Innehållsförteckning för Oct/Nov 2022 från Weg! Ry & Sleep

NUWE KAMPGOED Tot onlangs was drie Armadillomodelle beskikbaar: Die XTR 504, XTR 402, en die kleinste model, die XTR 302. Laasgenoemde het twee jaar gelede sy verskyning gemaak en ’n beduidende invloed gehad op die pad vorentoe. Al drie die modelle het plek gemaak vir die XTR 312, en die XTR 302 was die bloudruk. Wat is die verskil? As ’n mens vinnig na die XTR 312 kyk, trek hy baie op die XTR 302. Die opvallendste verskil is die vorm van die neus: die nuweling het ’n plat paneel terwyl die XTR 302 ’n ekstra voulyn het. Die XTR 302 was van aluminium, en die plaat moes natuurlik op plekke gebuig word. Dit is dan ook die XTR 312 se grootste verskil: Nou word soliede panele gebruik. Die nuwe…

Mahindra hou sy visier op die landbousektor, maar wil ook deelneem aan die leefstylmark – daarom het hy drie spesiale weergawes van sy gewilde Pik Up Karoobakkies geskep. “Die Karoo-kenteken dui op ons verbintenis tot Suid-Afrika en die manier waarop Suid-Afrikaners die Pik Up-leefstylreeks aangeneem het in hulle verkenningstogte, 4x4-avonture en gesinspret. Dit is ewe waar van ons nuwe Karoo Dawn-, Dusk- en Storm-model,” sê Rajesh Gupta, uitvoerende hoof van Mahindra Suid-Afrika. Die plaaslike been van die maatskappy het onlangs die tienduisendste Pik Up in sy Durban-aanleg gebou, en die handelsmerk gaan net van krag tot krag. Skemeraand Hierdie spesiale weergawe, wat verlede jaar in beperkte hoeveelhede beskikbaar was, is glo geïnspireer deur die pikdonker nagte van die Groot-Karoo. Mahindra sê die Duskweergawe van sy Pik Up Karoo herinner ook…

Bush ’n Buck se naam kon net sowel Bush ’n Bird gewees het, want sommer met die inryslag sien’n mens dié kamp is ’n voëlparadys. Die kiewiete se skril skreeu verwelkom jou terwyl die neushorings nuuskierig kom kyk of jy darem weet hoe om ’n tent op te slaan. Vroegoggend, nog vóór die son deur die Bosveldbome begin skyn, sak die geveerderds op jou toe – hou dus jou kamera gereed. Die witkatlagters in die doringveld trek soos ’n sprinkaanswerm deur jou kampplek, raserig en al hoppende en pikkende op die gras. Skielik is die pylvlekkatlagters en gevlekte lysters ook daar, met die geelvinke en mossies wat dinge uit die bome bekyk. Die rooibors- en langstertlaksmanne verkies om eerder ’n ent weg tussen die takke weg te kruip, en die…

Dis nie net Peugeot se eerste bakkie in dekades nie, maar boonop sy eerste dubbelkajuit. ’n Mens is nie regtig verbaas nie, want dis ’n gewilde marksegment, en as daar een ding is waarvoor dié bakkies gerat is, is dit sleep. Die Landtrek se 1,9 ℓ-dieselenjin is die kleinste enjin in ’n dubbelkajuitbakkie. Dit is natuurlik om die vermoë van so ’n klein enjin te bevraagteken, maar hieroor het Volkswagen 12 jaar terug al die skeptici se monde gesnoer. Die Amarok se 2 ℓ-enjin was destyds ook die kleinste enjin onder sy mededingers. Daardie enjin het 90 kW en 340 Nm gelewer, terwyl die 1,9 ℓ van Landtrek se syfers onderskeidelik 110 kW en 350 Nm is. Amarok se 2 ℓ-enjin het hom oor die jare bewys en daar is…

As jy in 16 jaar nie aan ’n boswoonwa se basiese konsep torring nie, het jy ’n wenresep beet. Dit is die geval met Conqueror se Commander, en te oordeel na die Stealth-weergawe lyk die volgende 16 jaar ewe rooskleurig. Aanvanklik is tien eenhede gebou, en ons was gelukkig genoeg om in te loer by Conqueror se nuwe handelaar in die Boland, La’t Wiel 4x4, om die nuwe wa van nader te bekyk. Tans is die Commander beskikbaar in drie weergawes: die basiese Classic, en dan die Platinum en Recce. Prysgewys skuif die Stealth tussen die Platinum en Recce in. Wat maak hom anders? Die ooglopendste is die amper swart voorkoms, wat ’n eerste is vir Conqueror. Die houtskool kleur word reeds op die Platinum gebruik, maar die algehele kleur…

