Innehållsförteckning för August 2018 från Weg!

Daar is een ding wat ’n fundamentele verskil maak aan my gemoed wanneer ek soggens by ons kantoor in die Kaapstadse middestad inloop: die koms van die potgooi, of podcasts soos die meeste mense daarna verwys. Ek het gekies om 40km buite die stad in ’n landelike rustigheid te woon. Salig. Maar die keersy is ’n pendeltog wat, as jy hom verkeerd time, jou bloeddruk en jou hartklop opjaag en jou lewe onnodig verkort. Ek hou nie van vloek nie, maar taxi is beslis ’n vierletterwoord! Om in die oggend na die kletsradiostasies te luister het nie juis gehelp nie. Politiek. Misdaad. Droogte. Resessie. Nuus van nog ’n verdomde minibus wat op die N2 ’n wiel verloor het en wat nou voor jou en duisende ander omgesukkelde mense dwars in…

• Stop heel eerste by elke dorp se toerismekantoor. Kry die jongste blommenuus en ’n kaart van roetes wat jy kan ry. Of bel hulle vooraf om te hoor na watter blomkol julle kan mik. • Kyk vooraf op ’n weerwebblad (soos yr.no) na die weervoorspelling: As die son nie skyn nie, gaan jy nie juis blomme sien nie. • Onthou: Blomme draai altyd hulle gesiggies na die son toe. Bekyk hulle dus uit die noorde, met die son agter jou. POSTBERG IS OOP! Dié deel van die Weskus- nasionale park is elke jaar net in Augustus en September oop en bekend vir plate wit, geel en oranje gousblomme. Pak ’n piekniekmandjie en gaan maak ’n draai. In dié twee maande kan dit nogal bedrywig raak oor naweke; probeer dus op ’n weeksdag…

Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (16 AUGUSTUS) Kaapstad 7.24 vm. en 6.17 nm. Bloemfontein 6.47 vm. en 5.52 nm. Johannesburg 6.36 vm. en 5.48 nm. Durban 6.29 vm. en 5.32 nm. Bron saao.ac.za…

Van waar die liefde vir reis? Ek erf dit by my oupa en ouma. Hulle het altyd met ons familie gereis toe ons grootgeword het, meestal in en rondom Limpopo en Mpumalanga (my tuisdorp is Shayandima, naby Thohoyandou in Limpopo). Ek sou nooit kon raai dat dit eendag my manier van ontspan én my loopbaan sou word nie. Die gogga het vroeg reeds gebyt! Hoe word ’n mens ’n reisblogger? Ek het ses maande lank oor ander reisbloggers gelees en gekyk hoe hulle dit doen. Ek het toe my nismark – bekostigbare reise deur Afrika – gekies. Om Afrika plat te reis was nog altyd my droom en dit het doenbaar begin lyk. Ek het die blog in 2014 begin, maar moes langs die pad baie vaardighede aanleer – soos…

Spieserye deur Jan Spies Tafelberg, 1988 Met ’n storie is dit so: Soms as jy die grootste leuen vertel, kom jy die naaste aan die waarheid, want jy lieg hom oop. En as jy die waarheid vertel, praat jy die wesenheid partykeer toe. Want in die werklikheid sien ons nie altyd die waarheid nie. Jy moet hom eers lieg of swaai tot jy ’n spleet kry waar jy kan inkyk . Aan die woord is Jan Spies (1936-1996), die legendariese Namibiese storieverteller, dosent, letterkundige, boer, radio- en televisiepersoonlikheid en koerantredakteur. Die meeste mense sal hom onthou vir die TV-program Spies en Plessie wat hy saam met wyle P.G. du Plessis in die tagtigerjare aangebied het. En natuurlik vir daardie Cremora-advertensie... Hoewel ’n mens na Jan…

