Innehållsförteckning för September 2017 från Weg!

Verreweg die beste 4x4-toer van ons lewe! Ons gesin was in Junie op Weg en Mpafa se trans-Botswanafototoer. My man Aleck (70) het geen idee gehad hoe sleg die paaie daar is nie. Ons bons op en af soos balle in die Lottomasjien. Ons skree “links, hou links” en “trap rem”, maar my man gee net vet. As die spoedbeperking 120 km/h is, is dit wat ons ry ongeag reuse-slaggate en diere (wild of mak) in die pad, want die ou man het sy ore aan maar nie “aan” nie! Gehawend kom ons elke dag in die kamp aan, waar ons ingewag word deur die vriendelike glimlagte van ons medetoerlede. Dan begin die stories en gelag en gekuier om die kampvuur met ’n glasie G&T of sommer net gewone 5…

JOHAN VISSER van Somerset-Wes skryf: Ek het dié diertjie op Struisbaai se strand raakgeloop. Hy het stil gelê, maar toe ek nader kom, het hy weggebeweeg. Is dit ’n soort seester? Die seelewekenner GEORGINA JONES antwoord: Die veerster behoort tot dieselfde familie as seesterre. Ek het nog nooit een op die strand sien stap nie. ’n Mens sien hulle onder die water swem met hulle “arms”. Ek neem aan dis hoe hy op die sand gestap het. Ek is verras dat dié arms sterk genoeg is om die gewig te dra – veersterre rank gewoonlik vas aan iets met hulle tentakels en wuif met hulle arms deur die water om plankton te vang. Die arms kan kos vang en nou en dan ’n entjie swem, maar gewoonlik bly veersterre op…

Philipstown is bekend vir sy jaarlikse Draadkarfees, maar verder is dit tussen niks en nêrens, oftewel die Vanderkloofdam en die N1, afhangende van hoe jy ry. Dié fees is vanjaar op 2 September, met onder meer ’n pretloop om geld in te samel vir borskankerbewusmaking. Hennie Fourie en haar man, Phillip, woon nou al drie jaar in Philipstown. “Met my naam moes dit óf Philipstown óf Philippolis wees,” spot Phillip. Hulle boer selfonderhoudend net buite die dorp. “Ons kan asemhaal hier,” sê Hennie, “ons wou skuldvry kom leef.” Sy bestuur ook die Philipstown-koffiewinkel in ’n groot vertrek wat voorheen deel van die aangrensende motorhawe was. ’n Stukkie van dié geskiedenis staan nog op die vloer naby die rakke vol tweedehandse boeke: ’n NSU Prinz-karretjie wat dekades gelede in Wes-Duitsland vervaardig…

‘Nou was ék die Bartolomeu Dias van Hartenbos se strate. Dias het sy karveel gehad; ek my Raleigh.’ Trrrrrrr, gly die bande oor die teer wanneer jy free met jou arms na weerskante toe uitgestrek. Dan is jy skielik aan die onderkant van die bult. Jy skuif die bal van jou kaal voetsole verbete op die pedale en jy tráp. Onder jou swaai die fiets reëlmatig links-regs, links-regs. Die vel op jou linkerknie voel styf en seer elke keer wat jy trap – die valplek van vroeër begin nou ’n roof word. Jy tráp, want jou ma het gesê jy moet voor donker by die huis wees, anders gaan jou nerwe afgetrek word. Maar eers is daar nog ’n bult waar jy wil af, die een voor die Boonzaaiers en…

BUISSAKKE ’n Buissak bly ’n belangrike reisstuk wanneer jy gaan kamp. Hier is vier gewilde keuses. 1 K-Way Evo ’12 Gearbag As jy ’n eenvoudige, bekostigbare dog duursame buissak soek, is die K-Way Gearbag ’n goeie roep. Dis beskikbaar in verskeie kleure en vier mates: klein (35 ℓ), middelslag (60 ℓ), groot (85 ℓ) en ekstragroot (140 ℓ). Ons verkies die middelslag-grootte omdat hy nie te swaar is nadat jy hom vol naweekklere gestop het nie. Die sak is ongelukkig nie waterbestand nie, maar jy kan hom saam met ’n skeppie Omo in die wasmasjien gooi as hy vuil is. Volume 60 ℓ R600 by Cape Union Mart 2 First Ascent Dry Bag Hengelaars en kajakroeiers, staan nader. Hierdie bekostigbare droësak is gemaak van duursame PVC en hy sal dryf…

