Innehållsförteckning för Feb/Mar 2023 från Weg! Ry & Sleep

Nuwe modelle is niks vreemds vir wavervaardigers nie, en dit is altyd nuus. Maar dis ’n ander storie wanneer ’n vervaardiger jare lank net twee modelle vervaardig: ’n derde een is dan sommer groot nuus. Invader se gewilde Duo en Quattro is uniek – iets tussen ’n boswa en boswoonwa. Terwyl jy ’n boswa vereenselwig met ’n tent bo-op jou kampwa en ’n boswoonwa ’n kampding is waarbinne jy slaap, is die Invaders ’n kombinasie hiervan. Soos die naam aandu, is die Duo bedoel vir twee kampeerders en die Quattro vir vier. Nie net is die Duo X nou die tweeslaper se vlagskipmodel nie, maar hy het ook ’n hele klompie nuwighede bygekry. Wys jou ware kleure Die Duo X is in ’n nuwe kleur beskikbaar: Waar die vorige modelle…

Mahindra het ons in Julie 2022 ’n voorsmaak van die XUV700 en Scorpio N gegee, maar die XUV700 se bekendstelling was eers later in Desember. Die Indiese voertuigvervaardiger sê die XUV700 is sy vlagskipmodel – en daarom ook die eerste ryding wat met ’n nuwe embleem op die sierrooster spog. “Die XUV700 lui ’n nuwe reeks Mahindramodelle in wat binne die volgende ses maande sal opdaag. Dit is die eerste model wat ons nuwe ‘twee pieke’-embleem dra, en ook die eerste sportnuts wat ’n heeltemal nuwe fase vir ons inlui,” sê Rajesh Gupta, hoof van Mahindra Suid-Afrika. Wat het ons hier? Die XUV700 sou aanvanklik ’n tweede geslag XUV500 wees, maar omdat al sy onderdele nuut is, is besluit om hom eerder ’n ander modelnaam te gee. Mahindra het in…

Min dinge laat ’n mens so na jou asem snak en die adrenalienvlakke so opjaag soos wanneer jy in die veld met jou flits skyn en in die geel oë van ’n leeu vaskyk, skaars 3 m van jou af. Skielik is jy dankbaar vir die klein dingetjies in die lewe – soos die heining tussen jou en Vuilbaard en sy makkers waar hulle na die kamp lê en kyk asof hulle volgende maaltyd hier te vinde gaan wees. Met die Groot 5, betowerende Bosveldlandskappe en heelwat kampplekke is dit g’n wonder nie dat Dinokeng al hoe gewilder raak en oor naweke en vakansies behoorlik uit sy nate bars. Die selfryroete met sy piekniekplekke in die suidelike deel van die park is ’n groot attraksie en ’n gewilde daguitstappie vir…

LESERSTORIE Nadat hy jare lank gesleep het, het Theunis onlangs vir hulle ’n spoggerige abbawa op ’n Land Cruiser-bakkie aangeskaf. Maar voordat hulle gunstelingbestemmings soos die Richtersveld kon aandurf, was dit tyd vir ’n nooiensvaart om te kyk of alles werk en op sy plek is. Daarvoor is daar nie ’n beter plek as Boegoeberg nie, vertel Theunis. Dis 08:00 op ’n Vrydagoggend en ek kyk gou vir oulaas of daar enige dringende e-posse is wat my onmiddellike aandag verg. Skielik lyk nie een van hulle só dringend dat dit nou ’n antwoord regverdig nie. Ek delegeer hier en daar een terug hoofkantoor toe, want daar is ’n baie belangriker taak wat nou wag: Dis tyd om die pad te vat na Boegoeberg se kampterrein met sy welige akkerbome en…

SLEEPTOETS Daar is niks beskeie omtrent hierdie dubbelaangejaagde turbodieselenjin nie. Die syfers – 221 kW en 650 Nm – skets die prentjie en plaas die Landie in uitgelese geselskap. Boonop is die bakwerk ’n goeie 435 mm korter as die standaard-110-model. Dis so goed jy druk ’n V8-enjin onder ’n Volla se enjinkap in: Elke kriesel energie wil jou net dieper in die sitplek vasdruk. Defenders is ook bekend vir hulle veldryvermoë, des te meer met ’n korter asafstand. Ons vraag is hoe die Defender 90 voor ’n woonwa vaar. Daarom het ons litte losgemaak deur vir ’n naweek met die nuwe Armadillo XTR312 op die haak die Langeberg in te vaar, waarna ons aan die buitewyke van Kaapstad ordentlik stof opgeskop het – onder meer op stowwerige sinkplaatpaaie. Wat…

