Innehållsförteckning för Aug/Sept 2025 från Weg! Ry & Sleep

Terwyl ons aan die werk was met hierdie uitgawe, het Deon Boshoff en Mic van Zyl se bydraes my opnuut herinner aan daardie oomblikke op reis wanneer ek op my gelukkigste is. Dis gewoonlik vroegoggend as ek eerste wakker is en met ’n sterk beker koffie in my hand besef hoe ek dít wat ek waarneem, amper vir die eerste keer sien. Nee, meer as sien... ek kan dit vóél. Op ’n plek soos die Sederberg is dit wanneer die sandsteenkranse stadig begin opvlam in kleure van rooi en goud soos die son sy kop uitsteek. In die Kruger is dit dalk die geluid van ’n voël se gefladder in die mopaniebome terwyl die sonbesies begin keel skoonmaak, en in die KwaZulu-Natalse Suidkus is dit die mis wat oor die…

Die gaping tussen ’n klein traandruppelwa en ’n deursnee-padwa is groot. Eersgenoemde is eintlik maar net ’n bed-op-wiele, terwyl ’n konvensionele wa aansienlik meer leefruimte het. ’n Mens sou dink dit sal moeilik wees om ’n goue middeweg tussen die twee te vind, maar die wa-vervaardiger Road-Tripper se Free Spirit-model bewys die teendeel. Road-Tripper spesialiseer sedert sy ontstaan in 2016 in traandruppelwaens en het reeds meer as 200 eenhede van die hand gesit. Chris, wat voorheen ’n lugvaartingenieur was, sê hy het ’n vurige geesdrif vir klein waens soos dié, maar sy onderneming het byna toevallig die lig gesien. Hy was saam met sy seun en ’n vriend op pad Namibië toe en het vir elkeen van hulle ’n klein wa vir die toer gebou. Die waens het die koppe…

Daar is ’n gesonde mark vir daktente en ’n mens kan verstaan hoekom. Maar net soos met ryhuise is daar mense wat glo dis een groot beslommernis as jy alles moet oppak wanneer jy ook al êrens heen wil ry. Dis presies waar Trek Lifestyle se Horizon-kampwa ’n oplossing bied. Die gedagte was om ’n daktent van ’n kar se dak af te kry, verduidelik Jacques Truter, die eienaar van Trek Lifestyle én van Trek Plastics, ’n onderneming met meer as 60 jaar se ervaring in die plastiekbedryf. Om die waarheid te sê, die kans is goed dat jy al iewers van Jacques-hulle se produkte teëgekom het. Hulle maak nie net industriële produkte in verskeie markte – selfs militêre uitvoerprodukte – nie, maar ook plastiekvoerings vir die laaibak van jou…

Die aanbod van kampplekke in die Vrystaat is nou maar eenmaal nie so groot as dié van ander provinsies nie. Daarom oorweeg die meeste mense nie eens dié provinsie wanneer hulle vakansieplanne maak nie. Hier is egter twee kampplekke wat jou van plan kan laat verander: Die Oranjegasteplaas, wat in die hartjie van die Oos-Vrystaatse landskap lê met gesiene bure soos die Golden Gate Hooglandnasionale park, en die Waschbank-rivierlodge teen die Oranjerivier waar drie provinsies – die Vrystaat, Noord- en Oos-Kaap – bymekaarkom. Forever se Gariepdam-oord is net agter die bult. Dit is twee agtermekaar kampplekke. Albei is op ’n plaas en jy word vergoed met die mooiste natuur en vars lug. Wanneer jy hier afsaal, bly jou sorge by die plaashek agter. ORANJE-GASTEPLAAS Kampverhoog Dis maklik om jou te…

