Innehållsförteckning för December 2019 från Weg!

‘Hier stap jy deur die Namib, een van die wêreld se ongerepste plekke. Oor oeroue duine met net jou gedagtes as geselskap. Op verlate strande waar sonverbleikte walvisbene en skeepswrakke uit die mis opdoem...’ – Pierre Steyn SKEDELKUSSTAPROETE Stap vir vyf dae tussen die woestyn en die see in Namibië, waar duine bedags bo jou uittroon en sterre saans regeer WITSAND Raak rustig op dié dorpie by die monding van die Breërivier waar suidelike noorkappers elke jaar draai en onwaarskynlike karakters bymekaarkom MY DESEMBERVAKANSIE Die Weg-redaksielede onthou somervakansies…

Wat is van jou vroegste herinneringe aan spotprente? My ouers het elke dag twee koerante gekry: Die Burger en die Cape Argus. Ek het altyd na albei se spotprent gekyk – Honiball in Die Burger en Jackson in die Argus. Ek het ook baie van Tintin gehou en baie comics gelees toe ek klein was – Richie Rich, Little Lotta en so aan. Wanneer het jy van Fred se spotprente bewus geraak? Ek onthou toe Honiball afgetree het en Fred as spotprenttekenaar van Die Burger oorgeneem het. Ons skoolkoerantredaksie het ook in 1976, toe ek in st. 9 was, Die Burger besoek en Fred was daar – ’n lang, stil ou wat niks gesê het toe ons by sy kantoor inloer nie. Jy beskryf spotprente as “waarskynlik die treffendste politieke…

Doornrivier 4x4 het verskeie 4x4-roetes (berge, klippe, sand, modder, ’n donga wat soos ’n slang krul). Verblyf is onder meer in ’n groot plaashuis met vier kamers – veral geskik vir ’n groot groep. Koste Kamp: R100 p.p. Kamers: vanaf R500 p.n. vir 3 mense. Eenhede: Vanaf R300 p.n. vir 2 mense. 083 276 5081 (Mariesa; stuur WhatsApp); andrev@gds.co.za Diep ini Bos het ’n netjiese kampplek en twee selfsorgchalets met slaapplek vir 6 mense elk. Dis teen die Enzelsberg, en jy kan na die Watervalkloof stap van hier af. Klein honde is welkom, maar jy moet vooraf reël. Koste Kamp: R300 p.n. vir 2 mense. Chalets: R2 400 p.n. 083 555 6953 (Tersia; stuur WhatsApp) Ancient City is op dieselfde plaas waar jy na die ruïnes van Kaditshwene kan kyk.…

• Jy het nie ’n gids nodig nie – die roete is maklik om te volg – jy stap dieselfde pad op en af. • As jy aandete en ontbyt by dieselfde teehuis eet, bly jy verniet. • Koop ’n watersuiweringstel en behandel die kraanwater. Drinkwater kan duur raak – tot Rs300 (sowat R60) per liter. Plus, dis beter vir die omgewing (minder plastiekbotteltjies). • Ek het Rs3 000 (R600) per dag begroot, maar het op die ou einde net Rs1 500 (R300) per dag uitgegee. • Nepal is veilig en die Langtangstaptog perfek vir alleenreisigers. Ek het veilig gevoel as vrou en het gou vriende gemaak met ander alleenreisigers. • Trouens, ek het stappers van reg oor die wêreld ontmoet. Die meeste mense stap teen hulle eie pas, maar jy loop dikwels dieselfde mense ’n…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Vye met bloukaas en ham Beïndruk jou gaste met dié voorgereg wat indrukwekkend lyk, maar verspotmaklik is om te maak. Baie dankie aan die leser Juliette Newman van Port Elizabeth wat dit gestuur het. Genoeg vir 6 as voorgereg Bereidingstyd 10 minute Gaarmaaktyd Sowat 5 minute Jy benodig • 12 ryp vye • 12 repies panchetta of swartwoudham • 1 houertjie (200 g) bloukaasgegeurde roomkaas • ciabattabrood om voor te sit Só maak jy 1 Sny ’n kruisie in elke vy en draai ’n repie rokerige ham om elkeen. Pak hulle in ’n groot vuurvaste pan of in individuele pannetjies. 2 Smelt die kaas in ’n potjie en giet dit oor die vye. 3 Sorg dat daar genoeg brood is om die sous in die pannetjie op te vee. Jy kan ook die vye…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

