Innehållsförteckning för Jun/Jul 2022 från Weg! Ry & Sleep

Ek glo nogal in die waarde daarvan om jouself gereeld te herinner aan die dinge waarvoor jy dankbaar moet wees. Onlangs, ná ’n uitdagende klompie dae, onthou ek van ’n foto wat ek destyds vir my kollegas op kantoor gestuur het terwyl ek op reis was. Ek kon vaagweg onthou waar en wanneer, en kon dit op die WhatsApp-groep opspoor. Ek het langs die N1 stilgehou by die padpredikant wat sê Victoria-Wes is nog 40 km ver. Die teerpad strek loodreg vorentoe tot op die horison, die Karoo pronk met ’n groenerige baadjie (dit was September), die lug is helderblou, en in die verte begin die wolke belowend saampak. “Ouens, daar is mense met k*kker jobs as ons,” het ek saam met die foto geskryf. Dit is inderdaad so en…

Hein wen ’n koelsak ter waarde van R220. Of jy nou kamp, piekniek hou of langs die krieketveld sit, dié koelsak het onder meer plek vir ’n kosblik én genoeg ruimte vir ’n 1,5 ℓ-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer wat dit maklik maak om die koelsak skoon te hou. Die sak het ook ’n handvatsel wat booor kom en met klitsrits heg, asook ’n skouerband as jy jou hande los wil hê. winkel.weg.co.za…

Daar is nie veel kampplekke te kies binne ’n 15 km-radius rondom Mokopane nie, maar nou kan jy tentpenne inslaan by die splinternuwe Nylrivier-boskamp. Die boskamp is op Moorddrift, dieselfde plaas as die Nylrivier-boslapa met sy chalets wat reeds 20 jaar bestaan. Die kampplek is 150 m anderkant die chalets tussen die natuurlike plantegroei ingerig, ook langs die Nylrivier. Die helfte van die staanplekke is effens nader aan die water met die res net agter hulle. Elke twee staanplekke deel ’n kraan, elkeen het sy eie braaiplek (met ’n rooster) en die kragpunte werk met Fredlin-proppe. Jy kamp nie op grond nie, maar op gruisblokke met wildegras langsaan. Die badkamer huisvels ook die skottelgoedopwasbak, waskamer en dreineerplek vir kassettoilette. Die klein swembad (3 x 6m) is teenaan die rivier gebou…

Die Britse departement van vervoer oorweeg wysigings aan sy padgebruikerswetgewing sodat Britte toegelaat kan word om beeldsendings en stroomdienste te kyk in selfbestuurmotors. Die departement gee toe Brittanje het tans geen volle outonome voertuie nie, maar hy maak solank reg vir die toekoms. Die wysigings is slegs van toepassing op motors waarin ’n videoskerm deur die voertuigvervaardiger self geïnstalleer word, en dan op voorwaarde dat die beeld daarvan outomaties deur die voertuig afgeskakel word sodra die persoon in die bestuurdersitplek nodig is om beheer oor die voertuig te neem. Dit is om dié rede dat die gebruik van ’n selfoon deur die “bestuurder” onwettig sal bly – ’n selfbestuurmotor kan nie jou selfoon afskakel wanneer die rekenaar so besluit nie. Die departement sê ook indien die selfbestuurmotor in ’n botsing…

N es die Isuzu D-Max op die vorige blaaie is die Mahindra XUV 300 ook in 2019 bekend gestel, maar die XUV 300 is al ’n tydjie op eie bodem. Wat wel nuut is, is dat hy pas bekroon is as die “veiligste voertuig in Afrika”. Dis ’n aanvegbare titel – niemand gaan ons byvoorbeeld oortuig hy is veiliger is as ’n Volvo XC90 nie. Die titel is toegeken deur die Global New Car Assessment Programme (of dan GNCAP) wat spesifiek fokus op voertuie wat in ontwikkelende lande verkoop word. Jy sal dalk onthou dat dieselfde organisasie nul sterre aan die Nissan Hardbody toegeken en hom bestempel het as die “onveiligste voertuig in Afrika”. Hoe veilig? Die GNCAP het die Mahindra XUV300 gedurende die toets aan verskeie sy- en kop-aan-kopbotsings…