Staproete Besienswaardigheid Eetplek/padstal Die Sederberg se kreukellandskap is uitsonderlik. Hier tref ’n mens uitsigte én insigte aan – eersgenoemde omtrent elke keer wanneer jy jou stewels se veters knoop en ’n ent stap; laasgenoemde wanneer jy met gevestigde boerefamilies gesels, rotskuns van derduisende jare gelede bekyk en rooibosteestingels oor jou palms voel. Groot dele van die Suidelike Sederberg is in 2016 beskadig in ’n veldbrand, onder meer die Wolfbergskeure en -boog, Tafelberg en Welbedacht (sien die kassie op bl.34). Maar hier is nog genoeg mooi plekke en afdraaipaadjies om te verken. Dis ’n wêreld wat wýd lê, met (indien jy nie ’n 4x4 of ’n motorfiets ry nie) slegs twee behoorlike toegangspaaie: Ten suide van die berg kan jy van die N7 anderkant Citrusdal af al die pad deurry tot…

Paspoort? Bakkie? GPS? ’n Ietsie in die bankrekening? Dan is jy reg vir ’n lang reis deur Afrika! Ons is bevoorreg om ’n vasteland van eersteklas bestemmings te hê: Hoe lyk die Ngorongoro regtig? Is die Maasai Mara se kuddes so talryk soos hulle sê? Dan is daar die kleiner lande soos Rwanda en Uganda, waar jy berggorillas kan besoek. Daar is Afrika se Groot Mere, berge soos Meru en Kilimandjaro, reënwoude, savanneveld, bosveld, koraalstrande, ou handelsdorpe... Moenie uitstel nie. Toe ek die eerste keer in 2012 tot by Dar es Salaam gery het, was ek verbaas hoe maklik dit was. Ek het destyds in Weg se Condor gery sonder ’n daktent, langafstandpetroltenk of spesiale ombouings. Ek het my tent afgestof, ProVita en blikkies sardiens in my koskratte gepak, my…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent enigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za  Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in…

Tannien kom natuurlik voor in sade, boombas, blare en vrugteskille. Dis wat sommige rooiwyne daai droë smaak gee. Hoewel dit nie lekker smaak nie, is tannien nodig vir rooiwyne om goed te verouder. Die smaak versag gelukkig wanneer jy die wyn saam met kos geniet. Hier is drie rooies met verskillende vlakke van tannien – proe watter een jy verkies. Indien jy sagte, vars, vrugtige rooiwyn verkies, moet jy die Stellenbosch Hills Polkadraai Pinotage/Merlot 2017 (R44,50) probeer. Dit het ’n bietjie suiker, wat dit meer volrond maak. Ek is gaande oor die kombinasie van pinotage en merlot, wat ’n lekker smaak van swart vrugte en speseryagtige note lewer. En teen daai prys kan ’n mens ’n kis vol koop! Die meeste mense vind ’n wyn met sagte tannien makliker om…

Net soos ’n motor verloor ’n fiets waarde sodra jy daai wiele by die winkel uitrol. As jy weet wat jy soek, maak dit sin om ’n tweedehandse fiets te koop. Die beste hulpbron hiervoor is die snuffelgidsafdeling by bikehub.co.za . Dis ’n betroubare aanlyngemeenskap en ouens wat jou wil indoen, word gou uitgewerk. As jy die veiligheid van ’n winkelervaring verkies, verkoop baie fietswinkels ook tweedehandse modelle wat nagegaan is, of hulle kan jou verwys na ’n winkel wat dit wel doen.…

KOSTE R6 850 p.p. wat deel Die groep móét uit ses mense bestaan. Die toer word gelei deur ’n geregistreerde gids. Daar is ’n voertuig vir bagasie. DATUMS Bespreek vir enige naweek tussen Julie en Oktober 2018. Toere word oor die naweek aangebied, van Vrydag tot Sondag, byvoorbeeld 3-5 Augustus 2018. REISPLAN DAG 1: VRYDAG Ons ontmoet by die Bushveld Terrace Guesthouse & Hotel (200 m van die Phalaborwahek af ). Ons doen ’n 30-40 km-rit in die rigting van Letaba Ranch en hou langs die pad stil vir ’n skemerkelkie. Ons is betyds terug by Bushveld Terrace om reg te maak vir ’n heerlike aandete in die restaurant en ’n nag in die hotel. DAG 2 – SATERDAG Ons spring vroegoggend weg op die fietse saam met twee gewapende…