Bitterfontein in die Knersvlakte is ’n stil en rustige gehuggie in die Wes-Kaap waar daar minder as 900 mense woon. Die enorme granietblokke wat die dorp vol lê, is nogal aardig om te aanskou wanneer jy van hier af koers kies. Die blokke kom uit ’n plaaslike steengroef en staan bekend as charnockiet. Jy het dit waarskynlik al êrens teëgekom, want dis ’n gewilde materiaal vir werkblaaie in kombuise. Die land se langste grondpad, die R358, begin 4 km noord van Bitterfontein aan die regterkant van die N7. Hier is ’n padpredikant wat Pofadder en Springbok toe beduie, en ons draai af in die rigting van eersgenoemde. Vir die eerste 60 km kronkel die R358 deur die Knersvlakte se kwartsbesaaide koppies en rantjies. Dis ’n aangename pad en in die…

Die Amerikaanse Jeep Wrangler is tans in sy vierde geslag, JL, en het einde verlede jaar ’n ontrimpeling gekry. In sy land van herkoms kan jy kies tussen 13 verskillende afwerkingsvlakke, maar op eie bodem is daar net 2: die Sahara en Rubicon. Albei het dieselfde 2 ℓ- turboaangejaagde petrolenjin, maar die Rubicon het ekstra 4x4-katoeters wat hom meer bekwaam in die bos maak. Ons het die Rubicon met sy bekendstelling vlugtig toetsbestuur – en weke lank met ’n Gladiator Rubicon getoer – maar ons wou hierdie keer weet of die Sahara die beter keuse is van die twee afwerkingsvlakke. Buite en binne Al vier deure van die Sahara kan verwyder word, nes dit ’n Jeep Wrangler betaam, maar dit lyk nie vir ons of jy die dak kan afhaal…

Suid-Afrikaanse kampeerders het ’n enorme verskeidenheid plaaslikvervaardigde woonwaens om van te kies. In vanjaar se Woonwakoopgids, wat vroeg in Augustus verskyn, is daar tans nie minder nie as 72 plaaslike wabouers met ’n indrukwekkende 344 modelle in die mark. Die meeste vervaardigers is in Gauteng. Die bedryf sorg vir interessanthede, maar soms ook hartseerwendings. Drie jaar gelede kon jy byvoorbeeld nog uit 20 Leefek-modelle kies, maar intussen het dié eertydse Jurgens Ci-erfstuk tot niet gegaan. Die leemte het egter ’n lappie vrugbare grond geword vir ’n hele rits nuwe woonwavervaardigers wat nou op die blaaie van die Woonwakoopgids 2025 pronk. As ’n wa in Suid-Afrika vervaardig word, sal jy hom daar aantref. In die afgelope jaar het nie minder nie as 47 nuwe modelle die lig gesien. (Ons bespreek ses…

Kotie vertel hy het aan die voet van die Swartbergpas naby Die Hel grootgeword, in ’n gesin wat gaande was oor kamp. Later was hy ’n ambagsman met ’n voorliefde vir ’n staalbout. Hy was betrokke by die bou van ’n hele rits kitskosrestaurante reg oor die vasteland voor hy onlangs besluit het om sy hand aan ’n woonwa te waag. Die grootste uitdaging was om sy gedagtes gestalte te gee, en hy het die een ná die ander tekenaar probeer. Die wa moes lyk soos g’n ander nie. Uiteindelik bou Kotie toe die stamvader van die Rooivalk met ’n klomp plankies, en die tekenaar De Wet Oosthuizen gee dit lyf op papier. Tweedewêreldoorlog-masjinerie lê Kotie na aan die hart, en die gedagte is steeds om ’n unieke boswa te…

Die Kia Sorento het sy buiging in 2002 gemaak, en sy vierde geslag is vroeg in 2022 in Suid-Afrika bekend gestel. Ná slegs 3½ jaar voel dit ’n bietjie vroeg om hom op te dateer, maar jy moet in gedagte hou die plaaslike bekendstelling is met twee jaar vertraag, deels as gevolg van die Covid-19-pandemie. Dus is die huidige Sorento eintlik meer as vyf jaar oud. Dit is ’n suksesvolle dog eenvoudige ontrimpeling, want die ryding lyk terselfdertyd nuut én herkenbaar. Wat is nuut? Die hoofligte is 90° gedraai en loop nou vertikaal afwaarts weerskante van die sierrooster terwyl die dagryligte dun horisontale strokies is. Kia sê hy het hierdie uitleg gekies om ’n groter voorkoms te skep sonder om die Sorento fisiek groter te maak. Die enjinkap is ook…

