Innehållsförteckning för Feb/Mar 2025 från Weg! Ry & Sleep

Lethabo-lodge, 10 km buite Modimolle, het sy keuses vir kampeerders nou uitgebrei van een tot twee kampterreine. Volgens Conrad Meyer, die lodge se eienaar, het die boskamp met sy 5 staanplekke en gemeenskaplike ablusiegeriewe in 2023 die lig gesien. Elke staanplek het ’n plaveiblad met ’n afdak. Nou is daar ’n tweede kampterrein ingerig wat hy Waterhole gedoop het. Hier is 7 staanplekke, elk met ’n bok se naam: Impala, Kudu, Nyala, Wildebees, Bosbok, Rietbok en Tsessebe. Danksy al die bome in die nuwe kamp is ’n afdak nie nodig oor jou staanplek nie. Jy kry jou staan op ’n plaveiblad van 6 x 9 m waarvan die een kant ’n afskorting langs ’n vuurput het. Jy het ’n kraan op jou staanplek plus ’n braaier en kragpunt. Lethabo-lodge se…

Volkswagen het onlangs ’n borgskap aan die Suid-Afrikaanse sokkervereniging (Safa) gemaak in ’n poging om meer vroue en meisies in die sport betrokke te kry. Al die nasionale vrouespanne, insluitende Banyana Banyana, Basetsana (die o.20-span), Bantswana (o.17’s) en die o.15-span vorm deel van die borgskap, wat behels dat Volkswagen ’n Caddy Kombi Maxi, ’n Crafter 50 (met sitplek vir 23), ’n Tiguan Allspace en ’n T-Cross aan Safa geskenk het. Op die foto is van links Job Mchunu (Safakomiteelid), Desiree Ellis (Banyana Banyanaafrigter), Buti Mathathe (Safa-komiteelid), Princess Ndlhovu (Volkswagen se handelsmerkhoof ), Linda Zwane (Safaadjunkpresident), die sogenaamde superondersteuner Mama Joy, dr. Danny Jordaan (Safa-president), Bridget Harpur (Volkswagen se bemarkingshoof ), Pius Nqandela (Safa-komiteelid) en Lydia Monyepao (uitvoerende hoof van Safa). Defender mik Dakar toe Die Land Rover Defender, wat deesdae…

Dinge boer vooruit by die Pretoriase kappievervaardiger Wild Accessories – volgens Christiaan du Toit, eienaar van dié trots Suid-Afrikaanse onderneming, het hy sy operasie uitgebrei met nuwe masjinerie en nuwe aanstellings in die ontwerpafdeling sowel as op die produksielyn. Alles om by te hou met die aanvraag na sy produkte. Dit is nadat Wild Accessories ’n klompie jare terug al na ’n groter perseel moes verhuis om ’n groter produksielyn te vestig. Christiaan vertel hy het onlangs ook ’n CNC-buigmasjien tot sy reeks masjinerie toegevoeg, een wat ’n vesellaser insluit – nog ’n stap om menslike foute uit te skakel. Christiaan sê met elke nuwe ontwikkeling by Wild Accessories gee die onderneming nog ’n tree nader aan sy mikpunt om foutlose produkte aan sy klante te lewer. Christiaan-hulle het reeds…

Kampplekke in KwaZulu-Natal is oor die algemeen óf kus- óf bergoorde. Gautengers stroom in die somer soontoe, maar ook in die winter kry ’n mens nêrens in die land ’n heerliker klimaat as hier nie. Dan is daar nog die Drakensberg se bekoring waar jy neffens die Lesotho-grens in van die mooiste landskappe in Suid-Afrika jou tentpenne kan inkap. ’n Mens kan nóg ’n groepie uitsonder: Die deel tussen die Middelland en die eSwatini-grens spog met ’n klompie kampplekke waar ’n mens behoorlik kan ontspan. Ons het in die verlede by van dié oorde ingeloer en heerlik gekamp by plekke soos die warmbronne van Natalspa en Thangami. Maar nou kyk ons effens wyer en gaan maak ’n draai by twee gawe kampplekke waar ons nog nie vantevore was nie. Die…

