Innehållsförteckning för February 2019 från Weg!

Kapenaars sê hulle ken van hárde reën. Ek’s egter nie so seker nie. In die suidweste van die land is dit óf ’n motreëntjie wat dae aaneen op almal se senuwees werk óf die nat word deur ’n omgesukkelde noordwestewind in horisontale vlae aangejaag – onder sambrele en dakkappe in om moles te maak. Jy moet noorde toe as jy ordentlike reën wil sien. Veral ’n donderstorm, en verkieslik een in die Krugerwildtuin. ’n Jaar gelede ry ek vroegoggend uit Mosambiek deur die Giriyondo-grenspos in die noordooste van die Kruger, op pad Letaba toe waar ek die aand gaan oorslaap. Die veld is dor en droog, en ’n paar olifante karnuffel mekaar by ’n sementdammetjie wat deur ’n boorgat gevoed word. Maar op die horison begin groot wit wolke watte…

Lief vir die natuur en klassieke musiek? Hier’s ’n konsert vir jou: die Sunset Serenadekonserte, aangebied deur die Sanparkeereveldwagters, waar jy kan luister hoe klink Mozart en bosgeluide sáám. Jy bespreek vir ’n langnaweek met drie klassieke konserte, elkeen teen sonsondergang, op verskeie plekke in die bos naby die wildtuin se Mopani-ruskamp. By elke konsert kry besoekers ’n skemerkelkie, en ná die tyd sit julle aan vir ’n driegangmaaltyd op die dek van die Tindlovu-restaurant wat oor die Pioneerdam uitkyk. Kyk bedags op eie stoom wild of ontspan in die kamp en skud dan jou konsertvere reg vir ’n besonderse aand. Hierdie gewilde geleentheid word dié jaar 20, en daarom word daar twee Sunset Serenade-naweke gehou. Die wins wat gemaak word, word deur Sanparke gebruik vir bewaring en teenstropingsplanne. Wanneer?…

Ná ’n lang dag op die pad stop ek honger en dors by Toeka. Ek was kinderlik gelukkig toe die kelner vra of ek ’n groot koppie koffie (R30) met ’n kelkie kondensmelk wil hê. Die biefburger (R75) is ook nie te versmaai nie. Die Toeka se dae-padstal is ’n instelling in dié geweste. Dis eintlik meer as net ’n padstal – dis ’n restaurant en ’n soort museum met allerhande ou dinge wat rondstaan of uit die dak hang: Mercedes-wieldoppe, ou straattekens, lanterns, geroeste blikborde... Die plaasstal langs die restaurant verkoop alles wat ’n goeie padstal moet hê: beskuit, konfyt, varsgebakte brood, koekies, te veel ingelegde kossoorte om te noem, blatjang, rissiesouse, houthorlosies, “Bly kalm ons gaan nou braai”- voorskote, drankflessies met ’n sopiemetertjie, ’n gevlegde Mosesmandjie van riet,…

Jy hoef nie geniaal te wees om te raai waar die takslang sy naam kry nie. Hulle gespikkelde grys lywe lyk nes ’n takkie, wat beteken hulle is uitstekende kamoefleerders. Wanneer hulle in hulle voorkeurhabitat is – bome en lae struike – is dit byna onmoontlik om hulle te sien. ’n Takslang kom egter wel soms grond toe wanneer hy van een boom na ’n ander beweeg of jag – en dis waar ek hulle meestal raaksien. Is hulle gevaarlik vir mense? Hulle gif is. Dis hemotoksies, wat bloedstolling beïnvloed. Daar is nie ’n teengif nie, wat beteken iemand wat gebyt word, moet dalk ’n bloedoortapping kry. Maar wees gerus: Die slange is nie moeilikheidmakers nie; hulle is skugter en bedaard, en byte is uiters seldsaam – dit gebeur net…

Jy noem Plunderwoestyn die “moeilikste en belangrikste boek” wat jy nog geskryf het? Dit was my moeilikste boek omdat ek oor dinge geskryf het waarin ek glo en waarvoor ek my jare lank beywer het. Ek het gesien hoe dit verkeerd loop. Wat in die veld gebeur, op die grond, en wat aan die wêreld voorgehou word as ’n suksesvolle bewaringsprojek, het nie meer vir my gerym nie. Dis ’n belangrike boek, want dit bevraagteken sekere praktyke wat in die naam van bewaring plaasvind. Baie Namibiërs hou nie van kritiek nie. In al jou vorige boeke skryf jy as die Stoffel-persona. Is Stoffel weer hier aan die woord? Die leser kan self besluit. As hy of sy vir Stoffel as die hoofkarakter wil hê, is dit…

