Innehållsförteckning för February 2019 från Weg! Ry & Sleep

Rivian, ’n Amerikaanse motormaatskappy wat sedert 2009 bestaan, het in November 2018 ’n voertuig vir die wêreld gewys wat selfs tegnologiereuse soos Tesla laat regop sit. Die Rivian R1T is tans net ’n konsepvoertuig, maar hy maak verstommende beloftes. Volgens Rivian se webblad het die R1T ’n waaddiepte van 1 000 mm (sonder ’n snorkel), 560 kW krag en 14 000 Nm wringkrag (nee, dis nie ’n tikfout nie), en danksy lugvering ’n grondvryhoogte van 360 mm (die deursnee-bakkie staan rondom 220 mm bo die grond). Die 180 kWh-battery gee glo genoeg lading vir ’n reikafstand van tussen 400-640 km (Tesla se Model 3 kry 350-500 km) en hy versnel binne sowat 3 s van 0-100 km/h (die Bugatti Chiron moet pasop...). Skeptici sal frons oor dié syfers, maar die…

Volkswagen het uiteindelik besluit om die Dark Label-weergawe van sy Amarok na Suid-Afrika te bring. Dié spesiale weergawe is in Januarie 2018 in Brittanje bekend gestel, en die afgelope jaar al word bespiegel of hy op plaaslike bodem beskikbaar sal wees. Teen die tyd dat jy dié tydskrif lees, sal die eerste besending Dark Labels reeds ’n huis hê. Terloops, ons wonder hoe gereeld dit met Black Label verwar gaan word – of Zamalek, soos dié bier in townships genoem word. Wat is so spesiaal aan hom? Hy’t swart bakverf, unieke plakkers, getinte ruite en remligte, en ’n lang lys standaard- elektroniese funksies wat in die standaard-Amarok opsioneel is. As jy ’n sagte plekkie het vir ’n swart Volkswagen, is hy joune vir R674 600.…

Conqueror se luukse reeks van sy standaardwaens staan as die Platinum-reeks bekend. Hiervan is vier modelle beskikbaar. Nou het die vervaardiger die boswareeks verder opgeknap en dit die Recce Limited Edition gedoop. Volgens Philip de Vries van Conqueror kry dié hiperluukse reeks onder meer ’n TV en radio standaard. Die Compact en die Comfort (die twee boswamodelle) se tente slaan nou vanself oop en die twee boswoonwaens, die Commander en Companion, se onafhanklike vering kry verstelbare lugvering by – ’n eerste vir ons woonwabedryf. Dít beteken ook die twee boswoonwaens pas nou in ’n standaardmotorhuis. Verdere weeldes sluit in ’n 360°-stoepdak vir die twee boswoonwaens en ’n 270°-dak vir die boswaens, asook ’n dikker en sagter matras met Recce-geborduurde beddegoed, doelgemaakte vlekvryestaal-braairooster en ’n verbeterde kragstelsel (40% beter laaivermoë en…

Is dit nodig dat ons Nissan se NP300 Hard-body met agterdog bejeën ná sy mislukte botstoets? Ja, dit is, maar dis darem ook nie nodig om die baba saam met die badwater uit te gooi nie. Ons het ons argief nagegaan en die resensie gelees wat in uitgawe #3 van Weg Ry & Sleep se voorganger, Drive Out, verskyn het. Dit was van die 2002-model Nissan Hardbody, en die destydse redakteur, Geoff Dalglish, was nie net heel in sy noppies met die NP300 nie, maar veral gaande oor die “moderne veiligheidseienskappe”. Geoff het duidelik geweet waarvan hy praat, want 17 jaar gelede was die NP300 een van die beter – en veiliger – bakkies in Suid-Afrika. Gaan Nissan Suid-Afrika knak onder die swak NCAP-resultate of gaan die NP300 Hardbody, nes…

