Innehållsförteckning för December 2019 från Weg! Ry & Sleep

Dit lyk of die einde aangebreek het van die Malgas-pont, wat al 155 jaar met die hand oor die Breërivier getrek word. Net soos hordes ander mense was Tewis Prinsloo ook al oor die pont. “Dis reg, ek was ook al oor die pont. Ons het selfs gehelp om die pont tot aan die ander kant te kry. Ons het nog die tou met die hand getrek; dis ’n goeie 20 jaar gelede. Die nostalgie rondom dié pont sal my altyd bybly, maar ek neem aan die nuwe een is seker veiliger met ’n groter dravermoë. Ek sal hom maar moet gaan toets.”…

Die Pretoriase boswoonwavervaardiger BorderX het net enkele maande ná die bekendstelling van sy dubbelaswa, die Expedition, ’n kleiner weergawe die lig laat sien. Volgens die eienaar, Werner Pretorius, word die nuweling die Extreme genoem en hy is op paartjies gemik. Kopers kan dieselfde boumateriale en afwerking verwag as in die Expedition. Werner het na ouer kampeerders geluister met die ontwerp van die Extreme: Hy pas in ’n standaardmotorhuis en, anders as wat die tendens is, het hy nié ’n bed wat uitslaan nie omdat die seilkante van so ’n bed nie veilig genoeg is nie; ouer kampeerders wil eeder binne-in die wa slaap. Verder was mense op soek na ’n ligte wa, en met ’n brutovoertuigmassa van 1 300 kg is die Extreme lig genoeg om met ’n middelslag-sportnutsvoertuig te…

Al hoe meer motorvervaardigers is besig om oor te skuif na batteryaangedrewe voertuie. Mitsubishi het by vanjaar se Tokiomotorskou twee elektriese konsepvoertuie bekend gestel wat ons oog getref het. Die Mitsubishi Mi-Tech gebruik vier elektriese motors om al vier wiele aan te dryf en ’n piepklein turbine om elektrisiteit vir die battery op te wek. Die turbine kan verskeie brandstowwe ontbrand, waaronder diesel, keroseen en alkohol. Die Mi-Tech sal waarskynlik nooit verby die konsepfase vorder nie en is bloot daar om ’n weg te baan vir toekomstige produksievoertuie. Die Mitsubishi Engelberg Tourer staan ’n beter kans om die lig te sien, maar waarskynlik in ’n afgewaterde weergawe. Hierdie hibriede voertuig gebruik dieselfde aandrywingstelsel wat vir die Outlander PHEV (inprop- hibriede elektriese voertuig) ontwikkel is. Die aandrywingstelsel bestaan uit ’n 2,4…

R464 300 Ford Ranger 2.2 TDCi Hi-Rider XLS Hy kos amper dieselfde as die X-Rider, maar ons weet nie hoe lank die 2,2 ℓ-enjin behou gaan word nie. Die lys van opsionele ekstras is wel indrukwekkend. R540 300 VW Amarok 2.0 TDI Comfortline Selfs die goedkoopste Amarok is allermins goedkoop, maar hy’s beslis ’n mooi bakkie. Sy ritgehalte is ook nader aan dié van ’n sedanmotor as die Isuzu. R575 200 Nissan Navara 2.3D Stealth Dié bakkie lyk rof en ombeskof en hy kom met emmers vol katoeters, maar hygend hert, hy’s dúúr!…

Die Vredefortkoepel daar in Parys se wêreld het ontstaan toe ’n meteoriet die aarde meer as 2 000 miljoen jaar terug getref het – hier in die Suid-Afrikaanse binneland. En van die grootste attraksies in dié besonderse lappie aarde, wat deur Unesco tot Wêrelderfenisterrein verklaar is, is die Berakah-4x4-ekoroete. Berakah, wat “geseënd” beteken, is ’n onbegeleide roete van 15 km wat bestaan uit verskillende afdelings, elk met sy eie unieke uitdagings. Wanneer jy aanmeld, kry jy ’n kaart, en oral langs die roete is padtekens wat jy saam met die kaart gebruik om vas te stel wat presies elke hindernis behels. Die roete word ook deeglik met jou bespreek voor jy vertrek en jy het dus ’n goeie idee wat om die volgende draai op jou wag. Die eerste deel…