SHELTER ROCK-ROETE, SKEERPOORT Die Magaliesberg kan nie heeltemal kers vashou by die magtige Drakensberg wat 3 475 m hemel se kant toe staan nie, maar dis slegs 1 tot 1½ uur se ry uit Johannesburg of Pretoria. En op die Shelter Rock-roete kan jy binne 4 km boop die kruin staan! ’n Goeie Plan B dus vir Gautengers op ’n sonnige Saterdagoggend. Die Shelter Rock-roete begin by die ontvangslokaal en parkeerterrein op die gelyknamige plaas aan die voet van die suidelike hange van die Magaliesberg. Jy stap op ’n goedgemerkte paadjie onderdeur inheemse karee- en doringbome al langs die voetheuwels. Dis koel in die skaduwee. Plek-plek sien jy oranje paddastoele wat teen klam boomstamme groei. In die reënseisoen staan die varings bont hier. Net ná ’n motorwrak stap jy onder…

Stuurmansfontein  Op Piet en Charmaine Botha se plaas, Bethlehem, in die Carnarvondistrik kan jy in ’n gerestoureerde korbeelhuis bly. Die huis het nie elektrisiteit nie (hier’s wel ’n koolstoof, ’n gasstoof en ’n gasyskas) en staan doer eenkant in die veld. Dit het slaapplek vir 6. Waar? Sowat 100 km met die R63 Carnarvon se kant toe. GPS S31.062939 E21.839895 (afdraai) Koste R950 per nag vir 2 mense, R1 350 vir 4 en R1 650 vir 6. Kontak 053 382 6097; stuurmansfontein@lantic.net Osfontein  Hier in die Carnarvon-distrik staan nóg ’n gerestoureerde korbeelhuis vir jou en wag. Hier’s slaapplek vir vyf (1 dubbel- en 3 enkelbeddens). Die stoof en yskas is elektries, maar saans steek jy die kersie aan en kyk hoe die skaduwees teen die ruwe klipmure dans.…

DIE KALAHARI SE POU Voëlkykers besef dit dalk nie, maar hulle stel waarskynlik ook belang in etimologie. Die studie van die oorsprong en betekenis van woorde behoort die Oscar vir ondersteunende spel te kry in dié stokperdjie. Die hoofstorielyn is om die spesie te identifiseer – om hom sy regte naam te gee. Maar wat beteken daardie naam? Ek staan ’n hele deel van my boekrak af aan boeke (met ’n voëltema) wat dieper delf in Latyns en Grieks. Dan kry ’n mens nog die Afrikaanse name, en die name in ander Afrikatale. Die Engelse name is die mees onbetroubare van die lot – dié verander gereeld en laat mense steeds brom. Vat byvoorbeeld die gompou – daai reus van die grasveld, wat windmaker deur die gras stap, dalk met…

WEL WITSCHIA WATERWYS Die welwitschia – of tweeblaarkanniedood – se blare het duisende klein porieë wat vog uit die lug absorbeer wanneer die mis van die see af oor die Namib inrol. GRAAFNEUSAKKEDIS WATERWYS Die graafneusakkedis het twee blase: Een vir urine en een vir water. Hy kan tot 12% van sy gewig in water hou. Hulle kan weke lank oorleef as die tweede blaas vol is. HALFMENS HARDE STAM Die Richtersveld se halfmens stoor water in sy stam. Die stam vol knoppe, en elke knop het ’n skerp doring wat die boom teen dors diere beskerm. WOESTYNTOKTOKKIE WATERWYS Vroegoggend staan die woestyntoktokkie op sy kop bo teen ’n duin sodat die mis op sy dop kondenseer. Druppels water rol dan teen sy rug af tot in sy mond! NAMAKWA-VERKLEURMANNET…