Die Kruger is eerstens ’n bewaringsinstelling, maar om ons bewaringsmissie uit te voer het ons toerisme nodig. ’n Ander uitdaging in die afgelope 20 jaar is maatskaplik van aard. Jy moet jou maatskaplike verantwoordelikhede teenoor aangrensende gemeenskappe nakom. En dis ’n komplekse oefening. Ek het 15 jaar lank in die wildtuin gebly. Jy kan jou liefde vir die natuur by die werk uitoefen. Jy is heeltyd ín die natuur. Een keer ’n maand gaan jy Nelspruit toe vir inkopies, jy gaan kyk ’n fliek, gaan bank toe. En as jy weer by die hek aankom, sak daardie geweldige rustigheid oor jou: Jy is terug by die huis.…

Die De Hoop Collection bestuur die blyplek en aktiwiteite in die westelike deel van die reservaat. Gaste wat in die reservaat oorbly, kan begeleide toere by ontvangs bespreek. Dagbesoekers kan vooraf bel om te hoor wanneer toere beplan word, of inval by reeds bespreekte toere. 028 542 1253; dehoopcollections.com 1 Vaar op die vlei  ’n Boot is die beste manier om voëls in en op die vlei te sien. Ritte vertrek elke dag om 9 vm., 11vm. en 3 nm. en duur ongeveer twee uur. Twee gidse vaar saam om jou touwys te maak, en oggendritte sluit tee, koffie, en pasteitjies in terwyl jy op die middagrit ’n bier of ’n glas wyn saam met peuselhappies kan geniet. Onthou die verkyker, lang kameralense, sonhoed en ’n warm baadjie.…

Dalfrenzo Laing, aktiwiteitsbestuurder “Ek geniet dit om in hierdie spesiale plek te woon en werk. Dis nou wel afgesonder en ver van die beskawing af, maar ek leer meer hier as by ’n nagklub.” Theo Benan, gids “Ek’s lief vir die hele reservaat, maar die fynbos is ongelooflik. Ek geniet dit om mense meer daarvan bewus te maak. Dit leer jou om met ’n fýn oog na die skepping te kyk.” Mary Mintoor, hoof van huishouding “Ek is mal oor al die bokke en die wild hier. Maar die bobbejane wat soms by die huise inbreek, maak ’n vreeslike gemors; dit kry my onder!” Tony en Ann Klempner, Johannesburg “Die oopte is baie spesiaal en ’n mens kan asemhaal. En ons het nog nooit so baie walvisse bymekaar gesien nie!…

K-Way Scout-kompas Net soos jy altyd ’n ruimtekombers en noodhulpstelletjie moet dra wanneer jy in die wildernis stap, behoort jy een van hierdie outjies in jou rugsak te dra saam met ’n gedetailleerde papierkaart. Batterye word pap en GPStoestelle verloor hulle sein. Maar met ’n kompas en kaart kan jy jouself byna altyd uit ’n penarie kry as jy verdwaal het. Dis nie duur nie en net effe groter as ’n kredietkaart. Toe, g’n verskoning nie! R120 by Cape Union Mart Slingsby-kaarte Peter Slingsby is ’n nasionale skat. Stilweg skep hy reeds dekades lank van die beste en mees gedetailleerde toer- en stapkaarte van gewilde reisbestemmings in Suider-Afrika. Hy bring weke op ’n plek deur, ry agterpaaie en maak seker relevante inligting word aangeteken. Daar is oral weggesteekte besonderhede: glimlaggesiggies…

Dit verklap nogal iets as die motorbekendstelling waarna motorskrywers heeljaar die meeste uitgesien het, nie dié van ’n peperduur supermotor is nie, maar eerder ’n goedkoop, bonkige Japannese motortjie wat dálk 150 km/h sal haal – maar net as jy hom reguit by ’n mynskag afgooi. Ons het lankal geleer om nie die Suzuki Jimny vlak te kyk nie – dis die yorkshireterriër van die motorwêreld. Dit lyk dalk na ’n oulike klein dingetjie wat in ’n handsak rondgedra wil word, maar hy’s geteel om in woeste terrein rotte te jag en dood te maak. In daai borskassie klop die hart van ’n leeu. Hier’s die vier belangrikste dinge wat jy oor die nuwe Suzuki Jimny moet weet: 1 Die nuwe ontwerp is ’n treffer Dis ongetwyfeld een van die…

