Innehållsförteckning för Oct/Nov 2025 från Weg! Ry & Sleep

Ek is nog altyd versot op hierdie tyd van die jaar. Die lente het nou al ’n klompie weke gehad om die winter behoorlik die deur te wys en ons is sterk op pad na die einde van die jaar. Dis asof daar iets magies in die lug is wat ’n mens nuut laat asemhaal. Die sagte geur van bloeisels, die warmte van die sonstrale en die belofte van langer dae wat vra vir avontuur. Ná ’n lang, stil winter is dit asof die wêreld self weer lewe kry, en dít beteken nét een ding: Dit is tyd om weer in te pak, in die pad te val en die natuur binne te vaar. Vir mense soos ons is hierdie maande meer as net ’n seisoensverandering. Dit is ook die…

Isuzu Motors Suid-Afrika het ’n poging aangewend om skole meer toeganklik te maak vir mindergegoede gemeenskappe deur 820 paar skoolskoene en -sokkies by twee laerskole in Gauteng en die Oos-Kaap af te lewer. Die skoene is vervaardig deur My Walk, ’n nieregeringsorganisasie wat herwonne mediese afval gebruik om duursame en betroubare skoene te maak. Volgens My Walk is dit nie net omgewingsvriendelik nie, maar dit skep ook werkgeleenthede aan werkloses. Mandla Sibonyoni, hoof van die Laerskool Mikateka in Midrand, sê kinders wat trots het in hulle voorkoms, presteer ook beter in die akademie. “Sommige van ons leerders het nog nooit skoolskoene besit nie,” het hy gesê. Die projek is een van vele deur Isuzu Motors Suid-Afrika om mense in mindergegoede gemeenskappe uit armoede te lig sodat hulle ’n positiewe bydrae…

Die Indiese voertuigreus het verlede jaar ’n dramatiese herstrukturering ondergaan wat na verwagting sal voortduur tot aan die einde van die jaar. Die veranderinge behels dat kommersiële en passasiersvoertuie voortaan deur twee onafhanklike sustermaatskappye gebou en verkoop sal word. Die ryding wat jy hier sien, is een van vier nuwe passasiersvoertuie wat pas in Suid-Afrika aangeland het. Wat het ons hier? Die Tata Curvv is ’n sportnutsvoertuig wat grens aan ’n kruisnuts, en val dus in die sogenaamde “C SUV”-kategorie. Hy is ontwerp om te herinner aan ’n koepee, maar hy’t uiteraard vier deure teenoor ’n ware koepee se twee. Dit keer Tata egter nie om die Curvv as ’n sportnutskoepee te bemark nie. Die weergawes wat in Suid-Afrika verkoop word, het almal ’n turboaangejaagde 1,2 ℓ-petrolenjin. Die 1,2t Pure-basismodel…

Simonstad is een van die blinkste juwele in die Kaap se toerismekroon wat al interessante besoekers ontvang én groot oomblikke in wêreldgeskiedenis ervaar het. Charles Darwin, die vader van evolusie, het byvoorbeeld ’n paar eeue terug hier kom vasmeer terwyl hy die omgewing se geologie kom bestudeer het, en vandag kan jy ’n foto van sy bronsbeeld op die kaai gaan neem. Ook in dié geweste is die wrak van die HMS Pelorus, ’n oorlogskip uit die Tweede Wêreldoorlog wat in die water oorkant die Miller’s Point-kampterrein gesink het. Stadig maar seker Dit is die einste Miller’s Point waarheen jy op pad is vir die naweek. Hier voel dit of jy op ’n verhoog teen die see is met die beste uitsig oor Valsbaai. Miller’s Point is skaars 45 km…

Dit is opmerklik hoe baie skryfwerk die Maxxis Razr AT-motorband op sy wand het. In hierdie artikel verduidelik ons wat dit alles beteken. Kyk na die foto hieronder: Ons begin bo by die 12 uur-posisie en ontsyfer die kodes dan kloksgewys. 01 Die eerste “kode” is maklik om te ontsyfer, want dit is doodeenvoudig die embleem van die handelsnaam met die woorde Made in Taiwan daaronder. Maxxis is inderdaad ’n Taiwannese produk en die algemene bygeloof is dat ’n band wat in sy tuisland gemaak word, beter is as dié wat van elders af kom. Die ikoon van ’n bergspits met ’n sneeuvlokkie links van die embleem beteken die band voldoen aan of oorskry die minimumvereistes vir ’n bedryfstandaard sneeuband. 02 Hierdie paneel op die bandwand lees LT275/65 R17 en…

