Innehållsförteckning för November 2018 från Weg! Ry & Sleep

Die Nuwe Suzuki Jimny is onlangs by die 2018 Festival of Motoring by die Kyalami-renbaan in Gauteng onthul. Daar was baie bespiegelings oor watter enjin en afwerkingsvlakke ons in Suid-Afrika gaan kry, maar uiteindelik kan ons die harde feite gee. Die nuwe Suzuki Jimny sal aangedryf word deur ’n 1,5 l-petrolenjin met wisselbare kleptydreëling (VVT) wat 75 kW teen 6 000 r.p.m. en 130 Nm teen 4 000 r.p.m. lewer. Jy gaan ’n keuse hê tussen ’n 5 spoed-hand- en 4 spoed- outomatiese ratkas. Twee voertuie met verskillende afwerkingsvlakke was by die skou te sien: ’n basismodel-GA en die luukser GLX. Albei modelle was voorproduksieprototipes, maar ons is beïndruk. Twee dinge wat veral die oog getref het, is die ouskool kortkiere waarmee jy die viertrekstelsel inhaak, en die geut op…

Die Australiese 4x4-onderdelevervaardiger Opposite Lock het reeds sy vastrapplek in Suid-Afrika gekry en voer onder meer produkte van hier af uit na die res van Afrika. Dit sluit in Tanzanië, Namibië en Botswana. Die verspreider in Botswana, Hi-Range Safari City in Gaborone, het pas sy winkels opgeknap en spog nou met ’n moderne gebou. Darrell van Zeil van Opposite Lock verduidelik dat die Afrika-verspreiders se produkte presies dieselfde is as dié op die plaaslike rakke. As jy dus anderkant die grens moeilikheid kry en ’n spesifieke onderdeel soek, weet jy presies wat om te verwag en waar jy dit gaan kry. Kontak 00 267 318 7003 hirange.co.bw…

Loftus Caravan City voer sedert die begin van die jaar Swift-woonwaens uit Engeland in, iets waaroor sommige plaaslike slepers twyfel het. Dis te verstane as ’n mens in ag neem dat ander woonwahandelsname voorheen sonder welslae ingevoer is. Dit lyk egter of Loftus met die Swift raakgevat het. Volgens Woody Loftus, mede-eienaar, het hulle het al 17 woonwaens – waaronder 10 dubbelasse – ingevoer en nóg bestellings geplaas. Woody-hulle het ook ’n vyfjaarverspreidingsreg vir die Swift in Suid-Afrika bekom. As die aanleg in Engeland voorraad het, neem dit ses weke nadat jy ’n wa bestel het voor jy dit by die handelaar kan gaan haak. Kontak 011 792 1456 woody@loftuscc.co.za  loftuscaravans.co.za…

Onthou jy nog die ou Isuzu Frontier, daardie klein sportnuts uit die jare negentig wat desjare nogal as ’n groot motor geag is? Wat het van daardie pionier geword? Op sy tyd was hy een van die eerste sportnutse in die plaaslike mark wat op ’n bakkie gegrond is. Wel, hy en die Nissan Sani. En albei was aan die voorpunt van ’n nuwe era waarin ’n spoggerige voorkoms gekombineer is met betroubare vermoë. Dit was ’n dekade voor ander vervaardigers meer aandag aan sportnutse begin gee het, en sedertdien het dié soort rygoed ongelooflik gewild geraak. Ongelukkig vir Isuzu is die Frontier soos ’n stiefkind behandel toe General Motors SA besluit het om Chevrolet se Trailblazer as hoofseun aan te wys. ’n Goeie plek om te begin GMSA het…

Ons was al vantevore ’n maand lank in Mosambiek, en ons het sommer geweet ons sal teruggaan om weer die avontuur, verskuilde skatte, ongelooflike natuurskoon en interessante kos te geniet. Ons het dus ons Mobi Lodge gehaak en ons Ford Ranger Wildtrak se neus in die rigting van die grenspos by Kosibaai gedruk. Ons opwindingsvlakke was natuurlik hoog oor die vooruitsig om by die Bemugi’s-oord te kamp, maar ongelukkig was ons navigasie effens gebrekkig, en kort nadat ons Mosambiek binnegery het, het ons besef ons het op die verkeerde sandpad afgedraai. Dit klink of julle nogal ’n rowwe tyd op die pad gehad het... Ons het probeer om met ons GPS oor die weg te kom, maar die sein was te swak om ons te help. Hier is omtrent geen…

