Innehållsförteckning för July 2019 från Weg! Ry & Sleep

Jurgens Campworld, soos Jurgens Ci deesdae bekend staan, sê hy het ’n transaksie met ’n beleggingsgroep beklink. Dié beleggers besit nou 50% van die maatskappy en die plan is om die fabriek binne ’n jaar weer 100% op koers te kry. Sake by Jurgens was die afgelope 18 maande wankelrig: Buiten arbeidsgeskille, hofsake en ’n gesukkel om voorraad aan handelaars te lewer het meer as twee derdes van Jurgens se Campworldhandelaars sake in eie hande geneem en die LeisureWorld-groep gestig. Die transaksie met die nuwe beleggers is op 1 Maart vanjaar beklink en beloop meer as R100 miljoen. Een van die nuwe mede-eienaars het aan Weg Ry & Sleep gesê hulle verkies dit om in dié stadium uit die openbare oog te bly. Meer as een van die beleggers het…

Hoefer het vroeg vanjaar opslae gemaak met sy Azzero, ’n wa van 7,5 m met ’n tarragewig van onder 1 300 kg, wat hom die ligste wa van sy soort maak. Nou het die maatskappy ’n tweede model bekend gestel. Teen 5,7 m is die Nevada ’n goeie 1,8 m korter as die Azzero, en hy kos ook amper die helfte minder. Dieselfde boumateriale word gebruik, insluitend ’n onderstel van aluminium. Die Nevada, wat ook relatief lig is vir sy grootte, sal in twee variante beskikbaar wees: een met ’n badkamer en een daarsonder. Die tarragewig is onderskeidelik 775 kg en 850 kg – as ’n mens dit vergelyk met byvoorbeeld Jurgens se Expo (wat 17,5 cm korter is as die Nevada en ’n tarragewig van 1 050 kg het)…

Deesdae is dit hoogmode onder voertuigvervaardigers om spesiale weergawes van hulle bakkies bekend te stel. Dink maar aan die Toyota Hilux Dakar, Volkswagen Amarok Dark Label en Mitsubishi Triton Athlete. Nissan het onlangs óók ’n spesiale weergawe van sý bakkie die lig laat sien: die Nissan Navara Stealth. Die Stealth spog met silwer- en chroomstrokies, swart plakkers, swart wielvellings en oranje insetsels in die voorste buffer en treeplate. Die kleurskema word binnelangs herhaal. Die Stealth is beskikbaar in tweewielaandrywing asook deeltydse viertrek en behou sy 2,3 l-dieselenjin wat 140 kW krag en 450 Nm wringkrag lewer. Hy gebruik ook steeds die 6 spoed-handratkas of 7 spoed- outomatiese ratkas. Agterlangs is vyfskakel-kronkelvering. Daar is drie modelle om uit te kies Navara 2.3D Stealth 4x2 dubbelkajuit R582 200 Navara 2.3D Stealth 4x2…

Ford bied deesdae ’n allemintige keuse van 33 Ranger-modelle waarvan vier ’n splinternuwe turboaangejaagde 2 l-enjin en 10 spoed- outomatiese ratkas kry. Twee van dié vier het boonop dubbele turboaanjaers wat ons eersdaags in die Ranger Raptor gaan beleef. Buiten die nuwe enjin is die reeks ook vernuwe met verbeterde vering en kosmetiese opknapping aan die binne- en buitekant. Kom ons kyk hoe die Ranger 2.0 van sy ouer stalmaats verskil. Binnelangs Die nuweling se binneruim herinner sterk aan dié van ’n sedanmotor, met afwerkingsvlakke wat ’n mens nie tradisioneel met bakkies vereenselwig nie. Feitlik alles is swart, maar die instrumentepaneel blink meer as dié van sy voorgangers. En om alles verder op te kikker is daar chroompanele wat strategies geplaas is. Ondanks die verfyning bly die ontwerp beslis manlik…