Dit bly darem maar opwindend om jou kamp iewers in die bos op te slaan waar daar geen heinings is nie en jy en die diere die veld deel – en dit is soveel beter as die diere af en toe kom inloer. Maar die eerste prys natuurlik is as jy jou in ’n reservaat bevind waar die Groot Vyf rondhang. By die Dinokeng- Groot Vyf-reservaat is ’n handvol van dié kampplekke – of boskampe – en dis hier waar jy en dier se kind mekaar vierkant in die oë kan kyk. Soos die kraai vlieg, is die Jabula-boskamp sowat 4km van die Tau-hek af, en jy begin sommer dadelik ontspan wanneer jy met die kronkelpaadjie deur die ruie veld tot by jou staanplek ry. Die stad se gewoel is…

Hierdie 200 km lange roete begin op Citrusdal in die Olifantsriviervallei. Volg die R303-streekpad vir 3 km tot teenaan die voet van die Middelberg. Die eerste bergpas op die roete, die Elandskloofpas, dateer uit die 18de eeu en sy luilekker teerpaddraaie vermaak jou 7 km lank tot die R303 ’n grondpad word. Hierna volg die Middelbergpas met sy skouspelagtige uitsig op ’n 70 km lange vallei wat die Koue-Bokkeveld genoem word. Die Koue-Bokkeveld is ’n hoogliggende vallei sowat 1km bo seespieël wat knus lê tussen die Kouebokkeveldberg aan die westekant en die Skurweberg in die ooste. Die Middelbergpas se grondoppervlak is deurentyd in ’n gawe toestand, want hy word getrou deur die plaaslike munisipaliteit onderhou. Derde aan die beurt is die Buffelshoekpas (ook grondpad) wat eintlik aaneen loop met die…

“Met hierdie reis het die Isuzu, wat vandag nog nie ’n naam het nie, alles bewys van wat ’n mens van ’n voertuig kan vra.” “In 2004 besluit ek om ’n ordentlike toerbakkie te koop. My Toyota Venture met die voorwiel-ewenaarslot wat ek laat aanbring het, was nogal ’n bielie, maar nou was dit tyd vir iets anders, want langer, strawwer onbekende paaie Afrika in het gewag. Ek weet van karre maar min en het geen voorkeure wat vervaardiger betref nie – dus kon ek lekker rondkyk. Maar my skoonseun Stephen de la Harpe het gesweer by Isuzu, en toe ek ’n tweedehandse dieselmodel raakloop met 70 000 km op die klok, het ek hom gekoop. Dit was ’n lange, ’n dubbelkajuit met ’n kappie, waarmee skuinsslaap moontlik was. Ons…

Die bosbakkie en veldry-stasiewa het elk sy ondersteuners wat aanvoer dat die een beter is as die ander wanneer dit kom by avonture duskant ons landsgrens. Bakkies is veral geskik vir die vervoer van vrag, en jy gáán immers ’n vrag kampgoed laai op jou epiese hengelekspedisie na die Kunenemond. Daarteenoor fokus ’n sportnuts meer op die gerief van sy passasiers, en dit is óók belangrik, veral op ’n reis wat weke lank gaan duur. In hierdie artikel weeg ons dubbelkajuitbakkies op teen middeweg-sportnutse. Ter wille van regverdigheid hou ons die begroting onder R1 miljoen, en daarom is rygoed soos die Nissan Patrol, Toyota Land Cruiser 300 en Land Rover Defender van die tafel af. Ons fokus is op vervaardigers wat ’n bakkie en sportnus bou wat min of meer…

OVERLANDER Hy het aanvanklik die Overlander-boswoonwa vir homself gebou, maar Rudi Pretorius het besluit om die luukse woonwa as model beskikbaar te stel. En nou bied hy twee keuses: die 590 Custom en 490 Custom. Die twee syfers verwys na die lengte van die romp (5,88 m en 4,88 m) en die twee het enkele verskille. Die uitleg bly min of meer dieselfde met die uitglybed in die regterpaneel, die badkamer in die neus, en die buitekombuis. Die grootste verskil is die gewig. Die 590 het ’n dubbele as en ’n tarragewig van 1890 kg (BVM 2 200 kg), en die 490 net een as en weeg 1 450 kg (BVM 1 750 kg). Die onderstel is gegalvaniseer en Rudi gebruik die Enduro- onafhanklike vering van Al-Ko. Die uitleg herinner…

Die onlangse vloede in KwaZulu-Natal het meer as 400 lewens geëis en duisende mense dakloos gelaat. Die motorvervaardigers Volkswagen, Ford en Hyundai het gesamentlik nagenoeg R4 miljoen aan die welwillendheidsorganisasie Gift of the Givers bewillig om verligting te bied. “Ons maatskappy glo in solidariteit gedurende ’n krisis, veral wanneer daar ’n humanitêre noodgeval is wat vinnige optrede verg om hulp aan kwesbare individue en gemeenskappe te verleen,” sê Nonkqubela Maliza, direkteur van korporatiewe en regeringsake by Volkswagen Suid-Afrika. Neale Hill, hoof van Ford Motors Afrika, sê die omvang van hierdie ramp is amper onbeskryflik. “Ons het dadelik geweet ons moet die slagoffers help, en Gift of the Givers het gewys hy is doeltreffend om sulke tragedies te hanteer. “Die verliese en lyding is op ’n skaal wat ons nie onlangs…