• Maak seker die botter is yskoud wanneer jy die skilferkors maak. Laat die deeg ook goed koud word tussen rolbeurte. • Moenie die deeg rek wanneer jy die tertpanne uitvoer nie – dit laat die deeg krimp wanneer dit bak. Laat dit eerder mooi in die tertpan insink. • Sny die deeg met ’n oorhang van sowat ’n sentimeter oor die pan se rand af – sodoende bly daar steeds ’n groot genoeg “kragie”deeg rondom die tert uitsteek indien dit wel in die oond gekrimp het. • Roer die melktertvulsel aanhoudend terwyl dit kook om klontjies te voorkom. Dit werk ook goed om eers ’n paar skeppies van die warm melk by die eiermengsel in te roer voordat jy dié by die res van die melk inmeng – dit keer dat jy met…

Wat was die grootste uitdaging van die storie? Ek het nie in die reservaat gebly nie – die selfsorgblyplek is aan die duur kant. Ek het op ’n plaas sowat 15 km van die hoofhek af gebly. De Hoop se hek maak eers 7 vm. oop, maar die parkmense was gaaf genoeg om my ’n halfuur vroeër in te laat sodat ek foto’s kon neem in die goue uur. Ek moes dus elke oggend skuins voor 6 vm. die stikdonker grondpad (en sy slaggate) aanpak. Wat van De Hoop het jou verras? Hier is soveel uiteenlopende ekostelsels in ’n relatiewe klein gebied. Die uitsigte oor die water en die koel, klam stilte (nog voor die swetterjoel voëls begin roep) was besonders. Het enigiets interessants langs die pad gebeur? Die oggend…

Met dié foto van ’n volwasse koningpikkewyn in ’n skare kuikens het Chris Oosthuizen van die Universiteit van Pretoria se soölogie-enentomologiedepartement onlangs die Britse Ekologiese Vereniging se jaarlikse fotokompetisie gewen. Hy het die foto op Marioneiland geneem toe hy in 2011 en 2012 daar was as deel van ’n navorsingspan. “Foto’s is ’n belangrike stuk gereedskap om mense betrokke te kry by die wetenskap en dit kan belangrike bewaringsboodskappe oordra. Baie seevoëls is meer bedreig as olifante en renosters, en verdien dieselfde aandag wat dié bewaringsikone kry.” Koningpikkewynbevolkings op die eilande rondom Antarktika word deur ’n onseker toekoms in die gesig gestaar weens klimaatsverandering. Die grootste koningpikkewynkolonie ter wêreld, die Morne du Tamaris-kolonie by Île aux Cochons in die Crozet-eilandgroep, het byvoorbeeld met byna 90% afgeneem sedert die vroeë jare…

Die woord “supermaan” word gewilder, al hou sterrekundiges nie veel daarvan nie. Die Amerikaanse sterrewiggelaar Richard Nolle het die woord in 1979 geskep om ’n boek te bemark: Volgens hom is ’n volmaan ’n supermaan wanneer dit binne ’n sekere afstand van die maan se naaste punt aan die Aarde kom. Hy bepaal dié afstand deur die verskil tussen die Maan se verste en naaste punt aan die Aarde in enige gegewe jaar te neem en uit te werk wat 90% van dié afstand is. In 2019 lyk dié sommetjie só: Die Maan se naaste punt aan die Aarde (19 Februarie) is 356 761 km, en die verste punt (5 Februarie) 406 555 km. Die verskil tussen die twee is 49 794 km, waarvan 90% 44 814 km is. Trek…

Van waar die liefde vir stap en die buitelewe? My liefde vir die natuur, kamp en stap het kleintyd reeds ontwikkel toe ek in die jare vyftig ’n Voortrekker in die Bellville-kommando was. Toe ek aan die Universiteit Stellenbosch studeer het, het ek gereeld saam met die universiteit se stapklub, die Berg-en-Toerklub, gestap. Ek het later ’n geografie-professor aan die Universiteit van Pretoria geword. Vir my meestersgraad in landskapsargitektuur het ek navorsing gedoen oor die Magaliesberg-natuurgebied. Dit het my laat besef dat ons weldeurdagte voetslaanpaaie nodig het vir mense om die natuur op ’n verantwoordelike manier te ervaar. Ek het byvoorbeeld baie erosie en swak roetebeplanning gesien en toe deeglike navorsing daaroor begin doen. Kan jy ’n voorbeeld gee van swak roetebeplanning? ’n Roete moet byvoorbeeld nie soggens vroeg reg…

