Innehållsförteckning för November 2016 från Weg!

Nou kan jy nuwe herinneringe met hul eie klankbaan skep danksy Samsung se unieke Wireless 360° Audio klankstelsel. Dit sal jou in staat stel om topgehalte musiek te ervaar, reg deur jou hele huis. Hierdie innoverende, wêreldgehalte klanksisteem is ontwerp deur die voorste klanknavorsers en ingenieurs, en ontwikkel in Samsung se nuwe, revolusionêre klanklaboratorium in die V.S.A. Die Wireless 360° Audio klankstelsel sal selfs die mees kieskeurige musiekkenner tevrede stel. Met die Wireless 360° Audio het Samsung‘n klanksisteem ontwerp wat almal in ‘n vertrek toelaat om dieselfde, hoë gehalte klank te geniet. In teenstelling met gewone luidsprekers wat eenrigting klank projekteer, bied die Wireless 360° Audio hoë gehalte klank in alle rigtings. Ring Radiator tegnologie verseker dat die klank die hele kamer vul om ‘n voller, ryker oudio ervaring te…

GRANT SCHOLTZ van Kaapstad skryf: Ons het hierdie jong luiperd sowat 10 km van die Mata-Mata-ruskamp af in die Kgalagadi-oorgrenspark langs die pad gewaar. Hy het na sowat 500 m agter ’n heuwel verdwyn. Enkele minute later hoor ons jakkalse huil. Die volgende oomblik kom die luiperd verbygehardloop met drie jakkalse kort op sy hakke. Die luiperd het in ’n omgevalle boom weggekruip. Een van die jakkalse het sowat 20 m van hom stilgestaan en aanhou blaf. ’n Ander een het te naby gekom en die luiperd het hom in ’n stofwolk doodgemaak. Is dit normale gedrag? Die wildlewekenner L.D. VAN ESSEN antwoord: Die jakkalse het waarskynlik ’n prooi by hulle gehad. Of hulle was by hulle lêplek, waar daar heel moontlik kleintjies was. Ongeag die rede, die luiperd was…

Snowgoose Hangabout-padstal, Himeville Hierdie padstal is langs Himeville se polisiespeurtak. Die dorp het juis sy ontstaan te danke aan die polisiediens aangesien Himeville in 1890 begin het as ’n voorpos vir die Border Mounted Rifles wat destyds belas is om veestropery te bekamp. Vandag is Himeville meer bekend as die naaste dorp aan die Sanipas met ’n vulstasie, en een van die gewildste aftrekplekke is die Snowgoose Hangabout. Hier kan jy proviand aanskaf vir jou Drakensbergse trek. Die plaaslike gemeenskap verkoop gebak en jy sal met elke besoek iets nuuts vind. Met my besoek was die rakke vol camembert-en-spekbrood en flessies pesto – volgende keer is daar moontlik roompoffertjies en olyfbrood. Buite op die stoep hang helderkleurige hangmatte en ’n klererak wat kreun onder die gewig van weermagsurplus-aapjasse. Maar moenie…

Waar kom jou liefde vir die buitelewe vandaan? Ek het op ’n plaas naby Vereeniging grootgeword. Ek het die omgewing te perd of te voet verken en die natuurlewe al meer begin waardeer – dié liefde het net aanhou groei. En vir fotografie? Ek het my eerste filmkamera op 20 gekoop en toenemend besef ek kan die mooi van die natuur daarmee vasvang. Die natuur het soveel stories om te vertel – en ek probeer dit met my kamera vertel soos wat ’n skrywer dit met ’n pen en papier sou doen. Ek probeer om die foto so na as moontlik aan die werklikheid te hou en doen dus geen swaar redigeringswerk daaraan nie. Hoe het jou paadjie met dié van die wildehonde gekruis? Ek moet bely – toe ek…

‘Filosofiese vrae het opgeduik: Het iets meer betekenis as jy dit alleen ervaar, of wanneer jy dit met iemand deel?’ My goeie vriend J.P., ’n sielkundige van Grahamstad, bel my een aand. “Ek en ’n kollega het op ’n smoke break gesels en besluit om weer die Alexandria-staproete te gaan stap. Dit sal ek en drie kollegas wees – wil jy saamkom? Maar...” Nog voordat J.P. sy sin kon klaarmaak, stem ek gretig in. Die 36km lange tweedag-Alexandriastaproete in die Woody Cape-deel van die Addo- nasionale park is lekker. Ek het al die roete gestap, maar doen dit graag weer. Maar J.P. moes eers sy sin klaarmaak: “... dit gaan wel ’n silent hike wees.” ’n Wát? Ja, ’n stil staptog... Die plan was dat ons groepie twee dae lank…

