Innehållsförteckning för September 2019 från Weg! Ry & Sleep

“In ons huis is die eerste aand se braai die enigste ding wat haarfyn beplan word wanneer ons gaan kamp. Want dit voel soos die belangrikste een.” Die wêreld het al ’n hele paar ikoniese kombinasies opgelewer wat oor ’n wye spektrum vir hope vermaak gesorg het. Gevalle waar jy die een se naam nie kan sê sonder om instinktief aan die ander te dink nie. Ek praat van kombinasies soos Victor en Bakkies, Lennon en McCartney, Laurel en Hardy, Jagger en Richards, Petersen en Kramer... Die ding van hierdie kombinasies is dat hoewel elkeen op sy eie waarskynlik besonderse hoogtes sou bereik, was almal van hulle net soveel beter saam met die ander. Victor sou steeds ongeëwenaar wees in die lynstaan, maar hoeveel kans sou hy gehad het om…

Cedric Pieterse Ek was dapper genoeg om sommer ’n koperskroef in die Eugene Heiberg My Ford Cortina-bakkie gebruik hierdie keramieksmeltdrade  plek van die smeltdraad te gebruik. As jy dit gedoen het, kon een van twee dinge gebeur: Óf die probleem kom nie weer terug nie óf jy spoor sommer dadelik die fout op, want dit is waar die rook of vlamme trek. vandag nog. Piet van Heerde Ek onthou die blink papier van ’n pakkie 30. Skeur dit Frikkie Booysen Ja-nee, ek het ook die blink papier gebruik... en my Chev  in smal strokies om glo die “sterkte” te verander. Firenza amper uitgebrand.…

Kampplek Hier is 40 staanplekke – almal op sand en onder bome – waarvan byna die helfte gelyk en groot genoeg is vir woonwaens. Ablusiegeriewe Skoon, maar beknop. Prys R100 p.p.p.n. plus R100 p.n. per staanplek. Aankoms- en vertrektyd 14:00 en 10:00. Kontak 082 653 8197 (SA) of 00 25 84 207 1650 (Mosambiek) montegomoz.co.za bookings@montegoresort.co.za Naaste dorp Xai-Xai 21 km. Hoe lyk die pad? Teerpad en dan daarna harde sandpad. GPS S25.10511 E33.76751 Weg Ry & Sleep sê Jy kom hierheen om te swem en hengel. Moet net nie alleen naby die rif gaan swem nie.…

Kampplek Hier is 5 omheinde staanplekke by die hoofgebou en 10 ongemerkte staanplekke by die boskamp. Ablusiegeriewe Private geriewe by die hoofgebou en 1 ablusieblok by die boskamp. Prys R125 p.p.p.n. Aankoms- en vertrektyd 14:00 en 11:00. Kontak 00 25 884 546 2263 (Whatsapp) stander.bertie@gmail.com facebook.com/MachuboBeachResortMozambique Naaste dorp Manhica 28km. Hoe lyk die pad? Los sand; ’n 4x4 is noodsaaklik. GPS S25.54998 E32.86643 Weg Ry & Sleep sê Die Machubo-strandoord is nog besig om te groei; dus sal dit met elke besoek net lekkerder word.…

Kampplek 3 staanplekke langs die swembaddens en 2 staanplekke verder weg tussen die rondawels. Ablusiegeriewe 1 gebou met 2 private badkamers. Prys R350 p.n. per staanplek vir 4 mense (R445 in die spitsseisoen); daarna R25 p.p. ekstra (maksimum 6 mense). Kontak 015 305 7906 info@magoebas kloofmountainlodge.co.za magoebas kloofmountainlodge.co.za Aankoms- en vertrektyd 12:00 en 10:00. Hoe lyk die pad? Heelpad teerpad. GPS S23.86404 E30.00692 Weg Ry & Sleep sê Dis ’n pragtige bestemming, maar die staanplek is min.…