Die Namib is ’n legendariese plek: Dis die wêreld se oudste woestyn en ook ’n Wêrelderfenisterrein. Soos jy die oopte binnery, begin die duine met jou praat... en die adrenalien bruis behoorlik deur jou are wanneer die woestyn om jou vou. Jy beleef die ewigveranderende duine en die lugruim wat elke aand vol sterre skitter. Die woestyn deel sy blomme en diere met jou, asook die boeiende geskiedenis van diamantmyne en vele skeepswrakke. Dis net jy, jou 4x4 en ’n see van sand – jy kan maklik begin dink jy is die enigste mens op aarde. Ongelukkig kan net ’n paar mense hierdie ervaring geniet omdat toere volgens streng konsessiereëls toegelaat word. Maar as jy net een 4x4-rit in jou hele lewe kan ervaar, móét jy die Namib kies! FACES…

VISVANGOORD OLIFANTSRIVIER-LODGE HAAK ’N VIS IN DIE OLIFANTS Die Olifantsrivier-lodge is net anderkant Middelburg in Mpumalanga. Ná die laaste stuk grondpad van 6 km kom jy by ’n kantoor wat ’n paar bekender oorde skoon jaloers sal maak. Van hier af kyk jy uit op die lowergroen graskombers wat om die koue swembad vou, met daarnaas, in die geboue regs, die verhitte swembad. Die restaurant en konferensiegeriewe lê verder af teen die skuinste. Van hier af ry ’n mens dieper die oord in, verby ’n klompie rondawels links en gesinskamers regs. Die pad kronkel verder af na die staanplekke waar jy naderhand teenaan die rivier is met ’n uitsig oor die kloof voor jou. Die oewer by die staanplekke is byna 300 m lank. As hengel bo-aan jou lysie is,…

Volvo se XC90 is onlangs ontrimpel. Die 2019-model het ’n nuwe sierrooster, daar is ’n paar nuwe bakverfkleure, en ’n derde ry sitplekke is bygevoeg sodat ses mense in hom kan ry – selfs sewe, as die ouens wat op die middelste bank sit, nie omgee om soos sardientjies in ’n blik te pas nie. Dis alles goed en gaaf, maar eerder as om oor sitplekke en kleure te skryf wou ons die geleentheid gebruik om die T8- hibriede model op ’n wye grondpaddraai deur die Kaap se Overbergdistrik te ry en vir oulaas met die Malgas-pont oor die Breërivier te vaar. Let wel, die T8-hibried het ’n hele paar elektriese onderdele waarmee jy dalk nie vertroud is nie. Gaan lees eers die “4x4-professor”-artikel op bl. 90 as sekere begrippe…

Met sy nuwe Bundu X hou Johan van Deventer waarlik ’n eenmanvertoning: Hy sorg self vir die seilwerk, en die 120 l-plastiekwatertenk, deurskarniere én ingeboude kluis word net hier in sy fabriek in Hartbeespoort gemaak. Ook die poeierverfwerk word hier gedoen. Omdat hy al die spesialismasjinerie het, is Johan nie afhanklik van ander verskaffers nie. Een van die Bundu X se groot pluspunte is sy leë gewig. Sonder die ys-vrieskas, water en bagasie trek die wa met sy aluminiumraamwerk die skaal tot net onder 700 kg, en gelaai behoort die Bundu X nie ver oor ’n ton te wees nie. Selfs met die yskas, ’n vol watertenk en kruideniersware het die wa ’n neusgewig van skaars 98 kg. En met sy Al-Ko-koppelstuk en as van Burquip is die Bundu X…

Elektriese voertuie is ons voorland, daarmee kan jy maar vir lief neem. Presies hoe ver dit in die toekoms lê, is egter ’n ope vraag, maar dis nader as wat jy dink. Gaan die jong Sweedse aktivis Greta Thunberg jou dieselbakkie se sleutels by jou afvat terwyl sy “Hoe durf jy!” skree? Gaan jy ’n 100 km lange verlengkoord moet saamry om jou elektriese veldvoertuig in Kaokoland te herlaai? Ons het die laaste deel van Generation.e se 2019-EVRT-toer tussen Johannesburg en Kaapstad bygewoon (EVRT staan vir “Electric Vehicle Road Trip”). Ons kon in verskeie elektriese voertuie rondrits, verskillende kragsokke en -proppe bekyk én ’n paar kwelvrae aan kenners stel. Verskeie elektriese voertuie het die afstand afgelê en laaistasies op strategiese plekke het gesorg dat die konvooi die afstand kan baasraak.…