Die noordoostelike hoek van KwaZulu-Natal is ’n unieke plek. Die kuslyn van 220 km tussen St. Lucia en Kosibaai val onder die beskerming van die iSimangaliso-vleilandpark, Suid-Afrika se eerste Wêrelderfenisterrein. iSimangaliso beteken in Zoeloe “wonderwerk” en die gebied is inderdaad propvol unieke verskynsels. Welige kuswoude omring varswatermere vol krokodille en seekoeie, terwyl ongerepte strande die enigste plek in die land is waar seeskilpaaie hulle eiers kom lê. Die seewaters aan dié stukkie kuslyn is van die land se gewildste duikbestemmings omdat koraalriwwe oorvloedig is. En nie ver van hier af nie kry jy die Tembe-olifantpark, waar die ou grootvoete van die grootste tande op die vasteland het. Interessant genoeg is daar ’n sterk ooreenkoms tussen dié landreuse en die seegediertes: Albei se habitat strek noordwaarts oor die grens tot in…

In die somer is die wêreld rondom Nieuwoudtville droog en die plantegroei saai. Wanneer jy dus op dié dorpie in die dorre Bokkeveld staan, is die eerste gedagte wat by jou opkom nié dat hier ’n klompie goeie kampplekke behoort te wees nie. Maar Nieuwoudtville staan bekend as Suid-Afrika se bolhoofstad, en wanneer die lente aanbreek, word die landskap oortrek met kleur. En buiten die blomme is hier heelwat ander interessante besienswaardighede waar jy kan inloer. Nieuwoudtville se mense meen jy kan sommer vir ’n paar dae hier kom kamp. Jy kry nie méér plattelands as Nieuwoudtville nie. Die hoofstraat, Voortrekkerstraat, is die enigste teerpad en hy loop vir ’n kilometer reguit deur die dorp. Die Caltex-motorhawe lê eerste aan jou linkerkant wanneer jy die dorp van Vanrhynsdorp se kant…

DAG 1 Ons ontmoet mekaar by die Punda Maria-kamp in die noorde van die Krugerwildtuin waar ons die eerste aand in tente kampeer. Die aand kuier ons met ’n heerlike maaltyd om die kampvuur, terwyl ons toerleier ons inlig oor wat voorlê in die volgende nege dae. DAG 2 Ná ’n goeie nagrus en stewige ontbyt kies ons koers na die Pafurihek en steek die grens na Mosambiek oor. Ons ry omtrent 80 km op ’n sanderige tweespoorpad deur die koorsboomwoud van die Limpopovallei. By die dorp Mapai steek ons die Limpopo oor. DAG 3 Ons is vroeg uit die vere sodat ons in die rigting van Machaila kan ry. Ons ry steeds vandag op ’n sanderige tweespoorpad, maar steek interessante staalbrûe uit die koloniale era oor. Daarna ry ons…

VISVANGOORD SUNSET VIEW So ’n vaaloranje affêre... Wanneer jy van Kimberley af met die R375 in Prieska se rigting ry tot waar die Oranje- en Vaalrivier ineenvloei, is die Sunset View-kampplek se afdraaibord net anderkant Douglas aan die regterkant van die pad. Hou reguitaan met die teerpad en volg die borde. Die laaste stukkie pad is sowat 600 m goeie grondpad tot by die gastehuis en kantoor. Die gastehuis het ’n klompie jare gelede hier langs die Vaalrivier sy deure geopen, en die kampplek het ’n rukkie later aan die oewer van die waters bygekom. Die Protea-vlieghengelaar Jacques Marais en sy vrou, Hilda, is die nuwe eienaars van Sunset View. Hier is ses staanplekke op ’n lang, breë terras langs die rivieroewer, en bo dit is nog ’n terras met…

Dit raak vriesend koud as jy in die winter by Nossob kamp, maar tog bly dit ’n gunstelingbestemming vir Pieter en sy vrou, Barbara. Terwyl hulle vier jaar gelede daar gekamp het met hulle abbawa agterop hulle Ford Ranger, het Pieter besluit hy gaan ’n ander plan moet beraam met hulle kamphuis. Dis nie dat daar fout was met die abbawa nie, maar eerder dat hy keelvol was om elke keer die hele kamp op te slaan wanneer hulle wou ry om wild te gaan soek. Die laaste strooi was die feit dat Pieter elke keer dat hy moes opslaan, handskoene moes aantrek, want dit het vir hom gevoel sy vingers gaan aan die aluminiumkappie vasvries. Só kon dit nie aangaan nie… Planmaker “Ek het besluit voor ons teruggaan Nossob…