Maksimum getal voertuie Geen. Dis ’n openbare pad. Kry ek ’n kaart? Nee. Sal my voertuig krap? Nee. Moet ek ’n kompressor saamneem? Nee, tensy jy ’n band herstel. Kan ons langs die pad braai? Dit gaan vreemd lyk, maar ja, waarom dan nie? Kan ek halfpad omdraai? Natuurlik. Is daar selfoonsein? Ja. RONDOM DIE ROETE Beste tyd om te gaan? Heeljaar. Kan ek my gesin saamneem? Ja, beslis. Hoe lank duur dit? Drie dae. Is daar ablusiegeriewe? Op die dorpe, ja. Aanwysings Uit Johannesburg ry jy agterpad langs deur Parys, Bloemhof, Warrenton, Douglas, Strydenburg, Vosburg, Loxton, Sutherland en Ceres tot in die Kaap. Wat kos dit? Jou belastinggeld het reeds hiervoor betaal.…

Jy benodig (genoeg vir 4) 1 blik (215 g) sardyne ½ koppie roomkaas skil en sap van ½ suurlemoen sout en peper na smaak 2 eetlepels gekapte vars pietersielie 2 eetlepels fyngekapte ui 8 snye ciabatta olyfolie vir braai Só maak jy 1 Verwyder die grate versigtig uit die vis en meng dan die vleis met die res van die bestanddele (behalwe die brood en olie). 2 Verf elke sny brood goed met olyfolie en braai dit aan albei kante in ’n warm pan tot dit mooi goudbruin is. Sit die patee voor saam met die bruschetta. Weg Ry & Sleep sê Die geheim van hierdie patee lê deels in die sout en peper. Maak dit proe-proe om seker te maak dit is behoorlik gegeur.…

Model .......................................................................................................2,4l DI-DC 4x4 (outo) Enjin..................................................................................................2442cc, viersilinderdiesel Krag............................................................................................................133kW @ 3500r.p.m. Wringkrag..............................................................................................430Nm @ 2500r.p.m. Ratkas.......................................................................................................... 6spoed-outomaties Brandstofverbruik (getoets)...........................................................................8,2l/100km Gewig ...................................................................................................................................1850kg Nader- en vertrekhoek............................................................................................28° en 23° Sleepvermoë ....................................................................................................................3100kg Grondvryhoogte............................................................................................................220mm Waarborg.........................................................................................................3 jaar/100000km Diensplan.......................................................................................................... 5jaar/90000km Veiligheidsgradering............................................................. (EuroNCAP, 2015) PRYS..................................................................................................................................R589995…

Johan Duvenhage Ek was voorheen ’n lid van Sawa, maar dit was nie vir my nie. Almal sê jy is nie verplig  om iets te doen by sulke saamtrekke nie, maar as jy nie deelneem nie, kyk mense jou skeef aan. Daar was ook ’n paar kliekgroepies. Mathys Pretorius Ek het niks teen klubs nie, maar ons doen maar ons eie ding saam met vriende  en familie. Zaandre Campher Ek het ’n paar jaar tot ’n klub behoort en het baie lekker tye gehad. ’n Klub moet wel groei  en verander soos wat die lede verander. Vir nou is ek nie deel van ’n klub nie en kamp saam met ’n groep familie en vriende. Ons laat weet mekaar wanneer ons gaan kamp, en dié wat wil saamkom, maak so.…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die Pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

Namibië is ’n wonderlike plek Die afgelope Junievakansie was ek en my vrou, Ancen, bevoorreg om deur Namibië te toer. Op ons pad het al die vriendelike mense ons opgeval, en dit voel boonop veilig. Net die slegte paaie rondom Sossusvlei het ’n bietjie gepla. Die eerste aand het ons by die Orange River Rafting-lodge gekamp en die tweede aand deurgeskiet tot by Rehoboth, waar ons by Lake Oanob oornag het. Dit was ’n belewenis om langs die dam te kamp en ons het die hordes voëlspesies waardeer. Jy het jou eie badkamergeriewe, ’n kombuis, ingeboude braaiplek en ’n eie dek. Etosha was egter vir ons ’n bietjie teleurstellend en ons het nie soveel diere gesien as in die Krugerwildtuin nie. Die wild was nietemin gesond. Van hier af het…

