Innehållsförteckning för March 2019 från Weg! Ry & Sleep

Die Hoefer-groep, ’n Amerikaanse woonwavervaardiger met ’n aanleg in Swaziland, het pas bekend gemaak dat GC Caravans in Witbank sy plaaslike handelaarskap is. Charles Hoefer, die groep se uitvoerende hoof, sê sy waens gaan vir die afsienbare toekoms net beskikbaar wees by dié handelaarskap, waar Michael Hammond en Neil Volschenk aan die stuur staan. Michael en Neil is die afgelope jaar al besig om saam met Charles ’n hiperluukse wa – die Azzero Premium All Terrain-woonwa – te ontwerp. Die Azzero, wat ewe tuis sal wees op teer- én grondpad, is van die langer waens op die mark en is 7,57 m lank, 2,4 m breed en 2,6 m hoog. Die beoogde tarragewig is 1 200 kg, wat volgens Charles twee yskaste  (193 l en 93 l), lugreëling, ’n noodwiel…

Vir die Gautengse woonwa- en ryhuishandelaar Kennis Caravans & Motorhomes is 2019 sommer al klaar ’n bedrywige jaar. Allan Vos, besturende direkteur, sê sedert hy sy sakebedrywighede met Camp-world gestaak het, is Kennis nou ’n LeisureWorld-handelaar – en van Januarie af ook ’n goedgekeurde Echo4x4-handelaar. Én dan het hulle onlangs ’n nuwe 4x4-passentrum op die been gebring. Hiervoor het Allan vir Morné Claassens genader. Morné het al diep spore in die 4x4-kringe getrap en was voorheen tien jaar ’n vennoot by ’n 4x4-passentrum. Kennis s’n staan bekend as 4x4@ Kennis, en volgens Morné ondersteun hulle alle handelsname as dit by toebehore kom – van dakrakke, 12V-ys-vrieskaste en dubbelbatterystelsels regdeur tot bosbrekers, lugvering en snorkels. Kennis doen etlike jare al besigheid as woonwahandelaar en is ook ’n onafhanklike handelaar van die…

Met die bekendstelling van elke X-model foeter BMW alewig grondpad langs iewers heen met ’n groep motorskrywers in konvooi. Dít om te bewys dat ’n BMW ook “off-road” kan ry. En elke keer sing die resensies dieselfde deuntjie: “Ja, hy kán so ’n bietjie grondpad ry, maar hy hoort eerder op teer.” Met die jongste X5 se bekendstelling het BMW ons met die Montagupas óp en met die Prins Alfredpas áf gestuur – albei grondbergpasse in die Tuinroete – sodat ons die nuwe X5 se grondpadvermoë kan toets. En dit is verblydend om te kan rapporteer dat ons uiteindelik van ’n BMW-bekendstelling kan terugkeer met die nuus dat dié X5 ewe lekker op ’n grondpad as op ’n teerpad ry. Selfs lekkerder. ’n X5-bostrok? Hokaai! Hoewel die nuwe X5 heerlik…

In China is Baoding die hoofstad van die Hebei-provinsie, wat volgens ’n 2010-sensus die tuiste is van meer as 11 miljoen mense. Dis hier waar Haval gesetel is, in GWM se hoofkantoor in Chaoyangstraat 2266. Regoor die hoofkantoor is die reusagtige “Nommer 3”-aanleg wat die Nanshi Qunywerheidsbuurt oorheers. Ons weet nie wat alles onder dié dak van 190 000 m2 aangaan nie, maar ons verbeel ons dis ’n mengsel van hipermoderniteit en ouskoolse handearbeid – dieselfde mengsel wat ’n mens in die Haval H9 aantref. Die Haval H9 lyk goed as jy hom op ’n afstand bekyk. En as jy ’n bietjie nader stap, sien jy Haval het hier en daar elemente by ander vervaardigers geleen. Die luginlate op die enjinkap is pure Mercedes-Benz ML, die kantruite het ’n soortgelyke…