VOLKSWAGEN ARTEON 2.0 TDI R-LINE Dis alombekend dat Volkswagen ’n vervaardiger is wat slepers in gedagte hou wanneer hy sy motors ontwerp. Op die meeste modelle – van die beskeie Caddy tot die statige Touareg – weet die rekenaar van die wa wanneer jy die woonwa se ligteprop koppel. Soos verwag, is dit ook die geval in nuwe modelle, soos die Arteon wat ons vandeesmaand onder hande neem. Die Arteon is Volkswagen se nuwe vaandeldraer wat betref luukse sedanvoertuie. Hy is egter heelwat meer as net ’n swierige gesinsvoertuig, en hoewel woonwasleep dalk nie die eerste gedagte is wat by jou opduik wanneer jy die Arteon die eerste keer sien nie, moet jy jou nie deur sy haastige bakwerk laat flous nie. Ons kyk hoe dié blits hom voor ’n…

Jy het die K53-gids van hoek tot kant geleer en selfs die app op jou slimfoon afgelaai om op die hoogte te kom van die moets en moenies van die Padverkeerswet. Jy het jou leerlinglisensietoets geslaag en nou moet jy uitpasseer. Hier’s die vangplek: Jy gaan dit waarskynlik met die hulp van ’n bestuurskool moet doen. Nie net leer hulle jou die volgorde waarin jy die stuurkontroles moet gebruik as jy agter die stuurwiel is nie, maar help ook met die inspeksies en ander belangrike inligting wat van jou ’n veilige en bevoegde bestuurder maak. Ons is almal bewus van die stryd teen korrupsie in ons land, en dit wil voorkom of hierdie stelsel só saamgestel is dat almal, ongeag of jy ’n bekwame en veilige bestuurder is, waarskynlik ’n…

Betroubare bielie 2007 TOYOTA HILUX 3.0 D-4D (DUBBELKAJUIT) Die vorige geslag Hilux was, net soos sy voorgangers, ’n reuse-sukses wat plaaslike verkope betref. Maar met die enorme groei in die marksegment vir dubbelkajuite het die mededinging al hoe taaier geraak. Jaco Dippenaar van Roodepoort het egter net goeie goed te sê oor sy 2007-model Hilux. Toe ek in die mark was vir ’n dubbelkajuitbakkie, was daar heelwat keuses, maar baie van hulle het ernstige turbo-traagheid gehad. Dit is iets wat my nie aanstaan nie. Ek het ’n ryding gesoek wat nie traag is nie – een met hope wringkrag. Uiteindelik het ek op ’n splinternuwe Hilux besluit en hy het my R267000 uit die sak gejaag. Drie jaar later het ek ook vir my ’n Camp Master Wilderness-kampwaentjie gekoop. Die…

Die 2018-model Renault Duster is ook by die Festival of Motoring onthul. Die nuwe Duster het ’n meer gespierde voorkoms, ekstra chroomstrokies, nuwe hoofligte, nuwe agterligte én hy staan hoër bo die grond, maar andersins is die verskille nie té dramaties nie. Die nuwe Duster spog boonop met outomatiese lugreëling, sleutelvrye toegang, 360°-kameras, blindekolsensors en afdraandebeheer. En ’n opgeknapte 4x4-model is op pad. Teen druktyd was ons by die amptelike bekendstelling van die nuwe Duster – lees ons indrukke in ’n volgende uitgawe. Die pryse vir die nuwe Duster is soos volg: 1.6 Expression 4x2 R249 900 1.5 dCi Dynamique 4x2 R282 900 1.5 dCi Dynamique EDC 4x2 R316 900 1.5 dCi Dynamique 4x4 R321 900 1.5 dCi Prestige EDC 4x2 R334 900…