In teenstelling met die sukkelende X-klas blyk dit die V-klas is vir Daimler, moedermaatskappy van Mercedes-Benz, ’n suksesverhaal. Sedert sy bekendstelling 2015 is sowat 209 000 van dié bussies wêreldwyd verkoop waarvan 64 000 net in 2018 was. Dit is in teenstelling met die 16 700 X-klasse wat in dieselfde tydperk verkoop is. Daarom het Mercedes-Benz besluit om ’n ontrimpeling op sy suksesvolle bussie uit te voer. “Dit sal vir die opgekikkerde V-klas maklik wees om aan te boer waar sy voorganger opgehou het, aangesien dit so ’n stylvolle en dinamiese voertuig is. In hierdie jongste gedaante oortuig die V-klas steeds gesinne, avontuurlustiges en sakemense dat dit ’n ryding vir enige doel is,” sê Nadia Trimmel, adjunkpresident van Mercedes-Benz Suid-Afrika se bussie-afdeling. Wat is alles nuut? Die voorbuffer se luginlate…

Jy sou dink die Ford Ranger-bakkie se blink verkope sou as inspirasie dien vir die Everest-sportnutsvoertuig, maar die Everest, helaas, het ’n berg voor hom. En dié se naam is Fortuner. Die maandelikse verkope van Toyota se ongekend gewilde Fortuner-sportnutsvoertuig oortref die gesamentlike verkope van al sy mededingers met ’n Kalaharimyl. Maar met ’n nuwe reeks turbo-enjins, ’n gesofistikeerde 10 spoed- outomatiese ratkas en verbeterde voorste vering kan die opgekikkerde Everest darem nou al opkyk en die spits van Fortunerberg daar bo in die wolke sien. Ons het die nuwe Everest op die dorp gery en die sandpaaie van Botswana met hom aangedurf, en die verbeteringe aan die enjins, ratkas en vering maak van die Ford ’n gedugte mededinger. Die enjins Die nuwe 2 l-dubbel- en -enkelturbo-enjins wat onlangs in…

Shaun Stevens (middel) van Vanderbijlpark ry met ’n 1996 Defender 110. Hy en sy vrou, Carien (naasregs), en hulle seuns, Jaden en Joshua, kamp met ’n Tentco Bush Camper. Shaun se niggie Zanetta van Huijssteen (links) van Potchefstroom en haar man, Hansie, ry met ’n 2005 Discovery 3 en sleep ’n Sprite Tourer SC. “Ons voel veilig hier en die water is helder en skoon. Jy kan rustig in die strandmeer snorkelduik en die visse duidelik sien. Dit is vreemd dat die oord se bestuur nie toiletpapier verskaf nie, maar die ablusiegeriewe is darem skoon.”…

Corrie en Nicky Gouws van Nelspruit ry ’n 2000 Mitsubishi Pajero 3.2 DID en kamp met ’n Campmor-koepeltent. Hulle kleinkinders Michaela en Michael is saam op vakansie asook hulle vriende Charlotte en Barry Barnard. “Dit is ons tiende besoek aan Machubo, en Bertie en Lynne voel al soos familie. Ons hou van die eenvoud, die natuur en die gebrek aan selfoonontvangs by Machubo. Niemand steur jou hier nie, want dis ver van die smouse en toeristeslaggate af. Mosambiek voel oor die algemeen veilig en vriendelik, en dít is waarom ons eerder hier vakansie hou as in Suid-Afrika. Dit is die derde keer dat Barry en Charlotte, ook van Nelspruit, by Machubo kom vakansie hou, en as hulle hoor ons maak planne, is hulle slaggereed om saam te kom.”…