Cruisers kraai koning in die Sahara Ek het met groot belangstelling al die kommentaar oor Land Rovers op die brieweblad van die Oktoberuitgawe gelees. Wanneer ek aan hierdie ikoniese voertuig dink, dink ek aan die toegewyde eienaars wat alewig onder die enjinkap besig is. Ek het al vele keer saam met toergidse deur die Sahara getoer, en hier kraai Land Cruisers sonder enige twyfel koning. Ek skat hier moet hulle ’n goeie 90% van die totale getal 4x4-voertuie uitmaak. Op ’n kol het ek ’n gids gevra hoekom hulle Land Cruisers gebruik eerder as Land Rovers, en sy antwoord was: “Land Cruiser est plus solide,” oftewel die Land Cruiser is sterker. Dit is dus duidelik dat Land Cruisers as die voorkeurwerkesel in die woestyn beskou word omdat hulle sterker en…

Xtreme Outdoor het ’n klompie veranderinge aan sy Armadillo XTR202-opslaanwoonwa aangebring. Nie net het die dak se vorm effens verander nie, maar die dak lig 20 cm laer op.Volgens Jason Collie van Xtreme Outdoor is dit sodat die wa sywaarts stewiger staan. Wat die vorm betref, het die dak nie meer ’n nok in die middel nie, maar is nou plat en loop met ’n effense helling van voor na agter. Boonop verander die oopmaakmeganisme om plek te maak vir ’n groot venster wat in die seil van die tent inpas, tussen die romp en die dak. Die boumateriale van die romppanele – twee aluminiumlae met ’n isolasielaag in die middel – asook die basiese uitleg van die wa is onveranderd. Prys R189 950. Kontak 021 981 2992 xog.co.za info@xog.co.za…

Die Land Cruiser Namib het ontstaan toe Calvyn Hamman, Toyota Suid-Afrika se senior visepresident van verkope en bemarking, en ’n groep vriende een aand in Namibië langs ’n kampvuur hulle ideale Cruiser uitgedink het. Calvyn is ’n groot Land Cruiser-aanhanger (sy kollegas skerts dit is sy gunsteling-Toyotaproduk) en hy’s veral lief vir die 70-reeks. Terug in Suid-Afrika, ná sy kuier in Namibië, het Calvyn opdrag gegee dat die lewensvatbaarheid vir hierdie lugkasteel-Land Cruiser ondersoek word. Die swartgalliges sou dit dalk ydelheid noem, maar vir Calvyn was die Namib eerder ’n passieprojek. “Die Namibwoestyn het van die mees uitdagende terrein op aarde, en om hier te kan oorleef het jy die regte soort toerusting en voorbereiding nodig. Ek kondig dus met trots aan dat die spesiale weergawe van die Land Cruiser…

Die handjie vol uitgesoekte deelnemers aan die jaarlikse King Price Extreme Ultimate 4WD Adventure (U4A) is van ’n klompie dinge seker: Hulle weet byvoorbeeld jy moet minstens 35”-bande op jou ryding hê en dat ’n wenas én voorste en agterste ewenaarslot verpligtend is. Hulle weet ook dat hulle oor die volgende klompie dae tot die uiterste beproef gaan word. Wat hulle nié weet nie, is waarheen hulle op pad is en wat presies op hulle wag. Vir die laaste jaar is Nicholas Harris, die organiseerder van die U4A, besig om die avontuur te beplan, borge aan boord te kry en deur aansoeke te sif om op die finale groep te besluit. Die deelnemers moet vir die volle duur van die avontuur heeltemal selfonderhoudend wees, ’n geldige paspoort hê en alle…

