Innehållsförteckning för June 2015 från Weg!

Dit reën leeus in die Kgalagadi! Ons was vier gesinne wat in Maart deur die Kgalagadi-oorgrenspark getoer het. Ons het op die Marie se Draai-paadjie, wat naby die Marie se Gat-watergat verbyloop, op dié trop van 19 leeus afgekom! Dit was laatmiddag en die leeus was dikgevreet en het almal gelê en slaap. Van die leeus het in die pad gelê en die motors moes mooi verby “skuur” om nie oor hulle sterte te ry nie. Dit het my opgeval dat daar nie sulke erge verkeersknope in die Kgalagadi is nie. Die toeriste gee mekaar geleentheid om langs die leeus stil te hou om foto’s te neem. Ons het nóg drie keer leeus gesien. Ons het ook later die voorreg gehad om ’n Kalaharistorm te beleef, kompleet met sy pot…

Vital Protection Hierdie insekteweerder gaan nie jou vel taai laat nie en dit ruik nie na Ouma se motbolletjies nie. Jy hoef dit nie eens aan jou vel te spuit nie! Tot 1 kg se klere kan behandel word met ’n Soak and Dry-sakkie en daar is verskillende groottes sproeibotteltjies wat jy in jou rugsak kan bêre sodat jy sokkies en hoede kan behandel. Koste Pryse wissel van R60 vir ’n Soak and Dry-sakkie (20 ml) tot R600 vir ’n sproeibottel (1 liter). Kontak vitalprotection.co.za ParkSpotter: Tafelbergnasionale park Dié app (ongelukkig nog net vir Apple-toestelle) help ’n mens om nasionale parke in Suid-Afrika en Namibië te verken. Dit het tot dusver vir besoeke aan die Kruger, Etosha, die Kgalagadi en Addo gewerk, maar die Tafelbergnasionale park is nou bygewerk…

Wat is die helderste? Venus is al sedert die begin van die jaar die helder “aandster” in die weste. Op 6 Junie bereik Venus die posisie in sy baan waar dit die hoogste in die lug sit. Jupiter het op sy beurt oor die afgelope maande gaandeweg weswaarts beweeg, al hoe nader aan Venus. Vroegaand op 20 Junie sit die sekelmaantjie digby Venus en Jupiter vir ’n seldsame gesig. Hulle vorm ’n byna perfekte driehoek, slegs vyf grade uitmekaar en jy gaan nie jou verkyker hoef te beweeg om al drie te sien nie. Venus is die helderste planeet en Jupiter die naashelderste. Die Maan is die helderste nagvoorwerp. Dit gebeur nie alnag dat die drie helderste hemelliggame so naby mekaar te sien is nie. Dis nou ’n fotogeleentheid wat…

Hoekom is die wedloop “Expedition Imashi” genoem? Dit sou ’n belangrike deel van die Suid-Afrikaanse geskiedenis herdenk. Op ’n staptoer langs die Keirivier in die Oos-Kaap het ’n vriend my vertel van 7 000 Zoeloe-mynwerkers wat in 1899 in Johannesburg tydens die Anglo-Boereoorlog vasgeval het. Hulle was migrasiewerkers en het geen geleentheid huis toe gehad nie. Hulle het toe van Johannesburg gestap na Hattingspruit naby Dundee, sowat 400 km weg. Wat was die moeilikste deel van die wedloop? Dag 5, 6 en 7 was moeilik. Ek het reeds so baie kilometer afgelê, en nóg het voorgelê. Dit was geestelik en fisiek ’n uitdaging. Ek kon ook nooit afskakel en rus nie. In die middae en aande was ek baie moeg en gespanne. Beskryf die reis... Sjoe. Die tien dae het…

29-31 MEI Gedenk die SS Arniston Die seilskip Arniston het op 30 Mei 1815 naby Waenhuiskrans op ’n rotsrif geloop en net 6 van die 372 mense aan boord het oorleef. Die 200-jarige herdenking van die skeepsramp vind oor drie dae op Waenhuiskrans plaas. ’n Kranslegging sal op die Sondag (31 Mei) by die Arnistonhotel plaasvind. Piekniekmandjies teen R65 p.p. kan vooraf by die hotel bestel word. Kaartjieverkope 028 424 1240; swm@xsinet.co.za Kontak 028 445 9000; arnistonhotel.com 4 EN 5 JUNIE Fine Brandy Fusion, Gauteng Suid-Afrikaanse brandwyne tel onder die wêreld se bestes (Ja, selfs sonder die Coke. – Red.) en Gautengers kry nou kans om nie net te proe nie, maar meer oor brandewyn se geskiedenis te leer, asook hoe dit gemaak word. Daar is vervoer beskikbaar na afloop…