Die een saak wat maar telkens opduik wanneer ons met kampeerders en die eienaars van veldryvoertuie gesels, is die alewige tekort aan pakplek. Sommige mense verkies om nie ’n sleepwa te haak nie, veral as hulle in rigtings mik waar die terrein rof raak. ’n Klompie items kan jou pakplek ernstig belemmer – dinge soos gassilinders, jou hoogligdomkrag en ’n groot tent. Hiervoor is ’n dakrak ’n vinnige en doeltreffende oplossing. Die klompie waaroor ons hier skryf, kan almal gemonteer word op ’n gewone luikrugkar, stasiewa, bakkie, sportnutsvoertuig óf sleepwa. Onthou net, ’n dakrak gee jou nié die vyheid om bos te gaan wanneer jy laai nie. Daar is perke op wat jy op jou ryding se dak mag laai – kyk in jou kar se handleiding. EKO ALUMINIUM-DAKRAK Allooi…

“Ons het ons Jurgens 580B Deluxewoonwa in 1974 by Kennis-woonwaens in Roodepoort gekoop en ’n stewige R2 580 vir hom betaal. Sedertdien het ons die land van bo tot onder en van hoek tot kant verken. Ons was in al nege provinsies, van Kaap Agulhas in die suide tot by Tshipise in die noorde. Ons het selfs in Namibië gaan draai en by plekke soos die Visriviercanyon en Etosha gekamp. Ons eerste sleepvoertuig was ’n Chevrolet Constantia en ons het die Jurgens 7 jaar aan hom gehaak. Daarna het ons 9 jaar ’n Ford Cortina 3.0-bakkie gebruik voor ons hom met ’n nóg ’n Ford, die Fairmont GT, vervang het. Ons het die wa 4 jaar met hom gesleep. Daarna het ons ’n Audi 500 gekry en 14 jaar met…

Loftus Caravan City het pas ’n ooreenkoms met Suid-Afrika se heel nuutste plaaslike padwoonwabouer, Checkmate, gesluit. Die Checkmate sal aanvanklik net by Loftus beskikbaar wees, maar daar word onderhandel om die netwerk na Pretoria en Kaapstad uit te brei. Checkmate se eerste model is die Knight, ’n middelslagwoonwa, met die Pawn en Queen wat glo binnekort volg. Die Checkmate-reeks is sonder enige hout, en wat afwerking betref, kan dit kers vashou vir Europese waens. Woody Loftus verduidelik die reeks pas netjies onder hulle ingevoerde Swift-waens in die prysklas R500 000-R600 000 in. Wat grootte betref, is die Knight vergelykbaar met ’n Jurgens Classique. Die badkamer sit agter met die eilandbed (dubbelbedgrootte) voor. Jy kan kies tussen ’n eethoekie of meer kaste. Die eethoekie kan platslaan en ’n tweede dubbelbed vorm.…

Stealth Caravans het teen laat laasjaar sy eerste prototipe padwoonwa, die Evlotion XR6, bekend gestel, en teen Desember was die eerste vier skouwaens wat vir handelaars bestem is, afgelewer. Die XR6 is óók by die Kamp-en-bestemmingskou te sien. Garry Coady, eienaar van Stealth, sê die aanleg in Pietermaritzburg is goed op dreef, en eerste klante se waens is klaar. Trouens, Noel en Bronwyn van der Merwe van Randburg het die heel eerste wa van die produksielyn af gekoop. Noel-hulle het hom heel gepas Numero Uno gedoop en sê hulle het op die Evolution besluit omdat dit net die regte grootte wa vir hulle is, en ’n toonbeeld van puik vakmanskap. Garry-hulle is verder besig met ’n langer variasie op die XR6-model wat steeds in ’n motorhuis sal pas. Die uitleg…

