Innehållsförteckning för May 2016 från Weg!

Hierdie uitgawe van Weg is ouder gewoonte stampvol lekker stories, maar een van my gunstelinge is Annelie Steenkamp s’n op bl. 129. Sy vertel hoe haar oupa Johan in die 1940’s ’n woonwaentjie aan sy Ford (’n windmaker Roadster, nogal) gehaak en die land vol getoer het. Vandag kyk ’n mens in ongeloof na die swart-wit foto’s. Suid-Afrikaners was nog nooit bang om die pad te vat nie; selfs nie eens as die reis langer as die vakansie self geduur het nie. Dit herinner my aan my skoonpa se stories oor hulle vakansies in die 1930’s. Hy is op ’n sendingstasie van die NG kerk op Nkhoma, Malawi, gebore. Sy pa was die sending se tesourier, en sy ma het skoolgehou. Later het sy ouers daar naby met tabak en…

Biltong Den, Wolmaransstad, Noordwes As jy tussen Klerksdorp en Kimberley op die N12 reis, kruis jou pad genadiglik met die Biltong Den, ’n groot gebou met ’n groen dak op die dorpie Wolmaransstad. Rolene Potgieter het die Biltong Den in 1987 in ’n beskeie geboutjie begin, maar moes vinnig aanbou namate die plek begin naam maak het. Wanneer jy hier instap, is jy sonder twyfel in ’n biltongparadys: hompe biltong (nat en droog) hang aan hake en jy kan kies tussen beesbiltong, wildsbiltong (meestal koedoe en gemsbok), droëwors (bees en wild, dik en dun, met of sonder brandrissie) en cabanossi. Jy kan groot stukke koop en huis toe neem of dit laat kerf. Die beesbiltong word verkoop teen R285 per kilogram en die wildsbiltong teen R270 per kilogram. Die skurwejantjies…

Jy weet waarskynlik die Aarde is die derde planeet van die Son af. Daar is dus twee planete tussen ons en die Son, wat beteken Mercurius en Venus behoort mos soms tussen ons en die Son deur te beweeg. Ja, dit gebeur wel! Ons noem dit ’n “oorgang”. Omdat Mercurius nader aan die Son sit, beleef ons meer dikwels oorgange van Mercurius, gemiddeld 13 keer per eeu. Oorgange van Venus is heelwat meer seldsaam – dit is nog net 8 keer gesien sedert die teleskoop 400 jaar gelede uitgevind is! Op 9 Mei vanjaar beleef ons weer ’n oorgang van Mercurius – die eerste keer sedert 2006. Dit gebeur weer in November 2019, maar daarna eers weer in 2032! Suid-Afrika is taamlik goed geplaas deurdat ’n mens van hier af…

‘Tussen die steekgras en bosse beduie hy kort-kort na ’n grafsteen toe en vertel die een storie ná die ander.’ Die meeste van Waterkloof se inwoners was pensioentrekkers en die dorp het saam met die oumense begin doodgaan. Die huisies het eers lank leeg gestaan en toe begin val. Die erwe het toegegroei onder die onkruid. Die bloekoms het bruin geraak. Nog net by een huisie is daar snags ’n skynsel. Dis oom Jan van der Merwe (77) s’n. Die laaste inwoner van Waterkloof. Dié dorpie is sowat 7km van Philippolis af. In 1867 het die NG kerk op Philippolis in die Vrystaat die plaas Waterkloof gekoop. Die plaas is in erwe verdeel en aan behoeftige gemeentelede uitgedeel. Ander erwe is verkoop vir ’n inkomste vir die kerk. In die…

Sommige mense vind dat LED-ligte verblindend, skerp op die oog is en boonop ’n koue atmosfeer skep. Diegene verkies dikwels die tradisionele fluoresseerligte, wat lig goed versprei, warmer in kleur is en ’n beter atmosfeer skep. Die vraag is dus: Watter een is die beste? Is LED’s outomaties ’n beter keuse, of is fluoresseerligte nog enigsins nuttig vir die buitelewe-entoesias? Vreemd genoeg, lyk dit asof die bedryf hierdie besluit namens jou geneem het. Deesdae is dit bykans onmoontlik om ’n nuwe 12V-fluoresseerkamplig te koop. Om die waarheid te sê, die enigste maatskappy wat steeds die 12V-fluoresseerkampligte vervaardig, is National Luna, ’n Suid-Afrikaanse maatskappy wat spesialiseer in 12V-yskaste, dubbel-batterystelsels en buiteligte. National Luna was op ’n tyd die markleier wat 12V-fluoresseerligte betref, maar sedert die bekendstelling van LED-tegnologie het National Luna…

