneming in Kempton Park, EM Truck Bodies, gebruik. Ek wou hê die driewiel moes ’n wa kon sleep. Die 2017-model Sherpa Rambler weeg omtrent 900 kg en daarom het ek hoofsaaklik staal gebruik…

Die produksielyn van die Jurgens Ci-aanleg in Ga-Rankuwa staan sedert Julie al stil, en volgens ’n hooggeplaaste bron by die vervaardiger is daar tans ook geen mense by die aanleg wat woonwaens bou nie. Weg Ry & Sleep het Jurgens Ci se eienaar, Paul Kyriacou, om kommentaar genader, maar hy het hom nie oor die stand van sake by die aanleg uitgelaat nie. “Ek sal dit doen wanneer ek klaar is waarmee ek besig is.” Hy het wel gerugte ontken dat van sy personeel vir maande nie betaal is nie en gesê alle salarisse is op datum. Jurgens is die grootste woonwavervaardiger in die land wat digby 30 Campworldhandelaars landwyd van voorraad voorsien. Die handelaars sukkel egter al geruime tyd om nuwe woonwaprodukte aan te vul. Arnold Prosch, ook ’n…

Hier’s ’n stukkie goeie nuus vir lesers in Bloemfontein: Jacky Smith, wat meer as 30 jaar ervaring in die woonwahandel het, het nou haar eie handelaarskap, Bloemwa, in die Vrystaatse hoofstad geopen. By Bloemwa kry die boswa en boswoonwavervaardiger Echo4x4 boonop sy tweede vastrapplek op ’n Vrystaatse vertoonvloer. Dié waens was vroeër net by Outdoor Junction op Bothaville beskikbaar. Én dan het Jacky-hulle kragte saamgesnoer met Sherpa Leisure en die regte in die Vrystaat bekom om dié gewilde waens in die provinsie te verkoop. Buiten al die nuwe woonwaens het Bloemwa ook ’n kampwinkel met basiese woonwaonderdele en kamptoerusting. Daar’s ook ’n dienssentrum ingerig om aan alle fabrikate te werk. Om die prentjie te voltooi verkoop Bloemwa tweedehandse woonwaens. Adres Faan Ferreira-laan 24B, Langenhovenpark. Kontak 083 702 8970 info@bloemwa.co.za bloemwa.co.za…

Die Padverkeersbestuurkorporasie (RTMC) is besig om ’n elektroniese diens bekend te stel waarmee jy afsprake vir leerlinglisensie- en rybewystoetse kan maak. Met dié stelsel sal aansoekers self kan kies op watter datum en tyd hulle ’n toetsafspraak wil maak. Die hoop is dat dit nie net lang rye by die toetssentrums sal uitskakel nie, maar ook korrupsie. Die stelsel kan ook gebruik word om bestaande rybewyse te hernu. “Ons het gevind dat sommige korrupte verkeersowerhede inmeng met afspraakdatums vir eie gewin. Ons gaan hierdie korrupsie takel en die diens aan die publiek verbeter,” sê Simon Zwane, woordvoerder vna die RTMC. Die korporasie het sy eie korrupsieskandaal in 2012 oorleef nadat dié agentskap se laste sy bates oorskry het omdat e-Natisgeld van R200miljoen wat aan die nasionale inkomstefonds behoort, onregmatig deur…

Soos ons in Weg Ry & Sleep #13 genoem het, het die Hilux Dakar-weergawe ’n voorsmaak gegee van hoe die res van die Hilux-reeks ontrimpel gaan word. Toyota se bakkie kry voorlangs ’n nuwe buffer, hoofligte en sierrooster. Binnelangs erf hy ook die Dakar-weergawe se pikswart afwerking. Veertien enkelkajuitmodelle is beskikbaar met pryse wat wissel van R253 200 (2.0 VVTi-handrat) tot R525 800 (2.8 GD-6 4x4 Raider-outomaties). Daar is ook 6 Xtra-cab-modelle (R386 700-R555 300) en 13 dubbelkajuitbakkies wat by R385 100 begin en eindig by R663 800 vir die vlagskipmodel-V6 Raider 4x4. In ’n interessante wending het Toyota besluit om die sogenaamde “chassis cab” terug te bring. Jy kan nou ’n Hilux sonder sy laaibak koop. Dis veral goeie nuus vir insleepdienste, meubelvervoerders en wildkyktoeroperateurs…

Ons moet uit die staanspoor noem dat die nuwe EcoSport nie allewielaangedrewe is nie – as viertrek vir jou belangrik is, moet jy eerder verby hou. Wat Ford se babasportnuts wel bied, is puik vastrapbeheer en goeie grondvryhoogte vir wanneer die grondpad skielik in ’n gemorspad ontaard. Ons was verras deur hoe bekwaam die EcoSport oor klippe klouter – op plekke waar sommige mededingers hoog en droog op hulle asse sou hang. Hulle’t dít nie beplan nie Dit is al geruime tyd donker wanneer ons konvooi met ’n uitgetrapte grondpad dieper die Middelland van KwaZulu-Natal inry op soek na Zingela Safari & River Company, ons slaapplek vir die aand. Om doodeerlik te wees weet geeneen van ons in die konvooi – behalwe Ford se mense wat voor vat en die…