Die Drift Stealth 2 – die nuutste kamera in die Drift-reeks – is die kleinste aksiekamera op die mark. Dis 80 (lengte) x 42,6 (breedte) x 27,4 (deursnee) mm en het ’n gewig van skaars 97 g. Dis so goed jy hou jou motorhuis se afstandbeheer in jou hand, maar dis eintlik ’n tawwe miniatuuraksiekamera vol funksies! Aksiekameras is by uitstek vir buite speel. Ek is nie ’n ou vir ’n bergfiets of skaatsplank nie, maar het gelukkig die geleentheid gekry om op die Durbanville Hills Vulcan-seiljag (Hylton Hale en sy Vulcan-span het verlede jaar die Suid-Afrikaanse kampioenskapsbyeenkoms gewen) in Tafelbaai te gaan vaar. Hoewel ek die monteerder (jy koop dit apart vir R450) saamgeneem het, het ek meestal uit die hand geskiet. Jy kan ook via ’n spesiale app…

Dis uiters moeilik om seevoëls af te neem. Die fotograaf is dikwels op ’n bewegende boot met ’n kamera in die hand, en die voëls sit ook nie juis stil vir foto’s nie. Daarby is outofokus ’n probleem en komposisie gaan ook karring. Dis juis vanweë dié uitdagings dat hierdie portefeulje so uitsonderlik is. Al dié foto’s het voorheen gewen in die Oceans of Life-fotokompetisie, ’n inisiatief van BirdLife South Africa Celebrate our Seas om bewustheid te kweek oor die benarde posisie van seevoëls. Hierdie jaar word die kompetisie die sewende keer aangebied en reeds is daar hope inskrywings. En wie sal nou nie wil wen nie? Die eerste prys is ’n reis na Antarktika. Enige foto’s wat seelewe uitbeeld, kan ingeskryf word. Stuur dus jou beste foto in, of…

NEELS BOTHMA van Kaapsehoop skryf: Ons het in Julie 2012 al met die stofpaaie langs van Nelspruit na Swakopmund gery. ’n Ent van Aus af sien ons ’n breëkoparend wat op die kant van die pad sit. Ons het omgedraai om te gaan kyk of hy beseer was, maar hy het steeds bly sit terwyl ons al nader gekom het. Hy het net so plat as moontlik gaan lê, seker in ’n poging om onsigbaar te wees. Dit was ’n koue wintersoggend met vlae reën en ons het gedink dalk kry hy koud en wou nie opvlieg nie. Trouens, hy was so traag om te beweeg dat hy net die kop effe gedraai het toe my vrou, Ria, sy rug streel. Ons het gekyk of ons hom met ’n nat…

Die Fenix LD60-flitslig het vyf helderheidsvlakke en ’n stroboskobiese funksie wat enige soort straal voorsien. Dis te danke aan aparte stroombane vir die LEDuitstralers en die parallelle batteryuitleg. Hoewel die kompakte Fenix LD60 slegs 364 g weeg (sonder battery), skyn hy teen ’n indrukwekkende 2 800 lumens in turbo-modus en die straal kan tot 460 m ver gesien word. Die LD60 het ’n waarborg van twee en ’n halwe jaar (voorwaardes geld), is waterdig tot op 2 m diep, en sal werk ná hy 1 m ver geval het. Beskikbaar by spesialiswinkels landwyd. SOEK & VIND Kompetisie HIERDIE MAAND VIND DIE FENIX LD60-FLITSLIG NEEM SÓ DEEL As jy die foto (dit sal klein wees!) kry, stuur jy jou naam, e-posadres en die bladsynommer per SMS na 35695. SMS’e kos R1,50.…