LOOKOUT CAFÉ, VICTORIA-WATERVAL, ZIMBABWE Baie oorsese toeriste wat vertel hulle was al in Zim, was heel moontlik nog nét by die Victoria-waterval. Naas Iguazu in Brasilië (stel jou výf Vic-watervalle voor!) en Niagara (eintlik maar net bekend omdat dit in Amerika is) is die Victoriawaterval seker die bekendste in die wêreld. Met goeie rede: Staan hier voor die donderwaters van die magtige Zambesirivier en dit maak jou stil. En nat. Ja, die Victoria-waterval se sproeireën is nie ’n plek vir toebroodjie eet nie – dit verklaar hoekom daar nie iets soos ’n eetplek rég voor die waterval is nie. Die Lookout Café is ’n paar kilometer stroomaf van die waterval, en kyk uit oor die Batoka-ravyn waar die ouens van Wild Horizons hulle ravynswaai aanbied (dis ook hulle restaurant). Jy…

Die Jamila Game Lodge is'n luukse blyplek in die Waterberg. Hier kan jy ontspan en die bos in styl geniet terwyl daar na al jou behoeftes omgesien word. Alle boswcgbrckc hoof nic ruwc, stowwerige vakansies to wees nie. Die Jamila Game Lodge is luuks dog onopgesmuk. Hier bly jy in een van hulle vyfgemaklike en suite-rondawels, elk met'n buitestort, borrelbad en privaatdek. Vier van die rondawels het slaapplek vir twee mense en daar is ook'n gesinsrondawel met plek vir tot ses rrense. Die lodge is in die Welgevonden wildrescrvaat in die Waterberg, 'n malariavrye wildernisbestemming net drie en 'n half uur van Johannesburg af. Die Groot Vyf hou in Welgevonden en jy's byna gewaarborg om ongelooflike natuurlewe to sien - of b y die watergat voor die lodge of op…

Andrew Smith, eerste op die ranglys in vele kompetisies, sweef in 2011 van Uhuru (die spits van Kilimandjaro) af nadat hy drie uur moes wag vir die regte wind. Andrew het gesweef saam met die Seven Summits 7Flights-ekspedisie ( 7summits7 flights.co.za), die eerste groep wat toestemming verkry het om van Kilimandjaro af te skermsweef. Die Uhurupiek (5 895 m) is die hoogste punt in Afrika. Nadat hulle tot by die spits geklim het met die Rongai-roete langs – wat dit van die noordoostelike kant van die berg af nader – het drie skermswewers begin sweef, onder wie die fotograaf Marianne Schwankhart. Almal het ’n uur en ’n half later veilig geland op die dorpie Mopti aan die voet van die berg. Dit het die ander lede van die groep twee…

Family Walks in Cape Town  deur Tim Lundy, Struik Travel & Heritage Tim Lundy, seun van die staplegende Mike wat laasjaar oorlede is, volg in sy pa se voetspore met hierdie gidsboek. Tim se inspirasie was juis die verskeie roetes wat hy saam met sy pa (toe 72) én sy 6-jarige dogter gestap het. Die 30 roetes is maklik en jy kan hulle rustig aanpak – die gemiddelde afstand is minder as 3 km. Die roetes is verdeel in vyf gebiede: Kaapstad-Sentraal, Atlantiese seefront, suidelike skiereiland, suidelike voorstede en noordelike voorstede. Elke inskrywing het ’n roetekaart, foto’s, ’n gedetailleerde beskrywing, tye en afstande, verdere idees vir pret en ontspanning op pad, belangepunte, en geskiedkundige inligting. Só het ek byvoorbeeld geleer van ’n warmlugballonvaarder, Isidore Michaels, wat teen die einde van…