Edward Duckitt neem gewoonlik trou- en portretfoto’s, maar toe ’n seldsame donderstorm Kaapstad nader, het hy geweet hy het die geleentheid om ’n unieke landskaptoneel vas te vang. Kapenaars is nie gewoond aan donderweer nie – in die Moederstad is ’n gesous meer aan die orde van ’n wintersdag. Met die eerste teken van die storm is Edward na Vlaeberg en het hy sy kamera en driepoot opgestel om noordoos oor Tafelbaai te kyk. Hy het agtereenvolgende foto’s geneem met ’n sluiterspoed van 13 sekondes elk en gehoop om soveel as moontlik ligslae vas te vang. Dié foto is ’n samevoeging van drie foto’s. “Die storm het na die weste van die baai beweeg, en nie eens ’n druppel het op my geval nie.”…

As ’n vryskutjoernalis is ek verplig om elke ervaring deeglik te toets, ter wille van die leser. Toe ek dus hoor Umziki Chalets net buite die dorp Jozini het ’n 58 m lange waterwurm, het my joernalistieke integriteit my geen ander keuse gelaat as om verder ondersoek in te stel nie. By Umziki gekom, was die pomp egter af, en die waterwurm dus eintlik net ’n swembad. Maar toe ek aan die bestuurder, Manuel Rodrigues, verduidelik hoe belangrik dit is dat ek sélf die wurm uittoets, het hy die hele ding aangeskakel – net vir my. As iemand wat feite noukeurig nagaan, moes ek ’n paar keer by die wurm afgly om seker te maak die hele ervaring is wel lekker. (Dit is!) Toe moes ek nóg ’n paar keer afgly om die…

Uile: 1; Warm water: 0 Ons het ’n familieplaas anderkant Dwaalboom, wes van Thabazimbi. In die wintermaande boer ons hele familie oor naweke daar. Daar is ’n kuierlapa en ’n donkie sorg vir warm water. In April vanjaar is ons genoop om ’n gróót opoffering te maak: Twee nonnetjiesuile het in die donkie se skoorsteen nesgemaak. Hoe nou? Daar word gestem en die uiltjies wen loshande. My broer Stephan kom tot ons redding. Hy bring sy handstort wat met sonkrag werk en ons maak die water in ’n jerrykan warm langs die vuur in die lapa. Naweek ná naweek druk ons deur. Die vyf uiltjies broei middel Mei uit en lyk pragtig in spierwit donsies. Ma en Pa dra fluks muise aan en teen die einde van Mei kom die…

Die Hole-in-the-Wall aan die Wildekus is een van Suid-Afrika se bekendste bakens. Die fotograaf Jason Stander van Polokwane het dié rotsformasie die eerste keer gesien op ’n fototoer na Koffiebaai en het later saam met sy gesin teruggekeer. Hy was vasbeslote om ’n unieke foto van hierdie baken te neem en het elke oggend voor sonsopkoms afgesit strand toe. Jason het dié foto op die derde dag geneem. “Die hemelruim was aan die brand en ek het geweet ’n silhoeët sal die beste werk,” vertel hy. Hy het ’n stadige sluiterspoed gebruik en drie foto’s geneem wat hy later op sy rekenaar saamgevoeg het. Die stadige sluiterspoed het die beweging van die water goed vasgevang.…

