Innehållsförteckning för November 2015 från Weg!

Ek hou van die Grieke. Dis hulle wat ons wêreld verryk het met die Olimpiese Spele, marathonne, demokrasie, filosofie, mitologie, Trojaanse perde, Spartaanse krygers en, die beste van alles, soevlaki en baklava. As ’n laerskoollaaitie het ek my klaar gelag vir Asterix en Obelix toe hulle die grootkop- Romeinse atleet Gluteus Maximus, aan’t oefen vir die Olimpiese Spele in Athene, in ’n woud raakdraf en sy agterent skop. Op hoërskool was Alexander die Grote, wat dieselfde aan die Perse gedoen het, een van my helde. En op universiteit het Aristoteles en Plato in Politiek 1 mý maximus gesool omdat ek probeer het om met die minimus werk op my gluteus deur te skraap... Dis seker te verstane dat Griekeland en sy eilande my oë sou laat glinster toe ek en…

Ek weet nie van jou nie, maar ek het lanklaas na die Australiese groep Midnight Oil geluister. Ek het die agterpaaie tussen Hoedspruit en Nelspruit in ’n nuwe KIA Sorento verken toe “Dreamworld” oor die radio speel. “So shut that buckle and turn that key again. Take me to a place they say the dreaming never ends,” het die kaalkopsanger Peter Garrett hardop gesing. Dit het na ’n gepaste klankbaan vir my avontuur geklink en ek het ’n knoop in my oor gemaak om my Diesel and Dust-CD af te stof sodra ek terug by die huis is. ’n Week later was ek agter die stuur van ’n Subaru Outback – hierdie keer op reis deur die Dinokeng-natuurreservaat noord van Pretoria. Ek het “Dreamworld” intussen op my iPod gelaai en…

DIE TOERPRYS SLUIT IN Hoe lank is die toer? 12 dae, 11 nagte. Wanneer? 20-31 Julie 2016. Vertrekpunt Plumtree-grenspos, Zimbabwe. Eindpunt Die Victoriawaterval. Blyplek In lodges, en 2 nagte in ’n huisboot op die Karibameer. By die Manapoele slaap almal in safaritente. Prys R29 750 p.p. (30% ekstra vir mense wat nie deel nie). WAT MOET EK BRING? WAT JY KAN VERWAG? DAG 1 Ons ontmoet by die Plumtree-grenspos tussen Botswana en Zimbabwe. Hiervandaan is dit twee uur tot by die lodge waar ons twee nagte sal oorbly. DAG 2 ’n Spesialistoergids sluit by ons aan, wat ons sal vergesel tot by by World’s View of Rhodes’ Grave in die Matobo- nasionale park. DAG 3 Ons vind ons…

1 Lesoba-gasteplaas Die R711 tussen Clarens en Fouriesburg is een van die mooiste paaie in die Oos-Vrystaat. Hier is uitsigte oor valleie met golwende grasvelde en populiere in die vertes en reuse-sandsteenkranse, en jy kan oorloer Lesotho-in. Die Lesoba-gasteplaas lê aan die voet van dié einste kranse, wat lyk asof hulle krone dra. Hier is ’n sandsteenformasie wat koningin Victoria heet. Gaan stap laatmiddag een van die twee staproetes deur die mooiste dele van die plaas en kyk bo van die kranse af hoe die skaduwees langer raak doer onder en Lesotho se berge donkerblou raak agter jou. Of gaan sit langsbeen op jou stoep of op die kant van die dammetjie voor die huise en tuur oor die vallei onder jou. Waar bly ek? Hier is vier sandsteenhuisies langs…

E en van die eerste vrae wat besoekers gewoonlik aan ’n Kaapsehoper soos ek vra, is: “Bly jy régtig hier?” En die tweede is: “Nou maar hóékom bly jy hier?” Kaapsehoop is ’n popspeeldorp, met ’n paar dinge wat selfs die plaaslike inwoners verward laat. Eerstens verklap die dorpsnaam niks daarvan dat die plekkie met sy hand vol grondstrate eintlik op die platorand van die noordelike Drakensberg in Mpumalanga lê nie; dit word in dieselfde asem as die Laeveld genoem, maar is sowat 1 000 m hoër bo seevlak as Nelspruit; en so Sondagstil soos dit op weekdae is, so woel dit oor naweke. En dan is daar die weer, om Ernest Hemingway aan te haal. Die son kan in die Laeveld skyn, dan ry jy die berg se mismantel…

