Innehållsförteckning för Dec/Jan 2024/2025 från Weg! Ry & Sleep

NUWE KAMPGOED Niks troef ervaring nie. Wanneer ’n gesoute kampeerder dus besluit om sy eie wa te bou, is die kans goed dat hy raak gaan vat. Dit is inderdaad die geval met Michael van Schalkwyk, wat twee keer per jaar oorlandreise tot diep in Afrika aandurf. Hy het al ’n string boswaens besit, maar sê van hierdie kampgoed is te ingewikkeld vir hom. Die eindproduk van sy halwe eeu in die staal- en ingenieursbedryf en sy liefde vir kamp is twee woonwamodelle wat hy self ontwerp het en met ’n unieke idee of twee spog. Die Nyathi (Sotho vir “buffel”) is gegrond op die traandruppelontwerp, terwyl die Indlovu (Zoeloe vir “olifant”) meer neig na ’n boswoonwa. Twee mense of vier? NYATHI Al lyk die Nyathi soos ’n traandruppelwa, het…

4X4-BESTEMMING Reis oor twee dae en 925 km saam met ons van die Namibiese Waterberg tot by die ewe groen Epupavalle. Op pad besoek ons bedrywige dorpe, Namibië se laaste staande vingerklip (sover ons kennis strek) en ’n kloof vol kokerbome. Kom ons verken Damara- en Kaokoland. Op die eerste dag is ons vroeg uit die vere, want daar lê 580 km voor. Dit klink dalk nie na baie nie, maar die meeste daarvan is grondpad en ons gaan boonop by ’n hele klompie besienswaardighede stilhou én ook stop vir kruideniersware. Verlaat die Waterberg Wilderness-lodge waar ons gisteraand oornag het (sien ons vorige uitgawe vir besonderhede) en baan jou weg na die B1-hoofpad waar ons regs swenk in die rigting van Otjiwarongo. Dit is die grootste dorp in die Otjozondjupa-streek…

Enige Bull Runner kan getuig dat ’n mens gereed moet wees vir enigiets wanneer jy oor die laaste naweek van die kort skoolvakansie in die Noord-Kaapse dorp Vanwyksvlei aanmeld vir een van dié gewildste en ekslusiefste byeenkomste onder Suid-Afrikaanse petrolkoppe en adrenalienverslaafdes. Dit is alombekend dat die jaarlikse Ry & Sleep Bull Run sy gelyke nie ken nie. En hoe dan anders? ’n Hele naweek lank kom nagenoeg 160 spanne met hulle opgedolliede rygoed – motors wat voor 1985 vervaardig is en nie meer as R40 000 werd is nie – en sê mekaar die stryd aan in ’n reeks unieke en opwindende uitdagings. Tussen die brullende enjins, die gejaag en die gespeel word daar ook hard en aanhoudend gekuier. Hulle weet nie wat ons weet nie? Bull Runners weet!…

WOONWATOETS Stealth het iets vir elke smaak, want jy kan kies uit padwaens, grondpadwaens én boswoonwaens. Onder die boswaens het jy ’n keuse van drie Overlander-modelle: Die Cub (wat ons ’n paar maande gelede getoets het), Bunk en, vir hierdie toets, die 634ES. Soos ’n mens van ’n topmodel verwag, sluit die binneruim in ’n badkamer, ’n ordentlike bed plus ’n kuiergedeelte wat in ekstra slaapplek omskep kan word. Die buitekombuis is aan die linkerkant, en die geval van die 634ES is die inklimdeur regs agter by die stert. Laastens maak jy die wastafel vir skottelgoed staan by die stert. Ons ry dae aaneen met die 634ES op teerpaaie, ’n steil grondpad of twee en smal sandpaaie – en besef die ruigte is sy tuiste. Vele ruimte Die ekstragroot neuskas…

KRY DIE PRODUKTE HIER ### campandclimb.co.za ### campcover.co.za ### frontrunneroutfitters.com ### thulestore.co.za ### booxe.co.za ### outdoorwarehouse.co.za TENTCO-BAKKIESAK Agter die rug Die smal spasie agter jou dubbelkajuitbakkie se agterbank word dikwels onderbenut. Hierdie sak het vier vakkies – twee groteres en twee wat kleiner is – waarin jy dinge soos ’n brandblusser, glimbaadjies, ’n bandherstelstel en ekstra smeltdrade en gloeilampe kan bêre. Die sak word gemaak van Oxford-nylon en dit hang aan ’n aluminium-glystrook wat jy aan jou bakkie se bakwerk vasbout. Jy kan die bakkiesak uiteraard ook in ’n sleepwa vasbout vir ekstra pakplek. Die sak se afmetings is 96 x 40 cm. Prys R290 by Camp & Climb CAMP COVER-PANEELBORDORGANISEERDER Kyk voor jou Jou trokkie se dashboard het die potensiaal om ’n nuttige bêreplek te wees met een van…