Die boswavervaardiger Conqueror het die manne van Recce Incorporated (Edms.) Bpk. nader gehark vir verdere ontwikkeling van sy boswa en boswoonwaens. Thinus de Vries, Conqueror se besturende direkteur, sê hy is opgewonde oor die voortuitsig om hulle produkte nóg beter te maak. SASMA is die amptelike ledeorganisasie vir die veterane van die Suid-Afrikaanse Spesiale Magte. Die organisasie se doelstelling is om veterane te ondersteun, en met dít in gedagte is Recce Inc. op die been gebring – om die Recce-handelsnaam vir kommersiële doeleindes aan te wend. Callie Roos, uitvoerende hoof van Recce Inc., sê hulle het Conqueror as vennoot gekies vanweë die vervaardiger se trotse tradisie van gehalte én omdat hulle dieselfde eienskappe het. Vir Conqueror is dit geen onbekende veld nie. Die maatskappy het in die jare negentig ontstaan…

“Die enjin loop seepglad en dit blyk die Koreane sukkel nie met geraas en vibrasies nie.” Die Dooiesee is ’n buitengewoon ekstreme plek. Dit is meer as 400 m ónder seespieël en die water is só sout dat niks daarin wil leef nie – nóg plant nóg dier. Die versengende hitte van die laatsomer pas perfek by die ongenaakbare landskap van Jordanië. Die kwik draai by 36 ºC terwyl Hyundai se bemarkingsmense die nuwe Santa Fe in die buitelug aan ’n groepie motorskrywers uit die Midde-Ooste en Afrika demonstreer. Daar is ’n slaak van verligting wanneer die verrigtinge tot ’n einde kom en dit tyd raak om agter die stuurwiel in te skuif. Die vlees is swak en die groepie joernaliste stap sleepvoet deur die Mövenpick Dead Sea-oord se parkeerterrein…

Dis vroegmôre in die Kalahari en ’n bloedrooi sekelson steek kop uit oor Goerapan se plat horison. Daar is ’n effense byt in die lug, maar dis darem nog nie só koud dat ’n boer ’n langbroek sal aantrek nie. Al langs die een rand van die pan staan daar Nissan Patrols langs tente geparkeer, maar ook boswaens en woonwaens. Hier en daar staan ’n voertuig met ’n oop enjinkap, kompleet asof hy met ’n lang gaap ontwaak, met ’n enjin wat soos ’n tevrede kat wat spin in die môreson. Stadig maar seker verskyn al hoe meer mense uit hulle tent en die reuk van koffie en spek trek deur die lug. Bo die sissende spek hoor jy ook die gefluit van bande wat afblaas, ’n teken dat daar…

• Dit is belangrik om daarop te let dat die koste van my werkopdrag nie die geld insluit vir brandstof om die lesse by te woon nie. Die meeste bestuurskole het ’n diens waar hulle jou by die werk of huis kom oplaai, afhangend van waar dit is. Ons keuses was beperk wat betref die toeganklikheid van die bestuurskole. Ek moes vir elke les 26 km aflê, terwyl Schalk elke keer 40 km van Kaapstad af Parow toe en terug moes aflê. • Schalk se pakket by die He & She-bestuurskool vir tien lesse van een uur elk plus die gebruik van die trokkie en sleepwa op die dag van die bestuurstoets het R3 110 gekos (BTW ingesluit). Hy was met sy eerste probeerslag suksesvol.…

DÍS WAT JY KAN VERWAG Het jy al gewonder hoe dit moet voel om diep in die bos se geilgroen ondeurdringbaarheid te wees? Die wêreld van Dalene Matthee se stories, reusegeelhoutbome en geil mosse, varings en houtkappers... Wel, jy kan. Sanparke het Bhejane 4x4 Adventures die eksklusiewe reg gegee om begeleide dagtoere deur Knysna se besonderse boswêreld aan te bied. Op dié daguitstappie kan jy enorme geelhout- en stinkhoutbome, varings, ligene, mosse, blouduikers, bosbokke en loeries met jou eie oë sien. En wie weet, miskien selfs ’n Knysna-olifant... Maar dis nie net ’n ry-en-kyk-toer dié nie. Jy sal ook leer van die bos se eiesoortige fauna en flora, die ontberinge van Italiaanse nedersetters en houtkappers, en ook van verlore reisigers. Ons kry mekaar by die Sasol-vulstasie in Harkerville, langs die…