“Ek en my man gaan al die afgelope 13 jaar omtrent elke jaar Kgalagadi-oorgrenspark toe – Maart-April is ons gunstelingtyd. “Ek is ’n vryskutwildlewefotograaf en het al besonderse fotogeleenthede in die Kgalagadi gehad. ’n Mens kan lekker ver sien in die droë rivierlope en diere is gewoonlik volop rondom die watergate. “Wat die Kalahari uniek maak vir fotografie, is die lig en die habitat. Enige gemsbok of leeu vertoon mooi teen ’n rooi duin. Vir my is daar nie ’n méér manjifieke dier as ’n swartmaanhaar-leeumannetjie nie! “My kameratoerusting bestaan uit ’n Canon EOS 7D Mk. II-kamera en vir wildfotografie kombineer ek dit met ’n Canon 100-400 mm-IS-lens. Dieregedrag is onvoorspelbaar, en daarom verkies ek om vryhand te skiet. Dié kombinasie is gemaklik om vas te hou – en dus…

Ek hou daarvan om met kos te eksperimenteer. Ek lyk immers nie só van joga nie. Die gewone braaivleis met aartappelslaai en braaibroodjies is staatmakers, maar soms soek ek iets anders. Die waatlemoen-en-fetaslaai het ook nou sy piek bereik. Jou bobotie met geelrys is fraai, maar bring asseblief vir my iets eksoties of raar. Vreemde koskombinasies is daar om jou buurvrou of skoonma te vermaak: Mangokerrie, maalvleis-en-nartjieslaai, piesang-en-ertjietert... Nee, as ek praat van eksperimenteer, dan verwys ek nie na ongemaklike kombinasies nie, maar eerder na eksotiese kosse van elders in die wêreld. Ek hou van eenvoudige bestanddele wat opgetof word sodat al wat ’n smaakklier in jou mond is, baljaar. Ek het eenkeer in ’n rugstringstraat van Bangkok gesien hoe ’n Thaise vrou met ’n potjie rys, gemmer, twee stukkies…

Dis ’n lang pad van die Kaap af na KwaZulu-Natal se Suidkus (sowat 1 500 km!), maar wie hou nie van ’n lang road trip nie? Ek’t binneland langs deur die Karoo en Oos-Kaap gery. Dis ongelooflik om te sien hoe die landskap om jou stelselmatig verander. Die klipperige rantjies word mettertyd grasvelde en mielielande voordat die subtropiese heldergroen oorneem. Geen langpadreis is volmaak sonder ’n burger en ’n koffie by ’n Wimpy nie, en die een op Kokstad het nogal beïndruk. Ek is in die Kaap gebore en getoë. Seevakansies was dus nie juis ’n prioriteit nie. Ons het eerder na my oupa se plaas in die Oos-Kaapse Drakensberg toe gegaan. Wanneer ek dus nou na KwaZulu-Natal se Suidkus gaan, verstaan ek hoe mense van…

MARLEY’S BREAKFAST CAFÉ, ADDO Wanneer jy vroegoggend op pad is na die Addo-olifant- nasionale park, moet jy by Marley’s stop vir ontbyt op die stoep. Die eienaar, Mareli Meyer, het in die omgewing grootgeword en die geleentheid aangegryp om ’n eetplek langs die Orange Elephant-backpackers oop te maak. “Die backpackers bedien nie onbyt nie, en ons is ’n ontbytopsie vir die mense – meestal toeriste – wat daar oorbly,” sê sy. Marley’s is net buite die dorpie Addo en bied wat die naam sê: ontbyt. Die spyskaart is sonder fieterjasies, maar goeie waarde vir geld: Hou dit eenvoudig met ’n Early Bird-ontbyt (R30 vir spek, eier en roosterbrood) bou jou eie omelet (R15 vir 2 eiers, en vanaf R5 per vulsel), of gaan groot met die Farmhouse-ontbyt (R70 vir spek,…

