Innehållsförteckning för June/July 2025 från Weg! Ry & Sleep

Elke dan en wan gebeur iets onverwags waarvan die tydsberekening amper té volmaak is om dit aan blote toeval toe te skryf. Iets soos dít wat vroeër vanjaar by die Woonwaskou in Midrand met my gebeur het. Ek het my die Saterdagmiddag vir ’n rukkie van Ry & Sleep se stalletjie verskoon om ’n draai deur al die uitstallers te stap om te kyk of daar dalk ’n ou bekende is om te groet, ons vindingryke vervaardigers se nuwe produkte onder oë te kry en sommer net my vinger op die pols van ons bedryf te hou. Ek was nie spesifiek op soek na iets of iemand nie, maar so in die rondslenter het ek met Lea Erasmus van Ultimate Routes by hulle stalletjie aan die gesels geraak nadat sy…

Kampplekke in die Noord-Kaap is maar yl gesaai, en daarom is dit goeie nuus om te hoor van ’n nuwe kampplek by Vanderkloof wat in Desember oopgemaak het. Die Vanderkloof Damwal-woonwapark lê teen die Oranjerivier en jy kry jou staan langs die waters van die Vanderkloofdam, oorkant die hoogste damwal in die land. Die eienaar, Gerrit Crous, wat ook die Monte Crous-hotel op die dorp besit, sê Vanderkloof is deesdae ’n vakansiebestemming en hy het ’n behoefte vir ’n kampplek raakgesien. Daarom het hy die lappie grond van 2,5 ha in ’n netjiese woonwapark omskep. Die water is skoon en bied puik hengelgeleentheid. Hier is 25 staanplekke op gras met geriewe soos ’n kragpunt, kraan en ’n geboude braaiplek met ’n rooster. Gerrit vertel hy het die gras van Gauteng…

Die Karoodorp Willowmore is in 1862 gestig. Die naam is ’n samestelling van die boer William Moore se naam en die plaas waarop hy destyds geboer het, The Willows. Kyk mooi as jy die dorp binnery of jy die “Willow Limo” in Knysnastraat sien. Dié blomversierde donkiekar is agter die donkies Sweetness en Suzy gespan terwyl Jim Makwena die leisels vashou. Jim vertel hy het ook twee ander donkiemerries, Sweetland en Patrys, maar hulle geniet ’n afdag op die nabygeleë gasteplaas Finchley Farm. Ritte kos R10 p.p. (daar’s sitplek vir ses), duur 15 minute en Jim sê hy en sy Willow Limo kom slegs dorp toe as die weer dit toelaat. Verlaat die dorp en volg die N9 noordwaarts. Op die buiterand van Willowmore draai jy regs op die R329,…

Die dorpie Avontuur met sy 238 inwoners tref jy aan die reënskadukant van die Outeniquaberg in die Wes-Kaap aan. Die dorpsnaam is ’n goeie voorbode vir wat voorlê, maar die naam beteken in der waarheid iets anders. In Plekname van Suid-Afrika vertel die navorser Ann Gadd die dorp is genoem na die nabye rivier waarvan die Khoi-naam lui//ai is. Dit beteken “aandtyd” – dus het dit destyds in Nederlands avonduur geword. Sowat 4 km suid van Avontuur is Die Kruin, en soos jy uit die naam kan aflei, is dit teen 1 035 m bo seespieël die hoogste punt van die bergpas. Hier is oorgenoeg aftrekplek indien jy wil stilhou vir foto’s. Die Prins Alfredpas is in 1857 uitgemeet deur Andrew Geddes Bain en sy seun Thomas. Pa en seun…

Die enigste rede hoekom die XUV 3XO die lig gesien het, is omdat die Indiese motorvervaardiger Mahindra voordeel wou trek uit ’n belastingkorting in sy tuisland op rygoed wat korter as 4 m is. Hoewel Mahindra reeds kompakte motors bou – soos die piepklein KUV100 – was dit goedkoper om die onderstel van die SsangYong Tivoli te gebruik. Mahindra het dié handelsnaam tussen 2011 en 2020 besit en die herwerkte bakwerk van die uittredende Mahindra XUV300 daarop vasgebout. Agt afwerkingsvlakke van die XUV 3XO is in Suid-Afrika beskikbaar, en elkeen van dié modelle het dieselfde turboaangejaade 1,2 ℓ-petrolenjin. Pryse begin by R255 000 vir die basismodel met handratte en styg tot by R405 000 vir die vlagskipmodel met sy outomatiese ratkas. Ons het laasgenoemde, die XUV 3XO AX7L, onder hande…