’N TANGO MET TAKSONOMIE Sewehonderd-twee-entwintig illustrasies lê voor my – een van elke voëlspesie in Suid-Afrika. Ek het elkeen geteken, gedruk, uitgeknip en op my kantoorvloer uitgepak. Nou lê ’n uitdagende taak voor my: Hoe gaan ek die voëls in my nuwe veldgids orden? Ek kan hulle alfabeties lys of hulle saam groepeer op grond van eetgewoontes, habitat, kleur of verwantskap. Wêreldwyd verkies die meeste voëlgidse laasgenoemde. Maar hoe weet jy of voëls aan mekaar verwant is? In 1990 het twee Amerikaanse bioloë, Charles Sibley en Jon Ahlquist, ’n knuppel in die voëlklassifikasiehoenderhok gegooi. Vantevore het taksonome staatgemaak op fisieke eienskappe (snawels, tone, vere) om vas te stel of voëls verwant is. Maar as voëls in dieselfde omgewing hou en dieselfde kos vreet, lei dit dikwels tot ’n evolusie –…

LEPELAARS TAKEL MEKAAR, KRUGER Ons het in November 2018 die Krugerwildtuin saam met familie besoek. Vroeg een oggend vertrek ons uit Skukuza na Onder-Sabie en ry met die bekende H4-1-rivierpad. Later stop ons by die Sunsetdam naby Onder-Sabie. Dis een van ons gunsteling-koffiedrinkplekke, want daar is altyd beweging van ’n verskeidenheid diereen voëlspesies. Ek het my Canon EOS 7D met ’n Canon 100-400 mm-lens by my gehad. Met ons aankoms om 8.30 vm. het ons naby die droë boom geparkeer. Regs van ons het ’n lepelaar rustig in die water gewei. Daar was net drie voertuie by die Sunsetdam en ons het dus ’n onbelemmerde uitsig gehad. ’n Paar minute later land daar ’n tweede lepelaar by die eerste een, en onmiddellik begin die water in alle rigtings spat soos…

Jy kruie teen ’n pas uit, waarskynlik in donkierat sodat jy die rotse en slote kan vermy. Jy draai na jou geliefde wat met strak oë na die afgrond aan die linkerkant loer en sê: Skattebol, dís hoekom ons ’n 4x4 gekoop het. Verbeel jou ons het hierdie probeer doen in ons ou…” Maar jou selfregverdigende monoloog word onderbreek deur ’n Honda Jazz wat regs verby skiet. Gevolg deur ’n Toyota Hi-Ace propvol passasiers en bagasie wat twee keer toet voor dié jou ook verbysteek. Niks krenk die ego van ’n 4x4-eienaar soos ’n padreis deur Lesotho nie! Ek het breed geglimlag toe ek Rey Janse van Rensburg se storie op bl.130 lees oor sy avonture in ’n kanniedood Kombi uit die jare sewentig. In hierdie era van verbruikersdruk waar…

Gaan stap Hier is verskeie staproetes in die Umlalazi-natuurreservaat, insluitend die Swamp Forest Trail, die Siyaya-duinewoudroete en die River Mouth Trail. As jy ’n ietsie van alles wil sien, las die Swamp Forest Trail aan die Siyaya-duinewoudroete (ek en Ernie het dit gestap). Hierdie sirkelroete neem jou verby raffiapalmbome, deur inheemse woud en ’n manglietmoeras en oor duine na die strand. Die roete neem tot 90 minute, afhangend hoe lank jy jouself aan die raffiapalms vergaap. Kaarte is beskikbaar by die reservaat se kantoor – dis oop Maandag tot Saterdag van 8 vm.-4 nm. en Sondag van 8 vm.-1.30 nm. ( 035 340 1836). Toegang kos R30 p.p. Die hek is by Wildernislaan 35, en dis oop elke dag van 5 vm. tot 10 nm. Mik strand toe Jy bereik…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Jy kan volgende maand ’n Weg-kamerasak ter waarde van R520 wen! Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se lense” gepubliseer word. Dié produk is beskikbaar by winkel.weg.co.za…

Die Feestyd is ’n tyd vir bederf en dankie sê: Aan vriende, familie en kollegas wat jou deur nóg ’n jaar bygestaan het. Hier is ’n paar wyne om hulle – en jouself – te bederf. Ek is dol op die etiket van die Waterkloof Circle of Life White Blend 2016 (R160). Dis stylvol, maar herinner steeds aan die beginsels van dié organiese, biodinamiese wynlandgoed. Hierdie versnit bestaan hoofsaaklik uit sauvignon blanc met chenin en ’n tikkie sémillon daarby. Dis natuurlik gefermenteer in tenks en “sementeiers,” wat die geure goed laat meng en die wyn ’n heerlike tekstuur gee. Dis ’n gawe geskenk met ’n inspirerende agtergrond oor die omgewing en ons verhouding met die grond. Die prys van ’n bottel De Grendel Rubaiyat 2015 (R350) klink dalk styf vir…