Ben en Tas spring vroegoggend uit Eshowe weg en druk die Hilux se neus in die rigting van die Goedertrouwdam in die Nkwalenivallei. Dié dam op die Mhlatuzerivier is een van die grootstes in KwaZulu-Natal en jy sukkel nie om ’n grootbekswartbaars aan jou hoek te kry nie. Jou kanse is egter soveel beter as jy vroeg al langs die water is, en daarom is Ben en Tas kort ná halfvyf al in die pad. Die Toyota het Ben se boot, Ntombazane, op die haak, maar die pad is nog stil en die kilometers flits verby die twee kranige vissermanne. By die dam soek die twee ’n kampplek uit waar hulle ’n redelike mate van privaatheid het. Elke hengelaar het immers sy eie geheime resep en manier waarmee hy die…

Stealth Caravans, ’n nuwe padwoonwavervaardiger, het tot die plaaslike mark toegetree. In die lig van die probleme by Jurgens Ci waaroor ons verlede maand berig het, is dít goeie nuus vir plaaslike slepers, en te oordeel na die kwalifikasies en ondervinding van Stealth se besturende direkteur, Garry Coady, weet hy duidelik waarvoor hy hom inlaat. Garry het tot 18 maande gelede sowat 10 jaar lank woonwarompe van veselglas aan een van die grootste boswabouers in die land verskaf. Garry ploeg nou sy kundigheid terug, maar fokus dié slag op die mark vir gewone padwaens. Die eerste model, die Evolution XR6, is in grootte vergelykbaar met die Sprite Swing. Die binne- en buitekant van die panele het ’n glasvesellaag oor ’n binnekant van polistireenskuim, ’n materiaal wat reeks in Europese en…

Haval het ook ’n voertuig by die Festival of Motoring-motorskou bekend gestel. Die reusagtige H9 word aangedryf deur ’n 8 spoedoutomatiese ratkas, gekoppel aan ’n viersilinder-turbopetrolenjin wat 180kW teen 5 500 r.p.m. en 350 Nm teen 1 800 r.p.m. lewer. Die H9 gebruik ’n deeltydse viertrekstelsel, en nes Haval se ander voertuie is die afwerkingsvlakke van uitstaande gehalte. Ons motorskrywer Kyle Kock reis tans saam met Haval as deel van hulle bewustheidsveldtog teen renosterstropery. Kyle sal sy indrukke van die H9 in die volgende uitgawe deel. Die H9 is nou by Haval-handelaars beskikbaar teen R599 900.…

BMW se aanleg in Rosslyn buite Pretoria het vanjaar 300 nuwe robotwerkers bygekry. Die robotte is nodig om nuwe X3-modelle vir Suid-Afrika en Europa te bou. Dis reg, die Duitsers ry in BMW’s wat in Suid-Afrika gebou word! Dit behoort eintlik nie ’n skok te wees nie aangesien dieselfde Rosslyn-aanleg in 2002 die JD Power-toekening gewen het as die beste motoraanleg ter wêreld. Die 300 nuwe robotte het darem niemand se werk gesteel nie. Inteendeel, BMW se ingenieursakademie lei 300 nuwe vakleerlinge per jaar op, en altesame 2 000 geskoolde ambagsmense is al van daar af na die aanleg se vloer geskuif. • BMW se belofte om toenemend omgewingsverantwoordelik te wees is versterk deur die dienste van die Bio2Watt-bioëlektrisiteitstasie buite Bronkhorstpruit te gebruik. Bio2Watt omskep jaarliks 40 000 t beesmis…

“Nes daai skoolmaat met aspirasies om in die leerlingraad te dien wil die Touareg nie stoute dinge aanvang nie.” Die Dakar-tydren is van 2009 tot 2011 oorheers deur die Volkswagen Touareg. Giniel de Villiers, Carlos Sainz en Nasser Al-Attiyah het elkeen ’n oorwinning behaal nadat hulle duisende kilometers deur die Suid-Amerikaanse woestyne geploeg het in ’n Touareg. Goed, dáái Touareg en die een in Woolies se parkeerterrein het feitlik niks in gemeen nie, maar die verbinding is nietemin daar. Ons het onlangs ’n bekendstelling van die nuwe Touareg bygewoon en reeds ons eerste indrukke met jou gedeel (Weg Ry & Sleep #14), maar nadat Volkswagen ’n toetsmodel by ons kantoor afgelewer het, kon ons sy sake behoorlik werk. Die sandmonster Dit is ’n heerlike sonskynoggend in die Atlantisduine buite Kaapstad.…