Homologasie is ’n proses waarvoor die NRCS – of dan Nasionale Reguleerder vir Verpligte Spesifikasies – verantwoordelik is. Daardeur word bepaal of ’n nuwe woonwamodel voldoen aan voorafbepaalde spesifikasies. Indien wel, kan daardie model wettig toegelaat word op Suid-Afrika se openbare paaie. Dieselfde beginsel geld vir alle voertuie op die pad. Maar mense bring veranderinge aan hulle voertuie aan – dink maar aan dinge soos ’n sleepstang of glystawe wat nie standaardtoerusting is nie. In woonwaens is aanpassings selfs nóg meer algemeen en baie mense laat ’n lugreëlaar of ekstra stel batterye installeer, iets wat natuurlik die gewig van die voertuig beïnvloed. Dit kan wetlike gevolge inhou, veral as die brutovoertuigmassa (BVM) ter sprake is. Ons het met Themba Kaula, die hoof van voertuiggoedkeuring van die NRCS, gesels om agter…

Die Toyota FJ Cruiser is in 2003 by ’n Amerikaanse motorskou as ’n konsepvoertuig bekend gestel. In daardie stadium het Toyota dit nie ernstig oorweeg om hom te bou nie nie, maar die Amerikaners was só gaande oor die ryding dat die vervaardiger besluit het om hom tog ’n werklikheid te maak. Dit wil voorkom of die geskiedenis hom dalk net mag herhaal met die Toyota Land Cruiser ROX. ROX staan vir “Recreation Open eXperience”, en hoewel ons beslis nie asem gaan ophou tot hy op die pad verskyn nie, klink dit of die Amerikaners ewe gaande is oor dié konsepvoertuig as wat hulle 22 jaar gelede oor die FJ Cruiser was. Die onderstel is gegrond op die nuwe Land Cruiser Prado en sy hoekige stilering herinner ook aan dié…

Die GX is gegrond op die Toyota Land Cruiser Prado en is sedert April vanjaar in Suid-Afrika te koop. Die GX is die vyfde toevoeging tot Lexus se X-reeks voertuie wat grondpad kan ry; die ander is die kompakte UX, die middelgrootte NX, die slanke RX en die volgrootte LX, wat skouers skuur met die groot Toyota Land Cruiser 300. Die GX is beskikbaar in drie afwerkingsvlakke: die Overtrail (R1 766 000), die Overtrail Bi-Tone met ’n swart dak (R1 776 200), en die SE-vlagskipmodel (R1 829 000) met ’n sterker fokus op weelde as veldryvermoë. Wat het ons hier? Soos ons reeds genoem het, is die GX gegrond op die Prado, maar pleks van ’n 2,8 ℓ-dieselenjin en ’n agtgangratkas kry Lexus se weergawe ’n fris 3,5 ℓ-V6 met…

Die Krugerwildtuin is een van die gewildste vakansiebestemmings in die land, en vir baie Suid-Afrikaners is ’n blaaskans hier ’n instelling. As die wildtuingogga eers gebyt het, los hy nie sommer nie, en dikwels word die liefde vir die wildtuin van geslag tot geslag oorgedra. Oor die jare het heelwat wildtuintradisies posgevat. Die kamp roer vroeg, meestal voor die son opkom, soos mense regmaak om te gaan wild soek. Vroeg opstaan beteken ook vroeg gaan slaap, en die stilte daal al vroegaand oor die kamp neer. En dan is wildkykers nie skaam om te deel wat hulle waar gesien het nie. Nog ’n baie gewilde tradisie is om piekniek te hou – baie mense beplan hulle dag se wildrit volgens waar die piekniekplekke is. Die wildtuin is 20 000 km2…

Dis die bosbrekers voor en agter – én die stewige dakrak – wat ’n mens eerste opval as jy die Karoo Special Edition Dawn sien. Dis ’n bakkie wat sorg vir ’n heerlike verbeeldingsvlug: Jy síén jouself omtrent agter die stuur terwyl jy sonder enige moeite nuwe paaie in die Afrikabos verken. Die Dawn is een van vier modelle van die Karoo-reeks se spesiale uitgawe, en die goeie nuus vir kampeerders is dat elkeen standaard met ’n sleephaak toegerus is. Ons het hierdie bakkie ordentlik getoets en uiteindelik 1 800 km met hom gery. Met ’n boswa op die haak het ons in omtrent alle denkbare weerstoestande gery. Ons het tussen die Oos-Vrystaatse sandsteenkoppies getoer en by die kalmte van die Gariepdam gekamp; én selfs vir ’n klompie dae stadsverkeer…

