Innehållsförteckning för Aug/Sept 2024 från Weg! Ry & Sleep

Terwyl ons hierdie uitgawe aanmekaargeslaan het, kon ek nie anders as om aan ’n ou televisie-advertensie vir ’n bekende plaaslike bier te dink nie. Ek reken dit is ’n goeie 25 jaar gelede uitgesaai. In die advertensie word gewys hoe ’n klomp vriende by ’n oënskynlik afgeleë plek stilhou waar ’n ou en sy borderkollie reeds wag, met ’n vuur wat brand, ’n Suid-Afrikaanse vlag wat geplant staan en in die wind wapper, en die openingsnote van Boston se “More than a Feeling” wat begin speel. Terwyl die manne hulle koelbokse en kampstoele aflaai en nader dra, vra een van hulle “Hoekom hier?” Dit is dan wanneer die een wat vir hulle gewag het, ’n televisie aan sy bakkie se battery koppel en beelde op die skerm verskyn van die…

NUUS Namibië se vlaktes lê wyd, en daarom is dit altyd ’n goeie idee om jou reis soontoe goed te beplan. Vir kampeerders wat ’n rusplek in die omgewing van Mariental soek, is daar nou ’n bykomende keuse. Die Skuur-kampplek is net buite die dorp, op die plaas Kachas waar die eienaars, Kokkie en Elzeth Adriaanse, onder meer met mielies en koring boer. Die kampplek is twee jaar gelede gebou met enkele staanplekke wat elk ’n private badkamer het. Vandag kan kampeerders kies uit 6 staanplekke met gemeenskaplike badkamers, 3 met private geriewe en 3 effens luukseres, ook met private geriewe. By albei groepe met private geriewe is daar opwasplek. ’n Donkie by elke badkamer sorg vir die warm water. Elzeth-hulle verskaf die hout en stook ook een keer per…

Kleine Paradys word omring deur werkende koring- en druiweplase, en is ’n bewys van wat bereik kan word wanneer jy ’n pragtige stukkie aarde neem en dit met die harde werk en vindingrykheid van ’n suksesvolle boerdery kombineer om ’n puik gesinsvriendelike kampplek te skep. Die resultaat is hierdie natuurlike oase met sy uitsig oor die rivier en landerye en die Piketberg-bergreeks in die verte, met ’n byna oorweldigende verskeidenheid aktiwiteite en geriewe om elke lid van die gesin besig te hou. Hoewel iemand wat ’n meer aardse gevoel in ’n kampplek verkies, dalk aanvanklik ’n sterk mening mag hê oor die geplaveide staanplekke, goedversorgde kampterrein en verskeidenheid doendinge, besef jy gou elke ding hier is noukeurig beplan met die omliggende natuurskoon in gedagte. Die rivier, berg, landerye en kampeerder…

One4Odyssey is ’n nuwe vervaardiger wat ’n model bou met slaapplek vir twee of vier. Die Chameleon 2 het een bed wat oor die disselboom uitgly, terwyl die Chameleon 4 ’n ekstra bed het. Ons het die Chameleon 2 onder hande geneem. ’n Mens sien al hoe meer vervaardigers wat uitglybeddens in hulle waens inbou pleks van uitslaanbeddens. Die meeste uitslaanbeddens het seilpanele rondom, en afhangend van die omgewing waar jy kamp, voel sommige kampeerders meer gerus met soliede panele rondom hulle. Om dié rede het sommige vervaardigers ’n variant van ’n boswoonwa sonder ’n uitslaanbed maar met ’n binnebed. One4Odyssey gebruik ’n kombinasie van die twee – jy slaap deels binne die wa, en die deel wat uitgly, is soos ’n kokon met ’n soliede struktuur. Die voordeel van…