Met die Suiderkruis wat tans op sy sy lê, en die kenmerkende“wysersterre” reg daarbo, is dit ’n goeie tyd om ’n baie besonderse sterrebondel met jou verkyker te soek. Dié sterrebondel, bekend as Omega Centauri, is die grootste en helderste bolvormige sterrebondel in die naghemel. Ons is baie bevoorreg, want dit is slegs van die Suidelike Halfrond af sigbaar. As jy op ’n redelike donker plek is, behoort jy dit selfs met die blote oog te kan sien: Dit sal lyk soos ’n sterretjie wat uit fokus is. Maar trek ’n verkyker of teleskopie nader en jy kan dit baie mooi sien. Met ’n groter teleskoop sal jy individuele sterre ook kan uitmaak. Gebruik die skets om dit te kry: Omega Centauri vorm ’n driehoek met die Suiderkruis en sy…

Waar is die paradys? Is dit waar my tent nou staan, in ’n veraf hoek van Tanzanië, hier langs die spieëlgladde Tanganjikameer waar die water warm, die bier koud en die kos goedkoop is? Of is dit waarheen ons oormôre ry, suid na die Katavi- nasionale park, waar die oorvloedige wildernis jou onkant betrap met ’n modderpoel waarin honderde seekoeie lê en wag vir die eerste somerreën? Wat van nog ’n dag of wat verder teen die meer af, by ’n vissersdorpie genaamd Kipili, waaroor die ruïne van een van Afrika se oudste sendingkerke waghou? Of is die paradys ál hierdie plekke én padlangs? Dalk is die karpak, die tentopslaan, die vrugte koop by straatmarkte, en selfs die glimlag wat jy jouself gee wanneer jy lank in ’n grensposry moet…

Die Outlander is kleiner as ’n Toyota Fortuner, maar groter as ’n Suzuki Vitara. Op die oog af klink dit na ’n ideale grootte, want daar is nie veel kompetisie in die gaping tussen kompakte en middelgewig-sportnutsvoertuie nie. Met ’n verkoopsyfer van slegs sewe voertuie per maand is die Outlander egter Mitsubishi se swakste verkoper in Suid-Afrika. Wat is fout met die Outlander? Eerlikwaar nie veel nie. Hy’s aantreklik – veral ná die ontrimpeling in Februarie vanjaar. Hy het ’n nuwe INVECS-III-palwisselratkas (CVT) met ’n sesfase-ratwisselaar wat aansienlik beter werk as tevore. Ek is nie gaande oor palwisselratkaste nie, maar dié een is lofwaardig. Ek het nie eens geweet dat my toetsmotor ’n CVT-ratkas het totdat ek deur die boekie geblaai het nie. Die viertrekstelsel bring ook sy kant. Mitsubishi…

WAAR? DWARSBERG TROUT HIDEAWAY, RAWSONVILLE, WES-KAAP 8-10 SEPTEMBER 2017 KOSTE Basiese koste R950 p.p. vir die hele naweek. Bespreek jou plek en bring jou eie woonwa of tent teen geen bykomende verblyfkoste nie. OF KIES EEN VAN DIÉ VERBLYFOPSIES:  *Kothuis +R1 300 p.p. vir die hele naweek (verskeie kothuisopsies is beskikbaar – vra wanneer jy bespreek) *Basiese tent +R1 350 per tent (2 mense) vir die hele naweek (sluit 2 matrasse in) *Middelslag-tent +R2 250 per tent (2 mense) vir die hele naweek (sluit in: 2 beddens met beddegoed, ’n bedkassie en 2 kampstoele) *Luukse tent +R4 950 per tent (2 mense) vir die hele naweek (sluit in: 2 beddens met beddegoed, ’n bedkassie, 2 kampstoele en ’n storthokkie) WAT IS NOG INGESLUIT? • Versnaperinge en wyn (Vrydagaand) • Ontbyt albei oggende…

Hiert! ’n Kolkat slaan toe... Ek en my vrou ry een middag met die S29 van die Mlondozipiekniekplek af in die rigting van Onder-Sabie-ruskamp. Daar was nie baie diere te siene nie. Ons bekla nog so ewe ons lot dat ons nog nooit ’n vangs in die wildtuin gesien het nie... Skielik spring ’n luiperd onder ’n bos regs van die motor uit, hardloop oor die pad en vang ’n rooibok! Die arme rooibok het nie mooi geweet wat haar tref nie. Die luiperd sleep die rooibok oor die pad in die koelte van ’n boom in waar hy die bok doodmaak en begin vreet. Ons het die petalje sowat 40 minute lank dopgehou. IG EN RINA VAN ROOYEN, Witrivier Kyk so ’n spieshengelaar Dié slanghalsvoël het op ’n droë…