Klaasneus is g’n muis Hoewel hulle op die oog af na muise lyk, is die klaasneus deel van ’n verskillende soogdierorde. Soortgelyke omgewingsfaktore het daartoe gelei dat die twee spesies na mekaar lyk, maar dit is waar die ooreenkomste ophou. Muise is byvoorbeeld vegetaries, maar klaasneuse is vleiseters. ’n Klaasneus sal ’n insek op sig uitsoek, of dit met daai lang snoet uitsnuffel tussen klippe en stompe. Klaasneuse baljaar in die dag terwyl muise meestal snags rondkerjakker. In Suid-Afrika kry jy die viertoonklaasneus, die rondeoorklaasneus, die kortneusklaasneus en die klipklaasneus. Die klipklaasneus (foto) maak alarm deur sy agterpote te stamp. Hy kan hom nie juis teen roofdiere beskerm nie, maar is blitsig. Dit is nogal merkwaardig dat drie nuwe spesies klaasneuse die afgelope dekade ontdek is, veral omdat ons reken…

Ons almal het mos maar ons ou dingetjies – iets wat oordrewe emosie by jou ontlok en jou gedagtes ’n irrasionele koers laat vat. Ek’t byvoorbeeld ’n simpel vrees vir die winter – nie eens ’n leeftyd in die Paarl se eendeweer kon my dié nat seisoen leer liefkry nie. Nee, ek is deur en deur ’n somermens. Ek lê liewer en muskiete klap as om deurnag met bondels beddegoed te stoei. Gee my enige dag die Boland se biggelhitte van Februarie eerder as die grys mantel van moerigheid wat deesdae om Tafelberg hang. Agterdog bekruip my gewoonlik al hier van Paasnaweek af. Die winter het dan nog nie met sy koue voete in my kooi kom klim nie, maar sy verspieders het reeds die stad geïnfiltreer: Die sonsopkoms is…

LESERSTORIE HELENE VAN NIEKERK Tuisdorp Onrus Beroep Afgetree Een van die beste maniere om die Alpe te ervaar is op die Tour du Mont Blanc-staproete. Mont Blanc is die hoogste piek in die Alpe (4 897 m) en word omring deur 400 kleiner pieke en 40 gletsers. Die Tour du Mont Blanc is ’n 170 km-sirkelroete óm hierdie deel van die Alpe en loop deur Frankryk, Italië en Switserland. Dis een van die gewildste veeldagroetes in Europa. Só werk dinge: Hoe loop die roete? Jy kies vooraf hoe ver jy wil stap en kan jou eie roete bepaal. Jy kan teen verskillende hoogtes bo seespieël stap. Ons het ’n sirkelroete van die skidorpie Les Houches in Frankryk af gestap en het altyd die hoër roetes gekies, want ons wou so…

Energizer® se nuwe draagbare ligte bied vir jou die beste uit verskeie wêrelde, of dit nou vir hardebaard kampeerders of stappers is, of vir diegene wat daarvan hou om buite onder die sterre te braai. Die 2-in-1 Standing Light is die ideale draagbare lig om jou ou flitslig te vervang. Dit kan instaan as ’n lantern én as ’n sterk flitslig en sal nie breek as dit van sowat ’n meter hoog val nie. Daarby kan dié lig vir tot 20 uur skyn – dus kan dit sommer vir die hele kampnaweek lig maak as dit nie te helder gestel is nie. Die Fusion Folding Lantern is die Standing Light se ouboet en het verskillende helderheidsverstellings: Jy kan dit dus stel vir ’n sagte lig om malvalekkers te braai of…

MODDERFONTEIN-NATUURRESERVAAT,JOHANNESBURG Hier in die noordooste van Johannesburg lê een van die grootste private natuurreservate in Gauteng. Modderfontein beslaan 275 ha en het sedert die opening in 2012 ’n toevlug geword vir stappers, voëlkykers, veldhardlopers en bergfietsryers wat stilte weg van die stadsgeraas (en minibus-taxi’s) soek. Die grond behoort aan die chemiese en plofstofreus AECI, en het voorheen deel uitgemaak van die maatskappy se groter Modderfontein-eiendom. AECI het egter verlede jaar die meeste van sy grond aan die Chinese eiendomsontwikkelaar Shanghai Zendai verkoop, wat nou ’n voorstad hier gaan bou. Gelukkig is die reservaat by die transaksie uitgesluit, en word deur die Trust vir Bedreigde Natuurlewe bestuur, in samewerking met die Modderfonteinbewaringsvereniging. Wat is hier te doen? Daar is die afgelope jare hard gewerk om inheemse bome aan te plant en…