4X4-BESTEMMING Die legende begin in 1837 toe die Voortrekkerleier Piet Retief met nagenoeg 55 ossewaens en honderde trekkers aan die voetheuwels van Kerkenberg laer trek. Hulle is op pad Natal toe. Retief en ’n paar manskappe gaan verken eers hierdie nuwe wêreld, maar is beïndruk met wat hulle sien en laat weet die trekkers met hulle terugkeer dat die trek voortgaan. Basta, besluit vyf van die families klaarblyklik. Hulle is g’n lus om met Brit of Zoeloe oor ’n stukkie aarde te kibbel of onderhandel nie. Hulle mik weswaarts, en sowat 30 km van Kerkenberg af kom hulle op ’n pragtige vallei af. Die vallei het net een natuurlike ingang en word verder deur kranse omring. Die ingang is te rof vir die trekkers se ossewaens, en daarom moet hulle…

Die hek na die Goegap-natuurreservaat staan skuins agter Springbok se vliegveld. Trek eers af in die parkeerterrein en meld aan by die ontvangsgebou, waar die personeel die roete met jou bespreek en op ’n papierkaart merk watter paaie toeganklik is vir gewone rygoed en watter jy slegs met ’n viertrekvoertuig moet pak. As jy ’n wa hierheen sleep, is dit beter om hom hier af te haak en daarsonder die reservaat te verken. Hierna ry jy deur die hek – die hekwag teken jou in en herinner jou dat die hek om 18:00 sluit – en dan volg jy ’n teerpad vir 5 km tot by ’n afdraai na links met ’n padpredikant wat die “toeriste-roete” aandui. Ons het Goegap se roete in Januarie 2019 gery (sien Ry & Sleep…

Toe Opel ’n Mokka op ons werf kom aflewer, het ons die ryding amper teruggestuur, want met die eerste oogopslag lyk dit of hy buite die tema van ons tydskrif val. Pleks van ’n grondpadryding het die Mokka ons eerder aan ’n piepklein Ford Mustang herinner – nie dat daar iets fout is met ’n Mustang nie, maar ’n sleep- of kampvoertuig? “Ry hom, julle sal sien...” het die vlootbestuurder met ’n knipoog gesê. Hoe ry hy? So by my kool! Die Opel Mokka ry wraggies lekker, selfs op ’n grondpad. Hy’t wel nie viertrek nie – weinig kruisnutsvoertuie het – maar sy grondvryhoogte is voldoende, en omdat hy so min weeg, sal hy nie sommer vasval op ’n sandpad nie. Die turboaanjaer skop vroeg in en die Mokka versnel…

PIETER VERTEL Ek moes dit as ’n voorbode beskou het, die dag toe ek in die Jack Lemkus-sportwinkel diep in gedagte voor die visgerei staan en ewe skielik die stem hier langs my hoor vra: “Can I be of assistance, Sir?” Totaal onkant betrap, antwoord ek: “No fanks, hey, I’m just looking at de… at de… katrouls.” Na ’n effense weifeling in die gemoed gaan die lig vir die verskoopsman op: “Oh! You mean the reels, Sir. You are looking at the reels?” Voorbode. Dis wat dit was. Net daar moes ek my pêl Erasmus gebel het. “Daai kamp-en-visvangtrippie wat ons vir die naweek beplan… dit gaan nie gebeur nie. Ek het ’n aardige voorgevoel.” Maar ek het nie gebel nie. En so is ons toe die Vrydagmiddag skuins ná…

NUUS Die wêreld rondom Thabazimbi is bekend vir sy wildplase. Een van hulle is Lethabong-lodge, wat ’n klompie maande gelede geopen het. Wat die plek natuurlik meer besonders maak, is sy kampplek. As ’n mens na ’n lugfoto van die oord kyk, is dit net bos... tot jy die blou kol in die middel met ’n groen rand rondom sien. Dit is Lethabong se waterpark met die netjiese grasperk – enige kind se droom. Daar’s glybane, swembaddens, ’n foefieslaaid en ’n hele paar watergange waar jy met ’n tjoep kan ronddryf. Lethabong het ook ’n reusespringkussing – iets tussen ’n trampolien en springkasteel. Die snoepwinkel, waar jy ook hout, houtskool en vuuraanstekers kan kry, is langsaan. Die waterpark is oop van 09:00 tot 18:00 en toegang is gratis vir kampeerders.…

Land Rover het sy jongste Range Rover Sport reeds in Mei vanjaar op skouspelagtige wyse bekend gestel, maar die pryse is eers onlangs bekend gemaak. Op die bekendstelling moes die waaghals Jessica Hawkins teen die oorloopkanaal van die Kárahnjúkardam in Ysland uitjaag met ’n nuwe Range Rover Sport en daarna esse kap in die skeurvallei onder dié dam. “Die krag van die water wat in die oorloop afstroom, was skouspelagtig van die vallei se kant af. Om daarin te ry met die wete dat ’n 90 m-val agter my aan die onderkant van die helling wag, het hierdie die uitdagendste toertjie gemaak wat ek nóg aangepak het. Ondanks die steil helling en bruisende water het die nuwe Range Rover Sport dit maklik laat lyk. Sy vastrapvermoë, hantering en sig na…