Madiba Magic – Nelson Mandela’s Favourite Stories deur verskeie skrywers, Tafelberg Hierdie klassieke kinderboek – wat die eerste keer in 2002 uitgegee is – is nou weer op die rak in ’n spesiale uitgawe om Nelson Mandela (1918-2013), wat vanjaar ’n honderd jaar oud sou word, te gedenk. Madiba het self hierdie 32 verhale uitgesoek. Buiten stories uit eie bodem – soos Van Hunks en die Duiwel en selfs ’n Jakkals-en-Wolfstorie – word die net ook wyd gegooi na ander Afrikalande soos Zimbabwe, Uganda, Tanzanië, Malawi, Kenia en Marokko. Hierdie versameling sluit van die oudste bestaande Afrikaverhale in en word in sommige gevalle in ’n meer moderne stemtoon hervertel. Verskeie invloedryke skrywers soos Pieter W. Grobbelaar, I.D. du Plessis, Gcina Mhlophe en Marguerite Poland is aan die woord. Die illustrasies…

Glum deur Giant Sand Noudat ek 40 is, besef ek dat die 1990’s – die dekade toe ek student was en báie musiek geluister het – nou lank genoeg in die verlede lê om met perspektief te kan sê watter bands en albums stééds goed klink. Hierdie is só ’n album. Toe Glum in 1994 uitgereik is, was grunge nog aan die afblaas in Amerika, maar in Arizona het Giant Sand reeds begin roer met ’n genre wat soms nog Alt. Country genoem word, maar eintlik nou bloot Americana is: Eerlike liedjies oor die tye waarin die bands hulleself begewe. Wat jy hier kry, is die sanger Howe Gelb se koel cowboystem en musiek wat soms raas en…

Stadsaalgrotte en Truitjieskraal R40 p.p. en R20 per kind by Kaapse Natuurbewaring en die meeste van die gasteplase. Maltese Kruis-roete R60 p.p. en R35 per kind by Kaapse Natuurbewaring, Dwarsrivier (dis die plaas waar Sanddrif se ontvangs is), Kromrivier en Driehoek (dan stap jy via Eikeboom). Toegang tot die gasteplase se staproetes is gratis vir gaste. Dagbesoekers betaal R40 p.p. en R20 per kind. Driehoek se staproetes kos R60 p.p. en R35 per kind. Wolfbergboog: R60 p.p. en R35 per kind by Kaapse Natuurbewaring, Driehoek en Dwarsrivier (hier kos dit R100 p.p. en R60 per kind, want jy stap deur die skeure tot by die boog). Wolfbergskeure: R50 p.p. en R30 per kind slegs by Dwarsrivier, want dis op hulle grond.…

1 MAASAI MARANASIONALE RESERVAAT, KENIA. Dit was ’n belewenis om die migrasie te kon sien! 2 MURCHISON FALLSNASIONALE PARK, UGANDA. Ons het ’n bootvaart gedoen op die Nyl, die skaars skoenbekooievaar gesien en Nylbaars gevang. 3 RUSHAGA, BWINDINASIONALE PARK, UGANDA. Die berggorillas! 4 JINJA, UGANDA. Hier kon ons rustig raak op die oewers van die Nyl. 5 NAMBWA-KAMPTERREIN, CAPRIVISTROOK, NAMIBIË. Dis ’n moet op al ons toere: om langs die Kwandorivier te kamp tussen die olifante.…

Die fotograaf Marcus Jooste het hom van kleins af verkyk aan skoenlappers en ander goggas op hulle plaas in Zimbabwe. Dié belangstelling het later gegroei tot ’n liefde vir makrofotografie, met sy kamera wat soos ’n vergrootglas die wêreld in die kleine oopsluit. Uiteindelik het een nederige ongewerwelde al hoe meer die kollig begin steel – ’n gewone tuinslak met die naam Vincent. (Vincent het reeds sy buiging in Weg #133 gemaak.) Marcus skep ’n towerwêreld waarin Vincent die hoofkarakter is. Dis haas g’n maklike taak om dié byna sprokiesagtige tonele te skep nie – hy doen dit met goed soos sampioene, blare en blomme, en gee dan lewe daaraan met verskillende beligtingstegnieke. “Ek streef daarna om soveel as moontlik met die kamera self reg te kry,” sê Marcus, wat…