Onlangs sit ek saam met vriende om ’n vuurtjie toe ons by ’n filosofiese vraag beland: Wat is die beste manier om te kamp? Soos met enige groot lewensvraag is daar geen maklike antwoord nie. Wat wél duidelik geword het, is dat die kampspesie, of dan Campus generalis, uit verskeie stamme bestaan – elk met sy eie gewoontes en rituele. Kom ons begin met die lankstaankampeerder, die soort wat al tientalle seisoene van dié leefstyl bemeester het. Hierdie gemoedelike groep bou letterlik ’n mikro-dorpie waar jy hulle natuurlike gasvryheid kan beleef. Vra maar vir enige lankstaner – kamp (of is dit bly?... dalk leef?) gaan nie oor net ’n tentjie en twee piekniekstoele nie. Nee wat, hulle pak alles in wat los en vas is: ’n woonwa, aanlastente vir die…

Ek het Cyril Klopper se artikel “Die geheim van die Oos-Kaapse Karoo” – oor die roete met die tien poorte en een nek – in die Junie-Julie 2025-uitgawe gelees en wil ook die roete ry. Ek het net een probleem: Ek kry dit nie uitgestippel op Google Maps nie, en ook nie op my Tracks4Africa-kaartboek nie. Ons is gek daaroor om grondpadpasse en deur poorte te ry, en terselfdertyd klein plekke en nedersettings te besoek. Ons het ’n klompie jaar gelede van Klipplaat af oor Swanepoelspoort deur Willowmore gery tot by die Prins Alfredpas tussen Uniondale en Knysna. Die tien poorte lyk na ’n lekker roete op pad Addo toe. Die vraag is watter kaarte Cyril gebruik om sy roetes te beplan? Hy verwys na die P1852-plaaspad; watter kaarte toon…

Die Tata-groep is met mening terug in Suid-Afrika en het pas sy dogtermaatskappy vir passasiersvoertuie hier bekend gestel wat Tata Motors Passenger Vehicles genoem word. Tata sê dis ’n nuwe begin vir die maatskappy ná ’n ernstige herstruktureringsproses wat onlangs plaasgevind en daartoe gelei het dat passasiers- en kommersiële voertuie voortaan deur aparte maatskappye bedryf sal word. Saam met sy terugkoms na Suid-Afrika bring Tata vier voertuie: die Harrier, die Curvv (ons bekyk hom op bl. 36 van nader), die Punch en die Tiago. Die Harrier is Tata se volgrootte sportnutsvoertuig met ’n 2 ℓ-Kryotec-viersilinderturbodiesel en sesspoed- outomatiese ratkas, en het 5 sterre losgeslaan in die Europese NCAP-botstoets, wat aan hom die titel van die veiligste voertuig in Indië besorg het. Volgende is die Curvv, ’n kompakte sportnuts wat aangedryf…

Die Oos-Kaapse woonwavervaardiger Liberty is nie oral ewe bekend nie, want tot dusver is die meeste van sy modelle in en om Gqeberha verkoop. Nou is die eienaar, Dawid Barnard, gereed om sy vlerke te sprei. Dawid reis al jare lank kruis en dwars oor die vasteland en het altyd met ’n tent gekamp. Dit is dié ervarings wat nou gestalte kry in sy Liberty-waens, wat verskeie luukshede bied, maar ook vir die boendoes gerat is. Gebou om te hou In enige wa is die boumateriale van deurslaggewende belang. Uit die staanspoor is dit duidelik dat ’n Liberty gebou word om te hou. ’n Aluminiumraamwerk pas bo-op ’n gegalvaniseerde onderstel en ’n veselglaslaag rond dit af met ’n heuningkoeksamestelling as isolering. Die vloer se materiaal is soortgelyk, wat sorg vir…