Hoenderboudjies en mieliewiele met ’n appelkoos-en-rissiesous Lewer 6 porsies Voorbereityd 10 minute Gaarmaaktyd 1 uur Hierdie kombinasie van soet en suur is onvergeetlik! Jou mense gaan voortaan vra dat julle dit elke naweek braai. Jy benodig Só maak jy 1 Verhit die konfyt, botter, rissiesous en asyn saam in ’n pot totdat alles gesmelt en loperig is. 2 Smeer ’n lagie daarvan oor die hoender, pak die boudjies in ’n enkellaag op ’n groot vel foelie en vou dit in ’n pakkie toe. Braai die foeliepakkie vir sowat 45 minute oor matige kole – die hoenderboudjies moet sta-a-adig gaar word. 3 Sny die gaar groenmielies in drie wiele elk en smeer hulle ook met die sous. Verwyder die hoender uit die foelie en…

VIR HAAR 1 Weg-windpomp-T-hemp Enige vakansietas het plek vir ’n doodgewone T-hemp vir bo-oor jou swembroek as jy saam met Kleinsus in die vlak branders staan. Dié donkergrys kleur gaan ook nie dadelik roomysvingermerke wys nie... en die slagspreuk behoort die ander mense op die strand te laat glimlag. En nee, jy hoef nie nét water te drink as jy dit dra nie. Ook beskikbaar vir mans. Prys R150 by winkel.weg.co.za 2 Hi-Tec Shore IIstapsandale Hi-Tec het sy gewilde Shore-stapsandale effens opgeknap: Die ventilasiegate is groter en dié geliefde sandaal nou nóg gemakliker. Die Velcro-band is van die hak na die brug verskuif sodat jy hulle makliker kan aantrek. Die sandale se binnekant is uitgevoer met neopreen wat vinnig droog word nadat jy deur ’n rivier gewaad het.…

KERSEFONTEIN-GASTEPLAAS, NABY HOPEFIELD Sowat 20 km noord van Hope-field vloei die Bergrivier tydsaam deur ’n vlakte op pad Velddrif en uiteindelik see toe. Iewers langs die oewer bulk ’n koei, lammetjies blêr en ’n duiker vang son in die takke van ’n stokou bloekomboom. Die plaasgeboue by Kersefontein kyk in stilte toe – soos reeds die afgelope byna 250 jaar. Die grond is in 1770 deur die setlaar Martin Melck gekoop en die plaas is sedertdien in die familie. Julian, ’n agstegenerasie-Melck, is tans aan die stuur. Dit kos meer as ’n deursneebed-en-ontbytplek, maar dié geskiedkundige gasteplaas is luuks. Die gastekamers het antiekmeubels en swaar gordyne, en die hele gesin sal lekker kuier rondom die groot ontbyttafel. Besoekers kan stap deur die indrukwekkende hoofhuis – ’n nasionale monument – en…

In byna agt jaar by Weg het ek al die meeste plekke in Suid-Afrika besoek, maar daar bly nog ’n paar “blindekolle” – een hiervan was die Baviaanskloof. Verlede jaar het Naomi Haupt en Colijn Scheltema (op die foto links saam met Erns) se kontreipublikasie Baviaanskloof –’n Kultuurhistoriese oorsig van Nuwekloof tot Kruisrivier op my lessenaar beland. Dié boek het my begeesterd gehad en toe ek hoor die 1916-vloed word in Mei vanjaar herdenk, het ek pad gevat. My besoek was slegs drie nagte. Maar die kort tydjie saam met die Klowenaars was een van my mees betekenisvolle ervarings nóg as ’n Weg-joernalis. Ek het ’n nagmaaldiens in ’n plaashuis se sitkamer bygewoon, saam met een van die oudste klowenaars, oom Lukas Smith (89). En saam met die legendariese hond…

Nasionale boomklimdag? Ek het een oggend in die Sabi-Sand-wildreservaat langs die Krugerwildtuin gekyk hoe drie leeus baklei oor ’n duikerkarkas in ’n boom. Min het ons geweet die beste kom nog. Teen skemer dieselfde dag kom ons af op nóg twee van die Groot Vyf in ’n boom: ’n Luiperd wat ’n buffelkalf gevang het! Ons het ons vergaap aan hoe behendig Ta die karkas rondskuif tussen die takke, so asof dit ’n vuurhoutjie is. Hierdie is werklik kragtige diere en ’n mens wonder hoeveel kilogram hulle so in ’n boom kan rondsleep. FREDDIE VAN RENSBURG, Pretoria Volgens ons wildlewekenner, L.D. van Essen, kan ‘n luiperd tussen 1½ en 2 keer sy gewig dra. – Red. Dié oumas stap dat dit klap Ons Vinke-stapgroep bestaan uit 10 oumas wat al…