Wat sê die boekie? Brandstof Diesel. Enjin 1,968 l Silinders 4 Krag 130 kW @ 4 000 r.p.m. Wringkrag 350 Nm @ 1 608-3 500 r.p.m. Ratkas Sesspoed-outomaties (DSG). Aandrywing Voorwiele. Tarra 1 390 kg BVM 2 150 kg BKM 4 150 kg Waaddiepte Nie beskikbaar nie. Sleepvermoë vir geremde sleepding Tot 2 000 kg Afmetings 4 862 mm (l); 1 871 mm (b); 1 427 mm (h) Asafstand 2 841 mm Spoorwydte 1 587-1 591 mm (voor); 1 577-1 581 mm (agter) Grondvryhoogte 138 mm Brandstoftenk 66 l (sluit ’n reserwe van 6 l in). Prys (nuut) R649 900. Prys (tweedehands) Ons het op autotrader.co.za een met 8 000 km op die klok gesien vir R639 950. Vinnige feite Die sleephaak Die haak is opsioneel op al drie modelle.…

Suid-Afrikaners hou nou maar eenmaal daarvan om in die buitelug kos te maak en te eet... en dis nie altyd noodwendig ’n tjop en ’n stukkie wors op die rooster nie. Min dinge kry meer aftrek as ’n potjie. ’n Mens kan amper sê dis nie net ’n maaltyd nie, maar eerder ’n gebeurtenis. Ons het selfs kompetisies om te kyk wie die beste potjie kan maak. Maar dit is net een voorbeeld. Daar is ’n legio ander maniere om kos in die buitelug gaar te kry, maar die een gemene deler is gewoonlik die gebruik van ’n gietysterproduk. Ons het in die winkels gaan snuffel en dié klompie nuttige gietysterprodukte vir jou uitgekies. Pas hom mooi op Jou gietysterpot kan jou ’n leeftyd hou as jy mooi na hom…

Terwyl die deursneemotoris fokus op die prys, kattebakgrootte en die aantal sitplekke van ’n motor, kyk ware petrolkoppe na ’n ander stel syfers: Krag en wringkrag. Toe dié petrolkoppe nog jonk was en Top Trump-kaarte gespeel het, het hulle die tegniese spesifikasies langs enjinkapasiteit en perdekrag uitgeskree en waarskynlik min ag geslaan op die voertuig se breedte en gewig. Die ou met ’n Ford Caprikaart (400 Pk.) in sy hand het breed geglimlag terwyl die moed van sy maat met die Renault 5-kaart (70 Pk.) tot in sy skoene gesak het. Maar wat is krag en wat is wringkrag? Voor ons by die tegniese definisie kom, moet ons eers gesels oor petrol- en dieselenjins. Creme soda of Coke? Die eerste werklik suksesvolle vonkontsteking-binnebrandenjin is in 1876 deur die Duitser Nikolaus…

Ek het dié waentjie ’n klompie jare terug by ’n oom op Colesberg gekoop nadat sy seun my vertel het sy pa wil van die ding ontslae raak. Die oom het al aangestap in jare en kon die waentjie nie regtig meer gebruik nie. Die oom het die wa self gebou. Ek dink dis ’n gewone sleepwa en ’n bakkiekappie wat hy gekombineer het om die bedop-wiele te skep. Ek het gaan kyk en gesien dis nét wat ek nodig het vir my visvanguitstappies. Ek geniet dit vreeslik om oor naweke langs die viswaters te gaan kamp en die wa het alles wat ek nodig het om heel gemaklik oor die weg te kom. Binne is genoeg ruimte vir ’n driekwartbedmatras. Ek het dié op twee houtpalette gesit sodat ek…