Innehållsförteckning för December 2018 från Weg! Ry & Sleep

By die jaarlikse prysuitdeling op skool moes ons almal altyd geduldig sit en na mnr. Potgieter se jaarverslag luister vóórdat die akademie- en sportbekers – en sertifikate vir getroue klasbywoning – uitgedeel en volgende jaar se leerlingraad aangekondig is. (Terloops, is ek die enigste een wat gedink het Victor en Victrix Ludorum was ’n broer en suster wat in die jare sestig al wat ’n sportrekord is, verbeter het?) In sy jaarverslag sou die hoof stapsgewys, van Januarie af, terugvoering gee oor alles wat by die skool gebeur het. Nie ’n enkele gebeurtenis, hoe onbenullig ook al, is uitgelaat nie. “Vroeg in Junie is die urinale in die onderste seunskleedkamer danksy ’n skenking deur die Junior Rapportryers opgegradeer, en met die geld wat oorgebly het, is die stukkende venster in…

Die afgelope twee weke was nogal opwindend vir die uwe. In die eerste week het ons die Makgadikgadipanne in Botswana oorkruis en ek het dié reis met my toegeruste Ford Ranger Wildtrak 4x4 aangedurf. Dis ’n ordentlike bostrok vir ’n oorlandreis. Die volgende week was ek op die vliegtuig op pad na Melbourne, Australië, vir ons jaarlikse Ironman 4x4-raads-vergadering. Die geleentheid om vinnig agter die stuur van die nuwe Ranger Raptor in te klim het hom voorgedoen en ek het nie op my laat wag nie. “Ek is bereid om my kop op ’n blok te sit en te sê die Raptor gaan vinniger as ’n paar van die huidige mededingers met 3.0 V6-dieselenjins wees.” Albei was wonderlike ervarings, en omdat ek so kort ná mekaar met albei bakkies gery…

Kampplek Meer as 80 geplaveide staanplekke met krag en ’n braaiplek. Onthou jou rooster. Koelte is skraps. Ablusiegeriewe 5 ablusieblokke wat wissel in grootte. Hoofsaaklik netjies en skoon. Prys R323-R485 per staanplek vir 2 mense. Daarna kos dit R89 p.p. (R45 vir kinders). Jy betaal ook ’n daaglikse bewaringstarief van R55 (R28 vir kinders). Kontak 012 428 9111 (sentrale besprekings) reservations@sanparks.org sanparks.org Naaste dorp Stormsrivier, 16km. Hoe lyk die pad? Teerpad tot by jou staanplek. GPS S34.022394 E23.896270 Weg Ry & Sleep sê As jy in ’n avontuurlustige luim is, kan jy vir ’n kajakuitstappie in die riviermonding gaan. Dit kos R600 p.p.…

Kampplek Jy het ’n keuse tussen die boskamp met private ablusiegeriewe en staanplekke waar jy selfversorgend moet wees. Ablusiegeriewe Privaat met warm water, stort en toilet. Of bring jou eie stort as jy by die rivierkamp staan. Prys Boskamp R120-R200 p.p.p.n. afhangend van die seisoen; rivierkamp R110 p.p.p.n. (R100 vir pensioentrekkers, slegs in die week en buite seisoen). Die bewaringstarief vir Dinokeng is R40 p.p.p.d. (R25 vir kinders). Aankoms- en vertrektyd Binne seisoen 2 nm. en 12 nm.; buite seisoen 2 nm. en 2 nm. Jy kan wel reël om later te vertrek (as niemand ná jou inkom nie). Hoe lyk die pad? Snelweg tot by die Hammanskraal-afrit; daarna ’n goeie teerpad in die reservaat met die laaste 2km na die kamp ’n grondpad wat effens sinkplaat gery is. Kontak…

4x4, laestrek, ewenaarslot? Jy het beslis viertrek nodig, en sommige hindernisse vereis ook laestrek. Maar jy behoort sonder ’n ewenaarslot reg te kom. Maksimum getal voertuie Onbeperk. Kry ek ’n kaart? Ja. Sal my voertuig krap? Nee. Moet ek ’n kompressor saamneem? Nee wat, tensy jy ’n band beskadig. Kan ons langs die pad braai? Nee, slegs by die piekniekplekke of in die kamp. Kan ek halfpad omdraai? Ja. Is daar selfoonsein? Swak sein. RONDOM DIE ROETE Beste tyd om te gaan? Oktober tot Maart, want dan is die veld is op sy mooiste en die dam vol ná die somerreën. Kan ek my gesin saamneem? Absoluut! Net vir die dag of die naweek? Dit is beslis ’n naweekbesoek werd. Is daar ablusiegeriewe? In die kampterrein en by die piekniekplek.…