“Kaia Manzi is minder as 40 minute se ry van ons huis af en is een van ons gunstelingnaweekwegbreekplekke. Ons kamp al die afgelope 15 jaar hier, en het in dié tyd al maklik 12 of meer keer ons wa hier kom staanmaak. Ons seun Jason, sy vrou, Nicole, en hulle dogter, Taylor, kom gereeld saam. Ons kom ook gereeld net vir ’n dag en kuier dan onder by die dam, hou piekniek en gooi ’n vleisie op die kole. Die ablusiegeriewe is goed en altyd skoon. Nog ’n pluspunt van die kamp is die groot staanplekke: hulle is heelwat groter as by baie ander oorde en ons groot Exclusive pas maklik in – én dan is daar nog plek langsaan vir die voertuie en waterponie. Die waterponie kom altyd…

Die Steyls was al ’n paar keer in Namibië en het al die meeste van die bekendste plekke besoek, waaronder Etosha, die Skedelkuspark, Van Zylspas in Kaokoland en Sossusvlei. In April 2018 het hulle ’n toer onderneem waar hulle die minder bekende plekke wou besoek. Johan vertel. “Ek en my vrou, Lettie, skop ons reis af met twee nagte in die Kgalagadi. Die plan is om Namibië by die Mata Mata-grenspos binne te gaan, maar dis mos ’n eienaardige opset daar. Jy boek duskant die grens by Twee Rivieren uit en ry Namibië dan eers 100km verder by Mata Mata binne. Én jy moet eers twee nagte in die Kgalagadi vertoef voor jy die grens mag oorsteek. (Dit is om te keer dat mense die pad deur die oorgrenspark bloot…

Hennie en sy vrou, Esté, het soos baie kampeerders met ’n tent begin kamp. Hulle het dit soveel geniet dat Hennie naderhand selfs sy eie boswa gebou het. Dit was egter nie genoeg nie en hulle boswa moes plek maak vir ’n gekoopte boswa. Maar steeds het ’n paar klein dingetjies gepla... en toe spoor Hennie ’n ou padwoonwa op wat hy ’n gedaanteverwisseling sou gee. As ’n mens vandag kyk hoe Hennie die ou woonwa in ’n nuwe een omskep het, is dit moeilik om te glo onder die grys laag verf en agter die uitglylaaie en buitekombuis staan ’n statige ou Sprite Sprint van weleer. Hennie vertel... “ONS GESIN HOU VAN die buitelewe en het al die meeste groot staproetes in ons land gestap. Dit sluit in die…

Die verhaal van hoe Renault die Duster by sy Roemeense filiaal, Automobile Dacia, gekry het, herinner sterk aan die storie van Jan en die boontjierank. ’n Mens kan amper sê Renault het met die Duster ook ’n gans wat goue eiers lê. Sedert sy bekendstelling in 2010 is meer as 2 miljoen Dusters al wêreldwyd verkoop – hetsy met die Dacia- of Renault-kenteken. Mense is gaande oor dié kar, selfs hier in Suid-Afrika, omdat hy soveel bied vir betreklik min geld. Dis egter die 4x2-weergawe wat die meeste aftrek kry, terwyl die allewielaangedrewe model dikwels as oorbodig beskou word. Die vraag is dus of daai 4x4-knoppie werklik nodig is en of jy eerder moet volstaan met voorwielaandrywing. Binnelangs Die binneruim van die Duster 4x4 is spartaans, en dis ’n goeie…

Die onlangse sikloon en vloede in Mosambiek het my net weer laat besef hoe uitgelewer die mensdom aan die krag van die natuur is, veral as jy jou in een van die armste lande in Afrika bevind. Ek bewonder ook die waagmoed en heldhaftigheid van 4x4-voertuigeienaars en -organisasies wat spontaan hulle onbaatsugtige hulp aangebied het. Dit laat my dink aan die tyd so ’n jaar of wat gelede toe ek self daar geboer het. My basis was ’n klassieke ou Portugese plaasopstal bo-op ’n rant langs die Limpopovloedvlakte wat mooi gerestoureer is. Die panoramiese uitsig van hier af het my altyd aan die Serengetivlaktes laat dink. Saans kon ’n mens van die plaashuis se stoep af Xai-Xai se liggies in die verte oorkant die Limpoporivier sien. As die son soggens…