KAMPBESTEMMING Die tonnel deur Kalkoenkrans, daar tussen Ashton en Montagu in die Wes-Kaap, kan beskou word as die poort tot die Klein-Karoo. Dis nie ’n imposante tonnel of een wat vir kilometers deur die aarde wurm nie, maar bloot ’n opening van 15 x 5 m wat byna natuurlik lyk en ’n mens onkant betrap. Van Ashton se kant af kronkel die R62 vir ’n paar kilometer langs die Kogmanskloofrivier en ’n mens verkyk jou behoorlik aan die rotsformasies. Skielik voel dit of die pad om ’n draai teen die berg gaan vasloop... en dan is Kalkoenkrans voor jou. Die tonnel voel ook soos die grens tussen goeie en slegte weer. Ons het die afgelope winter daar gaan kamp opslaan, en toe ons uit die Moederstad weg is, het dit…

André se kamplewe het as kind begin in sy ouers se Jurgens Penta. Die kampplek, Pine Lodge in die destydse Port Elizabeth, lê ewe na aan sy hart, want dit is waar hy in 2000 sy vrou, Elaine, ontmoet het. Met die koms van kinders moes die kampeerdery eers wag. Maar die kinders het grootgeword, en in 2016 skaf André ’n Mobi Lodge aan sodat hulle as gesin die bos kan verken – met ’n Toyota Land Cruiser 200 voor die wa. Dit was nie lank nie of ’n hele klomp van André-hulle se vriende het ook saam kom kamp in hulle Mobi Lodge-waens. Ná etlike jare se genotvolle kamp in die bos was dit tyd vir ’n volgende ervaring. Hier’s André se storie... "Ek het ’n volgende woonwa oorweeg,…

Toe ons drie jaar gelede met ’n Pajero Sport gesleep het, was die Exceed-model die derde toevoeging tot die reeks. Intussen het twee familielede bygekom, wat jou keuse tot vyf modelle uitbrei. Die Pajero Sport Aspire is beskikbaar in twee- en vierwielaandrywing, maar die vyf modelle is in baie opsigte identies, met net meer as R100 000 verskil tussen die basiese aanbod en die Exceed, die vlagskipmodel. Die Exceed is vierwielaangedrewe en spog met ’n skuifsondak en elektriese agterdeur, terwyl die Aspire (ons toetsmodel, ook 4x4) R30 000 goedkoper is. Laasgenoemde onderskei hom van die ander vier met sy swart vellings, sierrooster, dak, dakstawe en voor- en agterbuffer asook ’n elektriesverstelbare rugleuning vir die bestuurder. As jy die tegniese detail van die basismodel, die Exceed en die Aspire (4x4) vergelyk,…

KAMPBOFFIN Kies ’n mens ’n Invader of Stealth? Wat van Nayela, AlphaGo of Overlander, óf enige van die ander 63 woonwavervaardigers? Is die Quattro X of die Bush Lodge die wa vir jou of roer ’n Sahara X, ’n S6 Air V4 of die 590 Custom jou hartsnare? Dis ’n onbegonne taak om van vertoonlokaal tot vertoonlokaal te ry, en op die internet gaan jy eenvoudig verlore raak en beslis ’n model of drie miskyk. In Ry & Sleep se Koopgids 2024 is alles op een plek en jy kry die plaaslike woonwabedryf se hele spyskaart onder oë – van die goedkoopste tot die duurste, van dié wat gerat is vir teerpad regdeur tot dié wat strafste veldrytoestande kan trotseer. Wanneer ’n mens die inligting in die gids saamvat, verskyn…

PIETER VERTEL My ouers het nie juis daaraan geglo om Kersgeskenke te gee nie, en verskeie “waterdigte” argumente is oor die jare heen as redes vir dié besluit voorgehou. As jong seun moes ek meer as een keer hoor Kersvader is ongelooflik besig in die aanloop tot die dag waarop hy geskenke moet uitdeel en gaan dus nie betyds by die woonwapark op Mosselbaai uitkom nie. Hy het wel per telegram laat weet hy het sommer my groot geskenk by ons huis in die Boland afgelewer – hy had glo ’n sleutel vir die garage – en ek sal dit ná die vakansie daar vind. Maar intussen is hier ’n klein ietsie sodat jy darem nie so oopmond in die wind sit nie. En dan aanvaar jy maar gelate die…