”As ’n mens kyk na die aantal verstellings wat moontlik is op die bestuurder se sitplek, gaan énigiemand maklik sy of haar sit kry. En as jy eers sit, kom jy gou agter hierdie enjin het g’n greintjie luiheid in hom nie: Hy trek dat die honde huil. Maar ons weet almal ’n groot enjin met dié soort krag beteken net een ding en dis betáál by die vulstasie. Die krag moet tog van iewers af kom... (As die rekenaar sê die kar het ’n reikafstand van 1 000 km, moet hy ’n groot brandstoftenk hê.) Ons het die Franschhoekpas gekies om te sien hoe hy die steil bulte uitsleep. Selfs al vlieg jy met ’n woonwa weg, druk hy jou in die sitplek vas. Werklik Merkwaardig. Die rathefboom se…

Lengte 6,55 m Breedte 2,4 m Hoogte 2,55 m Dakhoogte binne-in 1,9 m Netto gewig 1 360 kg Dravermoë 300 kg BVM 1 660 kg Prys R349 500 Plus Die stapelbed is prakties en spaar ruimte. Die buitekas is groot genoeg vir bonkige kampgoed. Dit het ’n binne- én buitekombuis. Al die kragpunte in die wa is ’n groot bederf. Die beligting, van die leesligte tot die vertrekligte, maak goeie lig. Minus Die badkamer is klein en het nie ’n stort nie. Die stapelbed het nie ’n leertjie nie. Venesiese blindings is dalk ’n beter opsie as materiaalgordyne. Weg Ry & Sleep sê ’n Fietsrak vir twee fietse pas ook op die Comfort en kos R2250 ekstra. Weg Ry & Sleep het die Quantum Comfort by Tygerberg Caravans…

Die vriendelike vrou by die ontvangskantoor skuif die bewys van betaling en ’n afdruk van die oordkaart oor die toonbank na my toe: “Meneer-hulle is nou hier,” sê sy terwyl sy met ’n oranje highlighter ’n kol maak op die plek waar die hek is. “Ry deur die hek en volg net die pad tot by die swembaddens,” verduidelik sy terwyl sy die helderoranje streep al langs die pad op die kaart trek. “Hier draai julle links, ry oor die bruggie en hou verby die putt-putt- baan en kiosk tot julle by die kampterrein kom. Omdat dit so stil is, is net die boonste badkamers oop.” “Watter staanplek is ons s’n?” vra ek, terwyl die vrees al hoe sterker begin posvat dat…

Wie skrik vir ’n pap band? Hier in die Kalahari moet ’n meisie haar staan ken, of jy nou mooi gerok is of nie. Ons boer sowat 80 km duskant Askham, en mense wat dié deel van die wêreld ken, sal weet hier is niks sommer net om die draai nie. Ek en my driejarige dogter, Elmé, het onlangs by my vriendin Petra Knoetze gaan tee drink. Petra-hulle bly 70 km ánderkant Askham, wat beteken van ons af is dit 150 km tot by hulle. Ons is gewoond aan dié soort afstande, maar op pad terug, by die Grootaarpan, voel ek die bakkie swik in ’n draai en ek hou stil. Die regteragterband is pap, maar in ons geweste is dit nie ’n ongewone gesig nie. Daar staan ek en…

Die onlangse woelinge by Jurgens Ci se fabriek in Ga-Rankuwa dreig om die nalatenskap van Geert, Dirk en Rieks Jurgens in die wiele te ry. Die Jurgense het hulle eerste woonwa – wat deur twee perde getrek is – in 1938 in Nederland gebou en in 1950 na Suid-Afrika geïmmigreer. Plaaslik was hulle eerste skeppings broodafleweringswaens en mobiele biblioteke, maar teen 1952 het hulle eerste woonwa, die Bokkie, uit hulle fabriek in Germiston gerol. “Die fabriek ploeter voort en handelaars moet gereeld bontstaan om verbruikers se klagtes oor dinge soos fabrieksfoute op te los.” Sedertdien het daar baie water in die see geloop en Jurgens – of Jurgens Ci soos die maatskappy later sou bekend staan – het hom mettertyd gevestig as die voorste naam in plaaslike woonwakringe. Dit is…