Die Wes-Kaap se berge wemel van bergpasse, en nêrens in Suid-Afrika is die konsentrasie passe só hoog as in die Kaapse plooiberge tussen Heidelberg en Uniondale nie. Ons roete skop af in die Klein-Karoo, loop suid na die Tuinroete en terug na die Karoovlaktes, en gaan dan weswaarts oor die Langeberg tot op die rand van die Overberg. Die doel van die uitstappie is om te sien hoeveel bergpasse – verkieslik grondpad – ons in twee dae met ’n gewone sportnutsvoertuig kan ry sonder om vir ’n permit te betaal en sonder om ’n pap wiel te herstel. Die voorwaardes is straf, maar haalbaar. As jy hierdie roete rustiger wil vat, staan dit jou uiteraard vry om dit in kleiner stukkies aan te durf. Uit die Karoo tot by die…

Daar is talle verblyfopsies op die roete, maar hier is die drie plekke waar ons tentpenne ingeslaan het. Uniondale-woonwapark Hier is 17 staanplekke waarvan 8 kragpunte het. Hulle is eweredig rondom een ablusieblok gerangskik en hier is populierbome vir skaduwee. Dis wel effens afgeleef, maar dis veilig, skoon en alles werk. Bring maar oorpluisies, want die honde van ’n nabygeleë buurt blaf regdeur die nag. Kontak 082 774 0004 (Ken Dodds) Prys R100 per tent en R20 p.p.p.n. Gamkaberg-natuurreservaat Dié natuurreservaat in die Klein-Karoo het nie staanplek vir boswoonwaens nie, maar daar is twee kleinerige betonblaaie waarop jy ’n tent kan staanmaak. Elke kampplek het tuinmeubels, ’n braai, ’n driepuntkragsok en ’n afdakkie vir skaduwee. Die ablusiegeriewe is pynlik netjies en hier is ’n labirint vir selfinkeer. Dagbesoekers betaal R200…

Ons Suid Afrikaners is regtig bederf met ons verskeidenheid keuses wanneer dit tyd is om die volgende kampnaweek te beplan. Elke provinsie of streek het sy eie unieke landskap, klimaat en karakter, en elkeen van ons het ons eie gunstelingkampbestemming, ’n plek met daardie “iets” wat hom van ander onderskei en jou keer op keer teruglok. Sommige is jolig, ander is hiperluuks en by ander is die natuur en die stilte hemels. Party mense soek egter ’n bietjie van alles... ’n bietjie stilte, iets om die kinders besig te hou en netjiese ablusiegeriewe in ’n plek wat meer bos as oord is. Koro-Koro-safarilodge, sowat 20km wes van Bela-Bela, is só ’n plek. Dit is ook een van ’n handjie vol oorde waar jy uit drie verskillende soorte kampterreine kan kies.…

Henri en Jeannie se oudste seun, Hanri (11), het in die eerste kwartaal van sy gr.6-jaar oor die geskiedenis van Mapungubwe geleer en die storie van die befaamde goue renoster wat in die jare dertig in ’n koninklike graf gevind is. Toe die Venters dus besluit om verlede jaar in Maart saam met Hanri en sy boetie, Johan (10), drie van Sanparke se reservate in die noorde van die land te besoek, was Mapungubwe ook deel van hulle reis-plan. Hulle moes dié renosterbeeldjie in lewende lywe sien. En natuurlik ook vir ’n klompie dae in die Kruger gaan uitspan. Jeannie vertel. Sien julle op die lughawe! “Ons Venters toer met ons Toyota Hilux 2.8 GD-6 4x4 Raider en ons Bush Lapa Vlooi-boswa. Ons vriende Jacques en Christa Hill, van Botha…

Lengte 5,276 m Breedte 2,4 m Hoogte 2,1 m Nokhoogte binne-in 1,91 m Netto gewig 1 050 kg Dravermoë 450 kg BVM 1 500 kg (1,6 t-as) Prys R285 000 Plus • Daar’s geen hout in die panele nie en die veselglas-afwerking beteken die minimum onderhoudskoste. • Die skermplaat om die stoof werk soos ’n bom. • Die wa het oorgenoeg oop ruimte vir twee mense. • Met al die kaste bo en langs die eilandbed, plus die laaie onder die bed, is hier meer as genoeg pakplek. • Die neuskas se deur is groot en ’n mens kom die hele pakplek maklik by. Minus • Die werkblad het ’n rand waarin krummels kan vassit. • Die voorste hoekstutte werk goed, mits jy op ’n waterpas staanplek staan. • Die…