48000 Dis hoeveel ton ons bydra tot die wêreldhandel in macadamianeute. Suid-Afrika is die grootste produsent van dié neute, selfs groter as Australië, waar dit vandaan kom. 3000 Oor soveel miljoen jaar is die Sudwalagrotte in Mpumalanga gevorm. Dis die oudste grotstelsel in die wêreld (waarvan ons weet). 1924 Die jaar toe ’n 2,5 miljoen jaar oue versteende skedel in Gauteng opgegrawe is. Dit het later bekend geword as die Taung-kind, en is deur die antropoloog prof. Raymond Dart geïdentifiseer as die skakel tussen ape en die mens. 948 Geraamde hoogte in meter van die Tugela-waterval in die Drakensberg. Dis die naashoogste waterval in die wêreld – Kerepakupai Merú (Angel Falls) in Venezuela is die hoogste. 300 Wydte in kilometer van die Vredefortkoepel, ’n krater wat van Johannesburg tot in…

Wen een van 14 naweke ter waarde van R1 500 by die Kathu Inn. Is jy van plan om binnekort na die Augrabies-waterval of Kgalagadi te reis? Die Kathu Inn is die perfekte Noord-Kaapse aftrekplek, dis tussen Upington en Vryburg. Kimberley is net drie uur se ry verder. Dié blyplek is onlangs gebou en bied rusplek vir die moeë reisiger. Elke kamer het ’n dubbel- of twee enkelbeddens, ’n en suitebadkamer, ’n televisie met DStv, geriewe vir tee of koffie maak en lugreëling. Parkering is beskikbaar. Ingesluit in die prys Twee nagte se blyplek vir twee mense. Uitgesluit Maaltye, drankies, en vervoer na en van die Kathu Inn. Hoe om deel te neem SMS jou naam en die woord “kathu” na 35981. SMS’e kos R1,50. Gratis SMS’e kan nie gebruik…

Die Addo-olifant- nasionale park bestaan uit vyf streke wat losweg aan mekaar gestik is in ’n laslapwerk waarvoor jou st. 5-naaldwerkjuffrou waarskynlik haar neus sou optrek. Saam maak Woody Cape, die Hoofkamp en Colchester, Suurberg en Kabouga en Darlington die effens skeefgetrekte Addo-kombers van sowat 1 800 km². Beplan jou vakansie rondom een of ’n paar van dié laslappe. As jy die hele park wil ervaar, is dit sinvol om by die een punt te begin, en dan rustig deur die park te kruie tot by die ander punt. Dis nou van Woody Cape – die suidelikste punt – tot by die Darlingtondam – die noordelikste punt – of andersom. Waar jy begin, hang af uit watter rigting jy kom van die Karoo of van die kus af. Hier’s wat…

William Faulds, soldaat en Eerste Wêreldoorlog-held. Die baanbrekerskrywer Olive Schreiner. Die politieke aktivis Matthew Goniwe. Die voormalige OP-middelordekolwer Vlam Michau. En daai Cawood-ou wat die tweede Big Brother- reeks gewen het. My oupagrootjie. Sy pa. My pa. En ek. Ons kom almal van Cradock. Cradock is ’n plattelandse dorp in die Oos-Kaap op die oewer van die Visrivier, tussen die klipkoppe waar die aalwyne in die winter rooi vlam, en waar ’n somersdonderbui die warm sinkdakke laat sis en stoom. Hier kan dit ruik na stof óf water, gesnyde lusern óf droë dennebol. Cradock is ’n grensdorp, ’n plek waar die geskiedenis al gemaal en gedeel het. ’n Boerderydorp waar wit bakkies stofstrepe uit grondpaaie laat opstaan, waar gewérk word. Dít is my tuisdorp. Wat is ’n tuisdorp? In ’n…

JACKIE BADENHORST Canon 5D Mk. III Canon 500 mm-lens JACKIE SKRYF: Ek het hierdie renosterbul seker ’n uur lank in die Krugerwildtuin sit en dophou. In dié tyd het daar nie eens een ander kar verbygekom nie! Dit was ’n besonderse ervaring en ek was hartseer toe ek moes ry. My sluiterspoed was 1/2 000 van ’n sekonde teen f4 en ISO 400. Ek het die foto later in Photo-shop op my rekenaar na swart-wit omgeskakel. Deur die kleur weg te neem kom die teksture beter na vore, en die foto kry ook ’n ander stemming. Ek dink dit het die renoster ’n bietjie persoonlikheid gegee. TOAST SÊ: Jackie se foto is op sy kop! Dis ’n diereportret met emosionele impak. Dit laat jou wonder oor die lot van die…