Rumours deur Fleetwood Mac R69 by die Google Play Store Elke keer wanneer ek op die internet rondsnuffel vir goeie padmusiek, duik een groep prominent op: Fleetwood Mac. Hierdie legendariese groep is sedert 1967 al in verskillende gedaantes op die toneel. Hulle staan steeds sterk en toer tans in Amerika, Europa en die Verenigde Koninkryk. Deur die jare heen het Fleetwood Mac al meer as 100 miljoen albums verkoop. Musiekkenners is dit eens dat hulle 11de en suksesvolste album, Rumours (1977), een van die beste popalbums van alle tye is. Met treffers soos “Dreams,”“Don’t Stop,”“Go Your Own Way” en “You Make Loving Fun,” wys hierdie album die groep op hulle allerbeste. Dis klassieke padmusiek en ’n verpligte klankbaan vir die Karoo se agterpaaie of enige snelweg…

Stropery is ’n voortdurende bedreiging. Nie net renoster- en olifantstropery nie, maar ook stropery met strikke en visstropery. Diere word ook vergiftig vir hulle liggaamsdele. Die gedurige instroming van onwettige immigrante uit Mosambiek en Zimbabwe op soek na ’n beter lewe in Suid-Afrika, en die druk van aangrensende gemeenskappe is groot uitdagings. Ek dink nie mense verstaan altyd hoe noodsaaklik dit is om nasionale parke te beskerm vir die volgende geslag nie.…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za  Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in…

Gerookte haloumi oor die kole Vir 4 Voorbereityd 10 minute Gaarmaaktyd 10 minute Aan die Amalfi-kus word gerookte mozzarellabolle in skywe gesny en tussen twee suurlemoenblare gebraai. Jy kan dieselfde met haloumi doen. Jy benodig • 250 g haloumi of gerookte mozzarella • 16-20 groot suurlemoenblare • olyfolie • suurlemoenskyfies Só maak jy 1 Sny die kaas in repe van ½ cm tot 1 cm dik, so breed soos die blare. Was die blare en klad droog. 2 Plaas ’n reep kaas op ’n blaar en plaas nog ’n blaar bo-op. Gebruik tandestokkies om die pakkie stewig te hou. 3 Bedruip met olyfolie en braai dan die blaarpakkies op die rooster oor matige kole vir ’n paar minute aan ’n kant. Sodra die kaas warm en sag is, is dit reg. 4 Verwyder die…

Toerkaarte • Baviaanskloof • Kaapse Skiereiland • Sederberg • Dagritte van Kaapstad af • Tuinroete • Overberg en Walviskus • Swartberg en Klein-Karoo • Tankwa-Karoo en Roggeveld-platorand • Wildekus Stapkaarte • Tafelberg • Silwermyn en Houtbaai • Kaappunt en Simonstad • Stap die Sederberg • Visriviercanyon • Verskeie Drakensbergkaarte onder ’n ander druknaam, maar gegrond op werk wat Slingsby in die jare tagtig gedoen het.…

DÍS WAT JY KAN VERWAG DAG 1 Ons ontmoet mekaar by Kamp Nkwazi, net buite Livingstone. Teen die tyd dat jy aankom, staan die tente reeds en die bossjef se maaltyd prut. Vanaand leer ken ons mekaar om die kampvuur. DAG 2 Vergeet van laat slaap... Ons is vroeg uit die vere en val in die pad ná ’n stewige ontbyt. Bhejane sal jou toerus met ’n tweerigtingradio voordat ons na Lusaka vertrek. Ons slaap in Lusaka onderweg na die Suid-Luangwa- nasionale park. DAG 3 Ons ry noord en slaap oor by ’n kamp buite Chipata. DAG 4,5 & 6 Dit is een van die topreservate ter wêreld. Die kamp is langs die oewer van die Luangwarivier. Van hier af sal ons die park teen ons eie pas in ons…