Jy’t verlede jaar al jou staanplek by ’n spogoord bespreek, maar nou sê die weerburo dit gaan reën. Só maak jy as jy lekker wil kamp, selfs al dink jou buurman jy’s stapelgek om jou snoesige huis te verruil vir ’n naweek vol buitengewone weerstoestande. Geknelde land Dalk het jy in jou gr. 6-aardrykskundeklas gesit en ginnegaap, of dalk het jy bloot nie daarin belang gestel nie. Hoe ook al, jy moet jou gesonde verstand kan gebruik wanneer jy tent opslaan of jou woonwa staanmaak. Jy kan byvoorbeeld nie kla as jou staanplek min gras het terwyl ’n groot ou boom heeldag skaduwee oor jou lappie aarde gooi nie. Kennis oor wat die weer gaan doen vóór jy vertrek, gaan jou ook help om ’n behoorlike paklys saam te stel.…

SWAAR DRA AL AAN DIE EEN KANT Ons het groot geskrik toe die trekstang van my 2006 Nissan X-Trail, die dieselmodel, onlangs naby Ngodwana op die N4 breek. Ek sleep sedert 2009 ’n Jurgens Fleetline met die X-Trail. Net buite Nelspruit hoor ek ’n klopgeluid, maar ek dink dis die bagasie agterin wat so raas. Ek besluit egter om stil te hou en seker te maak alles is in die haak. Tot my ontnugtering sien ek die regterkant van die stang-arm lyk los. Dis ook die kant waar die Yellow Blade-stabiliseerder se arm inpas. Ek besluit om met ’n slakkepas deur te druk tot by die Machado-Shell-vulstasie, sowat 100 km verder. Met nog ’n kilometer of drie om te gaan hoor ek ’n aaklige skuurgeluid soos ons om ’n draai…

Die Chinese vervaardiger JMC het pas sy jongste Vigus-bakkie bekend gestel. Ons gaan hom eersdaags onder hande kry en deeglik toets, maar hier is wat ons reeds van hom weet: Dit is ’n tweedegeslagbakkie (die eerste Vigus is in 2014 hier bekend gestel) wat in China gebou en in Afrika, Australië, Asië en Suid-Amerika verkoop word. Pryse begin by R201 880 vir ’n enkelkajuit en die dubbelkajuitweergawe gaan R282 880 kos, wat hom die goedkoopste dubbelkajuit in Suid-Afrika maak. En dan is daar ’n viertrekweergawe wat R348 990 kos – wat steeds nie jou beursie te hard straf nie. Die Vigus word aangedryf deur ’n 2,4 l-turbodiesel wat 290 Nm wringkrag uitskop, en ’n 2,4 l-petrolenjin.…

Hyundai en Kia het aangekondig hulle gaan voortaan sonkragpanele op sommige modelle aanbring. Die eerste geslag van dié panele gaan relatief standaard wees en op die dak van motors met hibriede aandrywingstelsels vasgebout wees. ’n Volgende geslag gaan half deursigtig wees en op hibriede én gewone motors met binnebrandenjins aangetref word. Die derde geslag sonkragpanele gaan op die dak en enjinkap van alle Hyundai-en Kia-motors geïntegreer wees en ’n mens sal glo omtrent nie kan onderskei tussen die motor se bakwerk en die sonpaneel nie. Die doel van die sonkragpanele is om die voertuig se battery te herlaai en ’n lading aan elektriese komponente te verskaf terwyl die voertuig afgeskakel staan. Dit is iets wat jare al deur die veldrygemeenskap gebruik word, maar Hyundai se mikpunt is om dit deel…

