Innehållsförteckning för October 2015 från Weg!

Onlangs beland ’n artikel in my e-posmandjie met ’n opskrif wat uitbasuin: “Introverte hou van berge, ekstroverte hou van die see.” Dit blyk Amerikaanse navorsers het tot die aardskuddende gevolgtrekking gekom dat mense wat hou van kuier, die strand bo die berge verkies. Die pieke en valleie lok weer die stiller soort, juis omdat jy jou nie met mense hoef te omring nie. Ek wonder wie betaal vir dié soort navorsing? “Hashtag firstworldproblems,” soos die kinders deesdae sê wanneer Ma kla oor die prys van ’n cappuccino by Woolies. Tog het die e-pos my aan die dink gesit. Is daar so ’n duidelike skeidslyn tussen bergmense en seemense? Bepaal jou persoonlikheid waar jy vakansie hou? Ek sal nou nie Nuwejaarsdag op Clifton se Vierde Strand vir my ’n stukkie sand…

WAAR EN WANNEER? • Stellenbrau, Stellenbosch 21 November (25 plekke beskikbaar) • Copperlake Brewing Company, Broadacres, Johannesburg 28 November (30 plekke beskikbaar) HOEVEEL KOS DIT? • R1 000 p.p. DIE PRYS SLUIT IN • ’n geskenkpak met ’n Weg-voorskoot, bier en Koringberg-olyfolie • Middagete: Dié bier pas by dáái kos • ’n Toer van die brouery • ’n Tapbier as loopdop BESPREEK NOU! Kontak Donvé by 021 443 9830 of donve.myburgh@media24.com…

Die D5500 is taai en reg vir pret! Hierdie kamera se raakskerm kan uitgekantel en verstel word om foto’s uit verskillende hoeke te neem. Hy is liggewig en maklik hanteerbaar – ideaal dus vir kreatief rondspeel. Jy kan op jou maag gaan lê om foto’s in Namakwaland te neem, of die kamera hoog bo jou kop hou as jy by Oppikoppi by ’n konsert is. Wat jy ook al afneem, die 24 megaspikkel-beeldsensor sorg vir helder, duidelike foto’s wat jy met die ingeboude Wi-Fi onmiddellik op Instagram en Facebook kan laai. WENKE EN TRUUKS NEEM DIÉ FOTO Wanneer jy landskapfoto’s neem, moet jy soms probeer om jou perspektief te verander sodat jou foto nie dieselfde is soos honderde ander ooghoogtefoto’s nie. Kniel, lê op jou maag of verlig die voorgrond....…

1 Ry in ’n kabelkar Die oorspronklike sweefspoor (wat in 1973 geopen het) is in 2005 gesluit weens veiligheidsredes. Intussen is die hele sweefspoor – van die karretjies tot die kabels en die beheerstelsels – oorgedoen, en deesdae kan jy weer rustig tot bo-op die berg wieg. Dis ’n totaal anderste ervaring as Tafelberg se sweefspoor. Die Hartbeespoort Aerial Cableway se karretjies is kleiner – elkeen van die 14 karretjies kan net ses mense vervoer – en jy voel nooit so in ’n blik gedruk soos Tafelberg s’n soms kan voel nie. Op pad op (of af) is dit so stil dat jy selfs die voëltjies in die bos onder jou kan hoor. Op die Magaliesberg is netjiese wandelpaadjies met uitkykpunte waar borde vir jou vertel watter bakens (soos die…

Hy staan teësinnig nader, hande bot in die sakke van sy blou oorpak geprop. Maar sy vrou por hom sagkens tot by ons in die kantoortjie agter in die werkswinkel. Hy verduidelik in Duits daar’s dinge wat hy nog wil klaarmaak, en dis byna toemaaktyd. Sy antwoord hom nie, gee net ’n beker koffie aan. Oom Hilmar (80) gaan sit. “Ek het in 1956 Suidwes toe gekom van Duitsland af en ’n kontrak gekry om in die Otjiwarongo-distrik te boer. Maar dit was in ’n droogte, toe word ek ’n lorriedrywer wat saam met ’n span padbouers van Okahandja af tot by Karibib trek. Ek’t ook sweiswerk gedoen, masjinerie herstel… en toe ontmoet ek dié Swakopmunder een aand by ’n dans op Karibib. Sy het alleen daar rondgeloop.” Hy loer…