Kyk hoe swerf hulle Die woord “planeet” kom van die Griekse woord “planan” wat “swerwer” beteken. Dis vandeesmaand duidelik waarom dié naam destyds gekies is – die planete se relatiewe beweging tot mekaar is mooi sigbaar. Venus is al vir ’n paar maande die helder “oggendster” in die ooste. Vroegopstaners, maak ’n nota: Op die oggend van 26 Oktober skuur die twee helderste planete, Venus en Jupiter, binne een graad verby mekaar vir ’n opvallende groepering. Jy sien dit die beste ’n uur voor sonsopkoms. Venus jaag dan sy volgende teiken na en bereik dit op die oggend van 3 November. Dan sit Venus en Mars ’n driekwartgraad uitmekaar. Maar dan kom wys die Maan sy spoed! Tussen 6 en 8 November beweeg die Maan geleidelik deur hierdie statige stoet…

Ek het eendag ’n snaakse storie gehoor van ’n buitelandse gas by ’n safarikamp wat die personeel gevra het om ’n “akkedis” uit haar kamer te verwyder. Sy moes toe hoor dis waarskynlik ’n geitjie en is terug kamer toe. ’n Halfuur later het sy teruggekom en geëis dat die reptiel verwyder word, anders gaan sy huis toe. Eers toe is besef die “geitjie” is ’n veldlikkewaan van meer as ’n meter wat haar aangluur! In der waarheid is veldlikkewane naas die waterlikkewaan die grootste akkedis in Afrika. Die veldlikkewaan se kenmerkende eien› skappe is dat sy stert effe korter as sy lyf is en dat sy lyf silindervormig is. Waterlikkewane se stert kan tot 1,5 keer so lank soos die lyf wees en die lyf is platter. Die veldlikkewaan…

KAAPSTAD: MIDDESTAD Kaapstad se bekendste baken is natuurlik Tafelberg. Die maklikste manier om bo te kom is met die sweefspoor. Dit kos egter ’n pretty penny – R125 p.p. (R240 retoer) en R60 per kind (R115 retoer). Stap is gratis, maar Tafelberg is ’n bielie en selfs die mees direkte roete boontoe (met Platteklipravyn langs) kan jou uit en tuis 4-5 uur neem. Die alternatief: Leeukop. OGGEND Maar eers, ’n stewige ontbyt. Die Duitse Dinkel-bakkery ( 021 424 3217; dinkel.co.za ) is op pad Leeukop toe. Ry met Kloofnekweg (dis die verlenging van Buitengracht) op en kyk net ná die St. Michael’s-bushalte uit vir ’n bruin dubbelverdiepinghuis links. Hier’s ’n verskeidenheid broodrolletjies, soetgebak en koffie. Koop sommer iets te peusel vir jou stappie of piekniekkos vir later.…

Die NUTRiBULLET vermeng tjoef-tjaf rou groente, vrugte en neute sodat jy dit op ’n voedsame en verteerbare manier kan geniet. Die 600W-motor en gepatenteerde lem met sy unieke aksie verseker dít. Die NutriBullet is maklik om te gebruik en laat gesonde kos nóg lekkerder smaak. Gaan na www.nutribullet.co.za of bel 0861 777 997 vir meer inligting en bestellings – aflewering is gratis. TEKEN SÓ IN GEDRUKTE UITGAWE R37 P.M.* BEL 087 740 1033 E-POS wegint@media24.com GAAN NA my-mags.com DIGITALE UITGAWE R30 P.M.* BEL 0861 697 827 E-POS support@mysubs.co.za GAAN NA mysubs.co.za/magazine/weg 14 intekenare wen elkeen ’n Nutribullet. Die aanbod eindig op 17 November 2015. Alle aktiewe intekenare in Suid-Afrika kom in aanmerking vir die prys en word outomaties vir die gelukstrekking ingeskryf.…