FRANSE CAMINO Die Franse Weg is die gewildste van al die roetes op die Camino de Santiago. Op dié toer stap jy die laaste sowat 115 km van Sarria af tot by die katedraal in Santiago de Compostela – ver genoeg sodat jy jou Compostela (jou sertifikaat van voltooiing) kan afhaal. Die roete is nie te moeilik nie en die afstande per dag nooit te ver nie (die kwaaiste dag is 25 km). Beginners is welkom. Weg sê Jy sien verskeie outentieke Spaanse dorpe langs die pad, eet tradisionele Spaanse kos en ontmoet pelgrims van die wêreld oor op die roete. Die laaste dag, wanneer jy die “Berg van Vreugde” (dis eintlik net ’n heuweltjie) na Santiago oorsteek, is ’n groot lekkerte. Wanneer? 3 tot 12 April 2020 Hoeveel?…

RASPERPUNTROETE, AGULHAS Ek wed jou jy hou al jare lank vakansie op Struisbaai of Agulhas en het nog nooit die Rasperpuntroete gestap nie. Dalk het jy nog nie eens daarvan gehoor nie?! Dié kort roete in die Agulhas- nasionale park is ’n goeie manier om die verskillende dele van die park van sowat 219 km² te verken: Van ’n skeepswrak en verlate baaitjies tot kusfynbos en ’n varswaterfontein neffens die see. Die roete begin by die bekende Meisho Maru No. 38-skeepswrak waarvan jy al talle foto’s gesien het. Die wrak lê redelik na aan die kus; dus kan jy maklik ’n netjiese foto daarvan met ’n gewone kamera neem. Hierdie Japannese vistreiler het in 1982 aan die kus gestrand. Gelukkig kon al 17 bemanningslede land toe swem. Sowat 240 ton…

Die Swahili-woord “safari” beteken “reis”, en Tanzanië is beslis ’n hoogtepunt op ons epiese reis. Net soos ander natuurliefhebbers het ons grootoog gekyk na die fantastiese natuurfoto’s op blink tydskrifblaaie. Ons moes besluit wat ons regtig wou sien en ons roete dienooreenkomstig beplan. Tanzanië is groot en ons kon nie alles inpas nie. Dus het ons gemik na die groot parke in die noorde van die land: Die Manyarameer, die Ngorongoro-bewaringsgebied, Tarangire en die Serengeti, met ’n kort kuier by die Natronmeer. Afrika se “Tuin van Eden” was vol beloftes van natuurskoon en diere en ons was meer as gereed. Troopy-spore Sake by die Namaga-grenspos tussen Kenia en Tanzanië was maklik – die beamptes het nie eens na ons voertuig gekyk nie. Ons het direk (100 km) na die Arusha-lughawe…

Vir die grootste deel van my kort loopbaan in die joernalistiek is ek by kuns en vermaak betrokke. As iemand dink hy kan sing, of daar is ’n sussie wat vermoed sy is familie van Renoir of ’n ander een maak papier uit olifantmis – dan kontak hulle my. Ek skryf ’n artikel en hopelik sien ons hulle iewers op TV of iemand vra eendag hulle handtekening. Ek hou daarvan om te dink dat ek ’n natuurlike aanvoeling het vir die fyner dinge in die lewe. Ek kan nie eens ’n mengelslaai maak sonder om die kleurwiel in ag te neem nie. My geregte is gewoonlik kubisme-geïnspireerde kunswerkies. My ouers spot altyd en sê dis oor ek so oor die detail tekere gaan dat ek beswaarlik hare op my kop…

Waarna sien jy uit by Weg? Om nuwe bestemmings te ontdek, avonturiers en lesers se reiswenke te lees en om interessante dinge oor die natuur te leer (wat ek graag met my kinders deel). Dis natuurlik ook lekker om die nuutste toerusting vir die buitelewe te toets! Ek gaan kamp nooit sonder... sonroom nie. Dit klink dalk na ’n cliché, maar min dinge bederf ’n vakansie soos om ná dag een soos ’n bloedrooi kreef te lyk. O, en my Waboba-bal – dié bons op water! Wat maak jy oor naweke? Ek vat gereeld my kinders, Georgie (5) en Carter (2), na Boulders, Kommetjie of Muizenberg se strand. Ek en my vrou, Jess, probeer om een keer elke twee maande ’n nuwe plek saam met vriende te verken. Ons noem…