NUWE RYGOED Gerugte doen al jare die ronde dat Kia ’n bakkie gaan uitbring, maar die Koreaanse voertuigreus het eers in April 2024 amptelik die naam Tasman bevestig. Die naam is geïnspireer deur die Tasmansee tussen Australië en Nieu-Seeland, want Kia reken dié twee lande is belangrike markte vir sy bakkie. Trouens, Kia noem sy Tasman “die mees Australiese voertuig” wat hy nóg ontwikkel het – Kia Australië het ook insette gelewer in die ontwerp en enjinkeuses. Die voertuig is einde Oktober 2024 onthul en sy voorkoms het die tonge behoorlik laat klap. Op Kia Suid-Afrika se Facebookblad het ons die volgende kommentare gelees: Jeanette Slabbert: “Ek is jammer, maar dit lyk soos ’n Lego-karretjie. Kia, julle sit die pot mis met dié een.” Wayne Coetzer: “Dit lyk soos die…

ROETES WAT ROEP Verlaat jou kampplek vroegoggend terwyl dit nog koel is buite, want op die eerste been van hierdie rit gaan ons gereeld stilhou en uitklim vir foto’s. Volg die D3700-grondpad ooswaarts en ry verby ’n sokkerveld op kaal grond aan die bopunt van Epupa se landingstrook. Van hier af ry ons verby die Kapika Waterfalllodge, oor ’n heuwel tot terug by die Kunenerivier. Trouens, op die eerste been van hierdie roete gaan ons die Kunene vir 90 km volg voor ons binneland toe swenk en terugry na die Epupavalle toe. By die rivier hou ons stil vir foto’s, want hier is ’n gawe uitkykpunt oor die Kunene. Hier is ook ’n piepklein Himbastat genaamd Omukazeze, en kort voor lank dop daar kinders uit die bosse wat roep: “Sweets,…

Die Thule Approach is ruim, gemaklik en mooi. Hy het ’n feitlik ondeurdringbare reënseil en groot vensters om ’n bries deur te laat. Die materiale is van uitstekende gehalte en hy’s maklik om op en af te slaan. Wat maak hom anders as die deursnee-daktent? In ’n japtrap Ons het Thule se winkel in Bellville in die Kaap besoek en dit het die nutsmanne slegs vyf minute geneem om die daktent uit sy kartonboks te haal en op ons ryding se dakrelings vas te bout. Dit het behels dat hulle twee Thuledakstawe aanmekaarsit, die stawe aan ons voertuig se dakrelings vasmaak en die tent op die dakstawe laai – hiervoor het jy twee mense nodig wat saam 60 kg bo hulle skouers kan lig. Laastens bout jy die daktent aan…

4X4-PROFESSOR Die formaat vir vanjaar se Bakkie van die Jaarkompetisie is effens verander: Verlede jaar was daar drie kategorieë en een algehele wenner – die Volkswagen Amarok V6 – maar nou is daar vier kategorieë met geen algehele wenner nie. Alle dubbelkajuit-4x4-bakkies wat tussen September 2023 en Augustus vanjaar plaaslik bekend gestel is, het in aanmerking gekom vir deelname aan die tweede jaarlikse Bakkie van die Jaar-kompetisie. Dit het ongelukkig vervaardigers soos Volkswagen, Mahindra, Mitsubishi, Nissan en Peugeot gediskwalifiseer. Die organiseerders het wel die volgende vervaardigers genooi om hulle bakkies te stuur: Ford, Foton, GWM, Ineos, Isuzu, Jeep, RAM, Toyota, LDV en JAC. Drie vervaardigers het die uitnodiging van die hand gewys: LDV het aanvanklik ingeskryf, maar sy T60 later onttrek omdat hy veranderinge aan die huidige voertuig wou aanbring;…

IETS ANDERS Die oorsprong van hierdie soort woonwa lê in die jare dertig in Amerika. Dit was ’n tyd toe selfdoenprojekte hoogmode was en tydskrifte soos Popular Mechanics bouplanne vir allerlei projekte gepubliseer het – onder meer ’n “kampwa vir twee” wat ook algemeen bekend gestaan het as ’n wittebroodswa. Die gewildheid van hierdie waens het dramaties toegeneem ná die Tweede Wêreldoorlog toe surplusmateriale soos staal, laaghout en aluminium skielik vrylik beskikbaar en bekostigbaar geraak het. Sommige waens was groot en is van oortollige bomwerperonderdele gebou terwyl ander weer klein en lig genoeg was sodat jy dit met ’n motorfiets kon sleep. In die jare vyftig het brandstofpryse geleidelik gedaal tot so laag as 10c per gallon, en rygoed het groter en sterker geraak. Dit was ’n voorspoedige tyd vir…