Die kwessie van herprogrammering is een wat ek nie met enige gesag of selfvertroue kan antwoord nie. My mening spruit net uit my eie ervaring en meer as drie dekades se gesprekke met die eienaars van 4x4-voertuie met dieselenjins. Maar weet dat wanneer jy jou dieselaangedrewe voertuig se beheereenheid laat herprogrammeer, is daar ’n kans dat jou werklikheid iets mag wees waarop jy nie voorbereid was nie. Die ingenieurs by enige motorvervaardiger het ’n lang lys vereistes waaraan voldoen moet word wanneer hulle ’n nuwe voertuig ontwerp. Heel boaan die lys is die koste van ontwikkeling teenoor die maatskappy se winsgewendheid. ’n Ander vereiste is die voertuig se uitlaatgas, omdat wetgewing hieroor wêreldwyd voortdurend verander. Die voertuig se aandrywingstelsel en betroubaarheid is ook hoog op die lys. Uit vorige gesprekke…

Het jy iewers dalk ’n seldsame sleepsel of ryding raakgeloop? Vertel ons daarvan en stuur vir ons ’n foto na rysleep@weg.co.za Jare gelede het die Hummer H-reeks van GMC, ’n afdeling van General Motors, legendariese swak brandstofverbruik gehad – die H1 kon skaars 4 km/ℓ haal (dit is 25 ℓ/100 km!) en dít slegs as jy teerpad ry. Amerikaanse omgewingsbewustes was so erg omgekrap oor die onekonomiese ryding dat hulle Hummers letterlik aan die brand gesteek het – later moes selfs die FBI ingryp. In ’n verrassende wending sou General Motors 20 jaar later met ’n elektriese Hummer vorendag kom, maar in tipiese Hummer-styl is dit een van die ondoeltreffendste elektriese rygoed ter wêreld. Die GMC Hummer EV3x, soos hy bekend staan, kan skaars 470 km haal. En dit is…

Ons het ’n behoorlike lys van troeteldiervriendelike oorde in die land saamgestel, en die eerste uitvloeisel hiervan was ons spesiale troeteldieruitgawe van die Oordgids 2023. Hierin het ons ’n lys van 155 oorde gemaak, wat omtrent die helfte van die totaal is. Vandeesmaand voeg ons op hierdie blaaie nog 11 oorde by die lys, en daarna nog minstens 8 per uitgawe, tot ons uiteindelik die 300-kerf oorsteek. Hou in gedagte dat ons nie al die oorde self besoek het nie en staatmaak op inligting wat ons in goeder trou van oorde af ontvang. As ons die plek wel besoek het, gee ons ’n verwysing waar jy dit in ’n vorige uitgawe kan naslaan. Ons het onder meer die oorde se troeteldiervoorwaardes nagegaan en kortliks opgesom. Dit dien bloot as ’n…

Die gloeilamp het, sonder dat ’n mens dit regtig besef, uit ons alledaagse lewe verdwyn. Nuwe wetgewing wat die verkoop daarvan vir “algemene gebruik” verbied, was die finale doodskoot. Nou is daar verpligte spesifikasies rakende doeltreffende energieverbruik en funksionele prestasie. Natuurlik is daar ’n paar uitsonderings, en volgens die regulasies wat op 24 Mei 2023* in die Staatskoerant gepubliseer is (kennisgewing 1825 van 2023), is kampligte een van hulle. Vóór jy die ligte afskakel Wat met die gloeilamp gebeur, is doodeenvoudig die gevolg van vooruitgang. Vandag se kinders weet nie eens wat dit presies is nie, behalwe waar Thomas Edison se naam in die wetenskapklas opduik. Vir ’n lig wat minder as 5% van die krag wat dit verbruik in sigbare lig omskakel – ander bronne is meer genadig en…

PLATHOENDER MET FETA, KNOFFEL EN OLYWE Vlinderslag Geurige knoffel, romerige feta en soutige olywe word onder kiepie se vel versprei voor sy tussen twee swaar gietyster panne gebraai word. Die tegniek verkort die gaarmaaktyd, maar jy kan dit natuurlik rustig oor die kole braai in ’n toeknyprooster indien jy dit verkies. Jy benodig (genoeg vir 4-6, afhangend van die hoeveelheid bykos) • 1 heel middelslag-hoender, gevlek• 2 eetlepels olyfoie• 150 g romerige feta• 1 teelepel gerasperde suurlemoenskil• 3 knoffeltoontjies, in skyfies gesny• 1 teelepel heuning• ’n knippie rissievlokkies (opsioneel)• 12 olywe, ontpit en fyngekap Só maak jy 1 Vryf die hoender oral oor met olyfolie in en geur dit behoorlik met sout en peper. 2 Meng die feta, suurlemoenskil, knoffel, heuning, rissie en olywe saam. Maak die vel oor die…