Stuur vir ons jou beste reis- en natuurfoto’s! Ons fotokompetisie staan einde se kant toe. Jy het nog ’n laaste kans om een van ons twee kamerasakpryse te wen. Ons hou van álles: wildlewe, landskapfoto’s, portrette, vakansiefoto’s en goggas en blomme in jou tuin. Kom nou, stuur daai foto’s van jou laaste vakansie in die Kruger. Of daardie snaakse geitjie bo jou TV. HOE? Stuur jou beste foto’s na menseselense@weg.co.za  Moet asseblief nie groter leggers as 4 MB stuur nie – indien ons dit groter nodig het, sal ons dit aanvra. Verskaf asseblief die naam, van, dorp en kontaknommer van die fotograaf. Sluit ook inligting in oor waar en hoe die foto geneem is, en watse toerusting gebruik is. Sê ook of daar enigsins aan die foto gekarring…

KAN JY DIT AL RUIK? Die botter en kaneel vir volgende jaar se Nasionale Melktertdag... Hier in die Weg-kantoor kan ons nie meer wag nie! Dié dat ons nou al begin melkterte gesels. Maar dit het nie net by ’n gepraat gebly nie – Weg het vir Nasionale Melktertdag 2016 ’n kompetisie bedink en ons wil hê jý moet inskryf! Ons is op soek na die land se voorste melktertbakkers, ons eie sogenaamde Springbakspan. Is jy die bewaarder van die béste, eg Suid-Afrikaanse melktertresep? Rol jy nostalgie by jou skilferkors in? Moet dan nie langer wik of weeg nie – gooi nóú jou naam in die hoed! HOE WERK DIT? Weg oorweeg al die inskrywings wat ons ontvang, waarna daar dan met ’n kortlys van deelnemers telefoniese onderhoude gevoer sal…

Het iets jou ooit bang gemaak? Net een keer... Ek het een aand my tent in ’n grot opgeslaan en toe ek wou slaap, verskyn twee figure in die opening van die grot. “Pak jou goed,” het hulle gesê. Ek was aan die verkeerde kant van die grot en moes saamspeel. Ek het gedink ek is my rugsak en ander toerusting kwyt, maar in plaas van laat spaander met my sak, stap hulle ’n uur lank saam met my in die donkerte tot by ’n netjiese kampplek by Mbotyi. Die locals is ongelooflik gasvry. En dít sal my baie langer bybly as die grootse landskap waarlangs ek gestap het. Hoekom self stap? Hier’s baie gidse wat mense op begeleide staptoere neem langs die kus, maar die lekker ding van self…

ANCIA DU PLESSIS van Modimolle skryf: Dié bladspringer het pas verdop. Hy was pienk-en-oranje toe ek hom die eerste keer gewaar. Hy smeer toe met sy agterpote iets oor sy hele lyf. Kan die groen goed sy uriene wees? Sekondes later het hy van kleur verander. Op die foto’s kan ’n mens mooi die verloop van dinge sien. Die insekkenner DUNCAN MACFADYEN antwoord: Die bladspringer salf homself met brochosome. Brochosome is mikroskopiese korreltjies met ingewikkelde strukture. Bladspringers skei elke keer as hulle verdop, die stof af om die liggaam te bedek met die sferiese wasstrukture. Dis regtig uniek; die laag is ook waterbestand. Die korreltjies is die eerste keer in 1952 met ’n elektronmikroskoop raakgesien. GYS MULLER van Nelspruit skryf: Ek het dié wurm in my erf in die herfsmaande…

The Cabin The Cabin naby Clocolan is meer mall as padstal. Buiten die oorspronklike padstal met sy puik restaurant, hordes handgemaakte goed en tuisgemaakte produkte is hier ook vier ander winkels wat onder meer klere, donsprodukte, geskenke en kussings verkoop. Maar moenie bekommerd wees nie: Jy is nie hier tussen mure en roltrappe vasgekeer nie. O nee, jy word omring deur die Oos-Vrystaatse grasveld, sandsteenkoppies en stanings populierbome. Bring tog jou bergfiets saam, want hier is drie sirkelroetes (tussen 6 km en 25 km) deur dié mooi omgewing. Dele van die roete kan van die padstal se stoep af dopgehou word. Die burgers kom met ’n hele hoop tjips (vanaf R50) en die sjef het ’n lekker swaar hand as dit kom by pizzas se toppings (vanaf R80). The Cabin…