Geniet ’n gesinswegbreek waar jy nie ’n vinger hoef te verroer nie – jy kan net ontspan en die omgewing rondom jou indrink. Jy bly in ’n beskutte luukse tent in ’n oeroue woud. Die kos wat jy eet, kom uit die omgewing en word langs die rivier gemaak en voorgesit. Stap, roei, ry fiets en kyk voëls saam met ’n gids of ontspan net en herlaai jou batterye in hierdie mooi hoekie van ons land. DIE VOLGENDE AKTIWITEITE IS INGESLUIT BY DIE PRYS* • Twee gesonde etes per dag, berei deur ons boskokke. • ’n Begeleide kano-uitstappie op ’n rivier in die omgewing. • ’n Begeleide kusstap. • ’n Begeleide uitstappie na die Knysnawoud in ’n konsessiegebied van die Tuinroete- nasionale park. • Die kamp het sy eie bergfietse en kajakke wat gaste…

"Ons het met my betroubare ou 2013-model Land Rover Defender met ’n Bush Lapa Boskriek op die haak gaan kamp en by die De Vlei-plaasstal op die R46 naby Hermon by ons vriende aangesluit. Ons het saam eers ontbyt geniet voordat ons na die Ceresvallei vertrek het. Ons het met die Mitchellspas aan die westelike kant van die dorp ingery en in die rigting van die N1 gehou voor ons die afdraai na Touwsrivier geneem het. Ons het by Gecko Rock, die Anysbergnatuurreservaat, Mavuradonha, Die Hel, Ebb & Flow, Eagle Falls en Kleinplaas naby Oudtshoorn gekamp. Vertel ons meer oor Kleinplaas... Die personeel is baie vriendelik en die oord word deurgaans skoon en netjies gehou. Hier is meer as genoeg koeltebome en kragpunte en elke staanplek het sy eie kraan…

Subaru het in die jare negentig ’n huishoudelike naam geword, veral ná sy sukses in tydrenne. Die vervaardiger is ewe bekend vir sy ikoniese boksersenjins, die sogenaamde “plat enjin” waarvan die suiers in ’n horisontale lyn én in teenoorgestelde rigtings beweeg. Ander voertuie wat met ’n bokserenjin uitgekom het en omtrent ewe ikonies was, is die Volkswagen Kewer, die Ferrari Testarossa en die Porsche 911. Een van die groot voordele van dié soort enjin is die lae gravitasiepunt teenoor dié van konvensionele enjins, iets wat sorg vir beter padhouvermoë. Dis natuurlik goed en wel, maar niemand wil teen 140 km/h op ’n smal grondpaadjie in ’n denneboomplantasie jaag terwyl die gesin en die wa omtrent ewe hard moet klou om by te hou nie. Gelukkig het die Outback ’n sagter…

Met die koms van boswaens jare gelede het almal min of meer dieselfde gelyk: ’n romp met ’n daktent bo-op. Maar met die groeiende aanvraag na boswaens het al hoe meer vervaardigers én nuwe ontwerpe hulle verskyning gemaak. MJ en Elmien Fitchet, eienaars van GT Camper, is allermins nuwelinge in die boswamark. Hulle het ses jaar ondervinding in die bedryf en hulle waens, die Libra en sy kleinboet, die Spider, is twee van die nuwer ontwerpe. Dié waens het ’n unieke eienskap, ’n eerste vir die plaaslike mark: Die deksel van die wa verander nadat jy dit oopgevou het in ’n vloer vir die tent. MJ sê hulle het deur die jare al verskillende soorte kamptoerusting gebruik op hulle reise. Maar hulle het gedroom van ’n sleep-ding wat eenvoudig, gerieflik…

Hoe groter, hoe beter TOYOTA HILUX 2.8 GD-6 4x4 (OUTO) Nadat hy voorheen sy Jurgens Elegance met ’n 2010-model Hilux gesleep het, het Ben Ras van Rustenburg besluit om op te gradeer na die splinternuwe bakkie van Toyota. “Daar was bittermin verkeerd met my vorige 2010-model Hilux 3.0 D-4D, behalwe dat die Elegance effens swaar gevoel het op die haak. Dit wou voorkom of die Hilux ietwat meer krag nodig gehad het om ’n wa van dié grootte met gemak te sleep. Ek is deur en deur ’n Toyota-man, en daarom het ek die D-4D met ’n 2016 Hilux 2.8 GD-6 vervang. Ek het hom twee jaar terug nuut gekoop vir R550 000. Ek moet erken as ek dit in daardie stadium kon bekostig, sou ek eerder vir my ’n…