“ Een van ons kampvriende was onlangs by die Tava-Lingwe-wildlodge op die grens tussen die Vrystaat en Gauteng en het ons daarvan vertel. Omdat dit so naby aan die huis is, het ons besluit om ons Jurgens Penta aan ons Nissan Navara te haak en met die Viljoenskroonpad te ry tot waar ons op die R59 in die lodge se rigting afdraai. Twee paartjies het saam met ons kom kamp. Van Potch af het dit net langer as ’n uur geneem om tot hier te ry. VERTEL ONS MEER OOR DIE KAMPTERREIN. Dit is skoon en netjies en die uitleg van die kampterrein só beplan dat ’n mens stilte en privaatheid het. Die wêreld was droog met ons besoek, maar ons het die mooiste sonsondergange gesien. Jy kamp in die…

Die Raptor is nie jou standaard- dubbelkajuit nie. Hy is nie net breër en hoër as die Wildtrak nie, maar Ford beweer ook hy stel ’n nuwe standaard wat snelhede en 4x4-vermoëns betref. ’n Mens dink dalk hy is uitsluitlik vir speel bedoel, maar die feit dat die vervaardi- ger hom met ’n spesiale sleepstang toegerus het, beteken hy is ewe geskik om voor ’n wa ingespan te word. Ons haak Jurgens se nuut- ste Xplorer en kyk hoe die Raptor hom gedra. Stang met ore Waar die gewone Ranger se stang omtrent ’n dwarsbalk is wat onder die buffer uitsteek, is die Raptor s’n nader aan die bakkie se romp. Uiteraard verbeter dit die voertuig se vertrekhoek in die veld, veral sonder die bolgedeelte, wat verwyder kan word. Met…

E en van die eerste dinge wat jy doen wanneer jy by die kampterrein opdaag, is om jou lêplek vir vanaand gereed te kry. Enige van hierdie elf bekostigbare slaapsakke sal dié takie aansienlik vergemaklik. Hulle wissel in grootte, vorm en temperatuurgradering, maar een van hulle behoort nommerpas vir jou te wees. OZTRAIL NULLABAR-DUBBELSLAAPSAK Kom ons gaan lê, Mamma As jy en jou ander helfte daarvan hou om styf langs mekaar te slaap – en die een snork die ander nié uit die kooi uit nie – is hierdie die slaapsak vir julle. Omdat sy bolaag van katoen is, is daar ook nie die geraas wat iets soos poliëster maak as jy in die middel van die nag omdraai nie. Die voering is van Skotse geruite wolstof wat sag en…

Daar is niks ongewoons daaraan dat voertuigvervaardigers ’n spesiale weergawe van ’n ryding bekend stel kort voordat daardie model bokveld toe gestuur word nie. Hierdie weergawes spog dikwels met al die opsionele ekstras – nou as standaardtoerusting. ’n Ander tendens is dat hierdie weergawes slegs van toepassing is op die vlagskipmodel. Daardie allegaartjie van ’n ryding, deurspek met katoeters, is uiters gewild, want almal wil immers die lekkerste bakkie besit. As jy dus ’n bakkie soek wat by jou leefstyl sal inskakel, maar jy beplan nie om ernstige 4x4-hindernisse aan te durf nie – een wat lekker vertoon, maar darem nie kinders langs die pad in trane laat uitbars nie – is die Isuzu D-Max X-Rider Black dalk nommerpas vir jou. Voorkoms is alles Dít is die leuse van die…

As jy nog nie die Drakensberg besoek het nie, mis jy van die mooiste natuurskoon wat ons land bied. Soos die bergreeks uit Limpopo afwurm na die Oos-Kaap, so in ’n kartel al langs die grens van Lesotho af, lyk dit of verskeie kruine teen die hemele skuur. Tussen die voue skuil ’n hele paar kampplekke waar jy teenaan die hoogtes kan kamp, plekke soos Dragon Peaks en Mountain Splendour. Wanneer jy op Winterton afdraai na die twee oorde, lê Campagne Castle – op 3 377 m net 105 m laer as die hoogste spits, Thabana Ntlenyana – voor jou. Ná skaars 30 km begin die R600 sy draaie in die plooie van die berg kry. Mountain Splendour se afdraai is eerste links, maar ons ry eers 2,5 km verder…