Elke kursusganger kry individuele aandag, en ons leer jou waarvoor elke knoppie op jou kamera is. Terloops, jou mik en druk sal ook deug. Die slypskole begin om 4 nm. op ’n Vrydag en eindig om 12 vm. op ’n Sondag. WANNEER? Tulbagh | 18 – 20 September 2015; 2 – 4 Oktober 2015; 19 – 21 Februarie 2016 Dullstroom | 21 – 23 Augustus 2015; 9 – 11 Oktober 2015 * Wees op die uitkyk vir slypskole in die Drakensberg. HOEVEEL KOS DIT MY? R2 690 per persoon. Dit sluit in individuele aandag, kursusnotas en aandetes. Blyplek en drankies is nie ingesluit nie. Eggenote is welkom, en teen R500 ekstra kan hulle aandetes – Vrydag en Saterdag – saam met die groep geniet. BESPREEK NOU! Bel Donve Myburgh by…

Daar kom ’n tyd in jou lewe wanneer jy besef jou wiele pas nie meer by jou leefstyl nie... Dis waarskynlik die tyd wanneer jou jeans vol NikNakshandjies gevat is en jy die drywer geword het vir jou kinders en hulle maatjies. Jy kort ’n groot en veilige ryding. Die Ford Tourneo Custom is die grootste, mees koeëlvaste motor wat ek nóg bestuur het. Ek wens net dit kon in my motorhuis pas... Hoe ry hy? Verrassend aangenaam. Van buite lyk hy so groot soos ’n Putco-bus, maar agter die wiel is hy so rats soos ’n sportnutsvoertuig. Jy sit hoog, die vensters is groot, die stuur hanteer lig en jy kry waarskuwing as jy te na aan iets parkeer. Dit voel amper soos om ’n Imax-fliek te kyk wanneer…

THE SPRINGBOK EXPERIENCE, KAAPSTAD Hierdie is ’n rugbymuseum soos jy nog nie beleef het nie. Dit het sy eie rugbyveld, ’n winkel en ’n rits interaktiewe uitstallings. Dis vir volwassenes sowel as kinders ’n groen-en-goudervaring soos min. Die oomblik dat jy by die deur instap, is jy in Bokhemel. Die gejuig van ’n skare spoel uit die luidsprekers en op die grootskerms speel hoogtepunte uit rugbywedstryde. Hier’s besonderse aandenkings: François Pienaar se no. 6-trui en Joel Stransky se toks van die ’95-Wêreldbekertoernooi, geskiedkundige aandenkings en lewensgroot standbeelde van rugbylegendes. Die museum vertel die Suid-Afrikaanse rugbystorie sedert 1861. En dit maak nie saak of jy die Bokke se grootste aanhanger is of skaars weet wie Jean de Villiers en Bryan Habana is nie, ’n besoek aan dié museum sal jou lank…

DIE TIFFINDEL SKI & ALPINE RESORT is 2 720 m bo seevlak in die Oos-Kaapse Hooglande aan die hange Ben McDhui (3 001 m), die hoogste piek in die Oos-Kaap. Tiffindell is ’n ten volle toegeruste wintersneeuoord. Jy kan jou ski-voete kom vind, jou skivaardighede afrond en toerusting aankoop. Die oord het puik ski-hange en bied elke jaar skigeleenthede in Junie, Julie en Augustus. Die sneeu is ’n mengsel van natuurlik én mensgemaak. In die somer, lente en herfs is Tiffindell ’n ander speelplek en bied staproetes, bergfietstoere, grasski, bergplankry, fotografie, rotskuns, voëlkyk, quadroetes, vlieghengel en die bekende Agtpasseroete vir motorfietsryers en 4x4’s. Tiffindell is ook bekend vir sy unieke alpeflora. EEN GELUKKIGE INTEKENAAR KAN ’N WEGBREEK BY TIFFINDELL WEN, WAT DIE VOLGENDE INSLUIT: Blyplek vir 3 nagte buite seisoen…