Dis ’n vraag wat kort-kort op enige 4x4-forum opduik, en dit klink gewoonlik iets soos: “Ek moet nuwe bande aanskaf en ek wik en weeg tussen modder- en alleterreinbande. Ek is mal oor die modderbande (“MT’s”) se voorkoms, maar ek is bekommerd oor padgeraas, brandstofverbruik en oor hoe die band op ’n nat teerpad sal vaar. Wat stel julle voor?” Niemand kan natuurlik hierdie vraag vir jou antwoord nie. Maar die antwoord is dalk: Nie een van die twee nie. As jy die terreintoepassing van die meeste modderbande in ag neem, sal jy vind hulle is in die omgewing van 80-20 – dit wil sê, hulle is gemaak vir 80% veldrygebruik en 20% padgebruik. Vir alleterreinbande is die verhouding sowat 70-30, wat beteken die band is ontwerp vir 70% padgebruik…

Subaru Suid-Afrika het ’n 2019 Forester 2.0i-S ES vir ons geleen. Die nuwe Forester lyk dalk op ’n haar soos die vorige model, maar daar is daadwerklike verskille. Ons hou veral van die verbeterde X-modus wat die vastrapbeheer nou heeltemal afskakel en soos ’n ewenaarslot werk. Die Forester het hom goed gedra, maar teen die einde van ons reis, op Moodiespas buite Grootvadersbosch, het hy wraggies ’n pap wiel gekry – na ál daai passe! Ons deel ons ry-indrukke in die April-uitgawe.…

“Ons kamp gewoonlik aan die einde van die jaar vir drie of vier weke op Elandsbaai, maar dié vakansie was ’n sentimentele ervaring, want vir die eerste keer in agt jaar het twee van ons kinders nié saam gekamp nie. En asof dit nie erg genoeg was nie, het ons jongste dogter aan die einde van die vakansie in die Kaap op ’n vliegtuig geklim en Kalifornië toe gevlieg. Nadat ons haar afgesien het, het ons besluit om nie op die N1 reguit huis toe te ry met ons 2016-model Toyota Prado en 2007 Jurgens Classique nie, maar eerder die vakansie effens te verleng deur ’n draai te maak by Die Dam, Jongensfontein, Victoriabaai en Buffelsbaai. Watter roete het julle gery? Ons het ons kamp vroeg opgeslaan en teen 9…

Daar gaat hy! Wanneer ’n mens jou prokureurskantoor vir die KwaZulu-Natalse Suidkus verruil, kry jy dalk meer as net see en sand, soos John Christie van Pietermaritzburg uitgevind het. “Ek het dié foto oor Kersfees op Pennington se strand geneem. Dit was dynserig en ek het ’n paar foto’s geneem terwyl my seun Andrew en my kleinseun Luke Bok die vlieër in die lug pro-beer kry het. Op dié foto verlaat die vlieër Luke se hande. Die helder kleure van die vlieër teen die grys omgewing staan vir my die meeste uit.” Die helder kleure van die vlieër maak die verskil tussen ’n doodgewone poging en ’n foto wat uitstaan. Trouens, die vlieër lyk nóg helderder teen die agtergrond en omgewing vol eentonige kleurskakerings wat wissel van bruin, grys en…

In Upington se wêreld het vroeër jare ’n oom gewoon wat gereeld ’n uitdrukking gebruik het wat vir ons familie só snaaks was dat dit nou nog gereeld gesê word wanneer iets nie heeltemal volgens plan verloop nie. As die oom – hy het intussen die tydelike met die ewige verwissel – gesukkel het om iets reg te kry het hy altyd gesê “dis tergend”. Maar wanneer iets sommer net heeltemal verkeerd geloop het, het hy altyd swaar gesug en dan laat hoor: “Ag ja, so it bloody well goes !” Min het ek geweet dié einste uitdrukking sou baie goed te pas kom op ’n onlangse vakansie by Stormsriviermond. Stormsriviermond is vir my een van die mooiste plekke in Suid-Afrika. Die woonwapark is op pragtige groen…

By St. Francisbaai is kampplekke yl gesaai, maar nou het ’n splinternuwe kampplek hier geopen. Waterberry Park was voorheen die St. Francisbaai-woonwapark, wat etlike jare gelede ten gronde gegaan het, en volgens David Glanvill, een van die eienaars, was die stuk grond toegegroei onder dennebome toe hy en sy vennoot, Gary Gilbert, die woonwapark gekoop het. Hulle het ingespring en die kampterrein van die grond af oorgedoen. David is ’n tuinboukundige en ’n mens kan dit sien – nie net aan die netjiese tuine nie, maar ook die uitleg van die oord. Daar is vier kampgedeeltes met onder meer woonwastaanplekke, tentstaanplekke, kampkolle vir ryhuise en luukse staanplekke. Laasgenoemde is groter as die res en jy het onder meer jou eie plaveisel en ’n braaiplek. Buiten die 10 tentstaanplekke het al…