‘Ek hou van die hitte,” sê Olivia le Cordeur, die bestuurder van die Wellington-museum. Ek kyk haar ongelowig aan terwyl ek die sweet van my bolip af vee op ’n warm Novemberdag. “Gee my 38, 39ºC, enige dag!” Dis net iemand wat hier gebore en getoë is wat so praat. Die dorp se nieamptelike bynaam is nie verniet Helling-ton nie! Sou die Franse Hugenote wat hulle in die 17de eeu hier in die Limietvallei kom vestig het, ook soos Olivia gevoel het? Wel, iets het hulle laat vashaak, hier in wat later die Wamakersvallei (Val du Charron in Frans) geword het en vandag die Bolandse dorp aan die voet van die Bainskloofpas is. Ek skat dit was die uitsig: Die dorp lê in ’n halwe kom wat gevorm word deur…

Vir I tert Jy benodig • 1 lepel Ladismith-botter of klapperolie • ½ koppie xylitol • 2 ekstra-groot eiers, die wit en geel geskei • ½ koppie glutenvrye koekmeel • ½ teelepel bakpoeier • ’n knippie sout • 2 koppies melk • ½ teelepel vanieljegeursel of die sade van een vanieljepeul • ’n knippie kaneel Só maak jy  1 Voorverhit die oond tot 180° C. 2 Meng die Ladismith-botter, xylitol en eiergeel saam. 3 Voeg die meel, bakpoeier, sout, melk en vanielje saam en meng goed. 4 Klits die eierwit deeglik totdat stywe punte vorm en vou dit by die mengsel in. 5 Smeer ’n ronde oondvaste bak of tertpan met botter, en gooi die mengsel daarin. Sprinkel kaneel bo-oor en bak vir 30 tot 40 minute, of tot dit gestol het. 6 Haal dit uit die oond uit…

Dis die vierde dag van die vakansie en julle het genoeg gesonbaai en gelees – dis nou tyd vir ’n skoot adrenalien! Gaan soek op die webblad bundu.co.za  vir ’n avontuur-aktiwiteit naby jou – dit maak nie saak of julle branderplanklesse in Kampsbaai wil kry of bergfiets wil ry in Hogsback nie. Op dié nuwe webblad kan jy soek volgens ligging, en sien watter aktiwiteite beskikbaar is, wat dit kos en hoe om te bespreek. Die idee vir Bundu is gebore toe een van die stigters wou skubaduik, maar gesukkel het om die beste plek daarvoor in Kaapstad op te spoor. Die webblad is nog in sy kinderskoene nadat dit in September laasjaar bekend gestel is. Op die oomblik val die fokus meestal op Wes-Kaapse aktiwiteite, maar dit…

NUWEMAAN 4 FEBRUARIE SPRINGGETY: 5 FEBRUARIE HOOGGETY: 3.52 VM. & 3.57 NM. VOLMAAN 19 FEBRUARIE  SPRINGGETY: 20 FEBRUARIE HOOGGETY: 3.52 VM. & 4.13 NM. EERSTE KWARTIER 12 FEBRUARIE DOOIEGETY: 13 FEBRUARIE HOOGGETY: 8.55 VM. & 9.43 NM. LAASTE KWARTIER 26 FEBRUARIE DOOIEGETY: 27 FEBRUARIE HOOGGETY: 9.39 VM. & 10.58 NM. Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za…

Op die rug van ’n tier deur Dianne Hofmeyr, Tafelberg R150 in boekwinkels Hierdie kinderboek deur Dianne Hofmeyr – ’n Suid-Afrikaner wat in Londen woon – is geïnspireer deur Henri Rousseau se skildery “Surprised!” (1891) van ’n tier in ’n tropiese storm. Dit hang in die Nasionale Galery in Londen. Dit vertel die verhaal van ene Tom, ’n jong seun wat dié skildery in die galery sien en dan self ’n tierprent by die huis teken. In die nag ontwaak die tier teen die muur, blaas sy warm tierasem op Tom se gesig en sê: “Kom ons gaan stap ’n bietjie.” Só begin Tom en die tier se nagtelike avontuur deur ’n verbeelde oerwoud, rivier, kermis en grot. ’n Mens kom gou agter dat Tom ’n bang kind is, maar…