Sand, rots, gruis, gras en modder. In die veld kry jy met baie grondoppervlakke te doen. Om nie eens te praat van hoe elkeen van dié oppervlakke kan verskil as dit kom by diepte en samestelling nie. As jy die groot verskille in terrein in ag neem, kan jy verstaan dat bandevervaardigers nie gretig is om syfers vir ’n band se vastrapvermoë te gee nie. Trouens, die enigste bandtoets wat traksie bepaal, word op teer uitgevoer, en selfs dan moet die teer aan internasionale standaarde voldoen. Jy sal dus verstaan dat die vastrapvermoë (of traction) van bande ’n omstrede onderwerp is, veral by veldrybande wat dikwels op ’n los grondoppervlak gebruik word. Daarom moet veldrybande ontwerpeienskappe hê wat voorsiening maak vir los, uitgeryde en ongelyk oppervlakke. Wat is hierdie ontwerpeienskappe?…

Kampplek 85 staanplekke; dié teenaan die see het ’n gruiskol wat met gras omring is en dié tussenin is op gras. Hier is geen koeltebome nie. Ablusiegeriewe 2 skoon en netjiese ablusieblokke. Net een word buite seisoen gebruik. Prys R300-R750 per staanplek vir 2 mense, afhangend van wanneer jy kom kamp. Daarna R50-100 p.p.p.n. (gratis vir kinders o.4). Hoogstens 6 mense per staanplek. Aankoms- en vertrektyd 2 nm. en 10 vm. Kontak 044 383 0035 buffalobay.co.za Naaste dorp Die woonwapark is op Buffelsbaai. Hoe lyk die pad? Teer tot by die hek. GPS S34.08908 E22.97613 Weg Ry & Sleep sê Bring genoeg kontant saam om vir jou staanplek te betaal, want die woonwapark het nie kaartgeriewe nie.…

Vis Onder meer karp, swartbaars, paling en baber. Kampplek 62 staanplekke op gras plus ’n kol waar tot 10 woonwaens kan saamtrek. Ablusiegeriewe Skoon en ruim ablusieblok, met toilethokkies aan die buitewyke van die kampterrein. Prys R265-R530 p.n. per staanplek vir tot 4 mense – daarna R130 p.p. (R69 vir o.12’s). Aankoms- en vertrektyd 12 nm. en 11 vm. (tot 5 nm. oor naweke). Kontak 023 626 5588 skurwekop.co.za info@skurwekop.co.za Naaste dorp Robertson 8 km. Hoe lyk die pad? Heelpad teerpad. GPS S33.824761 E19.809356 Weg Ry & Sleep sê Skurwekop is net die plek waar jy die jongspan kan leer hengel tussendeur die kamp en speel.…

Wat sê die boekie? Brandstof Diesel Enjin 2,967 l Silinders V6 Krag 190 kW @ 3 250-4 250 r.p.m. Wringkrag 600 Nm @ 2 550-3 250 r.p.m. Ratkas 8 spoed-outomaties (DSG, Tiptronic) Aandrywing Heeltyds allewiel. Tarra 1 930 kg BVM 2 810 kg BKM 6 310 kg Waaddiepte 570 mm (lugvering). Sleepvermoë vir geremde sleepding Tot 3 500 kg Afmetings 4 878 mm (l), 5 008 mm mét die sleepstang; 1 984 mm (b); 1 702 mm (h) Asafstand 2 894 mm Spoorwydte 1 653-1 669 mm (voor); 1 658-1 669 mm (agter) Grondvryhoogte Nie beskikbaar. Brandstoftenk 90 l Standaardprys (nuut) Vanaf R1 142 200. Prys (tweedehands) Ons het op autotrader.co.za ’n 2018-model met net 200 km op die klok gesien vir R1 079 000. Vinnige feite Die sleephaak Die…

GEMMERVARK Sawweboud! Hierdie heerlik doeksagte varkgereg kan jy by die huis gaarmaak en vries – dan kan jy dit by die kampplek net vinnig oor die kole bros braai. Jy benodig 1 gerookte varkboud (gammon) van 1,5 kg, ontbeen 3 wortels, grofgekap 2 selderystele, grofgekap 2 uie, geskil en middeldeur gesny 4 koppies gemmerbier 2 koppies water of aftreksel (gebruik hoender- of groenteaftreksel) 5 swartpeperkorrels Só maak jy 1 Sit die boud in ’n groot kastrol en voeg die wortel, seldery en ui by. Skink die gemmerbier in die pot en gooi dan water of aftreksel by totdat die vleis heeltemal bedek is deur vloeistof. Voeg die peperkorrels by. 2 Verhit die pot tot kookpunt, sit die deksel op (dit moet mooi styf pas) en verlaag die temperatuur tot die…