Hier bo van die koppie af lê die landskap oop soos ’n kaart: links, om die Singkoppe, kom die Carnarvonpad in; van oorkant die dorp af die Fraserburgpad. Doer loop een van Calvinia af, en die een aan die voet van die koppie, dis die Brandvleipad. Die son se eerste strale streel saggies oor die kerktoring en hier langs my flikker die groot neonkruis ’n paar keer, en doof dan uit. ’n Vragmotor dreun uit die noorde nader – die voorloper van ’n hele stroom wat vandag sal verbykom. Williston se hoenderhane word wakker, en in die koshuis se eetsaal gaan die ligte aan. Dit herinner my: ontbyt. Aan tafel by Die Ark-restaurant wil Sam, die African Grey-papegaai, net nie my koffiebeker uitlos nie. Dié restaurant en gastehuis doen sy…

Shirley Muzerie Ek wóú Karoo toe kom en het tien ander dorpe ook oorweeg. Maar toe ek een middag so uit die ooste ingery kom en afkyk op die dorp, het ek gewéét Williston is die plek. Ek het kort daarna ’n ou huis op ’n veiling gekoop en hier is ek nog steeds – 25 jaar later! Peter Schoeman Wanneer mense kla, dan sê ek: ‘Bly net gou ’n oomblik stil. Wat hoor jy? Die verkeer? Ander mense? Nee, net die voëls.’ Liezel Hodgson Hier’s nie klieks nie; Williston is ’n gemeenskap wat saamstaan. En ons maak die lewe vir onsself lekker – op ’n Dinsdagaand word daar altyd snoeker gespeel by die gholfklub en dan skeer die ouens vreeslik gek met mekaar! Cerina Coetzee Ek het ná skool…

VOËLS ROBERTS 7 MULTIMEDIA BIRDS OF SOUTH AFRICA Roberts se app lyk dalk nie so indrukwekkend op ’n koffietafel soos die tamaai Roberts 7-hardebanduitgawe nie, maar dis aansienlik goedkoper. Dit bespreek 968 voëlspesies in detail en het interaktiewe funksies soos ’n voëllys, voëlsangopnames en GPS-kaarte. Teen 1 GB is dit ’n enorme app en jy sal dalk jou MP3-musiekversameling moet snoei om plek te maak. PRYS R500 NEWMAN’S BIRDS OF SOUTH AFRICA Newman’s se app is ’n bondige veldgids vir jou slimfoon eerder as ’n volledige ensiklopedie met ellelange beskrywings. Dit bespreek 975 voëlspesies van Suider-Afrika met duisende illustrasies en foto’s, en nagenoeg 800 voëlsangopnames. Jy kan ’n gratis Lite-weergawe op jou foon laai om te kyk of jy daarvan hou voordat jy die volledige app koop. PRYS R290…

NAMIBIË EN ANGOLA, 1955 Elsa van Zyl (73) van Kokanje, Modimolle vertel: My verhaal dateer terug na 1955. Namibië – toe nog bekend as Suidwes-Afrika – was vir baie van ons in die “Unie van Suid-Afrika” nog ’n relatiewe ver, vreemde land, ’n land van sand en grondpaaie. Maar vir ’n jagter was dit ’n droombestemming, veral met die moontlikheid om in die aangrensende Angola en die Caprivistrook te kon jag. My pa, Hendrik Nel van Bronkhorstspruit, ’n boer met ’n liefde vir jag en ’n onblusbare ondernemingsgees, het saam met twee vriende, drr. Bert Bodenstap van Pretoria en Werner Kuschke van Rundu, ’n toer soontoe beplan. Laasgenoemde was in daardie dae distriksgeneesheer van die Okavangogebied aan die Suidweskant. Die voorbereidings het weke lank geduur. Daar is onder meer met…