4X4-PROFESSOR In Kempton Park, Gauteng, is ’n gesin – kom ons noem hulle die Potgieters – wat vir ’n week by hulle familie in Melkbosstrand in die Kaap gaan kuier. Die Potgieters wil egter nie op hulle familie se nek lê nie en daarom soek hulle hulle eie wiele terwyl hulle in die Kaap is. Wat staan hulle te doen? Die syfers Ons het drie gewilde reisagentskappe se webwerf besoek en vliegkaartjies aangevra met een maand kennisgewing. Die gemiddelde retoerkaartjie tussen O.R. Tambo en die Kaapstadse internasionale lughawe kos R3 400 p.p.. Die Potgieters gaan dus R13 600 moet opdok vir vier retoerkaartjies. Ons het ook ’n paar voertuigverhuringsmaatskappye genader, en vir ’n gehuurde Toyota Hilux 2.4 GD6 4x4 gaan die Potgieters gemiddeld R21 000 per week betaal. Onthou ook…

ELXV – of dan Elite Luxury Offroad Vehicles – is nog nuut in woonwakringe, maar maak sy stem sommer met die intrapslag dik. Waar het enigiemand ’n boswoonwa met ’n wasmasjien gesien, laat staan nog ’n elektriese trappie of ingeboude ys-vrieskas aan die buitekant? Die aluminiumonderstel is net so uniek, om nie te praat van ander luukshede soos die 12 V-lugreëlaar en elektriese opwipdak nie. ELXV bou tans ook ’n Spoor-, Ng’ombe- en Ghari-model, met drie weergawes van laasgenoemde: die 3.7, 4.2 en 4.7. Gebou om te hou As ’n mens bloot na die boumateriale kyk, word die Ghari gebou om te hou. (Dis afgesien van die aluminiumonderstel wat met Al-Ko se Enduro X-onderstel toegerus is.) Die panele bestaan uit ’n 2 mm-veselglaslaag weerskante van ’n 25 mm-XPS-skuimlaag wat in…

KAMPBESTEMMING Die Breërivier vleg soos ’n goue lint deur die Wes-Kaap met wingerde al langs sy oewers. Hier is ook ’n groot verskeidenheid van kampplekke te kus en keur, plekke soos Batis & Bass, Klipkrans, Rivierplaas, Breede Otter en Silwerstrand. Ons het by Goudmyn en Badensfontein gaan uitspan. GOUDMYN-RIVIERCHALETS Goud en gaaf Die Wes-Kaap is nie eintlik sinoniem met goudmyne nie – die naaste een is immers in die Vrystaat, meer as 1 000 km weg. As jy dus in dié geweste ’n kampplek raakloop met die naam Goudmyn, wonder ’n mens oor die herkoms daarvan. Desjare het iemand glo ’n volle £2 400 vir die groter lap grond anderkant Robertson betaal. ’n Vriend kon nie glo wat betaal is nie en het blykbaar gesê die nuwe eienaar het pas…

KAMP & KATROL DUBBELMOND SAAM IN DIE HALWE KRING Dubbelmond is net buite Morganbaai in die Oos-Kaap, en die staanplekke is langs die strand uitgelê soos ’n amfiteater. Hulle is op twee terrasse wat elk ’n halwe sirkel vorm, en almal front na die strand toe. Dié twee halfmane omvou mekaar soos twee bane, en die twee badkamergeboue is in die middel. Elke staanplek is genommer en het een gemesselde braaiplek met ’n rooster – die braai is só gebou dat jou vullisdrom eenkant onder die braai inpas. Die kragpunt is by jou staanplek en gebruik die Fredlin-prop. ’n Enkele ry bome is op die voorpunt van die twee terrasse geplant. Soos jy voor jou afkyk see toe, vorm die begroeide koppie agter jou ’n skouer wat die wind van…