Die olifantbul is gans te naby – skaars 10 m weg – en jy sit versteen. Dis ná middernag en buiten die bul se onrustige slurpsnuiwe is daar geen ander geluid nie. Die maan is skraps, maar ’n mens kan sweer hy kan jou sien. Of ten minste ruik. Sê nou maar hy kom nóg nader, déúr die pannetjie water tussen ons. Dalk is dit tyd om jou stadig uit die voete te maak... Maar dan vlieg ’n kwelende kiewiet in die glaspaneel tussen jou en die bosreus vas en jy besef jy was só meegevoer dat jy vergeet het van die eenrigtingglas tussen die watergat en die skuiling. Later, wanneer jy terugstap kampplek toe, is die handjie vol tente in Olifantsrus donker en tjoepstil. Só moet dit mos in…

Het jy dalk iewers ’n seldsame sleepsel of ryding raakgeloop? Vertel ons daarvan en stuur vir ons ’n foto na 🖰 rysleep@weg.co.za Die Amerikaanse voertuigreus General Motors was bekend daarvoor dat hy geaffilieerde maatskappye se rygoed vat en skynbaar lukraak ander kentekens aanbring – dink maar aan die Isuzu mu-X wat aanvanklik in Suid-Afrika as die Chevrolet Trailblazer verkoop is. Die tweede geslag Isuzu Trooper het egter die swaarste onder GM se manewales deurgeloop. Die Trooper is in sommige Suid-Amerikaanse markte verkoop as die Chevrolet Trooper. In Brittanje is hy die Vauxhall Monterey genoem en op die vasteland het Europeërs hom as die Opel Monterey geken. Australië het die Holden Jackaroo gekry en ook die HSV Jackaroo, met ’n V8-enjin (HSV staan vir “Holden Special Vehicles”). Later ook die Holden…

Ter voorbereiding van ons eerste Botswana-avontuur probeer ons alles lees en kyk – van YouTube-video’s tot artikels en kampstories. Ons lees van Jacques Greeff se raad in die Junie-Julie 2025-uitgawe om vooraf vleis in Palapye te bestel. So gesê, so gedaan. Die filet en wors is van goeie gehalte, maar die skaaptjops nie heeltemal nie. Laat ons maar erken: ons is vleissnobs. Ons is deur die Stockpoort-grenspos en kan dit aanbeveel: Dinge loop vinnig en maklik, en dis nie oorvol nie. Die grondpad tot by Mahalapye is heel aanvaarbaar. Die dorp het ook ’n moderne winkelkompleks en ’n indrukwekkende slaghuis wat ons van die pad af kan sien. Kubu-eiland by Xhumaga is pragtig. In Maun is dit eers weer vleistyd. Ons ontdek ’n juweel van ’n plek: Delta Meat Deli.…

Net 20 km anderkant Montagu kan jy nou rus en vrede gaan opsoek by die Oubergreservaat. Dis 900 ha se skone Klein-Karoo-natuur waar jy jou kan tuismaak op een van vyf splinternuwe staanplekke. By Ouberg se nuwe kampplek kry jy ’n blaaskans diep in die berge waar selfs geen selfoonsein jou kan bykom nie. (Jy is darem nie heeltemal van die buitewêreld afgesny nie, want hier is gratis wifi beskikbaar op jou staanplek.) Elk van die staanplekke is op ’n skoongemaakte kol in die veld met ’n klein braaiplek (met ’n rooster) en ’n kraan waaruit jy boorgatwater kan tap. Elke staanplek het ’n rietskuiling op vier pale waarvan twee kante toegemaak is. Verder is die eienaars, Richard en Susan Gie, besig om ’n plonspoel vir kampeerders te bou. Die…