2019 FORD EDGE Die Edge is ’n middelslag-sportnuts wat sedert 2006 in Kanada gebou en in Noord-Amerika, Europa, Nieu-Seeland en Australië verkoop word. ’n Ontrimpelde bakwerk is pas onthul en hy kry nou ’n gawe 2,7 l-EcoBoost-dubbelturbo-V6-enjin. Die Edge word in Australië en Nieu-Seeland as die Ford Endura bemark waar hy taamlik gewild is. Ons dink hy sou in Suid-Afrika beter vaar as die Kuga. 2019 INFINITI QX50 Nissan swyg oor die welstand van sy Infiniti-handelsmerk in Suid-Afrika, maar ons vermoed die skrif is aan die muur. Volgens NAAMSA se nuwevoertuigverkoopsyfers is daar in Januarie 2018 één Infiniti hier by ons verkoop en sedertdien nog nie ’n enkele een nie. Infiniti SA se webblad wys steeds die eerste geslag QX50, maar ’n splinternuwe voorwielaangedrewe weergawe word in Mexiko en China…

Die woonwaskuiwervervaardiger Ewiks vier vanjaar sy tiende verjaardag. En vandag, sê Erik Warburg, die eienaar van Ewiks, is sulke skuiwers nie meer ’n luukse nie, maar noodsaaklik. ( Ons stem saam – ’n mens word nie jonger nie en ’n woonwa is swaar. As jy al ooit ’n dubbelaswoonwa op jou eie met die hand probeer rondskuif het, sal jy weet dis bykans ’n onbegonne taak. – Red. ) Erik is ’n meganiese ingenieur wat self die Ewiks-skuiwer ontwerp het. Hy sê dit is vir hom vreemd dat wavervaardigers skuiwers nie standaard aanbied op hulle groter waens nie. Ewiks se skuiwer werk met ’n afstandbeheer waarmee jy jou wa kan beweeg sonder om een druppel te sweet. Die stelsel het ’n elektriese motor by elke wiel en gebruik…

Jy moet stapelgek wees om ’n Lamborghini Urus bos toe te neem, maar as jy die amptelike nuwe veldrypakket aanskaf, sal jy dit dalk oorweeg. Dié pakket bestaan uit onderstelbeskerming, ’n staaluitlaatpypstelsel, skermplate op die buffers en ’n beter grondvryhoogte. Die bosbefoeterde Urus staan nou 248 mm bo die grond, 35 mm hoër as ’n standaard-Urus, en het ’n nader- en vertrekhoek van onderskeidelik 27,9º en 28,3º. Daar is ook twee ekstra ritmodusse, “Terra” en “Sabbia” (Italiaans vir “grond” en “sand”), sodat die Urus by ruwe terrein kan aanpas. Die Urus word aangedryf deur ’n V8-dubbel-turboenjin wat 850 Nm en 478 kW opwek. Sy topsnelheid is 305 km/h en hy versnel binne 3,6 s van 0-100 km/h. Teoreties sal jy dus binne 1½ uur die 500 km tussen Maputo en…

Lekoa-lodge is op die plaas Wolwefontein, sowat ’n uur en ’n half se ry suid van Johannesburg. As jy dié lodge besoek, is dit waarskynlik om ’n familielid se troue of ’n sakekonferensie by te woon. Dis ’n luukse kompleks met lowergroen grasperke, ’n groot swembad en netjiese rietdak-chalets. Lekoa-lodge bemark hom nie as ’n 4x4-bestemming nie, maar een van die doendinge hier is inderdaad ’n 4x4-hinder-nisbaan – jy kan dus met jou bosbakkie hierheen kom as jy genooi is om jou niggie se troue by te woon, maar nie kans sien om heeldag in jou chalet te wag terwyl tannie Justine van die skoonheidsalon die bruid se gesig verf nie. Die roete het geen aanwysers nie en die personeel by die ontvangsgebou het ook geen kaart wat wys hoe…