Die 80-jarige Kobus Boshoff en sy seun Jakkie (50) het ’n ruk gelede saam gedink die tyd is ryp vir ’n uitgebreide toer met Kobus se Land Rover Discovery 4 en Jakkie se Jurgens Xplorer-boswoonwa. Uiteindelik besluit hulle om sommer reg rondom Suid-Afrika te reis en te alle tye so na as moontlik aan die landsgrens te bly. Hulle het in hulle tuisdorp, Modimolle, weggespring en gekyk wat hulle kan vermag – en 24 dae (en duisende stofpadkilometers) later was hulle terug by die huis, met heelwat stories om te deel. Kobus vertel... Ons twee spring in September 2023 weg uit Modimolle, draai regs en mik deur die pragtige Bosveld na Lephalale. Met ’n sleepkombinasie soos ons s’n kan ons grondpad vat, en daarom ry al langs die Limpoporivier verby…

Die Wes-Kaapse tak van Conqueror is onlangs aangewys as die gunstelingonderneming van Die Burger se lesers in die afdeling vir kamp- en/of sleepwaens. Jòvan Pienaar is die eienaar en uitvoerende hoof van Conqueror Wes-Kaap en het die ondermening in 2023 gekoop. Hy sê hy is ’n entrepreneur met ’n meestersgraad in die regte en belange in vele ondernemings, maar hy’t die korporatiewe regswêreld vir nou vaarwel geroep om sy passie na te jaag. Voorheen het hy Conqueror-waens as stokperdjie gerestoureer, maar die gogga het gebyt en dit het gelei tot dié voltydse verandering. Hy sê waar daar voorheen 5-6 waens op die vertoonvloer naby Paarl was, staan daar nou 35-40, waarvan 40% nuwe modelle is. Kontak 🖱 info@conquerorwc.co.za 🖱 conquerorwc.co.za ✆ 082 470 6699…

Die Bushy se stamvader, die OT Bushy, het net meer as ’n dekade gelede sy verskyning gemaak as ’n beskeie kampwa. Dit was ’n ligte wa wat gemik was op slepers met ’n gewone rybewys, maar intussen het sake in só ’n mate ontwikkel dat jy nou verskeie keuses het. Agter elke wa Die Bushy Rhino Ranger XL word deur Trailer & Mega Custom Steelworx in Silverton, Pretoria, gebou. Hulle bou steeds die variant vir kampeerders met ’n gewone kode B-rybewys, maar die reeks is nie meer uitsluitlik op dié mark gemik nie. Die standaardwa het ’n BVM van 1 500 kg en is gerem, maar as jy nie ’n kode EB-rybewys het nie, is daar ’n model sonder remme wat net 750 kg weeg. As jy met ’n fris…

Die Mitsubishi Triton is vanjaar 47 jaar oud en in sy sesde geslag. Aanvanklik is hy die L200 genoem, toe herdoop tot die Colt voordat hy in 2005 as die Triton begin bekend staan het. (Terloops, in die Griekse mitologie is Triton ’n halfgod wat tipies uitgebeeld word as ’n gespierde meerman wat aan ’n skulpvormige beuel blaas.) Buitelangs Die bakkie se voorkoms is heeltemal nuut en die sierrooster doelbewus ontwerp om so min as moontlik aan ’n gewone motor te herinner. Dit is omdat Mitsubishi die Triton as pure bakkie bemark wat ewe hard kan werk én speel. Die vorige model se hoë laaibak het ons laat kopkrap, en ons is bly om te sien dié een is nie net groter nie, maar sy vloer is ook met 4,5…

Begeleide toergroepe is goed en gaaf, maar soms wil jy jou eie ding doen, teen jou eie pas. Die roete soos ons hom hier beskryf, is 3 000 km, maar jy gaan elke dag vroeg en sonder stres by jou kampplek aankom. Ons vertrek vroegoggend uit Pretoria en volg die N14-hoofpad tot op Upington – ’n afstand van 800 km – waar ons by die Kalahari Lifestyle-lodge aftrek. Dit is die langste dag op hierdie toer en voortaan gaan ons ’n gemiddeld van slegs 4 uur per dag agter die stuur wees, want vakansies is immers ’n tyd om te rus. Kalahari Lifestyle Lodge lê teen die N14 soos jy Upington binnery en hier is 12 staanplekke op gras met private ablusiegeriewe en ’n toegeruste kombuis. Rus lekker op jou…