“Ek doen maar navraag oor mense se ervarings by ’n kampplek. Sommige oorde se foto’s is baie oud of hulle gebruik dit só dat die oord op sy mooiste lyk. Dit skep ’n sekere verwagting, en wanneer dit dan met die aankomslag nie so lyk soos op die foto’s nie, kan dit ’n teleurstelling wees.” In ’n onlangse rubriek het Neels van Heerden heelwat te sê gehad oor die gradering van kampplekke wat gegrond is op internetkommentaar. Geert de Jong sê hy is lugtig vir hoe kampplekke hulle op die internet bemark.…

In die herfs van 2009 het ’n groepie Nissan Patrol-aanhangers rondom ’n kampvuur in Bloubergstrand besluit om ’n internetforum op die been te bring waar hulle oor hulle gunstelingvoertuig kan gesels. John de Clerk, stigterslid, het ’n hele paar vriende met uiteenlopende talente gevra om hom te help met die totstandkoming van die forum. Ná een week het hulle 10 lede gehad, maar vandag, ’n dekade later, staan die ledetal op byna 2400 toegewyde intekenare waarvan die meeste in Afrika woon. Hoewel dit as ’n kletsforum begin het, het forumlede saamtrekke begin reël en hegte vriendskappe is mettertyd gesmee. Om hulle 10 jaar-reünie te vier het die forum besluit om op te ruk na die Piesangkloof-4x4-roete naby Brits in Noordwes. Altesame 40 voertuie het die naweek bygewoon – bedags het…

Sewe jaar gelede was André le Grange van Rayton een van die vier finaliste in ons boswa-ontwerpkompetisie. Nou het hy sy eerste boswa, die Buffel, aan die publiek beskikbaar gestel. André, ’n meganiese ontwerper, sê hy het sy aanvanklike ontwerp vernuwe tot hy reg was vir die vertoonlokaal. Die uitleg is soos dié van ’n konvensionele boswa met die kombuis aan die linkerkant, die neuskas op die A-raam en ’n daktent wat op die romp pas, maar hy het ’n nuwigheid of twee ingebou. Die Buffel kom met ’n gasstoof én ’n induksieplaat. As die gasstoof byvoorbeeld nie die mas opkom in die wind nie, kan jy oorslaan na die 220 V-induksieplaat. Die romp is van vlekvrye staal en die onderstel van gegalvaniseerde staal. Die standaardwa kom met ’n vaste…

LeBusha Trailers in Pretoria het sy Overlander-boswa effens opgedollie. Die buitekombuis het ’n klompie laaie gekry wat uit die romp gly, en op een daarvan is die ys-vrieskas gemonteer (voorheen het die kombuis geen uittrekgedeelte gehad nie). Verder is die tweeplaatgasstoof nou van gietyster. Die skuins afdak wat oor die kombuis gespan het, word vervang met ’n afdak wat driekwart om die wa én bo-oor die kombuisgedeelte span. Jy kan ook ’n storthokkie bestel. Die kragboks en kas met die diepsiklusbattery was voorheen langs die koskas, maar het nou ’n eie kas sodat dit makliker bereik kan word. Die Overlander het nog altyd ’n goeie hoëdigtheidmatras gehad, maar volgens die vervaardiger is die matras nou selfs beter. En onder die bed is die oop pakplek vervang met twee groot laaie…