Kenners reken daar is drie hoofredes waarom ’n wilde dier ’n mens sal aanval: As hy bedreig voel, as hy rasend honger is en as jy té na aan sy kinders kom. Ons bekyk die vyf gevaarlikste diere in Suider-Afrika... en ja, ons weet malariamuskiete en giftige slange is statisties gevaarliker, maar ons bepaal ons hier by die grootmenere wat gewoonlik die hoofrol vertolk in nagmerries. Ons probeer allermins om jou die skrik op die lyf te jaag en jou af te raai om te gaan kamp en die natuur te verken; ons probeer jou bloot herinner om kop te hou wanneer jy die boendoes invaar. Seekoeie Volgens statistieke is seekoeie die wêreld se gevaarlikste soogdier op land, want hulle maak elke jaar gemiddeld 500 mense dood. ’n Seekoei is…

BUNDU LODGE Bundu Lodge is ’n nuwe woonwavervaardiger in die Paarl wat kom spog het met twee boswoonwaens: Die Rhino 2 en Elephant 4. Die mense aan die stuur van Bundu Lodge, Ebbie Lambrechts (ontwerp) en Jacques Calitz (vervaardiging), sê in die mededingende boswoonwamarksegment soek kampeerders ’n wa sonder seilpanele wat maklik opslaan en ’n binnebadkamer en -eetplek het én geriewe om selfonderhoudend te wees. Daarom is Bundu Lodge se modelle sonkraggereed en toegerus met ’n waterstelsel en geiser. Die waens se romp en onderstel bestaan uit vlekvrye staal, terwyl die deur en opwipdak van aluminium is. Met die eerste oogopslag is die twee modelle eenders, maar die Elephant het twee beddens en die Rhino een. Eersgenoemde se tweede bed skuif op ’n glyraam uit die romp by die neuskas.…

Die eerste ding wat mense gewoonlik wil weet as jy hulle vertel jy is op pad om by Laingsburg te kamp is: Wáár? Dié beskeie dorp lê in die hartjie van die Groot-Karoo – dorre wêreld – en die enigste rede hoekom ’n mens jou normaalweg hier sal bevind, is omdat jy met die N1 langs êrens anders heen op pad is. Dis egter ’n heel aangename verrassing om te besef dat jy ook jou wa vir ’n paar dae hier kan staanmaak by twee kampplekke. En dis die soort plekke waarvan jy jou vriende sommer vinnig gaan vertel. Die Buffelsrivier-kampterrein is op die plaas Opzoek, 9 km buite die dorp. ’n Mens ry al teen die walle van die Buffelsrivier se droë loop noord tot jy by die kampplek…

Kom ons begin by die berugte Beitbrug – is dit regtig so ’n nagmerrie as wat mense dink? Zimbabwe het verskeie grensposte, elk met sy eie karakter. Beitbrug en Chirundu was histories die moeilikste – om die proses te vergemaklik beveel ons aan dat jy al jou dokumente vooraf druk, swart penne saambring, en kalm en vriendelik bly. Iwan Schelbert, een van ons kliënte wat Zimbabwe onlangs besoek het, sê hulle het ’n gladde terugreis by Beitbrug gehad – veral aan die Zimbabwiese kant. Nog ’n kliënt, Roelf Louw, sê dit het hulle 90 minute geneem om Zimbabwe by Chirundu binne te gaan en hy beveel aan jy gebruik die ZIMRA eTIP-app om jou tydelike invoerpermit (TIP) vooraf aan te vra. ecustoms.zimra.co.zw/etip/ Omdat Beitbrug en Chirundu soveel vragmotors en voetverkeer…

Oor Kersfees laasjaar kuier ons in Namibië by my familie. Ons ry van ons plaas naby Outjo in die noorde van die land Palmwag toe waar ons vir ’n klompie dae by ’n lodge met luukse tente vakansie gaan hou. Dis 4-5 uur se ry van die plaas af en die pad loop amper loodreg wes. “Ons gaan na die woestynolifante kyk,” probeer ek my tienerdogter opgewonde maak oor die langpad wat voorlê. Sy is nou op daardie ouderdom waar die doen en late van wie ook al op enige spesifieke oomblik op haar foon se skerm is, heelwat interessanter is as enigiets wat ek te sê het. Ons hou later op Kamanjab stil vir brandstof en ek probeer haar met ’n roomys omkoop om die foon ’n bietjie neer…