Renault Suid-Afrika het in samewerking met Tennis SA en die Potchefstroomse kampus van die Universiteit van Noordwes ’n toernooi aangebied waar tennisspelers van topskole vir die eerste keer op die enigste vyf eg Italiaanse kleitennisbane in die land kon speel. Altesame 200 spelers in die ouderdomsgroepe o.12, o.14 en o.16 het in Mei en Augustus vanjaar aan vier toernooie deelgeneem. Die topgekeurde Heinrich Rootman (mans ope), Kaylin Kroon (o.16 meisies), Alexander Bell (o.16 seuns), Haniela Hans de Andrade (o.12 meisies) en Takuto Kasahara (o.12 seuns) het almal aan die verwagtinge voldoen deur die titels in hulle onderskeie afdelings te wen. Haniela Hans de Andrade was die indrukwekkendste van die klomp en het net twee stelle in haar drie wedstryde verloor. Ines Foucque (o.16 meisies), Mila Dannhauser (o.14 meisies) en Luca…

Net soos die res van Adventure Xtreme se waens is die Ultimate se brutovoertuigmassa (BVM) op 1 600 kg vasgestel, wat beteken jy kan hom aan ’n middelslag-sleepvoertuig haak. Die Ultimate is die enigste model in die reeks wat in sy standaardvorm slaapplek vir drie het, sê die eienaar, Jan-Albert van Niekerk. Kopers kan ook ’n stapelbed kies om ’n vierde mens te huisves. Driekant Die buitekombuis is in die linkerkant ingerig en die opwasplek by die stert. Die eilandbed se kopkant trek soos ’n groot laai uit die regterpaneel en word toe in plek gehou met ’n skeepsvraghouerslot. Jy kan beswaarlik vir ’n beter deurslot op ’n boswa vra. Die Ultimate het ’n deur in elke sykant, naby die stert. Die een waar jy inklim, is by die buitekombuis.…

Val in Mkhondo (voorheen Piet Retief) in die pad en ry met Krugerstraat uit die dorp tot hy mettertyd die R543-streekpad word. Die teerpad is voos gery en dis onvermydelik dat jy nou en dan ’n slaggat gaan tref. Presies 8 km buite Mkhondo se middedorp draai jy links waar ’n padpredikant jou na Lüneburg en die Ntombe-slagveld op die P45 beduie. Dié pad se teeroppervlak is in ’n nóg slegter toestand as die R543, maar hier is aansienlik minder verkeer en jy het genoeg tyd om uit te swenk vir slaggate én jy kan so stadig ry as wat jy wil – heerlik in hierdie pragtige Mpumalanga-landskap. Jy ry verby denneplantasies en groente-, bees, en veevoerplase, en oral is mense te sien wat besig is om slaggate met grond…

Kaapstad geniet ’n gemiddeld van 3 094 uur sonskyn per jaar – die naaste wat ’n Europese stad daaraan kom, is Athene in Griekeland met 2 769 uur. Die kans is dus goed dat die weer gaan saamspeel wanneer jy die Moederstad besoek. Haal jou ID-kaart of rybewys by die Kaappunt- nasionale park se hoofhek uit om te wys jy’s ’n burger. Die toegangsgeld is R455 p.p. maar met jou SA ID betaal jy net R105 (R55 vir kinders). Volg die Smitswinkelpad vir 2,5 km tot by ’n padpredikant wat jou regs na Olifantsbos toe stuur. Die 11 km lange teerpad neem jou deur kliprantjies en fynbos tot by ’n strand met die geroeste skeepswrakke van die Thomas T. Tucker en Nolloth. Hier is ’n grasperk vir jou piekniek en…

Al is Bruiser 4x4 ’n gedugte naam in die boswamark, is die man aan die stuur, Brandon Hardie, allermins. Brandon is eerder bekend vir sy UniPod-boswoonwaens. Volgens Brandon is Bruiser 4x4 die luukse vleuel van die reeks wat spog met ernstige veldryvermoë. ’n Mens sien nie baie waens met ’n donker kleur nie, en veral swart is skaars. Met sy kontrasterende rooi kentekens tref Bruiser 4x4 behoorlik die oog. Die Raptor-afwerking aan die buitekant het ’n growwe tekstuur en is krapbestand, en indien daar wel ’n paar ligte krappe en klipmerke verskyn, kan dit maklik herstel word. Boonop kan die Expander pasgemaak word vir elke kliënt se behoeftes en smaak. Buite kan die kombuis se uitleg verander word en binne is daar tientalle verskillende afwerkingkeuses, soos die kleur van die…