Op die groot spore deur P.J. Schoeman Nasionale Pers Beperk, 1942 ’n Twintig of dertig treë voor ons was daar ’n ruie swart haak-en-steek-boom waarvan die onderste takke laag op die grond gelê het. Mbube moes die leeu ook daar verwag het, want hy het orent gekom en met sy asgaai in daardie rigting gewys. Ek het my kop geknik en toe die geoliede slot van my geweer versigtig oopgedruk om nog ’n keer te kyk of daar ’n patroon in die loop is. Met die vinger op die sneller het ek voetjie vir voetjie vorentoe beweeg, reg op die haak-en-steek-boom af. Daar het ’n suising in my ore gekom. Die leeu kon nou enige oomblik brul en stormloop. Langs my rug af het dit afwisselend koud en dan klammerig-warm…

1898 Paul Kruger – president van die Transvaal – proklameer die Sabie-wildreservaat – dit beslaan rofweg die gebied tussen die Krokodil- en Sabierivier. 1902 Kol. James Stevenson-Hamilton word aangestel as eerste opsiener van die reservaat. 1903 Die Britte herproklameer die reservaat, en dié keer sluit dit die Shingwedziwildreservaat, die gebied tussen die Letaba- en Luvuvhurivier, ook in. 1905 Stevenson-Hamilton skryf in sy jaarverslag dat hy ’n klein groep van sowat 10 olifante in die woude op die oosgrens met Mosambiek, by die samevloeiing van die Letaba- en Olifantsrivier, gekry het. 1926 Die eerste Parkeraad word verkies en die Kruger word as nasionale park verklaar. 1927 Die wildtuin word vir besoekers oopgestel. 1928 Die Pretoriuskop-ruskamp kry sy eerste oornaggeriewe: drie lat-en-klei-hutte. Skukuza en Satara maak oop met drie lat-en-klei-hutte. Skukuza het…

Hoe kom ek daar? Draai tussen Stormsvlei en Swellendam van die N2 af op die R319, dan draai jy links op die grondpad net voor Bredasdorp (hier’s ’n bordjie). Sowat 35 km verder sit De Hoop se afdraai op regs. Dis dan nog 7 km grondpad tot by die hek. Hektye? Heeljaar 7 vm.-6 nm. Vrydae sluit die hek om 7 nm. Beste tyd van die jaar? Tussen Augustus en November is die walvisse volop en die veld is vet ná die reën. Koste? Bewaringstarief van R50 p.p. en R30 per kind vir dagbesoekers. Gratis met ’n Wild Card. Waar doen ek inkopies? Bredasdorp het ’n winkelsentrum en winkels. Die reservaat se Fig Tree-restaurant agter die ontvangs is oop van 8vm.-7.30 nm., maar dis swierig en nogal duur. By Koppie…

WAT IS SILENT STEPS? Dis ’n maatskappy wat besit en bestuur word deur Anette Grobler. Anette is ’n voormalige majoor met byna ’n dekade se ervaring in die Suid-Afrikaanse Weermag. Sy is een van die eerste vroue wat gekies is om die uitdagende Recce-baan aan te durf. Stappers is veilig in haar hande. Silent Steps doen elke jaar ’n langer, meer uitdagende staptog – eenmalig. Hou die webblad dop vir meer besonderhede. TOPWENKE VIR DIE INPAKSLAG Die Hantam-stap is ’n slenterstap. Jy dra ’n dagsak; ’n skaaplorrie sal jou kamptoerusting van een oornagplek na die volgende vervoer. Jy kry ’n inpaklysie wanneer jy inskryf – hier is van die dinge waarsonder ek dit nie sou aanpak nie: • Fles (vir tee met kondensmelk). Ek het dit elke oggend voordat ek begin…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg.co.za . Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Braai is nie ’n groot deel van Italiaanse kultuur nie, maar dit behoort te wees. Italiaanse disse is immers op hulle beste wanneer die geure eenvoudig en die bestanddele vars is. Kruie, slaai, snye halfgaar beesvleis bedruip met olyfolie... ’n Braai pas baie mooi in dié prentjie! Daar is mos ’n sêding wat lui:“Die lewe is onseker – eet jou poeding eerste.”Wel, dis hoekom ons dié maand met ’n heerlike, soeter wyn begin. Prosecco is dalk Italië se grootste uitvoerwyn op die oomblik, maar Moscato, van die muskaatdruif, is kort op sy hakke. Hier is ’n Suid-Afrikaanse weergawe: Angel’s Tears Moscato 2018 (R65). Dit bied uitbundige geure van perske, druiwe en roosblare, met ’n tikkie suikeragtige soetheid. Skink dit oor fyn ys en bedien saam met ’n ligte, somerige nagereg.…