Die Sudwalagrotte  Op pad na die Henk van Rooyen-vakansieoord kan jy by dié bekende spelonk omry – dit is sowat 130 km vóór jou eindbestemming. Die grotte is 240 miljoen jaar gelede gevorm en hier is verskeie sale waar musiekoptredes en toneelstukke soms plaasvind. Hoewel jy ondergronds is, kan jy maar jou baadjie los. Die eerste 200 m kry ’n koel bries wat die grot heeljaar teen ’n konstante 17 ºC hou, maar dieper in raak dit bedompig en die sweet tap jou af, selfs al dra jy net ’n T-hemp en kortbroek. Tye 08:30 tot 16:30. Prys R100 p.p. (R55 vir kinders en R80 vir pensioentrekkers). Kontak 083 446 0228 info@sudwalacaves.co.za sudwalacaves.co.za Sudwala-dinosouruspark  Die dinosouruspark is langs die grotte. Hier is lewensgroot standbeelde van prehistoriese diere soos die Triceratops, Stegosourus…

REISPLAN  Dag 1 Groet die eiland deur van die plaaslikvervaardigde likeur te gaan proe. Dag 2 Gaan op ’n begeleide toer van die eiland. Jy sien onder meer die High Knoll-fort, die Boerebegraafplaas, St. Paulus-katedraal, Prince’s-lodge en Deadwood Plain, asook die weerstasie. Dag 3 Geniet ’n bootreis en middagstaptog in die geskiedkundige Jamestown. Dag 4 Besoek die koffieplantasie en juwelierswareboetiek, en bring die middag op jou eie deur. Dag 5 Maak ’n draai by Briars Pavilion, waar Napoleon met sy aankoms tuisgegaan het, en Longwood House waar hy in ballingskap gewoon het tot sy dood in 1821. Die dag sluit af met ’n besoek aan die distilleerdery op die eiland. Dag 6 Jy word ontvang deur die goewerneur by Plantation House, sy amptelike woning. Dag 7 ’n Begeleide staptog na…

Sonder nukke 2012 NISSAN NAVARA 2.5 DCI LE 4x4 (HANDRAT) Hy is ewe geskik om die kinders by die skool af te laai as om die gesin af en toe met vakansie te neem, en nou het Jakkie se Navara ook onder die vel ingekruip van sy vrou en kinders. “ Daar is min voertuie op die mark wat die Jurgens Exclusive wettig kan sleep as ’n mens na dinge soos tarragewig en BVM kyk. My Navara is een van hulle, en jy kan boonop amper ’n ton se vrag laai én ’n gesin van vier ry heel gemaklik in haar. Ek het haar ‘Trokkie’ gedoop, maar my vrou sê sy is ’n bietjie te klein om ’n trok genoem te word. Ons het die bakkie ’n bietjie langer as…

Die jaarlikse Bull Run is Weg Ry & Sleep se grootste en gewildste byeenkoms, en vanjaar s’n was geen uitsondering nie. Die vriendelike mense van Vanwyksvlei het aan die einde van die kort skoolvakansie weer nagenoeg 150 spanne en hulle ondersteuners van reg oor die land verwelkom vir ’n naweek van petrolkoppret. Daar is met mening gespeel in die rygoed wat ouer as ’n 1980-model moet wees en nie meer as R25 000 kos nie. Op die Vrydag neem die spanne aan ’n tydren deel en die Saterdag bring hulle op die pan deur – en dis hier waar daar behoorlik stof opgeskop word. Die Bull Runners het egter nie nét gekom om te speel nie. Op pad hierheen het elke span sy deel vir sy medemens gedoen met ’n…

Kom kamp net buite Plettenbergbaai – in die hart van die Tuinroete – in dié luukse tentkamp wat tydelik opgerig word. Die kamp gee jou toegang tot vyf Blouvlagstrande, verskeie mariene bewaringsgebiede, wêreldbekende staproetes en die manjifieke Knysnabos. Die kampterrein sorg vir ’n unieke kampervaring wat jy nog lank sal onthou. Verruil die stadsgedruis vir die geluid van bosbokke en visarende terwyl jy in weelde bly. Die hele gesin sal die glanskampervaring – hulle noem dit glamping – geniet. Hier slaap jy nie in ’n slaapsak op ’n kampbedjie nie; hier dommel jy weg op gemaklike beddens met vars wit linne, jy eet drie heerlike maaltye per dag, en saans geniet jy kuiertyd onder die sterre om die kampvuur langs die Bitourivier wat hier verby kronkel. Ons platform op die…