KAMPBESTEMMING Nadat ’n mens Marloth Park besoek het, wonder jy hoekom die res van die land nie ook so kan wees nie: Die plek is 45 jaar gelede tot vakansiedorp geproklameer en daardie vakansie het tot vandag toe geen einde nie. As jy nog nie daar was nie, het jy waarskynlik al daarvan gehoor. Mense beskou dit as ’n soort tyddeel of private sekerheidsdorp, maar hulle slaan die bal heeltemal mis. Marloth Park val soos enige ander dorp in die land onder die bestuur van ’n munisipaliteit, met een groot verskil: Hier deel mens en dier dieselfde omgewing – ’n harmonie wat jy nie andersins met geld kan koop nie. Op Marloth Park is ongeveer 4 500 erwe uitgemeet en ook ’n paar kampplekke as jy tydelik in die vrede…

Oor die jare het ek nie minder nie as sewe Land Rover Defenders besit – en dit is sonder om dié van my vrou, Carina, by te reken. Tans ry ek ’n 2016-model 110 wat ek in 2018 gekoop het. Dis toevallig ook hierdie jaarmodel wat die einde beteken het van die kenmerkende Defender-vorm voordat die heel nuutste model verskyn het. Die gogga het in 2000 gebyt nadat ek as ’n passasier in my vriend Ters Anderson se Defender saamgery het. Dit was op ’n veldrybyeenkoms naby Lambertsbaai en ek was dadelik verlief op die 110 Tdi met sy besonderse vermoë en unieke voorkoms. Dieselfde jaar koop ek ’n 1996 Defender 90 Tdi wat ek drie jaar later inruil op ’n 2000-model – ook ’n 90, maar met die TD5-enjin.…

Die eerste Mitsubishi ASX is in 2011 in Suid-Afrika bekend gestel en hy geniet sedertdien matige sukses met byna 9 500 van hulle wat oor die afgelope 11 jaar verkoop is. Ja, daai verkoopsyfer lê ver onder gewilde handelsmerke soos byvoorbeeld ’n Volkswagen Polo, maar dis nietemin een van Mitsubishi se topverkopers. Mitsubishi het vroeër vanjaar sy ES-weergawe aangekondig, ’n modelreeks wat effens goedkoper is as die bestaande LS-weergawe waarmee ons reeds vertroud is. Die ES-modelle is beskikbaar met handrat en ook ’n outomatiese palwisselratkas (of dan CVT). Dié model is gemik op jong gesinne wat graag deel van die Mitsubishi-vriendekring wil wees, maar nog nie genoeg geld verdien vir ’n Pajero nie. Wat het ons hier? Sy bagasieruim kan van 406 ℓ tot 1 206 ℓ vergroot word as…

KAMPBOFFIN Die gemiddelde grootte van ’n woonwa wat tans in die land gebou word – hetsy dit ’n padwa, boswa of boswoonwa is – is 4,8 x 1,97 m met die hoogte van 2,03 m. Die wa het ’n brutovoertuigmassa (BVM) van 1 500 kg en weeg op die vertoonvloer net onder ’n 1 000 kg. Die wa kom met 15”-bande en ’n 2 t-as, en jy gaan R365 691 moet uithaal. Dis reg, dít is die gemiddelde prys van ’n nuwe woonwa in die land. Sê wie? As ’n mens kyk na al die nuwe produksiemodelle in die land – altesame 250 van hulle – en vasstel wat die gemiddelde grootte, gewig en prys is, kom die syfers op ’n punt bymekaar waar jy statisties kan sê hoe die…

IETS ANDERS Niemand sal jou kwalik neem as jy dadelik aan Aspoestertjie dink terwyl jy na die Bothas se oranje wa kyk nie. Só ’n kleur woonwa skop jy nie sommer agter elke bos uit nie, behalwe as jy mooi vra. Net soos al Jaguar Caravans se ander modelle was die Jag 1-boswoonwa van Etienne veronderstel om grys te wees. Dit was nou tot hy sy bestelling geplaas het. Etienne het heel niksvermoedend vir die eienaar van Jaguar, Jacques Serfontein, gevra hy soek ’n oranje boswa. Jacques het hom boeglam geskrik vir so ’n uitspattige kleurversoek, want in sy 25 jaar van waens bou was dit ’n eerste. Maar so gesê, so gedaan. Vroeg in 2017 kry Etienne sy splinternuwe oranje wa – nogal teen dieselfde prys. Etienne se vrou,…