Kan ek die roete op my eie ry? Nee, hierdie roete loop deur ’n konsessiegebied en is net bereikbaar met ’n permit op ’n begeleide 4x4-toer. Hoe lank? Die Skedelkus-skeepswrakekspidisie duur 6 dae en 5 nagte. Dit begin in Lüderitz en eindig in Walvisbaai. Waarmee moet ek ry? Jy kan dit net met ’n 4x4-voertuig met ’n goeie grondvryhoogte, laestrek en minstens ’n agterste ewenaarslot doen. Maak seker jou voertuig het herwinpunte voor en agter. Hoeveel brandstof het ek nodig? Beplan vir minstens 700 km in 4x4-toestande – dus minstens 220 l vir dieselvoertuie en 250 l vir petrolenjins. Watter toerusting moet ek pak? Bring ’n banddrukmonitor, kompressor, ’n bandherstelstel en basiese onderdele vir jou voertuig saam. Jou gids gaan jou dalk ook vra om hout en water vir die…

Mamphoku Makgoba was die hoofman van die BaTlou-stam wat hulle teëgesit teen die destydse Zuid-Afrikaansche Republiek (ZAR) se pogings om hulle te hervestig en dié klowe in ’n buffersone tussen wit boere en swart stamme te omskep. Kmdt.genl. Piet Joubert is in 1895 deur die ZAR opdrag gegee om Makgoba met geweld te verdryf. Hy het ongeveer 800 kommandolede en ’n impi van meer as 1 000 Swazikrygers na die einste kloof gelei waar die Magoebaskloofberglodge vandag staan – dit is hier waar hoof-man Makgoba met nagenoeg 500 van sy BaTloukrygers geskuil het. ’n Geveg het losgebars, Makgoba is verslaan en deur die Swazi’s onthoof, en sy kop as bewysstuk na Joubert toe gebring. Die grusame trofee is lank ten toon gestel en die skedel het mettertyd verlore geraak –…

VISVANGOORD KLIPDRAAI-WOONWAPARK KIES JOU KOL ’n Groot deel van die Klipdraai-woonwapark lê teen die Kliprivier in Meyerton. Op pad hierheen ry ’n mens een oomblik nog deur die Rothdene-woonbuurt, en die volgende oomblik staan jy voor die oord. Die dorpspad loop dood teen Klipdraai se hek, en dis net hier waar jy die dorp agterlaat. Onder die hoogspanningsdrade voor jou lê ’n lappie gras waar ’n hele paar wildsbokke wei. Verwag om ten minste springbokke, blesbokke en njalas te sien. As jy nader aan die warmwaterswembad wil staan, moet jy mik vir die eerste staanplekke, maar as jy meer koelte soek, hou ’n ent verby. Die verste staanplekke lê op die oewer van die rivier (wat ’n hoefyster om die oord vorm) – hier kan jy sommer uit jou kampstoel…

Nét die net vir jou Die skepnet is onontbeerlik vir enige visserman. Maar as jy nie versigtig is nie, kan die vis seerkry wanneer jy hom uit die water lig. Die knope van die net se lyn kan aan van die vis se skubbe of selfs die rugvin vashaak, en die hoek self kan ook in die net verstrengel raak. Hier is ’n slim oplossing: ’n skepnet sonder knope, en boonop is die lyn bedek met ’n laag PVC. Dit is dus vriendeliker met die vis, veral as jy hom soos by die meeste plekke deesdae weer moet vrylaat. Adrenalin se PVC-skepnet het ’n handvatsel wat 92 cm lank is, en die greep agter is van rubber. Dié steel is nie rond nie, maar agtkantig – en jy kan die…