Vat die trein Ceres toe! Hier’s ’n oorspronklike plan vir ’n Saterdaguitstappie: Gaan maak ’n draai in Ceres – met die trein! Die Ceres-spoorwegmaatskappy het onlangs ’n retoerrit van Kaapstad tot op Ceres bekend gestel. Die trein vertrek van die Royal Cape Yacht Club in Duncanweg in die Kaapse hawe en kom om 12 nm. in Ceres aan. Jy rol onder meer deur wingerde, koringlande, olyfboorde en die mooi Michells- en Nuwekloofpas. Jy kan ’n buffetmiddagete by die Ceres-gholflandgoed eet (R150 p.p., koop vooraf ’n kaartjie) voor die trein om 2 nm. weer terug Kaapstad toe tjoekepaf. Tee, koffie, muffins en ander peuselhappies is op die trein te koop – bring kontant. Jy mag nie jou eie eetgoed bring nie. Wanneer? 29 Oktober, 12 November, 26 November, 10 Desember, 31…

0 Die aantal woorde teks vir die reeks. Erns en Toast het sommer uit die heup geskiet met sêgoed en waarnemings. 2 Die aantal bande wat Erns en Toast moes omruil langs die agterpaaie. Hulle was eintlik gelukkig om net een pap wiel te kry; die ander een was twee Spanjaarde s’n buite Sossusvlei. 4 Die grootte van die Weg Agterpaaie-span op die langpad: Erns, Toast en die kameramanne en regisseurs Chris Kritzinger en Kobus Zietsman. 6 Die aantal herhalings per episode elke week op Via. (Dit is veral handig as jy nie PVR het nie...) 10 Die aantal kameras – wat twee hommeltuie en twee GoPro’s insluit – wat saam gereis het deur Namibië. 26 Elke episode is soveel minute lank as jy advertensietyd aftrek. 31 Die aantal dae…

LESER VERTEL ANDREW CURRELL  Tuisstad Kaapstad Beroep Eiendomsbatebestuurder Die Currells van Kaapstad is ’n avontuurlustige klomp. Elke jaar vat Andrew, sy vrou, Rhona, en hulle dogter, Amy (16), die pad na êrens in Suider-Afrika. Hulle het begin met kort reise na die Karoo (sien die leserstorie in Weg #74) en stadigaan hulle visier verskuif na anderkant Suid-Afrika se grense. In 2015 het hulle 18 dae lank die Richtersveld, Namibië en die westelike dele van Botswana verken. En vanjaar het hulle al die pad tot in Malawi (en terug!) gery. Hier’s hoe hulle dit gedoen het. BOTSWANA ‘Chill’ op die Chobe Ons ry binne twee dae tot in Botswana, met ’n oornagstop in Kimberley. Die 978km-reis tot in dié stad is die langste afstand wat ons in een dag aflê. Die…

In watter gewigklas boks dié outjie? Hoër as net mik-en-druk, en laer as ’n lenskamera. Die Canon M10 val in die spieëllosekamera kategorie, wat onder meer beteken dat jy lense kan verwissel, net soos met ’n lenskamera. Dis egter veel kleiner en ligter. Jy het nie soveel handverstellings nie, maar die M10 se ingeboude verstellings is só slim dat jy dit skaars mis (en dalk gaan wonder hoekom jy in die eerste plek dikwels soveel sukkel met handverstellings...). Watse lense kan ek gebruik? Ons toetsmodel het die gedugte 15-45 mm-lens gehad, wat goed werk vir landskappe én portrette. Ander lense wat jy kan koop: 11-22 mm, 22 mm (f2) en die 55-200 mm-zoemlens. Jy kan wel ’n aanhegsel aanskroef wat jou in staat stel om van jou ander Canon-lense te…

RIVIERSONDERENDKLOOF, GRABOUW Die Riviersonderend-kloofing-roete begin heel mak. Jy maak litte los op ’n plat stuk en klim ’n tweespoorpad teen ’n bult uit. Anderkant dié bult daal jy af, af, af tot in die koel skaduwees van die Riviersonderendkloof, diep in die Hottentots-Hollandberg. Onder is dit doodstil. Die natuurskoon slaan jou asem weg (of is dit die yskoue Riviersonderendrivier?). Jy waad versigtig kniediep deur die water, maar gou-gou hondjieswem jy van rots tot klip. Die Riviersonderendroete is die makker neef van die kloofing-roete deur die Suicide Gorge hier naby – dié berugte kloof sluit uiteindelik aan by die Riversonderendkloof. Jy kan die meeste spronge systap (maar moenie, want dis vet pret). Aanvanklik spring jy net van gróót rotse af tot in donker poele. Die kloof maak jou stadig gewoond aan…