Kom ons wees eerlik: Mahindra is geen reus in die leefstylmark nie, ondanks die matige suksesverhaal van die skynbaar betroubare dog spartaanse Pik-Up en Bolero-modelle, wat ietwat meer aanklank vind in kommersiële kringe. Mahindra het sy modelreeks onlangs aangevul met die opgeknapte XUV500, wat met vier afwerkingsvlakke spog. En hy rig sy visier op jóú. Wat presies is nuut? As jy vinnig na die XUV500 kyk, sal jy verskoon word as jy hom misgis met sy voorganger. Die veranderings in stilering is subtiel en jy moet mooi kyk voor jy die verskille kan raaksien. Die eerste element wat aangeraak is, is die sierrooster – dieselfde sewe gleuwe waarvoor dié handelsnaam bekend is – maar daar is nou ’n dikker chroomstrook rondom alles, met ekstra stukkies chroom tussenin. Die hoofligte is…

Tussen Bela-Bela en Modimolle in Limpopo vloei die Groot-Nylrivier, met die Silver Rockswoonwapark wat op ’n hoogtetjie bo die rivier uitgelê is. Silver Rocks is op ’n wildplaas en vorm deel van die luukse Silver Stream-lodge-en-spa. In spitstye boek jy in by die kampterrein se ontvangskantoor, sowat 200m van die hek af. In die stiller tye is die kantoor toe; dan haak jy eers jou wa by die kampterrein af en gaan boek daarna by die lodge in. Dit is sowat ’n kilometer van die hek af. Silver Rocks is ’n kampplek met heelwat goeie dinge: Die voëllewe is enige entoesias se droom – met ’n voëlboek en verkyker in die hand kan jy maklik meer as 100 geveerdes op jou lys aftik. Dan is daar in die reënmaande die…

Die N7 is aansienlik meer as net die pad van die Kaap af Namibië toe. Sodra jy aftrek op die grondpaaie en begin rondsnuffel in die omgewing weerskante van dié bekende hoofpad, sien jy daar is oral weggesteekte bly- en kampplekke wat jy nie van die teerpad af kan sien nie. Dié plekke is nie net lekker afgeleë naweekbestemmings nie, maar bied ook die geleentheid om jou bakkie in 4x4 te haak en spore te gaan trap waar dit net jy en die stille natuur is. Die Gifberg-gasteplaas naby Vanrhynsdorp is só ’n plek. Só ry jy Die roete begin digby die werkershuisies sowat 350m wes van die plaashuis. Dis ’n lineêre roete tot by die  Doringrivier, waar jy dan omdraai en weer in jou spore terugry. Nadat jy deur…

Dis nie vreemd om ’n Mitsubishi voor ’n wa te sien nie, maar dié Japannese vervaardiger het nou ’n spesiale weergawe van sy Triton-dubbelkajuitbakkie bekend gestel. Die Triton Athlete word uit Thailand ingevoer en lyk kompleet of hy sy snyerspak vir ’n sweetpak verruil het. Die Athlete het vierwielaandrywing met ’n outomatiese ratkas en die vervaardiger sluit ook ’n hele klompie bykomende veiligheidseienskappe – soos sewe lugsakke en Isofix-kindersitplekankerpunte – as standaardtoerusting in. Die Athlete is beskikbaar in wit of donkergrys, met sy kenmerkende oranje lyne wat die oog tref. ’n Tiksel kleur Buiten die Athlete se oranje strepe op die neus en sykante benadruk die swart afwerking op die wielvellings, deurhandvatsels, wielboë, dele van die buffers en die sierrooster die sportiewe aanslag van dié dubbelkajuitbakkie. Die bakkie gaan nie…

Die debat oor allooi teenoor staal is nog lank nie verby nie. As jy ’n man met ’n BMW X5 vra, gaan jy gou hoor hoe outyds en belaglik staalvellings is. Vra jy ’n ander man in ’n Land Cruiser 70 en jy hoor weer die teendeel. Waar lê die waarheid? Voorkoms Allooiwielvellings lyk mooier as staalvellings – dís ’n feit soos ’n koei. Sommige mense verkies dalk die robuuste voorkoms van ’n staalvelling, maar oor die algemeen vertoon allooi net netjieser. Weens die aard van die metaal is daar nie baie ontwerpkeuses vir staalvellings nie en heelparty lyk eenders. Jy gaan dus nie rede hê om met jou trokkie se tekkies te spog op ’n hindernisbaan nie, want die kans is goed dat iemand anders dieselfde wiele het. Daarteenoor…