Jou nuwe ryding is pas met R200 000 se toerusting opgedollie en jy is slaggereed om daardie afgeleë kampterrein met jou boswa te besoek en by die nabygeleë 4x4-roete te gaan speel. Alles is gepak en jy klim op die N3 op pad na die KwaZulu­Natalse Suidkus. Maar kort voor ’n weegbrug staan ’n wetstoepasser en hy beduie jy moet aftrek. Dan hoor jy jy is 300 kg oorlaai en jy moet begin aflaai voor jy verder kan ry. O ja, en jy word ook summier beboet én jy moet met iemand reël om die goed te kom haal wat jy moes aflaai. Hoe nou gemaak? Wat is die probleem? Ons het op hierdie onderwerp besluit toe ons uitgevind het hoe gevaarlik naby ons eie langtermyntoetsvoertuig, ’n Isuzu D-Max, aan…

LAMSBLADPOTJIE MET KERRIE Lammetjie-uitnek Goeie lamsvleis het nie veel fieterjasies nodig as jy dit braai nie, maar só ’n smeltsagte blad of ribstuk in ’n kerriesous is darem ook nie te versmaai nie. Jy benodig (genoeg vir 8) 1 lamsblad of ribstuk van 1,2 kg 1-2 rooi brandrissies, grofgekap 4 knoffelhuisies, in kwarte gesny 2-3 eetlepels gekoopte masalakerriesmeer 1 eetlepel fyn klapper 3 uie, in dik skywe gesny kookolie vir braai 2 lourierblare 1 botteltjie (330 ml) bier sout en varsgemaalde swartpeper na smaak 1 koppie klappermelk 2 eetlepels vars suurlemoensap Só maak jy 1 Sny met ’n skerp messie ’n paar diep kepe oraloor die vleis en druk die knoffel en brandrissiestukkies daarin. Meng die kerriesmeer en klapper en vryf die vleis oraloor daarmee in. Sit die blad in…

DATUM 1-7 Maart en 15-21 Maart 2020. PRYS R11 350 p.p. wat deel (halfprys vir kinders o.10). BHEJANE VERSKAF ’n Toerleier wat ook ’n ervare natuurbewaarder en avontuurgids is. Hy sal te alle tye in radiokontak met jou voertuig wees. Alle ontbyte en aandetes word by die gastehuise voorgesit. Bhejane sorg bedags vir piekniekmiddagetes. WAT MOET JY BRING? Vir dié unieke avontuur het jy ’n 4x4-voertuig met ’n behoorlike grondvryhoogte nodig. En in die passe, wat tegniese rywerk vereis, gaan jy laestrek nodig kry. Jou eie brandstof. Ja, ek wil gaan! Bespreek by 044 535 9033 of bookings@bhejane.com Vir meer inligting gaan na bhejane.com…

11 dae/10 nagte (tent verblyf ) Beginpunt Lethlakane, Botswana Eindpunt Kasane, Botswana DATUMS EN KOSTE 8 -18 Oktober 2019, R14 938,50 per volwassene; halfprys vir kinders jonger as tien 21-30 Maart 2020 R15 950 per volwassene; halfprys vir kinders jonger as tien INGESLUIT • Die dienste van ’n ervare veldgids • Tweerigtingradio’s in alle voertuie • Alle kamptariewe, toegangstariewe en geadverteerde aktiwiteite • Alle tente en kamptoerusting, asook breekgoed en eetgerei • Drie maaltye per dag, en koffie en tee elke dag WAT MOET EK BRING? • Jou eie voertuig en brandstof • Slaapsak, matras, kampstoele en ’n kamptafel • Padkos en drankies • Reisversekering en versekering vir noodontruiming (verplig) • Jy is verantwoordelik vir grenspostariewe en padbelasting BESPREEK NOU! 044 535 9033 bookings@bhejane.com; bhejane.com…

... en ons plaas dit dalk hier. Ons soek nie die tradisionele “kompetisiewenners” nie; net doodgewone foto’s wat vir jou mooi is. Van ’n foto wat jy dadelik as jou nuwe tuisbladfoto op Facebook gebruik regdeur tot kinders wat in die swembad plas. Of dit met ’n gróót kamera of jou selfoon geneem is, dit maak nie saak nie. MARI MARAIS wen ’n Weg Ry & Sleep-kamerasak ter waarde van R520 met haar foto – veels geluk! Stuur jou foto’s na leon.botha@media24.com…