Die KwaZulu-Natalse Suidkus is ’n immergroen bestemming, en as ’n mens kyk hoeveel kampeerders jaarliks hierheen stroom, is een ding duidelik: Dit is ’n plek wat gemaak is vir vakansie. Of dit Januarie of Julie is, hier is skynbaar altyd ’n klomp vakansiegangers, en die groot aantal kampplekke wat ’n mens in dié geweste aantref, getuig daarvan. Ons het ’n wa gehaak en by twee gewilde oorde in die Suidkus gaan uitspan. TO-Strand Bring die gesin TO-Strand het desjare aan die Transvaalse Onderwysdepartement behoort, en hoewel dit nie meer die geval is nie, herinner die oord tog in ’n mate aan juffrou Brand se wiskundeklas – pynlik netjies, met elke ding op sy plek. Dit is ’n groot oord met nie minder nie as 137 staanplekke. Sommer met jou aankoms…

“Ons het ons Isuzu-4x4-dubbelkajuit-bakkie se neus in die pad gedruk en sowat twee uur later by die Warmwaterberg-spa-en-mineralebaddens net langs die ikoniese R62-roete stilgehou. Omdat ons bakkie met ’n daktent toegerus is, is ons altyd gereed om te kamp. HOEKOM HET JULLE HIER KOM KAMP? Dit het baie aanloklik gelyk en ons het iets nodig gehad om ons af te koel. Die water was lou en verfrissend, ondanks die buitetemperatuur wat gevoel het of dit naby kookpunt draai. Ons wou ook die oorspronklike badhuis sien wat in 1886 gebou is. Dit was die eerste ontwikkeling hier. HOE LYK DIT DEESDAE? Ons neem aan dit het nogal aansienlik verander van die oorspronklike geriewe wat bestaan het uit ses aparte kamers, elk met ’n bed en bad. Dit is nou omskep in…

DAG 1 Ons ontmoet mekaar by die Namwieilandkamp naby Katima Mulilo in Namibië. Vanaand kuier ons om die kampvuur en kyk hoe die son oor die Zambesi sak. DAG 2 Ons dag begin met ’n vroeë ontbyt. Daarna kry elke voertuig ’n tweerigtingradio en ons kies koers na Katima Mulilo. Op Kati-ma gooi ons brandstof in en steek die grens oor na Zambië. Omdat jy soms opgehou word by die grenspos, reis ons vandag net 115 km tot by ons oornagplek by die Kabulalodge-kampterrein. Voor aandete gaan ons op ’n bootreis op die Zambesi. DAG 3 Ons besoek een van die besbewaarde geheime van die Zambesi: die Ngonyawaterval. Dit is kleiner as die Victoria, maar het meer water en minder toeriste. Ons slaap weer by Kabula-lodge. DAG 4 Vandag gaan…

Mongolië is een van die laaste plekke op aarde waar die nomadiese leefstyl nog ’n tradisionele instelling is. Dit is ’n land van kontraste waar jy woestyntonele, oop grasvlaktes en pragtige varswatermere op jou reis ervaar. Dit is ook die land met die kleinste bevolkingsdigtheid ter wêreld. Dit is die majestueuse en uitgestrekte leegte van die landskap wat reisigers lok om dié besonderse bestemming te besoek. G’n wonder dit staan bekend as die “land van blou lug” nie, want hier kry jy 250 sonnige dae per jaar. Die winter raak egter bitterlik koud met die temperatuur wat op plekke tot -40 ºC kan daal. Een van die wêreld se bekendste woestyne – die Gobi – is ook hier te vinde. Dit lê in die suide van Mongolië, en vergeleke met…

Jy sien nie vreeslik baie abbawaens op ons paaie en in ons kampterreine nie, wat eintlik verbasend is as ’n mens in ag neem hoe maklik dit is om met hulle oor die weg te kom en hoe min onderhoud hulle vereis. Die versekering op abbawaens is oor die algemeen laer as dié van ’n woonwa of ryhuis, hulle hoef nie geregistreer te word nie, en jy hoef jou nie te bekommer oor dinge soos rybewyse en padwaardigheidstoetse nie. Palomino se abbawaens word sedert 1968 al in Amerika vervaardig, en dit is hier waar die Durbanse boorling Gregory Renault die produk teëgekom het. Hy het dadelik besef dit is nommerpas vir die Suid-Afrikaanse kampgemeenskap en besluit om dit hierheen in te voer. Gregory, wat sy verspreidingsonderneming op St. Francisbaai bedryf,…