Ek gaan nie eens probeer voorgee nie: Die beste drankie vir dié maand se resepte is ’n koppie warm tee! In plaas daarvan om wyne by gebak te probeer pas deel ek dus eerder nuwe en interessante wyne wat ek onlangs ontdek het. Met die eerste oogopslag lyk die nuwe Durbanville Twelve Sauvignon Blanc 2015 (R75) dalk net na net nog ’n sauvignon blanc, maar dié een het ’n unieke kinkel. Dit word gemaak van die druiwe van al 12 plase op die Durbanville-wynroete. Die plase het dalk verkillende grondsoorte en liggings, maar hulle het een ding in gemeen: die koel seebries wat van die Weskus af inwaai en Durbanville een van Suid-Afrika se voorste sauvignonstreke maak. Die wyn is groen en lewendig met ’n tipiese rokerige element. Mense raak…

1 Mont Rouge Nuwe fietsrypaadjies, visvangplekke en stappaadjies in die nabye omgewing maak Mont Rouge ’n gunsteling-russtop vir fietsryers en mense wat vir ’n naweek wil wegkom. Ruik die appels, pere en perskes van die nabygeleë boord terwyl jy op een van die vier huisies se stoep braai. Die verblyf is ’n entjie weg van die pad af; jy kan dus ontspan terwyl die jongspan tussen die vrugtebome speel. Johan en Marisha du Plessis, die plaaseienaars, en hulle vyf bokspringende honde laat jou welkom voel. As jy vir Johan raakloop, vertel hy jou miskien van sy nuwe bloubessieboord. En Marisha het onlangs begin bak... jy kry dalk ’n varsgebakte brood en tuisgemaakte konfyt in jou huisie as verwelkomingsgeskenk. Waar bly ek? Altesame 4 huisies met slaapplek vir 2-10 mense. Hier…

1 Kuier op Kassiesbaai Nicolene, Emma, Ou Grote, Timothy... van die name van Kassiesbaai se kleurvolle bote. Vissermanne wat op die dekke rondskarrel, praat deernisvol van hulle, soos oor ’n geliefde tannie. ’n Klipgooi verder staan windverslete kliphuisies in rye, meestal onveranderd sedert die eerstes in die 19de eeu gebou is. Kassiesbaai is ’n nasionale erfenisgebied en streng maatreëls sorg dat die vissersdorpie se karakter behoue bly. Maak ’n draai by die gewilde eetplekke Wanda’s Waenhuis en Willene’s, en koop ’n skildery of tuisgemaakte konfyt by Kassiesbaai Crafts naby die ingang. “Julle moet sien hoeveel toeriste gedurende Desembervakansies na Willene’s toe gaan,” sê André Marthinus, voorsitter van die plaaslike vissermansvakbond. Wanda Europa, wat Wanda’s Waenhuis besit, onthou hoe motorfietsryers op Harley-Davidsons eendag hier ingebrul en haar restaurant volgesit het. “Al…

Nuwe blyplek in Kaap Columbine As jy voorheen in die ongerepte Kaap Columbine-natuurreservaat naby Paternoster wou oorslaap, moes jy tent opslaan op Tietiesbaai. Maar hoe gemaak as party van julle vriende nie kans sien vir sand in hulle slaapsakke nie? Die nuwe Sea Shack in die reservaat is vir hulle. Hier is tien oulike houthuisies (wooden shacks), elk met plek vir twee mense (koningin- of enkelbeddens beskikbaar). Beddegoed is ingesluit en gaste kry ’n krat met borde, bakkies, bekers, glase en messegoed. Die gaste deel vier “kleinhuisies”, elkeen met ’n eko-toilet, wasbak en gasstort – behoorlike glanskamp (glamping). Kuier en braai in die gemeenskaplike boma en maak aartappelslaai in die toegeruste kombuis. Sea Shack het nie elektrisiteit of Wi-Fi nie, maar wel sonkrag om jou foon te laai, én betroubare…

LESERS VERTEL KATHY WILKINSON Tuisstad Kaapstad Beroep Onderwyser In 1933 stap die Britse reisskrywer Patrick Leigh Fermor oor die breedte van Europa, van die Hoek van Holland af tot in Istanbul. Hy skryf daarna twee boeke oor sy ervaringe, en sê iewers: “Ek het nog nooit iemand ontmoet wat al in Bulgarye was nie. Bulgarye lyk na die donkerste, agterlikste en mins aanloklikste land, buiten Albanië.” Ek moet erken: ’n Deel van my het verwag dat die land ’n bietjie agterlik sou wees, en vol stuurs mense. Maar ek was aangenaam verras: Die Land van die Rose is ’n toeganklike, bekostigbare bestemming, veral vir Suid-Afrikaners. Hier’s die mooiste berge, ’n ryke geskiedenis, wêreldklasstede, natuurwonders, eienaardige tradisies, interessante drankies, lekker kos en vriendelike inwoners wat regstaan om enige vooropgestelde idees verkeerd…