“Ek was al ’n onderwyser, toergids, gastehuisbestuurder, verkoopsman, restauranteienaar, koffiewinkeleienaar en het selfs ’n natuurbewustheidsprogram vir kinders ontwikkel. Dis dus duidelik dat ek iemand is wat nie daarvan hou om stil te sit nie en ek was gelukkig genoeg om in verskeie beroepsrigtings sukses te behaal. Ek was gaande oor die restaurant- en koffiewinkelbedryf, maar die werksure en oorhoofste kostes het my uitgeput en ingeperk. Ek het toe besluit om my onderneming, ZA Café Mobile, op die been te bring omdat ek vir myself ’n leefstyl met pret en avontuur wou skep. Dit moes ’n mobiele eetplek en koffiewinkel wees wat ek ook as bemarkingsvoertuig kon gebruik. Die gedagte was dat ek voor byvoorbeeld ’n haarkapper, ontwerpemporium of materiaalwinkel sal staan, en in ruil vir water…

Benita Trytsman Het hy ’n yskas binne? Die buitekant lyk regtig mooi, maar ons is nie die binnekant gewoond nie. Dis goed so, want dinge kan nie vir altyd Izak Holtzhausen Dis regtig pragtig. Die binnekant werk vir my. Gerhard Besselsen Ek hou nie van die klein opslaandak nie. Pieter Le Maitré Gaan hulle ook groot waens soortgelyk aan die Penta, Classique en Palma bou? Marliese Olivier Die buitekant is vir my mooi, maar daai kaste binne val nie regtig in my smaak nie. Ané Kleu Zeelie Daardie deurtjies met wit panele lyk net soos my ouma se kombuiskaste. Gerah Venter Nie vir my nie, dankie. Dis heeltemal te duur. Jan Henning Daardie kragprop pla my. Hy moet aan die agterkant van die wa sit en nié reg langs die…

Conqueror gaan nog vier boswoonwamodelle by sy bestaande reeks voeg. Volgens Philip de Vries, besturende direkteur, is die nuwe waens hiperluuks, maar hy wil nog nie te veel verklap oor die materiale wat hulle gaan gebruik nie. Philip sê wel hulle wyk af van die gebruiklike staal-en-aluminiumromp, en die nuwe materiaal is ’n ingevoerde nie-metaal wat lig en uiters sterk is. Omdat die materiaal wit is, sal dít ook die kleur van die waens wees. Die beste nuus is dat Conqueror danksy dié materiaal daaraan werk om die waens ’n lewenslange waarborg te gee. Drie van die vier modelle in die nuwe reeks is gemik op gesinne van vier, met die heel kleinste een wat vir twee mense ingerig word. Die grootste een van die lot gaan ’n dubbelaswa wees.…

Enjin 1 969 cc, viersilinderdubbele turbodiesel Krag 173 kW @ 4 000 r.p.m. Wringkrag 480 Nm @ 1 750 r.p.m. Ratkas 8 spoed-outomaties (Geartronic) Topsnelheid 220 km/h Brandstofverbruik 5,6 l/100 km Tenk 71 l Grondvryhoogte 216 mm Bagasieruim 505 l Tarragewig 1 904 kg Maksimumsleepgewig 2 400 kg Diensplan en waarborg 5 jaar/100 000 km Diensperiodes Jaarliks/20 000 km Model getoets D5 Geartronic AWD Momentum Prys R732 600…

Kampplek 116 staanplekke waarvan 33 teen die rivier uitgelê is. Alle staanplekke het krag en is nie ver van ’n kraan af nie, maar nie almal het koelte nie. Ablusiegeriewe 3 netjiese en moderne ablusieblokke. Prys R101-R172 p.p.p.n. afhangend van wanneer jy kom kamp. In die spitsseisoen betaal jy R908-R1 170 vir die eerste 4 mense en daarna R146 p.p. Kontak 044 535 2034 of 012 423 5600 (sentrale besprekings) plett@foreversa.co.za foreverplettenberg.co.za Naaste dorp Plettenbergbaai, 8 km. Hoe lyk die pad? Heelpad teerpad. GPS S34.000260 E23.398871 Weg Ry & Sleep sê Hier is spesiale tariewe vir pensioentrekkers wat vir ’n maand lank wil kom kamp, maar dit geld nie in besige tye nie.…