DIGITALE UITGAWE R30P.M. * BEL 0861 697 827 E-POS support@mysubs.co.za GAAN NA mysubs.co.za/ magazine/weg EN KRY KLASSIEKE WEG! GRATIS Teken in op die digitale uitgawe van Weg en kry ’n digitale uitgawe van * Klassieke Weg, ’n keur uit Weg se beste reisstories. Namibië 2015 en Neem beter foto’s 2014. * Kan ook apart bestel word. Die aanbod geld tot 20 Oktober 2015. Bepalings en voorwaardes geld en is beskikbaar by weg.co.za. Vir navrae oor gedrukte weergawes, bel 087 740 1033 of stuur ’n faks na 021 405 1020. Vir buitelandse navrae bel +27 021 065 0033. Let wel: Indien jy ’n e-posadres verskaf het, sal jy promosie-inligting van Media24 ontvang.…

Waar het jou liefde vir diere ontstaan? Ons het twee honde en ’n kat gehad, asook ’n paar kleiner outjies wat deur die huis beweeg het, of in die solder weggekruip het, of weggevlieg het, of onderstebo in ’n bak gedryf het. Ek het die meeste van my kat gehou, want Ling was ’n intelligente Birmaanse kat van ’n goeie teellyn. Hy het elke dag ná skool met my gespeel en elke aand op my bed geslaap. Dit was soos om ’n klein luiperd in die huis te hê. Hoe het jy op dié “onmoontlike vyf” besluit? Was daar ’n kortlys? Die idee het ontstaan tydens baie jare se soek (onsuksesvol) na ’n ietermagog. Dit het my aan die dink gesit oor soogdiere wat ek al probeer opspoor het. Later…

Nico en Stefanie (6) van Vollenhoven “Ons woon op Hartbeespoort, maar ek werk nog naby Johannesburg – ek ry sowat 160 km werk toe en terug elke dag! Maar dis dit werd; dis ideaal vir ons om hier te woon en ons kinders hier groot te maak. Ek hou baie van visvang... dis nou net vir die boot koop!” Riane de Meuse “Ek bly in die Ifafi-woonbuurt in Harties, nou al vir 13 jaar – voorheen was ek in Kempton Park. Dis vir my wonderlik om die berg te sien, en die natuur – ek sien dit elke dag raak en dit bly nog spesiaal vir my.” Ricardo en Micaela de Freitas “Om by Hennops Trails te stap is ’n lekker wegbreek van Gauteng se gemaal en deel. Die paadjies…

En hierdie keer kom Weg saam! Pierre Steyn en Toast Coetzer gaan aan boord wees. Kom geniet ’n spesiale maaltyd saam met nog lede van die Weg-span, kry waardevolle wenke op ’n fotografiekursus en luister na Toast, Weg se reisredakteur, se staaltjies van sy wêreldreise. En saans kuier ons! WAT OM TE VERWAG Dag 1: Vertrek uit Durban Welkom aan boord die MSC Sinfonia! Bêre jou goedjies in die kajuit en vergader op die dek vir ’n vertrekpartytjie. In die middag bied Toast ’n fotografiekursus aan wat jou vakansiefoto’s sal laat uitstaan. Dag 2: Portugese Eiland, Mosambiek Bring die dag deur op ’n sonnige strand, swem in die louwarm oseaan en neem foto’s soos jy geleer het! Teug aan ’n mengeldrankie terwyl die skip se sjef middagete voorberei. Die meer…

Geen twee branders is dieselfde nie, sê die branderryen leefstylfotograaf Alan van Gysen. “Hulle wissel in bui, kleur en vorm, en elkeen vertel sy eie storie.” Alan skaaf al 15 jaar aan sy ambag nadat hy saam met vriende begin branderry en roei het. “ ’n Gewone dag in my lewe begin saam met my drie kinders. Later is daar tyd om te kyk hoe lyk die branders en die see se bui, en om self uit te gaan as ek gelukkig is.” Om ’n brander vas te vang verg geduld en ervaring. “Dis onbeheerbaar; dit wag vir niemand nie,” sê hy. “Jy kan ure deurbring met jou vinger halfpad op die sluiterknoppie en die oomblik sal net so vinnig verbygaan as wat dit gekom het. Soms is die see…