Kampplek Hier is 35 staanplekke, almal op sand en meestal onder bome. Die grond is nêrens 100% gelyk nie, maar jy gaan nie sukkel om jou woonwa waterpas te kry nie – ’n baksteen of twee aan die een kant behoort die ding te doen. Ablusiegeriewe Afgeleef, maar diensbaar. Hier’s geen toiletpapier nie. Prys R60 p.p.p.n. plus R80 p.n. per staanplek. Aankoms- en vertrektyd 14:00 en 11:00. Kontak 00 25 82 825 9019 (Mosambiek) palmeirasbilene@gmail.com complexopalmeiras.blogspot.com Naaste dorp Die oord is in Bilene. Hoe lyk die pad? Heelpad teerpad. GPS S25.28213 E33.25971 Weg Ry & Sleep sê Jy kom hierheen om met jou waterspeelgoed te kerjakker – hou net verby die slegte helfte van die oord.…

Die Magoebaskloof is ’n aanskoulike reeks klowe aan die noordoostelike punt van die Drakensberg. Dié streek in Limpopo is genoem na hoofman Mamphoku Makgoba wat 124 jaar gelede deur Swazi-krygers hier onthoof is, en volgens Duitse toeriste wat hier besoek afgelê het, lyk dit op ’n haar soos die Swartwoud tussen die Rynrivier en die Feldberg in die distrik Baden-Württemberg. Dis natuurlik mits jy verby die piesangbome kyk... Aan die bopunt van die Magoebaskloofpas, tussen Tzaneen en Haenertsburg, lê die Magoebaskloof-berglodge, wat feitlik omsingel word deur die breë teerpad wat oor berge en deur klowe kronkel. Motoriste én motorfietsryers hou daarvan om vinnig deur die bergpas se draaie te vleg, en as jy uit Pretoria hierheen ry, moet jy jou woonwa haastig oor die aankomende verkeer se baan sleep voor…

Vis Geelvis, moddervis, baber en karp. Kampplek 350 staanplekke met krag. Nie almal is ewe gelyk nie, en afhangend van waar jy staan, het jy koelte, volson of halfskadu. Ablusiegeriewe 10 netjiese badkamers en 4 opwasplekke. Prys Afhangend van die seisoen R300 of R400 per staanplek vir die eerste 4 mense; daarna R100 p.p. (R50 vir kinders van 3-12 jaar); maksimum 6 mense per kampplek. Kontak 076 017 4354 of 072 823 5236 besprekings@klipdraaikaravaanpark.com klipdraaikaravaanpark.com Naaste dorp Klipdraai is op Meyerton. Hoe lyk die pad? Teerpad tot by die oord, met die laaste 340 m wat geplavei is. GPS S26.609762 E27.9962660 Weg Ry & Sleep sê Vang en laat gaan is die reël by Klipdraai. En moenie skelmpies een in die pan of oor die kole gooi nie, want bewyse van…

Mitsubishi se nuwe Triton is gewild in Oosterse markte, maar in lande soos Suid-Afrika en Australië met Westerse smake bied hy min teenstand vir sy mededingers. Dit is eintlik ’n jammerte, want hy spog met veldrytalente wat hom die potensiaal gee om ’n voortreflike avontuurtrokkie te wees. Om dié rede het ons ’n draai deur die damme en berge van Franschhoek in die Kaap gaan ry om uit te vind wat sy talente – én tekortkominge – is. Só ry hy In Weg Ry & Sleep #23 het ons reeds ons mening oor die Triton se voorkoms en binneruim gegee – hierdie is ons ry-indruk ná ’n week agter die stuur. Die 2,4 l-MIVEC-dieselenjin wat in die 2016-model aan ons bekend gestel is, is onveranderd, maar die nuwe 6 spoed-…