Die derde geslag Isuzu D-Max is reeds in 2019 in Thailand onthul, maar weens verskeie redes, onder meer die Covid-19-pandemie, het hy eers vanjaar in Suid-Afrika sy opwagting gemaak. Ons was by die bekendstelling, waar selfs pres. Cyril Ramaphosa kom inloer het om Isuzu geluk te wens. Die Isuzu D-Max word nes sy voorgangers in Gqeberha gebou volgens plaaslike behoeftes. “Die nuwe Isuzu D-Max is taai en bekwaam – en gevorderder, veiliger én meer verfyn as tevore,” het Dominic Rimmer, senior adjunkhoof van Isuzu Motors Suid-Afrika, by die glansgeleentheid gesê. Ná die bekendstelling het ons agterpad langs van die Baai in die Oos-Kaap gery na George in die Wes-Kaap. Buite en binne Die nuwe D-Max lyk slanker en sportiewer as sy voorganger. Die dak is inderdaad 10 mm laer as…

Boegoeberg naby Clanwilliam is een van sy gunstelingbestemmings, vertel Piet. Dié vakansieoord is ongeveer 2 uur se ry noord van Kaapstad, net duskant Graafwater. Maar Piet sê hy draai net anderkant Kardoesie van die N7 af en volg dan die Koningskop-grondpad in die rigting van Graafwater. Só vermy ’n mens die N7 en jou naweek begin sommer heelwat gouer. “Boegoeberg is geleë op die plaas Lambertshoek, en hier is verskeie 4x4-paadjies wat die plaasmense voorheen gebruik het om wildeboegoe te oes en veeposte te besoek. Die lekker ding van die oord is dat dit nie net ’n 4x4-bestemming is nie; jy kan ewe lekker hier kom kamp en kuier, selfs al is jy nie ’n veldryentoesias nie. Die ander pluspunt van Boegoeberg is dat dit so sentraal geleë is in…

Die grens tussen ’n sportnutsvoertuig en ’n sogenaamde crossover is maar vaag – deesdae hoef motorvervaardigers net ’n paar plastiekpanele oor die wielboë aan te bring en ’n skaafplaat onder die buffer vas te skroef en siedaar: ’n gewone luikruggie word ’n sportnuts of selfs ’n kruisnuts. Citroën se C3 Aircross is darem ’n bietjie meer as net plastiekpanele en plakkers, want hy ry werklik lekker op ’n grondpad, selfs al het hy nie allewielaandrywing en groot wiele nie. Ons bekyk die nuwe C3 Aircross om te sien wat verander het sedert ons hom twee jaar gelede bestuur het. Buite en binne Soos met die meeste ontrimpelings bly die metaalbakwerk onveranderd, maar plastiekonderdele soos die voorbuffer lyk anders. Die vernaamste verandering aan die voorbuffer is die nuwe ligte – die…

Dit is nie maklik om jou lê te kry agterin ’n Suzuki Jimny nie, veral nie as jy 1,8 m lank is nie. Dit is pikdonker buite en ek móét slaap, want oor drie uur is dit my beurt om te bestuur. My vrou, Suzaan, hou die kar in die pad en ons 14-jarige dogter, Miri, hou haar wakker. Ons is besig om in een skof dwarsdeur die nag van Graskop in Mpumalanga tot by ons huis in Kaapstad te ry. Terwyl ek sit-lê met my kniekoppe tussen my elmboë, dink ek terug aan die rede waarom ons besluit het om onsself so te martel. Ek vermoed dit het alles begin met ’n gekerfde houtbeeldjie van ’n kameelperd... Ons was in die pylvak van ’n twee weke lange langpadreis wat…

Al hoe meer nuwe kampplekke maak in en rondom Dinokeng oop, met die Stiltewildplaas-en-boskamp die nuutste toevoeging. Stilte is net anderkant Dinokeng, op die Rust de Winter-pad. Die eienaars, Pieter en Gerida Booyens, het 16 jaar se ervaring in boskampe reg oor Afrika as inspirasie gebruik – en daarom word by Stilte se boskamp geen voorsiening gemaak vir krag of water op jou staanplek nie. Die plaas is 70 ha groot en hier is verskeie wildsoorte, waaronder vlakvarke, rooijakkalse, steenbokke, duikers, rooibokke, blesbokke en sebras. Die kampplek self is nie omhein nie en hier is geen roofdiere waarvoor jy versigtig hoef te wees nie. Moet wel nie verbaas wees as Fiona of Surprise (’n donkie en haar dogter) of Bella en Bessie, twee mak volstruise, kom inloer nie. Die agt…