GATSRIVIER-GASTEPLAAS, TANKWA-KAROO Om by Gatsrivier uit te kom maak jy ’n hele paar plaashekke oop, maar dis goed so: Dit breek jou spoed en berei jou voor vir die groot rustig wat by Gatsrivier heers. Ek was onlangs hier vir ’n 40ste verjaarsdagviering. Ons het die hele plek bespreek en tot laataand in die lapa gekuier. Die span kinders het dit gate uit geniet in en om die kampplekke. As jy genoeg agteroorgesit en oor die vlaktes getuur het, kan jy ook na hartelus 4x4-paadjies ry – enigiets van 2 tot 5 uur lank – en stap, fietsry en voëls en plante kyk. Waar bly ek? Die kampplek en huisies lê uitgestrek oor etlike kilometer al teen die Ongeluksrivier (wat ’n sytak van die Gatsrivier is, wat op sy beurt…

Friends Dié plek doen sy naam gestand en jy maak sommer gou vriende hier. Oor naweke tree hier gewoonlik musikante op en word daar tot ounag gekuier. Dis ook die plek vir Saterdagmiddagrugby. Oop Di. tot So.: 10 vm. tot laataand. Toe op ’n Maandag. Kontak 058 256 1058 of soek Friends Restaurant and Pub op Facebook. Roter Hahn Lus vir Duitse kos en bier? Worse soos knackwurst, rindwurst, käsegriller, bratwurst en krakauerwurst word hier afgesluk met Erdinger, Paulaner en Duvel. Prost! Oop Ma., Wo., Vr. en Sat.: 9 vm.-9 nm. Kontak 058 256 1888 Highland-koffie Kom draai hier vir die beste koffie en cappuccino op die dorp! Die koffiemaker, Vincent Ramoolla, is nie ’n opgeleide barista nie, maar het homself goed geskool. Hy het duidelik ’n natuurlike talent. Koop…

H et jy geweet die Malmesbury-museum was eens ’n sinagoge? Gaan kyk ’n slag na die geel geboutjie op regs nes jy die middedorp inry (van Kaapstad af). Die Hebreeus vir “How goodly are thy tents O Jacob” staan vandag nog bo die voordeur. Die eerste Joodse handelaars het hulle glo in die laat 1800’s op Malmesbury kom vestig. Teen die vroeë 1900’s was daar ’n aktiewe Joodse gemeenskap van 40 families en is besluit om ’n sinagoge te bou. Een van die stigterslede van die eerste gemeente, Max Goldman, het die planne geteken en ook toesig gehou oor die bou van die sinagoge in Prospectstraat. Die hoeksteen is op 11 November 1911 gelê. As gevolg van verstedeliking het die Joodse gemeenskap later so min geword dat die sinagoge se…

WENBRIEF Dié horings is mos gekoring! Na aanleiding van Annetjie Carelsen se foto van ’n rooibok met snaakse horings op Weg #132 se brieweblad stuur ek ’n paar soortgelyke foto’s. Al die foto’s is in die Kgalagadi-oorgrenspark geneem. CONRAD DREYER, Vredendal Die veld is inderdaad vrolik! Baie dankie vir die volledige blomkykgids in Weg #130. Ons het die artikel slaafs gevolg en ’n onvergeetlike vakansie gehad – ná die 2 600 km was die tydskrif goed gehawend en vol varkore. Ons het begin by die Ramskop-reservaat op Clanwilliam – die verskeidenheid blomme was oorweldigend. Ons het op die Pampoenfontein-gasteplaas ( pampoenfontein.co.za ) naby Porterville gebly. Dit was nie in die storie nie, maar kon net sowel gewees het. Julle raad oor eet- en blomkykplekke was raakvat –…