Wreed én mooi is die dood – Verhale oor verlies, hunkering en heling Saamgestel deur Tobie Wiese Jonathan Ball, R270 in boekwinkels “Doodgaan is nie vir sissies nie. Dis vir ons almal.” Só meen die teoloog en skrywer Christina Landman in haar bydrae tot hierdie puik én nodige boek oor die laaste reis wat vir ons almal voorlê. Die joernalis Tobie Wiese het ’n roerende bundel met meer as 30 verhale saamgestel deur van ons voorste skrywers en denkers, wat ook Weg-mense soos Dana Snyman en Johan van Wyk insluit. In die Inleiding beskryf Wiese die boek se doelwit: “Om die groot stilte oor die dood – die ontkenning daarvan deur swye – te help verbreek.” Genadedood, raad vir rou en genesing, gedagtes oor wat ná die dood gebeur…

Verby plase met name soos Valkevallei en Knoffelfontein, verby leiklipgroewe, wildplase, beesplase – al langs die Klein-Maricorivier. Die landskap daal effens, en daar lê Zeerust. Dis nou as jy dit uit die suide benader, soos ek op ’n dag in Mei. Coetzee-Rust is waar die naam vandaan kom: Eers die plaas van ene Casper Coetzee in 1858, en later Diederik Coetzee, wie se idee dit was om ’n dorpie hier te stig. En so het dit gebeur. In 1867 is erwe verdeel en teen 1880 is dit tot dorp verklaar. En nou? Nou is ek hier. ’n Nartjie uit Mangope se boord Ek het vir Vermaak Senosi belowe wanneer ek eendag langer as ’n halfuur op Zeerust is, gaan ek vir hom kom kuier. Vermaak is ’n boskok vir Bhejane…

• Indien jy self jou rugsak dra, hou dit 10 kg of ligter – hoog in die berge gaan jou lyf bly wees. ’n Portier kos sowat US$20 (R300) per dag. • Jy kan al jou staptoerusting in Katmandoe koop of huur. Donsbaadjies en -slaapsakke kan gehuur word teen US$1 (R15) per dag. Shona’s Alpine is die beste stapwinkel in die stad. Ek het ’n puik donsbaadjie daar gekoop teen ’n derde van wat dit in Suid-Afrika kos. • Jy het nie swaar stapstewels nodig nie – veldlooptekkies is voldoende. • Moenie te veel klere pak nie. Spoel jou hemp en broek uit en laat dit oornag droog word. Bygesê, niemand kyk hoe skoon jy of jou klere is nie. • Kontant is koning: Hier is geen kitsbanke op die…

ARTHUR JONES Toerustingredakteur Thule Ride Along Lite Dié fietsstoeltjie vir kinders is vernuftig ontwerp en ’n veilige manier vir Basjan om saam met Pa te ry. Hy is selfs geskik om hom vroegoggend by die kleuterskool af te laai: Geen verkeer nie en vars lug! Die raam is lig (3,4 kg), maar kan tot 22 kg dra (ongeveer ’n sesjarige kind). Die stoel het ’n verstelbare driepuntharnas, ’n kinderbestande veiligheidsgespe, en beskermingsholtes wat jou kind se hande veilig hou wanneer die fiets byvoorbeeld teen ’n muur leun. Die stoeltjie het ’n Dualbeam-veringstelsel wat sorg dat jou passasier nie rondbons nie. En natuurlik kan die stoel verwyder word as jy sonder ’n kind wil trap. R2000 by Thule Stores Salomon Supercross Trail Shoes In die vakansie eet ’n mens baie en…

‘Jou vierde Camino?” vra een van die stappers op die eerste dag verbaas op die lughawe. “Hoekom?!” “Vra my op die laaste dag of jy dink een keer is genoeg,” antwoord ek. Dis die reine waarheid. Die Camino-staptog is soos eet sum more-koekies – een gaan nooit genoeg wees nie. Trouens, ek is ná my vierde Camino oortuig ek wil vir die res van my lewe minstens ’n week elke jaar kom stap. Dít het ek besef na ’n middagslapie in ’n hotel langs ’n meer net buite die dorpie Rendondela. Ek het vreeslik uitgebrand gevoel voor die staptog en het opnuut besef hoe ideaal so ’n pelgrimsreis is om te rus en weer energie op te bou. Dis soos ’n retreat, net met meer oefening en beter kos. Die…