Google Maps Wat op aarde het ons gedoen voor Google Maps? Ek gebruik dit elke dag, selfs op roetes wat ek ken – die regstreekse verkeersinligting is besonder nuttig en het my al ure gespaar op my roete werk toe. Straat-uitsig, satellietuitsig, stembeheer… Google het aan álles gedink. Hier is ’n paar wenke om jou ervaring nóg beter te maak: • Laai ongekoppelde (“offline”) kaarte af. Só bespaar jy data. Jy kan ’n radius rondom jou huis kies of ’n spesifieke gebied aflaai wat jy gaan verken, soos byvoorbeeld die KZN Suidkus. • Gebruik My Maps. Jy het ’n webblaaier op ’n rekenaar en ’n Google-rekening nodig. Gaan na mymaps.google.com en skep ’n pasgemaakte padkaart vir jou vakansie, met al die plekke waar jy gaan bly en al die padstalle wat jy…

SUIKERBOS, EK WIL JOU HÊ... As jy “Johannesburg” op Google Maps intik en stadig uitzoem, is daar een duidelike groen blok op die kaart. Suid van die stad – tussen Meyerton en Heidelberg – lê die Suikerbosrand-natuurreservaat. Honderde Gautengers stroom veral oor naweke na hierdie provinsiale reservaat van 11 595 ha wat in die Suikerbosrandbergreeks geleë is. Dis reeds in 1974 geproklameer en is genoem na die Transvaalse suikerbos wat ruig hier teen die berghange voorkom. Dié gebied het ’n ryk geskiedenis. Potskerwe en murasies wat hier gevind is, dui daarop dat mense al van so vroeg as die 16de eeu hier gewoon het. Jan Gabriel Marais het in die Groot Trek van Beaufort-Wes af tot hier getrek en sy plaas Diepkloof gedoop. Die pioniershuis dateer uit 1850 en is…

“Wellington is ’n lekker plek om groot te word. Baie mense sal sê hier is nie ’n mall of dit of daai nie, maar hier is so baie geriewe en geleenthede. Ek sal graag eendag my kinders hier wil grootmaak.” – Jovan-ré Cupido “Die kaaskoek by Koek Terapie, die teetuin by die Oude Wellington-restaurant, is hemels! Dis ’n heerlike, rustige plek om ’n koppie tee te drink.” – Karen van As “Ek kom van die Noord-Kaapse platteland af, en het hier by CPUT toerisme kom swot. Dit voel vir my soos huis op Wellington – almal is so vriendelik!” – Deirdré Compion, Upington…

Martjie se resep vir ’n outydse melktert Vir 2 middelslag-blikbordterte Jy benodig VIR DIE VINNIGE SKILFERKORS • 500 g botter • 500 g koekmeel • ½ teelepel (2,5 ml) kremetart • 1 teelepel (5 ml) sout • 1 koppie (250 ml) yswater VIR DIE MELKTERTVULSEL • 2 ℓ melk • 50 g botter • saadjies van 1 vanieljepeul • 1 stuk pypkaneel • 6 eiers, geskei • 2 heel eiers • 300 g suiker • 70 g koekmeel • 120 g mielieblom • sout • kaneelsuiker (¼ koppie strooisuiker en 2 teelepels kaneel) Só maak jy 1 Maak die kors Gebruik ’n elektriese menger of voedselverwerker om die botter by die meel in te sny totdat daar nog ertjiegrootte klontjies botter in die meel sigbaar is. Tel die mengsel in ’n groot mengbak oor en sprinkel die kremetart oor. 2 Los die sout in die yswater…

DIE WIELE TOL STEEDS Vir ’n jong voëlkyker is daar een enkele stuk toerusting wat die beste verkyker, die langste kamera en die duurste teleskoop klop. ’n Rybewys. Ek het myne in Augustus 2000 gekry, en nie op my laat wag nie. Die middag van my verjaardag spring ek sonder veel beplanning in die ou groen BMW’tjie wat ek by my ma geërf het, en vat van Pretoria af die N1 noord. My teiken is die statige geelkeelsandpatrys; ’n skaars Rooidataspesie wat my nog altyd ontwyk het. Daar is na raming minder as 1 000 van dié nomade in Suid-Afrika, en om hulle raak te loop vat mooi kyk, hope geduld en geluk. Jy kan 4 van die wêreld se 16 sandpatrysspesies in Suid-Afrika sien. Die res boer verder noord…