Innehållsförteckning för ROETES WAT ROEP 2023 från Weg! Ry & Sleep

REDAKTEURSBRIEF Mense sê dikwels reisskrywers het die lekkerste werk op aarde. Ek weet nie of dit waar is nie, maar ek kan wel bevestig dit is die beste beroep waarin ek my nóg bevind het. Elke af en toe vra iemand of ek nie soms moeg raak vir al die kamp en ryery nie. Dan haal ek die Deense skrywer Hans Christian Andersen aan deur te sê: “Om te reis is om te leef.” Dit klink dalk na ’n sentimentele gemoedsuiting, maar volgens my slaan ou Hans die spyker so reg op die kop. Dit is een ding om met jou voertuig op ’n 4x4-hindernisbaan te speel – jy leer immers broodnodige veldryvaardighede – maar die ware lekker lê in lang ritte na interessante plekke toe. Ek raak kinderlik opgewonde…

ROETES WAT ROEP 2023 Die roete begin by die vakansiedorp Graskop in die Laeveld. Neem Hoofstraat – oftewel die R533-streekpad – uit die dorp in die rigting van Kowynspas en Bosbokrand. Op Kowynspas ry jy deur ’n galerytonnel – dis ’n soort tonnel waarvan die een kant oop is en die dak deur pilare gestut word. Aan die voet van die pas is ’n platterige vallei wat in der waarheid die vlak suidelike uitloop van die Blydepoort-canyon is – die Blyderivier-canyon se minder dramatiese buurman. Ongeveer 15 km buite Graskop, op die laagste punt van die vallei, is ’n afdraai aan jou linkerkant (S24.94836 E30.94507). Hy het nie ’n naam nie; die enigste padteken is ’n Sappi-padpredikant wat jou maan om nie vuur te maak in die plantasie nie –…

ROETES WAT ROEP 2023 Ons roete begin by Willowmore in die Oos-Kaap en eindig by die De Hoopnatuurreservaat in die Wes-Kaap se Overberg-distrik. As jy douvoordag uit Gauteng vertrek, behoort jy vroegaand op Willowmore aan te kom, en Kapenaars kan die roete andersom ry en by De Hoop wegspring – dis net twee uur van Bellville af. Willem Ore, soos Willowmore soms skertsend genoem word, lê op ’n golwende droë vlakte tussen die Aasvoëlen Slypsteenberg in die Koup-distrik. Hier is nie veel te sien en doen op die dorp nie, maar as jy by Finchly Farm oornag, kan jy môre teen die Aasvoëlberg uitry om die beginpunt van die Swartberg te sien. Dié reeks bestaan uit die Groot-Swartberg wat hier by Willowmore begin, en die Klein-Swartberg wat van Calitzdorp af…

ROETES WAT ROEP 2023 Antieke wêreldkaarte, soos die Cantino-kaart wat uit 1502 dateer, het nie net fabelagtige kreature soos meerminne uitgebeeld nie, maar ook allerlei fiktiewe plekke. Europeërs het byvoorbeeld geglo daar’s ’n groot rivier aan die westekant van Suider-Afrika wat van noord na suid loop. Dié denkbeeldige rivier het bekend gestaan as die Vigiti Magna – Latyns vir “groot mag” – en hy’t sy naam gekry lánk voordat ’n wit mens ooit die rivier onder oë gehad het. Op die oewer van die Vigiti Magna het ’n mitiese goudstad met dieselfde naam blykbaar gestaan. Die veronderstelling was deels gegrond op stories wat Arabiese handelaars – wat sedert die agste eeu reeds met Afrika handel gedryf het – aan Europeërs vertel het. Laai jou visstok en ry teenaan Suider-Afrika se…

ROETES WAT ROEP 2023 Die hek na die Goegap-natuurreservaat is skuins agter Springbok se vliegveld. Trek eers af in die parkeerterrein en meld aan by die ontvangsgebou, waar die personeel die roete met jou bespreek en op ’n papierkaart merk watter paaie toeganklik is vir gewone rygoed en watter jy slegs met ’n viertrekvoertuig moet pak. As jy ’n wa hierheen sleep, is dit beter om hom hier af te haak en daarsonder die reservaat te verken. Hierna ry jy deur die hek – die hekwag teken jou in en herinner jou dat die hek om 18:00 sluit – en dan volg jy ’n teerpad vir 5 km tot by ’n afdraai na links met ’n padpredikant wat die “toeriste-roete” aandui. Ons raai jou aan om Goegap in die blommeseisoen…

ROETES WAT ROEP 2023 Die naam Overberg het oorspronklik verwys na die onbekende binneland agter die Hottentots-Hollandberg wat die oostelike uitbreiding van Jan van Riebeeck se nedersetting gestuit het. Mettertyd is ’n pad deur die bergreeks gevind en die vae Nederlandse definisie van “over het berg” moes verander, want anderkant die Overberg het nóg berge gewag. Die Overberg-distrik se grense is tot vandag toe vaag, maar daar word algemeen aanvaar dit is die golwende vlakte tussen die Riviersonderend- en Langeberg in die noorde en die see in die suide, met sy westelike grens die Hottentots-Hollandberg en sy oostelike grens óf die Breë- óf die Gouritsrivier 100 km verder ooswaarts. Hoe ook al, hier is ’n kronkelroete wat jou goed vertroud gaan maak met die vrugbare landboustreek anderkant die berg. JOU…

ROETES WAT ROEP 2023 Daar is ’n gesegde wat lui die Weskus is die beskus. Die mense wat dié gesegde gebruik, is klaarblyklik nie lief vir tropiese strande vol blink lywe, sonsambrele en roomysverkopers nie. Hulle is ook nie gaande oor strandoorde, promenades of selfs warm seewater nie, want dié dinge is skaars in die Weskus. Nee, jy raak verlief op die Weskus juis omdat dit ’n kuslyn is met ’n unieke – en soms rowwe! – karakter. Jy kan immers nie die Weskus beskryf sonder woorde soos snoek, kreef, bokkom en swartmossel nie. Jy sal ook moet vertel van die suidooster, bamboes en soutslaai. Én jy moet die verskil kan verduidelik tussen ’n visskuit en ’n viskuit. Hierdie dinge is volop op plekke soos Tietiesbaai, Dwarskersbos, Papendorp en Hondeklipbaai.…