Die Dinokeng-reservaat het die laaste klompie jaar om twee redes ’n gewilde naweek- en vakansiebestemming geword: Eerstens is die Groot Vyf hier te sien en tweedens kan Gautengers hulle omtrent binne ’n oogwink hier kom aanmeld. Dit is die enigste Groot Vyf-reservaat in die land wat in ’n metropolitaanse gebied geleë is, en sedert die opening daarvan in 2001 is hier nie net ’n groeiende aantal toeriste nie, maar ook diere. Jy begin al diere sien sodra jy deur die hek is, sommer so langs die teerpad. Hou dus jou  verkyker en kamera gereed, want jy weet nooit wat jy dalk mag raakloop nie. Dit is in dié wêreld waar Devon en Sherri Symons die Kyleu-boskamp ontwikkel het – een van net ’n handjie vol kampplekke waar jy jou tent…

Sowat 50 km noordoos van Vryheid in KwaZulu-Natal lê die Bivanedam van 700 ha in ’n smal kloof. Dié besproeiingsdam is kort ná die aanbreek van die millennium voltooi en behoort aan die Impala-waterverbruikersvereniging. Rondom die dam loop vyf hoofroetes deur die gelyknamige natuurreservaat wat jy met ’n sagte veldryvoertuig of ’n gewone tweewielaangedrewe bakkie kan baasraak. Roete nr. 1 neem jou van die hoofhek na Bivanedam se hoofkamp. Nr. 2 tot 5 vurk uit die hoofroete en neem jou na verskeie 4x4-, quad- en staproetes. Om te keer dat veldryvoertuie per ongeluk op ’n quadroete beland, word die 4x4-roetes deur F-padtekens aangewys. Roete F1 tot  F2 lê in die suide van die Bivanedamnatuurreservaat terwyl F3 tot F6 wes geleë is. Al die F-roetes vereis viertrek met laestrekratte – hier…

“Mense raak maklik liries oor hoe mooi dit by Montagu in die Klein-Karoo is en wat ’n goeie plek dit is om jou batterye te herlaai. Nadat ons van die Montagu Guano Cave-oord te hore gekom het, het ons (drie paartjies en vyf kinders) uit Kaapstad vertrek en met die N1 in Worcester se rigting gery. Ons het op die R62 afgedraai en koers gekies Montagu toe deur Robertson en Ashton. Die oord is 8 km anderkant die dorp, steeds op die R62, en die pad is geteer tot by die hek. Die stuk tussen die hek en die staanplek ry jy grondpad, maar dit was geen moeite vir ons Toyota Hilux met ’n Venter-sleepwa op die haak nie. Hoe lyk dit by die oord? Die kampterrein is aan die…

Quantum Leisure het raakgevat in die plaaslike mark, en ná skaars ’n jaar se besigheid moet dié vervaardiger skarrel om by te hou met die aanvraag. Wanneer jy Quantum se waens van nader bekyk, verstaan jy hoekom. Die vakmanskap is uit die boonste rak. Die sterkste eienskap van Quantum se produkte is die afwerking van die romp se buitenste laag. In teenstelling met die gebruiklike aluminium, gebruik Jurie Pienaar, die man agter die wenresep, veselglas – iets wat ook in Europa die tendens is. Die sypanele, voor- en agterkant én die dak word uit ’n ononderbroke strook veselglas vervaardig. Jurie gebruik wel aluminium en soliede, waterwerende hoëdigtheidhout in die struktuur waar die dak en kante bymekaarkom. Die buitekombuis verskil ook heelwat van tradisionele padwaens s’n. Die toetswa se kombuis is…

Speldekussing in die woud Met net een foto het sy al die mooi van die plantasies in die Magoebaskloof-omgewing saamgevat, sê Renette Botha van Pretoria. “My man, Jacques, het my vir my verjaardag bederf en ons het vir die langnaweek die Magoebaskloof- en Haenertsburg-omgewing besoek. Ons het deur die plantasies gaan ry om onder meer na al die damme te gaan kyk. Op ’n kol sien ek die sonstrale deur die bome breek... en dis die oomblik wat ek my selfoon gryp en die foto neem. Die lyne, kleure en son pas mooi in mekaar en maak ’n mooi foto. Wanneer ’n mens ná die tyd weer daarna kyk, besef jy hoe wonderlik die natuur is.” As ’n reël moet ’n foto ’n fokuspunt hê – daardie spesifieke punt waarna…