Kry ’n koelstoel Die nederige koelboks sien ’n mens oral in die kamp- en 4x4-wêreld, en veral in hengelgeledere. ’n Dag langs die viswaters kan lank word, en uit die aard van die saak sal ’n mens noodwendig jou hoender-en-mayonnaisetoebroodjie en drinkgoed wil koel hou terwyl jy na die stokke kyk. Een van die groot minuspunte van ’n koelboks is gewoonlik sy grootte, want hulle neem heelwat plek op in jou voertuig. Adrenalin Importers het nou ’n kitsopvoukoelboks bekend gestel. Hy vou klein genoeg op om onder jou motor se sitplek in te pas, maar wanneer jy hom oopvou, staan die 15 l-boks ’n volle 30 cm hoog. Hy het ’n los dog stewige onderkant, en die ronde los deksel (saam met die sye) is só sterk dat jy dit…

Wanneer’n mens oor ouer padwamodelle gesels, is daar drie tekortkominge. Eerstens is hulle te hoog om in ’n standaardmotorhuis te pas, tweedens is daar altyd die moontlikheid van houtvrot, en laastens vind die binnekombuis nie oral byval nie. Dit is hier waar Stealth sake anders benader met sy Evolution XR6-padwa, want hy pas in jou motorhuis, het geen hout in die panele nie en sy buitekombuis is in meer as een opsig uniek. Die wa se panele het buitelae van veselglas met ’n hoëdigtheid-polistireen binne, en die onderstel is van dupleksstaal wat drie keer sterker is as gewone staal. Ons haak die XR6, een van die nuutste padwaens, en gaan kamp vir ’n naweek om hom op die proef te stel. Kom skud blad Die deur en buitekombuis is aan…

Almal van ons het al ons slimfoon laat val. Of jou kleinkind speel met die katjie-app, en wanneer jy jou oë uitvee, is die foon in die tuin begrawe. Of hy val uit jou hempsak terwyl jy besig is om jou veldryer in die duine uit te grawe. En dan het meer as een van ons se foon het al op een of ander manier in die toilet beland... Dis juis hoekom ons gaan soek het na die taaiste fone wat tans in die mark beskikbaar is. En om jou keuse makliker te maak het al vier dié fone ’n gradering van IP68. IP68 – hoe nou? The IP staan vir Ingress Protection, oftewel beskerming teen iets soos stof en sand wat die foon binnedring. Vir intree- en middelvlakfone is…

Pa se Cruiser TOYOTA LAND CRUISER 4500 EFI Dit was ’n hartseerdag vir Ewald Spies toe sy pa, Johan, sy Land Cruiser vyf jaar gelede aan ’n kennis op Worcester verkoop. Ewald het altyd ’n ogie op sy pa se Cruiser gehad omdat hy so mooi opgepas is. Hy beweer die enjin was só skoon jy kon van hom af eet. Toe sy pa hom egter van die hand wou sit, kon Ewald dit nie bekostig nie. “Omtrent ’n jaar gelede het ek my Prado se wiele by ’n vriend laat balanseer, en hy vertel my toe van ’n man wat die vorige dag daar was en gesê het hy wil sy Cruiser vir ’n Prado verruil. Kan jy glo dit was dieselfde man wat die Cruiser by my pa…

“Ek het sowat vyf jaar met my 1970-model Roamer Rand Vagabond gekamp nadat ek hom vir R10 000 gekoop het. Ek het egter begin besef die ekstragroot skarniere waarmee die dak lig, is nie net baie moeilik om oop te maak nie, maar ook gevaarlik. Ek het toe besluit om die skarniere kleiner te maak en die wa se sykante met 500 mm te lig. Ek het die driekwartbed met ’n koningsgrootte een vervang en die veselglasmure binne met laaghout uitgevoer. Die veranderinge het my ’n verdere R10 000 uit die sak gejaag. Dit was egter ’n wonderlike projek om in my vrye tyd aan te durf, en ek het sommer nog baie planne. As ek weer ’n paar los rand het, sal ek vir die wa ’n nuwe tent…