LEEU VS. JAKKALS, KGALAGADI Ek en my man, Francois, was in Januarie 2018 vir ’n langnaweek in die Kgalagadi-oorgrenspark. Ons het die aand voor hierdie insident by Mata Mata oornag en soos gewoonlik vroegoggend met hekoopmaaktyd vertrek. Tussen Dertiende en Veertiende boorgat het ons iets in die Auobrivierloop gewaar. Ek kon my oë nie glo toe ek besef dit is ’n kameelperd wat daar in die verte lê nie! Ek het heimlik gehoop hy rus net – maar ook geweet ’n mens sien hulle selde plat lê. Soos ons nader gery het, het dit duidelik geword dat die kameelperd bokveld toe was. Een leeumannetjie was nog op die toneel ( 1 en 2 ) en ons het vermoed dat hy die kameelperd in die loop van die vroeë oggendure moet…

Groot makietie op St. Helena Een van my skoonma, Smé van Zyl, en my oorlede skoonpa se wense was om St. Helena-eiland te besoek. Hulle het oor die jare bykans elke boek oor die Anglo-Boereoorlog verslind. Hulle kon ongelukkig nooit met die HMS St. Helena soontoe vaar nie. Maar die bou van die lughawe het dinge verander. So het dit gekom dat Ouma en 20 van haar kinders, kleinkinders en agter-kleinkinders van O.R. Tambointernasionale lughawe na die eiland vlieg vir haar 90ste verjaardag! Hier sit ons op Jacob’s Ladder in Jamestown. Die groep het ’n beroering op die eiland veroorsaak en oral waar ons gekom het, het die mense geweet van hierdie groep toeriste. Suid-Afrikaners…

Jy het dit dalk nie opgelet nie, maar vier van die vyf sigbare planete (net Mercurius is nie sigbaar nie) sit al die afgelope maand in ’n netjiese boog in ons hemelruim, byna ewe ver uitmekaar. Hoe weet jy watter een is watter een? Hou die Maan dop: Hy gaan kuier dié maand een vir een by die vier planete: by Venus op 14 Augustus (sien grafika), Jupiter die 17de, Saturnus die 21ste en Mars die 23ste. (Uranus en Neptunus is nooit met die blote oog sigbaar nie). Hou Venus dop. Dit het vroeg vanjaar die “aandster” geword en klim sedertdien al hoër op teen die naghemel. Op die 17de bereik die planeet teen sononder sy hoogste punt bokant die westelike horison (46° bo die horison). As jy toegang het…

Die Australiese skrywer Tony Park het sedert 2004 reeds 15 spanningsromans gepubliseer wat almal in Afrika afspeel en dikwels bewaringskwessies as tema het. Sy boeke is vertaal in onder meer Nederlands, Duits, Russies en Hongaars. Hy is al as Afrika se tweede Wilbur Smith beskryf. Tony is só lief vir die bos dat hy deesdae ses maande van die jaar in Suid-Afrika woon. Hy vertel ons meer van sy skrywerslewe en sy splinternuwe roman, Captive, wat in Suid-Afrika en Mosambiek afspeel. Vertel ons van jou eerste besoek aan Suid-Afrika. In 1995 het my vrou, Nicola, vir ons ’n selfryvakansie in Suid-Afrika, Zimbabwe en Botswana bespreek. Ons het van Sydney na Johannesburg gereis, en met ’n gehuurde Toyota Corolla sonder lugverkoeling reguit Kruger toe gery. Die eerste kamp waar ons oornag…

SATERDAG ’n Paar van ons wag in die O.R. Tambolughawe se vertreksaal – meestal Saints (dis hoe St. Helena se inwoners na hulleself verwys) wat terugvlieg huis toe, maar ook ’n Franse paartjie, ’n vrou van Pretoria, Hester Pretorius, en haar ma, ook Hester, ’n Britse stapboekskrywer, Will Atkins, en ’n stil man wat aandagtig blaai deur Gerald Hoberman se boek Lighthouses of Southern Africa. ’n Ware motley crew. St. Helena is ook net só groot – ek vermoed ons gaan mekaar in die komende week nog baie sien. Die vliegtuig land in Windhoek vir brandstof (daar moet genoeg in die tenk wees ingeval ons nie anderkant kan land nie en óf na Ascension-eiland óf terug moet vlieg). Vir vyf uur daarna sien ek net ’n digte wolkbank en naderhand…