Waar kom jou liefde vir die natuur vandaan? Toe ek jonk was, het ons gesin gereeld langs die Umtamvunarivier in die Wildekus vakansie gehou. Ek en my broer het kilometers ver rivieraf geroei tot ons by die monding gekom het, en weer al die pad terug. Later het ons ook in die bos naby Warmbad vakansie gehou – ek onthou hoe ek in die veld gestap en langs die pad die mis van die verskillende soorte wild leer uitken het. Iets wat nie met die natuur te doen het nie, maar wel bygedra het tot my sin vir avontuur en verkenning, was toe ek as agtjarige in Johannesburg ’n BMX gekry en die omliggende buurte saam met my maats verken het. Hoekom dié hardloop-uitdaging? Ek wou ’n landloop-uitdaging doen omdat…

In 2018 neem Weg en Mpafa Travel se fototoere jou na die kanale van die Okavango, die duine van die Namib, die blomme van die Weskus en die bergspitse van Lesotho. Die toerleier is ’n ervare avontuurgids en natuurbewaarder en ’n professionele fotograaf toer saam. Kom beleef die heel beste wat Afrika bied én verbeter jou fotoneemvaardighede en -selfvertroue. LESOTHO Die toer begin in die Oos-Kaap – ons ry deur die Maluti’s op tot in Lesotho – en eindig as ons met die Sani-pas terugry tot in Suid-Afrika. In die laatsomer is Lesotho vol mooi groen kosmos, waterstrome en watervalle. ’n 4x2-voertuig met goeie grondvryhoogte is goed genoeg. WANNEER? 17-23 MAART 2018 HOE LANK IS DIE TOER? 7 dae, 6 nagte HOEVEEL KOS DIT? R11 650 p.p. (Formele verblyf; en…

ANNÉNE MARÉ @adventure_annene Nikon D3100 Nikon 18-55 mm-lens ANNÉNE SKRYF: Ek en my broer het een oggend besluit om na die sonsopkoms oor die Blyderiviercanyon te gaan kyk. Ons het (op pad na die Krugerwildtuin) by die Blyde Canyon Forever Resort oornag en ek het dié foto op die Luiperdstaproete geneem. Ek het eers gesukkel om ’n lekker foto van die sonsopkoms te neem en het eintlik moed opgegee, en besluit om dit eerder met my oё te waardeer. Op pad terug wou my broer nog ’n laaste keer by een van die uitkykpunte stilhou. Ek het ’n paar meter aangestap en toe ek hom wou roep, het ek skielik die prentjie gesien wat ek eenvoudig móés vasvang. Die boom het die son perfek geblokkeer en ek kon my broer…

Leeukop is ’n gepaste agtergrond vir die bekroonde President Hotel in Bantrybaai. Hierdie luukse oord lê reg langs die Atlantiese Oseaan en net ’n klipggooi van Kaapstad se middestad af. Die viersterhotel het 349 kamers wat kontemporêre elegansie en gemak met ruimheid kombineer. Die President Hotel bied gaste diens en geriewe van wêreldgehalte. Die konferensiegeriewe het moderne infrastruktuur en blitsvinnige Wi-Fi. Kom beleef die vars seelug, ’n uitsig oor die Atlantiese Oseaan en heerlike kos. Ontspan langs die hotel se swembad of benut die ligging en gaan maak ’n draai op die strand. Bantrybaai is goed beskut teen die Kaapse wind en die hotel beleef heelwat windlose en sonskyndae per jaar. DIE PRYS SLUIT IN: • ’n komplimentêre maaltyd vir twee mense; • ’n nag se verblyf vir twee mense; en • ’n…