Toe ek my jare gelede in Mexiko bevind, het die kos my meer verstom as die strande. Daar was baie rys, boontjies en handgemaakte mielietortillas op die spyskaarte, maar ek het nêrens ’n chilli popper, hope gesmelte kaas of oorweldigende sterk rissiesouse raakgeëet nie. Inteendeel, die kos was eenvoudig en smaaklik, maar nie sterk nie. En ek kon self kies watter van die souse ek wou probeer. Tot onlangs het dit baie moeite geverg om self lekker Mexikaanse kos te maak, maar deesdae kan jy salsa wat met chipotle (gerookte jalapeñorissies) gegeur word en tortillawraps in die meeste supermarkte kry. Ander geure wat kenmerkend is aan Mexikaanse kos, is sjokolade, lemmetjies, swartbone, avokado’s en suurroom. Maar die hoofbestanddeel van ’n Mexikaanse maaltyd is ’n gees van vrolikheid, mededeelsaamheid en oorvloed.…

Met ’n ekonomieklaskaartjie in die hand soek ek op Kaapstadstasie na perron 24. Hordes oggendpendelaars wikkel verby middestad toe. Maar ek stap stroomop tot by die Shosholoza Meyl – deesdae se Trans-Karoo-trein – en word beduie tot by wa tien, kajuit A. Die gangetjie is smal en die kajuit se slaapbanke en staalwasbakkie spel terselfdertyd avontuur en droefnis. Maar wat, dis skoon en gerieflik en as alles so lekker gaan soos Sonja Herholdt in daai liedjie sê, behoort ons net ná drie vanmiddag op Matjiesfontein aan te kom. Ek kry my sit nes ’n fluitjie iewers blaas. Die Shosholoza Meyl skeur hom los van die stad en stasies skuif verby: Woodstock. Paardeneiland. Ysterplaat. Woltemade. Goodwood. Vasco. Elsiesrivier. Parow. Kort-kort klim nog mense op. Te oordeel na die meeste se pakkaas…

NAWEEKSLYPSKOLE WANNEER? Tulbagh 2-4 Oktober 2015 19-21 Februarie 2016 Drakensberg 4-6 Maart 2016 11-13 Maart 2016 HOEVEEL KOS DIT MY? • R2 960 p.p. • Dit sluit in individuele aandag, kursusnotas en aandetes. • Blyplek en drankies nie ingesluit nie. • Eggenotes is welkom en teen R500 ekstra kan hulle aandetes – Vrydag en Saterdag – saam met die groep geniet. BESPREEK NOU! Bel Donvé Myburgh by 021 443 9830 of stuur ’n e-pos na donve.myburgh@media24.com Kursusgangers kry ook ’n geskenkpak van Cameraland ( cameraland.co.za ) Langstraat 68, Kaapstad…

Kameelperde dra nou GPS’e Dis een van die mooiste buitelewegesigte: ’n Groepie langnekke wat rustig staan en wei. Ongelukkig is dié unieke diere deesdae ook ’n bedreigde spesie. In die middel sewentigs was daar na raming amper ’n halfmiljoen kameelperde in Afrika. Nou is daar volgens skattings net sowat 80 000. Dis waarskynlik omdat die diere gejag word vir hulle vleis en vel in lande waar konflik heers. Daarom het dr. Francois Deacon en sy span navorsers aan die Universiteit van die Vrystaat in 2010 begin om kameelperde in die Kalaharistreek met behulp van GPS-toestelle te monitor. Suid-Afrika is die enigste land wat op dié vlak kameelperdnavorsing doen. “Ons het verskillende tegnieke getoets, onder meer ’n halsbandmonitor. ’n Skyfie aan die oor werk baie goed omdat dit steeds aan die…

Wat behels jou werk? As jy ’n boom in jou tuin het, sal jy een of ander tyd in die boom se lewe daaraan moet raak – óf om te snoei óf om dit af te kap as dit ’n hindernis raak of doodgaan. My werk is ’n kombinasie van kuns en wetenskap: Ons sorg vir bome sodat hulle veilig is en mooi lyk, maar snoei hulle op die regte manier – met die regte tegnieke en toerusting. Waar kom jou liefde vir bome vandaan? Ek stel al sedert my skooldae in bome belang en het toe ’n graad in bosbou aan die Universiteit Stellenbosch gekry. Selfs terwyl ek nog studeer het, was ek altyd betrokke by kleiner werkies rondom bome. En vir boomklim? Ek het sedert 2008 ’n passie…