1 SIMIENBERG, ETHIOPIË. Die berge, Geladas en watervalle was ongelooflik. 2 MAASAI MARA, KENIA. Die feit dat ons stoksielalleen sonder heinings tussen die diere kon slaap, was die kersie op die koek. 3 ILHA DE MOÇAMBIQUE. Ons het ’n bootrit gedoen, walvisse gesien en by ’n skeepswrak gesnorkelduik. 4 GROOT-ZIMBABWE. Dit behoort meer bekend te wees as die piramides, maar ons is bly dit is nie. Anders sou dit nie so rustig gewees het nie. 5 BWINDI, UGANDA. Ons het nie vooraf bespreek vir ’n berggorilla-uitstappie nie en net opgedaag by Buhoma in die suide van Bwindi. Ons het die aand gaan vra of hulle plek het vir die volgende oggend. Aanvanklik het hulle nee gesê, maar later gebel en gesê ons kan maar kom!…

Roomkaaslasagne Vir 6 Voorbereityd 10 minute Gaarmaaktyd 40 minute Lasagne kan ’n tydrowende besigheid word. Hierdie is egter ’n vinnige resep waarvoor jy nie eens ’n witsous hoef te maak nie. Jy benodig • 30 ml olie • 500 g beesmaalvleis • 1 fles (400 g) Napolitanatamatiepastasous • 250 g gewone roomkaas • 250 ml suurroom • 250 ml parmesaan, gerasper • 375 ml mozzarella, gerasper • 6-9 lasagnevelle, vooraf gekook indien nodig Só maak jy 1 Voorverhit die oond tot 180 ºC. 2 Verhit die olie en braai die maalvleis tot bruin en gaar. Verwyder van die hitte en meng die bottel pastasous by. 3 Meng die roomkaas, suurroom, die helfte van die parmesaan en die helfte van die mozzarella goed saam. 4 Skep ’n bietjie van die maalvleis in ’n oondbak van omtrent 20 x 30…

KARUSAF hou ’n verskeidenheid snitte en lekkernye aan: van ontbeende blad, sosaties, lamsnek en ribbetjies tot lamschnitzel, biltong en -kruisskyf. Hulle het ook ’n afsetpunt op Somerset-Wes en ’n koerierdiens oor die Wes-Kaap (tot so ver as Stilbaai). Kontak 053 3913 156; karusaf.co.za OKKI DELI Plaas jou bestelling sowat ’n week voordat jy deur Williston ry. Alles word vars voorberei. Probeer gerus die kerriesosaties – dis Ockert se ma, Lana, se resep. Okki Deli het ook ’n koerierdiens. Aflewering is gratis vir bestellings van meer as R1 200. Kontak 084 905 1036; ojmeat.co.za…

THE WAFFLE HOUSE 1 Eet ’n wafel Natuurlik was elke local hier rond al by The Waffle House – jy hoef nie eens te vra nie. Dis op die oewer van die Ramsgate-strandmeer en al sedert 1957 ’n baken (vroeër jare was dit die Tea House of the Blue Lagoon). Hier word elke goudgeroosterde, bros wafel eers gemaak wanneer jy bestel, en jy kan feitlik enigiets daarop kry. Jy kan kies van “gewone” roomys en sjokolade tot gerookte salm of hoenderkerrie. Hier’s gratis Wi-Fi net ingeval jy ’n foto van jou wafel op Instagram of Facebook wil deel. Stap agterna al die suiker af oor die houtbruggie strand se kant toe of huur ’n trapbootjie om kilojoules op die strandmeer te verbrand. Koste Die wafels se…