Die Suid-Afrikaanse kampbedryf is een van die toonaangewendstes ter wêreld. Vergelyk maar plaaslike tendense met dié van oorsese lande en dit word gou duidelik ons hoef geen tree terug te staan vir enige ander land nie. Volgens ’n artikel op die webtuiste van die Duitse maatskappy Ipso, wat een van die wêreld se grootste handelskoue vir sportgoedere aanbied, is die buitelewebedryf wêreldwyd behoorlik op dreef. In die artikel word ook geskryf die mark vir mense wat kamp of buitelugvakansies verkies, lyk danksy nuwe tendense en verbruikersvoorkeure wat verander heeltemal anders as ’n klompie jare gelede. In ’n vooruitskatting van hoe die buitelewebedryf tot 2029 gaan verander, noem die artikel vyf belangrike tendense. Ons bespreek elkeen vlugtig en kyk dan hoe sake in Suid-Afrika staan met elkeen. Volgens die Ipso-artikel word…

Hierdie Ford Ranger 6x4 is die bekostigbaarste produk wat jy by Ulterio Motiv in Pretoria kan aanskaf. Die maatskappy doen al ’n ruk lank ombouings op die Toyota Land Cruiser 79, maar nou het hy ook ander voertuie begin takel. Die grootste en opsigtelikste verandering is die derde as wat op die verlengde onderstel aangebring is. Hierdie as word nie aangedryf nie en help meer om vrag te dra. En hy dra behoorlik... tot 40% van die middelste gewig op die oorspronklike agteras en 60% van die agterste gewig. Die twee ekstra wiele help ook om die gewig oor die padoppervlak te versprei. Volgens die maatskappy karring hulle glad nie aan Ford se standaard-aandrywingstelsel nie, maar die twee ekstra remskywe op die derde as word wel aan Ford se sluitweerremstelsel…

Bergkoninkryk buite Modimolle het nou ook ’n kampplek ingerig. Die nuwe eienaars, Joop en Sulita de Kock, het die plaas aan die begin van 2023 gekoop en die kampplek in Oktober 2024 oopgemaak. Joop en Sulita is ervare kampeerders en nou het hulle droom van hulle eie kampplek uiteindelik ’n werklikheid geword. Bergkoninkryk is deel van die plaas Kloof en Dal. Sulita vertel gaste het vroeg al navraag gedoen oor alternatiewe verblyf soos kampplek. Vandag is hier vier private staanplekke: Vaalboom, Sekelbos, Wildesering en Raasblaar. Die groepie staanplekke is bymekaar, en afhangend van waar jy jou staan kry, kamp jy op gras en die koelte wissel. Jy kan jou vlekryestaalbraaiplek (met ’n rooster) skuif tot waar jy hom wil hê. Jou kragpunt is ’n blou woonwaprop en jou badkamer het…

Mense tussen 25-39 jaar is in 41% van alle noodlottige ongelukke betrokke, en volgens statistieke is dit die ouderdomsgroep met die meeste sterftes op ons paaie. Volgens ’n meningpeiling onder Suid-Arikaanse motoriste het bestuurders tussen 18 en 24 die meeste vertroue in hulle vernuf agter die stuur, maar 52% van hulle dra glad nie ’n sitplekgordel nie of net soms. Wat die ouderdomsgroep 25-39 betref, gordel 75% van hulle wel vas op die langpad, maar 29% van hulle gespe los sodra hulle naby die huis is. ’n Kommerwekkende 40% van dié ouderdomsgroep sê hulle dra ’n gordel slegs omdat dit volgens wet vereis word. Dit wil lyk asof groepsdruk bydra tot hierdie probleem; altesame 14% van alle Suid-Afrikaners, en die meeste in die twee ouderdomsgroepe hiernaas, glo dis cool om…