Die konsep van swaeltjies is welbekend in die kampgemeenskap. Dit is afgetrede kampeerders wat, net soos ons geveerde vriende, in die winter na warmer weivelde trek en sommer vir ’n klompie maande daar uitspan. Voëls van eenderse vere, kan ’n mens maar sê. Die matige wintersdae en nagte in Limpopo en die noorde van Mpumalanga maak dit gawe kampbestemmings vir dié wat vlug van die koue elders in die land. Marula Oase, net noord van Bela-Bela, is ’n gewilde staanplek vir die swaeltjies. ’n Mens sien dit sommer wanneer jy daar aankom: dubbeltente voor die waens, staanplekke wat netjies met skadunet afgebaken is, braaivleisvure wat nie elke aand brand nie, en hier en daar ’n tent wat vir dae aaneen toegerits is terwyl daar elders by familie of vriende gekuier…

Die Boshoffs se reisverhale is welbekend aan ons lesers. Ons het laas van hulle gehoor in ons April-Mei 2024-uitgawe (#60), toe hulle die lof besing het van hulle Suzuki Ignis as sleepvoertuig vir hulle selfgeboude woonwa. Met “Karretjie” en “Vaantjie” het hulle die Sederberg aangedurf en grondpadpasse met erge sinkplaat oorwin – en trots verklaar die Kgalagadi-oorgrenspark is hulle volgende bestemming. Deon sê dit voel soos ’n ewigheid sedert daardie woorde hulle weg van sy skootrekenaar tot op hierdie bladsye gevind het. Hulle was toe inderdaad sedertdien Kgalagadi toe, waar ’n paar verrassings op hulle gewag het... Ons het vooraf gaan lees oor wat die aanbevole ryding behoort te wees wanneer jy die Kgalagadi-oorgrenspark besoek, maar ek is eerlik as ek sê ek steur my min daaraan as iets of…

Ons almal het so ’n outjie op skool geken, die een wat uitgeblink het in álles: eerste in die klas; erekleure in rugby, krieket én redenaars; ’n kristalhelder en toonvaste bas in die koor; al wat ’n skoolrekord in atletiek agter sy naam; én die hoofrol in die skoolkonsert. Boonop is hy aantreklik en gaaf, vriende met almal en sy pa is die rykste boer in die gemeenskap. In die wêreld van sleepvoertuie is hierdie meneer se naam die Land Rover Discovery. Ons het die Discovery HSE S16 Luxury sewe jaar gelede onder hande gehad en hy het ons toe al beïndruk met die aandag aan sleeptegnologie. Die jongste Discovery het aansienlik vooruit geboer, as jy bloot kyk na die wringkrag wat van 450 Nm tot 700 Nm toegeneem het.…

Die vernaamste beginsel wat jy altyd in gedagte moet hou wanneer jy die stuurwiel in jou hande het en ’n 4x4-hindernis aandurf, is ’n ingesteldheid op verfyndheid. Ja, daar is ander belangrike tegnieke en kenmerke wat ook ’n enorme rol speel en noodsaaklik is vir jou veiligheid op jou veldry-uitstappie, maar verfyndheid is die eerste en belangrikste ding wat jy moet aanleer. André het jare se ervaring en het verskeie nuwe grondpadliefhebbers wat die 4x4wêreld betree al toegerus met hierdie tien nuttige wenke. "1 Dit is belangrik dat jy altyd binne jou vermoë moet ry. Daar gaan tye wees wanneer jy moet vetgee, soos in die los sand van ’n woestyn, maar wees bedag daarop om altyd binne jou gemaksone te bly. Ondersoek die hindernis voor jy hom takel. Dink…