Die Tourer-woonwaens was reg van die begin af ’n suksesverhaal, en dis vandag, tien jaar later, steeds so. Die Tourers is grondpadweergawes van die Sprint-, Swing- en Splash-padwaens. Die Tourer SP is dus op die Sprint gegrond, die SW op die Swing en die Splash kry gestalte in die SX. Hierdie modelle kry ’n rubberas, maar die vervaardiger het nou ’n Enduro-variant vir elk van die modelle bekend gestel. “Enduro” verwys na die Al-Ko Enduro-vering, ’n onafhanklike vering wat op die sleeparmbeginsel werk. ’n Stewige fondament Te oordeel na die ordentlike hoekstutte wat omtrent skinkborde vir voetstukke het, staan hierdie wa sommer lekker stewig. Die Big Foot-voetstukke is ook van Al-Ko en het ’n voetspoor van 180 x 200 mm elk en ’n drakrag van 1 250 kg. Die voet…

Nes soet gewoonlik ook ’n titsel suur behels, het ’n heerlike tydjie in die kampplek ook maar sy ongelukke, glipse en rampe. Dinge soos om jou teen die braaier te brand, of, nóg erger, jou armhare weg te skroei terwyl jy die vuur aan die gang probeer kry met ’n proppie vol petrol. (Jy is net te dankbaar daar’s nog iets oor van jou wenkbroue en kuif...) Ek onthou ’n kampongeluk twintig jaar gelede in Mosambiek toe ’n lekkende gassilinder vir ’n Suid-Afrikaanse gesin nare gevolge gehad het. Nader aan die huis het ek gehoor van ’n sleepspieël wat ’n voetganger getref het en die slagoffer onder die woonwa se wiele laat beland het. En een jaar op pad na die noorde van die land het ons ’n woonwa flenters…

Nuwe kampplek in die Kalahari Kampplekke tussen Kuruman en Askham in die Noord-Kaap is so skaars soos hoendertande, en daarom is ’n nuwe kampplek in dié omgewing groot nuus. Kalahari Erfenis is 24 km buite Hotazel, dus ’n ideale oornagplek tussen Gauteng en die Kgalagadi-oorgrenspark. Boonop is die pad oor Hotazel 124 km korter as oor Upington (dis as jy nie gepla is deur die 146 km grondpad tussen Van Zylsrus en Askham nie). Die eienaars, Renier en Elske Strydom, het ’n eiesoortige aanslag. Hier is ses staanplekke in ’n halfmaan uitgelê, en elkeen het ’n luukse tent met slaapplek vir twee. Die staanplekke is só uitgelê dat jy jou woonwa langs die bestaande struktuur kan trek met genoeg plek om op te slaan. Buiten die permanente tent – wat…

Die nuwe Ford Ranger se internasionale bekendstelling was op 5 Desember 2022 naby Kaapstad, en die jongste Volkswagen Amarok s’n net ’n week later, ook in die Kaap. Albei gebruik Ford se T6.2-platform – ’n verwerking van die T6 wat sedert 2011 diens doen. Dis makliker om die verskille tussen die Ranger en Amarok te bespreek as die ooreenkomste. Wat verskil? Wat die bakwerk betref, het die Amarok duideliker “modderskerms” as die Ranger. Die vooraansig verskil selfs meer, veral by die sierrooster en enjinkap, maar wanneer jy die bakkies van agter af bekyk, lyk hulle taamlik eenders. Ook die deure en dakstawe is dieselfde vir albei bakkies. “Vir die nuwe geslag het ons die Amarok se ontwerp aansienlik aangepas. Hy is nou selfs meer indrukwekkend,” sê Albert Kirzinger, ontwerphoof by…