26 Oktober-5 November Crafter’s Fair-Kersmark, NG kerk Moreletapark, Pretoria-Oos  Kom koop ’n Kersgeskenk vir elkeen in die familie vóór julle met vakansie gaan. Dié mark het onder meer handgemaakte ware, klere, dekor, juweliersware en speelgoed. En hier’s ’n koffietuin vir droë kele. Waar? NG kerk Moreletapark, De Villabois Mareuil-rylaan 1 353. Tyd Maandag-Saterdag 9 vm.-7 nm. Gesluit op Sondae. Koste Toegang is gratis Meer inligting 082 453 7933; craftersfair.co.za 4-6 November TOPS at Spar-bierfees Nuweland, Kaapstad, word vir een naweek München, Duitsland. Hier is tradisionele Oktoberfestspeletjies, oempa-musiek, kompetisies en... ja, bier! Waar? Nuweland-brouery, Hoofweg 3, Nuweland, Kaapstad. Tyd Vrydag: 6 nm.-11 nm.; Saterdag: 11 vm.-4 nm. en 6 nm.-11 nm.; Sondag: 12 nm.-5 nm. Koste Vanaf R125 p.p. vir ’n dagkaartjie – dit sluit ’n bierproe in. Daar…

Skryf 14 November in jou dagboek! Dis die grootste volmaan van die jaar en ook die naaste wat die volmaan vanjaar aan die Aarde kom. Trouens, dis die naaste wat die volmaan aan die Aarde gaan wees sedert die begin van die 21ste eeu. Daar gaan eers weer oor 18 jaar ’n volmaan só naby wees. Die wentelbaan van die Maan om die Aarde is effens ellipties. Dit veroorsaak dat die Maan elke maand effens verder van ons af beweeg en dan weer effens nader. As volmaan saamval met wanneer die Maan naby sy naaste punt is, praat sterrekundiges van ’n perigeum-volmaan. Teenoor die kleinste volmaan, bekend as die apogeum-volmaan, is die perigeum-volmaan 14% groter en 30% helderder. Die gemiddelde afstand van die Maan op sy verste punt tot by…

Ek het ’n keer op die rand van die Makgadikgadipanne gesit en luister na die veraf gebrul van ’n leeu. Dit het toe vir my soos ’n vreemde plek gevoel om grootkatte te sien – dit lyk met die eerste oogopslag na ’n lewelose plek. Ek was eers jare later bevoorreg genoeg om ’n leeutrop op die panne te siene te kry. En om dié manjifieke diere op die uitgestrekte soutpanne te sien is ’n herinnering wat my altyd sal bybly. ’n Mens kan nie help om te wonder hoe oorleef roofdiere in ’n plek soos dié nie. In der waarheid is roofdiere opportunisties en baie aanpasbare diere as dit kom by klimaat en kosvoorkeure. Hulle kan in ’n groot verskeidenheid habitats hou, insluitend een wat so ongenaakbaar voorkom. Die…

’n Ryk geskiedenis Die Tuli-wildreservaat is ’n natuurlewebewaringsgebied waar grasland, oewerwoud, moerasgrond, oop vlaktes en sandsteenkranse beskerm word. Dis nie net ’n unieke wildernisgebied met ’n oorvloed natuurlewe nie, maar het ook ’n ryk argeologiese geskiedenis. Steentydperkmense het hier gebly, as die voorlopers tot ’n reeks beskawings wat die Mapungubwekultuur van die 12de en 13de eeu insluit, asook die Zimbabwe-beskawing. Baie vroeë ontdekkers en jagters het deur die Limpopo-, Macloutsie- en Shasherivier beweeg en daaroor geskryf. Teen die einde van die vorige eeu het die Rhodesiese pioniersmag met die Pitsanirivier langs gereis op pad na Fort Tuli en daarna tot in wat later Rhodesië geword het. Gedurende die Anglo-Boereoorlog het skermutselings tussen Boere- en Britse magte in die Tuli-gebied plaasgevind, ook die Slag van Bryce’s Store op 2 November 1899.…

Minkie Jonker, my skoonma, se stories oor haar oupa “grosspapa” Johannes Krapohl het my nog altyd geboei. Dié se oppasser het hom glo as klein seuntjie deur die Oranjerivier geabba toe sy sendelinggesin gedurende die Hereroopstande in Namibië na Suid-Afrika gevlug het. Ná Minkie se dood het ek bokse ou familiefoto’s geërf, onder meer dié een (die “Toe”-foto) wat in 1921 geneem is. Hier staan Johannes se vrou, Johanna, hulle dogter Elfrida en ’n vriendin voor hulle huis op hulle plaas, Abbasas, naby Concordia in die Noord-Kaap. “Abbasas” beteken “deurdra” in Nama. Ons het vroeër vanjaar die Namakwa-4x4-ekoroete in dié omgewing gaan ry in die hoop om meer oor die Krapohls te leer. Die kaart van die roete verwys na die “Abbasas-plaashuis” maar ons het nie verwag om veel meer…