Model .............................................................................................X5 xDrive30d Enjin ................................................................................6 silinder-turbodiesel Krag ..............................................................................................................195kW Wringkrag .......................................................620Nm @ 2000-2500r.p.m. Ratkas................................................................................8spoed-outomaties Aandrywing ........................................................................................... Allewiel Tenk.................................................................................................................... 80l Brandstofverbruik met woonwa ...............12,2l/100km (8,2km/l) Reikafstand met woonwa.................................................................656km Tarragewig..............................................................................................2050kg BVM ............................................................................................................2860kg BKM ............................................................................................................6360kg Sleepvermoë .........................................................................................2700kg Sleepstang se maksimumtrekgewig........................................3500kg Sleepstang se maksimum- vertikale gewig.............................140kg Is die stang verwyderbaar? ................................................................... Nee Is daar plek vir ’n sakplaat? ................................................................... Nee Standaardprys.................................................................................R1186200 PRYS SOOS GETOETS............................................................R1 522 646…

Gewigte Isuzu se ingenieurs het die volgende te sê oor tarragewig, BVM en dravermoë: Taragewig Dit is die gewig van ’n leë standaardvoertuig met al sy vloeistowwe, waaronder olie en verkoelmiddels, maar net 10 l brandstof in die tenk. Ons neem aan 10 l is gekies as bedryfstandaard sodat voertuie weegbrug toe en terug kan ry. Brutovoertuigmassa (BVM) Dit is die maksimum wat jou voertuig mag weeg as hy gelaai is en word deur die vervaardiger vasgestel. Jy sal die syfer op jou voertuig se gewigteplaatjie sien, gewoonlik in die bestuurder se deuropening. Die BVM is die tarragewig plus alle toebehore soos bosbrekers, dakrakke, wenasse en die dravermoë. Dit sluit ook jou wa se neusgewig in wanneer jy sleep. Dravermoë Dit is die maksimumgewig wat jy in jou voertuig mag…

Ek het ’n klompie interessante weke agter die rug. Die geleentheid het hom voorgedoen om my Ford Ranger Wildtrak te vervang met iets waarna ek al jare lank smag – ’n Toyota Land Cruiser 76. Terwyl ek by die Toyota-handelaar in my nuwe ryding wegtrek, kry ek dadelik daardie bekende gevoel van ’n basiese enjin met ongelooflike vermoë. Ondanks al die wonderlike veldryreise wat ek al deur die jare beleef het, voel dit nog steeds of daardie gevoel agter die stuur van my heel eerste 4x4-voertuig die beste was. Ek mis my ou Hilux met sy vaste vooras elke dag. Die tydsberekening vir my nuwe wiele is waarskynlik vir my meer betekenisvol as my blote begeerte om ’n klassieke 4x4-ryding te besit. Enjins soos die V8-turbodiesel in my nuwe 76…

Vier jaar gelede is die hoeveelheid plastiek in die wêreld se oseane op sowat 40 miljard ton geraam – genoeg, blykbaar, om die aarde ses keer met kleefplastiek oor te trek. Mariene bioloë voorspel dat daar teen 2050 meer plastiek as vis in die see sal wees – sommige beweer selfs tans is daar meer mikroplastiekstukkies in die oseane as die 200 miljard sterre in die Melkweg. Plastiek in die see beweeg met seestrome en versamel in vyf draaikolkgebiede. Twee hiervan is tussen Suid-Afrika en Argentinië en suidoos van Mauritius geleë. Verpakkingsmateriaal wat uit Suid-Afrika afkomstig is, is al in van hierdie draaikolke gevind. Ons kuslyn van 3 500 km is ’n onvervangbare voedingsbron, lok toeriste en verskaf ’n tuiste aan sowat 13 000 mariene spesies, waarvan 33% nêrens elders…