Die Pretoriase boswavervaardiger GT Campers het sy vertoonlokaal geskuif en intussen ook die besigheid verder uitgebrei. Sy lokaal was voorheen in Stormvoëlrylaan digby die N1, maar skuif nou 1,7 km straataf tot in Koedoespoort. Die gedagte was om die vertoonlokaal en produksiegedeelte onder een dak te kry. Maar Elmien Fitchet, ’n mede-eienaar, sê die besigheid bly groei en dat hulle noodgedwonge ’n tweede perseel moes kry waar die aanleg hulle eenhede bou. GT Campers is bekend daarvoor dat hy die Libra-model bou, maar nou is ’n nuwe afdeling op die been gebring wat luukse semi-permanente tente onder die naam Armis (Latyns vir “wapenrusting”) maak wat jy byvoorbeeld op ’n jagplaas sal kry. Die klem val op weelde, en al is die tent bedoel om meer permanente huisvesting te bied, slaan…

Die African Game-lodge is bekend vir sy luukse chalets en tentverblyf, maar nou is sy eerste boswa-kampplek pas voltooi. Die lodge is 30 km buite Montagu, met die grondpad wat skaars 3 km buite die dorp soontoe afdraai. Die kampplek is 2,5 km verby die lodge se hoofgeboue en hier is jy waarlik diep in die bos. Hier is geen selfoonsein of wifi nie, hoewel jy vir laasgenoemde kan terugry na die lodge toe. Al is dit een staanplek, is hier plek vir 2-3 boswaens – dit is uiteraard eerder bedoel vir vriende wat saam kamp. ’n Badkamergebou is op die punt van die betonvloer gebou en die stuk voor dit het ’n afdak oor. Hiernaas is plaveisel waarop jy jou wa kan trek. (Omdat die wind soms lelik opsteek,…

Prysonbekend FordR-nger3.0PowerStrokeV6 Dit is ’n ope vraag of Suid-Afrikaners die D-Max gaan koop en of hulle die beursies gaan toeknyp tot die koms van die nuwe Ranger. R806300 M-zd-BT-503.0Individu-l Dis dieselfde bakkie, maar tog heeltemal anders. Die D-Max se ritgehalte is strate beter. R917900 Toyot-Hilux2.8GD64x4LegendRS Toyota dra dekades al die louere en ons glo nie die nuwe D-Max gaan dit afneem nie.…

Vanwyksdorp lê in die hart van die Klein-Karoo met die groter dorpe Barrydale, Ladismith en Calitzdorp na die noorde toe, en Riversdal en Herbertsdale in die suide. En dit maak nie saak uit watter rigting jy kom nie, jy gaan grondpad ry. Ons kom op die bekende R62 uit die Kaap se koers, en draai tussen Barrydale en Ladismith regs. Dit is ’n netjiese grondpad wat jou 33 km later by Vanwyksdorp uitbring. Niks keer jou om selfs ’n gewone padwa hierheen te sleep nie, maar wat wel saak maak, is watter kampplek jy besoek. Ons draai in by die Karoo-boskamp. As jou woonwa enigsins breër is as jou sleepvoertuig, kan hy krap, en daar’s ook ’n kans dat hy op plekke nie gaan deurkom nie. Die toegangspad na die…

Die Limited, vlagskip van Ford se Everest-reeks, is behoorlik gerat vir sleep. Met sy 2 ℓ-dubbelturbodieselenjin en 500 Nm wringkrag kan hy omtrent ’n trein sleep. Die verwyderbare haak is standaard, en wanneer jy die woonwa se ligtesok in die harnasprop druk, registreer die rekenaar outomaties die woonwa en hulpmiddels soos die blindekolsensors en die terugstoot-alarm word gedeaktiveer. ’n Mens sou dink met 20”-bande gaan die rit stamperig wees op ’n grondpad omdat daar nie veel rubber is tussen pad en velling nie. Terselfdertyd behoort die ekstra gewig op die sleepstang verdere stremming op die vering te plaas. Maar die rit is allermins stamperig; trouens, ’n mens weet nie van die grondpad nie. ’n Mens moet net keer of jy sleep te vinnig.…