Die Bushriverlodge naby Hoedspruit het ’n nuwe kampplek: Die lodge lê 25 km buite die dorp teen die Olifantsrivier, en volgens Anthony van Aswegen, wat saam met sy vrou, Lisa, aan die stuur van sake is, vra mense al lank vir ’n kampplek hier. Hoewel dit ’n boskamp is, is die laaste 1,2 km grondpad tot hier mooi genoeg sodat jy met ’n gewone voertuig en padwa kan kom kuier. Hier is krag en water; dus hoef jy nie heeltemal selfversorgend te wees nie. Die onomheinde kampplek is tussen die lodge en rivier, ongeveer 150 m van die oewer af. Hier is vier staanplekke waarvan twee effens meer afgeleë en privaat is. Anthony sê hulle is besig om nog drie staanplekke in te rig. Jy kamp op ’n skoongemaakte kol…

Die twee groot voordele van ’n wa wat net 750 kg weeg, is dat jy nie ’n swaar sleepvoertuig nodig het nie en die wa met jou gewone rybewys kan sleep. Dié soort waens is dus veral vir nuwe slepers ’n gewilde keuse. Die kuns lê nie regtig in die ligte brutovoertuigmassa (BVM) nie, maar eerder die wa se dravermoë nadat dit toegerus is. Dis ’n fyn balans en ’n som wat nie maklik klop nie. Bos toe! Die SRNT (kort vir Serenity) is ’n boswoonwa, wat beteken hy moet sterker as ’n pad- of grondpadwa wees. Dit het natuurlik ekstra gewig tot gevolg. Saam met die standaardremme (Nóg gewig! – Red.) het die Serenity – as jy appels met appels vergelyk – omtrent geen mededingers nie. Daar is nie…

Jy het gister heeldag uit die stad Augrabies toe gery – ’n reis van 10 uur uit Pretoria, 9 uur uit Kaapstad en 8 uur uit Bloemfontein. Maar ons is uiteindelik hier en jou toer raak nou net lekkerder. Augrabies se waterval loop gewoonlik op sy sterkste in April en Mei wanneer die Vaal- en Gariepdam se sluise oopgetrek word. Die park is weinig, indien ooit, volbespreek (selfs wanneer die waterval sterk loop) en daar is boonop heelwat gastehuise, lodges en kampplek buite die park self. Sommige besoekers aan die park sien slegs die waterval en verken nooit die res van die natuurskoon nie. Daar is ’n klein deel van die park wat jy in ’n gewone stadsmotor kan bekyk, maar jy móét ’n 4x4-ryding hê om al die paaie…

Met enige nuwe wa verwag ’n mens ’n nuwigheid of twee, maar BunduTec se BunduTrail-boswa oortref werklik die verwagtinge. Die groot verkoopspunt is die uitswaaistoepdak wat boonop maklik opslaan, en verder kos dit net die druk van ’n knoppie om jou bed gereed te kry. Én dan verdien die buitekombuis beslis ’n prys vir oorspronklikheid. Vir ’n wa van dié grootte – dis omtrent net ’n sleepwa – gaan jy ver soek vir soortgelyke pakruimte en slim gebruik van elke hoekie. Moet dus nie ’n nuwe boswa oorweeg voor jy nie ’n Bundu-Trail goed deurgekyk het nie. Stoepsitstories Gewoonlik slaan ’n mens die daktent van ’n boswa eerste oop om die slaapplek gereed te kry, maar omdat die BunduTrail se deksel eers gelig moet word om by die bed uit…

Ek moet dadelik erken ek is nie een wat kan praat of preek wanneer dit kom by flink vertonings op skool nie. My ma – en mag sy tog vrede gevind het daar in die Groot Klaskamer anderkant die Styx – het altyd gesê die rede hoekom sy nooit haar talent as kranige tennisspeler tot sy volle potensiaal kon ontwikkel nie, was oor haar knieë mettertyd ingegee het. Haar knieë het nie die gees gegee oor ’n gelapte ligament hier of kapoet kraakbeen daar nie; dit was eerder omdat sy so gereeld moes kniel om haar jongste deur ’n skooljaar te bid. Ek moes desjare nog ’n standerd deurkom, maar dié het mos plek gemaak vir vandag se grade. Ek het ook ’n sterk mening oor deesdae se standaarde, maar…