Tuff Cats bou Eben Etzebeth-agtige boswoonwaens: Hardebaard menere wat vir niks en niemand skrik of terugstaan nie. As jy egter iets meer veeldoelig verkies, maar met dieselfde gene – soos Pieter-Steph du Toit, byvoorbeeld – kan jy gerus dié maatskappy se nuwe Katsi-model van nader bekyk. Op die punt af Die Katsi is só ontwerp dat jy hom uit die staanspoor kan toerus volgens jou behoeftes. Die wa het ’n plat deksel wat aan die linkerkant lig en deur twee gasstutte oopgehou word. Binnelangs is die wa se kante en die binnekant van die deksel uitgevoer met ’n hoëdigtheidspons (25 mm dik) en mat. Die boom het ’n rubbermat. Die romp het drie deure: Een voor elke wiel plus ’n agterdeur. Dis nommerpas as jy ’n laaistelsel of glyraam in…

Audi, die Duitse vervaardiger van luukse voertuie met sy wortels in Ingolstadt, Beiere, het pas sy grootste sportnuts vernuwe. Die Q7 is die eerste keer in 2007 bekend gestel en die tweede geslag het in 2015 sy verskyning gemaak. Sedertdien is die Q7 twee keer opgedateer, maar in sy huidige gedaante is hy al 10 jaar oud, wat beteken dis net ’n kwessie van tyd voor ons ’n derde geslag kan verwag. Wat is nuut? Die grootste verskille tussen die jongste Audi Q7 en die model wat in 2020 vernuwe is, is voor- en agterlangs te sien met die buffers wat verander is om nuwe ligte te huisves. Audi het in 2020 LED-ligte standaard aangebied, en dit is ook die geval met die nuwe model, maar nou kan jy opsionele…

Die R355-grondpad begin 40 km oos van Ceres in die Kaapse Bokkeveld waar die geteerde R46-streekpad regs swenk na die N1-snelweg toe (S33.23135 E19.67690). Die pad volg die droë loop van die Doringrivier wat tussen die Kwarrieberg (1 437 m hoog) regs van jou en die Saalberg (1 322 m) links loop. Hierdie kloof heet Karoopoort en die pad is die handewerk van die befaamde Kaapse padingenieur Andrew Bain. Bain het die pad uitgemeet en sy skoonseun Adam de Smidt het hom gebou. In die middel van die poort is ’n kort stukkie teerpad en ’n plaasopstal wat uit die 18de eeu dateer. Die teerpad word weer grondpad sodra jy deur die poort gery het en jy jou aan onderpunt van die Tankwa-Karoo bevind. Die eerste deel van die R355…

Die Viking se brutovoertuigmassa (BVM) is net 750 kg, wat beteken jy het nie ’n sleeprybewys nodig om hom te haak nie. Boonop is die as gerem en daarom kan jy hom met die meeste gewone motors sleep. Hoewel die as 1,6 t gegradeer is en die Viking spog met ’n gawe grondvryhoogte, is hy meer geskik vir grondpaaie eerder as om hééltemal die boendoes in te vaar. Die wa is duidelik op ’n breë mark gemik: Van jong paartjies wat wil opgradeer van ’n tent tot gesoute kampeerders wat wil afskaal omdat hulle al wat ’n rowwe roete is reeds op hulle kerfstok het. Die Viking is nommerpas as jy iets wil hê wat maklik sleep en vinnig opslaan. Hy het ook nie ’n lang lys van standaardtoerusting nie…

Wanneer jy in Botswana reis, is daar verskeie maniere om in verbinding te bly met jou familie en vriende in Suid-Afrika en Namibië. Die heel maklikste is om te wag tot jy vanaand by jou lodge se kamppeerplek aankom sodat jy die wifi kan gebruik om ’n WhatsApp-boodskap te stuur. Maar as teëspoed jou tref en jy sit gestrand iewers tussen niks en nêrens, gaan die lodge se wifi jou net mooi niks help nie. Vergewis jou eerder voor jou vertrek van die opsies om met die mense by die huis te praat. (Vir dié artikel neem ons aan jy is ’n Suid-Afrikaner wat in Botswana reis; ons Namibiese lesers sal ’n soortgelyke ervaring hê, hoewel die netwerke en geldeenheid uiteraard verskil.) IMEI en IMSI Voor ons die verskillende metodes…