“Ek, my vrou, Lisa, en ons dogters, Aimee (16) en Catherine (13), probeer minstens een maal per maand ons Mission-kampwa aan ons Toyota Fortuner haak om weg te breek. Ons hou daarvan om nader aan die natuur te kom en gehaltetyd as gesin deur te bring; dus verkies ons plekke wat effens meer afgeleë is en wat nié hordes mense lok nie. Met die dae wat al hoe kouer begin raak, het ons onlangs ’n plek met ’n warmwaterswembad of iets soortgelyks gesoek, en Noah-plaas se kampterrein naby Wolseley teëgekom op ’n Facebookgroep waarvan ons lid is. Dit het na ons soort kampplek gelyk, en omdat dit boonop net ’n uur en ’n half se ry uit die Kaap is, het ons plek daar bespreek vir ’n naweekkamp. VERTEL ONS…

VISVANGOORD TANGLEWOOD BAARSPLAAS Die TangleWood-natuurlandgoed is op die oewer van die Boskopdam teen die R501 net buite Potchefstroom (in die rigting van Carletonville). Wees op die uitkyk vir die Happy Hooker-kroeg-en-restaurant links van die pad met ’n tekening van twee groot gekruiste vishoeke langs die ingang. Die dam is nog 500 m aan met die pad, maar TangleWood se restaurant en winkel – wat basiese items verkoop – is ook hier. Die kantoor is regs net voor jy by die water uitkom, met die staanplekke agter onder die bome en die dam links. Jou staanplek het alles wat jy kan nodig kry: ’n braaiplek, krag, koelte en gras. Van die staanplekke het wel minder koelte, maar die bome is bladwisselend, wat beteken almal kry kans om die winterson te geniet.…

In Amerika was daar verlede jaar dieselfde aantal kampgesinne as wat daar mense in Suid-Afrika is. Dit is dus een enorme bedryf, en ’n mens sou dink daar kan ooreenkomste wees, want almal kamp tog om dieselfde rede: Om tyd in die buitelug deur te bring. Dis ’n bietjie soos Dawid en Goliat, maar albei hierdie Bybelse figure sou vandag ook ’n hou van die Covid-19-pandemie moes vat. Ons het dit in ons kampbedryf ervaar – en Amerika ook, net op groter skaal. Deur dus jou hand op die pols van die Amerikaanse kampbedryf te plaas kry ’n mens nie net ’n blik op die doen en late van ander kampeerders nie, maar ook wat dalk tuis aan die gebeur is. Kampgrounds of America (KOA) is die wêreld se grootste…

Bobaas bagasiepakkers kan hulle voertuig soos ’n Tetris-rekenaarspeletjiekampioen laai, maar soms is omstandighede net van so ’n aard dat jou haarfyn beplande inpakkery maklik ’n chaotiese warboel word – dink maar hoe dit gaan as jy skielik iets doer agter in jou bakkie onder al die ander kampgoed moet uitgrawe. ’n Laaistelsel neem dalk kosbare pakplek in beslag, maar dit maak jou lewe aansienlik makliker. Nou sal jy nie meer tente en koelbokse langs die pad moet uitlaai sodat jy by die sleeptou kan uitkom wat jy tuis eerste ingepak het nie. GOMAD 4x4 Affie Kaap Hierdie kappievervaardiger is van Brackenfell in die Kaap, en Ciske van Gijsen staan sedert 2006 aan die stuur van sake. Buiten aluminiumkappies kan jy items soos pasgemaakte laaistelsels, dakrakke, opvoutafels, glyspore vir ys-vrieskaste en…

ALUMINIUMWA Die punt van ’n woonwa is om jou “huis” na nuwe vakansieplekke te sleep waar jy nog nooit was nie – óf elke jaar na jou gunsteling-oord om saam met ou vriende te kuier. Daar is egter plekke waar jy in ’n luukse woonwa kamp, een wat nêrens heen gaan nie. Op die dak van die Grand Daddy-boetiekhotel in die Kaapse middestad staan sewe Amerikaanse Airstream-woonwaens. Volgens die hotel is dit die enigste ontwerper-Airstreamdakwoonwapark ter wêreld. Elkeen van die woonwaens het ’n unieke tema wat deur binnehuisontwerpers geskep is en jy betaal tussen R1 750 en R2 995 p.n. per woonwa, afhangend van die etepakket, soort woonwa en tyd van die jaar. granddaddy.co.za Die Old Mac Daddy- vakansieplaas by Elgin, ook in die Wes-Kaap, het 12 Airstream-woonwaens wat deur…