Het jy hare op die tande? Wanneer hy nie sy brood en botter as eiendomsagent verdien nie, pak Dries Dreyer van Theresapark in Pretoria sy tas en gaan verken die res van Suider-Afrika. “Ons was deel van ’n toergroep wat in Botswana met Hunter’s Road langs tot bo by Kasane gery het. Die ouens was nogal skepties oor my Hyundai ix35 en die Skipper Ranger wat ek gesleep het. Maar my sleepkombinasie het die pyp gerook en ons het dit tot in die Chobe-reservaat gemaak. Daar het ons met ’n aluminiumbootjie tot by die Sedudu-eiland gevaar – en dít is waar ek dié foto geneem het. Die fyn detail – soos die hare langs die tand – is vir my treffend en sorg vir ’n interessante foto.” Hoewel dit ’n…

Ná ’n jaar van erge produksieprobleme en likwidasie- en arbeidshofsake wou dit in ’n stadium lyk of Jurgens Ci finaal op sy knieë is. In ’n openhartige onderhoud met Weg Ry & Sleep erken Paul Kyriacou, eienaar van Jurgens Ci, die maatskappy is deur diep waters, maar gee die versekering die produksielyn is weer heeltemal op dreef. Ná ’n klompie arbeidsgeskille het die aanleg se werkers ’n hofsaak begin om Jurgens Ci in besigheidsredding te probeer plaas, maar Paul sê sake op die vloer het intussen verbeter en die werkers sal dit waarskynlik laat vaar. Oor die voorlopige likwidasiebevel wat aan Megafreight Services toegestaan is, sê Paul hy is besig met onderhandelings. Hy glo hulle sal die saak skik vóór die saak vroeg in Februarie weer…

Echo4x4 het ’n vierde boswoonwa by sy reeks gevoeg. Hy word die Kunene genoem en is groter as die Kavango, tans die grootste in die reeks. Jy kan kies tussen ’n boswoonwa waarin twee of vier mense slaap. Echo gebruik nog sy kenmerkende veselglasromp en boustyl, maar anders as die Kavango, waarvan die dak net aan die een kant lig, werk die Kunene se dak soos ’n opwipdak. Die bed is agter, en in die model vir vier mense slaan die skuins paneel bo die neus plat na buite om die tweede bed te vorm. Die wa het twee deure regoor mekaar in die sypanele, en jy kan ’n badkamergedeelte kies wat by die regterdeur inpas. Die kombuis is buite, maar die mikrogolfoond en wasbak binne-in die wa. ’n Nuwigheid…

Volkswagen het in Desember 2018 aangekondig hy sal sy laaste binnebrandenjin teen 2026 bou – en tot dan ook net in beperkte getalle. Die maatskappy het onderneem om die Paryse teenbesoedelingsooreenkoms van 2015 na te kom deur voortaan op elektriese voertuie te fokus. Volkswagen is reeds besig met stappe om binnebrandenjins uit te faseer en hoop om oor vyf jaar in alle erns in elektriese aandrywingstelsels te belê. ’n Bedrag van €44 miljard (sowat R715 miljard) is opsy gesit vir dié gedaanteverwisseling, en volgens Volkswagen se hoof van strategieë, Michael Jost, gaan hulle veral fokus op selfryen deeltitelvoertuie. Europese motorvervaardigers het die afgelope paar jaar begin agter raak met Chinese vervaardigers wat elektriese aandrywing gretig omarm het, ’n saak waaraan Volkswagen nou ernstig iets wil doen.…