Etlike miljoene jare gelede, toe plankton en alge die dominante lewe op aarde was, het hierdie wesens gelewe en gesterwe en hulle oorskot op die seebodem agtergelaat. Die organiese materiaal is met sediment bedek, en soos die aardkors se plate rondgeskuif het, het enorme reservoirs vol organiese materiaal ondergronds versamel – en dié materiaal het mettertyd ontbind tot ruolie. Party van die reservoirs was vlak onder die aarde waar vroeë beskawings soos die antieke Babiloniërs daarby kon uitkom en vir brandstof te ontgin vir hulle lanterns. Moderne petroleumvervaardiging het egter eers in 1846 begin. 1846 Die Kanadees Abraham Gessner vervaardig keroseen uit steenkool. 1854 Die Pool Ignacy Lukasiewics maak keroseen uit ruolie. 1858 Die Kanadees James Williams boor die eerste olieput. 1920 Die Suid-Afrikaner P.N. Lategan stel voor olie kan…

“Ons het ’n strandhuis op Scottburgh in die KwaZulu-Natalse Suidkus, en dit was altyd vir ons lekker om ons vakansies in dié deel van die wêreld deur te bring. Daar was egter tye wat dit vervelig geraak het om vir te lank op een plek te bly en dan sou ons ons woonwa haak en ’n ander deel van die streek gaan verken. Maar ek is nou al 75 jaar oud en die moeite van ’n woonwa is nie meer vir my nie. Ek het rondgekyk en toe op dié tweedehandse 2014-model Mercedes-Benz Vito afgekom – en besluit om hom in ’n kampbussie te omskep. Die Vito het aan albei kante ’n glydeur, wat nommerpas was vir die ombouing wat ek in gedagte gehad het. Ons bed moes agter in…

In die gloed van die aandskemering Hy laat selde die kans verbygaan om ’n mooi sonsondergang met sy kamera vas te vang, selfs al staan Theo Kriel van Orania langs die viswaters. “Ons woon so te sê teenaan die Oranjerivier en het onlangs ’n hengelplek bygekry. Ons noem die plek Sandbaai, en ek en my buurman Daan Meyer is saam soontoe. Daan wou ’n bietjie hengel, maar ek het terselfdertyd gesien hoe die son sak en ek kon nie anders nie as om die mooi toneel voor my af te neem.” Elkeen van ons het êrens op ’n foon of familiealbum ’n foto van ’n sonsopkoms- of ondergang, daardie tyd van die dag – gewoonlik net ’n paar minute lank – waarin skakerings van geel, oranje en rooi tussen die…

Pretoria Caravans het sy woonwavoorraad uitgebrei met ’n nuwe handelsnaam. Voortaan sal dié gevestigde handelaar ook Summit Trailers se boswoonwaens verkoop. Toevallig het Summit pas sy Karenga-model opgegradeer – waar hy voorheen ’n uitvoubed gehad het, is daar nou ’n vaste bed binne-in. Franscois Mulock Houwer van Summit sê die ooreenkoms met Pretoria Caravans is die eerste stap om Summit se produkte ook elders as uit die fabriek te verkoop. “Woonwakopers besoek eerste handelaars waarmee hulle vertroud is, én dit verbeter natuurlik ons sigbaarheid,” sê Franscois. Die plan is om ook ’n handelaar in Kaapstad en Durban te identifiseer. Kontak 012 329 2259 of 082 450 5915 pretoriacaravans.co.za…