2 581 m Die Bidstonepas in die Oos-Kaap. Jy ry met hierdie pas tot by die Tiffindell-skioord. 2 587 m Die Naudesnekpas, ook in die Oos-Kaap. Die gemiddelde gradiënt van die pas is 1:16 (dit beteken jy styg 1 m vir elke 16 m wat jy vorder). Dit is genoem na die Naudebroers wat dit help ontwerp het – hier is ook ’n monument (GPSkoördinate: S30.76354 E28.05673)  vir die broers aan die voet van pas. 2 820 m Die Motengpas in Lesotho is 7,9 km lank en raak nogal gevaarlik in die winter as daar ys op die pad is. 2 876 m Die Sanipas – Suid-Afrika se hoogste pas – het ’n maksimum gradiënt van 1:3. Dié pas tussen KwaZulu-Natal en Lesotho is in 1950 gebou. 3…

Bykans elke dorpie het deesdae sy eie makietie, en die lyne tussen ’n viering en ’n verskoning om gekoring te raak, het vervaag. Maar hier in die Hantam is die grootste fees op die sosiale kalender ná ’n kwarteeu steeds op koers. Die fees se grootste belange is reklame vir die Hantamlam se gehaltevleis, die saamsnoer van ’n gemeenskap en die tentoonstelling van dié mense se hartlikheid teenoor besoekers. Dít neem die vorm aan van ’n naweek lange jol op die skougronde, waar die braaivure nooit geblus word nie, die vleispotte vol bly, en elke dag met ’n langarm-opskop eindig. Wil jy dans? Buiten die twee Klipwerf-orkesdanse op die feesprogram is hier die Donderdagaand vóór die fees ook al ’n dans by die gholfklub. Die tema is “cowboy”, die feessanger…

CATHY WITHERS-CLARKE Nikon D7100 Sigma18-250 mm-lens CATHY SKRYF: Ek het hierdie toneel in die Addo-olifantnasionale park afgeneem. Dit was ’n la-a-ang dag – ons was vroegdag al in die park toe die hekke oopgemaak het. Op pad uit het ons op hierdie groepie olifante afgekom wat rustig in gelid in die pad stap. Die kleintjie moes wel ’n paar ekstra treetjies gee om by te hou! Dit het gelyk asof hulle ook ’n lang dag gehad het en bly was om huiswaarts te keer. SHELLEY SÊ: Cathy se komposisie is perfek hier, met genoeg pad sigbaar op die voorgrond sodat dit jou oog kan lei na waar die olifante stap. Die sluiterspoed was 1/800 van ’n sekonde, wat gesorg het dat als mooi skerp in fokus is. Sy het haar…

Ek kan enige tyd van die dag ’n glas vonkelwyn drink, maar dis vir my die lekkerste met ’n laatontbyt. Buiten dat dit by dié soort ontbytmaal pas, voel dit luuks om borrels voor middagete te geniet – soos ’n mens op ’n naweek moet voel. Gerookte salm en vonkelwyn is ’n klassieke kombinasie. (In Suid-Afrika noem ons dit nie sjampanje nie, maar ons weergawe, Méthode Cap Classique – of dan MCC – is eintlik maar dieselfde ding.) Salmviskoekies pas uitstekend by van ons beste MCC’s: JC le Roux Scintilla 2008 (R175). Dis goeie waarde vir geld: Die 60 maande wat dit op die moer deurgebring het, gee aan die drankie genoeg rykheid om ’n hollandaisesous te hanteer en suurheid om die vetryke vis te balanseer. Vir soeter geregte is…

JOHANNESBURG-DIERETUIN Goudstadse ouers mik op ’n sonnige dag dikwels net na een plek met hulle kinders: die dieretuin! Hier kan jy om die wêreld reis op net ’n Saterdagoggend. Van die Amasone se reënwoude tot die grasvelde van Afrika. Die diere se kampe is skoon en ruim en die dieretuin self is een van die mooiste stukke grond in die stad, met grasperke, hoë bome wat lang skaduwees maak en uitsigte oor die woonbuurte Westcliff en Saxonwold. Hier kan Boeta sien hoe groot ’n tarantula en hoe klein ’n dwerg› seekoei regtig is. Elke uitstalling het biologiese en bewaringsinligting oor elke spesifieke spesie; dus leer die bloedjies ook iets. Wat’s nuut? Die dieretuin se nuutste inwoners is die in die Amasone› kamp, wat verlede jaar geopen is. Hier kan jy…