Die fotograaf Marcus Jooste is bekend vir sy makrofoto’s van slakke en bidsprinkane (Weg #133), maar het onlangs sy hart verloor op die sterreruim in Namibië. Vir astrofotografie moet jou tydsberekening en posisionering rég wees. Jy moet weet wanneer die son sak, wanneer die maan opkom en na watter kant toe jy moet mik sodat die Melkweg vertikaal of skuins in die raampie verskyn. Marcus beveel die app The Photographer’s Ephemeris ( photoephemeris.com) aan, wat jou al dié inligting gee. “Ek is mal oor sterfotografie,” sê hy. “Die toerusting, die beplanning, die reis na afgeleë plekke, die laat nagte in die woestyn en, natuurlik, die onpeilbaarheid van ons heelal.” Namibnagte NamibRand-natuurreservaat, Namibië ’n Verdraaide kameeldoringboom op die rand van die Namibwoestyn staan fier onder die Melkweg. Marcus en sy vriende…

1 OTTERBOX SYMMETRY Die Symmetry het ’n harde plastiekbuitelaag met rubber binne-in. Jou foon pas knus daarin en die knoppie-oortreksels het perfek gewerk. (Party iPhone-gebruikers sê hulle sukkel om hulle foon in die huls te laai, maar ek het nie dié probleem ervaar nie.) Die verhewe rand behoort die meeste krapmerke te verhoed. As jy steeds bekommerd is oor jou skerm, kry ’n skermfilm van getemperde glas (R100-R250, afhangend van die handelsmerk). Watter foon? iPhone 5 en jonger; Samsung Galaxy S5 en jonger; Samsung Galaxy Note 4 en LG G3. Prys Sowat R350 by winkels soos takealot.com , Cameraland en Vodacom-winkels 2 THULE ATMOS X4-IPHONE-HULS Dié huls pas net op die iPhone 6 en 6 Plus. Ek het my swaer wat so ’n foon het, gevra om…

• Montpellier  Kry ’n paar vriende bymekaar en dek ’n lang tafel onder die prieel langs die swembad by Montpellier – dis sowat 3 km noordwes van Tulbagh op die Twee Jonge Gezellenpad. Proe ’n paar wyne oor en weer (R40 p.p. vir vyf wyne) en bestel ’n bottel of twee van julle gunstelinge (die Gewürztraminer met ’n ondertoon van Turkse lekkers is veral lekker) saam met ’n paar kaasborde (R100, genoeg vir 2 mense). En ja, julle mag swem! Oop Maandag-Sondag: 10 vm.-5 nm. Kontak 023 230 0656; montpellier.co.za • Coffee and Cream Die eienaar, Ria Cronje, het gewoel: Sy het die vervalle Kaaps-Hollandse huis in Kerkstraat 40 binne net drie weke in ’n restaurant omskep. Dis ’n gewilde nuwe ontbytplek, waar jy ook vreemde aksente hoor, maar almal “goeie môre”…

Annelie Steenkamp van Pretoria vertel: My oupa, Johan (Johnny) Zanoli, het as kind van Nederland na Suid-Afrika verhuis. Hy het my ouma, Dinie Coleman, ontmoet by Hartbeespoortdam, waar Oupa-hulle ’n naweekhuis gehad het. Dié twee is in 1944 getroud en my oupa het so gou hy kon, ’n woonwa in die hande gekry en met ’n Ford Roadster die land vol getoer. My pa, Frits Zanoli, is in 1945 gebore. Kinders het geensins my oupa-hulle se reislus geblus nie. Hulle het onder meer ’n vakansie in die Suid-Kaap gereël na die plekke waar my ouma se mense vandaan kom: Calitzdorp, Oudtshoorn en Willowmore... en het ook by Hartenbos gekamp. Namate die gesin gegroei het, het my oupa ’n groter woonwa gebou uit staal en aluminium, met binne die mooiste hout.…