Custom Canopies and Trailers, bekend vir sy Lion’s Cub- en Lion’s Den-boswoonwa, skuif sy winkel van Boschkop in die ooste van Pretoria na die N4 Gateway-nywerheidspark langs die N4. Maar die winkel is nie die enigste nuwigheid nie. Die eienaar, Jan Venter, sê hy is besig om sy heel nuutste wa – ’n Lion’s Cub vir drie mense – te bou. Die Cub, wat op paartjies gemik is, is die gewildste van Jan se waens. Die nuweling kry ’n enkelbed by in die stert wat dwars teenaan die rugkant van die buitekombuis ingebou is. Die basiese model kom onder meer met ’n 60 ℓ-vlekvryestaalwatertenk, 12 V-220 V-batterystelsel, ’n eilanduitglybed (ook ’n eerste vir Jan), ’n 20 ℓ-geiser wat met elektrisiteit óf gas werk, ’n 40 ℓ-Snomaster-ys-vrieskas en ’n Dometic-stoof-wasbakkombinasiestel. Die…

As jy lief was vir die Chevrolet Trailblazer en lang trane gehuil het toe General Motors uit Suid-Afrika onttrek het, is hier interessante nuus: Die Trailblazer soos ons hom ken, was nooit in Amerika te koop nie, iets waaroor talle Amerikaners suur was, maar wel die Colorado-bakkie waarop hy gegrond is (’n eweknie van die Isuzu D-Max) wat goed gevaar het daar. Ná etlike oproepe van die Amerikaanse publiek het General Motors uiteindelik besluit om ’n splinternuwe Trailblazer in dié land te verkoop wat nou aansienlik kleiner is – iets wat jaloerse Amerikaners juis nié wou hê nie. Besonderhede oor dié nuwe Trailblazer is nog skraps, maar ons weet hy gaan in China gebou en dan dáár en in Amerika verkoop word. Te oordeel na Amerikaners se skynbare beheptheid met…

Wanneer jy uit Gauteng na die Kgalagadi-oorgrenspark en Richtersveld reis, neem jy waarskynlik die pylreguit N14-snelweg deur die Suid-Kalahari. Daar is egter ’n alternatief vir dié eentonige teerpad: ’n grondpad wat die loop van die Moloporivier volg en weinig verkeer sien. Dié rivier is effens raaiselagtig, want niemand is presies seker waar sy bron is, wanneer laas hy in volle vloed was en hoe oud hy is nie. Geoloë vermoed die Moloporivier soos ons hom vandag ken, is in geografieterme betreklik jonk. By een van sy moontlike bronne loop hy lekker sterk en dan kwyn hy skielik in ’n pol riete. ’n Paar honderd kilometer verder kronkel sy droë loop deur ’n diep ravyn wat net deur ’n reuserivier gevorm kon wees – iets wat die Molopo beslis nie is…

Kaia Manzi, ’n gewilde oord vir watersportliefhebbers – veral mense met ’n boot – lê aan die noordelike oewer van die Bronkhorstspruitdam tussen huise en luukse sekerheidskomplekse. Die oord is die enigste plek aan die noordoewer (en een van net twee bestemmings om die dam) wat oop is vir die publiek om hulle bote te kom lanseer. Oor naweke en vakansies kan dit heel bedrywig raak met al die bote en hengelaars. Die manne trek van vroegoggend af al in, lank voor die eerste voëltjie begin tjirp het. Hulle skrik nie eens vir die mis wat vroegoggend oor die dam hang nie. KAIA MANZI is ’n groot oord. Van die bopunt af waar jy die kamp met Damstraat binnery, lê die rye en rye staanplekke teen die helling in die…

Die berge rondom Thabazimbi is vol krapmerke, skaafsels, gaatjies, paadjies en reusetrappe van grond en klip. Trouens, as ’n mens suidwaarts uit die dorp ry, lyk dit kompleet of ’n vervalle Asteekse ziggoerat op die dorpsgrens lê. Dit is omdat dié stukkie aarde besonder ryk is aan ystererts en al dekades lank gemyn word. Die dorp beteken hoeka in Tswana “berg van yster”. As gevolg van die mynbedrywighede is baie van die bergagtige dele rondom die dorp vir die publiek gesluit. Gelukkig is daar een hoekie waar jy nog op die berg kan kamp én ’n 4x4-roete tot bo kan ry. DIE ROSSOUWSPOORTROETE begin langs die bergkamp, by die bordjie wat byna trots verklaar “Slegs 4x4”. Blaas jou bande af voor jy wegtrek (die mense hier beveel 1,8 bar aan),…