Die getal advertensies en artikels oor bos-, veld- en grondpadwaens in Ry & Sleep is ’n besliste aanduiding van hoe gewild dié sleepgoed onder Suid-Afrikaanse kampeerders is. Ek het die bewoording van advertensies, reisartikels en woonwatoetse in die vorige uitgawe ontleed om ’n idee te kry van hoe vervaardigers hulle waens posisioneer en hoe buitelewejoernaliste die kampervaring met die waens en hulle produkeienskappe beskryf. ’n Klompie temas het my opgeval: veldryvermoë, die moontlikheid van houtvrot, ’n buitekombuis, stofdigtheid, avontuur en veelsydigheid. Buiten die veelsydigheid van boswaens is die lang lys unieke produkeienskappe wat vervaardigers aanbied, ’n aanduiding dat plaaslike wabouers vindingryke en weldeurdagte tegnologie en nutsvoordele in hulle produkte inbou. Ek het hierdie ontleding met die resultate van ongepubliseerde navorsingsverslae vergelyk. Dié soort navorsing het ten doel om mededingers te…

POSBUS Ek en my vrou, Elsa, is ywerige kampeerders en soek al jare lank na ’n ordentlike gasstofie wat bestand is teen die wind. Ons het al die meeste van die stofies op die mark gekoop en getoets, maar is altyd teleurgesteld, want die wind waai die vlam dood en die gehalte is soms nie van die beste nie. By ’n onlangse byeenkoms vir oudweermaglede loop ek ’n oudkolonel raak met ’n besonderse Cadac-gasstofie wat hulle in die jare sestig in die weermag gebruik het. Ek is van die ouer garde wat nog diensplig gedoen het in die jare sewentig, en onthou die destydse weermag het toerusting van hoogstaande gehalte gemaak. Net daar besluit ek om een te soek. Baie maande later spoor ek een op in ’n pandjieswinkel –…

Wanneer jy ’n landreis onderneem, is ’n volledige en behoorlike voorrit-ondersoek van kardinale belang. Jy kan nie net jou bande se loopvlak bekyk en jou brandstoftenk volmaak en daar gaat jy nie. Hier is die vernaamste dinge wat nagegaan moet word. Toets die battery Die maklikste manier om ’n battery te toets is om ’n multimeter te gebruik. (Builders Warehouse verkoop een vir R140.) Prop die rooi kabel in die multimeter se rooi V-sok – nié die A-sok nie – en die swart kabel in die sok wat sê “COM”. Draai nou die knop tot by 20V DC, skakel jou voertuig se hoofligte aan (maar hou die enjin afgeskakel) en hou dan ná 2 minute die multimeter se swart toetspunt (probe) teen jou voertuigbattery se negatiewe pool (swart) en die…

Kleur dié prent in KLEUR IN Kry die vetkryt en kleur die tekkies in. WOORDSOEK Soek die woorde op die lysie en merk hulle af. SOEK DIE VERSKILLE Daar is minstens tien verskille tussen die twee sketse. Kyk of jy hulle almal kan kry! DOOLHOF Wys die doolhof wie’s baas. Onthou om eers ’n potlood te gebruik – ingeval jy ’n fout begaan. Woordsoek FORMULE 1-RENSPANNE Alfa Romeo Benetton BMW Sauber Brabham Cooper-Climax FerrariForce India Ligier Lotus F1 McLaren Mercedes Red BullRenault Sauber Team Lotus Tyrrell Toro Rosso Williams Soek die verskille Doolhof Dierefeite PALING ELECTROPHORUS ELECTRICUS • Die paling is van Suid-Amerika afkomstig. • Varswaterpalings bring die meeste van hulle tyd op die bodem van modderige riviere deur. • Afhangend van die spesie kan ’n paling ’n elektriese skok…