Die kaartmaatskappy Tracks4 Africa het sy GPS-kaarte onlangs bygewerk. Die nuwe weergawe staan bekend as T4A GPS Maps – Traveller’s Africa 15.10 en kom op ’n mikro-SD-kaart wat in die meeste Garmin-toestelle werk. Jy kan ook kies om net sekere lande se kaarte af te laai deur skakels op die webblad te volg ( tracks4africa.co.za ) Die nuwe weergawe dek ’n allemintige 901 403 km se paaie van regoor Afrika en het ook besonderhede oor meer as 1 600 wildreservate. Jy hoef ook nie net te ry nie: Meer as 14 000 verblyf- en kampplekke en meer as 5 000 eet- en drinkplekke word ook aangedui. Prop in daai GPS en vat die pad! Koop dit R790 vir die volledige stel kaarte op ’n mikro-SD-kaart by uitgesoekte…

1 Silver Orange Bistro Wanneer jy mense in Harties vra waar die beste restaurant is, sal die meeste vir jou sê Silver Orange is die plek (al sedert 2004), vernaam wanneer jy wil gaan uiteet aan die einde van die maand wanneer die salaris-SMS van jou bank deurgebiep het. Ek het – op werksonkoste natuurlik – weggelê aan sushi as voorgereg, eend met swartkersiesous en ’n onwettig lekker grondboontjieroomysnagereg. Dit het die maatskappy R280 gekos en ek’s nie eens jammer daaroor nie. Met ’n tikkie geluk ontmoet jy die eienaarsjef, Leon Nel, by die deur vir ’n handskud – die restaurant is op sy familie se sitrusplaas. Waar? Damdoryn. GPS S25.72265 E27.83312 Oop Di.-Vr. oop vir middag- en aandete; Sa. vir ontbyt ook; So. net ontbyt en middagete. Bespreek vooraf.…

S tel jou voor ’n hengse potjiekospot waarbinne ’n donker bredie onheilspellend spoeg en prut. Elke nou en dan roggel iets diep onder in die pot en jy dink benoud nóú gaan die besigheid ontplof. Maar dan spoeg-spoeg dit ’n bietjie rooi sous en bedaar weer. Ons staan by die bek van die Erta Alevulkaan in die Danakil-laagte in die verre noorde van Ethiopië. Die bek se deursnee is so wyd soos twee Olimpiese swembaddens. Erta Ale – “die berg wat rook” – is al sedert 1967 ’n aktiewe vulkaan. Ons staar ’n hele paar uur na die kokende swart en bloedrooi gat. Twaalfuur die nag lê ek in ’n hut op die kraterrand. Heng, dit was nie maklik om hier uit te kom nie, dink ek net voordat my…

DAGSAKKE 1 Maxed Camo-rugsak Hier’s niks fênsie aan dié 20 liter-sak nie. Dit het nie plek vir ’n waterblaas nie en die rugbande is nie besonder goed gekussing nie, maar dit het ’n ruim hoofkompartement en ’n buitekompartement vir kleiner goed. Daarby is dit nogal ’n mooi knaap. As jy van plan is om elke naweek te gaan stap, het jy ’n duurder sak nodig, maar hierdie ou is doodreg vir die gim of as ’n oornagsak vir jou slaapklere en tandeborsel. R170 by mrpsport.com 2 K-Way Kids Rascal My ouma het altyd gesê: “As jy groot genoeg is om te stap, is jy groot genoeg om jou eie waterbottel en baadjie te dra.” Dan het sy ’n hengse Karrimor-sak op my skouertjies gelaai. Daardie lot sal nie…

Die meeste mense beskryf Mexikaanse kos as “sterk”en dis waar – daar’s gewoonlik heelwat brandrissiegeure. Gelukkig is daar ook gewoonlik ’n goeie skoot romerige koeligheid om ’n bietjie balans aan jou bord te gee. As jy ’n wyn vir Mexikaanse kos kies, is balans net so belangrik. Dit is gewoonlik beter om ’n sagter, vrugtiger wyn te kies wat nie met die sterk en robuuste smake van die kos sal meeding nie. Sjokoladesous saam met steak klink soos ’n vreemde kombinasie, maar as dit reg voorberei word, gee dit die vleis ’n heerlike, soet andersheid. Sit dit voor saam met ’n wyn met soortgelyke geure en genoeg om die lyf om die vleis te kan komplementeer. Probeer die De Krans Touriga Nacional 2013 (R85) – dit word van ’n Portugese…