4X4-BESTEMMING Solitaire is ’n klein dog belangrike plekkie: As jy hier met ’n pap band inhink, sal Patat Katamelo en sy span die probleem vir jou oplos. Tenk leeg? Johannes Swartbooi sal volmaak, met ’n glimlag. Lanklaas ’n ordentlike koffie gedrink? Nico Mangudu sal een maak wat jou oë weer ’n bietjie sal ooprek. Honger? In Café van der Lee kan jy weglê aan ’n stuk van hulle beroemde apfelstrudel net sooss die bobaasbakker wyle Moose McGregor dit altyd gemaak het. Die meeste besoekers aan Namibië ken Solitaire, want jy móét hier aandoen wanneer jy die lang woestynpad uit Walvisbaai vat Sesriem toe. Op ’n manier is Solitaire ’n bietjie soos Doha se internasionale lughawe: Mense kom en gaan gedurig, met vliegtuie (goed, karre...) wat pal ’n stofstreep trek op…

MY WIELE Die Muckelmanns woon in Düsseldorf, Duitsland, en het Suid-Afrika die afgelope 16 jaar minstens twee keer per jaar besoek. Dan kry hulle Volkswagen Touareg ’n blaaskans terwyl hulle Europa vir Afrika verruil. Eers het hulle oor die weg gekom met huurmotors, maar nadat hulle die eerste voertuig gekoop het, was ’n 2019 Land Cruiser 79 4.5 V8 volgende. Philipp het ’n storie te vertel... My eerste besoek aan Suid-Afrika was twee jaar nadat ek Sarah ontmoet het. Sy was gek oor die land en het my uitgenooi: ‘Jy moet saamkom Suid-Afrika toe, en as jy nie daarvan hou nie, sit ons met een ernstige probleem...’ Ons eerste besoek saam was in 2007. Ons het ’n bakkie met ’n daktent gehuur – nogal saam met haar ouers, Paul en…

Net soos Lexus die duurder handelsnaam is van Toyota – en Haval van GWM – so is Beijing die spoggerige handelsmerk van die Chinese motorvervaardiger Beijing Automotive Industry Corporation, of dan BAIC. BAIC – jy spreek dit uit as “baaik” – is nie sommer ’n hierjy maatskappy nie, want hy bestaan al 65 jaar, is ’n Fortune 500-sakeonderneming en bedryf ook Mercedes-Benz se aanlegte in China. Maar genoeg oor die vervaardiger; kom ons kyk na die kar. Wat het ons hier? Die Beijing X55 – in ander lande bekend as die X6 – is ’n middelgewig kruisnuts, hoewel hy bemark word as ’n kompakte sportnuts. Hy’s beskikbaar met slegs een enjin: ’n 1,5 ℓ-turbopetrol wat eie is aan die Chinese motorvervaardiger (BAIC noem die enjin “China Heart”). Die outomatiese ratkas…

KAMPBOFFIN Niemand storm ’n kampplek binne en slaan by die eerste beste staanplek kamp op nie. Hoekom sal jy jouself in ’n gaatjie inprop as jy op ’n ruim staanplek met die beste geriewe jou staan kan kry? Ongelukkig is dit nie so eenvoudig nie, want jy is nie die enigste kampeerder nie. Iemand anders het waarskynlik klaar die “beste” staanplek beset. Ons almal het egter ook verskillende voorkeure, en daarom is die staanplek voor teen die see nie noodwendig vir jou die eerste prys nie, omdat jy – met jou drie kleinkinders wat saamgekom het – verkies om neffens die klouterraam en naby die ablusiegeriewe te kamp. ‘Ons kies vir jou’ By sommige vakansieoorde word jou staanplek vooraf aan jou toegeken. Maar niks keer jou om vir ’n ander…

Enige helderblou voertuig staan uit bo die res. Voeg nou ’n eenderse blou woonwa hierby en die spulletjie saam staan uit soos ’n vuurtoring op die rotse. Dit is presies wat die eienaar van Tojem, Etienne van Zyl, gedoen het. In woonwakringe is Etienne en sy seun, Jean-Pierre, bekend vir die unieke Tongawoonwa, en dis einste een van hulle wat Pa en Seun onder hande gehad het. Die Tonga se standaardkleur is roomwit, maar die blou wa het ’n ander boodskap: Jy kan ’n Tonga in enige kleur bestel. Natuurlik sal voornemende kopers ’n soortgelyke kleur as hulle sleepvoertuig oorweeg. Aanpassings is niks vreemds vir Etienne nie. Hy het 30 jaar gelede sy eie paneelklopperonderneming op die been gebring, maar dit was nie lank voor veselglas deel van sy wêreld…