Die Gladiator is beslis nie Jeep se eerste bakkie nie, en dit is ook nie die eerste keer dat Jeep hierdie naam gebruik nie. Tussen 1947 en 1992 was daar verskeie soorte Jeep-bakkies, maar die gewildste onder hulle was die oorspronklike Jeep Gladiator (1962-1988) wat op die imposante Jeep Wagoneer gegrond was. Die nuwe Gladiator is in 2005 te midde van groot opgewondenheid as ’n konsepmodel gewys, maar toe droog die nuus rondom die bakkie se ontwikkeling op. Daardie konsepmodel het onder meer agterskarnierdeure (die sogenaamde suicide doors ) en ’n noodwiel links agter langs die laaibak gehad. Dié uitspattighede is egter laat vaar en die produksiemodel is meer konvensioneel. Die nuwe Gladiator is einde verlede jaar by die Los Angeles-motorskou in Amerika bekend gestel. Hoewel Fiat-Chrysler-motors…

Suid-Afrikaners se gunstelingbakkie lyk nou nóg mooier. Toyota het onlangs die Hilux se topmodelle ’n ontrimpeling gegee en met ’n splinternuwe neus lyk die nuwe Hilux sommer lus vir besigheid. Die 2.8 GD-6 het ons kampgoed met gemak gedra. Op die snelweg was dit beter om die kruisspoedbeheer te gebruik, want met dié gewillige enjin beland jy baie maklik aan die verkeerde kant van die spoedgrens. Die bakkie het reeds meer as voldoende krag in sy Eco-modus, en as jy eers daai Power-knoppie druk, dan spring hy weg soos ’n wilde perd. In dié modus is die brandstofpedaal baie sensitief en die enjin reageer met die geringste aanraking. Op die grondpad het die Hilux hom ook goed gedra en die sinkplaatpad is met gemak kafgedraf. Ondanks die stywe vering was…

“Ek het al in Julie verlede jaar plek bespreek vir my en my man, Gerrit, ons kinders, Hannah en Lukas, en ’n klompie vriende om in die laaste naweek van November by Dwarsberg se kampplek te kom uitspan. Dis op ’n werkende vrugte-en-wynplaas en nét die plek waar ’n mens kan wegkruip saam met jou mense. En dis minder as twee uur se ry van Kaapstad af. Vertel ons meer oor die kampterrein Jou staanplek is eintlik ’n kampterrein in die kleine met ’n private badkamer. Hier is 11 staanplekke, sommige met plek vir 20 mense, terwyl die ander ’n maksimum van 15 kampeerders kan huisves. Die staanplekke is baie ver van mekaar af en jy weet nie van jou kampbure verder teen die Holslootrivier af nie. Ons verkies dit…

Vars brood en mossels saam met geurige chorizo is net die ding om daai mae stil te kry wat so grom. Jy benodig 1 eetlepel olie 2 uie, fyngekap 2 selderystele, fyngekap 250 g chorizo, in dun skyfies gesny 1 koppie bier of witwyn 750 g swartmossels ’n hand vol pietersielie, fyngekap Só maak jy 1 Verhit die olie in ’n middelslag-potjie (of gebruik 3 klein potjies as jy wil fênsie wees), en braai die ui en seldery tot dit sag is. Voeg die chorizo by en braai dit tot goudbruin. 2 Skink die bier by, voeg die mossels by die pot en sit die deksel op. Stoom alles saam vir 5-7 minute en skep die mossels uit die pot. 3 Gooi die pietersielie by en kook die sousie vir…

Dit is die jaar 2049, Februariemaand, en die reën val hard oor Kaapstad. Die weerburo se voorspellings is alwéér ver buite die kol. Of dalk raak die weerpatrone jaarliks net al hoe meer deurmekaar. Voetgangers skuil onder balkonne en oorhange van kantoorgeboue, belig deur flikkerende neontekens in die andersins grou laatmiddaglig. Ek trek my baadjie se kraag styf teen my nek vas, steier oor Patricia de Lillestraat en kies kortpad deur die China-basaar se parkeerterrein. Ek onthou die dae toe die Chinabasaar nog die Kunstekaap-teater was. Dié parkeerterrein was destyds ’n breë plein waaroor deftiggeklede teatergangers gestap het om na Pieter Toerien se jongste toneelstuk te kyk. Dit voel soos ’n leeftyd gelede en die surrealistiese standbeelde en gesnoeide boompies is vervang met rye tweedehandse voertuie en ’n halte vir…