Bakkie of niks 2008 TOYOTA HILUX 3.0 D-4D 4x4 DUBBELKAJUIT (OUTOMATIES) Soos baie Toyota-aanhangers op ons vasteland is dit onwaarskynlik dat Jaco Wilson van Witbank ooit van sy huidige ryding ontslae sal raak. Dalk om ’n Land Cruiser aan te skaf... ’n Land Cruiser 79 V8-turbodiesel (dubbelkajuit), om presies te wees. “Ek het voorheen met ’n Fortuner 3.0 D-4D gery wat aan my behoeftes vir ’n ordentlike vierwielaangedrewe voertuig voldoen het. Ek het voor dit ook ’n 3.0 D-4D gery, maar dit was die Hilux 4x2. Ek twee jaar ’n Fortuner gehad, maar omdat ek eintlik ’n bakkieman is, kon ek nooit gewoond raak aan hoe min pakplek die Fortuner het nie, veral as ons gaan kamp. Sowat twee jaar gelede het ek voelers begin uitsteek om te sien of…

VISVANGOORD MANSFIELD-KAMPPLEK Knus teen die Kowie Die Mansfield-kampplek is ongeveer 10 km buite Port Alfred in die rigting van Bathurst, maar hier tussen die groen heuwels – met g’n teerpad of gebou in sig nie – kon jy net sowel diep in die ou Transkei gewees het. Die kamp is geleë in ’n natuurreservaat en lê teenaan die Kowierivier. Die tien staanplekke is nie afgebaken nie en drie het nie braaiplekke nie; bring dus veiligheidshalwe jou braaier saam óf vat jou kampstoele en gaan maak ’n vuurtjie by die gemeenskaplike braaiplek naby die badkamers. Die staanplekke aan die verste kant van die terrein soos jy inry (onder houthuisies teen die heuwel) is die beste beskut. As jy egter baie ruimte om jou woonwa soek, draai dadelik regs op die groot…

Jy het pas by jou vakansiebestemming opgedaag en is gereed om uiteindelik agteroor te sit. Die oordmense sê jy kan maar deur die kampterrein ry en self jou staanplek kies. Dit vat ook nie lank nie en jy het hom: groot genoeg vir jou Penta, ’n ordentlike koelteboom, baie gras en ’n mooi uitsig oor die water. Jy proe al die lafenis terwyl jy terugstoot... en dan hoor jy ’n aardige knal. Jy klim uit en sien jy het in die betonblok om die basis van die kraan vasgestoot. Jy het net die boonste deel van die kraan in jou truspieël gesien en nie met die kniehoog betonblok rekening gehou nie. Nou gaan jy vir die volgende klompie dae sit en tob oor jou versekeringseis in plaas daarvan om jou…

Soms het ’n mens albei hande nodig – soos wanneer jy in die middel van die Kgalagadi braai nadat die son watergetrek het. Of wanneer jy jou kleinkind in die vroeë oggendure ablusieblok to moet dra. Of wanneer jy voor sonop ’n staproete aandurf of wil lê en lees terwyl jou bedmaat slaap. Sulke tye is ’n goeie en stewige koplamp ’n nuttige ding. Ons het ’n klompie bymekaargemaak wat aan alle smake en begrotings voldoen. Hulle kos tussen R200 en R2500. HILIGHT DUAL BEAM 200 Gaaf en goedkoop Hierdie is een van die meer bekostigbare koplampe op hierdie blaaie, maar jy kan steeds kies tussen twee helderheidsverstellings, ’n flikkerfunksie en ’n rooi lig vir wanneer jy in die nag wildkyk. Hy het ook ’n verstelling wat die helderheid van…